Dagur endaði með 4,5 vinning

Alþjóðlegi meistarinn Dagur Arngrímsson (2390) átti ekki gott mót á Albena í Búlgaríu sem lauk í dag. Dagur hlaut 4,5 vinning í 9 skákum og endaði í 76.-95. sæti. Frammistaða hans samsvaraði 2145 skákstigum og lækkar hann um 25 skákstig fyrir hana.

• Heimasíða mótsins
• Chess-Results

Björn Jónsson endurkjörinn formaður TR

Aðalfundur Taflfélags Reykjavíkur var haldinn fyrir skömmu í salarkynnum félagsins og var mæting góð að vanda. Björn Jónsson var endurkjörinn formaður TR með lófaklappi sem þykir til marks um blómlegt starf félagsins á síðasta starfsári undir skeleggri forystu Björns.

Tveir nýjir stjórnarmenn hlutu brautargengi á fundinum, þeir Gauti Páll Jónsson og Birkir Bárðarson. Þeir koma í stað Þorsteins Stefánssonar og Ólafs Ásgrímssonar sem ganga úr stjórn.

Í aðalstjórn félagsins fyrir næsta starfsár voru kosnir þeir Björn Jónsson, Ríkharður Sveinsson, Þórir Benediktsson, Bragi Thoroddsen, Þorsteinn Olaf Sigurjónsson, Kjartan Maack og Gauti Páll Jónsson.

Í varastjórn félagsins fyrir næsta starfsár voru kosin þau Sigurlaug R. Friðþjófsdóttir, Áslaug Kristinsdóttir, Torfi Leósson og Birkir Bárðarson.

Landsmót 50+ á Húsavík - Skráningarfrestur rennur út annað kvöld

Margir hafa skráð sig til keppni á Landsmót 50+ sem fram fer um komandi helgi, 20-22 júní á Húsavík. Lokað hefur verið fyrir skráningu í Boccia og Bogfimi, en í aðrar greinar hefur skráningarfresturinn verið framlengdur til miðnættis annað kvöld, miðvikudagskvöld 18. júní og þar á meðal í skák. Allir sem eru fæddir 1964 eða fyrr geta tekið þátt í mótinu. Keppni í skák, sem fer fram í Borgarhólsskóla, hefst kl 13:00 laugardaginn 21. júní og stendur fram eftir degi. Tefldar verða 25 mín skákir og fer umferðafjöldin eftir þátttöku.  Hermann Aðalsteinsson er mótssjóri.

Allir sem skrá sig til keppni VERÐA að koma við hjá mótsstjórn sem er staðsett á Grænatorginu í íþróttahúsinu á Húsavík og fá þar keppnisgögn og armbönd og greiða keppnisgjaldið hafi þeir ekki gert það í gegnum skráningarsíðu UMFÍ. Eins er hægt að skrá sig til leiks í skák á laugardaginn á Grænatorginu og fá armbönd. Keppnisgjaldið er 3.500 kr og gildir skráningin líka í allar aðrar greinar sem keppt er í á mótinu. Það skal tekið sérstaklega fram að enginn fær að keppa nema sýna armböndin.

Skráning fer fram hér

Góð byrjun fyrsta borðs manna Íslands í Teplice

Stórmeistarinn Hannes Hlífar Stefánsson (2540) er með fullt hús að loknum þremur umferðum á opnu móti sem nú er í gangi í Teplice í Tékklandi. Lenka Ptácníková (2264), stórmeistari kvenna, hefur 2,5 vinning og hefur m.a. gert jafntefli við stigaháan alþjóðlegan meistara (2482). Guðlaug Þorsteinsdóttir (2005), þriðji íslenski keppandinn, hefur hlotið 1 vinning.

Hannes verður í beinni útsendingu á sjálfan þjóðarhátíðardaginn kl. 14 þar sem hann teflir við þýska alþjóðlega meistarann Sebastian Pliscki (2422).

Alls taka 160 keppendur þátt frá 23 löndum. Þar af eru 16 stórmeistarar og 15 alþjóðlegir meistarar. Hanns er nr. 10 í stigaröð keppenda.

• Heimasíða mótsins
• Beinar útsendingar (kl. 14)

Fjöltefli við útitaflið í dag

Eins og síðustu ár stendur Skákakademía Reykjavíkur fyrir fjöltefli á 17. júní við útitaflið í Lækjargötu. Að þessu sinni verða það landsliðsmennirnir Hjörvar Steinn Grétarsson og Guðmundur Kjartansson sem tefla við gesti, en Guðmundur er nýkrýndur Íslandsmeistari eins og alkunna er.

