Milljónamótið - Þrír sigrar í 4. umferð

Björn Þorfinnsson lagði Bandaríkjamanninn Matthew J Obrien (1962) og Dagur Arngrímsson náði hefndum fyrir Björn gegn Grikkjanum Hristos Zygouris (2200) í 4. umferð á Milljónamótinu í Las Vegas. Með sigrinum koma þeir félagar sér í stöðu til að eiga góðan endasprett. Báðir hafa þeir 2,5 vinning.

 Guðmundur Kjartansson tapaði gegn víetnamska ofurstórmeistaranum Le Quang Liem (2706) en skák þeirra var ein af 13 sem var í beinni útsendingu. "Gummi as we like to call him" sagði Lawrence Trent þegar kíkt var á skák þeirra í beinni vefútsendingu mótsins.

Ólafur Kjartansson tapaði sinni annarri skák í röð eftir góða byrjun gegn Willi Gross (2161). Ólafur hefur 2 vinninga af 4.

Hermann Aðalsteinsson, sem teflir í u/1600 stiga flokki rétti hinsvegar vel úr kútnum með sigri gegn Abdullah Abdul-Basir (1505) og er með 2,5 vinning af 4.

Knverjinn og Ólympíumeistarinn Yu Yangyi (2697)er nú einn efstur á mótinu með fullt hús. Nokkrir sterkir skákmenn koma á eftir honum með 3,5 vinning, þar á meðal Wesley So (2755), stigahæsti skákmaður mótsins.u einnig borðaverðlaun. Í dag laugardag fara fram tvær umferðr eins og hina dagana og hefjast skakirnar klukkan 18:00 og 01:00 eftir miðnætti.

Björn og Dagur fá sinn séns í dag en þeir tefla hlið við hlið gegn 2600+ stórmeisturum. Björn mætir Hvít-Rússanum Sergey Azarov (2639) en Dagur fær Ortiz Suarez (2611) frá Kúbu. Guðmundur mætir Sam Schmakel (2305).

Ólafur mætir Arhtur Guo (2050) en Hermann mætir Pedro Casillas (1451) .

Vonum það besta hjá strákunum en góður árangur í dag gæti komið mönnum í góða stöðu til að ná sér í verðlaunasæti þó topp 4 sé orðið ansi langsótt í svo stuttu móti.

 

• Staðan
  
  
• Beinar útsendingar

• Chess-Results

• U1600 staða/pörun (Hermann)

• U2200 staða/pörun (Ólafur Kj.)

Milljónamótið: Skin og skúrir

Íslandsmeistarinn Guðmundur Kjartansson (2439) sigraði heimamanninn og Fide-meistarann Robby Adamson (2265) í 3. umferð sem var að ljúka. Björn Þorfinnsson (2389) sigraði heimamanninn Mike Zaloznyy (2051). Dagur Arngrímsson tapaði fyrir bandaríska stórmeistaranum Gregory S Kaidanov (2569)

Guðmundur Kjartansson er í 24.-53. sæti með 2 vinninga. Dagur Arngrímsson og Björn Þorfinnsson eru í 54.79. sæti með 1,5 vinning. Ólafur Kjartansson er í 11.-31. sæti í u/2200 stiga flokki með 2 vinninga og Hermann Aðalsteinsson er í 20.-31. sæti með 1,5 vinning.

Björn Þorfinnsson mætir heimamanninum Matthew J Obrien (1962) í 4. umferð. Dagur Arngrímsson mætir grikkjanum Hristos Zygouris (2200) og Guðmundur Kjartansson mætir víetnamska stórmeistaranum Le Quang Liem (2706).

Ólafur Kjartansson mætir Willi Gross (2161) í 4. umferð. Hermann Aðalsteinsson, sem teflir í u/1600 stiga flokki, tapaði fyrir Alexandru Muscalu (1509). Hermann mætir Abdullah Abdul-Basir (1505) í 4. umferð.

