Kristófer sigraði á hraðkvöldi Hugins

Kristófer Ómarsson sigraði á hraðkvöldi Hugins sem haldið var 30. mars sl. Kristófer fékk 5,5v í sjö skákum en sigur hans var öruggari en lokastaðan gefur til kynna, því hann var búinn að tryggja sér sigurinn fyrir lokaumferðina, þannig að tap fyrir Jóni Úlfljótssyni kom þá ekki að sök. Næstir komu Jón Úlfljótsson og Vigfús Ó. Vigfússon með 5v en Jón var hærri á stigum.   Kristófer fékk það hlutverk að draga í happdrættinu og tókst að draga Sindra Snæ Kristófersson. Þeir feðgar völdu báðir pizzu frá Dominos. Næsta hraðkvöld verður svo mánudaginn 27. apríl nk.

Lokastaðan á hraðkvöldinu:

1. Kristófer Ómarsson, 5,5v/7
2. Jón Úlfljótsson, 5v
3. Vigfús Ó. Vigfússon, 5,5v
4. Hjálmar Sigurvaldason, 4v
5. Elvar Örn Hjaltason, 4v
6. Sigurður Freyr Jónatansson  4v
7. Sindri Snær Kristófersson , 4v
8. Hörður Jónasson,, 4v
9. Jón Sveinbjörnsson, 2,5v
10. Jökull Daníelsson, 2v
11. Björgvin Kristbergsson, 1,5v

Ný alþjóðleg skákstig

Ný alþjóðleg skákstig komu út í dag í apríl-byrjun. Að þessu sinni ber það til tíðinda að Hannes Hlífar Stefánsson hefur tekið efsta sæti stigalistans í fyrsta sinn á ævinni. Þess má geta að vegna mistaka vantar 2. deild Íslandsmóts skákfélaga til útreiknings. Hvort FIDE gefi út leiðréttan lista 2. deildinni eða hvort að mótið skili sér 1. maí er ekki ljóst. Hið síðarnefnda er þó líklegra. 

Heildarlistinn fylgir með sem PDF-viðhengi.

Topp 20

Hannes Hlífar Stefánsson (25909 er stigahæstur íslenskra skákmanna. Það er í fyrsta sem það gerist! Jóhann Hjartarson (2566) er næstur og Hjörvar Steinn Grétarsson (2560) þriðji. Magnus Carlsen er enn merktur sem Norðmaður hjá FIDE.

Nr.	Nafn	Tit	Stig	Sk.	Mun	At	Hrað
1	Stefansson, Hannes	GM	2590	23	30	2510	2585
2	Hjartarson, Johann	GM	2566	3	-10		2550
3	Gretarsson, Hjorvar Steinn	GM	2560	13	6	2557	2550
4	Olafsson, Helgi	GM	2546	3	-1	2542	2614
5	Steingrimsson, Hedinn	GM	2532	14	2	2575	2586
6	Petursson, Margeir	GM	2529	3	-7		2546
7	Danielsen, Henrik	GM	2520	13	6		2549
8	Arnason, Jon L	GM	2499	2	-3		2421
9	Kristjansson, Stefan	GM	2485	13	3	2535	2435
10	Kjartansson, Gudmundur	IM	2471	24	-20	2437	2346
11	Gunnarsson, Jon Viktor	IM	2458	13	15	2394	2488
12	Thorsteins, Karl	IM	2453	1	2		2381
13	Gretarsson, Helgi Ass	GM	2450	2	-8	2481	2457
14	Gunnarsson, Arnar	IM	2425	4	9	2433	2444
15	Thorfinnsson, Bragi	IM	2416	14	-13	2455	2416
16	Thorhallsson, Throstur	GM	2415	13	-13	2487	2481
17	Thorfinnsson, Bjorn	IM	2407	13	4	2412	2463
18	Olafsson, Fridrik	GM	2397	0	0		2382
19	Johannesson, Ingvar Thor	FM	2378	4	10	2367	2387
20	Ulfarsson, Magnus Orn	FM	2377	3	0	2304	2309

Nýliðar

20 nýliðar eru á listanum nú sem er met! Stigahæstur þeirra er Birgir Örn Steingrímsson (1878) en í næstu sætum eru Guðmundur Sigurjónsson (1866) og Gunnar Skarphéðinsson (1863).

