Áskorendaflokkur hefst í dag kl. 18 - Góð þátttaka!

Tæplega 50 keppendur eru skráðir til leiks í áskorendaflokk Íslandsmótsins í skák sem hefst í dag.

Flokkurinn fer fram um páskana, 27. mars – 5. apríl nk. Teflt er húsnæði Taflfélag Reykjavíkur, Faxafeni 12. Tefldar verða níu umferðir eftir svissneska kerfinu. Mótið verður jafnframt Íslandsmót kvenna.

Einnig verður teflt í opnum flokki sem verður opinn fyrir skákmenn með 1600 skákstig eða minna. Keppendur með minna en 1600 skákstig geta valið á milli flokka.

Í áskorendaflokki verða tefldar níu umferðir en í opnum flokki verða tefldar sjö umferðir. Opnum flokki lýkur á föstudeginum langa. 

Keppendalista má finna á Chess-Results.

Verðlaun í áskorendaflokki eru sem hér segir: 

1. 75.000 kr.
2. 45.000 kr.
3. 30.000 kr. 

Verðlaun í opnum flokki: 

1. Þrjár skákbækur hjá bóksölu Sigurbjörns
2. Tvær skákbækur hjá bóksölu Sigurbjörns
3. Skákbók hjá bóksölu Sigurbjörns. 

Auk þess verði sérstök stigaverðlaun fyrir þá sem hafa minna en 1200 stig í opnum flokki. 

Verðlaun skiptast eftir Hort-kerfi séu menn efstir í verðlaunasætum í áskorendaflokki. Tvö efstu sætin gefa keppnisrétt í landsliðsflokki að ári. Séu menn jafnir ræður stigaútreikningur (nánar í mótsreglum hér að neðan). Í opnum flokki gildir stigaútreikningur um verðlaunsæti.  

Skráning

Þátttökugjöld eru 5.000 kr. Unglingar 15 ára og yngri (1999 og síðar) og F3-félagar fá 50% afslátt. 

Í opnum flokki (sem eingöngu fyrir opinn fyrir þá sem hafa 1600 skákstig eða minna) eru þátttökugjöld fyrir alla kr. 2.000. 

Skráning fer fram á Skák.is (guli kassinn efst). Þátttökugjöld greiðist inn á reikning 101-26-12763, kt. 580269-5409 fyrir mót.

Upplýsingar um þegar skráða keppendur má finna hér.

Tímamörk

Áskorendaflokkur: 90 mínútur + 30 mínútur eftir 40 leiki. 30 sekúnda viðbótartími eftir hvern leik.

Opinn flokkur: 60 mínútur auk 30 sekúnda viðbótartími eftir hvern leik.

Dagskrá: 

1. umferð, Föstudagurinn, 27. mars, kl. 18 
2. umferð, Laugardagurinn, 28. mars, kl. 10
3. umferð, Laugardaginn, 28. mars, kl. 16 
4. umferð, þriðjudaginn 31. mars, kl. 18
5. umferð, miðvikudaginn, 1. apríl, kl. 18
6. umferð, föstudagurinn (langi), 3. apríl, kl. 10
7. umferð, föstudagurinn (langi), 3. apríl, kl. 16
8. umferð, laugardagurinn, 4. apríl, kl. 14
9. umferð, sunnudagurinn, 5. apríl, kl. 14

Opinn flokkur klárast föstudaginn 3. apríl.

Nánari mótreglur

Ef tveir eða fleiri eru jafnir í sæti mun stigaútreikningur ráða ferð.

Nánar um útreikninginn:

• Samanlagðir vinningar allra andstæðinga lagðir saman nema þess stigalægsta
• Samanlagðir vinningar allra andstæðinga lagðir saman.
• Samanlagðir vinningar allra andstæðinga lagðir saman nema tveggja stigalægstu
• Innbyrðis úrslit  þeirra sem eru jafnir
• Sonneborn-Berger
• Hlutkesti

Jafnteflisreglur 

Takmarkanir eru settar á jafnteflisboð. Hún gengur út á það að ekki er heimilt að bjóða jafntefli fyrr en báðir keppendur hafa leikið 30 leiki. Á því má gera undantekningar sé þráteflt en þá verður að stöðva klukku, kalla á skákstjóra og koma með jafntefliskröfu. 

Yfirseta

Hægt er að taka tvær yfirsetur  í umferðum 1-6 og fá fyrir hana hálfan vinning. Óska þarf eftir yfirsetunni með góðum fyrirvara og fylla út eyðublað þess efnis hjá skákstjóra. 

