Jólaskákmót Riddarans í Strandbergi í dag

Jólaskákmót RIDDARANS - Skákklúbbs eldri borgara á Stór-Hafnarfjarðarsvæðinu - verður hátíðlega haldið miðvikudaginn 17. desember í Vonarhöfn Strandbergs og hefst kl. 13. Glæsilegur jólaglaðningur í verðlaun, vinningahappdrætti og veitingar. 

ÆSIR sérstaklega boðnir velkomnir til að bæta sér upp jólamótsmissi í gær vegna veðurs.  Allir 60+ sem "vinningi" geta valdið velkomnir til að sjást og kljást. Gott með kaffinu.

Skákþing Reykjavíkur hefst 4. janúar

Skákþing Reykjavíkur hefst sunnudaginn 4. janúar kl. 14. Tefldar verða níu umferðir eftir svissnesku kerfi og eru tímamörk 1½ klst. á 40 leiki auk 30 sek. á leik. 15 mínútur bætast við eftir 40 leiki auk 30 sek. á leik. Umferðir fara fram tvisvar í viku, á miðvikudögum kl. 19.30 og á sunnudögum kl. 14. Teflt er í húsnæði Taflfélags Reykjavíkur að Faxafeni 12.

Mótið í ár er haldið sérstaklega til heiðurs fyrsta stórmeistara þjóðarinnar, eðal TR-ingnum Friðriki Ólafssyni, sem verður áttræður meðan mótið stendur stendur yfir. Skákmenn eru hvattir til að heiðra meistarann með þátttöku sinni í aðalmóti vetrarins sem nú fer fram í 84. sinn!

Boðið er upp á tvær yfirsetur (bye) í umferðum 2-6. Keppandi skal leggja inn skriflega beiðni um yfirsetu til skákstjóra í síðasta lagi við upphaf umferðarinnar á undan. Hálfur vinningur fæst fyrir yfirsetu.

Dagskrá:

1. umferð sunnudag 4. janúar kl. 14
2. umferð miðvikudag 7. janúar kl. 19.30
3. umferð sunnudag 11. janúar kl. 14.00
4. umferð miðvikudag 14. janúar kl. 19.30
5. umferð sunnudag 18. janúar kl. 14.00
6. umferð miðvikudag 21. janúar kl. 19.30
7. umferð sunnudag 25. janúar kl. 14
8. umferð miðvikudag 28. janúar kl. 19.30
9. umferð sunnudag 1. febrúar kl. 14

Verðlaun:

1. sæti kr. 120.000
2. sæti kr. 60.000
3. sæti kr. 30.000

Besti árangur undir 2000 skákstigum kr. 10.000

Besti árangur undir 1800 skákstigum kr. 10.000

Besti árangur undir 1600 skákstigum - bókaverðlaun

Besti árangur undir 1400 skákstigum - bókaverðlaun

Besti árangur undir 1200 skákstigum - bókaverðlaun

Besti árangur stigalausra - bókaverðlaun

 

Fide stig gilda við úthlutun stigaverðlauna - annars íslensk stig.

Þátttökugjöld:

kr. 5.000 fyrir 16 ára og eldri
kr. 2.500 fyrir 15 ára og yngri

Keppt er um titilinn "Skákmeistari Reykjavíkur 2015" og hlýtur sá keppandi sem verður efstur þeirra sem eiga lögheimili í Reykjavík, eða eru félagsmenn í reykvísku skákfélagi, titilinn og farandbikar til varðveislu í eitt ár. Núverandi Skákmeistari Reykjavíkur er alþjóðlegi meistarinn Jón Viktor Gunnarsson.

Verði keppendur jafnir að vinningum í þremur efstu sætunum, verður verðlaunum skipt (Hort útreikningur), en stigaútreikningur látinn skera úr um verðlaunasæti. Í aukaverðlaunaflokkum ganga verðlaun óskipt til þess, sem hefur flest stig eftir stigaútreikning.