Nr.	Nafn	Tit	Stig	Sk.	Mun	At	Hrað
1	Steingrimsson, Birgir Orn		1878	10	1878
2	Sigurjonsson, Gudmundur		1866	12	1866		1950
3	Skarphedinsson, Gunnar		1863	6	1863
4	Sigurmundsson, Ingimundur		1860	5	1860
5	Geirsson, Albert Omar		1756	5	1756
6	Thorsson, Pall		1700	11	1700	1767	1790
7	Sighvatsson, Palmi		1699	7	1699
8	Karlsson, Eirikur		1694	9	1694
9	Aegisson, Sigurdur		1668	11	1668
10	Akason, Aevar		1621	5	1621		1492
11	Olgeirsson, Armann		1587	6	1587		1527
12	Asmundsson, Sigurbjorn		1571	6	1571	1469	1562
13	Magnusson, Haraldur		1554	6	1554
14	Hermannsson, Jon Adalsteinn		1505	6	1505	1459	1294
15	Davidsson, Joshua		1464	13	1464
16	Hakonarson, Sverrir		1326	10	1326
17	Johannsson, Birkir Isak		1315	10	1315
18	Bjornsson, Alexander		1168	11	1168
19	Valgeirsson, Nikulas Ymir		1160	9	1160
20	Olafsson, Olafur Orn		1109	7	1109		1186

Mestu hækkanir

Óskar Víkingur Davíðsson (165) hækkar mest frá 1. mars listanum. Í næstum sætum eru Hilmir Freyr Heimisson (121), Símon Þórhallsson (97) og Aron Þór Mai (94).

Nr.	Nafn	Tit	Stig	Sk.	Mun	At	Hrað
1	Davidsson, Oskar Vikingur		1619	11	165	1417	1443
2	Heimisson, Hilmir Freyr		1982	11	121	1699	1802
3	Thorhallsson, Simon		2106	12	97	1851	1672
4	Mai, Aron Thor		1417	12	97	1324	1224
5	Ragnarsson, Heimir Pall		1591	11	94	1415	1445
6	Luu, Robert		1451	11	89	1339	1346
7	Johannesson, Oliver		2288	14	76	2061	2161
8	Kristjansson, Halldor Atli		1403	9	68	1316	1292
9	Birkisson, Bardur Orn		1903	9	64	1649	1632
10	Magnusdottir, Veronika Steinunn		1631	11	60	1492	1557
11	Valdimarsson, Einar		1945	12	56	1891	1895
12	Baldvinsson, Loftur		1999	13	54	1908	1970
13	Thorgeirsson, Jon Kristinn		2227	14	50	1968
14	Karason, Askell O		2324	13	50	2229	2240
15	Lee, Gudmundur Kristinn		1724	12	48	1704	1808
16	Moller, Agnar T		1854	9	48
17	Hauksson, Hordur Aron		1899	13	46		1805
18	Kjartansson, Dagur		1802	13	46	1719	1770
19	Johannesson, Kristofer Joel		1494	2	40		1478
20	Hauksdottir, Hrund		1730	12	38	1648

Stigahæstu skákkonur landsins

Lenka Ptácníková (2270) er stigahæsta skákkona landsins. Í næstum sætum eru Hallgerður Helga Þorsteinsdóttir (2014) og Guðlaug Þorsteinsdóttir (1956).

Nr.	Nafn	Tit	Stig	Sk.	Mun	At	Hrað
1	Ptacnikova, Lenka	WGM	2270	13	28	2267	2089
2	Thorsteinsdottir, Hallgerdur		2014	0	0	1927	1956
3	Thorsteinsdottir, Gudlaug	WFM	1956	0	0	2007	2004
4	Finnbogadottir, Tinna Kristin		1951	2	1	1893	1884
5	Kristinardottir, Elsa Maria		1878	2	3	1842	2020
6	Johannsdottir, Johanna Bjorg		1862	0	0	1948	1966
7	Fridthjofsdottir, Sigurl. Regina		1789	0	0
8	Helgadottir, Sigridur Bjorg		1771	2	-5		1737
9	Hauksdottir, Hrund		1730	12	38	1648
10	Davidsdottir, Nansy		1676	10	35	1560	1510

Stigahæstu ungmenni landsins

Dagur Ragnarsson (2311) er stigahæsta ungmenni landsins. Í næstum sætum eru Oliver Aron Jóhannesson (2288) og Jón Kristinn Þorgeirsson (2227).