Reykjavíkurskákmót í 50 ár - hægt að nálgast bókina um páskana

Bókin Reykjavíkurskákmót í 50 ár kom út fyrir skemmstu og hefur hlotið glimrandi móttökur meðal skákáhugamanna. 

Einstaka skákáhugamenn hafa skráð sig fyrir bókinni og greitt fyrir hana en ekki fengið bókina afhenda. Þeim sömu er bent á að um um páskana fer fram Íslandsmótið í skák (áskorendaflokkur) í húsnæði TR, Faxafeni 12.

Þar eru skákáhugamenn hjartanlega boðnir velkomnir til að ná í bókina. Það er langhentugast ef menn hafa tök til að spara skákhreyfingunni vinnu við innpökkun og sendingarkostnað. Einnig er hægt að nálgast hana á virkum dögum niður í skrifstofu SÍ, Faxafeni 12.  

Dagskrá mótsins má nálgast hér: 

1. umferð, Föstudagurinn, 27. mars, kl. 18 -22
2. umferð, Laugardagurinn, 28. mars, kl. 10-14
3. umferð, Laugardaginn, 28. mars, kl. 16-20
4. umferð, þriðjudaginn 31. mars, kl. 18-22
5. umferð, miðvikudaginn, 1. apríl, kl. 18-22
6. umferð, föstudagurinn (langi), 3. apríl, kl. 10-14
7. umferð, föstudagurinn (langi), 3. apríl, kl. 16-20
8. umferð, laugardagurinn, 4. apríl, kl. 14-18
9. umferð, sunnudagurinn, 5. apríl, kl. 14-18 

Bókin verður send til þeirra sem ekki hafa tök á að sækja hana niður í Faxafen í pósti eftir páska. 

Þeir sem ekki eiga ekki heimangengt í Faxafenið um páska látið vita – og bókin verður send í pósti fyrir páska.

Verð bókarinnar er kr. 4.900.

Þeim skák(áhuga)mönnum sem enn hafa ekki skráð sig fyrir bókinni bendum er bent á skráningarform hér.

 

Skákmót öðlinga hófst í gær

Skákmót öðlinga hófst í gær í félagsheimili TR. Alls taka 26 skákmenn þátt í mótinu og urðu úrslit almennt hefðbundin, þ.e. hinir stigahærri höfðu betur en þeir stigalægri. Á því varð þó ein undantekning því Kristinn Jens Sigurþórsson (1749) gerði jafntefli við Harald Baldursson (2000).

Önnur umferð fer fram nk. miðvikudagskvöld.

• Heimasíða TR
• Chess-Results

 

Skákþáttur Morgunblaðsins: Öruggur sigur þrátt fyrir óvænt tap

Hollendingurinn Erwin L'Ami sigraði á Reykjavíkurskákmótinu sem lauk í Hörpu í gær, hlaut 8 ½ vinning af 10 mögulegum. Hann hafði tryggt sér sigurinn fyrir umferðina í gær en tapaði þá nokkuð óvænt með hvítu fyrir sigurvegaranum frá Reykjavíkurmótinu 2013, Úkraínumanninum Pavel Eljanov sem varð varð í 2. – 3. sæti ásamt Frakkanum Fabien Libiszewski. Þeir hlutu báðir 8 vinninga.

Íslensku skákmennirnir náðu ekki að blanda sér í baráttuna um efsta sætið en flesta vinninga hlutu þeir Henrik Danielsen, sem vann David Navara glæsilega í lokaumferðinni, og Hannes Hlífar Stefánsson sem vann án taflmennsku þar sem andstæðingur hans, rúmenska skákkonan Christina Foisor gat ekki mætt til leiks vegna breytingar á ferðáætlun. Þeir hlutu báðir 7 ½ vinninga og urðu í 4.–14. sæti. Hannes raðast í 11. sæti og Henrik í 12. sæti.

Það er nánast hefð fyrir því í sögu Reykjavíkurmótanna að við eigum a.m.k. einn keppanda sem er í færum um að berjast um sigurinn og Hannes Hlífar hefur ekki látið sitt eftir liggja á því sviði og hefur fimm sinnum orðið efstur einn eða með öðrum. En þegar nokkrar umferðir voru eftir af mótinu var útséð um að nokkur okkar manna ætti möguleika á sigri. Fyrirfram mátti ætla að Hannes Hlífar og Hjörvar Steinn ættu bestu möguleikana á toppsæti. 

