Fjórir íslenskir skákmenn að tafli í Sardinia

Fjórir íslenskir skákmenn sitja að tafli á alþjóðlegu skákmóti í Portu Mannu á ítölsku eyjunni Sardinia. Þar fer frestur í flokki stórmeistarinn og landsliðsmaðurinn Þröstur Þórhallsson (2425) en auk hans taka Stefán Bergsson (2077), Gunnar Björnsson (2063) og Heimir Páll Ragnarsson (1423) þátt.

Þröstur og Stefán unnu í gær, Heimir gerði jafnefli en Gunnar tapaði. Í dag teflir Þröstur við kínverska stórmeistarann Ni Hua (2653), sem er stigahæstur keppenda, og geta áhugasamir fylgst með henni í þráðbeinni kl. 13 í dag.

113 skákmenn taka þátt frá 16 löndum. Þröstur er sjötti í stigaröð keppenda.

• Heimasíða mótsins
• Beinar útsendingar (kl. 13)

Caruana eftur á No Logo Norway Chess

Caruana er efstur á No Logo Norway Chess að lokinni fjórðu umferð mótsins sem fór í gær. Hann gerði jafntefli við Giri. Öllum skákunum lauk annars með jafntefli nema að Karjakin vann Grischuk. Caruana hefur 3 vinninga og Kramnik er annar með 2,5 vinning. Carlsen gerði jafntefli við Topalov og Agdestein við Kramnik. Norðmennirnir hafa gert jafntefli í öllum sínum skákum.

Fimmta umferð hefst kl. 13:30. Nigel Short og Dirk Jan Geuzendam með skákskýringar.

• Heimasíða mótsins
• Beinar útsending

Dagur efstur á Meistaramóti Skákskólans

Dagur Ragnarsson er efstur með 4,5 vinning að loknum 5 umferðum á Meistaramóti Skákskóla Íslands en í gær voru tefldar fjórða og fimmta umferð. Birkir Karl Sigurðsson, Oliver Aron Jóhannesson og Bárður Örn Birkisson koma næstir með 4 vinninga. Sjötta umferð hefst kl. 10.   

Mótið á Chess-Results.

Landsmót UMFÍ 50+ á Húsavík 20.-22. júní

Landsmót UMFÍ 50+ sem haldið verður á Húsavík 20. - 22. júní. Til hliðarer veggspjald með upptalningu á greinum sem keppt verður í (má stækka með því að tvíklikka).

Keppt verður meðal annars í Skák. Dagskrá og frekari upplýsingar eru inn á www.umfi.is

 

Dagur og Birkir Karl efstir á Meistaramóti Skákskóla Íslands

Dagur Ragnarsson og Birkir Karl Sigurðsson eru efstir og jafnir eftir þrjár  umferðir á Meistaramóti Skákskóla Íslands. At-skákhluta mótsins lauk á föstudagskvöldið en þá voru tefldar þrjár umferðir með tímamörkunum  25 10. Kappskákhlutinn hefst á laugardagsmorguninn kl. 10 en tímamörkin eru 90 30.

Í humátt á eftir Degi og Birki Karli koma Oliver Aron Jóhannesson og Símon Þórhallsson með 2½ vinning. 

Helgi Ólafsson hélt stutt ávarp við setningu mótsins þar sem hann m.a. ræddi um gildi meistaramótsins. Það hefði fest sig í sessi. Að þessu sinni væru 22 ungir og efnilegir skákkrakkar skráðir til leiks, aðeins færri en á síðasta ári þegar 30 tefldu um meistaratignina - en við Hvítasunnuhelgi og góða veðurspá væri að keppa að þessu sinni og það hefði einhver áhrif. Helgi beindi orðum sínum til þeirra yngstu þegar hann sagði að sigurvegarar fyrri ára hefðu einnig hafið ferilinn með þátttöku í þessu móti og einnig þeir hefðu þurft að glíma við sér eldri og sterkari meistara. Mjór er mikils vísir og því til sönnunar sagði Helgi frá því að nýbakaður Skákmeistari Íslands, Guðmundur Kjartansson, hefði sigrað á þessu móti á sínu síðasta ári, eftir þáttöku í mörgum áður. Helgi rakti feril Guðmundar og sagði hann lifandi sönnun þess að eljusemi og ástundun borguðu sig. Helgi sagði mótið því næst sett og bað Guðmund um að leika fyrsta leik í skák Bárðar Arnar Birkissonar og Dags Ragnarssonar.

