Bein útsending frá NM barnaskólasveita

Heimasíða Skáksambandsins liggur niðri í augnablikinu. Fyrir þá sem vilja fylgjast með NM barnaskólasveita má finna beina útsendindingu frá annarri umferð hér og úrslit má finna á Chess-Results.

• Heimasíða mótsins
• Chess-Results
• Myndaalbúm (GB og SSB)

Álfhólsskóli vann Rimaskóla - Norðmenn og Danir byrja einnig vel

Norðurlandamót barnaskólasveita hófst í morgun á Hótel Selfossi. Ásta Stefánsdóttir, framkvæmdastjóri Árborgar setti mótið og lék fyrsta leikinn fyrir Nansý Davíðsdóttur hjá Rimaskóla. Það reyndist Nansý vel því hún vann Felix Steinþórsson, Álfhólsskóla. Það dugði hins vegar ekki fyrir Rimaskóla því Álfhólsskóli vann viðureignina 2,5-1,5.

Halldór Atli Kristjánsson vann Joshua Davíðsson og RobertLuu vann Mikael Maron Torfason. Guðmundur Agnar Bragason og Kristófer Halldór Kjartansson gerðu jafntefli í hörkuskák.

Danir unnu Finna örugglega 4-0 og Norðmenn unnu Svía með sama mun en þurftu þó meira að hafa fyrir hlutunum. Danir og sérstaklega Norðmenn virðast vera líklegir til afreka.

Önnur umferð hefst kl. 16. Álfhólsskóli mætir þá Dönum en Rimskælingar mæta Norðmönnum. Hægt verður að fylgjast með umferðinni í beinni útsendingu.

• Heimasíða mótsins
• Chess-Results
• Myndaalbúm (GB og SSB)

Huginn tekur þátt í Evrópukeppni taflfélaga

Skákfélagið Huginn, eitt íslenskra skákfélaga, tekur þátt í Evrópukeppni taflfélaga  sem fer fram í Bilbao á Spáni 14.-21. september. Félagið hefur ekki sent áður lið í Evrópukeppnina  en Hellir einn af forverum félagsins hefur mörgum sinnum sent lið til keppninnar og síðast var það 2011 þannig að það má segja að kominn hafi verið tími á það að senda lið aftur í keppnina.

Aðstæður og framkvæmd mótsins virðast vera til fyrirmyndar eins og fram kemur á heimasíðu mótsins ECC14. Þar er einnig hægt ad skoða þau lið sem taka þátt í keppninni. Það er tiltölulega þægilegt að komast á keppnisstað, tvö flug og liðið sótt út á flugvöll.

Liðinu fylgja bestu óskir um gott gengi en það skipa:

1.  Gawain Jones
2.  Robin van Kampen
3.  Þröstur Þórhallsson
4.  Einar Hjalti Jensson
5.  Hlíðar Þór Hreinsson
6. Magnús Teitsson
7. Vigfús Ó. Vigfússon varamaður og liðstjóri

Byrjendaæfingar TR hefjast næsta laugardag kl.11

Næstkomandi laugardag kl. 11:00 - 12:15 hefjast skákæfingar fyrir byrjendur hjá Taflfélagi Reykjavíkur í húsnæði félagsins að Faxafeni 12. Um er að ræða nýja barnaæfingu sem ætluð er þeim sem eru að taka sín fyrstu skref í skáklistinni.

Kennsluefni á þessum æfingum er eins og best verður á kosið og reyndist það afar vel á síðasta starfsári. Þjálfun og kennsla er í höndum þaulreyndra skákþjálfara sem allir hafa reynslu af starfi með börnum auk þess að vera sterkir skákmenn. Þeir krakkar sem ekki treysta sér til þess að taka beinan þátt á æfingunni eru velkomnir að koma á æfinguna og horfa á til að byrja með.

Byrjendaæfingarnar verða á hverjum laugardegi í vetur kl. 11:00 - 12:15. Hefðbundinn Laugardagsæfing fer einnig fram á hverjum laugardegi líkt og áður, klukkan 14:00 - 15:00. Félagsæfingar fyrir börn í TR eru svo haldnar strax í kjölfar Laugardagsæfinganna, eða klukkan 15:00 - 16:00.

Við hlökkum til að taka á móti ykkur á laugardaginn!

NM barnaskólasveita hefst í kl. 10 - beinar útsendingar!

Norðurlandamót barnaskólasveita verður haldið á Hótel Selfossi nú um helgina. Þátt taka sex lið frá öllum Norðurlöndunum að Færeyjum undanskyldum.