Misráðin ákvörðun

Það reyndist hinsvegar misráðin ákvörðun hjá þeim báðum að taka ½ vinnings yfirsetu. Þeir virtust báðir gleyma því að þetta Reykjavíkurskákmót með tíu umferðum og tæplega 300 þátttakendum er meira í ætt við spretthlaup en langhlaup og hvíld er einfaldlega ekki í boði ætli menn sér að vinna mótið.

Mótshaldið sem kalla mætti skákhátíð var skákhreyfingunni til mikils sóma og lögðu fjölmargir hönd á plóg. Hliðarviðburðir á borð við „barna-blitz“, knattspyrnukeppni og „pub-quiz“ lífguðu heilmikið uppá mótshaldið, einnig koma heimsmeistarans Magnúsar Carlsen sem ásamt landa sínum Jon Ludwig Hammer færði spurningakeppnina vinsælu upp á nýtt plan.

Þá heimsótti Kirsan Iljumzhinov, forseti FIDE, Ísland í fyrsta sinn, einnig Zurab Azmaparashvili, forseti evrópska skáksambandins, en þeir áttu báðir brýnt erindi vegna Evrópukeppni landsliða sem fram fer í Reykjavík í nóvember á þessu ári.

Fagmannlega var staðið að streymis-útsendingum sem voru í höndum Ingvars Jóhannessonar og vinkonu okkar frá Luxemburg, Fionu Stein-Atoni. Nýr aðalmagni Reykjavíkurmótsins fjárfestingarfyrirtækið Gamma vann vel með mótshaldaranum og einn forsprakki þess, Agnar Tómas Möller, tók sjálfur þátt í mótinu og stóð sig vel.

Einn aðalkosturinn við þetta form Reykjavíkurmótsins er að fjölmargir ungir skákmenn öðlast mikilsverða reynslu og margir hækkuðu duglega að stigum. Topp fimm lítur svona út:

1. Óskar Víkingur Davíðsson 150 stig, 2. Hilmir Freyr Heimissson 112 stig, 3. Heimir Páll Ragnarsson 103 stig, 4. Veronika Steinunn Magnúsdóttir 86 stig, 5. Oliver Aron Jóhannesson 82 stig.

Hvað varðar góða frammistöðu annarra keppenda má nefna að Áskell Örn Kárason hlaut 6 ½ vinning og ungu mennirnir i Skákfélagi Akureyrar, Símon Þórhallsson og Jón Kristinn Þorgeirsson, áttu báðir gott mót og hækkuðu einnig myndarlega að stigum.

Hinn 17 ára gamli Oliver Aron Jóhannesson átti frábært mót, hlaut 7 vinninga eins og Hjörvar Steinn Grétarsson og urðu þeir í 15. – 31. sæti. Oliver gerði sér lítið fyrir og vann fjórar síðustu skákir sínar og í næst síðustu umferð lagði hann þekktan sænskan stórmeistara.

Reykjavíkurskákmótið 2015; 9. umferð:

Oliver Aron Jóhannesson – Ralf Åkesson

Sikileyjarvörn

1. e4 c5 2. Rf3 e6 3. d4 cxd4 4. Rxd4 a6 5. Bd3 Bc5 6. Rb3 Be7 7. Dg4 g6 8. De2 d6 9. O-O Rd7 10. c4 b6 11. Rc3 Bb7 12. f4 Dc7 13. Bd2 Rgf6 14. Hae1 h5 15. Rd4 Hc8 16. e5?!

Vafasamur leikur sem lukkast vel. Mun betra er 16. Kh1 eða 16. b4.

16. ...dxe5 17. fxe5 Bc5?

Það er fuðurlegt að svartur skuli ekki nýta sér helstu kosti þess að hafa leikið 14. ... h5. Eftir 14. ... Rg4! riðar e5-peðið til falls og fórnir á g6 eða e6 ganga ekki upp.

18. exf6 Bxd4+ 19. Kh1 Rxf6

Og hér var betra að hrókera stutt.

20. Bxg6! Dxc4

Ekki gengur 20. ... fxe6 21. Dxe6+ Kf8 22. Hxf6+ Bxf6 23. Dxf6+ Kg8 24. He7 og vinnur.

21. Dxc4 Hxc4 22. Hxe6+! Kd7 23. Bxf7 Hc6 24. He2 Hh7 25. Bg6! Hg7 26. Bf5+ Kd8 27. Bh6!

Biskuparnir fara hamförum.