Fjórir stórmestarar og einn alþjóðlegur meistari eru efstir í opnum flokki með fullt hús. Þar á meðal er kínverjinn Yu Yangyi (2697) sem átti sæti í landsliði kínverja sem sigraði á Ólympíumótinu í Tromsö í ágúst; þar vann Yu einnig borðaverðlaun. Íslandsvinurinn og stórmeistarinn Aleksandr Lenderman (2589) er einnig á meðal þeirra sem hafa fullt hús en hinn ungi Jeffery Xiong hefur vakið mikla athygli. 4. umferð hófst kl. 01:00.

• Staðan
• Beinar útsendingar

 

Róbert sigurvegari fimmta móts Flugfélagssyrpunnar

Róbert Lagerman skilaði fullu húsi í hádeginu í dag á fimmta móti Flugfélagssyrpunnar. Í öðru sæti varð stórmeistarinn Helgi Áss Grétarsson og svo voru nokkrir skákmenn jafnir í þriðja sæti.

Mótið fór fram í Pakkhúsi Hróksins við Geirsgötu.

 Lokastaðan:

 1   Róbert Lagerman                2305     5         9.0  14.5   15.0
  2   Helgi Áss Grétarsson           2500     4         8.0  15.0   13.0
 3-6  Arnljótur Sigurðsson           1820     3         8.5  14.0   10.0
      Vignir Vatnar Stefánsson       1980     3         8.0  15.0   10.0
      Hjálmar Sigurvaldason          1560     3         7.0  12.5   10.0
      Gunnar Freyr Rúnarsson         2079     3         6.5  10.0    6.0
 7-9  Finnur Kr. Finnsson            1500     2         7.5  13.0    5.0
      Björgvin Kristbergsson         1300     2         6.5  11.0    6.0
      Kristján Stefánsson            1527     2         6.5  11.0    4.0
10-11 Þorvaldur Ingveldarson         1250     1         6.5  11.5    2.0
      Sigurður Örlygsson             1000     1         6.5  11.0    3.0

 

Seinni umferðin brösótt á Millionaire Open

 Heldur brösulega gekk hjá okkur mönnum í seinni umferð dagsins á Millionaire Chess Open í Las Vegas.

Hermann Aðalsteinsson heldur sínum vonum lifandi með jafntefli í skák þar sem hann stóð þó betur. Hermann hefur 1.5 vinning í U1600 flokki.

Ólafur Kjartansson hefur staðið sig best Íslendinga og hefur tvo vinninga af tveimur í sínum flokki! Ritstjórn hélt að Ólafur væri einungis í klappstýruhlutverki með Guðmundi bróður sínum en Ólafur ætlar greinilega að láta til sín taka!

Í opnum flokki náði aðeins Dagur Arngrímsson jafntefli en hann stýrði svörtu gegn hinum reynda Giorgi Kacheishvili (2597).

Guðmundur Kjartansson tapaði fyrir íranska stórmeistaranum Ghaem Maghami (2594) og Björn Þorfinnsson tapaði fyrir Hristos Zigouris (2200). Fjöldi verðlaunasæta er í boði en þeir félagar verða að spýta í lófana í tvöffaldri umferð dagsins í dag til að eiga möguleika..

3. umferð hefst klukkan 18:00 að íslenskum tíma og 4. umferðin hefst eftir miðnætti klukkan 1:00. Dagur stýrir hvítu mönnunum gegn bandaríska stórmeistarnaum Gregory Kaidanov en Björn og Guðmundur fá stigalægri andstæðinga.

 

Beinar netútsendingar eru á heimasíðu mótsins.

Bein útsending á heimasíðu mótsins

Chess-Results

U1600 pörun (uppfært illa)

 

Viðtal við Stefán Bergsson (byrjar á 39:50)

Annað mótið í Bikarsyrpu TR hefst í dag

 

 

Bikarsyrpa Taflfélags Reykjavíkur er nýjung í mótahaldi á Íslandi. Syrpan samanstendur af nokkrum kappskákmótum og er ætluð börnum á grunnskólaaldri (fædd 1999 og síðar) sem ekki hafa náð 1600 skákstigum. Þar með gefst þeim tækifæri til að næla sér í alþjóðleg skákstig á skákmótum sem sérhönnuð eru fyrir þau.

