Reykjavíkurskákmótið: Hjörvar Steinn með fullt hús - Jón Viktor lagði Gawain Jones og Jón Kristinn með stórmeistarajafntefli

Óhætt er að segja að umferð dagsins á Reykjavíkurskákmótinu hafi boðið upp á allt – Stórsigra, frábær úrslit, afleiki, fléttur og allt þar á milli.

Sex skákmenn eru enn með fullt hús eftir fjórar umferðir. Þeir eru:

• GM Shakhriyar Mamedyarov (2756)
• GM Hjörvar Steinn Grétarsson (2554)
• GM Pavel Eljanov (2727)
• IM Javek Stopa (2544)
• GM Alexandr Fier (2601)
• GM Rui Gao (2533)

Nánar má skoða stöðuna hér.

Það blés ekki eins byrlega og fyrri daginn fyrir frændur okkar norðmenn, því allir sem voru með fullt hús töpuðu sínum viðureignum. Einn úr þeirra hópi stendur sig þó framar áætlunum, hr. Carlsen! - Nei ekki sá, heldur pabbi hans Magnúsar, Henrik Carlsen. Hann hefur náð afar hagstæðum úrslitum og mokar inn skákstigum. Hvað er eiginlega í vatninu heima hjá þeim feðgum?

 

Magnús Carlsen mætir!

Heimsmeistarinn sjálfur mætir til leiks á skákstað á morgun. Ekki missa af því!

FM Lars Oskar Hauge (2380) sem vann stórmeistara í gær í aðeins 19 leikjum, fékk ákjósanlega stöðu gegn GM Alexandr Fier (2601), vann peð og virtist líklegur, en missteig sig í miðtaflinu og tapaði.

Alexandr Fier warmed up for the #ReykjavikOpen by playing Peter Svidler on #c24live! Round 4 now live from Iceland: https://t.co/ImmWWICxFf

— chess24.com (@chess24com) March 12, 2015

"Something has gone wrong for Fier in the opening". #ReykjavikOpen.

— Tarjei J. Svensen (@TarjeiJS) March 12, 2015

Oops. Lars Oskar missed 18...Ng4! Norwegian in trouble now. #ReykjavikOpen #c24live pic.twitter.com/lKcfdkXVAp

— Tarjei J. Svensen (@TarjeiJS) March 12, 2015

 

Okkar menn áttu jafnframt erfitt uppdráttar gegn þeim sterkustu, en GM Héðinn Steingrímsson (2530) tapaði fyrir stigahæsta manni mótsins, GM Shakhriyar Mamedyarov (2756). Þá tapaði stórmeistarinn Stefán Kristjánsson fyrir GM David Navara (2736) í gríðarlega flókinni skák þar sem báðir áttu sénsa. David Navara mætti í myndver og skýrði skákina fyrir Fionu Steil-Antoni og heimsbyggðinni allri í ítarlegu innslagi.

David sló á létta strengi í viðtalinu og sagði eftirfarandi sem varð Tístheimi að yrkisefni:

There's a Miss Tactics and a Miss Strategy. David Navara: "There should also be a Miss Calculation." http://t.co/2psh9VgMkv #ReykjavikOpen

— ChessVibes (@ChessVibes) March 12, 2015

Viðtalið við David hefst eftir 19 mínútur og 20 sekúndur (19:25:00)

 

 

GM Hjörvar Steinn Grétarsson

Okkar menn áttu margir góðar skákir. Einhvers staðar verður að byrja og liggur beinast við að hefja leikinn á 100% mönnunum. Stórmeistarinn Hjörvar Steinn Grétarsson (2554) fékk ákjósanlega sóknarstöðu og lét ekki bjóða sér það tvisvar.

Í 14. leik lék Hjörvar g5 og hvítur var svo gott sem varnarlaus gegn liðsafla svarts. Góður sigur hjá Hjörvari sem er með fullt hús og eðli máls skv. í hópi efstu manna.

It seems to me that the young Abdumalik thinks that "giving the stare" is her last option in this position. She may be right. #ReykjavikOpen

— Tarjei J. Svensen (@TarjeiJS) March 12, 2015

 

IM Jón Viktor Gunnarsson

IM Jón Viktor Gunnarsson (2443) er í hörku formi þessa dagana og blés til sóknar gegn stórmeistaranum Gawain Jones (2642). Glöggir lesendur muna vafalaust að Jón gerði jafntefli við GM David Navara (2736) í 3. umferð í gær.  

32..e4

Frá upphafi var ljóst að Jón Viktor ætlaði sér að sækja fast að Gawain. Eftir nokkuð þunga sókn virtist sem ró væri að færast yfir og niðurstaðan yrði jafntefli. Jón var þó ekki alveg tilbúinn að samþykkja það og fórnaði peði til að virkja biskupinn sinn.