27. ... He7 28. Hd2 Hc4 29. Re2!

– og Åkesson gafst upp.

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Morgunblaðinu 19. mars 2015.

Skákþættir Morgunblaðsins

[Event "Reykjavik Open"] [Site "Reykjavik ISL"] [Date "2015.03.17"] [EventDate "2015.03.10"] [Round "9.34"] [Result "1-0"] [White "Oliver Johannesson"] [Black "Ralf Akesson"] [ECO "B42"] [WhiteElo "2212"] [BlackElo "2456"] [PlyCount "57"] 1. e4 c5 2. Nf3 e6 3. d4 cxd4 4. Nxd4 a6 5. Bd3 Bc5 6. Nb3 Be7 7. Qg4 g6 8. Qe2 d6 9. O-O Nd7 10. c4 b6 11. Nc3 Bb7 12. f4 Qc7 13. Bd2 Ngf6 14. Rae1 h5 15. Nd4 Rc8 16. e5 dxe5 17. fxe5 Bc5 18. exf6 Bxd4+ 19. Kh1 Nxf6 20. Bxg6 Qxc4 21. Qxc4 Rxc4 22. Rxe6+ Kd7 23. Bxf7 Rc6 24. Re2 Rh7 25. Bg6 Rg7 26. Bf5+ Kd8 27. Bh6 Re7 28. Rd2 Rc4 29. Ne2 1-0

Úrslit á páskamóti Víkingaklúbbsins

Páskaeggjamót Víkingaklúbbsins sem fór fram miðvikudaginn 25. mars, en um 50 keppendur tóku þátt í þrem flokkum.  Krakkar fæddir 2008 og yngri teldu í yngsta flokknum, en þeir sem fæddir voru 2006 og 2007 kepptu í sama flokk, en elsti flokkurinn kepptu krakkar fæddir 2005 og eldri.  Tefldar voru 6. umferðir með 7. mínútna umhugsunartíma í mótinu, en í yngsta flokkum voru 5. umferðir.

Í yngsta flokknum sigraði hinn stórefnilegi Bjartur Þórisson, en hann vann allar viðureignir sínar.  Bjartur er sonur Þóris Benediktssonar skákmanns, en Bjartur er fæddur árið 2009.  Ì öður sæti varð Klemenz Arason með 4. vinninga, en þriðja varð Bergþóra Helga Víkingaklúbbnum með 3. vinninga.  Sjö keppendur tóku þátt í yngsta flokknum. 

Sigurvegari yngri flokks varð Stefán Orri Davíðsson en hann varð efstur eftir harða baráttu við Freyju Birkisdóttur. Gabríel Sær Bjarnþórsson varð þriðji með 4.5 vinninga.  Alls tóku 13 krakkar þátt í yngri flokki.

Í eldri flokki sigraði Vignir Vatnar Stefánsson annað árið í röð, en hann endaði með 5.5 vinninga.  Annar varð Aron Þór Mai með 5. vinninga.  Þriðji til fjórða sæti voru Mikael Kravchuk og Björn Hólm Birkisson með 4.5 vinninga. Alls tóku 28. keppendur þátt í elsta flokknum. 

Skákstjórar á mótinu voru Gunnar Fr. Rúnarsson, Stefán Þór Sigurjónsson, Sigurður Ingason og Kristján Örn Elíasson.  Allir krakkarnir fengu svo páskaegg að lokum, en Nói-Sírus styrkti mótið af miklum myndarskap.

Elsti flokkur

1 Vignir Vatnar Stefánsson 5.5
2 Aron Þór Mai 5.0
3 Mykael Kravchuk 4.5
4 Björn Hólm Birkisson 4.5
5 Sæmundur Arnarson 4.0
6 Róbert Luu 4.0
7 bárður Örn Birkisson 4.0
8 óskar Víkingur Davíðsson 3.5
9 Jón Hreiðar Rúnarsson 3.5
10 Jón Þór Lemery 3.5
11 Ólafur Örn Ólafsson 3.5
12 Baltasar Máni Wedholm 3.0
13 Sævar Halldórsson 3.0
14 Alexandir Oliver Mai 3.0
15 Eldar Sigurðsarson 3.0
16 Steinar Logi Jónatansson 3.0
17 Sigrún Jónsdóttir 3.0
18 Ásta Fannney 2.5
19 Ísak Orri Karlsson 2.5
20 Birkir Snær Brynólfsson 2.0
21 Magnús Hjaltason 2.0
22 Svavar Harðarsson 2.0
23 Alexander Már Bjarnþórsson 2.0
24 Íris Daðadóttir 1.5
25 Annar Karen 1.5
26 Árni Ólafsson 1.0
27 Ásthildur Jónsdóttir 0.5
28 Sabrina Magnúsdóttir 0.5

