Tómas, Rúnar og Ármann efstir á janúarmóti Hugins

Janúarmót Hugins á norðursvæði hófst í gær. Fyrirkomulag mótsins er þannig að keppendum var skipt í tvo riðla, austur- og vesturriðil og var að mestu miðað við búsetu félagsmanna. Tefldar eru sjö umferðir, allir við alla í hvorum riðli og svo mætast að lokum efstu tveir, þeir sem voru í öðru sæti o.s.frv, í allsherjar skákveislu.

Keppendur koma af gervöllu norðurlandi, allt frá Siglufirði austur á Raufarhöfn! geri aðrir betur

Fyrstu tvær umferðirnar fóru fram í dag í hvorum riðli. Óvænt úrslit léku hlutverk í gær í vesturriðli þegar leiðtogi vor og lærimeistari Hermann Aðalsteinsson (1342) gerði sér lítið fyrir og gerði jafntefli við Hjörleif Halldórsson (1920) frá Akureyri. Vel gert hjá Hermanni! Sjóarinn síkáti, Heimir Bessason (1478) átti einnig góðan dag í austur þegar honum tókst að halda jöfnu gegn hraðskákmeistaranum Smára Sigurðssyni (1905).

Önnur úrslit voru að mestu eftir bókinni.

Sighvatur Karlsson og Sigurður Daníelsson eiga inni frestaðar skákir í austur sem geta haft áhrif á stöðu efstu manna.

Eftir umferðirnar tvær eru Rúnar Ísleifsson og Ármann Olgeirsson efstir með fullt hús í vesturriðli og Tómas Veigar Sigurðarson einn efstur í austurriðli með fullt hús.

• Skákhuginn
• Vestur
• Austur

Þorsteinn vann Kristján í þemaeinvígi í tilefni afmælis Eyjólfs

FIDE-meistarinn Þorsteinn Þorsteinsson (2255) vann öruggan sigur 6-2 í bráðskemmtilegu þemaeinvígi gegn Kristjáni Eðvarðssyni (2178) sem skákfrömuðurinn Eyjólfur Ármannsson stóð að en hann hélt upp á fimmtugsafmæli í gær. Teflt var í húsnæði Hjálpræðishersins í Mjódd.

Einvígið var mun jafnara en tölurnar gefa til kynna. Tefldar voru hraðskákir 5 mínútur 2 sekúndur á hvern leik og Þorsteinn nýtti tímann á mun skynsamari hátt en Kristján.

Í þriðju skákinni tefldi Kristján mjög vel og var mjög nállægt sigri en varð á smá ónákvæmni í endatafli sem varð til þess að hann var með riddara og biskup. Það er auðvitað unnin staða en með nokkrar sekúndur á klukkunni er ansi erfitt að vinna og svo fór að Kristján féll á tíma. 

1. Skák Kristján – Þorsteinn 0-1 Drottningarbragð
2. Skák Þorsteinn – Kristján 1-0 Drottningarbragð
3. Skák Þorsteinn – Kristján ½-½ Pirc vörn
4. Skák Kristján – Þorsteinn 1-0 Pirc vörn
5. Skák Þorsteinn – Kristján 1-0 Drottningarbragð
6. Skák Kristján – Þorsteinn ½-½ Drottningarbragð
7. Skák Kristján – Þorsteinn 0-1 Pirc vörn
8. Skák Þorsteinn – Kristján 1-0 Pirc vörn

Skákirnar má nálgast hér.

Næstu helgi verður annað þemaeinvíg á vegum Eyjólfs en þá mætast Dagur Arngrímsson og Guðmundur Gíslason. 

 

Skákþing Reykjavíkur hefst í dag - enn hægt að skrá sig

Skákþing Reykjavíkur hefst sunnudaginn 4. janúar kl. 14. Tefldar verða níu umferðir eftir svissnesku kerfi og eru tímamörk 1½ klst. á 40 leiki auk 30 sek. á leik. 15 mínútur bætast við eftir 40 leiki auk 30 sek. á leik. Umferðir fara fram tvisvar í viku, á miðvikudögum kl. 19.30 og á sunnudögum kl. 14. Teflt er í húsnæði Taflfélags Reykjavíkur að Faxafeni 12.