 

Mótið á Chess-Results.

Mjóddarmót Hugins fer fram 14. júní

Mjóddarmótið fer fram laugardaginn 14. júní í göngugötunni í Mjódd.  Mótið hefst kl. 14 og er mótið öllum opið. Góð verðlaun í boði.  Á síðasta ári sigraði Gámaþjónustan ehf en fyrir þá tefldi Daði Ómarsson.  Tefldar verða sjö umferðir með sjö mínútna umhugsunartíma.  Skráning fer fram í síma 866-0116 og á heimasíðu Hugins Þátttaka er ókeypis!

Mjóddarmótið var fyrst haldið 1999 og hét þá Kosningamót Hellis og fór fram á kjördegi. Á fyrsta mótinu sigraði Hannes Hlífar Stefánsson sem tefldi fyrir Símvirkjann. Mótið fékk fljótlega nafnið Mjóddarmót Hellis enda ekki hægt að halda kosningamót á hverju ári og ekki var mögulegt að halda mótið á kjördegi eftir Taflfélagið Hellir flutti í núverandi húsnæði. Núna tekur Skákfélagið Huginn við mótinu eftir sameiningu félaganna Goðans-Máta og Hellis undir nafni Hugins. 

Verðlaun eru sem hér segir:

• 1. 15.000
• 2. 10.000
• 3.   5.000

Skráning:

• Heimasíða Hugins
• Sími: 866 0116

Lokapistill frá No Logo Norway Chess - Caruana efstur

Caruana er efstur með 2,5 vinning að lokinni þriðju umferð No Logo Norway Chess sem fram fór í gær. Carlsen mátti teljast seigur að halda jafntefli gegn Ítalanum unga. Kramnik vann Giri, Kog Grischuk vann Aronian eftir að hafa yfirspilað hann í byrjun skákarinnar.  Glæsilegur 14. leikur hvíts gerði út um skákina eins lesendur Fréttablaðsins geta séð í fyrramálið.

Agdestein var nærri því að leggja Karjakin að velli en náði því ekki. Karjakin hefur nú ekki unnið skák í síðustu 18 kappskákum. Að lokum gerðu Topalov og Svidler tilþrifalítið jafntefli.

Caruana er efstur eins og áður sagði með 2,5 vinning en Grischuk og Kramnik eru næstir með 2 vinninga. Carlsen, Aronian og Agdestein hafa svo 1,5 vinning. Frammistaða þess síðastanefnda hefur vakið athygli og ljóst að Norðmenn eru til alls líklegir á næsta ólympíuskákmóti með þá Carlsen, Agdestein og Hammer á 1.-3. borði. Ég heyrði að Nigel Short hældi Agdestein sérstaklega í gær.

Minn maður á mótinu er Grischuk en ég hef hrifist af honum sem skákmanni og ekki síður persónu. Gríðarlega skemmtilegur skákstíll og skemmtilegur karakter. Topalov er þó sá aðili sem langmest minglar af keppendunum.  Einnig hef ég gaman að Kramnik sem er bæði léttur, brosmildur og kátur. Það vakti það athygli mína hversu vel fór á með Rússunum þremur (Karjakin ekki meðtalinn - enda fæddur í Úkraínu) og Kasparov. Það er greinilegt að andstæða Rússa við Kasparov nær ekki til þeirra bestu skákmanna. 

Í dag er svo frídagur en á morgun er svo teflt í Sandnesi. Mótið er alloft flutt til en eins og áður sagði er hér hópur af Dönum sem heldur alfarið utan um beinar útsendingar. Þessi hópur tekur saman töflin á hverjum mótsstað og setur upp á nýjum. Þetta er sami hópur og heldur utan um Politiken Cup og flest mót Kaupamannahafnar. Miklir fagmenn. Þetta er mennirnir á bakvið tjöldin í bókstaflegri merkingu en aðstæða þeirra er bakvið tjaldið þar sem útsendingunni er varpað á.

Sem fyrr vil ég hæla Norðmönnunum fyrir afar gott mótshald. Mér skilst að mótið kosti um kosti um 120 milljónir króna. Ekki eru greiddar komuþóknanir en verulega há verðlaun er á mótinu (€275.000).