Hilmir Freyr Heimisson (1982) og Bárður Örn Birkisson (1903) komast nú í fyrsta skipti á topp 10.

 

Nr.	Nafn	Tit	Stig	Sk.	Mun	At	Hrað	B-day
1	Ragnarsson, Dagur	FM	2311	13	-36	2071	2034	1997
2	Johannesson, Oliver		2288	14	76	2061	2161	1998
3	Thorgeirsson, Jon Kristinn		2227	14	50	1968		1999
4	Karlsson, Mikael Johann		2161	12	23	2027	2069	1995
5	Hardarson, Jon Trausti		2138	14	-32	1922	1971	1997
6	Thorhallsson, Simon		2106	12	97	1851	1672	1999
7	Heimisson, Hilmir Freyr		1982	11	121	1699	1802	2001
8	Sigurdarson, Emil		1949	3	27			1996
9	Jonsson, Gauti Pall		1936	12	-32	1680	1870	1999
10	Birkisson, Bardur Orn		1903	9	64	1649	1632	2000

Reiknuð mót

• Reykjavíkurskákmótið
• Skákþing Skagafjarðar
• Skákþing Hugins (norður svæði)
• Íslandsmót skákfélaga, 1., 3. og 4. deild (2. deild vantar)

Heimslistinn

Magnus Carlsen (2863) er langstigahæsti skákmaður heims og brátt Íslands. Í næstu sætum eru Caruana (2802) og Nakamrua (2798) og Topalov (2798).

Sjá nánar hér.

 

Skrár tengdar þessari bloggfærslu:

• Alþjóðleg skákstig, 1. apríl 2015

Magnus Carlsen teflir fyrir Íslands hönd

Magnus Carlsen hefur ákveðið að gerast íslenskur ríkisborgari og tefla fyrir Íslands hönd. Hans fyrsta verkefni fyrir Íslands hönd verður EM landsliða í haust.

Í frétt Chess.com, sem birti fyrst frétt um málið, segir meðal annars:

In a stunning decision, World Champion GM Magnus Carlsenhas decided to not only relocate permanently to Iceland, but also change federations with FIDE — effective immediately. This was announced today in a press release.

“My parents love Iceland,” said Carlsen during a recent visit to the island between the North Atlantic and the Arctic Ocean. “And I do too.”

Two weeks ago Carlsen visited his parents in Reykjavik, where his father participated in the tournament. Magnus stopped by for just three days but as a true champion, he netted two victories in this short period: the pub quiz and the football tournament.

The biggest victory however was scored by the Icelandic Chess Federation. “Negotiations during the Reykjavik Open were quite fruitful,” says ICF President Gunnar Björnsson. “It didn't take much to convince Magnus to move to the city with the highest density of grandmasters in the world.”

Gunnar Björnsson, forseti SÍ, hafði þetta að segja um málið í viðtali við Skák.is.

Gríðarlega ánægður að þetta sé komið í höfn. Snörp vinna sem skilaði árangri fyrr en ég átti von á. Sérstakar þakkir fá Sigmundur Davíð Gunnlaugsson, forsætisráðherra, og Gunnar Bragi Sveinsson, utanríkisráðherra. Þeir sækja fram Framsóknarmennirnir.

Nánar má lesa um málið á Chess.com. Frekari fréttir væntanlegar.

Jóhann Hjartarson verður meðal keppenda i landsliðsflokki Íslandsmótsins í skák

Stórmeistarinn Jóhann Hjartarson (2560) hefur tilkynnt þátttöku sína í landsliðsflokki Íslandsmótsins í skák sem fram fer 14.-24. maí nk. í Hörpu (Háuloftum). Frekari stórtíðindi af landsliðsflokki kunna að vera væntanleg. 