Mótið í ár er haldið sérstaklega til heiðurs fyrsta stórmeistara þjóðarinnar, eðal TR-ingnum Friðriki Ólafssyni, sem verður áttræður meðan mótið stendur stendur yfir. Skákmenn eru hvattir til að heiðra meistarann með þátttöku sinni í aðalmóti vetrarins sem nú fer fram í 84. sinn!

Boðið er upp á tvær yfirsetur (bye) í umferðum 2-6. Keppandi skal leggja inn skriflega beiðni um yfirsetu til skákstjóra í síðasta lagi við upphaf umferðarinnar á undan. Hálfur vinningur fæst fyrir yfirsetu.

Dagskrá:

1. umferð sunnudag 4. janúar kl. 14
2. umferð miðvikudag 7. janúar kl. 19.30
3. umferð sunnudag 11. janúar kl. 14.00
4. umferð miðvikudag 14. janúar kl. 19.30
5. umferð sunnudag 18. janúar kl. 14.00
6. umferð miðvikudag 21. janúar kl. 19.30
7. umferð sunnudag 25. janúar kl. 14
8. umferð miðvikudag 28. janúar kl. 19.30
9. umferð sunnudag 1. febrúar kl. 14

Verðlaun:

1. sæti kr. 120.000
2. sæti kr. 60.000
3. sæti kr. 30.000

Besti árangur undir 2000 skákstigum kr. 10.000

Besti árangur undir 1800 skákstigum kr. 10.000

Besti árangur undir 1600 skákstigum - bókaverðlaun

Besti árangur undir 1400 skákstigum - bókaverðlaun

Besti árangur undir 1200 skákstigum - bókaverðlaun

Besti árangur stigalausra - bókaverðlaun

 

Fide stig gilda við úthlutun stigaverðlauna - annars íslensk stig.

Þátttökugjöld:

kr. 5.000 fyrir 16 ára og eldri
kr. 2.500 fyrir 15 ára og yngri

Keppt er um titilinn "Skákmeistari Reykjavíkur 2015" og hlýtur sá keppandi sem verður efstur þeirra sem eiga lögheimili í Reykjavík, eða eru félagsmenn í reykvísku skákfélagi, titilinn og farandbikar til varðveislu í eitt ár. Núverandi Skákmeistari Reykjavíkur er alþjóðlegi meistarinn Jón Viktor Gunnarsson.

Verði keppendur jafnir að vinningum í þremur efstu sætunum, verður verðlaunum skipt (Hort útreikningur), en stigaútreikningur látinn skera úr um verðlaunasæti. Í aukaverðlaunaflokkum ganga verðlaun óskipt til þess, sem hefur flest stig eftir stigaútreikning.

Skákþingið er reiknað til alþjóðlegra skákstiga.

Skráning fer fram á heimasíðu Taflfélags Reykjavíkur. Hægt er að fylgjast með skráningu hér.

Vinsamlegast mætið tímanlega á skákstað til að staðfesta skráningu og greiða þátttökugjald. Athugið að skráningu lýkur 15 mínútum fyrir auglýst upphaf móts, þ.e. kl. 13.45.

• Skákþing Reykjavíkur 2014
• Skákmeistarar Reykjavíkur
• Mótstöflur

Skákþáttur Morgunblaðsins: Skákblinda og snilldarleikir

Magnús Carlsen er skákmaður ársins 2014. Á því er ekki hinn minnsti vafi. Hann varði heimsmeistaratitil sinn við erfiðar aðstæður í Sochi við Svartahaf og heldur titlinum næstu tvö árin. Um þessar mundir er enginn skákmaður kominn fram á sjónarsviðið sem virðist geta ógnað honum. Þessum stærsta skákviðburði ársins sem er að líða verður að einhverju leyti minnst fyrir skákblindu beggja í 6. skák einvígisins þegar Anand missti af tækifæri til að ná fram vinningsstöðu og tapaði að lokum. En þrátt fyrir allt eru þessir snillingar mannlegir og það er alls ekki óþekkt í öðrum greinum að menn sjái alls ekki það sem blasir við öllum öðrum. Hliðstætt dæmi má finna úr frægu einvígi millistríðsáranna:

Euwe – Aljekín

16. einvígissskák, 1937:

Aljekín lék síðast 25. ... Dd5-e5 og nú gat Euwe leikið 26. Dh8+! Kxh8 27. Rxf7+ og 28. Rxe5 og endataflið er afar vænlegt. En hann kaus að leika 26. Bb2? sem Aljekín svaraði með 26. ... Bc6?? og enn gat Euwe leikið 27. Dh8+! og fengið auðunnið endatafl tveim peðum yfir. En hann valdi 27. a3??, fékk ekki annað tækifæri og skákinni lauk með jafntefli.

 

 

Saga heimsmeistaraeinvígjanna frá því fyrsta opinbera sem háð var árið 1886 sýnir hinsvegar fram á svo ekki verður um villst að afleikjum var yfirleitt refsað grimmilega:

Karpov – Kortsnoj

17. einvígisskák, 1978:

Kortsnoj var í miklu tímahraki, sá að hann yrði að hindra mát í borði og lék 39. Ha1?? og Karpov svaraði að bragði: 39. ... Rf3+! Eftir 40. gxf3 kemur 40. ... Hg6+ 41. Kh1 Rf2 mát! Kortsnoj gafst því upp.

 

 

 

 

Greinarhöfundur telur sig hafa nokkuð góða yfirsýn yfir opinberu heimsmeistaraeinvígin frá 1886-2014. Þau eru 40 talsins ef tímabilinu 1993-2005 er sleppt. Öll viðleitni til að velja besta leik þessara einvígja snýst auðvitað um persónulegan smekk. Þar sem einvígið 1972 stendur Íslendingum nálægt er ekki úr vegi að velja besta leik sigurvegarans í öllum 20 skákunum:

Fischer – Spasskí,

10. einvígisskák, 1972

Fischer lék nú 26. Bb3! Eftir 26. ... axb5 27. Df4! sáu menn að 27. ... c4 er svarað með 28. Bxc4! Eftir 27. ... Hd7 28. Re5! Dc7 29. Hbd1! átti Spasskí í vök að verjast og tapaði eftir 56. leiki.

 

 

 

 

Besti biðleikur heimsmeistaraeinvígjanna kom að mati greinarhöfundar í þessari stöðu:

Kasparov – Karpov

21. skák, 1986

Í stað þess að valda d4-peðið stakk Kasparov 41. Rd7! í umslagið. Í ljós kom að staða svarts var algerlega vonlaus eftir þennan óvænta leik og skákinni lauk snarlega: 41. ... Hxd4 42. Rf8+! Kh6 43. Hb4! Hc4 44. Hxc4 dxc4 45. Dd6! c3 46. Dd4 – og Karpov gafst upp.

 

 

 

Ég hallast að því að Armeninn Tigran Petrosjan hafi leikið besta leik allra heimsmeistaraeinvígjanna í þessari stöðu:

Petrosjan – Spasskí

12. einvígisskák, 1966:

Petrosjan lék nú 31. Rf3!! en eftir 31. ... exd3 (ekki 31. ... exf3 32. Bd2! og 33. Bc3) missti hann af 32. Dxd3! Bf5 33. Rxe5 Bxd3 34. Bd4! sem leiðir til vinningsstöðu með „svikamylluþema“ eftir 34. ... dxe5 35. Bxe5+ Kh7 36. Hg7+ Kh8 37. Hxc7+ Kg8 38. Hg7+ Kh8 39. Hxa7+ Kg8 40. Hg7+ Kh8 41. Hg3+ Kh7 42. Hxd3 Hxa2 43. Kg2! og vinnur. Síðar brast Petrosjan kjark til að tefla vænlega stöðu til vinnings og sætti sig við jafntefli.

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Morgunblaðinu 27. desember 2014

Skákþættir Morgunblaðsins

Bolvískir frændur sterkir á fjölskyldumóti TR

Skemmtileg frétt kom á vef Víkara fyrir skemmstu.

 

Þar segir:

 

Á hverju ári heldur Taflfélag Reykjavíkur fjölskyldujólaskákmót þar sem keppt er í tveggja manna liðum sem skipuð eru annars vegar félagsmönnum, þ.e. krökkum, og hinsvegar öðrum aðila úr fjölskyldunni sem má vera foreldri, systkini eða annar ættingi. 