Hefja þeir félagar taflið um 14:00 og stendur það til 16:00. Engin skráning, bara mæta.

 

Hraðkvöld Hugins fer fram í kvöld

Skákfélagið Huginn heldur hraðkvöld mánudaginn 16. júní nk. og hefst tafliðkl. 20:00. Tefldar verða 7 umferðir með sjö mínútna umhugsunartíma. Teflt er í félagsheimili Hugins í Álfabakka 14a í Mjóddinni.

Sigurvegarinn á hraðkvöldinu fær í verðlaun máltíð fyrir einn á Saffran. Einnig verður dreginn út af handahófi annar keppandi sem einnig fær máltíð fyrir einn á Saffran. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Frú Sigurlaug sem Einar Hjalti Jensson tefldi fyrir sigraði á Mjóddarmótinu

Einar Hjalti Jensson sem tefldi fyrir Frú Sigurlaugu og Oliver Aron Jóhannesson sem tefldi fyrir Landsbankann urðu efstir og jafnir með 6v á Mjóddarmótinu sem fram fór laugardaginn 14. júní. sl. Einar Hjalti hafði svo sigur í mótinu með einu stigi meira en Oliver Aron. Í 3. sæti, með 5,5 vinning, varð Davíð Kjartansson (Efling stéttarfélag )

41 skákmaður tók þátt sem gerir þetta Mjóddarmót eitt það fjölmennast sem haldið hefur verið. Mótið fór vel fram og var afar jafnt og spennandi og réðust úrslitin ekki fyrr en í lokaumferðinni, Aðstæður voru á skákstað voru með ágætum en það var skýjað en úrkomulaust svo það sást ágætlega þegar röðun í umferðir og stöðunni var varpað á hvítan vegginn í göngugötunni í Mjódd.

Lokastaðan á Mjóddarmótinu:

Röð     Nafn                                                                             Vinn. M-Buch.

1. Frú Sigurlaug, Einar Hjalti Jensson,                             6         22.0
2. Landsbankinn hf, Oliver Aron Jóhannesson,        6         21.0
3. Efling stéttarfélag, Davíð Kjartansson,                     5.5      21.5
4. GM Einarsson, Sigurður Daði Sigfússon,                 5         21.0
5. Lyfjaval i Mjódd, Örn Leó Jóhannsson,                     5         19.5
6. Sorpa, Arnaldur Loftsson,                                                 5         18.0
7. Valitor, Bragi Halldórsson,                                               5         18.0
8. Lyf og Heilsa, Guðmundur Gíslason,                          4.5      26.0
9. Prinsinn söluturn, Hjörvar Steinn Grétarsson,    4.5      22.5
10. Íslandsbanki, Gunnar Freyr Rúnarsson,                   4.5      16.5
11. Íslandspóstur, Gylfi Þórhallsson,                                  4         24.0
12. Slökkvilið Höfudborgarsv., Dagur Ragnarsson,    4         23.5
13. Suzuki bílar, Jón Trausti Harðarson,                           4         22.0
14. Hjá Dóra, Þorvarður Fannar Ólafsson,                      4         21.0
15. Ökuskólinn i Mjódd, Þór Valtýsson,                            4         19.5
16. Nettó í Mjódd, Magnús Magnússon,                          4         19.5
17. Einar Valdimarsson, HS Orka                                          4         19.5
18. Kaupfélag Skagfirðinga, Vignir Vatnar Stefanss. 4         19.0
19. Gauti Páll Jónsson,                                                                4         17.5
20. ÍTR, Sigurður Ingason,                                                          4         16.0
21. Hörður Aron Hauksson,                                                 3.5         15.0
22. Finnur Kr. Finnsson,                                                          3.5         15.0
23. Jón Úlfljótsson,                                                                     3.5        13.5
24. Hjálmar Sigurvaldason,                                                       3         20.5
25. Birkir Karl Sigurðsson,                                                         3        18.5
26. Einar S. Einarsson,                                                                  3        17.5
27. Gámaþónustan, Elsa María Kristínardóttir,          3        17.0
28. Jón Víglundsson,                                                                    3        16.0
29. Hörður Jónasson,                                                                  3        14.5
30. Sigurður Freyr Jónatansson,                                          3         13.5
31. Björgvin Krisbergsson,                                                    2.5        17.0
32. Óskar Víkingur Daviðsson,                                           2.5       15.0
33. Gunnar M. Nikulásson,                                                   2.5        14.0
34. Kristinn Andri Kristinsson,                                             2          16.0
35. Ásgeir Sigurðsson,                                                                2         15.0
36. Þorsteinn Magnússon,                                                       2         14.5
37. Gunnar Friðrik Ingibergsson,                                         2         13.0
38. Pétur Jóhannesson,                                                             2         12.5
39. Stefán Orri Davíðsson,                                                    1.5       13.5
40. Bjarki Arnaldarson,                                                            0.5       11.0
41. Óskar Long Einarsson,                                                       0           6.5