38.. exd3

Eftir 38. leik hvíts virtist sem svo að þráskák yrði niðurstaðan, staðan var að vísu afar flókin, en varla fyrir hvern sem er að sjá í gegnum allar flækjurnar. Jón Viktor lét það sem vind um eyru þjóta og drap á d3 og hótar að vekja upp drottningu í framhaldinu.

Áfram var skákað og virtist fátt koma í veg fyrir jafntefli – Þá varð Gawain á að gera mistök, hann lék 43. Kh3 og leyfði skák með drottningu á h6. Hví er það mikilvægt – jú, það valdar f8, reitinn sem hvítur þarf að geta notað til að þráskáka (þráleika). Mögulega hefði svartur unnið þrátt fyrir þessi mistök, en greinarhöfundur viðurkennir fúslega að skilja ekkert í stöðunni fram að þessu.

46. Dxd4

Nú er fátt um fína drætti. Svartur á leik og lék Dxg6 skák. Hvítur á tvo möguleika, 47. Kg3 sem tapar samstundis eftir Dh4+! Eða 47. Kh3. – Sá síðarnefndi varð fyrir valinu en hann tapar líka. 47.. Dh7 skák og hvítur verður að fara með kónginn til baka á g2 (48. Kg2), í þeim tilgangi einum að fá 48.. Dc2 á borðið og svartur hótar að vekja upp drottningu með skák.

48..Dc2

Hvítur reyndi 49. De5+ í þeirri von að svartur félli í gildruna 49.. Bc7 50. De8# - Svartur hins vegar vék sér undan með 49..Ka8 og þar með var niðurstaðan ljós.

GM Gawain Jones 0-1 IM Jón Viktor Gunnarsson!

Jón Kristinn Þorgeirsson

Fjölmargir íslendingar áttu góðar skákir í umferðinni. Jón Kristinn Þorgeirsson (2177) var ekki í vandræðum með svart gegn GM Sahaj Grover (2519) og gerði jafntefli.

• Einar Valdimarsson (1889) lagði svíann Magnus Wahlbom (2278)
• Dagur Kjartansson (1756) vann Bart Stam (1972)
• Óskar Víkingur Davíðsson (1454) vann Jack Van Zyl-Rudd (1648)
• Og Aron Thor Mai (1320) vann Mikhail Kruglyak (1775) !

 

Jafntefli við sterka andstæðinga eru líka merki um framfarir – okkar fólk átti slatta af þeim:

• Veronika Steinun Magnúsdóttir (1571) gerði jafntefli við Harald Haraldsson (1948)
• Heimir Páll Ragnarsson (1497) gerði jafntefli við David Kenney (1885)
• Birgir Örn Steingrímsson (1669) gerði jafntefli við Otto Milvang (1872)

Íslendingar áttu að sjálfsögðu fleiri vinningsskákir, en árangur þeirra er tíundaður í viðhengdu skjali neðst í fréttinni og hér.

Óvænt úrslit

2. IM Nico Georgiadis (2468) ½ ½ GM Erwin L´ami (2605)
3. GM Gawain C B Jones (2642) 0-1 IM Jón Viktor Gunnarsson (2443)
4. GM Eric Hansen (2566) ½ ½ IM Tania Sachdev (2404)
5. WGM Sarasadat Khademalsharieh (2357) ½ ½ GM Hannes Hlífar Stefánsson (2560)
6. GM Zbigniew Pakleza (2498) ½ ½ FM Einar Hjalti Jensson (2390)
7. IM Guðmundur Kjartansson (2491) ½ ½ FM Kazim Gulamali (2350)
8. GM Sahaj Grover (2519) ½ ½ Jón Kristinn Þorgeirsson (2177)
9. Alan M Byron (2172) ½ ½ GM Luis Galego (2462)
10. IM Marc Esserman (2426) ½ ½ Ludo Tolhuizen (2123)
11. Jón Trausti Harðarson (2170) ½ ½ IM Alina L´ami (2393)
12. IM Dagur Arngrímsson (2366) ½ ½ Henrik Carlsen (1986)
13. Johan Sigerman (2123) ½ ½ IM David H. Cumings (2345)
14. Eivind Olav Risting (2100) ½ ½ FM Jonas Rosner (2324)
15. Grant W Bucher (2087) 1-0 FM Guðmundur Stefán Gíslason (2321)
16. Gregory Lux (2065) ½ ½ Philipp Hitzler (2315)
17. Alberto Prieto (2045) 1-0 FM Sebastian Mihajlov (2308)
18. Einar Valdimarsson (1889) 1-0 Magnus Wahlbom (2278)
19. Lopez Jaime Martinez (2044) ½ ½ FM Ahmad Siar Wahedi (2287)
20. Baldur Teodor Petersson (1951) ½ ½ IM Petter Haugli (2247)
21. Jón Árni Halldórsson (2150) ½ ½ Eric De Winter (1776)
22. FM Bjerke Richard (2180) ½ ½ Michael Marshall (1844)
23. Bragi Halldórsson (2140) 0-1 Figuero Fernando Arroyo (1835)
24. Dustin Tennessee Opasiak (1781) 1-0 Þór Már Valtýsson (1974)
25. Peter Sebastian Stuhr (1973) 0-1 Bartoz Miszkielo (1694)
26. Dagur Kjartansson (1756) 1-0 Bart Stam (1972)
27. Haraldur Haraldsson (1948) ½ ½ Veronika Steinun Magnúsdóttir (1571)
28. Oystein Edbardsen (1662) ½ ½ Kris Klausen (1937)
29. Ralph P Palmeri (1642) 1-0 Bjarne Undheim (1926)
30. Heimir Páll Ragnarsson (1497) ½ ½ David Kenney (1885)
31. Birgir Örn Steingrímsson (1669) ½ ½ Otto Milvang (1872)
32. Mikhail Kruglyak (1775) 0-1 Aron Thor Mai (1320)
33. Óskar Víkingur Davíðsson (1454) 1-0 Jack Van Zyl-Rudd (1648)

