Afar góð frammistaða Lenku í Teplice

Lenka Ptácníková (2264) stóð sig afar vel á opna skákmótinu í Teplice í Tékklandi sem lauk í dag. Lenka tapaði reyndar tveimur síðustu skákunum - í lokaumferðinni fyrir Hannesi Hlífari Stefánssyni (2540) í uppgjöri fyrsta borðs manna Íslands. Lenka hlaut 5,5 vinning, endaði í 25.-47. sæti (25. sæti á stigum) og hlaut önnur verðlaun í kvennaflokki. 

Hannes Hlífar Stefánsson hlaut 6,5 vinning og endaði í 6.-14. sæti (13. sæti á stigum). Guðlaug Þorsteinsdóttir hlaut 4,5 vinning og endaði í 64.-90. sæti (88. sæti á stigum).

Frammistaða Lenku samsvaraði 2455 skákstigum og hækkar hún um heil 35 skákstig fyrir frammistöðu sína! Hún er því aftur komin yfir 2300 skákstigin. Litlar stigabreytingar eru hjá Hannesi (-2) og Guðlaugu (+1).

Alls tóku 160 keppendur þátt frá 23 löndum. Þar af voru 16 stórmeistarar og 15 alþjóðlegir meistarar. Hannes var nr. 10 í stigaröð keppenda og Lenka var nr. 39.

• Heimasíða mótsins
• Beinar útsendingar (kl. 14)

Ný íslensk skákstig

Ný íslensk skákstig er komin út og tóku gildi 1. júní sl. Íslandsmótið í skák er ekki reiknað með þar sem því móti lauk þann 1. júní. Jóhann Hjartarson er sem fyrr stigahæsti íslenski skákmaðurinn. Dagbjartur Ágúst Taylor Eðvarðsson er stigahæstur 10 nýliða. Gauti Páll Jónsson hækkar mest frá mars-listanum.

Topp 20

Jóhann Hjartarson (2603) er stigahæstur. Jafnir í 2.-3. sæti eru Hannes Hlífar Stefánsson og Margeir Pétursson (2589).

 

No.	Name	RtgC	Diff	Cat	Club
1	Jóhann Hjartarson	2603	-13	-	TB
2	Hannes H Stefánsson	2589	-6	-	TR
3	Margeir Pétursson	2589	0	-	TR
4	Helgi Ólafsson	2548	9	-	TV
5	Héðinn Steingrímsson	2545	0	-	Fjölnir
6	Hjörvar Grétarsson	2535	58	-	Víkingaklúbburinn
7	Jón Loftur Árnason	2514	1	-	TB
8	Henrik Danielsen	2503	-6	-	TV
9	Helgi Áss Grétarsson	2498	6	-	Huginn
10	Stefán Kristjánsson	2480	-15	-	Huginn
11	Friðrik Ólafsson	2459	-15	SEN	TR
12	Karl Þorsteins	2457	-1	-	TR
13	Bragi Þorfinnsson	2434	-5	-	TB
14	Þröstur Þórhallsson	2428	-3	-	Huginn
15	Jón Viktor Gunnarsson	2425	1	-	TB
16	Arnar Gunnarsson	2400	4	-	TR
17	Dagur Arngrímsson	2400	-2	-	TB
18	Guðmundur Kjartansson	2396	14	-	TR
19	Björn Þorfinnsson	2390	-4	-	Víkingaklúbburinn
20	Magnús Örn Úlfarsson	2366	-11	-	Víkingaklúbburinn

Nýliðar

Dagbjartur Ágúst Taylor Eðvarðsson (1524) er stigahæstur nýliða. Næsthæstur er félagi hans Héðinn Sveinn Baldursson Briem (1410) og þriðji er Árni Jóhannesson (1341).

 

No.	Name	RtgC	Cat	Club
1	Dagbjartur Ágúst Taylor Eðvarðsson	1524	-	Víkingaklúbburinn
2	Héðinn Sveinn Baldursson Briem	1410	-	Víkingaklúbburinn
3	Árni Jóhannesson	1341	-	Mosfellsbær
4	Arnar Erlingsson	1335	-	SSON
5	Hans Adolf Linnet	1191	U18	Haukar
6	Jakub Piotr Statkiewicz	1139	U14	Huginn
7	Björn Ólafur Haraldsson	1070	U12
8	Adam Omarsson	1000	U08	Huginn
9	Gabríel Ingi Jónsson	1000	U12
10	Jón Aðalsteinn Hermannsson	1000	U16	Huginn

Mestu hækkanir

Gauti Páll Jónsson hækkaði mest frá mars-listanum eða um heil 205 skákstig. Vignir Vatnar Stefánsson (174) og Símon Þórhallsson (171) koma næstir.

