FIDE-þjálfara námskeið hefst á fimmtudag

 Skákskóli Íslands og Skáksamband Íslands kynna:

FIDE trainer námskeið 8.-11. janúar 2015

Haldið í samvinnu við FIDE, FIDE trainers commision (TRG ) og Evrópska skáksambandinu (ECU)

Síðustu árin hafa sífellt fleiri komið að skákkennslu- og þjálfun barna og unglinga. Áhugasamt og hæft fólk er á hverju strái en til að auka enn þekkingu og hæfni til kennslu efnir Skákskóli Íslands og Skáksambandið til FIDE trainer námskeiðs. Eftir setu á námskeiðinu og próf að því loknu öðlast þátttakendur mismunandi gráður eftir árangri á prófinu, reynslu, ELO-stigum og öðrum þáttum.

Eftir áramót mun hefjast stefnumótun um menntun kennara og þjálfara, hvaða réttindi gráður fela í sér o.s.frv. Sú vinna mun tengjast inn í hugmyndir innan stjórnar SÍ um að hanna leyfiskerfi eins og er til staðar í öðrum íþróttum. Til dæmis yrðu félögum í efstu deild skylt að hafa ákveðið marga innan sinna raða með tiltekin réttindi til þjálfunar og kennslu.

Rétt er að geta þess að mót á vegum FIDE greiða götu þjálfara sem eru með FIDE– þjálfara gráðu. Mót sem FIDE stendur fyrir gera kröfu til þess að þjálfarar og liðsstjórar hafi gráðu af þessu tagi. 

Einnig má þess FIDE-trainer gráðu geta gefið mönnum tækifæri á að þjálfa á erlendri grundu stefni hugurinn þangað.

Umsjónarmaður:

Helgi Ólafsson stórmeistari og skólastjóri Skákskóla Íslands. Hann er FIDE senior trainer (FST) og á sæti í stjórn FIDE trainers commision. Helgi er eini Íslendingurinn sem hefur réttindi  til að halda námskeið af þessu tagi sem veitir full réttindi.

Dagsetning:

8.–11. janúar 2015

Lengd: 

16 klst.

Tilhögun:

Námskeiðið stendur í 16 klst og verður gert stutt hlé eftir eftir hverja kennslustund. Það hefst:

Fimmtudaginn 8. janúar kl. 17-21

Föstudaginn 9. janúar kl. 17-21.

Laugardaginn 10. janúar kl. 14-18.

Sunnudaginn 11. janúar kl. 14-18.  

Í lok námskeiðsins taka þátttakendur próf sem samanstendur af 30 spurningum upp úr því námsefni sem þátttakendur hafa undir höndum.

Standist þátttakandi próf  og hefur haft fulla viðveru út námskeiðið mun viðkomandi fá útnefningu og diploma sem FIDE trainer eða samkvæmt nánari skilgreiningu:

Þær gráður sem eru boði eru. Nánari skýringar eru í viðauka á ensku.

• FIDE Trainer (FT) – Þjálfarar hafi kunnáttu og getu til að þjálfa skákmenn sem hafa vilja til að ná langt.
• FIDE Instructor (FI) – Þjálfarar kunni grundvallaratriði í miðtafli og endatafli. Geti aðstoðað við að byggja upp byrjunarkerfi.
• National Instructor (NI) – Þjálfarar geti aðstoðað skákmenn til að ná góðri getu og geti kennt nemendum upp að 1.700 skákstigum.
• Developmental Instructor (DI) – Þjálfarar sem geta aukið áhuga krakka á skák og komið þeim á næsta stig. Leiðbeinendur fyrir byrjendur og þá sem eru skemmra komnir. Tilvalið fyrir kennara í skólum. .

Innifalin eru kennslugögn og verður prófað upp úr þeim kennslugögnum sem þátttakendur fá.

Efni sem notað er á námskeiðinu kemur frá TRG.

Þátttökugjald er kr. 39.000. 

Innifalið í þátttökugjöldum er námskeiðsgjald til FIDE (€100), gjald til FIDE fyrir þjálfaragráðuna í tvö ár (allt að €200) sem og öll kennslugögn.

Bent er á að flest verkalýðsfélög taka þátt í greiðslu námskeiðsgjalda af þessari tegund.

Ítarupplýsingar: http://www.fide.com/images/stories/NEWS_2014/Trainers/FTS-REY_2015-Prospectus.pdf

Skráning fer fram á Skák.is (guli kassinn efst). 