Annað mótið í syrpunni hefst föstudaginn 10. október og stendur til mánudagsins 13. október. Tefldar eru 5 umferðir eftir svissnesku kerfi. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Þó svo við leggjum ætíð áherslu á að krakkarnir vandi sig og noti tímann vel, þá má gera ráð fyrir að margar skákir taki mun styttri tíma.

Mótið er sérstaklega hugsað fyrir krakka sem hafa sótt skákæfingar Taflfélagsins (og/eða annarra taflfélaga) reglulega síðastliðinn vetur eða lengur. Það er gott að byrja sem fyrst að keppa á kappskákmótum, en hingað til hefur þeim krökkum sem vilja tefla á "alvöru mótum" mestmegnis staðið til boða að taka þátt í opnum mótum. Þar er styrkleikamunurinn oft mikill, mótin taka langan tíma, auk þess sem marga krakka óar við tilhugsuninni um að tefla við fullorðna á sínum fyrstu kappskákmótum. Bikarsyrpan er svarið við því.

Einungis börn og unglingar á grunnskólaaldri sem ekki hafa náð 1600 alþjóðlegum skákstigum geta tekið þátt í mótum Bikarsyrpunnar.  Þannig er styrkleikamunurinn minni en ella og krakkarnir njóta þess betur að tefla kappskákir. Tímamörkin eru líka styttri, og henta krökkunum betur en langar 90 mínútna skákir sem tíðkast á venjulegum kappskákmótum. Mótið uppfyllir öll skilyrði Alþjóða skáksambandsins FIDE og er reiknað til alþjóðlegra skákstiga sem gott er að byrja að safna snemma. Eins og á aðra viðburði félagsins þá er frítt í mótin fyrir krakka í Taflfélagi Reykjavíkur. Fyrir krakka í öðrum taflfélögum er þátttökugjaldið 1000 krónur fyrir hvert mót Bikarsyrpunnar.

Dagskrá:
1. umferð 17.30 á föstudegi (10.október)
2. umferð 10.30 á laugardegi (11.október)
3. umferð 14.00 á laugardegi (11.október)
4. umferð 10.30 á sunnudegi (12.október)
5. umferð 17.30 á mánudegi. (Lokaumferð + verðlaunaafhending) (13. október).

ATH. breyting frá fyrsta mótinu.  Þá fór seinasta umferð fram seinnipart sunnudags.  Vegna Haustmóts T.R. fer lokaumferðin fram á mánudegi.

Sigurvegari fyrsta móts Bikarsyrpunnar var TR-ingurinn Mykhaylo Kravchuk.

Skráning fer fram á heimasíðu Taflfélags Reykjavíkur og á Skák.is (guli glugginn efst).

Vinsamlegast skráið þátttakendur sem fyrst, það hjálpar við undirbúning mótsins!

Stefnt er að því að Bikarsyrpan samanstandi af fjórum mótum í vetur. Bikarar og medalíur eru í verðlaun fyrir efstu sætin í hverju móti, en auk þess verða veitt sérstök verðlaun fyrir samanlagðan árangur á mótunum.

Hlökkum til að sjá ykkur!

Áfallalítið í fyrstu umferð á Millionaire Chess

Fyrstu umferð á Millionaire Chess skákmótinu í Las Vegas lauk fyrr í kvöld. Mótið er eitt athyglisverðasta mót ársins með gríðarlegum peningaverðlaunum og fjölmiðlaumfjöllun ytra og á netinu.

Flestir topparnir komust áfallalaust í gegnum 1. umferð en þó urðu óvænt úrslit. Sergei Azarov beið lægri hlut fyrir Justus Williams, ungum skákmanni frá Brooklyn í New York. Væntanlega gleður það mótshaldarann Maurice Ashley sem einnig ólst þar upp.

Íslendingarnir unnu flestir sínar skákir en Björn Þorfinnsson missti niður jafntefli gegn stigalægri andstæðing.

Hermann Aðalsteinsson vann sigur í 60. leikjum með svörtu mönnunum í sínum flokki.