Þetta er í fyrsta skipti í 18 ár sem Jóhann tekur þátt í landsliðsflokki.

Greint verður frá endanlegum keppendalista mótsins á næstu dögum.

 

Lenka efst í áskorendaflokki

Lenka Ptácníková (2242) er efst með fullt hús að lokinni fjórðu umferð áskorendaflokks Íslandsmótsins í skák sem fram fór í gær. Hún vann Oliver Aron Jóhannesson (2212). Jón Trausti Harðarson (2170) og Davíð Kjartansson (2364) koma þar næstir með 3½ vinning.

Það óvæntasta við umferð gærdagsins var að það voru nánast engin úrslit sem teljast mega mjög óvænt. Fimmta umferð hefst kl. 18 í dag. 

Staða efstu manna:

• 1. Lenka Ptácníková (2242) 4 v.
• 2.-3. Jón Trausti Harðarson (2170) og Davíð Kjartansson (2364) 3½ v.
• 4.-8. Oliver Aron Jóhannesson (2212), Guðmundur Gíslason (2321), Gylfi Þórhallsson (2084), Emil Sigurðarson (1922) og Hjörvar Steinn Grétarsson (2554) 3 v.

Tvö efstu sætin gefa keppnisrétt í landsliðsflokki að ári. Í kvöld mætast meðal annars: Davíð - Lenka, Oliver Aron - Jón Trausti, Emil - Hjörvar Steinn og Gylfi Þór - Stefán Bergsson.

Staðan á Íslandsmóti kvenna:

• 1. Lenka Ptácníková (2242) 4 v.
• 2. Elsa María Kristínardóttir (1875) 2½ v.
• 3. Veronika Steinunn Magnúsdóttir (1571) 2 v.
• 4. Tinna Kristín Finnbogadóttir (1950) 1½ v.

Staða efstu manna í opnum flokki:

• 1.-3. Nikulás Ýmir Valgeirsson (1000), Birkir Ísak Jóhannsson og Stefán Orri Davíðsson (1038) 3 v.
• 4.-5. Ísak Orri Karlsson og Hjörtur Kristjánsson 2½ v.

 

• Heimasíða Skáksambands Íslands
• Chess-Results
• Myndaalbúm (GB)

Björgvin sigurvegari á Páskamóti Ása

Í gær átti að vera bara venjulegur skákdagur í Ásgarði, en einn félaginn kom með fangið fullt af páskaeggjum, sem hann gaf klúbbnum. Það var höfðinginn Guðfinnur R Kjartansson sem heiðraði okkur með gjafmildi sinni. Það var því ákveðið að hafa þetta páskaeggja mót.

Guðfinnur lagði til að verðlauna ekki eftir bestu getu heldur eftir fyrirfram ákveðin sæti fengju verðlaunin og þar sem þetta voru fjögur risa páskaegg þá voru tölurnar 7 9 13 valdar og svo talan 21.

Björgvin Víglundsson varð efstur í mótinu eins og hann er oftast, hann fékk 9 ½ vinning. Þór Valtýsson varð í öðru sæti með 8 vinninga. Jafnir í þriðja til fjórða sæti urðu þeir Sæbjörn Larsen og Sigurður Daníelsson með 6 ½ vinning.

Þessir snillingar fengu hins vegar engin verðlaun í dag  þrátt fyrir góða frammistöðu.

Friðgeir Hólm varð í 7 sæti með 6 vinninga og fékk fyrsta páskaeggið. Gunnar Karlsson varð í 9 sæti einnig með 6 vinninga og fékk egg nr tvö. Þorsteinn Þorsteinsson varð í 13 sæti með 5 vinninga og  fékk stærsta eggið. Í 21 sæti. varð Erlingur Hansson með 4 ½ vinning og fékk síðasta eggið.

Þessir fjórir verða svo auðvitað kallaðir súkkulaðigrísir, þar til annað verður ákveðið.

Það mættu þrjátíu kappar til leiks í gær.

Svo er gaman að segja frá því að það kom unglingur í heimsókn og var að skoða hvernig þessir gamlingjar tefla.

Við köllum þá unglinga sem ekki hafa náð 50 árunum.

