Jólaskákmót KR og Gallerý Skákar

Sameiginlegt jólaskákkvöld Skákdeildar KR og Listasmiðjunar Gallerý Skákar verður annað kvöld,  mánudagskvöldið 15. desember í  KR- heimilinu, Frostaskjóli og hefst kl. 19.30 – Telfdar verða 9 umferðir með 10 mín. umhugsunartíma á skákina. Tvöfaldir vinningar og verðlaun, veglegt vinningahappdrætti og veisluhöld.  Opið öllum sem vinningi geta valdið.

Munið að mæta.

Héðinn Steingrímsson Íslandsmeistari í hraðskák

Friðriksmót Landsbankans - Íslandsmótið í hraðskák fór fram í gær í útibúi bankans í Austurstræti. Þrír stórmeistarar komu eftir og jafnir í mark en það voru Héðinn Steingrímsson, Helgi Ólafsson og Henrik Danielsen. Héðinn hafi sigur á mótinu og þar með Íslandsmeistaratitilinn efstir stigaútreikng en aðeins munaði sjónarmuni. Aðeins munaði hálfu stigi á milli þeirra allra. Héðinn var taplaust á mótinu en gerði fjögur jafntefli. 

Jón Viktor Gunnarsson varð fjórði á mótinu og Björn Þorfinnsson og Hjörvar Steinn Grétarsson urðu jafnir í 5.-6. sæti. 

Mótið var afar jafnt allan tíma - sífellt nýir menn í forystu á mótinu.

Friðrik Ólafsson, lék fyrsta leik mótsins, c2-c4 fyrir Arnald Loftsson gegn Jóhanni Hjartarsyni en það dugði Arnaldi skammt þvi hann tapaði skákinni.

 

Röð efstu manna:

Verðlaunin skiptust eftir hinu svokallaða Hort-kerfið og skiptust svo:

1. Héðinn Steingrímsson 85.000 kr.
2. Helgi Ólafsson 65.000 kr.
3. Henrik Danielsen 60.000 kr.
4. Jón Viktor Gunnarsson 30.000 kr.
5. Björn Þorfinnsson 15.000
6. Hjörvar Steinn Grétarsson 5.000 kr.

Lokastöðu mótsins má finna á Chess-Results.

Aukaverðlaunahafar:

• 2001-2200: Ólafur B. Þórsson 7,5 v.
• Undir 2000: Einar Bjarki Valdimarsson 6,5 v.
• Kvennaverðlaun: Elsa María Kristínardóttir 6 v.
• Undir 16 (strákar): Oliver Aron Jóhannesson 7 v.
• Undir 16 (stúlkur): Veronika Steinunn Magnúsdóttir 4 v.
• Eldri skákmenn (60+): Gylfi Þórhallsson 6,5 v.
• Útdreginn keppandi: Páll Þórsson

Myndaalbúm (ESE)

Fleiri myndir væntanlegar.

 

Skákþáttur Morgunblaðsins: Leitin að áskoranda Magnúsar Carlsen er hafin

Heimsmeistaranum Magnúsi Carlsen var vel fagnað þegar hann sneri aftur til Noregs eftir að hafa tekið við sigurlaunum sínum að viðstöddum Vladimir Putin, forseta Rússlands. Þann 24. nóvember hélt hann svo upp á 24 ára afmælið og liður í afmælisfagnaðinum var þriggja tíma dagskrá hjá NRK, norska sjónvarpinu, en meðal efnis var skák hans við norsku þjóðina sem lauk með því að Magnús gerði landa sína mát í 33. leik. Með tilstilli „skák-apps“ gat þessi skák farið nokkurn veginn snurðulaust fram. Í stúdói NRK sátu foreldrar Magnúsar og systurnar þrjár: Signý, Ellen og Ingiríður en tvær þær síðastnefndu eru ágætar skákkonur.

Í miðri þessari fagnaðarbylgju frænda okkar stendur yfir leitin að næsta áskoranda Magnúsar – og er reyndar hafin fyrir nokkru. Fyrir liggur að Magnús mun freista þess að verja titilinn haustið 2016 og einvígið fer fram í Bandaríkjunum, ef marka má ummæli Kirsan, forseta FIDE.

Undanfarin ár hefur athyglin beinst mjög að Ítalanum Fabiano Caruana sem vann stórmótið í St. Louis með miklum yfirburðum.