Yngri flokkur 2006-7 

1 Stefán Orri Davíðsson 5.5
2 Freyja Birkisdóttir 5.0
3 Gabríel Sær Bjarnþórsson 4.5
4 Arnór Veigar Arason 4.0
5 Adam Omarsson 3.0
6 Benedikt Þórisson 3.0
7 Guðmann Brimar Bjarnason 3.0
8 Rayan Sharifa 3.0
9 Ívar Björgvinsson 3.0
10 Steinþór Kristjánsson 2.5
11 Hinrik Úlfarson 2.5
12 Bjarki Þórður Benediktsson 2.0
13 Sigurður Rúnar Gunnarsson 2.0
14 Orri Víkingsson 0.0

Yngsti flokkur 2008-9

1 Bjartur Þórisson 5.0
2 Klemenz Arason 4.0
3 Bergþóra Helga Gunnarsdóttir 3.0
4 Margrét Ellertsdóttir 1.5
5 Ragna Rúnarsdóttir 1.5
6 Bjartur Einarsson 1.0
7 Alexander Birgisson 0.5
8 Orri Víkingsson 0.0

Aukaverðlaun:

Besti Víkingurinn í elsta flokk:  Jón Hreiðar Rúnarsson
Besti Víkingurinn í miðflokk:  Guðmann Brimar Bjarnason
Besti Víkingurinn í yngsta flokk:  Bergþóra Helga Gunnarsdóttir

Efsta stúlkan:

Elsti flokkur:  Sigrún Jónsdóttir og Ásta Fanney
Miðflokkur:  Freyja Birkisdóttir
Yngsti flokkur:  Bergþóra Helga Gunnarsdóttir

Aldursflokkasigurvegarar:

2000:  Björn Hólm Birkisson
2001:  Aron Þór Mai
2003:  Vignir Vatnar Stefánsson
2004:  Sigrún Jónsdóttir og Ásta Fanney
2005:  Róbert Luu
2006:  Stefán Orri Davíðsson
2007:  Adam Ómarsson, Guðmann Brimar og Rayan Sharifa
2008:  Klemenz Arrason
2009:  Bjartur Þórisson

Úrslit á páskamóti Víkingaklúbbsins 2014 má nálgast hér: 

Áskorendaflokkur Íslandsmótsins í skák hefst á morgun

Áskorendaflokkur Íslandsmótsins í skák fer fram um páskana, 27. mars – 5. apríl nk. Teflt er húsnæði Taflfélag Reykjavíkur, Faxafeni 12. Tefldar verða níu umferðir eftir svissneska kerfinu. Mótið verður jafnframt Íslandsmót kvenna.

Einnig verður teflt í opnum flokki sem verður opinn fyrir skákmenn með 1600 skákstig eða minna. Keppendur með minna en 1600 skákstig geta valið á milli flokka.

Í áskorendaflokki verða tefldar níu umferðir en í opnum flokki verða tefldar sjö umferðir. Opnum flokki lýkur á föstudeginum langa. 

Verðlaun í áskorendaflokki eru sem hér segir: 

1. 75.000 kr.
2. 45.000 kr.
3. 30.000 kr. 

Verðlaun í opnum flokki: 

1. Þrjár skákbækur hjá bóksölu Sigurbjörns
2. Tvær skákbækur hjá bóksölu Sigurbjörns
3. Skákbók hjá bóksölu Sigurbjörns. 

Auk þess verði sérstök stigaverðlaun fyrir þá sem hafa minna en 1200 stig í opnum flokki. 

Verðlaun skiptast eftir Hort-kerfi séu menn efstir í verðlaunasætum í áskorendaflokki. Tvö efstu sætin gefa keppnisrétt í landsliðsflokki að ári. Séu menn jafnir ræður stigaútreikningur (nánar í mótsreglum hér að neðan). Í opnum flokki gildir stigaútreikningur um verðlaunsæti.  

Skráning

Þátttökugjöld eru 5.000 kr. Unglingar 15 ára og yngri (1999 og síðar) og F3-félagar fá 50% afslátt. 