 

Pörun í 5. umferð

Pörun í 5. Umferð liggur fyrir og býður upp á skákveislu á morgun. Helstu viðureignir verða:

Smella á mynd til að stækka

• Heimasíða mótsins
• Facebook-síða mótsins (myndir og fleira)
• Beinar útsendingar
• Bein lýsing
• Chess-Results

Skrár tengdar þessari bloggfærslu:

• Árangur íslendinga eftir 4. umferð

Úrslit í Reykjavik Open Barna-Blitz fara fram á laugardag klukkan 12:00.

Átta ungir skákmenn hafa unnið sér inn sæti í úrslitunum og mæta á sviðið í Hörpu á laugardaginn klukkan 12:00.

Teflt verður með útsláttarfyrirkomulagi og dregið í hverja umferð.

Tefldar verða tvær skákir í hverri umferð og svo armageddon skák.

Keppendur:

• Vignir Vatnar Stefánsson TR
• Alexander Mai TR
• Mykhaylo Kravchuk TR
• Róbert Luu TR
• Nansý Davíðsdóttir Fjölnir
• Óskar Víkingur Davíðsson Huginn
• Stefán Orri Davíðsson Huginn
• Halldór Atli Kristjánsson Huginn

Wow air vormót TR hefst 23. mars

Hið glæsilega Wow air Vormót Taflfélags Reykjavíkur hefst í skákhöll félagsins að Faxafeni 12 mánudaginn 23. mars  Frábærar viðtökur er mótið var haldið í fyrsta sinn í fyrra tryggja að það verður nú árlegur viðburður í fjöbreyttri mótaflóru félagsins.

Tefldar verða sjö umferðir eftir svissneska kerfinu og er umhugsunartíminn 90 mínútur á fyrstu 40 leikina en eftir það bætast við 15 mínútur.  30 sekúndur bætast við eftir hvern leik alla skákina.  Teflt verður einu sinni í viku á mánudagskvöldum og hefjast umferðirnar kl. 19.30  Tvær yfirsetur (bye) verða leyfðar í umferðum 1-5.

Mótið er fyrst og fremst hugsað fyrir sterkari skákmenn og er frábær upphitun fyrir Skákþing Íslands sem hefst að móti loknu. 

Í A – meistaraflokk hafa allir skákmenn með GM/IM/FM/WGM titil þátttökurétt, auk allra skákmanna með yfir 2200 Elo skákstig.

Í B – áskorendaflokk hafa allir skákmenn með yfir 2000 Elo skákstig þátttökurétt.

Skákmenn sem uppfylla stigalágmörkin á 1. mars eða ná þeim á Reykjavik Open er gjaldgengir í mótið.

Tveimur skákmönnum á stigabilinu 2000 – 2199 verður boðið sæti í A flokki.  Þau sæti eru fyrst og fremst hugsuð fyrir unga og upprennandi skákmenn á öllum aldri í mikilli framför. 

Allt að fjórum skákmönnum sem ekki hafa tilskilin stig fyrir B flokkinn verður boðin þátttaka þar.  Þau sæti eru fyrst og fremst ætluð efnilegustu skákkrökkunum og unglingunum okkar, en allir geta sótt um.