En ýmsir aðrir hafa verið nefndir til sögunnar. Á geysiöflugu skákmóti sem stendur yfir í Qatar gerði Hollendingurinn Anish Giri sér lítið fyrir og vann sex fyrstu skákir sínar. Giri stendur á tvítugu en hefur þrátt fyrir ungan aldur verið öflugasti skákmaður Hollendinga um nokkurra ára skeið. Fæddur í Sankti Pétursborg, móðirin rússnesk og faðirinn frá Nepal en fjölskyldan flutti til Hollands frá Sapporo í Japan árið 2008. Giri þótti snemma efnilegt barn; hann talar reiprennandi sex tungumál þ. á m. rússnesku, japönsku og nepölsku og er líkt og Magnús sterkur í tæknilegum þætti skákarinnar. Tekið var eftir því er hann lagði Magnús að velli í aðeins 22 leikjum með svörtu í Wijk aan Zee árið 2011. En kannski vantar eitthvað uppá staðfestuna; eftir sigrana sex í Qatar tapaði hann fyrir Kramnik í sjöundu umferð og aftur í 8. umferð fyrir Kínverjanum Yangyi Yu. Það gerði Kramnik kleift að komast einn í efsta sætið.

Meðan á sigurhrinunni stóð héldu Giri engin bönd og hann vann skákir sínar án þess að hafa nokkuð fyrir því, sbr. viðureign hans við Azerann Mamedyarov:

Shkariyar Mamedyarov – Anish Giri

Enskur leikur

1. c4 Rf6 2. Rc3 e5 3. g3 Bb4 4. Bg2 O-O 5. e4 Bxc3 6. bxc3

Traustara er sennilega 6. dxc3. Afbrigðið sem Mamedyarov velur þykir ekki gefa mikla möguleika fyrir hvítan.

6. ... He8 7. d3 c6 8. Re2 d5 9. cxd5 cxd5 10. exd5 Rxd5 11. Hb1 Rc6 12. O-O Bg4!

Góður staður fyrir biskupinn er einnig á f5, svartur getur alltaf skilið b7-peðið eftir þar sem –Hxb7 má svara með – Rb6 og hrókurinn lokast úti á b7.

13. f3 Bf5 14. Hxb7?!

Fífldjarfur leikur sem virðist vera byggður á illa grunduðum útreikningum.

14. ...Rb6 15. f4 e4!

Mamedyarov hafði vonast eftir 15. ... Dc8 sem hægt er að svara með 16. fxe5! Dxb7 17. Hxf5 með rífandi spili fyrir skiptamun.

16. Db3?

Hér varð hann að leika 16. dxe4.

16. ... Be6! 17. Db5 exd3 18. Hxb6

Örvænting en 18. Bxc6 strandar á 18. ... Bc4! o.s.frv.

18. ... dxe2 19. He1

19.... Bc4! 20. Dxc6

Eða 20. Dxc4 Dxb6+ 21. Kh1 Df2! og vinnur.

20. ... Dd1! 21. Kf2 Had8

– og hvítur gafst upp. Það er engin vörn til gegn hótuninni 22. .... Dxd1+ 23. Kxd1 Hd1+ og 24. e1(D)+ með mátsókn.

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Morgunblaðinu 6. desember 2014

Skákþættir Morgunblaðsins

[Event "Qatar Masters"] [Site "Doha QAT"] [Date "2014.11.30"] [EventDate "2014.11.26"] [Round "5.1"] [Result "0-1"] [White "Shakhriyar Mamedyarov"] [Black "Anish Giri"] [ECO "A22"] [WhiteElo "2757"] [BlackElo "2776"] [PlyCount "42"] 1. c4 Nf6 2. Nc3 e5 3. g3 Bb4 4. Bg2 O-O 5. e4 Bxc3 6. bxc3 Re8 7. d3 c6 8. Ne2 d5 9. cxd5 cxd5 10. exd5 Nxd5 11. Rb1 Nc6 12. O-O Bg4 13. f3 Bf5 14. Rxb7 Nb6 15. f4 e4 16. Qb3 Be6 17. Qb5 exd3 18. Rxb6 dxe2 19. Re1 Bc4 20. Qxc6 Qd1 21. Kf2 Rad8 0-1

Friðriksmót Landsbankans - Íslandsmótið í hraðskák fer fram í dag

Friðriksmót Landsbankans - Íslandsmótið í hraðskák - fer fram í útibúi Landsbankans við Austurstræti 11 í dag Mótið hefst kl. 13 og stendur til kl. 16.30.