Í opnum flokki (sem eingöngu fyrir opinn fyrir þá sem hafa 1600 skákstig eða minna) eru þátttökugjöld fyrir alla kr. 2.000. 

Skráning fer fram á Skák.is (guli kassinn efst). Þátttökugjöld greiðist inn á reikning 101-26-12763, kt. 580269-5409 fyrir mót.

Upplýsingar um þegar skráða keppendur má finna hér.

Tímamörk

Áskorendaflokkur: 90 mínútur + 30 mínútur eftir 40 leiki. 30 sekúnda viðbótartími eftir hvern leik.

Opinn flokkur: 60 mínútur auk 30 sekúnda viðbótartími eftir hvern leik.

Dagskrá: 

1. umferð, Föstudagurinn, 27. mars, kl. 18 
2. umferð, Laugardagurinn, 28. mars, kl. 10
3. umferð, Laugardaginn, 28. mars, kl. 16 
4. umferð, þriðjudaginn 31. mars, kl. 18
5. umferð, miðvikudaginn, 1. apríl, kl. 18
6. umferð, föstudagurinn (langi), 3. apríl, kl. 10
7. umferð, föstudagurinn (langi), 3. apríl, kl. 16
8. umferð, laugardagurinn, 4. apríl, kl. 14
9. umferð, sunnudagurinn, 5. apríl, kl. 14

Opinn flokkur klárast föstudaginn 3. apríl.

Nánari mótreglur

Ef tveir eða fleiri eru jafnir í sæti mun stigaútreikningur ráða ferð.

Nánar um útreikninginn:

• Samanlagðir vinningar allra andstæðinga lagðir saman nema þess stigalægsta
• Samanlagðir vinningar allra andstæðinga lagðir saman.
• Samanlagðir vinningar allra andstæðinga lagðir saman nema tveggja stigalægstu
• Innbyrðis úrslit  þeirra sem eru jafnir
• Sonneborn-Berger
• Hlutkesti

Jafnteflisreglur 

Takmarkanir eru settar á jafnteflisboð. Hún gengur út á það að ekki er heimilt að bjóða jafntefli fyrr en báðir keppendur hafa leikið 30 leiki. Á því má gera undantekningar sé þráteflt en þá verður að stöðva klukku, kalla á skákstjóra og koma með jafntefliskröfu. 

Yfirseta

Hægt er að taka tvær yfirsetur  í umferðum 1-6 og fá fyrir hana hálfan vinning. Óska þarf eftir yfirsetunni með góðum fyrirvara og fylla út eyðublað þess efnis hjá skákstjóra. 

Wow air vormót TR hafið!

Wow air vormót Taflfélags Reykjavíkur hófst í fyrrakvöld i í skákhöllinni Faxafeni.  Margir sterkir meistarar taka þátt í A flokki mótsins þ.á.m. stórmeistarinn Hannes Hlífar Stefánsson, alþjóðlegi meistarinn Bragi Þorfinnsson og Fide meistararnir Dagur Ragnarsson, Einar Hjalti Jensson, Sigurður Daði Sigfússon, Ingvar Þór Jóhannesson og Davíð Kjartansson. 

Í B flokki mótsins má finna suma af okkar efnilegustu börnum og unglingum sem flest eru í hraðri framför.  Etja þau kappi við þaulreynda skákmenn á borð við Sverri Örn Björnsson, Stefán Bergsson og landsliðskonuna Hallgerði Helgu Þorsteinsdóttur.

Nokkur óvænt úrslit litu dagsins ljós strax í fyrstu umferð.  Þar verður að telja sigur Björgvins Víglundssonar á Einari Hjalta með svörtu óvæntust.  Björgvin varðist þar fimlega áhlaupi Einars, snéri vörn í sókn og lauk skákinni með fallegri fórn.  Virkilega gaman að sjá Björgvin að tafli en þetta er hans fyrsta kappskákmót í mjög langan tíma en greinilegt að kappinn á fullt erindi í þetta mót.

Jóhann Ingvason fékk sæti í A flokki ekki síst eftir frábæra frammistöðu á nýafstððnu Íslandsmóti skákfélaga þar sem hann hrellti margann stórmeistarann með góðri taflmennsku.  Í gær mætti hann Fide meistaranum sterka Sigurði Daða Sigfússyni og lauk þeirri rimmu með jafntefli í athyglisverðri skák.

Þá sýndi hinn ungi Oliver Aron Jóhannesson styrk sinn með því að gera jafntefli við alþjóðlega meistarann Braga Þorfinnsson þrátt fyrir að hafa lent í tímahraki. 