Hægt er að sækja um þessi 6 sæti með því að senda póst á [e-mail] eða hafa samband við formann félagsins Björn Jónsson í síma 8999268 eigi síðar en 18. mars.

Sigurvegari Wow air Vormótsins í fyrra var Hjörvar Steinn Grétarsson stórmeistari. Magnús Pálmi Örnólfsson sigraði í B flokki og annar varð Kjartan Maack.  Þeir tveir unnu sér inn keppnisrétt í A - flokki í ár.

Í fyrra tóku þátt fimm stórmeistarar, tveir alþjóðlegir meistarar, fjórir Fide meistarar og einn stórmeistari kvenna

Glæsileg verðlaun eru í mótinu í boði Taflfélags Reykjavíkur og vina okkar hjá Wow air.

A – Meistaraflokkur:

1. Flugmiði með Wow air á einn af áfangastöðum félagsins (skattar og gjöld innifalið) plús 40.000 krónur
2. 40.000 krónur
3. 20.000 krónur

 

B – Áskorendaflokkur:

1. Flugmiði með Wow air á einn af áfangastöðum félagsins (skattar og gjöld innifalið) plús 20.000 krónur
2. 20.000 krónur
3. 10.000 krónur

Auk þess verða veittir bikarar fyrir efsta sætið í hvorum flokki auk farandbikars fyrir sigurvegara A flokks.  Verðlaunapeningar fyrir annað og þriðja sætið í báðum flokkum.

Að lokum eiga allir keppendur möguleika á að vinna glæsilegar DGT  skákklukkur  en tvær slíkar verða dregnar út í happdrætti við verðlaunaafhendingu.

Tvö efstu sætin í B – flokki veita þátttökurétt í A flokki að ári. 

Umferðatafla:

1. umferð mánudag 23. mars kl. 19.30
2. umferð mánudag 30. mars  kl. 19.30

Páskahlé

3. umferð mánudag 13. apríl  kl. 19.30
4. umferð mánudag 20. apríl  kl. 19.30
5. umferð mánudag 27. apríl  kl. 19.30
6. umferð mánudag 04. maí   kl. 19.30
7. umferð mánudag 11. maí   kl. 19.30

 

Verðlaunaafhending mun fara fram föstudagskvöldið 22. maí, en þá mun fara fram skemmtikvöld hjá TR. 

Tekið skal fram að 25% af verðlaunafé úr Wow air mótinu verður haldið eftir ef verðlaunahafar mæta ekki á verðlaunaafhendinguna til að taka við verðlaunum sínum án gildra ástæðna.

Ef fresta þarf skákum verða þær viðureignir tefldar á miðvikudagskvöldum kl. 19.30 (samhliða skákmóti öðlinga). 

Þátttökugjald er kr. 5000 fyrir félagsmenn Taflfélags Reykjavíkur en kr. 10.000 fyrir aðra. 

Þeir skákmenn sem skrá sig fyrir 20. mars fá 50% afslátt af þátttökugjaldinu.  Frítt er fyrir titilhafa á mótið skrái þeir sig fyrir 20. mars, annars kr. 5000.  

Skráning fer fram hér og lýkur á miðnætti 22. mars. 

Hér má sjá keppendalistann. 

Taflfélag Reykjavíkur hvetur alla skákmenn til að taka þátt enda var mótið í fyrra eitt sterkasta og best heppnaða mót ársins.

• WOW air mótið 2014

Reykjavíkurskákmótið: 4. umferð hefst kl. 17

4. umferð Reykjavíkurskákmótsins hefst kl. 17.

Boðið verður upp á fjölmargar spennandi viðureignir. Í dæmaskyni má nefna viðureignir:

GM Héðins Steingrímssonar (2530) og GM Shakhriyar Mamedyarov (2756)

WGM Zhansaya Abdumalik (2379) og GM Hjörvars Steins Grétarssonar (2554)

GM Davids Navara (2736) og GM Stefáns Kristjánssonar (2482)

GM Gawain Jones (2642)og IM Jóns Viktors (2443)

GM Artur Jussupows (2573) og IM Braga Þorfinnssonar (2429)

og margar fleiri!

 

Þeir sem geta hreinlega ekki beðið eftir að umferðin hefjist, geta kíkt á stuttmynd Vijay Kumar frá 2. og 3. umferð hér að neðan - Skoðað myndasafnið á Facebook síðunni - Kíkt á pörunina eða bara gert ekkert! 

