Haustnámskeið Skákskóla Íslands hefjst vikuna 15.-21. september

Haustnámskeið Skákskóla Íslands 

hefjast vikuna 15. - 21. september

10 vikna námskeið

Úrvalsflokkar

Úrvalsflokkar eru ætlaðir nemendum sem hafa 1400 ELO-stig eða meira. Foreldrar eða forráðamenn taflfélaga geta sótt um og eru hvattir til að sækja um þjálfun og kennslu fyrir börn og unglinga. Helgi Ólafsson, Davíð Ólafsson, Hjörvar Steinn Grétarsson eru meðal þeirra sem hafa séð um þessa kennslu. Þessir nemendur hafa fengið og fá einkaþjálfun hjá reyndum stórmeisturum. Skákskólinn sér um þjálfun þeirra sem tefla fyrir Íslands á hönd á alþjóðlegum mótum t.d. heimsmeistaramóti unglinga sem fram fer í Durban í Afríku í september og Evrópumóti ungmenna í  Batumi í Georgíu sem hefst í október nk.     

Framhaldsflokkar

Þessir flokkar eru ætlaðir krökkum sem þegar hafa öðlast nokkra reynslu í keppnum eða jafnvel t.d. með skólaliðum og vilja auka við styrk sinn. Nýjasti stórmeistari Íslendinga Hjörvar Steinn Grétarsson og Björn Ívar Karlsson sem báðir eru þrautreyndir skákkennarar munu sjá um kennslu fyrir þennan hóp. 

Námskeiðin verða tvisvar á viku. Á laugardögum kl. 14:00-15:30  og á þriðjudögum kl. 15:30-17:00. Verð kr. 22.000.

Skákkennsla í Kópavogi

Skákskóli Íslands hefur frá haust ársins 2010 staði fyrir skákkennslu í Stúkunni á Kópavogsvelli. Skákskólinn tengist því verkefni sem Skákdeild Breiðabliks með Halldór Grétar Einarsson og Birkir Karl Sigurðsson hafa umsjón með en Helgi Ólafsson stórmeistari og skólastjóri Skákskólans mun áfram sjá um skákkennslukennslu á laugardögum fyrir þá ungu skákmenn sem þegar hafa öðlast nokkra reynslu í opinberum mótum og hafa e.t.v. ELO-stig þó það sé ekki endilega skilyrði. Foreldrar og áhugasamir aðilar geta haft samband á skrifstofu skólans og sótt sérstaklega um að fá að taka þátt í þessum tímum.

Stúlknanámskeið 7 - 12 ára

Landsliðskonurnar Hallgerður Helga Þorsteinsdóttir og Tinna Kristín Finnbogadóttur munu sjá um skáknámskeið fyrir stúlkur á aldrinum 7 - 12 ára. Námskeiðin hefjast sunnudaginn 20. september. Foreldrar stúlkna á þessum aldri eru hvattar til að mæta í fyrsta tíma sunnudaginn 20. september sem jafnframt er  kynningarfundur.  

Námskeiðin eru kl. 11 á sunnudögum. Verð kr. 14.000.

Upplýsingar um önnur námskeið á vegum skólans verða kynnt síðar.

Skráning á námskeiðin fer fram á www.skak.is. 

Nánari upplýsingar má einnig fá á skrifstofu skólans í síma 568 9141568 9141 eða í gegnum netföngin [e-mail] (skrifstofa SÍ) eða [e-mail] (Skólastjóri).

Heimasíða Skákskóla Íslands

Call

Send SMS

Add to Skype

You'll need Skype CreditFree via Skype

Skákkennsla grunnskólabarna á Selfossi

Fischersetrið á Selfossi mun í samstarfi við Sveitarfélagið Árborg og Skákskóla Íslands standa fyrir skákkennslu fyrir grunnskólabörn í Fischersetrinu á laugardögum frá kl. 11.00-12.30. Yfirumsjón með kennslunni hefur Helgi Ólafsson, stórmeistari og skólastjóri Skákskóla Íslands.

Alls verða þetta 10 laugardagar og fyrsti tími verður laugardaginn 20. sept. nk. 

Þeir sem hafa áhuga á skákkennslunni eru beðnir um að  mæta u.þ.b. 30 mínútum  áður en fyrsta æfing hefst til að ganga frá skráningu og greiðslu nemendagjalds sem er kr. 4.500 fyrir þessi 10 skipti.

Varðandi frekari upplýsingar þá vinsamlegast hringið í síma 894 1275894 1275 eða sendið tölvupóst á  netfangið [e-mail]

Fischersetrið á Selfossi.