Önnur úrslit í A flokki verða að teljast nokkuð eftir bókinni, en þó lenti Davíð Kjartansson í kröppum dansi gegn Hrafni Loftssyni og leit út fyrir að vera með hartnær tapað tafl á tímabili í afar flókinni stöðu.  Hann náði þó vopnum sínum að lokum og vann sigur í lengstu skák kvöldsins.

Í B flokki litu einnig dagsins ljós athyglisverð úrslit.  Hinn ungi Vignir Vatnar Stefánsson lagði Stefán Bergsson afar örugglega, og annar ungur keppandi í flokknum, Bárður Örn Birkisson gerði jafntefli við landsliðskonuna Hallgerði Helgu. 

Önnur umferð fer fram næstkomandi mánudag og þá mætast meðal annarra í A flokki Björgvin og Hannes Hlífar, Davíð og Dagur meðan Bragi mætir Ingvari Þór sem tók yfirsetu í fyrstu umferðinni.

Í B flokki mætast m.a. Vignir Vatnar og Sverrir Örn á fyrsta borði meðan Birkir Karl teflir við Halldór Pálsson.

Áhorfendur eru velkomnir eins og ætíð í skákhöllina og heitt á könnunni!

Úslit og pörun í báðum flokkum má finna hér

Heimasíða TR

Skákmót öðlinga hefst í kvöld

Skákmót öðlinga 40 ára og eldri hefst miðvikudaginn 25. mars kl. 19.30 í félagsheimili T.R. að Faxafeni 12. Tefldar verða 7 umferðir eftir svissneska-kerfinu og er umhugsunartíminn 90 mínútur á alla skákina + 30 sekúndna viðbótartími á hvern leik.

Skákmót öðlinga verður nú haldið í 24. sinn. Núverandi Skákmeistari öðlinga er alþjóðlegi meistarinn Sævar Bjarnason.

 

Dagskrá:

• 1. umferð miðvikudag 25. mars kl. 19.30

• 2. umferð miðvikudag 8. apríl kl. 19.30

• 3. umferð miðvikudag 15. apríl kl. 19.30

• 4. umferð miðvikudag 22. apríl kl. 19.30

• 5. umferð miðvikudag 29. apríl kl. 19.30

• 6. umferð miðvikudag 6. maí kl. 19.30

• 7. umferð miðvikudag 13. maí kl. 19.30

Mótinu lýkur miðvikudaginn 20. maí kl. 19:30 með hraðskákmóti og verðlaunaafhendingu. Keppt er um veglegan farandbikar,en auk hans eru verðlaun fyrir þrjú efstu sætin, bæði í aðalmótinu og hraðskákmótinu.

Þátttökugjald er kr. 4.000 fyrir aðalmótið og kr 500 fyrir hraðskákmótið. Innifalið er frítt kaffi allt mótið ásamt rjómavöfflum og öðru góðgæti á lokakvöldi.

Skráning fer fram hér.

Hér er hægt að fylgjast með skráningu.

• Skákmót öðlinga 2014
• Skákmeistarar öðlinga
• Mótstöflur

Páskaeggjamót Víkingaklúbbsins hefst kl. 17:15

Páskaeggjamót Víkingaklúbbsins fyrir börn og unglinga verður haldið í Víkinni Víkingsheimilinu miðvikudaginn 25. mars. Tefldar verða 6. umferðir með 7 mínútna umhugsunartíma á mann og hefst mótið kl. 17.15. Allir krakkar eru velkomnir og þátttaka er ókeypis. Keppt verður þrem flokkum: Flokki fæddra 1999-2005, flokki fæddra 2006-7 og flokki fæddra 2008 og yngri (þrjú mót).  

Allir fá páskaegg fyrir framistöðu sína og  þátttaka í mótinu er ókeypis.  Barna og unglingaæfingar Víkingaklúbbsins verða vikulega á miðvikudögum fram á sumar.

ATH:  Nauðsynlegt er að skrá sig (nafn og fæðingarár) til að tryggja þátttöku.

Skráning á mótið fer fram á Skák.is (guli kassinn efst)

Heimilisfang hér:

Knattspyrnufélagið Víkingur
Traðarlandi 1, 108 Reykjavík

Stefán og Bárður sigra á öðru móti Páskaeggjasyrpunnar

Páskaeggjasyrpa Nóa Síríus og Taflfélags Reykjavíkur hélt áfram síðastliðinn sunnudag er annað mótið af þremur var haldið. Sem fyrr öttu ungir skákmenn kappi í tveimur flokkum og tefldu sex umferðir með 10 mínútna umhugsunartíma. Yngri flokkur samanstóð af börnum fædd árið 2006 eða síðar, en í eldri flokki tefldu þeir sem eru fæddir 1999-2005. 