Ríflega 100 keppendur eru skráðir til leiks og þar á meðal eru sex stórmeistarar en það eru Jóhann Hjartarson, Hjörvar Steinn Grétarsson, Henrik Danielsen, Stefán Kristjánsson, Þröstur Þórhallsson og Helgi Ólafsson sem hefur titil að verja en hann sigraði á mótinu í fyrra. Tímamörkin eru 5+2 og tefldar eru ellefu umferðir.

Keppendalistann má finna hér.

Þetta er ellefta árið í röð sem Landsbankinn og Skáksamband Íslands standa fyrir Friðriksmótinu í skák, en mótið er haldið til heiðurs Friðriki Ólafssyni, fyrsta stórmeistara Íslendinga. 

Verðlaun fyrir efstu sæti eru eftirfarandi

1. 100.000 kr.
2.  60.000 kr.
3.  50.000 kr.
4.  30.000 kr.
5.  20.000 kr.

Séu tveir eða fleiri jafnir í efsta sætinu verður stigaútreikningur látinn ráða Íslandsmeistaratitlinum. Verðlaunafé skiptist eftir Hort-kerfinu.

Aukaverðlaun

• Efsti maður með 2001-2200 skákstig 10.000 kr.
• Efsti maður með 2000 stig og minna: 10.000 kr.
• Efsta konan: 10.000 kr.
• Efsti strákur 16 ára og yngri (1998 eða síðar): 10.000 kr.
• Efsta stúlka 16 ára og yngri (1998 eða síðar): 10.000 kr.
• Efsti eldri skákamaður (1954 eða fyrr): 10.000 kr.
• Útdreginn heppinn keppandi: 10.000 kr.

Aukaverðlaun eru miðað við alþjóðleg skákstig 1. desember sl.(íslensk skákstig hafi keppendur ekki alþjóðleg stig). Stigaútreikningur ræður séu menn jafnir og efstir.
Hver keppandi getur aðeins unnin ein aukaverðlaun og eru aukaverðlaunin valin í þeirri röð sem fram kemur að ofan.

Mótið er reiknað til alþjóðlegra hraðskákstiga. 

Fyrri sigurvegarar

• 2013 – Helgi Ólafsson
• 2012 - Bragi Þorfinnsson, Hjörvar Steinn Grétarsson og Jón Viktor Gunnarsson
• 2011 - Henrik Danielsen
• 2010 - Jón Viktor Gunnarsson og Þröstur Þórhallsson
• 2009 - Héðinn Steingrímsson
• 2008 - Helgi Ólafsson
• 2007 - Héðinn Steingrímsson
• 2006 - Helgi Áss Grétarsson
• 2005 - Jón Viktor Gunnarsson og Arnar E. Gunnarsson
• 2004 - Jóhann Hjartarson og Stefán Kristjánsson

Sverrir skákmeistari SSON

Sverrir Unnarsson kom sá og sigraði á Meistaramóti SSON sem lauk sl. miðvikudag. Mótið var jafnt og spennandi og þurftu Sverrir og Ingimundur Sigurmundsson að tefla einvígi um titilinn. Sverrir vann einvígið 1,5-0,5 eftir snarpar viðureignir við Ingimund. Sverrir tefldi einna jafnast í mótinu og er vel að sigrinum kominn. 

Noah Siegel, fyrrum vonarstjarna Bandaríkjamanna, tefldi sem gestur á mótinu og fékk hann flesta vinninga. Siegel er sterkur skákmaður og var kominn með 2350 stig við 16 ára aldur. Noah er rúmlega þrítugur og hefur ekki teflt mikið opinberlega síðustu árin. Hefur verið iðnari við póker. Noah er frá New York og teflir í Manhattan skákklúbbinum sem sjálfur Bobby Fischer ólst upp í, gaman af því.