Call

Send SMS

Add to Skype

You'll need Skype CreditFree via Skype

Flugfélagssyrpa Hróksins hefst í hádeginu á föstudag: Allir velkomnir

Flugfélagssyrpa Hróksins 2014 hefst föstudaginn 12. september kl. 12.10 í Pakkahúsi Hróksins við Reykjavíkurhöfn. Tefldar eru 5 umferðir með 5 mínútna umhugsunartíma á 5 mótum sem haldin verða næstu 5 föstudaga. Gefin eru stig fyrir frammistöðu og telja 3 bestu mótin. Sigurvegari syrpunnar fær ferð fyrir 2 til Grænlands með Flugfélagi Íslands. Í lokin verður nafn eins keppanda dregið út og fær viðkomandi lukkunnar pamfíll sömuleiðis ferð fyrir 2 til Grænlands.

Meðal keppenda verða skákmeistararnir Jóhann Hjartarson, Helgi Ólafsson, Guðmundur Kjartansson Róbert Lagerman og Ingvar Þór Jóhannesson. Mótin eru öllum opin og þáttaka er ókeypis.

Flugfélagssyrpan er haldin í Pakkahúsinu, sem vígt var um síðustu helgi. Þar er miðstöð fatasöfnunar Hróksins og félaga fyrir börn á Austur-Grænlandi. Þessi frábæra aðstaða, sem Brim hf. leggur til, hentar líka mjög vel til taflmennsku. Pakkahúsið er í vöruskemmu Brims hf. við Geirsgötu, rétt hjá Hamborgarabúllunni og beint á móti DV. Skimið eftir fánum og blöðrum.

Með Flugfélagssyrpunni vilja Hrókurinn og FÍ krydda skáklífið með skemmtilegum og snörpum hraðskákmótum, þar sem léttur andi ríkir. FÍ hefur frá upphafi staðið með Hróknum að landnámi skákíþróttarinnar á Grænlandi, auk þess að styðja mörg önnur samfélagsverkefni hjá okkar góðu nágrönnum.

 Skráning og skráðir keppendur 

Stelpuæfingar Hugins byrja í dag

Stelpuæfingar Skákfélagsins Hugins eru byrjaðar en þær verða í vetur á miðvikudögum og hefjast kl. 17:15. Fyrirkomulagið þannig á æfingunum verða 5 eða 6 umferðir með umhugsunartíma 10 eða 7 mínútur. Einnig verður farið í dæmi og endatöfl eins og tími vinnst til. Einhverjar æfingar verða einnig eingöngu teknar undir kennslu. Æfingarnar eru opnar öllum  stelpum á grunnskólaaldri. Ef ástæða er til verður skipt í tvo flokka eftir aldri og styrkleika á sumum æfingum. Engin þátttökugjöld.

Æfingarnar verða haldnar í félagsheimili Hugins í Álfabakka 14a, Mjódd. Inngangur er við hliðina á Subway en salur félagsins er á þriðju hæð hússins. Umsjón með æfingunum hefur Elsa María Kristínardóttir.

Davíð sigurvegari Meistaramóts Hugins - Dawid skákmeistari Hugins

Davíð Kjartansson (2331) hélt áfram sigurgöngu sinni á Meistaramóti Hugins í kvöld þegar hann áttundu skákina í röð! Fórnarlamb kvöldins var Vigfús Ó. Vigfússon (1962). Sævar Bjarnason (2095) varð í öðru sæti með 7 vinninga og Stefán Bergsson (2098) varð þriðji með 6 vinninga. Fjórði varð Dawid Kolka (1730) með 5,5 vinning. Dawid varð þar með skákmeistari Hugins á suðursvæði. Glæsilega gert hjá þessum unga og efnilega skákmanni.

Lokastöðu mótsins má nálgast á Chess-Results.

• Heimasíða Hugins
• Chess-Results

Björgvin í banastuði hjá Ásum í dag

Björgvin Víglundsson gaf engum manni grið í dag, hann vann alla sína andstæðinga tíu að tölu. Stefán Þormar náði öðru sæti með átta vinninga og Jón Þ Þór því þriðja með sjö og hálfan vinning. Guðfinnur R Kjartansson kom svo einu skrefi á eftir með sjö vinninga.

Það mættu þrjá tíu vígamenn til leiks í dag, margir  með ártuga reynslu í manndrápum á reitaða borðinu.

Sjá nánari úrslit frá ESE

 

 

 

Haustmót TR hefst á sunnudaginn

Haustmót Taflfélags Reykjavíkur 2014 hefst sunnudaginn 14. september kl.14. Mótið á 80 ára afmæli í ár, er eitt af aðalmótum vetrarins í reykvísku skáklífi og er jafnframt meistaramót T.R. Mótið er flokkaskipt og öllum opið.