Þetta var Gunnar Freyr Rúnarsson forustumaður í Víkingaklúbbnum.

Gunnar vann það afrek í gærkveldi að verða efstur á fjölmennu móti í

 K R og í leiðinni varð hann efstur af fimm Gunnurum.

Við þökkum Gunnari fyrir innlitið.

Gleðilega páska. 

Sjá nánari úrslit og frábærar myndir frá ESE

Af Riddurunum - veglegt páskamót á morgun

Þó ekki sjáist mikið af vopnaskaki í Vonarhöfn á þessum síðum etja gamlingjar þar kappi vikulega allan ársins hring á miðvikudögum, sumpart þeir sömu og hjá Æsum að viðbættum öðrum skákástríðumönnum, sem finna sig þar betur heima.  Á morgun verður þar haldið veglegt páskaeggjamót og því eru allir eldri skákkmenn hvattir til að blanda sér í baráttuna um glæslega vinninga í boði Sælgætisgerðarinnar Sambó.

Hér fylgir með smá yfirlit  af gangi mála suður þar að undanförnu:

GUNNI GUNN EKKI DAUÐUR ÚR ÖLLUM ÆÐUM

Þeir voru svipþungir og djúpthugsandi skákhyggjumennirnir átján sem tóku Hafnarfjarðarsnúninginn á skákgyðjunni í vikunni sem leið.  Sumir haldnir tafláráttuheilkenni samhliða veðurgremjuröskun á háu stigi sem er ekki til þess fallin að bæta úr skák. Því má segja að þeir hafi verið óvenju illskeyttir og tilbúnir til máta hvern annan svo fljótt sem verða mætti. Stundum gekk þetta eftir en einstaka sinnum snerust vopnin í höndum snillinganna og svo þeir urðu að gefa skákina eða verða sjálfir mát ella. Eins og sjá má á mótstöflunni voru þarna hörkugóðir meistarar mættir. Þar fór fremstur hinn aldni höfðingi Gunnar Kr. Gunnarsson, fyrrv. Íslandsmeistari í skák- og fótamennt. Hann gerði sér lítið fyrir þrátt fyrir að vera nýupprisinn af sjúkrabeði eða bera glæsilegt sigurorð af öðrum í hörðum slag.  

INGIMAR VINNUR SKÁKHÖRPUNA

Kappteflinu um Skákhörpuna lauk fyrir skömmu eftir fjögurra móta baráttu, þar sem Ingimar Halldórsson fór með sigur af hólmi með fullu húsi. Þetta var í þriðja sinn sem hann hampar sigri í keppninni en þó ekki í röð. Keppt verður aftur um hörpuna í haust því við erum komnir einu ári eftir á.  

GUÐFINNUR SLEGINN TIL HEIÐURSRIDDARA

Trúnaðarráð Riddarans, skákklúbbs eldri borgara á Stór-Hafnarfjarðarsvæðinu ákvað í tilefni af 70 ára afmæli kappans að sæma hann heiðursriddaranafnbót í virðingar- og þakklætisskyni fyir ómetanlegt starf hans fyrir klúbbinn og lofsvert framlag til íslensks skáklífs um árabil. Guðfinnur hefur teflt í Riddaranum frá aldamótum, nánast síðan hann var stofnaður, sjálfum sér og öðrum til yndisauka, jafnframt því að sinnastörfum skákstjóra, með annarri hendi. Hann hefur reynst mjög öflugur og slyngur skákmaður, traustur félagi og hvers manns hugljúfi, eins og segir í greinargerð fyrir útnefningu hans til þessarar heiðursnafnbótar, sem hann er vel að kominn. Athöfnin fór fram í Vonarhöfn, skáksal klúbbsins, og var GRK sleginn ferföldu sverðaslagi af hefðbundnum riddarasið af ESE erkiriddara, á báðar axlir, brjóst og höfuð. Þetta sé góðu heilli gjört - gæfa og dáðir fylgi - eins og komist var að orði.

PÁSKAMÓTIÐ Á MORGUN hefst kl. 13 og tefldar verða 11 umferðir  á 10 minútum að venju.

Mikil skemmtun á lokamóti Páskaeggjasyrpunnar!