Skákþingið er reiknað til alþjóðlegra skákstiga.

Skráning fer fram á heimasíðu Taflfélags Reykjavíkur. Hægt er að fylgjast með skráningu hér.

Vinsamlegast mætið tímanlega á skákstað til að staðfesta skráningu og greiða þátttökugjald. Athugið að skráningu lýkur 15 mínútum fyrir auglýst upphaf móts, þ.e. kl. 13.45.

• Skákþing Reykjavíkur 2014
• Skákmeistarar Reykjavíkur
• Mótstöflur

KR & Gallerý Skák - Jólamótið - Sigurður Áss sigraði

Hart bar barist og varist í KR-heimilinu þegar sameiginlegt Jólaskákvöld KR og Gallerý skákar fór þar fram í gærkvöldi með hátíðarbrag. Tvo mót í einu, tvenn verðlaun á mann fyrir efstu sætin, veglegt vinningahappdrætti og veitingar. Jafnframt var þetta sigurhátíð fyrir kapptefli haustsins í klúbbunum tveimur þar sem verðlaun fyrir þau voru veitt. 

Það var hinn hægláti en þó eitilharði Sigurður Áss
 Grétarsson, sem fór með sigur af hólmi með 8 vinninga af 9 mögulegum. Náði langsóttu jafntefli gegn Jon Olav í lokaskákinni, sem tryggði honum sigurinn. Hinir góðkunnu meistarar Stefán Bergsson og Bragi Halldórsson komu næstir og gátu líka leyft sér að brosa breitt í kampinn í mótslok, enda við verðuga andstæðinga að etja í þessu velheppnaða móti. 

Mikla ánægju vakti þátttaka Gunnars Kr. Gunnarssonar hins aldna meistara, sem sneri loks aftur að taflinu eftir erfið veikindi. Reis aftur upp á þriðja mánuði en ekki degi - eins og hann sagði sjálfur léttur á brún. Gunnar varð í 4.-5. sæti ásamt Gylfa Þórhallssyni, sem var að tefla í fyrsta sinni í Frostaskjólinu.  

Eins og sjá má á meðf. myndum og mótstöflu var létt yfir mannskapnum þó ekkert væri gefið eftir í baráttunni á borðinu.

Myndaalbúm (ESE)

 

Jólapakkamót Hugins fer fram á laugardag

Jólapakkaskákmót Hugins (áður Jólapakkaskákmót Hellis) verður haldið laugardaginn 20. desember nk. í Ráðhúsi Reykjavíkur. Mótið hefst kl. 13 og er ókeypis á mótið. Mótið er fyrir börn og unglinga og fer nú fram í 17. skipti en það var fyrst haldið fyrir jólin 1996. Síðan hefur það verið haldið nánast á hverju ári og hefur alltaf verið eitt fjölmennasta skákmót ársins.

Keppt verður í allt að 6 flokkum: Flokki fæddra 1999-2001, flokki fæddra 2002-2003, flokki fæddra 2004-2005, flokki fæddra 2006-2007 og flokki fæddra 2008 síðar og peðaskák fyrir þau yngstu. Tefldar verða 5 umferðir með 10 mínútna umhugsunartíma á mann. Jólapakkar eru í verðlaun fyrir 3 efstu sætin í hverjum aldursflokki fyrir sig fyrir bæði drengi og stúlkur. Auk þess verður happdrætti um 3 jólapakka í hverjum aldursflokki fyrir sig. Skráning á mótið fer fram á Skák.is (guli kassinn) og á Skákhuganum.

Yfirlit yfir þegar skráða keppendur má finna hér.

 

Jólaskákmót Riddarans í Strandbergi á morgun

Jólaskákmót RIDDARANS - Skákklúbbs eldri borgara á Stór-Hafnarfjarðarsvæðinu - verður hátíðlega haldið miðvikudaginn 17. desember í Vonarhöfn Strandbergs og hefst kl. 13. Glæsilegur jólaglaðningur í verðlaun, vinningahappdrætti og veitingar. 