Haustmótið fer fram í félagsheimili Taflfélags Reykjavíkur, skákhöllinni að Faxafeni 12. Tefldar verða tvær umferðir á viku. Alls eru níu umferðir í hverjum flokki. Lokuðu flokkarnir eru skipaðir tíu keppendum hver þar sem allir tefla við alla, en í opna flokknum er teflt eftir svissnesku kerfi.

Skráning fer fram á skak.is og einnig á heimasíðu T.R. Fylgjast má með skráningu hér.

Skráningu í alla lokaða flokka lýkur laugardaginn 13. september kl. 18.
Lokaumferð fer fram föstudaginn 17. október en mótinu lýkur með verðlaunaafhendingu sunnudaginn 19. október þegar Hraðskákmót T.R. fer fram.

Núverandi skákmeistari Taflfélags Reykjavíkur er Kjartan Maack.
 
Dagskrá:
1. umferð: Sunnudag 14. september kl.14.00
2. umferð: Miðvikudag 17. september kl.19.30
3. umferð: Sunnudag 21. september kl.14.00
4. umferð: Miðvikudag 24. september kl.19.30
5. umferð: Sunnudag 28. september kl.14.00

---Hlé vegna Islandsmóts skákfélaga---

6. umferð: Miðvikudag 8. október kl.19.30
7. umferð: Sunnudag 12. október kl.14.00
8. umferð: Miðvikudag 15. október kl. 19.30
9. umferð: Föstudag 17. október. kl.19.30

Verðlaun í A-flokki:
1. sæti kr. 100.000
2. sæti kr. 50.000
3. sæti kr. 25.000
4. og 5. sæti ókeypis í Skákþing Reykjavíkur 2015

Verðlaun í B-flokki:
1. sæti kr. 20.000
2.-3. sæti ókeypis í Skákþing Reykjavíkur 2015

Verðlaun í C-flokki:
1. sæti kr. 15.000
2. og 3. sæti ókeypis í Skákþing Reykjavíkur 2015

Verðlaun í opnum flokki:
1. sæti kr. 10.000
2. og 3. sæti ókeypis í Skákþing Reykjavíkur 2015

Ef lokuðum flokkum fjölgar þá verða verðlaun í þeim þau sömu og í C-flokki. Að auki ávinnur sigurvegari hvers flokks sér þátttökurétt í næsta styrkleikaflokki að ári liðnu. Verði keppendur jafnir í efstu sætum verður peningaverðlaunum skipt en stigaútreikningur látinn ráða lokaröð keppenda. Taflfélag Reykjavíkur áskilur sér jafnframt rétt til þess að halda eftir 25% af verðlaunafé þeirra sem ekki mæta á verðlaunaafhendinguna.

Tímamörk:
1 klst. og 30 mín. + 30 sek. á leik. Að loknum 40 leikjum bætast við 15 mínútur.

Þátttökugjöld:
3.500 kr. fyrir félagsmenn T.R. 16 ára og eldri (5.000 kr. fyrir aðra).
1.500 kr. fyrir félagsmenn T.R. 15 ára og yngri (2.500 kr. fyrir aðra).

Nýtt Fréttabréf SÍ

Nýtt Fréttabréf SÍ kom út fyrir skemmstu. Meðal efnis í fréttabréfinu er:

 

 

 

• Reykjavíkurskákmótið 2015 - Afmælismót Friðriks Ólafssonar
• Góð frammistaða á Ólympíuskákmóti
• Styrktaraðilar íslensku Ólympíuliðanna
• Íslandsmót skákfélaga
• Íslandsmót 50 ára + og 65 ára +
• Jómfrúin (Jón Viktor) sigurvegari Borgarskákmótsins
• Jón Kristinn sigurvegari Framsýnarmótsins
• Reykjavíkurskákmótið 2015 - Nýjustu skráningar
• Mót á döfinni

Fréttabréfið má nálgast hér.

Hægt er að skrá sig fyrir Fréttabréfinu sem kemur að jafnaði út tvisvar á mánuði yfir vetrarmánuðina ofarlega á vinstri hluta Skák.is.

Eldri fréttabréf má nálgast hér.

NM barnaskólasveita haldið á Hótel Selfossi næstu helgi

Norðurlandamót barnaskólasveita verður haldið á Hótel Selfossi næstu helgi. Þátt taka sex lið frá öllum Norðurlöndunum að Færeyjum undanskyldum.

Ísland á tvo lið á mótinu. Annars vegar eru það núverandi Íslands- og Norðurlandameistarar Álfhólsskóla frá Kópavogi og svo er það margfaldir Norðurlanda- og Íslandsmeistarar Rimaskóla.