Í yngri flokki fylgdi Stefán Orri Davíðsson eftir góðri frammistöðu sinni á nýafstöðnu Reykjavíkurskákmóti með því að leggja alla sex andstæðinga sína að velli. Stefán Orri stóð því uppi sem öruggur sigurvegari. Í 2.sæti varð Guðni Viðar Friðriksson með 5 vinninga, en hann tapaði einungis fyrir sigurvegaranum Stefáni Orra. Guðni Viðar varð einnig í 2.sæti í fyrsta móti Páskaeggjasyrpunnar. Um 3.sætið var hart barist því hvorki fleiri né færri en 6 skákmenn voru jafnir með 4 vinninga. Eftir stigaútreikning reyndist Adam Omarsson hlutskarpastur. Af þessum sex skákmönnum með 4 vinninga voru tvær stúlkur og því þurfti að grípa til stigaútreiknings til þess að fá úr því skorið hvor þeirra hlyti stúlknaverðlaunin. Freyja Birkisdóttir var þar sjónarmun á undan Elsu Kristínu Arnaldardóttur.

Í eldri flokki var spennan mikil allt fram í síðustu umferð. Þorsteinn Magnússon fór mikinn í upphafi og hafði 4,5 vinning eftir 5 umferðir. Hann lagði að velli Róbert Luu og gerði jafntefli við Björn Hólm Birkisson eftir að hafa staðið til vinnings lengi vel. Í 5.umferðinni mættust tvíburabræðurnir Björn Hólm og Bárður Örn Birkissynir í æsispennandi skák þar sem taugar keppenda sem og áhorfenda voru þandar. Endataflið reyndist afar fjörlegt og erfitt fyrir áhorfendur að spá hvor myndi hafa betur. Þá varð Bárði Erni fótaskortur sem Björn Hólm nýttir sér til þess að ná vinningsstöðu. Sá galli var á gjöf Bárðar að mikill tími fór í að finna vinningsleiðina hjá Birni Hólm. Svo fór að Björn Hólm féll á tíma við að reyna að máta stakan kóng bróður síns og niðurstaðan því spennuþrungið jafntefli. Því var ljóst að síðasta umferðin yrði æsispennandi. Þá mættust Þorsteinn og Bárður Örn á efsta borði. Þá skák vann Bárður Örn snaggaralega og tryggði hann sér þar með sigur í mótinu með 5,5 vinning. Björn Hólm vann sína skák og lauk tafli með 5 vinninga. Sama vinningafjölda náði Óskar Víkingur Davíðsson. Björn Hólm hlaut 2.sætið eftir stigaútreikning og Óskar Víkingur endaði í 3.sæti. Stúlknaverðlaunin í eldri flokki komu í hlut Kötlu Torfadóttur en hún vann fjórar skákir. Ylfa Ýr Welding Hákonardóttir kom fast á hæla Kötlu með 3,5 vinning.

Að venju var dregin út happadrættisvinningur að móti loknu. Líkt og í fyrsta mótinu var vinningurinn glæsileg DGT skákklukka. Upp úr pottinum kom nafn Ásgeirs Braga Baldurssonar, sá hinn sami og vann happadrættisvinninginn í fyrstu Páskaeggjasyrpunni -ótrúlegt en satt! Ásgeir Bragi var hins vegar ekki á staðnum þegar kom að útdrætti og því þurfti að draga aftur. Sá sem hlaut happadrættisvinninginn að þessu sinni var hinn ungi en snjalli skákmaður Róbert Luu.

Taflfélag Reykjavíkur þakkar öllum keppendum og áhorfendum fyrir skemmtilegt mót og hlakkar til að taka á móti öllum aftur næsta sunnudag er þriðja og síðasta mót Páskaeggjasyrpu Nóa Síríus og TR verður haldið. Þá verða jafnframt afhent páskaegg til þeirra sem teflt hafa í að minnsta kosti tveimur mótum Páskaeggjasyrpunnar. Hlökkum til að sjá ykkur næsta sunnudag!

•  Heildarúrslit yngri flokkur
•  Heildarúrslit eldri flokkur
•  Mót #1
•  Myndir