Í fyrradag var svo endanlega ljóst að Ólympíuskákmótið verður haldið í Tromsö þegar stjórnvöld samþykktu framlag upp á 12 milljónir norska króna. Það verður án efa afar flott mót. Rétt er þá að taka fram að mótshaldarar á Ólympíuskákmótinu og No Logo Norway Chess eru á engan hátt þeir sömu en forseti norska skáksambandsins Jöran Aulin-Jansson er þó reyndar í mótsnefndum beggja móta. Að öðru leyti er gerólíkur hópur sem stendur að mótinu

Verðlagið í Noregi er úti í hött en stór bjór (0,6 lítrar) kostaði um 1.900 kr. á flugvellinum þar sem ég lagði lokahöndina á lokapistilinn!

Sjálfur hef ég lokið störfum og er farinn frá Stafangri og leita nú nýrra ævintýra. Ég er mótshöldurum mjög þakklátur fyrir að hafa boðið mér að taka þátt í þessu verkefni og hlakka til þess að koma til Tromsö í ágúst.

Gunnar Björnsson

Myndaalbúm 3. umferðar (GB)

Meistaramót Skákskóla Íslands hefst í kvöld

Meistaramót Skákskóla Íslands fyrir starfsárið 2013/2014 hefst föstudaginn 6. júní. Tefldar verða sjö umferðir eftir svissneska kerfinu. Þátttökurétt hafa nemendur skólans og allir þeir sem tekið hafa þátt í námskeiðum á vegum  skólans eða hlotið þjálfun á vegum skólans. 

Núverandi meistari  Skákskóla Íslands er Nökkvi Sverrisson

Þátttökuréttur:

Allir nemendur skólans og þeir sem tekið hafa þátt í námskeiðum á vegum skólans.

Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku.

Dagskrá mótsins verður með eftirfarandi hætti:

Umferðafjöldi: Sjö umferðir. Í þrem fyrstu umferðunum verða tefldar atskákir en fjórar lokaumferðirnar eru kappskákir.

Tímamörk: Atskákir:  25 10  þ.e 25 mínútur að viðbættum sekúndum fyrir hvern leik. 

Kappskákir:  90 30 þ.e. 90 mínútur á alla skákina og 30 sekúndur bætast við eftir hvern leik.

Fyrirkomulag: Svissneska kerfið - swiss perfect.

Skákstig: Mótið verður reiknað til skákstiga.  Fjórar síðustu umferðirnar eru reiknaðar til íslenskra- og alþjóðlegra stiga. At-skákirnar eru ekki reiknaðar til stiga. 

Verðlaun:

A:

1. verðlaun:

Meistaratitill Skákskóla Íslands 2012/2013 og farandbikar. Einnig  flugfar með Icelandair á Evrópuleið* og uppihalds kostnaði kr. 30 þús.

2. verðlaun: Flugfarmiði á leiðum Icelandair á Evrópuleið.

3. - 5. verðlaun: Vandaðar skákbækur.

Verðlaun fyrir keppendur 12 ára og yngri.

1. - 3. verðlaun: Vandaðar skákbækur.

 

Verðlaun fyrir krakka 8 ára og yngri

1. - 3. verðlaun: Vandaðar skákbækur. 

 

* ^{Mótshaldarinn áskilur sér rétt til að finna hagstæðasta fargjald sem hægt er að fá enda verði tilkynnt um ferðir með góðum fyrirvara.} 

* Verðlaunahafi verður að nýta sér farmiða innan 12 mánuða frá lokum mótsins.

 

B:

 

Dagskrá:

1. umferð: Föstudagurinn 6. júní kl. 18  

2. umferð: Föstudagurinn 6. júní kl. 19

3. umferð. Föstudagurinn 6. júní kl. 20.

 

4. umferð: Laugardagurinn 7. júní kl. 10-14  

5. umferð: Laugardagurinn 7. júní kl. 15 - 19

 

6. umferð: Sunnudagurinn 8. júní kl. 10.-14.

7. umferð: Sunnudagurinn 8. júní kl. 15-19.

 

Verðlaunaafhending fer fram strax að móti loknu.