Lokamótið í Páskaeggjasyrpu Nóa Síríus og Taflfélags Reykjavíkur fór fram síðastliðinn sunnudag. Fyrstu tvö mótin í syrpunni heppnuðust afar vel og voru mikil skemmtun, og lokamótið varð engin undantekning.

Í eldri flokki mættu 33 keppendur til leiks, allt frá krökkum sem tiltölulega nýlega hafa byrjað að yðka skák af kappi upp í okkar sterkustu og efnilegustu unglinga. Stigahæstir og sigurstranglegastir fyrirfram voru tvíburabræðurnir Björn Hólm og Bárður Örn Birkissynir en þeir höfðu barist um sigurinn í öðru móti syrpunnar. Þar hafði betur Bárður Örn og svo fór að lokum að hann sigraði einnig í lokamótinu.

 

Þeir bræður komu hnífjafnir í mark með 5 1/2 vinning úr sex skákum eftir að hafa gert innbyrðis jafntefli en sigrað alla aðra andstæðinga sína. Tvöfaldan stigaútreikning þurfti til að úrskurða Bárð sigurinn!

 

Í þriðja sæti endaði svo Birkir Ísak Jóhannsson með fimm vinninga en hann hefur teflt mikið í vetur og er í mikilli framför. Allir koma þessir strákar úr afrekshóp Taflfélags Reykjavíkur og hafa látið mikið að sér kveða á mótum vetrarins.

 

Þorsteinn Magnússon, einnig úr TR endaði einn í fjórða sæti með fjóra og hálfan vinning en sex keppendur komu síðan næstir með fjóra vinninga. Meðal þeirra var Katla Torfadóttir sem vakti sérstaka athygli fyrir góða taflmennsku en hún mætti ásamt nokkrum félögum sínum frá Hellu í öll mót syrpunnar. Hún varð efst stúlkna á mótinu. Afskaplega skemmtileg heimsókn krakkanna frá Hellu og frábært að sjá hve öflugt skákstarf fer þar fram.

 

Það var ekki bara keppt um sigur í mótinu á sunnudag, heldur einnig um besta samanlagða árangurinn úr mótunum þremur í syrpunni. Þar hafði sigur hinn ungi og bráðefnilegi Alexander Már Bjarnþórsson en hann er einungis 10 ára.

 

Hann sigraði í fyrsta móti syrpunnar og náði góðum árangri í hinum mótunum tveimur sem skilaði honum í fyrsta sætið með 13 vinninga samtals úr 18 skákum.

Í öðru sæti samanlagt varð áðurnefnd Katla Torfadóttir, og í þriðja sæti Bárður Örn Birkisson sem sigraði á tveimur mótum syrpunnar.

 

 

Í yngri flokk þar sem kepptu börn fædd 2006 og síðar var baráttan jöfn og tvísýn. Það dró til tíðinda í fjórðu umferð en þá mættust Stefán Orri Davíðson Huginn og Gabríel Sær Bjarnþórsson TR sem báðir höfðu unnið þrjár fyrstu skákirnar sínar. Í þeirri viðureign stóð Gabríel til sigurs þegar að hann féll á tíma.

 

Stefán Orri gerði svo engin mistök í síðustu tveimur skákunum og sigraði með fullu húsi sex vinningum af sex mögulegum. Hann endurtók því leikinn frá því í öðrum móti syrpunnar en þar sigraði hann einnig með fullu húsi.

 

Gabríel Sær endaði í öðru sæti með fimm vinninga og í þriðja sæti varð svo Alexander Björnsson einnig úr TR með fjóra og hálfan vinning.

Freyja Birkisdóttir TR stóð sig best af stelpunum og endaði í fjórða sæti með fjóra vinninga.

 

 

Sérstaka athygli í þessum flokki vakti Bjartur Þórisson úr TR en hann er einungis fimm ára. Hann stóð sig vel á fyrstu tveimur mótunum og í því þriðja gerði hann sér lítið fyrir og krækti í fjóra vinninga. Sannarlega efnilegur piltur þar á ferð!

 

 

Keppnin um besta samanlagða árangurinn í yngri flokki var ekki síðri en í þeim eldri.