Karjakin sigurvegari No Logo Norway Chess

Sergei Karjakin virðist vera afar sigursæll á Norway Chess mótinu því hann sigraði á því í ár - annað skiptið í röð. Karjakin vann Caruana í lokaumferðinni. Carlsen sem vann Agdestein í lokaumferðinni varð annar og Grischuk, sem vann Kramnik, varð þriðji.

Lokastöðu mótsins má nálgast hér. 

 

• Heimasíða mótsins
• Beinar útsending

Skákþáttur Morgunblaðsins: Verðskuldaður sigur

Sigur Guðmundar Kjartanssonar í landsliðsflokki á Skákþingi Íslands sem lauk um síðustu helgi virtist kom sumum á óvart, einkum þeim sem horfa á elo-stig sem nánast óbrigðulan mælikvarða. Þeir sem hafa verið að fylgjast með Guðmundi undanfarin misseri vita að hann má vera hagsýnni í ákvörðunum. Þar hefur hann enn verk að vinna en á Íslandsmótinu voru þessir þættir ekki vandamál. Guðmundur tefldi best allra og sigurinn var sanngjarn og hefði getað orðið stærri; í lokaumferðinni var hann peði yfir í endatafli og hafði allar forsendur til að halda áfram skákinni við Hjörvar Stein Grétarsson. En með jafntefli sló hann tvær flugur í einu höggi; varð Íslandsmeistari og samhliða datt inn áfangi að stórmeistaratitli. Lokastaðan var þessi:

1. Guðmundur Kjartansson 6 ½ v. (af 9) 2.-3. Héðinn Steingrímsson og Hannes Hlífar Stefánsson 5 ½ v. 4. - 5. Þröstur Þórhallsson og Henrik Danielsen 5 v. 6. Hjörvar Steinn Grétarsson 7. Helgi Áss Grétarsson 5 v. 8. - 9. Bragi Þorfinnsson og Einar Hjalti Jensson 3 ½ v. 10. Guðmundur Gíslason 2 v.

Henrik Danielsen tefldi betur en vinningatalan segir til um. Hannes og Héðinn reyna of oft að fá vinninga úr stöðum sem „tefla sig sjálfar". Stundum gengur það upp; Einar Hjalti rataði í stöðu gegn Hannesi, sem Bent Larsen fékk upp gegn Jens Enevoldsen árið 1956 eins og „aðvífandi áhorfandi" á hliðarlínunni var fljótur að benda á. Héðinn Steingrímsson reif sig upp um miðbik móts og átti góða möguleika á Íslandsmeistaratitlinum en tapaði fyrir Helga Áss í næstsíðustu umferð. Hjörvar Steinn virtist missa móðinn eftir góða byrjun.

Íslandsmeistaranum gekk sérlega vel með Hollensku vörnina, vann bæði Braga og Helga Áss. Sigurinn yfir Braga kom á besta tíma:

7. umferð:

Bragi Þorfinnsson - Guðmundur Kjartansson

Hollensk vörn

1. Rf3 f5 2. d3 Rc6 3. e4 e5 4. exf5 Rf6 5. d4 exd4 6. Rxd4 Rxd4 7. Dxd4 d5 8. Rc3 Bxf5 9. Bg5 Bxc2!

Guðmundur mætir hótun um langa hrókun - og eftir atvikum drottningarskák á e5 - með þessu bíræfna „peðsráni".

10. Kd2?!

Ekki var auðvelt að finna góða leiki, t.d. 10. Bxf6 Dxf6! 11. Dxf6 gxf6 12. Rxd5 O-O-O! og hvíta staðan riðar til falls.