Það má segja að Magnús Matthíasson, fyrrum sveitungi Sverris úr Eyjum, hafi verið ákveðinn örlagavaldur í mótinu þar sem hann tók bæði punkt af Björgvini Smára og Ingimundi og reyndar sá eini sem náði punkti á Noah efsta mann mótsins. Magnús er greinilega enn vaxandi sem skákmaður [Aths. ritstjóra: Ekki viss um að það sé rétt]. Erlingur Atli Pálmarsson átti góða spretti í mótinu og er allur að styrkjast.  

Tímamörk í mótinu voru 60 mín. á skák og voru tefldar tvær skákir á kvöldi. 

Úrslit mótsins: 

1. Noah Siegel   6,5 v. 
2. Sverrir Unnarsson   4,5. v. 
3. Ingimundur Sigurmundsson 4,5
4. Björgvin Smári           4 v. 
5. Magnús Matthíasson       3,5 v. 
6. Úlfhéðinn Sigurmundsson   2,5 v. 
7. Erlingur Atli Pálmas.     1,5  v. 
8. Þorvaldur Siggason        1 v. 

Vignir Vatnar og Alexander Már sigurvegarar Jólamóts Víkingaklúbbsins

Jólamót Víkingaklúbbsins sem átti að fara fram í Víkingsheimilinu miðvikudaginn 10. desember var á endanum haldið í Fram-heimilinu við Safamýri.  Þau tíðindi bárust um viku fyrir mót að til stæði að mála veitingasalinn í Víkinni á keppnisdag og það var því bara tvennt í stöðunni að færa mótið annan dag eða halda lítið og nett jólamót í neðri salnum sem er frekar lítill og rúmar í mesta lagi 40 manna mót.  

Þar sem skráningar voru fáar farnar að berast á mótið var ákveðið að halda lítið og nett mót í neðri salnum.  Ekki var talin mikil "hætta" á ferðum með að skráning myndi taka mikinn kipp, en daginn fyrir mót var ljóst að það stefndi í metþátttöku á mótinu og á hádegi á keppnisdag var ákveðið að færa mótið í stærri sal.  Sem betur fer tókst það stórslysalaust með hjálp nokkura góðra aðila. Skilaboðin til keppenda og foreldra var sent á skak.is, facebooksíðum og í tölvupósti, og á endanum skiluðu langflestir keppendur sér í hús í Safamýrina og mótið fór því fram við frábærar aðstæður.  Ekki er vitað til að neinn hafi hætt við mótið vegna þessara breytinga.  Alls tóku 83 keppendur þátt í jólamótinu, sem er met hjá félaginu.  

Keppt  var í þrem flokkum á mótinu.  Í eldri flokki krakkar sem fæddir voru 2000-2004 voru tefldar 6. umferðir með 7. mínútna umhugsunartíma og sama var upp á teningnum í yngri flokki, en þar telfdu krakkar sem fæddir eru árin 2005-2007.  Í yngsta flokknum tefldu krakkar fæddir 2008 og yngri í peðaskák.

Í eldri flokki sigraði Vignir Vatnar Stefánsson annað árið í röð, en hann fékk hörkukeppni nokkura skákmanna meðal annars frá bræðrunum Birni og Bárði Birkisyni.  Björn Birkisson varð í 2. sæti í flokknum, en Arnór Ólafsson varð í 3. sæti.  Stúlknameistaratitilinn og besti Víkingurinn kom í hlut Lovísu Hansdóttur.  Mótið var fyrnarsterkt, en einstök úrslit úr flokknum má nálgast á chess-results hér:

Í yngri flokki sigraði Alexander Már Bjarnþórsson, en hann náði að leggja alla andstæðinga sína.  Hann sigraði Jón Hreiðar Rúnarsson helsta andstæðing sínn í næstsíðustu umferð.  Jón Hreiðar hafði í umferðinni á undan sigrað stigahæsta keppanda flokksins Róbert Luu.  Jón Hreiðar endaði í 2. sæti í flokkum og varð jafnframt efstur Víkinga í yngri flokki.  Þriðji varð Björn Magnússon, en Þórdís Agla Jóhannsdóttir fékk stúlknaverðlaunin.  Einstök úrslit úr flokknum má nálgast á chess-results hér:

Skákstjórar voru hinir geysiöflugu Stefán Bergsson (eldri flokk) og Páll Sigursson (yngri) og er þeim hér með þakkað sérstaklega, enda hefði mótið aldrei getað gengið upp án þeirra.  Víkingar vilja einnig þakka Lenku Placnikovu fyrir aðstoðina, en ástæðan fyrir góðri mætingu var einmitt dugnaður hennar að benda nemendum sínum á áhugaverð barnamót.  Keppendur komu víða að, m.a voru tíu keppendur úr Ingunnarskóla og sambærilegur fjöldi kom úr Háaleitisskóla.  Skákfélagið Huginn er þakkað fyrir að lána 100 töfl og einnig var Gunnar Björnsson forseti geysiöflugur á mótsdegi.