 

No.	Name	RtgC	Diff	Cat	Club
1	Gauti Páll Jónsson	1845	205	U16	TR
2	Vignir Vatnar Stefánsson	2058	174	U12	TR
3	Símon Þórhallsson	1832	171	U16	SA
4	Kristinn J Sigurþórsson	1652	140	-
5	Jakob Alexander Petersen	1441	118	U16	TR
6	John Ontiveros	1730	117	-	UMSB
7	Jón Kristinn Þorgeirsson	2033	113	U16	SA
8	Baldur Teodor Petersson	1545	107	U14	TG
9	Jón Þór Helgason	1503	105	-	Haukar
10	Hörður Jónasson	1439	104	-	Vinaskákfélagið

Unglingar (U20)

Dagur Ragnarsson (2218) er stigahæstur ungmenna. Í öðru sæti er Oliver Aron Jóhannesson (2213) og þriðji er Nökkvi Sverrisson (2085).

 

No.	Name	RtgC	Diff	Cat	Club
1	Dagur Ragnarsson	2218	61	U18	Fjölnir
2	Oliver Aron Jóhannesson	2213	82	U16	Fjölnir
3	Nökkvi Sverrisson	2085	32	U20	TV
4	Jón Trausti Harðarson	2078	-20	U18	Fjölnir
5	Örn Leó Jóhannsson	2066	35	U20	SR
6	Vignir Vatnar Stefánsson	2058	174	U12	TR
7	Mikael Jóhann Karlsson	2056	-13	U20	SA
8	Patrekur Maron Magnússon	2046	0	U20	SFÍ
9	Jón Kristinn Þorgeirsson	2033	113	U16	SA
10	Emil Sigurðarson	1938	46	U18	SFÍ

Stigahæstu skákkonur landsins

Lenka Ptácníková (2225) er stigahæsta skákkona landsins. Í næstum sætum eru Guðlaug Þorsteinsdóttir (1995) og Hallgerður Helga Þorsteinsdóttir (1962).

 

No.	Name	RtgC	Diff	Cat	Club
1	Lenka Ptácníková	2225	17	-	Huginn
2	Guðlaug U Þorsteinsdóttir	1995	-50	-	TG
3	Hallgerður H Þorsteinsdóttir	1962	11	-	Huginn
4	Tinna Kristín Finnbogadóttir	1882	15	-	UMSB
5	Jóhanna Björg Jóhannsdóttir	1835	-15	-	Huginn
6	Guðfríður L Grétarsdóttir	1817	0	-	Huginn
7	Elsa María Krístinardóttir	1797	12	-	Huginn
8	Harpa Ingólfsdóttir	1789	0	-	TR
9	Sigurlaug R Friðþjófsdóttir	1731	60	-	TR
10	Sigríður Björg Helgadóttir	1725	0	-	Fjölnir

 
Öðlingar (60+)

Friðrik Ólafsson (2459) er langstigahæstur öðlinga. Í næstum sætum eru Kristján Guðmundsson (2273) og Jón Kristinsson (2241).

 

No.	Name	RtgC	Diff	Club
1	Friðrik Ólafsson	2459	-15	TR
2	Kristján Guðmundsson	2273	-2	Huginn
3	Jón Kristinsson	2241	-31	SA
4	Áskell Örn Kárason	2198	-10	SA
5	Jón Hálfdánarson	2187	0	TG
6	Björn Þorsteinsson	2181	0	Huginn
7	Magnús Sólmundarson	2178	0	SSON
8	Jón Torfason	2175	0	KR
9	Arnþór S Einarsson	2148	3	KR
10	Bragi Halldórsson	2128	-13	Huginn

 