10. ... Bg6 11. He1 Kf7 12. Kc1 c6! 13. g4 Db6 14. Df4 Bb4!

Svartur er með hartnær unnið tafl eftir aðeins 14 leiki!

15. Bxf6 gxf6 16. He3 Hae8 17. Bd3 Hxe3 18. Bxg6 hxg6 19. fxe3 Dc5 20. Kc2 Dd6

Guðmundur lætur sér nægja betra endatafl peði yfir. Hann gat leikið 20. ... g5! 21. Dc7+ Kg6 með vinningsstöðu eða 21. Df3 Bxc3! 22. bxc3 Da3 o.s.frv.

21. h4 Dxf4 22. exf4 He8 23. Kd3 Bd6 24. Re2 He4 25. Hf1 c5 26. b3 b5 27. Rc3 Hd4 28. Kc2 a6 29. Re2 He4 30. Rc3 Hxf4 31. Hxf4 Bxf4 32. Rxd5 Be5 33. Kd3 Ke6 34. Re3 f5 35. gxf5 gxf5 36. a4 f4

( STÖÐUMYND )

37. Rg4?

Eftir þennan leik knýr Guðmundur fram sigur. Eina vonin var að skjóta inn 37. axb5 þar sem 37. ... fxe3 strandar á 38. bxa6 Bb8 39. Kxe3 og hvítur heldur jafntefli. En eftir 37. ... axb5 ætti svartur að vinna.

37. ... c4+! 38. bxc4 bxa4

Með frípeð sitt á hvorum vængnum er eftirleikurinn auðveldur.

39. Kc2 f3 40. h5 Bd4 41. h6 f2 42. Rxf2 Bxf2 43. Kb2 Kf7 44. Ka3 Kg6 45. Kxa4 Bb6 46. c5 Bd8 47. Kb4 Kxh6 48. Kc4 Kg6 49. Kd5 a5 50. c6 Bc7

- og Bragi gafst upp.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Laugardagsmogganum, 7. júní 2014

Skákþættir Morgunblaðsins

[Event "Icelandic Chess Championship - Masters Section"] [Site "Kopavogur, Iceland"] [Date "2014.05.30"] [Round "7.1"] [White "Thorfinnsson, Bragi"] [Black "Kjartansson, Gudmundur"] [Result "0-1"] [WhiteElo "2459"] [BlackElo "2439"] [ECO "A04"] [LiveChessVersion "1.4.2"] 1. Nf3 f5 2. d3 Nc6 3. e4 e5 4. exf5 Nf6 5. d4 exd4 6. Nxd4 Nxd4 7. Qxd4 d5 8. Nc3 Bxf5 9. Bg5 Bxc2 10. Kd2 Bg6 11. Re1+ Kf7 12. Kc1 c6 13. g4 Qb6 14. Qf4 Bb4 15. Bxf6 gxf6 16. Re3 Rae8 17. Bd3 Rxe3 18. Bxg6+ hxg6 19. fxe3 Qc5 20. Kc2 Qd6 21. h4 Qxf4 22. exf4 Re8 23. Kd3 Bd6 24. Ne2 Re4 25. Rf1 c5 26. b3 b5 27. Nc3 Rd4+ 28. Kc2 a6 29. Ne2 Re4 30. Nc3 Rxf4 31. Rxf4 Bxf4 32. Nxd5 Be5 33. Kd3 Ke6 34. Ne3 f5 35. gxf5+ gxf5 36. a4 f4 37. Ng4 c4+ 38. bxc4 bxa4 39. Kc2 f3 40. h5 Bd4 41. h6 f2 42. Nxf2 Bxf2 43. Kb2 Kf7 44. Ka3 Kg6 45. Kxa4 Bb6 46. c5 Bd8 47. Kb4 Kxh6 48. Kc4 Kg6 49. Kd5 a5 50. c6 Bc7 0-1

Landsmót UMFÍ 50+ á Húsavík um næstu helgi

Landsmót UMFÍ 50+ sem haldið verður á Húsavík 20. - 22. júní. Til hliðarer veggspjald með upptalningu á greinum sem keppt verður í (má stækka með því að tvíklikka).

Keppt verður meðal annars í Skák. Dagskrá og frekari upplýsingar eru inn á www.umfi.is