 

 

Þar sigraði Vignir Sigur (nafn með rentu) Skúlason úr TR. Hann vann fyrsta mótið og náði svo ágætis árangri í öðru og lokamótinu sem tryggði honum fyrsta sætið með 13 vinninga. Í öðru sæti samanlagt varð skákprinsessan Freyja Birksidóttir og í því þriðja Stefán Orri Davíðsson.

 

 

 

Það var mikil eftirvænting í lokin þegar dregin voru út í happdrætti þrjú stór og gómsæt páskaegg frá Nóa Síríus ásamt glæsilegri skákklukku. Þar hafði Iðunn Helgadóttir heppnina með sér og vann stærsta eggið. Skákklukkan kom svo í hlut Björns Magnússonar og kannski við hæfi enda þekktur fyrir klukkubarning!

Að lokum fengu allir sem tóku þátt í syrpunni lítið páskaegg að gjöf frá Nóa. Það var bros á hverju andliti þegar syrpunni var formlega slitið!

 

 

Páskaeggjasyrpan var líkt og í fyrra einn best heppnaði og skemmtilegasti viðburður starfsársins hjá TR. Taflfélag Reykjavíkur vill þakka þeim fjölmörgu krökkum sem tóku þátt, foreldrum sem fylgdust spennt með framgangi ungviðsins og síðast en ekki síst Nóa Síríus fyrir að styrkja svo myndarlega sem raun bar vitni Páskaeggjasyrpuna 2015. Sjáumst að ári! 

Lokastöðuna í eldri flokk má finna hér

Lokastöðuna í yngri flokk má finna hér 

Fjölmargar myndir frá mótunum þremur í syrpunni má finna hér

Nánar á heimasíðu TR

Skákþáttur Morgunblaðsins: Skákfélagið Huginn varð Íslandsmeistari

Skákfélagið Huginn er Íslandsmeistari skákfélaga keppnistímabilið 2014-2015 en fjórar síðustu umferðir Ísllandsmótsins fóru fram í Rimaskóla um helgina. Fyrir lokasprettin sóttu sveitir Taflfélags Reykjavíkur og Taflféags Vestmannaeyja hart að efsta liðinu en þrátt fyrir stóra sigra hélt Huginn forystunni allt til enda. Tíu sveitir tefldu í efstu deild og fór keppnin fram á átta borðum í hverri umferð. Lokaniðurstaðan varð þessi:

1. Huginn 56½ v. (af 72 mögulegum) 2. Taflfélag Reykjavíkur 55 v. 3. Taflfélag Vestmannaeyja 52½ v. 4. Fjölnir 38 v. 5. Taflfélag Bolungarvíkur 36 v. 6. Skákfélag Akureyrar 33½ v. 7. Vikingaklúbburinn 29½ v. 8. Huginn b-sveit 25 v. 9. Skákfélag Reykjanesbæjar 17½ v. 10. Skákfélag Íslands 16½ v.

Íslandsmótið fer fram samkvæmt hefð í tveimur hlutum en fyrri hlutinn fór fram sl. haust. Reglur keppnnnar gera ráð fyrir að erlendir keppendur megi vera tveir í hverri umferð. Meðal erlendu stórmeistaranna sem tefldu með sveit Hugins voru Englendingurinn Gawain Jones, Búlgarinn Cheparinov, Hollendingurinn Robin Van Kampen og Kanadamaðurinn Eric Hansen. Hjörvar Steinn Grétarsson og Stefán Kristjánsson tefldu allar níu umferðirnar fyrir Hugin.

Íslandsmótið fór fram í fjórum deildum. Í 2. deild sigrað Taflfélag Reykjavíkur. Í 3. deild sigraði c-sveit Taflfélags Reykjavíkur og í 4. deild sigraði d-sveit Taflfélags Reykjavíkur. 

Jón beið í 45 ár eftir sigri yfir stórmeistara

Talsvert var um óvænt úrslit í keppni helgarinnar. Baldur Kristinsson sem tefldi fyrir b-sveit Hugins vann stórmeistarann Margeir Pétursson í 6. umferð. Í 7. umferð vann Rúnar Sigurpálsson Portúgalann Louis Galego, Stefán Bergsson vann Helga Áss Grétarsson í 8. umferð og í sömu umferð vann Guðmundur Kjartansson sigur á Jóhanni Hjartarsyni. 