Mikil þátttaka úr tveimur skólum úr Kópavogi vekur óneitanlega athygli en 23 komu úr Álfhólsskóla og 15 úr Snælandsskóla.

Barnaæfingar Víkingaklúbbsins eru nú komnar í jólafrí, en hefjast aftur 14. janúar og verða vikulega fram á vor. M.a er stefnt að tveim stórum barnamótum eins og þessu ári þs, páskamótið og vormótið.

Eldri flokkur úrslit:


1. Stefánsson Vignir Vatnar 6v. af 6
2. Birkisson Björn 5. v
3. Arnór Ólafsson 4. v
4. Birkisson Bárður Örn 4.v
5. Mai Aron Þór 4.v
6. Kravchuk Mykhaylo 4.v
7. Kristjánsson Halldór Atli 4.v
8. Halldórsson Sævar 3.v
9. Ólafur Örn 3.v
10. Lovísa Sigríður Hansdóttir 3.v
11. Bjarki Ólafsson 3.v
12. Steinar Logi Jónatansson 3.v
13. Alexander Ragnarsson 2.v
14. Fannar Árni Hafsteinsson 2.v
15. Einar 2.v
16. Arnar Jónsson 2.v
17. Veigar Már Harðarson 1.5.v
18. Egill Gunarsson 1.5 v.
19 Elvar Christiansen 1.0 v
20. Kristófer 1.0 v

Yngri flokkur úrslit:

1. Bjarnþórsson Alexander Már 6. v af 6

2. Rúnarsson Jón Hreiðar 5.v

3. Magnússon Björn 5.v

4. Luu Róbert 5.v

5. Bjarnþórsson Gabríel Sær 5.v

6. Omarsson Adam 5.v

7. Sveinsson Guðmundur Peng 5.v

8. Karlsson Ísak Orri 5.v

9. Sveinsson Daníel 

10. Sigfússon Óttar Örn Bergman 

11. Friðriksson Guðni Viðar 4.v

12. Hjaltason Magnús 4.v

13. Jóhannsdóttir Þórdís Agla 4.v

14. Jónsdóttir Karítas 4.v

15. Axelsson Örn Ingi 4.v

16. Azalden 4. v

17. Sousa Daniel Aron 3.5.v

18. Gíslason Vilhjálmur Bjarni 3.5v

19. Bjarnason Guðmann Brimar 3.v

20. Maack Stefán Gunnar 3.v

21. Þorsteinsson Pétur Ingi 3.v

22. Úlfarsson Hinrik 3.v

23. Christensen Anton 3.v

24. Stefánsson Kristófer 3.v

25. Pálsson Jakob Felix 3.v

26. Björnsson Baldur Karl 3.v

27. Sveinsson Jónatan Leo 3.v

28. Sigurjónsson Dagur Árni 3.v

29. Ægisson Örn 3.v

30. Dorovic Wuk Alexander 3.v

31. Guðjónsson Sigurður Sveinn 3.v

32. Pétursson Þór 3.v

33. Gíslason Ísar Mani 3.v

34. Þorsteinsdóttir Selma Dóra 3. v

35. Hjörvarsdóttir Sandra Rós 2.5 v

36. Kjartansson Þorsteinn Örn 2. v

37. Kristjánsdóttir Silja Borg 2. v

38. Kristján Steinþór Hólmar 2. v

39. Hilmarsson Hálfdan Aron 2. v

40. Svansdóttir Snædís Hekla 2. v

41. Kaczanowski Szymon 2. v

42. Kristjánsson Eysteinn Eide 2. v

43. Kristjánsson Kristján 2. v

44. Magnússon Kristján Svanur 2. v

45. Fannarsson Dagur Leó 1.5 v

46. Gunnarsson Sigurður Rúnar 1.5 v

47. Jónasardóttir Rakel Rán 1.5 v

48. Þór Sigrún Evaw 1.v

49. Eradze Alexander 1. v

50. Davíðsson Sveinn 0.5 v

51. Ívarsson Eiður Steinn

52. Sigurðsson Adam Smári

 