Beinar útsendingar verða hér (skákirnar) og hér (sjónvarp)

 

 Smella á mynd til að stækka

 

 

• Heimasíða mótsins
• Facebook-síða mótsins (myndir og fleira)
• Beinar útsendingar
• Bein lýsing
• Chess-Results

Mamedyarov teflir fjöltefli hjá GAMMA í dag

Klukkufjöltefli verður haldið í Gallery GAMMA í dag, frá klukkan 11:00 til 13:00. 

Fjölteflið er haldið í tilefni af Reykjavíkurskákmótinu sem sett var í Hörpu í fyrradag og stendur til 18. mars. 

Aserski stórmeistarinn Shakhriyar Mamedyarov mun taka þátt í fjölteflinu hjá GAMMA á morgun en hann er á meðal keppenda á Reykjavíkurskákmótinu. Mamedyarov er einn sterkasti skákmaður heims og lykilmaður í landsliði Aserbaídsjan sem er núverandi Evrópumeistari landsliða. 

Tíu skákmenn munu etja kappi við Mamedyarov. Á meðal þeirra er elsti keppandi Reykjavíkurskákmótsins, Páll G. Jónsson, fæddur 1933 og Gunnar Björnsson, forseti Skáksambands Íslands. Einnig munu nokkrir af efnilegustu skákmönnum ungu kynslóðarinnar tefla við aserska stórmeistarann. Þar á meðal Veronika Steinunn Magnúsdóttir sem hefur átt sæti í stúlknalandsliði Íslands í skák.

Metþátttaka er á Reykjavíkurskákmótinu, fimmta árið í röð, og tefla 273 skákmenn frá 38 löndum í Hörpu þessa dagana. Mótið nýtur mikillar virðingar í skákheiminum. Það var valið næst besta opna skákmót heims af samtökum atvinnuskákmanna í fyrra en þess má geta að mörg hundruð opin mót eru haldin um allan heim á hverju ári. 

GAMMA er aðalstyrktaraðili Reykjavíkurskákmótsins til næstu fjögurra ára og var samstarfssamningur þess efnis undirritaður 26. janúar sl.

Allir skákáhugamenn sem vilja fylgjast með fjölteflinu eru boðnir velkomnir í Garðastrætið í dag á milli 11 og 13.

(Fréttatilkynning frá GAMMA) 

Stefán Orri og Halldór Atli í úrslit Barna-Blitz

Stefán Orri Davíðsson og Halldór Atli Kristjánsson voru efstir og jafnir á Huginsæfingu á mánudaginn þegar keppt var um síðustu tvö sætin í úrslitum Barna-Blitz sem fram fer í Hörpunni laugardaginn 14. mars.

Tefldar voru 6 umferðir með 7 mínútna umhugsun enda allar digital klukkur félagsins komar niður í Hörpu fyrir Reykjavik Open. Eins og áður sagði voru Stefán Orri og Halldór Atli efstir og jafnir með 5v en Stefán Orri sjónarmun hærri á stigum. Stefán Orri fór taplaus í gegnum æfinguna en gerði tvö jafntefli við Atla Mar Baldursson og Alexander Már Bjarnþórsson. Halldór Atli tapaði hins vegar fyrir Stefáni Orra en vann alla aðra andstæðinga sína. Næstir komu svo Óttar Örn Bergmann Sigfússon og Ísak Orri Karlsson með 4v en Óttar Örn aðeins hærri á stigum.

Það er því ljóst hverjir verða í urslitum á Reykjavik Open Barna-Blitz. Frá Skákfélaginu Huginn unnu sér þátttökurétt Óskar Víkingur Davíðsson, Stefán Orri Davíðsson og Halldór Atli Kristjánsson en ásamt þeim tefla í úrslitum Vignir Vatnar Stefánsson, Mikhailo Kravchuk, Alexander Oliver Mai, Róbert Luu, Taflfélagi Reykjavíkur, og Nansý Davíðsdóttir, Skákdeild Fjölnis.

Meðan keppt var um þátttökurétt í Barna-Blitzinu var sér æfing fyrir þá sem höfðu ekki þátttökurétt í því móti eða voru búnir að vinna sér þátttökurétt. Á þeirri æfingu var Dawid Kolka efstur, Óskar Víkingur Davíðsson annar og Alec Elías Sigurðsson þriðji.

Ekkert hlé verður á æfingunum meðan á Reykjavíkurskákmótinu stendur þannig að næsta æfing verður mánudaginn 16. mars.

Reykjavíkurskákmótið: Jón Viktor með jafntefli við David Navara - Tveir íslendingar með fullt hús

Þriðja umferð Reykjavíkurmótsins, sem var að ljúka, var afar spennandi. 