Úrslit okkar manna úr efsta flokki:

 
ONABOGUN Kolade  2143       0 - 1        IM   KJARTANSSON Gudmundur  2439

IM THORFINNSSON Bjorn   2389      ½ - ½   MAGANA CAZARES Jesus Cuau  2113

IM ARNGRIMSSON Dagur  2376     1 - 0     WIM MAKKA Ioulia  2098

 

Seinni umferð dagsins ytra hefst í nótt að íslenskum tíma og lýkur undir morgun.

Dagur Arngrímsson fær svart á stórmeistarann Giorgi Kacheishvili, Guðmundur Kjartansson fær hvítt á Ehsan Ghaem Maghami frá Íran á meðan Björn fær 2200 stiga skákmann sem gerði jafntefli við Alexander Shabalov í fyrstu umferð. Mikilvæg umferð fyrir okkar menn. Dagur og Guðmundur eru ofarlega og mjög líklega í beinni útsendingu fyrir næturhrafna!

 

Beinar netútsendingar eru á heimasíðu mótsins.

Bein útsending á heimasíðu mótsins

Chess-Results

U1600 pörun (uppfært illa)

Viðtal við Stefán Bergsson (byrjar á 39:50)

Hannes sigurvegari Alþjóðlega geðheilbrigðismótsins

Stórmeistarinn Hannes Hlífar Stefansson varð hlutskarpastur á sterku, skemmtilegu og fjölmennu Alþjóða geðheilbrigðismótinu sem fram fór í kvöld. Keppendur voru alls 54 og tefldu 7 umferðir með 7 mínútna umhugsunartíma.

Friðrik Ólafsson setti mótið með því að leika fyrsta leik mótsins einmitt fyrir Hannes Hlífar. Hannes lagði það í hendurnar á goðsögninni að velja fyrir sig fyrsta leikinn og Friðrik taldi að 1.d4 myndi henta stórmeistaranum. Eigum við ekki að segja að það hafi virkað!

Annar varð Hjörvar Steinn Grétarsson sem hafði betur gegn Stefáni Kristjánssyni í síðustu umferð. Stefán varð þar með þriðji en hann og Hannes deildu efsta sæti fyrir síðustu umferð.

Einar S. Einarsson varð efstur eldri skákmanna

 

Elsa María Kristínardóttir hlaut kvennaverðlaun.

 Að auki fengu allir yngri keppendur aukaverðlaun og Björgvin Kristbergsson var sérstaklega heiðraður fyrir góða ástundun.

Lokastaðan:

1   Hannes Hlífar Stefánsson                2549     6.5      24.0  33.0   27.0
2   Hjörvar Steinn Grétarson                2545     6        24.0  33.5   25.0
3-5  Stefán Kristjánsson                    2511     5.5      24.0  33.5   26.0
     Róbert Lagerman                        2305     5.5      21.0  30.0   21.0
     Dagur Ragnarsson                       2156     5.5      20.0  27.5   21.0
6-9  Ingvar Þór Jóhannesson                 2389     5        24.5  34.0   23.0
     Noah Siegel                            2250     5        22.0  31.5   21.0
     Oliver Aron Jóhannesson               2192     5        21.5  30.5   21.0
     Jóhann Ingvason                       2153     5        19.0  26.5   21.0
10-13 Eiríkur Björnsson                    1949     4.5      20.0  27.5   20.5
      Jóhann Helgi Sigurðsson                2100     4.5      19.0  28.0   18.5
      Magnús Örn Úlfarsson                   2380     4.5      19.0  26.5   17.5
      Örn Leó Jóhannson                      2030     4.5      18.5  26.0   18.5
14-25 Jón L. Árnason                         2500     4        22.0  31.5   20.0
      Páll Andrason                          1900     4        19.5  27.5   16.0
      Gauti Páll Jónsson                     1650     4        19.0  26.0   15.0
      Elsa María Kristínardóttir             1850     4        18.5  25.0   17.0
      Pálmi Pétursson                        2230     4        18.0  25.5   17.0
      Stefan Arnalds                         1997     4        18.0  25.0   16.0
      Rúnar Berg                             2100     4        17.5  25.0   15.5
      Vignir Vatnar Stefánsson               1972     4        17.5  24.5   16.0
      Ingvar Örn Birgisson                   1888     4        17.5  24.5   15.0
      Bárður Örn Birkisson                   1660     4        17.0  24.0   14.0
      Magnús Magnússon                       1975     4        17.0  23.0   14.0
      Einar S. Einarsson                     1620     4        15.0  19.5   12.0
26-29 Sander Lyllot                          1900     3.5      19.0  26.0   15.5
      Gupmundur Agnar Bragason               1336     3.5      17.5  24.0   14.5
      Hallgerpur Helga Þorsteinsdóttir       2005     3.5      17.0  24.0   14.0
      Óskar Long Einarsson                   1550     3.5      15.0  20.0   10.5
30-42 Felix Steinþórsson                     1570     3        21.0  27.0   15.0
      Friðgeir Hólm                          1700     3        20.5  29.0   15.0
      Jón Trausti Harðarsson                 2098     3        20.0  29.0   16.0
      Björn Hólm Birkisson                   1670     3        20.0  27.0   12.5
      Gunnar Skarpshéðinsson                 1850     3        18.0  24.0   14.0
      Aron Þór Mai                           1253     3        17.5  23.0   10.0
      Kristján Stefánsson                    1520     3        17.0  23.0   11.5
      Jón Úlfljótsson                        1798     3        16.0  24.0   11.5
      Finnur Kr. Finnson                     1500     3        16.0  22.5   10.0
      Hjálmar Sigurvaldason                  1498     3        16.0  22.0   12.0
      Jón Eggert Hallsson                    1600     3        16.0  22.0   11.0
      Páll G. Jónsson                        1698     3        14.5  20.5    9.5
      Sigurður E. Kristjánsson               1800     3        12.0  19.5    8.0
43-44 Þórarinn Sigþórsson                    1900     2.5      19.0  25.0   13.0
      Hörpur Jónasson                        1542     2.5      16.0  21.5    9.0
45-50 Gunnar Nikulásson                      1666     2        16.5  22.5    9.0
      Steinþór Baldursson                    1560     2        14.0  20.0    8.0
      Héðinn Briem                           1476     2        14.0  19.0    8.0
      Óskar Einarsson                        1200     2        13.5  18.5    7.0
      Björgvin Kristbergsson                 1300     2        11.0  16.0    6.0
      Björn Agnarsson                        1000     2        10.5  15.0    3.0
 51   Bragi Þór Thoroddsen                   1304     1.5      14.0  18.5    4.5
52-53 Alexander Mai                          1000     1        13.0  17.5    3.0
      Kjartan Ragnars                        1000     1        12.0  18.0    6.0
 54   Alexander Björnsson                    1100     0.5      11.0  16.0    0.5

Milljónaskákmótið hefst í dag!

Fjöldi Íslendinga er nú staddur í Las Vegas í Bandaríkjunum og munu taka þátt í hinu áhugaverða skákmóti "Millionaire Chess Open" eða Milljónamótinu.

Þetta er í fyrsta skipti sem þetta mót fer fram en vonandi verður það vel heppnað því mótið hefur tök á að vekja mikla athygli á skákíþróttinni.

Heildarverðlaun í mótinu eru eins og nafnið gefur til kynna 1.000.000 dollara! Mótið er skipt í ýmsa flokka og munu stórmeistarar kljást sín á milli þar sem verðlaun eru 50.000 dollarar og svo eru flokkar fyrir 2350-2499, U2350, U2200, U2000, U1800 o.s.frv.

Ísland mun eiga nokkra fulltrúa í 2350-2499 flokknum þar sem Björn Þorfinnsson, Guðmundur Kjartansson og Dagur Arngrímsson munu reyna sig.

Herman Aðalsteinsson mun einnig reyna sig í U1600 flokki og eins og í öllum undirflokkum eru fyrstu verðlaun 40.000 dollarar!

Ýmsir eru einnig með í för og m.a. er myndatökumaður á staðnum og verður fróðlegt að sjá hvað kemur út úr því!