Ísland á tvo lið á mótinu. Annars vegar eru það núverandi Íslands- og Norðurlandameistarar Álfhólsskóla frá Kópavogi og svo er það margfaldir Norðurlanda- og Íslandsmeistarar Rimaskóla.

Búast má að hart verði barist á skákborðinu enda tefla þarna margir af sterkustu og jafnframt efnilegustu skákkrökkum Norðurlandanna.

Heilmikið verður teflt á Selfossi um helgina fyrir utan sjálft mótið og verður meðal annars skákmót í Fischer-setri á laugardagskvöldið kl. 19:30 sem opið er gestum og gangandi.

Mótið hefst  kl. 10 og mun Ásta Stefánsdóttir, framkvæmdastjóri Árborgar, setja mótið og leika fyrsta leik þess.

Íslensku liðin skipa:

Sveit Álfhólsskóla

1. Felix Steinþórsson (1547)
2. Guðmundur Agnar Bragason (1346)
3. Halldór Atli Kristjánsson (1351)
4. Róbert Luu (1016)
5. Óðinn Örn Jakobsen

Sveit Rimaskóla

1. Nansý Davíðsdóttir (1531)
2. Kristófer Halldór Kjartansson (1000)
3. Joshua Davíðsson
4. Mikael Maron Torfason
5. Róber Orri Árnason

Heimasíða mótsins - beinar útsendingar

Chess-Results

 

Haustmót TR hefst á sunnudag

Haustmót Taflfélags Reykjavíkur 2014 hefst sunnudaginn 14. september kl.14. Mótið á 80 ára afmæli í ár, er eitt af aðalmótum vetrarins í reykvísku skáklífi og er jafnframt meistaramót T.R. Mótið er flokkaskipt og öllum opið.

Haustmótið fer fram í félagsheimili Taflfélags Reykjavíkur, skákhöllinni að Faxafeni 12. Tefldar verða tvær umferðir á viku. Alls eru níu umferðir í hverjum flokki. Lokuðu flokkarnir eru skipaðir tíu keppendum hver þar sem allir tefla við alla, en í opna flokknum er teflt eftir svissnesku kerfi.

Skráning fer fram á skak.is og einnig á heimasíðu T.R. Fylgjast má með skráningu hér.

Skráningu í alla lokaða flokka lýkur laugardaginn 13. september kl. 18.
Lokaumferð fer fram föstudaginn 17. október en mótinu lýkur með verðlaunaafhendingu sunnudaginn 19. október þegar Hraðskákmót T.R. fer fram.

Núverandi skákmeistari Taflfélags Reykjavíkur er Kjartan Maack.
 
Dagskrá:
1. umferð: Sunnudag 14. september kl.14.00
2. umferð: Miðvikudag 17. september kl.19.30
3. umferð: Sunnudag 21. september kl.14.00
4. umferð: Miðvikudag 24. september kl.19.30
5. umferð: Sunnudag 28. september kl.14.00

---Hlé vegna Islandsmóts skákfélaga---

6. umferð: Miðvikudag 8. október kl.19.30
7. umferð: Sunnudag 12. október kl.14.00
8. umferð: Miðvikudag 15. október kl. 19.30
9. umferð: Föstudag 17. október. kl.19.30

Verðlaun í A-flokki:
1. sæti kr. 100.000
2. sæti kr. 50.000
3. sæti kr. 25.000
4. og 5. sæti ókeypis í Skákþing Reykjavíkur 2015

Verðlaun í B-flokki:
1. sæti kr. 20.000
2.-3. sæti ókeypis í Skákþing Reykjavíkur 2015

Verðlaun í C-flokki:
1. sæti kr. 15.000
2. og 3. sæti ókeypis í Skákþing Reykjavíkur 2015

Verðlaun í opnum flokki:
1. sæti kr. 10.000
2. og 3. sæti ókeypis í Skákþing Reykjavíkur 2015

Ef lokuðum flokkum fjölgar þá verða verðlaun í þeim þau sömu og í C-flokki. Að auki ávinnur sigurvegari hvers flokks sér þátttökurétt í næsta styrkleikaflokki að ári liðnu. Verði keppendur jafnir í efstu sætum verður peningaverðlaunum skipt en stigaútreikningur látinn ráða lokaröð keppenda. Taflfélag Reykjavíkur áskilur sér jafnframt rétt til þess að halda eftir 25% af verðlaunafé þeirra sem ekki mæta á verðlaunaafhendinguna.

Tímamörk:
1 klst. og 30 mín. + 30 sek. á leik. Að loknum 40 leikjum bætast við 15 mínútur.