Norðmaðurinn og Fidemeistarinn Lars Oskar Hauge (2380) er að öðrum ólöstuðum maður umferðarinnar, en hann lagði stórmeistarann Allan Stig Rasmussen (2532) í aðeins 19 leikjum! Fullyrt er að slíkt gerist ekki á hverjum degi þegar um svo sterka skákmenn er að ræða.

Lars Oskar mætti í myndver og fór yfir skákina með Fionu Steil-Antoni – Yfirferðin hefst eftir tvo klukkutíma og 24 mínútur (02:24:00)

 

Frændur okkar norðmenn fjölmenntu til leiks í Reykjavíkurskákmótinu, en hópur þeirra telur alls 33 skákmenn. Þrír þeirra, þ.m.t. Lars Oskar sem nefndur var að ofan, eru enn með fullt hús eftir þrjár umferðir. Athygli vekur að norðmaður nr. 2 – John Ludvig Hammer (2651) er ekki á meðal þeirra.

What a start for the Norwegian teenagers in #ReykjavikOpen! IM A. Tari (15): 3/3 FM L.O Hauge (16): 3/3 FM J-S Christiansen (16): 3/3

— Tarjei J. Svensen (@TarjeiJS) March 11, 2015

 

Maður dagsins er hins vegar augljóslega Fidemeistarinn Daniel L Bisby (2321) frá Englandi. Í fyrri umferð dagsins lagði hann stórmeistarann Sergei Movsesian (2665) og í seinni umferð dagsins vann hann aftur stórmeistara, í það skiptið Axel Rombaldoni (2488) frá Ítalíu.

What a day for Daniel Bisby at #ReykjavikOpen!!! Crushing GMs Movsesian and Rombaldoni on the same day! #greatplay http://t.co/6ACKXj0ZJz

— Dusan Chess (@DusanChess) March 11, 2015

Watching teammate Dan Bisby crush everyone at #ReykjavikOpen - will this be a repeat of last year? 3/3 then 3/6? Let's hope not! #fingersxd

— Sabrina Chevannes (@SChevannes) March 11, 2015

 

Alþjóðameistarinn Jón Viktor Gunnarsson (2433), sem jafnframt er skákmeistari Reykjavíkur, átti góða skák í umferðinni, en hann var með hvítt gegn tékkanum og stórmeistaranum David Navara (2736). Sá síðarnefndi reiknast með 2751 Elo-stig á lifandi stigalista og er sem stendur 14. stigahæsti skákmaður heims skv. vefsíðunni 2700.com. Skákin var afar spennandi og lengi vel mátti vart á milli sjá hvor stæði betur. Jón Viktor náði hagstæðum uppskiptum í miðtaflinu og var peði yfir í endatafli. Því miður er það heilagur sannleikur að endatöfl með peð yfir eru jafntefli (og peð undir töpuð ) og lauk skákinni með jafntefli. Hetjuleg barátta hjá nýkrýndum Reykjavíkurmeistara.

Staðan:

Fjórtán skákmenn eru efstir og jafnir með fullt hús og þar af eru tveir íslendingar: stórmeistararnir Héðinn Steingrímsson og Hjörvar Steinn Grétarsson. Fjölmargir íslendingar koma í humátt á eftir með 2,5 vinninga. Nánar er hægt að glöggva sig á stöðunni hér (íslendingar sérstaklega merktir)

Árangur íslendinga er svo tíundaður í viðhengdu skjali neðst í fréttinni.

 

Líkt og áður var nóg af óvæntum úrslitum. Okkar menn létu sitt ekki eftir liggja og náðu margir afar hagstæðum úrslitum. Þorsteinn Magnússon (1301) vann líklega stærsta sigur umferðarinnar þegar hann lagði norðmanninn William Olsen (1716) – 415 stiga munur þar, takk fyrir!

Hilmir Freyr Heimisson (1861) lagði Fidemeistarann Richard Bjerke (2180); Mikael Jóhann Karlsson, Jóhann Ingvarsson og Örn Leó Jóhannsson náðu allir jafnteflum við alþjóðameistara; Þá gerði IM Bragi Þorfinnsson jafntefli við GM Nils Grandelius (2603) frá Svíþjóð.

Þá náðu Guðmundur Kristinn Lee, Birkir Karl Sigurðsson og Hjálmar Rafn Sigurvaldason allir hagstæðum úrslitum.