Tefldar eru tvær umferðir á dag og hefjast klukkan 12:00 og ýmist 19:00 eða 18:00 að staðartíma. Samkvæmt upplýsingum ritstjórnar (leiðréttist ef rangt!) hefjast herlegheitin klukkan 19:00 að íslenskum tíma í dag (fimmtudag) og hægt er að fylgjast með á ýmsum stöðum:

Heimasíða mótsins

(Fleiri tenglar munu bætast við þegar þeir liggja fyrir)

Alþjóða geiðheilbrigðismótið í kvöld

Alþjóða geðheilbrigðismótið í skák verður haldið í Skákhöll Taflfélags Reykjavíkur, Faxafeni 12, í kvöld 9. október kl. 20. Þetta er tíunda árið í röð sem mótið er haldið, en það er eitt fjölmennasta og skemmtilegasta skákmót ársins.  

 

Mótið er liður í hátíðarhöldum vegna Alþjóða geðheilbrigðisdagsins, og er opið skákmönnum á öllum aldri og er þátttaka ókeypis. 

Að mótinu standa Taflfélag Reykjavíkur, Hrókurinn og Vinaskákfélagið. Meðal sigurvegara fyrri ára á Alþjóða geðheilbrigðismótinu eru stórmeistararnir Helgi Ólafsson og Jóhann Hjartarson.

Forlagið og Sögur útgáfa gefa vinninga og eru verðlaun veitt í ýmsum flokkum.

Tefldar verða 7 umferðir með 7 mínútna umhugsunartíma. Keppendur eru hvattir til að skrá sig sem fyrst í netfangið [e-mail].

Davíð heldur forystu á Haustmótinu

Fimmta umferð Haustmóts TR fór fram í gær. Töluvert var um frestanir vegna Vasteras-mótsins og fóru t.d. aðeins tvær af fimm skákum a-flokksins fram í gær. 

A-flokkur

Davíð Kjartansson (2331) gerði jafntefli við Jón Árna Halldórsson (2170) og heldur forystu á Haustmóti Taflfélagsins. Raunar enduðu allar skákir kvöldsins með jafntefli en skák Ólivers Arons og Dags Ragnarssonar var frestað.

Davíð Kjartansson (2331) er efstur með 4 vinning en Oliver Aron Jóhannesson (2165) hefur möguleika að ná honum að vinningum úr sinni frestuðu skák.

Stöðuna má nálgast á Chess-Results.

B-flokkur

Björn Hólm Birkisson (1655) er kominn í forystu í B-flokki en hann vann Ólafur Kjartansson (1997) í ótefldri skák þar sem Ólafur fór með fleiri Íslendingum á Millionaire mótið í Las Vegas. Ólafur verður því að gefa þrjár skákir og missir af sigrinum en hann var efstur ásamt tveim öðrum fyrir umferðina.

Björn er efstur með 4½ vinning. Erlendu keppendurnir koma næstir með 4 vinninga en það eru Damia Benet Morant (2058) og Christopher Vogel (2100). Monat gerði jafntefli við Jón Þór Helgason í langri baráttuskák í kvöld þar sem vinningurinn gat lent hvorum megin sem var.

Stöðu mótsins má nálgast á Chess-Results.

C-flokkur

Bárður Örn Birkisson (1636) er sjóðandi heitur í C-flokknum og er langefstur með fullt hús eða sex vinninga af sex mögulegum!

Felix Steinþórsson (1549) er annar með 4½ vinning.

Athygli vakti skemmtileg og hörð rimma þeirra fóstbræðra Harður Jónassonar (1570) og Hjálmars Sigurvaldasonar (1506). Hjálmar hafði betur að þessu sinni.

Stöðu mótsins má finna Chess-Results.

D-flokkur:

Ólafur Evert Úlfsson (1430) er efstur með fullt hús. Aron Þór Maí (1274) og Arnþór Hreinsson (1295) koma næstir með 5 vinninga.

Stöðuna má finna á Chess-Results. Næsta umferð (7) fer fram næstkomandi sunnudag í Skákhöllinni í Faxafeni 12.

• Heimasíða TR
• Chess-Results