Fyrr í desember fór fjölskyldujólaskákmót þessa árs fram og tóku hvorki alls 32 lið þátt en tefldar voru 5 umferðir með 5 mínútna umhugsunartíma. Skemmst er frá því að segja að bolvískir skákmenn tefldu til sigurs í mótinu en tvö lið urðu efst og jöfn með 8 vinninga en bæði liðin voru rammbolvísk og auk þess sem allir fjórir keppendurnir eru náskyldir. 

Þetta voru liðin "Kóngarnir" sem skipað var bræðrunum Birni Hólm og Bárði Erni Birkissonum en faðir þeirra er Birkir Bárðarson, sonur Bárðar Guðmundssonar frá Hóli, og liðið "Balotelli" sem skipað var feðgunum Benedikt Erni Magnússyni og Magnúsi Pálma Örnólfssyni en Magnús Pálmi er einmitt sonur Örnólfs Guðmundssonar frá Hóli.

Guðmundur vann í gær - hefur 4 vinninga eftir 5 umferðir

Alþjóðlegi meistarinn Guðmundur Kjartansson (2451) vann í gær bandaríska alþjóðlega meistaranum Vladimir Prosviriakov (2271) í mjög vel tefldri skák í fimmtu umferð Hastings-mótsins sem fram fór í gær. Guðmundur hefur 4 vinninga og er í 3.-12. sæti.

Í sjöttu umferð, sem hefst kl. 14:15, teflir hann við brasíliska stórmeistarann Alexandr Fier (2592), sem verður meðal keppenda á Reykjavíkurskákmótinu.

Hægt verður að fylgjast með Gumma beint á vefnum.

Einstök úrslit Gumma má nálgast hér.

Alls taka 110 skákmenn þátt frá 29 löndum þátt í þessu fornfræga móti. Þar af eru 14 stórmeistarar og 9 alþjóðlegir meistarar. Guðmundur er nr. 15 í stigaröð keppenda.

• Heimasíða mótsins
• Chess-Results 
• Beinar útstendingar (hefjast kl. 14:15)
• ChessBomb

Skákþing Reykjavíkur hefst á morgun

Skákþing Reykjavíkur hefst sunnudaginn 4. janúar kl. 14. Tefldar verða níu umferðir eftir svissnesku kerfi og eru tímamörk 1½ klst. á 40 leiki auk 30 sek. á leik. 15 mínútur bætast við eftir 40 leiki auk 30 sek. á leik. Umferðir fara fram tvisvar í viku, á miðvikudögum kl. 19.30 og á sunnudögum kl. 14. Teflt er í húsnæði Taflfélags Reykjavíkur að Faxafeni 12.

Mótið í ár er haldið sérstaklega til heiðurs fyrsta stórmeistara þjóðarinnar, eðal TR-ingnum Friðriki Ólafssyni, sem verður áttræður meðan mótið stendur stendur yfir. Skákmenn eru hvattir til að heiðra meistarann með þátttöku sinni í aðalmóti vetrarins sem nú fer fram í 84. sinn!

Boðið er upp á tvær yfirsetur (bye) í umferðum 2-6. Keppandi skal leggja inn skriflega beiðni um yfirsetu til skákstjóra í síðasta lagi við upphaf umferðarinnar á undan. Hálfur vinningur fæst fyrir yfirsetu.

Dagskrá:

1. umferð sunnudag 4. janúar kl. 14
2. umferð miðvikudag 7. janúar kl. 19.30
3. umferð sunnudag 11. janúar kl. 14.00
4. umferð miðvikudag 14. janúar kl. 19.30
5. umferð sunnudag 18. janúar kl. 14.00
6. umferð miðvikudag 21. janúar kl. 19.30
7. umferð sunnudag 25. janúar kl. 14
8. umferð miðvikudag 28. janúar kl. 19.30
9. umferð sunnudag 1. febrúar kl. 14

Verðlaun:

1. sæti kr. 120.000
2. sæti kr. 60.000
3. sæti kr. 30.000

Besti árangur undir 2000 skákstigum kr. 10.000

Besti árangur undir 1800 skákstigum kr. 10.000

Besti árangur undir 1600 skákstigum - bókaverðlaun

Besti árangur undir 1400 skákstigum - bókaverðlaun

Besti árangur undir 1200 skákstigum - bókaverðlaun

Besti árangur stigalausra - bókaverðlaun

 

Fide stig gilda við úthlutun stigaverðlauna - annars íslensk stig.