Viðauki

FIDE Trainer (FT)

Introducing the trainee to important aspects of chess, such as the concept of and preparation for competitive success. This is necessary for trainees who wish to reach a high level of play or seek competitive success in any form.

FIDE Instructor (FI)

Teach the trainee the theory of the middlegame and the endgame. He will work closely with the trainee towards the creation of the trainee's personalized opening repertoire, which he will also help enrich with new ideas.

National Instructor (NI)

1. Raising the level of competitive chess players to a national level standard.
2. Training trainees with rating up to 1700.
3. School teacher.

Developmental Instructor (DI) 

1. Spread the love for chess among children and methodically bring them to a competitive level.
2. Instructor for beginners, elementary, intermediate and recreational level players.
3. School teacher. 

Jólahraðskákmót Ása fer fram í dag

Æsir urðu að fresta jólahraðskákmóti sínu sem átti að fara fram 16. desember sl. vegna kolbrjálaðs veðurs sem geisaði þann dag. Nú er meiningin að halda þetta mót í dag þ.e. a s á þrettándanum. Það eru síðustu forvöð því eftir það væri ekki hægt að kalla það jólahraðskákmót,

Það verða tefldar 11 umferðir með 7 mínútna umhugsunartíma. Mótið byrjar á mínútunni kl.13.00

Þess vegna er gott að mæta tímanlega eins og þið gerið alla jafna. Allir skákmenn velkomnir sem náð hafa virðulegum aldri. Karlar 60+ og konur 50+

Skákstaður er Stangarhylur 4, félagsheimili F E B

Verið velkomin.

 

Tómas efstur í austur og fimm efstir í vestur

Janúarmót Hugins er að líkindum víðfemasta skákmót sem haldið hefur verið á landinu ef miðað er við búsetu keppenda. Þeir koma allt frá Siglufirði í vestur og Raufarhöfn í austur.

Teflt er í tveim riðlum, austur og vestur og að lokum mætast liðin í skákveislu þar sem efstu menn mætast, annað sætið o.s.frv. í keppni um endanleg sæti í mótinu. Eðli máls skv. verður jafnframt tekist á um hvort austrið eða vestrið sé sterkara; heiðurinn sjálfur er að veði!

Þriðja umferð mótsins fór fram í kvöld.

Vestur

Hermann fékk FIDE-stig!

Í vestur riðli er allt á suðupunkti því fimm keppendur eru efstir með tvo vinninga af þrem mögulegum! Umferð dagsins var tefld að Vöglum í Fnjóskadal, en þar býr skógarvörðurinn Rúnar Ísleifsson (1799).

Lífskúnstnerinn og fylkisstjóri vesturveldisins Hermann Aðalsteinsson (1342) heldur áfram góðu gengi og gerði nú jafntefli viðJakob Sævar Sigurðsson (1806). Hermann er greinilega í rosalegu formi, því hann gerði jafntefli við Hjörleif Halldórsson (1920) um helgina og markaði sú skák tímamót í skáksögunni því skákin tryggði Hermanni sín fyrstu FIDE-stig. Til hamingju Hermann!

Vesturliðið

Þá hefur verið sannað að Landssímapeningunum var sannarlega varið til uppbyggingar farsímakerfisins því svo illa vildi til að einhver þurfti nauðsynlega að ræða við skógarvörðin um illa meðferð jólatrjáa í miðri skák. Óljóst er hver hringdi en Sigurbjörn Ásmundsson (1156) kann honum líklega sínar bestu þakkir fyrir.

Að öðru leyti voru úrslit í vestur þannig

Jakub Piotr Statkiewicz 0.5 – 0.5 Jón Aðalsteinn Hermannsson
Sigurbjörn Ásmundsson 1 – 0 Rúnar Ísleifsson
Hjörleifur Halldórsson 1 – 0 Ármann Olgeirsson
Hermann Aðalsteinsson 0.5 – 0.5 Jakob Sævar Sigurðsson

Austur

Smári Sigurðsson og Sigurður G Daníelsson

Heldur rólegra er yfir austurmönnum enda um sérstaklega vandaðan hóp manna að ræða. Umferð austurveldis fór fram á Húsavík þar sem allt er til alls og opið í sundlauginni.

Í þriðju umferð fór fram ein af stærri viðureign mótsins þegar fv. messaguttinn hann Sigurður G. Daníelsson (1793) mætti Smára Sigurðssyni(1905). Sigurður sótti fast með talsverðum látum og tókst að lokum að saxa niður varnarmúr Smára.