Þegar seinni hluti Íslandsmótsins hófst sl. fimmtudagskvöld var það hinn 72 ára Jón Kristinsson sem átti sviðið er hann vann Henrik Danielsen sem tefldi fyrir Taflfélag Vestmanaeyja á sannfærandi hátt. Jón var einn sigursælasti skákmaður Íslands á sjöunda og áttunda áratug síðustu aldar. Um miðjan áttunda áratuginn var hann ráðinn útbússtjóri Búnaðarbanka Íslands á Hólmavík og hætti þá taflmennsku að mestu leyti. En hann er byrjaður aftur og hefur verið með á tveim síðustu Reykjavíkurskákmótum. Á Reykjavíkurmótinu árið 1970 vann hann stórmeistarana Friðrik Ólafsson og Milan Matulovic og í Rimaskóla 45 árum síðar kom næsti sigur:

Jón Kristinsson - Henrik Danielsen

1. d4 d6 2. c4 e5 3. Rc3 exd4 4. Dxd4 Rc6 5. Dd2 Rf6 6. g3 Be6 7. Rd5 Re5 8. b3 Re4 9. Dc2 Rc5?! Svartur átti sterkari leik 9.... Bf5.

10. Bb2 c6 11. Rf4 Be7 12. b4 Bf6 13. Hc1 Rd7 14. Rxe6 fxe6 15. Bh3 0-0 16. f4 Db6? Hæpin mannsfórn. Eftir 16.... Rf7 17. Bxe6 hefur svartur vissar bætur fyrir peðið.

17. fxe5 Rxe5 18. Dd2 Had8 19. Bd4 c5 20. Be3 d5

Hann varð að bregðast hart við liðskipunaráformum svarts.

21. Bxc5 Da6 22. b5 Da4 23. Bxe6+ Kh8 24. Bxd5 Hfe8 25. Bd4 Hxd5 26. cxd5 Bg5 27. e3! Rg4 28. Hc3 Bxe3 29. Bxe3 De4 30. Rf3! Dxf3 31. Hf1 De4 32. d6 Rxe3 33. Hxe3! 

33.... Db1+

Gegn leiknum sem blasir við: 33.... Dxe3+ hafði Jónfundið snjalla vinningsleið:

34. Dxe3+ Hxe3 35. Kf2! He8 36. d7 Hd8 37. He1! og vinnur.

34. Ke2 Dxb5+ 35. Dd3 Db2+ 36. Kf3

og svartur gafst upp.

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Morgunblaðinu 23. mars 2015.

Skákþættir Morgunblaðsins

Sigur Hugins á Íslandsmóti skákfélaga 2015 - Görótt ráðabrugg Hermanns bónda

Jón Þorvaldsson, liðsstjóri a- og b-liða Íslandsmeistara Skákfélagsins Hugins hefur ritað pistil um Íslandsmót skákfélaga. þar segir meðal annars:

Skákfélagið Huginn reit nafn sitt á rollu íslenskrar skáksögu með sigri á nýloknu Íslandsmóti skákfélaga. Fylgt var fimm ára búnaðaráætlun Hermanns Aðalsteinssonar, fjárbónda og formanns félagsins, er hann lagði fram á skerplu árið 2010, ásamt 200 lausavísum um strategíska hugsun í skák og ágæti framsóknarmennsku. Fengu sauðamenn í sveit Goðans sáluga skýr fyrirmæli um að hampa sigurverðlaunum á Íslandsmótinu á 10 ára afmæli félagsins árið 2015, félaginu til framdráttar og Framsóknarflokknum til dýrðar, auk þess sem þeim var gert að læra lausavísurnar utanbókar. Hermann vissi sem var að á tímum endalauss bölmóðs og upphafningar lágmenningar með gosi í Eyjafjallajökli í ofanálag, væri nauðsyn að blása liðsmönnum nýjum metnaði í brjóst.

Pistillinn má finna í heild sinni á Skákhuganum.