Þátttökugjöld:

kr. 5.000 fyrir 16 ára og eldri
kr. 2.500 fyrir 15 ára og yngri

Keppt er um titilinn "Skákmeistari Reykjavíkur 2015" og hlýtur sá keppandi sem verður efstur þeirra sem eiga lögheimili í Reykjavík, eða eru félagsmenn í reykvísku skákfélagi, titilinn og farandbikar til varðveislu í eitt ár. Núverandi Skákmeistari Reykjavíkur er alþjóðlegi meistarinn Jón Viktor Gunnarsson.

Verði keppendur jafnir að vinningum í þremur efstu sætunum, verður verðlaunum skipt (Hort útreikningur), en stigaútreikningur látinn skera úr um verðlaunasæti. Í aukaverðlaunaflokkum ganga verðlaun óskipt til þess, sem hefur flest stig eftir stigaútreikning.

Skákþingið er reiknað til alþjóðlegra skákstiga.

Skráning fer fram á heimasíðu Taflfélags Reykjavíkur. Hægt er að fylgjast með skráningu hér.

Vinsamlegast mætið tímanlega á skákstað til að staðfesta skráningu og greiða þátttökugjald. Athugið að skráningu lýkur 15 mínútum fyrir auglýst upphaf móts, þ.e. kl. 13.45.

• Skákþing Reykjavíkur 2014
• Skákmeistarar Reykjavíkur
• Mótstöflur

FIDE-þjálfara námskeið hefst 8. janúar nk.

 Skákskóli Íslands og Skáksamband Íslands kynna:

FIDE trainer námskeið 8.-11. janúar 2015

Haldið í samvinnu við FIDE, FIDE trainers commision (TRG ) og Evrópska skáksambandinu (ECU)

Síðustu árin hafa sífellt fleiri komið að skákkennslu- og þjálfun barna og unglinga. Áhugasamt og hæft fólk er á hverju strái en til að auka enn þekkingu og hæfni til kennslu efnir Skákskóli Íslands og Skáksambandið til FIDE trainer námskeiðs. Eftir setu á námskeiðinu og próf að því loknu öðlast þátttakendur mismunandi gráður eftir árangri á prófinu, reynslu, ELO-stigum og öðrum þáttum.

Eftir áramót mun hefjast stefnumótun um menntun kennara og þjálfara, hvaða réttindi gráður fela í sér o.s.frv. Sú vinna mun tengjast inn í hugmyndir innan stjórnar SÍ um að hanna leyfiskerfi eins og er til staðar í öðrum íþróttum. Til dæmis yrðu félögum í efstu deild skylt að hafa ákveðið marga innan sinna raða með tiltekin réttindi til þjálfunar og kennslu.

Rétt er að geta þess að mót á vegum FIDE greiða götu þjálfara sem eru með FIDE– þjálfara gráðu. Mót sem FIDE stendur fyrir gera kröfu til þess að þjálfarar og liðsstjórar hafi gráðu af þessu tagi. 

Einnig má þess FIDE-trainer gráðu geta gefið mönnum tækifæri á að þjálfa á erlendri grundu stefni hugurinn þangað.

Umsjónarmaður:

Helgi Ólafsson stórmeistari og skólastjóri Skákskóla Íslands. Hann er FIDE senior trainer (FST) og á sæti í stjórn FIDE trainers commision. Helgi er eini Íslendingurinn sem hefur réttindi  til að halda námskeið af þessu tagi sem veitir full réttindi.

Dagsetning:

8.–11. janúar 2015

Lengd: 

16 klst.

Tilhögun:

Námskeiðið stendur í 16 klst og verður gert stutt hlé eftir eftir hverja kennslustund. Það hefst:

Fimmtudaginn 8. janúar kl. 17-21

Föstudaginn 9. janúar kl. 17-21.