Óvænt úrslit:

2. IM Jón Viktor Gunnarsson (2433) ½ ½ GM David Navara (2736)
3. IM Bragi Þorfinnsson (2429) ½ ½ GM Nils Grandelius (2603)
4. IM Marin Daniel Pulvett (2434) ½ ½ GM Gawain C B Jones (2642)
5. FM Einar Hjalti Jensson ½ ½ GM Sabino Brunello (2540)
6. FM Lars Oskar Hauge (2380) 1-0 GM Allan Stig Rasmussen (2532)
7. GM Henrik Danielsen (2514) 0-1 WGM Zhansaya Abdumalik (2379)
8. GM Pouya Idani (2496) 0-1 FM Johan-Sebastian Christiansen (2351)
9. GM Axel Rombaldoni (2488) 0-1 FM Daniel L Bisby (2321)
10. IM Vladimir Poley (2269) 1-0 IM Vladimir Hamitevici (2450)
11. IM Cristina-Adela Foisor (2349) ½ ½ Mikael Jóhann Karlsson (2138)
12. IM Justin Sarkar (2376) ½ ½ Jóhann Ingvarsson (2135)
13. IM Justin Sakar (2376) ½ ½ Örn Leó Jóhannsson (2107)
14. Henrik Carlsen (1986) 1-0 Dagur Ragnarsson (2347)
15. IM Petter Haugli (2247) ½ ½ Niels Erik Andersen (1900)
16. Martin Sandberg (1889) ½ ½ Þorvarður Fannar Ólafsson (2230)
17. Hilmir Freyr Heimisson (1861) 1-0 FM Richard Bjerke (2180)
18. Ben Simpson 1-0 Bragi Halldórsson (2140)
19. Páll G Jónsson (1833) 1-0 Gonzalez Alfonso Gonzales (2122)
20. Erlingur Þorsteinsson (2119) ½ ½ Bárður Örn Birkisson (1839)
21. Gylfi Þórhallsson (2084) 0-1 Flemming Borg (1828)
22. Eduardo Ribeiro Machado (1818) ½ ½ Jens Erik Kofoed Hald (2069)
23. David Miller (2066) ½ ½ Arnt-Ole Johansen (1819)
24. Guðmundur Kristinn Lee (1676) ½ ½ Lopez Janie Martinez (2044)
25. Matthew Lunn (2034) ½ ½ Birkir Karl Sigurðsson (1767)
26. Mykhaylo Kravchuck (1475) ½ ½ Brandur Hojgaard (1787)
27. Hjálmar Sigurvaldason (1450) 1-0 Mikhail Kruglyak (1775)
28. Adrian Starosciak (1304) 1-0 Karl Egill Steingrímsson (1720)
29. William Olsen (1716) 0-1 Þorsteinn Magnússon (1301)

 Pörun 4. umferðar

Pörun 4. umferðar liggur fyrir og má skoða hér (íslendingar sérstaklega merktir)

Helstu viðureignir verða:

• Heimasíða mótsins
• Facebook-síða mótsins (myndir og fleira)
• Beinar útsendingar
• Bein lýsing
• Chess-Results

Athygli er vakin á því að 4. Umferð hefst kl. 17 á morgun, ekki kl. 15 eins og annars væri.

Skrár tengdar þessari bloggfærslu:

• Árangur íslendinga eftir 3. umferð

Reykjavíkurskákmótið: Jón Kristinn lagði alþjóðlegan meistara - Movsesian tapaði

Nóg var um að vera í 2. umferð Reykjavíkurskákmótsins sem var að ljúka. Titilhafar hafa vafalaust átt betri dag, en ótrúlega mörg úrslit voru þeim í óhag í umferðinni. Íslendingar létu sitt ekki eftir liggja og áttu fjölmörg hagstæð úrslit. Ber þar hæst sigur norðlendingsins unga, Jóns Kristins Þorgeirssonar (2177) sem stýrði svarta liðinu gegn alþjóðlega meistaranum Razvan Preotu (2477). FM Halldór Grétar Einarsson (2166) lagði stórmeistarann Þröst Þórhallsson (2428) með svörtu. Þá átti GM Sergei Movsesian (2665) óvænt úrslit í meira lagi þegar hann tapaði fyrir FM Daniel L Bisby (2321)!

Hér á eftir eru tíunduð þau úrslit sem helst vöktu athygli í umferðinni. Íslendingar eru merktir sérstaklega.