Þátttökugjöld:
3.500 kr. fyrir félagsmenn T.R. 16 ára og eldri (5.000 kr. fyrir aðra).
1.500 kr. fyrir félagsmenn T.R. 15 ára og yngri (2.500 kr. fyrir aðra).

Flugfélagssyrpan að hefjast: Allir velkomnir! Skráið ykkur sem fyrst

Skákmenn af öllum stigum hafa þegar skráð sig til leiks í Flugfélagssyrpu Hróksins. Fyrsta mótið verður haldið í hádeginu föstudaginn 12. september í Pakkhúsi Hróksins, sem er í vöruskemmu Brims hf., Geirsgötu 11, alveg við gömlu höfnina. Fánar og blöðrur munu vísa veginn.

Áhugasamir eru hvattir til að skrá sig sem fyrst. Tefldar verða 5 umferðir með 5 mínútna umhugsunartíma. Mótið hefst klukkan 12:10 og lýkur um klukkan 13. Sigurvegari syrpunnar fær ferð fyrir 2 til Grænlands með Flugfélagi Íslands. Þá verður nafn eins keppanda dregið út, og sá heppni fær líka ferð fyrir 2 til ævintýralandsins Grænlands.

Stórmeistarar og áhugamenn jafnt sem ungmenni og eldri kempur eru á keppendalistanum. Jóhann Hjartarson, Helgi Ólafsson, Hannes H. Stefánsson og Hjörvar Steinn Grétarssoneru allir skráðir til leiks, auk Íslandsmeistarans 2014, Guðmundar Kjartanssonar, og sterkra skákmanna á borð við Róbert Lagerman og Ingvar Þór Jóhannesson.

Af öðrum kunnum köppum má nefna Inga Tandra Traustason, Finn Kr. Finnsson, Óskar Long, Gauta Pál Jónsson og skákfóstbræðurna úr Vinaskákfélaginu, Hjálmar Hrafn Sigurvaldason og Hörð Jónasson.

Skákáhugamenn eru hvattir til að taka þátt í skemmtilegu hraðskákmóti.

LEIÐBEININGAR UM STAÐSETNINGU

Pakkahús Hróksins er í vöruskemmu Brims hf. við Geirsgötu 11. Þetta er risastór vöruskemma við gömlu höfnina, í grennd við Hamborgarabúlluna, Kaffi Haiti og DV. Næg bílastæði eru við bygginguna fyrir keppendur á skákmótinu. Nánari upplýsingar veita Róbert Lagerman í síma 696 9658 og Hrafn Jökulsson í síma 695 0205.

Sendið skráningu sem fyrst á [e-mail] eða skráið ykkur hér: http://hrokurinn.is/category/fatasofnun/flugfelagsmotid/

30 ár frá fyrsta einvígi Kasparov og Karpov

Í gær voru 30 ár frá fyrsta heimsmeistaraeinvígi Kasparovs og Karpovs hófst. Einvíginu var blásið af eftir 48 skákir og 5 mánuði.

A photo from that first 1984 world championship match, aka "The Marathon Match". 48 games over five months! pic.twitter.com/XwHcBHUiwi

— Garry Kasparov (@Kasparov63) September 10, 2014

Björn Þorfinnsson í Taflfélag Reykjavíkur

Alþjóðlegi meistarinn Björn Þorfinnsson er genginn til liðs við Taflfélag Reykjavíkur frá Víkingaklúbbnum. Björn hóf skákferilinn með TR á unga aldri og snýr því nú aftur á æskuslóðirnar. Björn hefur í rúmlega tvo áratugi verið einn virkasti mótaskákmaður landsins og í seinni tíð einn sá sigursælasti.

 

Helstu afrek:

-          Margfaldur Norðurlandameistari í skólaskák með liðum Æfingaskóla KHÍ og MR

-          Ólympíumeistari með U16 ára landsliði Íslands 1995

-          Skákmeistari Reykjavíkur í þrígang (2003, 2011-2012)

-          Íslandsmeistari í atskák 2008

-          Stórmeistaraáfangi á SÞÍ 2013

-          Margfaldur sigurvegari á helstu innanlandsmótum landsins

Helstu súrsætu augnablikin sem enginn man nema Björn sjálfur:

-          Tvisvar í öðru sæti Landsliðsflokks SÞÍ (2010, 2013 (tap í aukakeppni))

-          Þrisvar í öðru sæti Hraðskáksmóts Íslands, þar af tvö töp í aukakeppnum

-          Að tapa GM-norma skákum í röð á alþjóðlegu móti í Rúmeníu 2010 (skjálftinn sko)

Minnistæðustu tragedíur Björns:

-         Að komast stoltur inn á skákstigalistann í fyrsta sinn á síðustu öld og detta útaf honum svo aftur eftir afkáralega frammistöðu í opnum flokki HTR (2,5 af 11 samkvæmt skeikulu minni)  Litli bróðir Björns vann hinsvegar flokkinn með 8,5 af 11 (samkvæmt skeikulu minni) sem gerði upplifunina talsvert erfiðari fyrir kappann. Ekki er vitað um marga sem hafa dottið útaf íslenska stigalistanum útaf getuleysi

-          Björn á óstaðfest heimsmet með því að tapa 43 FIDE-stigum í aðeins þremur skákum á Meistaramóti Hellis 2004 (tölfræðilegt hámark er 45 stig)

Taflfélag Reykjavíkur er gríðarlega stolt og ánægt með að hafa endurheimt þennan litríka, og skemmtilega sóknarskákmann í félagið og óskum honum til hamingju með yfirvegað og fagmannlegt val fyrir framtíð sína við skákborðið.  Hann verður væntanlega prufukeyrður í úrslitum Hraðskákkeppni taflfélaga  og svo komið fyrir á viðeigandi stað í deildarkeppninni sem er framundan.

Haustmót TR hefst á sunnudag

Haustmót Taflfélags Reykjavíkur 2014 hefst sunnudaginn 14. september kl.14. Mótið á 80 ára afmæli í ár, er eitt af aðalmótum vetrarins í reykvísku skáklífi og er jafnframt meistaramót T.R. Mótið er flokkaskipt og öllum opið.

Haustmótið fer fram í félagsheimili Taflfélags Reykjavíkur, skákhöllinni að Faxafeni 12. Tefldar verða tvær umferðir á viku. Alls eru níu umferðir í hverjum flokki. Lokuðu flokkarnir eru skipaðir tíu keppendum hver þar sem allir tefla við alla, en í opna flokknum er teflt eftir svissnesku kerfi.

Skráning fer fram á skak.is og einnig á heimasíðu T.R. Fylgjast má með skráningu hér.

Skráningu í alla lokaða flokka lýkur laugardaginn 13. september kl. 18.
Lokaumferð fer fram föstudaginn 17. október en mótinu lýkur með verðlaunaafhendingu sunnudaginn 19. október þegar Hraðskákmót T.R. fer fram.

Núverandi skákmeistari Taflfélags Reykjavíkur er Kjartan Maack.
 
Dagskrá:
1. umferð: Sunnudag 14. september kl.14.00
2. umferð: Miðvikudag 17. september kl.19.30
3. umferð: Sunnudag 21. september kl.14.00
4. umferð: Miðvikudag 24. september kl.19.30
5. umferð: Sunnudag 28. september kl.14.00

---Hlé vegna Islandsmóts skákfélaga---

6. umferð: Miðvikudag 8. október kl.19.30
7. umferð: Sunnudag 12. október kl.14.00
8. umferð: Miðvikudag 15. október kl. 19.30
9. umferð: Föstudag 17. október. kl.19.30

Verðlaun í A-flokki:
1. sæti kr. 100.000
2. sæti kr. 50.000
3. sæti kr. 25.000
4. og 5. sæti ókeypis í Skákþing Reykjavíkur 2015

Verðlaun í B-flokki:
1. sæti kr. 20.000
2.-3. sæti ókeypis í Skákþing Reykjavíkur 2015

Verðlaun í C-flokki:
1. sæti kr. 15.000
2. og 3. sæti ókeypis í Skákþing Reykjavíkur 2015

Verðlaun í opnum flokki:
1. sæti kr. 10.000
2. og 3. sæti ókeypis í Skákþing Reykjavíkur 2015

Ef lokuðum flokkum fjölgar þá verða verðlaun í þeim þau sömu og í C-flokki. Að auki ávinnur sigurvegari hvers flokks sér þátttökurétt í næsta styrkleikaflokki að ári liðnu. Verði keppendur jafnir í efstu sætum verður peningaverðlaunum skipt en stigaútreikningur látinn ráða lokaröð keppenda. Taflfélag Reykjavíkur áskilur sér jafnframt rétt til þess að halda eftir 25% af verðlaunafé þeirra sem ekki mæta á verðlaunaafhendinguna.

Tímamörk:
1 klst. og 30 mín. + 30 sek. á leik. Að loknum 40 leikjum bætast við 15 mínútur.

Þátttökugjöld:
3.500 kr. fyrir félagsmenn T.R. 16 ára og eldri (5.000 kr. fyrir aðra).
1.500 kr. fyrir félagsmenn T.R. 15 ára og yngri (2.500 kr. fyrir aðra).