Laugardaginn 10. janúar kl. 14-18.

Sunnudaginn 11. janúar kl. 14-18.  

Í lok námskeiðsins taka þátttakendur próf sem samanstendur af 30 spurningum upp úr því námsefni sem þátttakendur hafa undir höndum.

Standist þátttakandi próf  og hefur haft fulla viðveru út námskeiðið mun viðkomandi fá útnefningu og diploma sem FIDE trainer eða samkvæmt nánari skilgreiningu:

Þær gráður sem eru boði eru. Nánari skýringar eru í viðauka á ensku.

• FIDE Trainer (FT) – Þjálfarar hafi kunnáttu og getu til að þjálfa skákmenn sem hafa vilja til að ná langt.
• FIDE Instructor (FI) – Þjálfarar kunni grundvallaratriði í miðtafli og endatafli. Geti aðstoðað við að byggja upp byrjunarkerfi.
• National Instructor (NI) – Þjálfarar geti aðstoðað skákmenn til að ná góðri getu og geti kennt nemendum upp að 1.700 skákstigum.
• Developmental Instructor (DI) – Þjálfarar sem geta aukið áhuga krakka á skák og komið þeim á næsta stig. Leiðbeinendur fyrir byrjendur og þá sem eru skemmra komnir. Tilvalið fyrir kennara í skólum. .

Innifalin eru kennslugögn og verður prófað upp úr þeim kennslugögnum sem þátttakendur fá.

Efni sem notað er á námskeiðinu kemur frá TRG.

Þátttökugjald er kr. 39.000. 

Innifalið í þátttökugjöldum er námskeiðsgjald til FIDE (€100), gjald til FIDE fyrir þjálfaragráðuna í tvö ár (allt að €200) sem og öll kennslugögn.

Bent er á að flest verkalýðsfélög taka þátt í greiðslu námskeiðsgjalda af þessari tegund.

Ítarupplýsingar: http://www.fide.com/images/stories/NEWS_2014/Trainers/FTS-REY_2015-Prospectus.pdf

Skráning fer fram á Skák.is (guli kassinn efst). 

Viðauki

FIDE Trainer (FT)

Introducing the trainee to important aspects of chess, such as the concept of and preparation for competitive success. This is necessary for trainees who wish to reach a high level of play or seek competitive success in any form.

FIDE Instructor (FI)

Teach the trainee the theory of the middlegame and the endgame. He will work closely with the trainee towards the creation of the trainee's personalized opening repertoire, which he will also help enrich with new ideas.

National Instructor (NI)

1. Raising the level of competitive chess players to a national level standard.
2. Training trainees with rating up to 1700.
3. School teacher.

Developmental Instructor (DI) 

1. Spread the love for chess among children and methodically bring them to a competitive level.
2. Instructor for beginners, elementary, intermediate and recreational level players.
3. School teacher. 

Ný alþjóðleg skákstig

Ný alþjóðleg skákstig komu út í gær. Jóhann Hjartarson (2576) er sem fyrr stigahæstur en aðeins munar nú þremur skákstigum á honum og Hannesi Hlífari Stefánssyni (2573). Hjörvar Steinn Grétarsson (2554) er þriðji. Guðmundur Aronsson (1790) er hæstur sex nýliða og Bárður Örn Birkisson (107) hækkar mest frá desember-listanum. Bárður Örn (387) hækkar einnig mest frá áramótunum síðustu.

Á næstum dögum verður gerð úttekt á at- og hraðskákstigum.

Stigin má finna sem viðhengi.