Reiknuð mót

• Íslandsmót skákfélaga, 1.-4. deild
• Landsmótið í skólaskák, eldri og yngri flokkur
• N1 Reykjavíkurskákmótið
• NM stúlkna (a-, b- og c-flokkur)
• Skákmót öðlinga
• Skákþing Norðlendinga (5.-7. umferð)
• Wow air Vormót TR (a- og b-flokkur)

 

 

Áskell Landsmótsmeistari 50+ í skák

Áskell Örn Kárason UFA vann öruggan sigur í skák á Landsmóti 50+ sem fram fór á Húsavík í gær. Áskell vann allar sínar skákir þrjár að tölu. Jón Arnljótsson UMSS varð annar með 1,5 vinninga, Ólafur Ásgrímsson ÍBR þriðji með 1 vinning og Ámann Olgeirsson HSÞ fjórði með 0,5 vinninga.

Tefldar voru atskákir með 25 mín. umhugsunartíma á mann. Mótið fór fram í Borgarhólsskóla á Húsavík og var Hermann Aðalsteinsson skákstjóri.

Lenka og Hannes með góð úrslit í gær

Lenka Ptácníková (2264) gerði í gær jafntefli við hollenska stórmeistarann Dimitry Reinderman (2617) á opna skákmótinu í Teplice í Tékklandi. Lenka hefur nú 5,5 vinning og er í 4.-8. sæti. Hannes Hlífar Stefánsson hefur 5 vinninga eftir sigur á þýskum FIDE-meistara (2299).

Guðlaug Þorsteinsdóttir (2005) heldur áfram að tapa og vinna til skiptist og hefur 3 vinninga.

Bæði Lenka og Hannes verða í beinni í dag kl. 14. Lenka teflir við þýska stórmeistarann Henrik Teske (2508) og Hannes við pólska alþjóðlegan meistarann Lukasz Butkiewich (2436).--

Alls taka 160 keppendur þátt frá 23 löndum. Þar af eru 16 stórmeistarar og 15 alþjóðlegir meistarar. Hannes er nr. 10 í stigaröð keppenda og Lenka er nr. 39.

• Heimasíða mótsins
• Beinar útsendingar (kl. 14)

Magnus Carlsen heimsmeistari í hraðskák

Magnus Carlsen varð í gær heimsmeistari í hraðskák þegar mótinu lauk í Dubai. Magnús er þar með þrefaldur heimsmeistari en fyrr í vikunni varð hann heimsmeistari í atskák. Magnús er fyrsti skákmaður sögunnar til að hampa öllum þessum titlum. 

Magnús hlaut 17 vinninga í 21 skák. Í 2.-3. sæti urðu Ian Nepomniachtchi og Hikaru Nakamura með 16 vinninga. 

Lokastöðuna má nálgast á Chess-Results.

Heimasíða mótanna

Lenka í banastuði í Teplice - vann stórmeistara í gær

Lenka Ptácníková (2264) heldur áfram að standa sig frábærlega á opna skákmótinu í Teplice í Tékklandi. Í gær í sjöttu umferð vann hún úkraínska stórmeistarann Eduard Andreev (2492). Lenka hefur 5 vinninga og er í 3.-7. sæti. 

Hannes tapaði í gær fyrir pólskum alþjóðlegum meistara (2418) og hefur 4 vinninga. Guðlaug Þorsteinsdóttir (2005) tapar og vinnur til skiptist og hefur 3 vinninga.

Lenka verður í beinni útsendingu í dag sem hefst kl. 14. Þá teflir hún við hollenska stórmeistarann Dimitry Reinderman (2617).

Alls taka 160 keppendur þátt frá 23 löndum. Þar af eru 16 stórmeistarar og 15 alþjóðlegir meistarar. Hannes er nr. 10 í stigaröð keppenda og Lenka er nr. 39.

• Heimasíða mótsins
• Beinar útsendingar (kl. 14)

Sumarnámskeið Skákskólans hefjast í næstu viku

Skákakademía Reykjavíkur og Skákskóli Íslands efna til tveggja skáknámskeiða í sumar fyrir krakka fædda 2001-2007. Hvort námskeið er vika í senn.

Hvenær? Fyrra námskeiðið verður kennt 23. - 27. júní.

Seinna námskeiðið verður kennt 30. júní - 4. júlí.