Peðaskák úrslit:

 

1. Patrekur Jónas (2008) 4.5 v 

2. Gunnlaugur Dan Friðriksson (2009) 4. v 

3. Ragna Rúnarsdóttir (2009) 3.5 v 

4.Andrea Arna Pálsdóttir 3. v 

5. Damien 3. v 

6. Bjarki 2.5 v. 

7. Eiður Styrr 2.5 v. 

8. Bergþóra Helga 2. v 

9. Darri Hilmarsson 2. v. 

10. Benedikt 2. v 

11.Einar Árni 1. v

 

Aukaverðlaun:

 

Stúlkanverðlaun eldri:  Lovísa Hansdóttir

Besti Víkingurin eldri:  Lovísa Hansdóttir

Stúlknaverðlaun yngri: Þórdís Agla Jóhannsdóttir

Besti Víkingurinn yngri:  Jón Hreiðar Rúnarsson

Bestur 2005:  Alexandir Már Bjarnþórsson

Bestur 2006:  Guðni Viðar Friðriksson

Bestur 2007: Adam Ómarsson

Bestur 2008: Patrekur Jónas

Bestur 2009: Gunnlaugur Dan Friðriksson

Magnús Pálmi sigurvegari Vetrarmóts öðlinga

Í fyrrakvöldi fór fram sjöunda og síðasta umferðin í Vetrarmóti öðlinga. Spennan var mikil enda Magnús Pálmi Örnólfsson og Þorvarður Fannar Ólafsson efstir og jafnir fyrir umferðina með fimm vinninga, heilum vinning á undan næstu mönnum. 

Magnús tefldi við Vignir Bjarnason meðan Þorvarður mætti Kristjáni Halldórssyni. Báðar skákirnar voru jafnar lengi framan af og spennan magnaðist þegar á leið. Lengstu skákirnar voru á þremur efstu borðunum en á því þriðja vann að lokum Sverrir Örn Björnsson skák sína við John Ontiveros og tryggði sér þar með þriðja sætið á mótinu. 

Magnús vann svo sína skák gegn Vigni eftir að hafa unnið riddara á skemmtilegan hátt. Allra augu beindust þá að skák Þorvarðar og Kristjáns en þar stóð Þorvarður betur en var orðinn tæpur á tíma. Hann var þó öryggið uppmálað í snúnu endatafli og sótti vinning þrátt fyrir öfluga og hetjulega vörn Kristjáns.

 

Magnús Pálmi og Þorvarður Fannar komu því jafnir í mark með sex vinning og þurfti því að grípa til stigaútreiknings til að knýja fram úrslit. Þar hafði Magnús betur en jafnara gat það vart orðið. Hann er því Vetrarmeistari öðlinga 2014 og er vel kominn að þeim sigri. Þetta er annar sigur hans á kappskákmóti í skákhöllinni á árinu, en Magnús sigraði örugglega áskorendaflokk Wow air mótins í vor.

Þorvarður sem sjaldan lætur sig vanta á mót félagsins varð að þessu sinni að gera sér annað sætið að góðu.

 

 

Guðmundur Aronsson varð nokkuð óvænt í fjórða sæti, jafn Sverri að vinningum. Hann tefldi skák sína við Magnús Magnússon í lokaumferðinni listavel og vann örugglega.

 

Fimmti varð skákkennarinn góðkunni Siguringi Sigurjónsson með fjóra og hálfan vinning en hann vann Sigurjón Haraldsson í lokaumferðinni. Þéttur hópar öðlinga kom þar á eftir með fjóra vinninga, þar á meðal Magnús Magnússon sem leiddi mótið í byrjun og Ólafur Gísli Jónsson sem tefldi stórglæsilega fórnarskák í gærkvöldi gegn gegn Grím Grímsyni sem varð að játa sig sigraðann í innan við 20 leikjum. Einkar vel að verki staðið hjá Ólafi Gísla.