Topp 20

No.	Name	Tit	SRtng	SGm	Ch.
1	Hjartarson, Johann	GM	2576	0	0
2	Stefansson, Hannes	GM	2573	9	9
3	Gretarsson, Hjorvar Steinn	GM	2554	0	0
4	Olafsson, Helgi	GM	2547	0	0
5	Petursson, Margeir	GM	2536	0	0
6	Steingrimsson, Hedinn	GM	2530	0	0
7	Danielsen, Henrik	GM	2511	1	2
8	Arnason, Jon L	GM	2502	0	0
9	Kristjansson, Stefan	GM	2492	0	0
10	Kjartansson, Gudmundur	IM	2468	18	17
11	Gretarsson, Helgi Ass	GM	2458	0	0
12	Thorsteins, Karl	IM	2456	0	0
13	Thorhallsson, Throstur	GM	2433	0	0
14	Gunnarsson, Jon Viktor	IM	2433	0	0
15	Thorfinnsson, Bragi	IM	2432	0	0
16	Gunnarsson, Arnar	IM	2416	0	0
17	Olafsson, Fridrik	GM	2397	0	0
18	Jensson, Einar Hjalti	FM	2390	0	0
19	Ulfarsson, Magnus Orn	FM	2377	0	0
20	Thorfinnsson, Bjorn	IM	2373	0	0

Nýliðar

Guðmundur Aronsson (1790) er hæstur sex nýliða. Í næstum sætum eru Ólafur Guðmundsson (1764) og Ólafur Hermannsson (1635).

No.	Name	Tit	SRtng	SGm	Ch.
1	Aronsson, Gudmundur		1790	11	1790
2	Gudmundsson, Olafur		1764	13	1764
3	Hermannsson, Olafur		1635	14	1635
4	Haraldsson, Haraldur Arnar		1556	12	1556
5	Siguringason, Solon		1325	9	1325
6	Jonsson, Thorsteinn Emil		1086	9	1086

Mestu hækkanir

Bárður Örn Birkisson (107) hækkar mest frá desember-listanum. Í næstum sætum eru Agnar Tómas Möller (102) og Þorsteinn Magnússon (64).

No.	Name	Tit	SRtng	SGm	Ch.
1	Birkisson, Bardur Orn		1843	7	107
2	Moller, Agnar T		1749	7	102
3	Magnusson, Thorsteinn		1353	5	64
4	Bragason, Arnfinnur		1509	6	56
5	Sigurdarson, Alec Elias		1348	6	56
6	Birkisson, Bjorn Holm		1911	6	55
7	Hallsson, Jon Eggert		1661	5	54
8	Helgason, Jon Thor		1734	6	46
9	Luu, Robert		1358	5	35
10	Bragason, Gudmundur Agnar		1327	5	34

Mestu hækkanir frá 1. janúar 2014

Bárður Örn Birkisson hækkar mest allra á nýliðnu ári eða um 387 skákstig! Björn Hólm (318) bróðir hans er í þriðja sæti en á milli þeirra er Símon Þórhallsson (355). Ungir og efnilegir skákmenn raða sér í níu efstu sætin. Það er aðeins John Ontiveros (100) sem er í tíunda sæti sem fellur ekki undir hugtakið "ungur"!

	Name	SRtng	Ch.
1	Birkisson, Bardur Orn	1843	387
2	Thorhallsson, Simon	1961	355
3	Birkisson, Bjorn Holm	1911	318
4	Jonsson, Gauti Pall	1871	255
5	Thorgeirsson, Jon Kristinn	2059	215
6	Stefansson, Vignir Vatnar	1959	159
7	Davidsdottir, Nansy	1641	127
8	Magnusson, Thorsteinn	1353	115
9	Bjorgvinsson, Andri Freyr	1754	108
10	Ontiveros, John	1810	100

 

Stigahæstu skákkonur landsins

Lenka Ptácníková (2270) er langstigahæsta skákkona landsins. Í næstum sætum eru Hallgerður Helga Þorsteinsdóttir (1992) og Guðlaug Þorsteinsdóttir (1976).

No.	Name	Tit	SRtng	SGm	Ch.
1	Ptacnikova, Lenka	WGM	2270	0	0
2	Thorsteinsdottir, Hallgerdur		1992	0	0
3	Thorsteinsdottir, Gudlaug	WFM	1976	6	-8
4	Finnbogadottir, Tinna Kristin		1938	0	0
5	Johannsdottir, Johanna Bjorg		1862	0	0
6	Kristinardottir, Elsa Maria		1861	0	0
7	Fridthjofsdottir, Sigurl. Regina		1789	0	0
8	Birgisdottir, Ingibjorg		1779	0	0
9	Helgadottir, Sigridur Bjorg		1776	0	0
10	Hauksdottir, Hrund		1692	0	0

Stigahæstu ungmenni landsins (fædd 1995 eða síðar)

Oliver Aron Jóhannesson (2170) er stigahæsta ungmenni landsins. Í næstum sætum eru Mikael Jóhannsson (2077) og Jón Trausti Harðarson (2067).