Skipt verður í stelpuflokk og strákaflokk. Kennt verður alla virka daga vikunnar. Stelpuflokkur er frá 09:30 - 10:30 og strákaflokkur frá 10:40-11:40.

Fyrir hverja? Námskeiðin eru sérstaklega ætluð ungum skákkrökkum, fæddum 2001-2007, sem hafa æft skák í vetur í skólanum sínum, hjá taflfélögunum eða Skákskóla Íslands. Allir eru þó velkomnir en þurfa að kunna mannganginn og skák og mát. Hámarksþátttökufjöldi er 20 á hvert námskeið. Skipt verður í nokkra hópa í hverjum tíma eftir kunnáttu og reynslu.

Hvað verður kennt? Áhersla verður lögð á áætlanagerð og ákvarðanatökur auk þess sem farið verður yfir skákbyrjanir. Kennt verður 45mín. í hverjum tíma og teflt í 15mín. með áherslu á efni tímans.

Hvar? Skákskóla Íslands Faxafeni 12.

Hverjir kenna? Hjörvar Steinn Grétarsson stórmeistari, Stefán Bergssonskákkennari, Siguringi Sigurjónsson skákkennari, Björn Ívar Karlssonskákkennari og Ingibjörg Edda Birgisdóttir skákkennari. Þá mun kvennalandslið Íslands koma að æfingunum. Í hverjum tíma verða 3-4 kennarar.

Hvað kostar? Eitt námskeið er á 6.000 kr. en séu bæði tekin kosta þau samtals 10.000 kr. Systkinaafsláttur er 50%.

Skráning? [e-mail] Fram þarf að koma nafn þátttakenda og fæðingarár. Nafn og kennitala greiðanda. Enn er opið fyrir skráningu.

Magnus Carlsen efstur á heimsmeistaramótinu í hraðskák

Í dag fór fram fyrri dagur heimsmeistaramótsins í hraðskák. Að loknum 11 umferðum er Magnus Carlsen efstur með 9 vinninga. Í 2.-3. sæti með 8,5 vinning eru Georg Meier og Nakamura. Góð staða þessa þess fyrrnefnda vekur óneitanlega athygli. Anand og Caruana hafa 7,5 vinning en Aronian hefur aðeins 6,5 vinning.

Á morgun verða tefldar umferðir 12.-21. Taflmennskan hefst kl. 11 í fyrramálið og hægt er að fylgjast með mótinu í beinni.

Heimasíða mótanna

Magnus Carlsen heimsmeistari í atskák

Magnus Carlsen (2881) bætti enn einni rósinni hnappagatið þegar hann sigraði á Heimsmeistaramótinu í hraðskák sem lauk í dag í Dubai. Carlsen hlaut 11 vinninga í 15 skákum og varð hálfum vinningi fyrir ofan Caruana (2791), Anand (2785), Aronian (2815) og Morozevich (2731). Næstu tvo daga fer svo fram Heimsmeistaramótið í hraðskák. Það verður fróðlegt að sjá hvort Carlsen bæti enn einum heimsmeistaratitlinum við í safnið.

Hægt er að fylgjast með mótinu í beinni en það hefst kl. 11 í fyrramálið.

Heimasíða mótanna

Hannes og Lenka í hópi efstu manna í Teplice

Stórmeistarinn Hannes Hlífar Stefánsson (2540) byrjaði afar vel á alþjóðlegu móti í Teplice í Tékklandi og vann fjórar fyrstu skákirnar. Í dag tapaði hann fyrir bandaríska stórmeistaranum Daniel Naroditsky (2559) og hefur 4 vinninga. Lenka Ptácníková (2264) hefur einnig byrjað glimrandi. Hún hefur einnig fjóra vinninga en í dag vann hún tékkneska alþjóðlega meistarann Lukas Cernousek (2456). Guðlaug Þorsteinsdóttir (2005) tapaði og hefur 2 vinninga. 

Hannes verður í beinni útsendingu á morgun en þá teflir hann við pólskan alþjóðlegan meistara.

Alls taka 160 keppendur þátt frá 23 löndum. Þar af eru 16 stórmeistarar og 15 alþjóðlegir meistarar. Hanns er nr. 10 í stigaröð keppenda.

• Heimasíða mótsins
• Beinar útsendingar (kl. 14)