Athugið að hver keppandi getur tekið ½ vinnings yfirsetu í 1.-6. umferð. Tilkynna skal fyrir mótið hvenær óskað er yfirsetu.

Þátttöku skal tilkynna í síma SÍ 56 89141 á netfangið [e-mail] eða [e-mail] .

Mótsnefnd áskilur rétt til að gera breytingar á fyrirfram boðaðri dagskrá.

Fjöltefli við útitaflið þann 17. júní

Eins og síðustu ár stendur Skákakademía Reykjavíkur fyrir fjöltefli á 17. júní við útitaflið í Lækjargötu. Að þessu sinni verða það landsliðsmennirnir Hjörvar Steinn Grétarsson og Guðmundur Kjartansson sem tefla við gesti, en Guðmundur er nýkrýndur Íslandsmeistari eins og alkunna er.

Hefja þeir félagar taflið um 14:00 og stendur það til 16:00. Engin skráning, bara mæta.

 

Caruana með fullt hús á No Logo Norway Chess

Ítalinn ungi Fabiano Caruana er efstur með fullt hús að loknum tveimur umferðum á No Logo Norway Chess-mótinu sem er í fullum gangi í Stafangri. Í gær vann hann Peter Svidler í hörkuskák þar sem hann fórnaði manni fyrir óljósar bætur. Gríðarlega vel undirbúinn hann Carauna og frábær skákmaður. Hann er kominn í 2800 skákstig á "Live Ratings". 

Aronian vann Karjakin og þar með var settur endi á jafnteflisseríu Karjakin sem hafði gert 17 jafntefli í röð! Aronian var kampakátur í gær en hann sagðist vera að hefna fremur nýlegra ófara. Karjakin hefur ekki aðstoðarmann eins og svo margir - en er með eiginkonu með í för.

Grischuk vann svo Topalov í gríðarlegri skemmtilegri skák.  Ég hef gaman af Topalov. Hann er afskaplega afslappaður. Í gærkveldi sat hann úti með okkur nokkrum og drakk Mojito! Ég sagði honum frá því að við hefðum mæst á Eddu-móti Hróksins 2003 og þá kom í ljós að hann mundi vel eftir því sem og einnig byrjun skákarinnar!

Agdestein byrjar vel og gerði jafntefli við Giri í gær. Þeir brutu 40 leikja regluna. Virðist hafa gleymt henni. Ekki varð þeim gerð refsing en lokastaðan var steindautt jafntefli með mislitum biskupum. 

Carlsen virkilega reyndi að vinna Kramnik sem svörtu en Rússinn var vandanum vaxinn. Eftir skákina spjölluðu þeir lengi vel um hana í skáksalnum á meðan nánast allir norskir fjölmiðlar biðu eftir þeim frammi! Fjölmiðlafulltrúinn var að fara á taugum!

Það er gaman að fylgjast með þessum köppum. Haldi menn að þeir séu fastir með borðið sitt alla skákina er það mikill misskilningur. Þeir eru mikið á ferðinni og skoða gjarnan skákir annarra. Sérstaklega sitja Kramnik og Svidler lítið við borðið - standa nánast upp eftir hvern leik. Keppendur hafa aðgang að hvíldarherbergi þar sem þeir geta reyndar séð skákirnar á tölvuskjá. Eru töluvert þar.Það er algeng sjón að sjá aðeins 5-6 skákmenn af 10 sitja við borðið.

Giri er ákaflega líflegur og með skemmtilegan kæk. Hann rúllar peði í hringi í sífellu. Ég tek líka eftir því að þetta fer ekki í taugarnar á andstæðingum hans. Ég held að skákmenn á þessu leveli láti einfaldlega ekki slíkt fara í taugarnar á sér.

Eins og ég sagði í gær er skipulagning góð. Mótshaldarar hafa greinilega samið við Mini en hér eru allir keyrðir fram og aftur á Mini-bílum merktum mótinu en skákstaðurinn er í um 15-20 akstursfæri frá hótelinu sem við búum á.

Þriðja umferð, síðasta umferðin sem ég tek þátt í, hefst kl. 13:30. Skora á menn að fylgjast með á heimasíðu mótsins. Hér er teflt að krafti! Aðalskák umferðarinnar er að sjálfsögðu skák Carlsen og Caruana.

Gunnar Björnsson

Myndaalbúm (GB)