No.	Name	SRtng	SGm	B-day	Ch.
1	Johannesson, Oliver	2170	0	1998	0
2	Karlsson, Mikael Johann	2077	0	1995	0
3	Hardarson, Jon Trausti	2067	0	1997	0
4	Ragnarsson, Dagur	2059	0	1997	0
5	Thorgeirsson, Jon Kristinn	2059	0	1999	0
6	Thorhallsson, Simon	1961	0	1999	0
7	Stefansson, Vignir Vatnar	1959	0	2003	0
8	Sigurdarson, Emil	1922	0	1996	0
9	Birkisson, Bjorn Holm	1911	6	2000	55
10	Jonsson, Gauti Pall	1871	5	1999	28

Stigahæstu eldri skákmenn landsins (65+):

Friðrik Ólafsson (2397) er langstigahæsti skákmaður landsins sem er 65 ára eða eldri. Í næstum sætum eru Jónas Þorvaldsson (2264) og Jón Kristinsson (2251).

No.	Name	SRtng	SGm	B-day	Ch.
1	Olafsson, Fridrik	2397	0	1935	0
2	Thorvaldsson, Jonas	2264	0	1941	0
3	Kristinsson, Jon	2251	0	1942	0
4	Einarsson, Arnthor	2229	0	1946	0
5	Thorsteinsson, Bjorn	2203	0	1940	0
6	Viglundsson, Bjorgvin	2181	0	1946	0
7	Thorvaldsson, Jon	2164	0	1949	0
8	Gunnarsson, Gunnar K	2158	0	1933	0
9	Fridjonsson, Julius	2151	0	1950	0
10	Briem, Stefan	2148	0	1938	0

Stigahæstu eldri skákmenn landsins (50+)

Þar raða "fjórmenningarnir" í efstu sætin. 

No.	Name	SRtng	SGm	B-day	Ch.
1	Hjartarson, Johann	2576	0	1963	0
2	Olafsson, Helgi	2547	0	1956	0
3	Petursson, Margeir	2536	0	1960	0
4	Arnason, Jon L	2502	0	1960	0
5	Thorsteins, Karl	2456	0	1964	0
6	Olafsson, Fridrik	2397	0	1935	0
7	Jonsson, Bjorgvin	2353	0	1964	0
8	Gudmundsson, Elvar	2326	0	1963	0
9	Vidarsson, Jon G	2322	0	1962	0
10	Gislason, Gudmundur	2315	0	1964	0

Reiknuð mót

• Skákþing Garðabæjar (a- og b-flokkur)
• Vetrarmót öðlinga

Heimslistinn

Magnus Carlsen (2862) er langstigahæsti skákmaður heims. Í næstum sætum eru Fabiano Caruana (2820) og Alexander Grischuk (2810).

Topp 100 má nálgast hér.

 

Skrár tengdar þessari bloggfærslu:

• Alþjóðleg skákstig, 1. janúar 2015

Góð byrjun Guðmundar í Hastings

Alþjóðlegi meistarinn Guðmundur Kjartansson (2451) hefur byrjað prýðilega á alþjóðlega mótinu í Hastings. Eftir fjórar umferðir hefur hann 3 vinninga. Í fimmtu umferð sem hófst fyrir nokkrum mínútum mætir hann bandaríska alþjóðlega meistaranum Vladimir Prosviriakov (2271). Hægt er að fylgjast með Gumma beint á vefnum.

Einstök úrslit Gumma í upphafsumferðunum má nálgast hér.

Alls taka 110 skákmenn þátt frá 29 löndum þátt í þessu fornfræga móti. Þar af eru 14 stórmeistarar og 9 alþjóðlegir meistarar. Guðmundur er nr. 15 í stigaröð keppenda.

• Heimasíða mótsins
• Chess-Results 
• Beinar útstendingar (hefjast kl. 14:15)
• ChessBomb