ÆSIR sérstaklega boðnir velkomnir til að bæta sér upp jólamótsmissi í dag vegna veðurs.  Allir 60+ sem "vinningi" geta valdið velkomnir til að sjást og kljást. Gott með kaffinu.

Jólahraðskákmóti Ása aflýst

Jólahraðskákmóti Ása sem átti að hefjast núna kl. 13 hefur verið aflýst vegna veðurs.

Anand vann í London

Í fyrradag lauk London Chess Club mótinu. Sigurvegari að þessu sinni varð Vishy Anand sem hefur átt mjög gott skákár. Þriðji sigur hans á stórmóti í ár. Anand kom reyndar jafn í mark og Kramnik og Giri en hafði sigurinn eftir stigaútreikning.

Alls konar hliðarviðburðir fylgdu mótinu nú. Ítarlega góða umfjöllun um mótið og alla hátíðina,eftir Tómas Veigar Sigurðarson, má finna á heimasíðu Hróksins.

Heimasíða mótsins.

 

Jólamót Skákdeildar Breiðabliks

Jólamót Skákdeildar Breiðabliks fór fram í föstudaginn 12. desember í Stúkunni við Kópavogsvöll. Alls tóku 9 krakkar þátt á mótinu. 

Halldór Atli og Ólafur Örn urðu efstir og jafnir með 6v af 8 mögulegum. Sindri Snær varð í 3.sæti með 5,5 vinning (kom inn í 2.umferð). Veitt voru verðlaun fyrir mestu framfarir sem Sindri Snær hlaut.

Sömuleiðis voru veitt verðlaun fyrir "þrautakónginn" þann sem gerði flestar þrautir réttar í haust og hlaut Halldór Atli þann titil.

Æfingar Skákdeildar Breiðabliks eru nú komnar í jólafrí, en hefjast aftur 6.janúar og verða 4x í viku fram á vor.

Allir krakkar velkomnir!

Áfram Breiðablik!

Úrslit:

1. Halldór Atli 6/8
2. Ólafur Örn 6/8
3. Sindri Snær 5,5/8
4. Jón Þór 4/8
5. Stefán Orri 3/6
6. Ísak Orri 2,5/8
7. Axel Ingi 2,5/8
8. Hrannar Ingi 2,5/8
9. Gunnar Erik 1/6

Jólahraðskákmót Ása fer fram á morgun

Jólahraðskákmót Ása verður haldið næsta þriðjudag í Stangarhyl 4. Tefldar verða 11 umferðir með 7 mínútna umhugsun. Taflið hefst á mínútunni kl 13.00

Allir skákkarlar velkomnir sem eru 60+ og konur 50+.

Hraðskákmót Garðabæjar fer fram í kvöld

Hraðskákmót Garðabæjar verður haldið mánudaginn 15. desember 2014.  kl. 19:30

Mótsstaður: Garðatorg 1. (gamla Betrunarhúsið). 2. hæð. Inngangur til hægri við verslunina Víði. 

Umhugsunartími er 5 mínútur á mann og er teflt í einum flokki, stefnt að 9. umferðum.

Reikna má með að mótið verði búið um kl. 22.

Smellið hér til að skrá ykkur í mótið

Smellið hér til að sjá hverjir eru skráðir. 

Fyrstu verðlaun í Hraðskákmóti Garðabæjar eru 15.000 kr. auk verðlaunagrips. Medalíur fyrir 2 og 3 sæti.

Efsti TG ingur hlýtur 5000 kr.

Verðlaunafé skiptist eftir Hort kerfi. 

Fritt er í hraðskákmótið fyrir þátttakendur skákþingsins og félagsmenn TG en aðrir gestir borga 1000 kr. 

Hraðskákmeistari 2013 var Hjörvar Steinn Grétarsson. 

Eftir hraðskákmótið er verðlaunafhending fyrir bæði Hraðskákmótið auk Skákþings Garðabæjar.