Verðlaunaafhending fór fram í mótslok. 

www.chess-results.com/tnr150003.aspx

Mótið tókst í alla staði vel og vill Taflfélag Reykjavíkur þakka öllum þeim sem tóku þátt.

Tvöfaldur íslenskur sigur í El Salvador

Það var tvöfaldur íslenskur sigur á opnu móti sem lauk í höfuðborg El Salvador, San Salvador, í nótt. Stórmeistarinn Hannes Hlífar Stefánsson (2564) og alþjóðlegi meistarinn Guðmundur Kjartansson (2451)urðu þar efstir og jafnir með 7½ vinning í 9 skákum. Hannes varð sjónarmun á undan eftir stigaútreikning.

Glæsilegur árangur hjá þeim félögum. Báðir hækka þeir vel á stigum. Guðmundur um heil 24 stig og Hannes um 9 stig.

Röð efstu manna:

 

Árangur Guðmundar heggur mjög nærri stórmeistaraáfanga. Til að það hefði orðið raunin hefðu meðalstig andstæðinga hans þurft að vera 2380 skákstig en voru 2371 skákstig.

Guðmundur hefur nú 2475 skákstig. það er ljóst að það er aðeins tímaspursmál hvenær hann verður stórmeistari en til þess þarf hann einn stórmeistaraáfanga til viðbótar auk þess að ná 2500 skákstigum.

131 skákmaður frá 12 löndum tók þátt í mótinu. Þar af voru sex stórmeistarar og níu alþjóðlegir meistarar. Hannes var nr. 3 í stigaröð keppenda en Guðmundur var nr. 7.

• Heimasíða mótsins
• Chess-Results

Íslandsmótið í Víkingaskák fer fram í kvöld

Minningarmótið um Magnús Ólafsson - Íslandsmótið í Víkingaskák 2014 fer fram í húsnæði knattspyrnufélagsins Víkings í Víkinni fimmtudaginn 11. desember kl. 19.00. Tefldar verða 7 umferðir með 10 mínútna umhugsunartíma. Mótið eru öllum opið og það kostar ekkert að vera með. Boðið verður upp á kaffi ásamt léttum veitingum án endurgjalds.

Nauðsynlegt er að skrá sig til leiks til að tryggja þátttöku. Þátttakendur eru hvattir til að skrá sig í tölvupósti á netfangið Víkingaklubburinn(hjá)gmail.com. Veitt verða sérstök veðlaun fyrir efstu sætin, auk þess sem sérstök verðlaun fyrir besta árangur kvenna, unglinga og öldunga.

Eins og í fyrra verður keppt í B-flokki (Áskorendaflokki), fyrir þá keppendur sem eru stigalausir eða eru að tefla Víkingaskák í fyrsta skipti.

Núverandi Íslandsmeistari er Sveinn Ingi Sveinsson og skákstjóri á mótinu verður Haraldur Baldursson.

Reglurnar í Víkingaskák má nálgast hér: 

Ùrslit á Íslandsmótinu í Víkingaskák 2013 má sjá hér:
Úrslit á Íslandsmótinu í Víkingaskák 2012 má sjá hér:
Úrslit á Íslandsmótinu í Víkingaskák 2011 má sjá hér:
Úrslit 2010 hér:
Úrslit 2009 hér:

Jólaskákmót í Stofan Café í kvöld!

Jólaskákmót verður haldið í kvöld í Stofan Café, Vesturgötu 3 kl. 20. Tefldar verða 8 umferðir með 5 mínútna umhugsunartíma og leggur Stofan til verðlaun í formi gjafabréfa, auk þess sem sérstakt tilboð verður á veitingum fyrir keppendur.

Stofan hefur fest sig í sessi sem vinsælasta skákkaffihús borgarinnar. Þar er góð aðstaða til taflmennsku, einstaklega góður andi og fjölbreyttar veitingar. Í október var haldið fyrsta hraðskákmót Hróksins og Stofunnar, sem heppnaðist sérlega vel. Þar sigraði Róbert Lagerman og hreppti titilinn Stofumeistarinn 2014. Nú er spurningin hver verður Stofujólasveinninn!

Keppendur eru hvattir til að skrá sig í [e-mail] þar sem hámarksfjöldi keppenda er 24. 

Allir eru velkomnir og þátttaka er ókeypis.