Búast má að hart verði barist á skákborðinu enda tefla þarna margir af sterkustu og jafnframt efnilegustu skákkrökkum Norðurlandanna.

Heilmikið verður teflt á Selfossi um helgina fyrir utan sjálft mótið og verður meðal annars skákmót í Fischer-setri á laugardagskvöldið kl. 19:30 sem opið er gestum og gangandi.

Mótið hefst á föstudag kl. 10 og mun Ásta Stefánsdóttir, framkvæmdastjóri Árborgar, setja mótið og leika fyrsta leik þess.

Íslensku liðin skipa:

Sveit Álfhólsskóla

1. Felix Steinþórsson (1547)
2. Guðmundur Agnar Bragason (1346)
3. Halldór Atli Kristjánsson (1351)
4. Róbert Luu (1016)
5. Óðinn Örn Jakobsen

Sveit Rimaskóla

1. Nansý Davíðsdóttir (1531)
2. Kristófer Halldór Kjartansson (1000)
3. Joshua Davíðsson
4. Mikael Maron Torfason
5. Róber Orri Árnason

Heimasíða mótsins

Chess-Results

 

Íslandsmót skákfélaga fer fram 2.-5. október - félagaskiptafrestur rennur út 12. september

Fyrri hluti Íslandsmóts skákfélaga 2014-2015 fer fram dagana 2.-5. október nk.  Mótið fer fram í Rimaskóla í Reykjavík.  1. umferð (eingöngu í 1.deild) mun hefjast kl. 19.30 fimmtudaginn 2. október. Aðrar deildir munu hefja taflmennsku föstudaginn 3. okt. kl. 20.00 og síðan tefla laugardaginn 4. okt. kl. 11.00 og kl. 17.00 sama dag.  Síðasta umferðin í fyrri hlutanum hefst kl. 11.00 sunnudaginn 5. október.

Minnt er á að félagaskiptafrestur rennur út á miðnætti 12. september nk. Hægt er að fylgjast með nýjustu vendingum á félagaskiptamarkaðnum hér (innlendir) og hér (erlendir).

Skráning fer fram á Skák.is (guli kassinn efst) - upplýsingar um þegar skráðar sveitir má finna hér. Skráningarfrestur er fram til 22. september.

Umhugsunartími er 90 mín. á skákina + 30 sek. viðbótartími bætist við eftir hvern leik.

Þátttökugjöld:

• 1. deild                       kr. 55.000.-
• 2. deild                       kr. 50.000.-
• 3. deild                       kr. 15.000.-
• 4. deild                       kr. 15.000.-

Skáksamband Íslands mun greiða fargjöld utan stór-Reykjavíkursvæðisins samkvæmt reikningum fyrir sveitir í 1. og 2. deild.  Miða skal við einn brottfararstað á hverju svæði, t.d. Akureyri, Egilsstaði, Ísafjörð.  Sami háttur verður hafður í 3. og 4. deild og áður, þ.e. þátttökugjöld höfð lág en sveitirnar verða sjálfar að sjá um ferðakostnað á skákstað.

Minnt er á reglugerð um Íslandsmót skákfélaga og 3. kafla skáklaga Skáksambands Íslands sem varða Íslandsmót skákfélaga.

Vakin er athygli á viðbót við 2. grein reglugerðar um Íslandsmót Skákfélaga:

2. gr.

Framkvæmdanefnd Íslandsmóts skákfélaga, sem skipuð er af stjórn Skáksambands Íslands, ákveður töfluröð og skipar skákstjóra og umsjónarmenn Íslandsmóts skákfélaga.  Öllum taflfélögum, sem eiga sveitir í 1. deild, ber að útvega einn skákstjóra. 

Athugið að tilkynningar v. Keppendaskrár Skáksambands Íslands skulu hafa borist SÍ í síðasta lagi 12. september nk. sbr. 18. gr. skáklaga.

Vakin er athygli á eftirfarandi texta í 19. grein skáklaga:  „Fyrir upphaf 1.umferðar fyrri hluta ÍS skulu félögin skila inn styrkleikaröðuðum lista allra þeirra keppenda sem þeir hyggjast nota í keppninni."

Að gefnu tilefni er minnt á að nauðsynlegt er að skrá sveitir í keppnina, ekki síst í 4. deild.

Stjórn SÍ mælist til - af gefnu tilefni - að félögin skrái ekki fleiri sveitir til keppni en þau treysta sér til að manna í báðum hlutum keppninnar. 

Ath.  Seinni hluti Íslandsmóts skákfélaga verður færður aftur fyrir Reykjavíkurskákmótið vegna EM einstaklinga sem mun fara fram 23. febrúar - 7. mars.