Óvænt úrslit (200 stiga munur eða meira)

GM Hrant Malkumyan (2676) ½ ½ FM Jonas Rosner (2324)

FM Daniel L Bisby (2321) 1-0 GM Sergei Movsesian (2665)

WIM Shiqun Ni (2315) ½ ½  GM Daniel Naroditsky (2663)

GM Matthieu Cornette (2585 ½ ½ WGM Zeinab Mamedjarova (2303)

GM Jean-Pierre Le Raux (2548) ½ ½ FM Ahmad Siar Walhedi

GM Sahaj Grover (2519) ½ ½ IM Vladimir Poley (2269)

GM Zbigniew Pakleza (2498) ½ ½ Ansgar Barthel (2230)

Kristján Eðvarðson (2176) ½ ½ GM Ralf Akesson (2456)

IM Razvan Preotu (2447) 0-1 Jón Kristinn Þorgeirsson (2177)

GM Þröstur Þórhallsson (2428) 0-1 FM Halldór Grétar Einarsson (2166)

IM Yaacov Norowitz (2422) ½ ½ Erhard Rueger (2133)

Örn Leó Jóhannsson (2107) ½ ½ IM Cristina-Adela Foisor (2394)

IM Alina L´ami (2393) ½ ½ Jason Kenney (2104)  

Jeroen Van Den Bersselaar (2083) ½ ½ IM Sarkar Justin (2376)

WGM Sarasadat Khamdemalsharieh (2357) ½ ½ Eivind X Djurhuus (2077)

Birkir Karl Sigurðsson (1767) 1-0 James Chan (2038)

Jon Olav Fivelstad (1929) 0-1 Veronika Steinun Magnúsdóttir (1571)

Heimir Páll Ragnarsson (1497) 1-0 Kris Klausen (1937)

Teodor Baldur Petersson (1951) ½ ½ Felix Steinþórsson (1634)

Gauti Páll Jónsson (1968) ½ ½ Torge Ugland (1636)

Peter Sebastian Stuhr (1973) 0-1 Guðmundur Kristinn Lee (1676)

Michael A. Murray (2008) 0-1 Friðgeir K Hólm (1700)

47 skákmenn eru enn með fullt hús og því marklaust að greina stöðuna nánar enn sem komið er. Bent er á eftirfarandi tengil þar sem staða íslendinga er sérstaklega merkt. Staðan. Staða íslendinga er tíunduð í viðhengdu skjali við fréttina.

Pörun 3. umferðar, sem hefst kl. 17, liggur fyrir og eru helstu viðureignir þannig:

• Heimasíða mótsins
• Facebook-síða mótsins (myndir og fleiri)
• Beinar útsendingar
• Bein lýsing
• Chess-Results

Skrár tengdar þessari bloggfærslu:

• Staða íslendinga

Reykjavíkurskákmótið hófst í dag með (veður)-hvelli!

Reykjavíkurskákmótið hófst í dag með sannköllum (veður)-hvelli. Ríflega 270 skákmenn eru skráðir til leiks. Sumir komust reyndar ekki til landsins vegna stormsins í dag sem hafði einnig áhrif á heimsókn forseta FIDE þar sem ófært var yfir Hellisheiðina og því náði hann ekki að heimsækja gröf Fischers í dag eins og hann ætlaði sér. Óvænt úrslit komu við sögu í dag þótt flest úrslit hafi verið eftir bókinni.

Óvænt skák var tefld í dag þegar Friðrik tefldi við forseta FIDE eins og fram kom í gríðarlegri skemmtilegri frétt Stöðvar 2 í dag.

Meðal óvæntra úrslit í kvöld má nefna að Ólafur Gísli Jónsson gerði jafntelfi við alþjóðlega meistarann Vladimir Hamiteici en stigamunurinn er þar um 550 stig. Ólafur Gísli hefur verið með á hverju ári á Reykjavíkurskákmótinu síðan 2009. 

Hollendingurinn Eric de Winter, sem færði Friðriki gjöf við upphafi móts eins og lesa má á Morgunblaðinu reyndist óútreiknanlegur eins og veðrið og gerði jafntefli við mun stigahærri andstæðing.

Óvæntustu úrslitin átti sem Halldór Atli Kritjánsson, sem gerði jafntefli við andstæðing sem var 800 stigum hærri en hann sjálfur!

Önnur umferð hefst kl. 10 í fyrramálið. Þau æsast leikar heldur betur. Þriðja umferð hefst kl. 17 og munu skákskýringar hefjast þá í Hörpu uppúr kl. 19.

Í fyrramálið teflir nýkrýndur Norðurlandameistari Dagur Ragnarsson við sjálfan Mamedyarov á fyrsta borði.

Myndband frá fyrstu umferð (Vijay Kumar)

 

 

• Heimasíða mótsins
• Facebook-síða mótsins (myndir og fleiri)
• Beinar útsendingar
• Bein lýsing
• Chess-Results

Reykjavíkurskákmótið í fullum gangi!

Reykjavíkurskákmótið er í fullum gangi en það hófst í dag kl. 15. Á morgun verða tefldar tvær umferðir kl. 10 og 17. Hér að neðan má sjá marga gagnlega linka.

• Heimasíða mótsins
• Facebook-síða mótsins (myndir og fleiri)
• Beinar útsendingar
• Bein lýsing
• Chess-Results