Að öðru leyti voru úrslit austursins þannig í þriðju umferð

Hlynur Ski-Doo Viðarsson 1 – 0 Ævar Ákason
Heimir Bessason 0 – 1 Tómas Veigar Sigurðarson
Sigurður G Daníelsson 1 – 0 Smári Sigurðsson

• Síða mótsins
• Vestur
• Austur

 

 

Guðmundur vann í næstsíðustu umferð - er í 3.-7. sæti

Alþjóðlegi meistarinn Guðmundur Kjartansson (2451) heldur áfram að gera góða hluti á alþjóðlega mótinu í Hastings. Í áttundu og næstsíðustu umferð, sem fram fór í dag, vann hann Ísraelsmanninn Wahbi Kheit (2223). Gummi hefur 6 vinninga og er í 3.-7. sæti. Í lokaumferðinni sem fram fer á morgun mætir hann enska stórmeistaranum Mark Hebden (2523).

Hægt verður að fylgjast með Gumma beint á vefnum en lokaumferðin hefst kl. 14:15.

Einstök úrslit Gumma má nálgast hér.

Alls taka 110 skákmenn þátt frá 29 löndum þátt í þessu fornfræga móti. Þar af eru 14 stórmeistarar og 9 alþjóðlegir meistarar. Guðmundur er nr. 15 í stigaröð keppenda.

• Heimasíða mótsins
• Chess-Results 
• Beinar útstendingar (hefjast kl. 14:15)
• ChessBomb

Guðmundur með enn eitt gott jafntefli

Alþjóðlegi meistarinn Guðmundur Kjartansson (2451) heldur áfram að ná góðum úrslitum á Hastings-mótinu. Í sjöundu umferð, sem fram fór í gær, gerði hann jafntefli við pólska stórmeistarann Aleksander Mista (2614). Gummi hefur 5 vinninga og er í 8.-14. sæti.

Í áttundu og næstsíðustu umferð, sem fram fer í dag, teflir hann við Ísraelsmanninn Wahbi Kheit (2223). 

Hægt verður að fylgjast með Gumma beint á vefnum.

Einstök úrslit Gumma má nálgast hér.

Alls taka 110 skákmenn þátt frá 29 löndum þátt í þessu fornfræga móti. Þar af eru 14 stórmeistarar og 9 alþjóðlegir meistarar. Guðmundur er nr. 15 í stigaröð keppenda.

• Heimasíða mótsins
• Chess-Results 
• Beinar útstendingar (hefjast kl. 14:15)
• ChessBomb

Íslandsmót barna fer fram á laugardaginn

Íslandsmót barna í skák fer fram í Rimaskóla laugardaginn 10. janúar og hefst klukkan 12. Þátttökurétt hafa börnfædd 2004 og síðar og sigurvegarinn fær sæmdarheitið Íslandsmeistari barna 2015 og keppnisrétt á Norðurlandamótið í skólaskák sem haldið verður í Færeyjum um miðjan febrúar.
 
Alls verða tefldar 9 umferðir með 10 mínútna umhugsunartíma. Eftir 5 umferðir verður keppendum fækkað þannig að þeir sem hafa 3 vinninga eða fleiri halda áfram keppninni um Íslandsmeistaratitilinn en þeir sem hafa færri en 3 vinninga hafa lokið þátttöku.

Peðaskákmót verður haldið samhliða mótinu og hefst klukkan 13:00. Það er ætlað fyrir leikskólabörn og þau allra yngstu í grunnskólum sem eru ekki tilbúin fyrir Íslandsmótið.

Skákdeild Fjölnis verður með veitingasölu á meðan mótinu stendur.

Þetta er í 22. sinn sem keppt er um Íslandsmeistaratitil barna. Sigurður Páll Steindórsson sigraði á fyrsta mótinu árið 1994, en meðal annarra meistara má nefna titilhafana Dag Arngrímsson, Guðmund Kjartansson og Hjörvar Stein Grétarsson. Núverandi Íslandsmeistari barna er Vignir Vatnar Stefánsson. 
 
Skáksamband Íslands og Skákakademían annast framkvæmd mótsins. Keppendur eru hvattir til að skrá sig sem fyrst hér á Skák.is. Fram þarf að koma fullt nafn, grunnskóli og fæðingarár. Þátttökugjald er 1.000 kr (1.500 að hámarki á systkini) og greiðist á mótsstað fyrir upphaf umferðar. 

Veitt eru sérstök verðlaun fyrir bestan árangur í hverjum árgangi.

Upplýsingar um þegar skráða keppendur má finna hér.

Sigurvegarar á Íslandsmóti barna frá upphafi:
 

• 1994 Sigurður Páll Steindórsson
• 1995 Hlynur Hafliðason
• 1996 Guðjón H. Valgarðsson
• 1997 Dagur Arngrímsson
• 1998 Guðmundur Kjartansson
• 1999 Víðir Smári Petersen
• 2000 Viðar Berndsen
• 2001 Jón Heiðar Sigurðsson
• 2002 Sverrir Þorgeirsson
• 2003 Hjörvar Steinn Grétarsson
• 2004 Svanberg Már Pálsson
• 2005 Nökkvi Sverrisson
• 2006 Dagur Andri Friðgeirsson
• 2007 Kristófer Gautason
• 2008 Kristófer Gautason
• 2009 Jón Kristinn Þorgeirsson
• 2010 Jón Kristinn Þorgeirsson
• 2011 Dawid Kolka
• 2012 Nansý Davíðsdóttir
• 2013 Vignir Vatnar Stefánsson
• 2014 Vignir Vatnar Stefánsson

Allt eftir bókinni í fyrstu umferð Skákþings Reykjavíkur

Skákþing Reykjavíkur, sem jafnframt er stórafmælismót Friðriks Ólafssonar, hófst í gær en Friðrik á afmæli á meðan mótið er í gangi. Alls taka 67 skákmenn þátt og er mótið vel skipað. Einn stórmeistari og þrír alþjóðlegir meistarar eru meðal þátttakenda. Friðrik, sem er sigraði á þrisvar á mótinu, lék fyrsta leikinn í skák Óskars Long Einarssonar og Stefán Kristjánssonar.

Ekkert kom á óvart í gær nema þá helst að það að ekkert hafi komið óvart en oftar en ekki eru a.m.k. 1-2 óvænt úrslit í fyrstu umferð. Hinir stigahærri unnu ávallt hina stigalægri þrátt fyrir harða mótspyrnu á einstaka borðum.

Önnur umferð fer fram á miðvikudagskvöld og þá minnkar styrkleikamunurinn. Þá mætast meðal annars: 

• Heimasíða TR
• Chess-Results
• Myndir á Facebook (Hrafn Jökulsson)

Atkvöld hjá Hugin í kvöld

Fyrsta skákkvöld í Mjóddinni hjá Skákfélaginu Huginn verður atkvöld mánudaginn  5. janúar 2014. og hefst mótið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með fimmtán mínútna umhugsun. Teflt er í félagsheimili Hugins í Álfabakka 14a í Mjóddinni.

Sigurvegarinn á atkvöldinu fær í verðlaun máltíð fyrir einn á Saffran eða pizzu frá Dominos Einnig verður dreginn út af handahófi annar keppandi sem fær sama val. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Jólahraðskákmót Ása á þrettándann

Æsir urðu að fresta jólahraðskákmóti sínu sem átti að fara fram 16. desember sl. vegna kolbrjálaðs veðurs sem geisaði þann dag. Nú er meiningin að halda þetta mót á næsta þriðjudag þ.e. a s á þrettándanum. Það eru síðustu forvöð því eftir það væri ekki hægt að kalla það jólahraðskákmót,

Það verða tefldar 11 umferðir með 7 mínútna umhugsunartíma. Mótið byrjar á mínútunni kl.13.00

Þess vegna er gott að mæta tímanlega eins og þið gerið alla jafna. Allir skákmenn velkomnir sem náð hafa virðulegum aldri. Karlar 60+ og konur 50+

Skákstaður er Stangarhylur 4, félagsheimili F E B

Verið velkomin.

 

Guðmundur með gott jafntefli í gær - er í hópi efstu manna

Alþjóðlegi meistarinn Guðmundur Kjartansson (2451) heldur áfram að gera góða hluti í Hastings Í gær gerði hann gott jafntefli við brasíliska stórmeistarann Alexandr Fier (2592). Guðmundur hefur 4,5 vinning eftir 6 umferðir og er í 3.-15. sæti.

Í sjöundu umferð, sem fram fer í dag og hefst kl. 14:15, teflir Guðmundur við pólska stórmeistarann Aleksander Mista (2614).

Hægt verður að fylgjast með Gumma beint á vefnum.

Einstök úrslit Gumma má nálgast hér.

Alls taka 110 skákmenn þátt frá 29 löndum þátt í þessu fornfræga móti. Þar af eru 14 stórmeistarar og 9 alþjóðlegir meistarar. Guðmundur er nr. 15 í stigaröð keppenda.

• Heimasíða mótsins
• Chess-Results 
• Beinar útstendingar (hefjast kl. 14:15)
• ChessBomb