Skákþáttur Morgunblaðsins: Magnús Carlsen á sigurbraut í Aserbadsjan

Magnús Carlsen er aftur sestur að tafli og heldur uppteknum hætti að veita ráðningu kunningjum sínum í efstu sætum heimslistans. Viðkomustaður hans á þessari mögnuðu sigurgöngu er nú borgin Shamkir í Asderbadsjan þar sem tíu manna mót stendur yfir og lýkur um helgina. Mótið er haldið til minningar um dáðan stórmeistara Asera, Vugar Gashimov. Eftir sex umferðir er Magnús efstur með 4 ½ vinning, næstur er Filippseyingurinn Wesley So með 4 vinninga, í 3. sæti er Anand með 3 ½ vinning, Caruana og Mamedyarov eru í 4. – 5. sæti með 3 vinninga; í 6. – 9. sæti með 2 ½ vinning eru Kramnik, Mamedov, Vachier-Lagrave og Giri. Lestina rekur svo Michael Adams með 2 vinninga. Þó mótið sé augljóslega vel skipað vantar nokkra toppmenn, t.d. Nakamura og Aronjan.

Magnús hefur eins og áður hefur komið fram verið óútreiknanlegur hvað byrjanaval snertir. Á því hefur Caruana fengið að kenna undanfarið. Ítalinn hvíldi kóngspeðið í skák þeirra í þriðju umferð. Gegn drottningarpeðsbyrjun kaus Magnús að tefla grjótgarðsafbrigði hollensku varnarinnar og vann örugglega. Þessi byrjun sem kom mikið við sögu í heimsmeistaraeinvígi Botvinniks og Bronsten árið 1951, komst aftur í tísku áratugum síðar eða uppúr 1985. Þá var „grjótgarðurinn“ aftur farinn að bíta og skákmenn á borð við Artur Jusupov, Nigel Short og Simen Agdestein beittu þessari byrjun við hvert tækifæri. Einfaldasta starategía hvíts hefur löngum verið talin sú að ná fram uppskiptum á svartreita biskupunum og tefla síðan upp á hægfara þrýsting á drottningarvæng og miðborði. Eitthvað fór að halla undan fæti hjá helstu merkisberum grjótgarðsins; og sumir gerðust afhuga uppbyggingu sem býður uppá þungaflutninga og skotgrafahernað.

En sagan endurtekur sig alltaf – líka í skákinni. Samt er eins og Magnús Carslen veki skyndilega upp gamlan draug. Fyrr árinu beitti hann grjótgarðinum gegn Anand og vann á skákmóti í Þýskalandi. Nú var komið að Caruana:

Fabiano Caruana – Magnús Carlsen

Hollensk vörn

1. d4 f5 2. g3 Rf6 3. Bg2 e6 4. c4 c6 5. Rf3 d5 6. O-O Bd6 7. b3 De7

Leikur Jusupovs, svartur hindrar uppskipti á svartreita biskupum að hætti Botvinniks með – Ba3.

8. Bb2 b6 9. Re5 Bb7 10. Rd2 O-O 11. Hc1 a5

Þekkt úr skákum níunda áratugarins og mikilvægur þáttur í uppbyggingu svarts, drottningarriddarinn stendur best á a6.

12. e3 Ra6 13. Rb1 Bxe5!?

Þriðja vers. Svartur gerir best í að losa sig við þennan riddara.

14. dxe5 Re4 15. De2 a4 16. Rc3 axb3 17. axb3 Db4 18. Rxe4 dxe4 19. Dc2 Rc5 20. Bc3 Dxb3 21. Dxb3 Rxb3 22. Hb1 Rc5 23. Hxb6 Ra4 24. Hxb7 Rxc3 25. He7 Hfe8 26. Hxe8 Hxe8 27. Ha1 Hd8 28. Bf1 c5 29. Ha3 Rb1 30. Ha1 Rd2 31. Be2?

Betra var 31. Kg2.

31. ... Rf3+! 32. Bxf3 exf3 33. h3 h5 34. g4 fxg4 35. hxg4 h4 36. Kh2 Hd2 37. Kh3 g5 38. e4

Leggur lúmska gildru fyrir Magnús, 38. ... Hxf2 blasir en hvítur á svarið 39. Ha8+ Kf7 40. Ha7+ Ke8 41. He7+! og eltir síðan kónginn eftir 7-reitaröðinni. Hirði kóngurinn hrókinn er hvítur patt!

38. ... Hd4!

Eftir þetta falla hvítu peðin eins og flugur.

39. Ha8 Kf7 40. Ha3 Hxc4 41. Hxf3 Ke7 42. He3 Hd4 43. f3 c4 44. Ha3 Hd3 45. Ha7 Kd8 46. Kg2 c3 47. Ha4 c2 48. Hc4 Hd2 49. Kh3 Kd7 50. Hc5 Hf2 51. f4 Hf3 52. Kh2 Hxf4

– og Caruana gafst upp.

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Morgunblaðinu 25. apríl 2015.

Skákþættir Morgunblaðsins

[Event "Gashimov Memorial"] [Site "Shamkir AZE"] [Date "2015.04.19"] [EventDate "2015.04.17"] [Round "3"] [Result "0-1"] [White "Fabiano Caruana"] [Black "Magnus Carlsen"] [ECO "A90"] [WhiteElo "2802"] [BlackElo "2863"] [PlyCount "104"] 1. d4 f5 2. g3 Nf6 3. Bg2 e6 4. c4 c6 5. Nf3 d5 6. O-O Bd6 7. b3 Qe7 8. Bb2 b6 9. Ne5 Bb7 10. Nd2 O-O 11. Rc1 a5 12. e3 Na6 13. Nb1 Bxe5 14. dxe5 Ne4 15. Qe2 a4 16. Nc3 axb3 17. axb3 Qb4 18. Nxe4 dxe4 19. Qc2 Nc5 20. Bc3 Qxb3 21. Qxb3 Nxb3 22. Rb1 Nc5 23. Rxb6 Na4 24. Rxb7 Nxc3 25. Re7 Rfe8 26. Rxe8+ Rxe8 27. Ra1 Rd8 28. Bf1 c5 29. Ra3 Nb1 30. Ra1 Nd2 31. Be2 Nf3+ 32. Bxf3 exf3 33. h3 h5 34. g4 fxg4 35. hxg4 h4 36. Kh2 Rd2 37. Kh3 g5 38. e4 Rd4 39. Ra8+ Kf7 40. Ra3 Rxc4 41. Rxf3+ Ke7 42. Re3 Rd4 43. f3 c4 44. Ra3 Rd3 45. Ra7+ Kd8 46. Kg2 c3 47. Ra4 c2 48. Rc4 Rd2+ 49. Kh3 Kd7 50. Rc5 Rf2 51. f4 Rf3+ 52. Kh2 Rxf4 0-1

Björn Hólm og Vignir Vatnar efstir á Landsmótinu í skólaskák

Björn Hólm Birkisson er efstur í eldri flokki Landsmótsins í skólaskák að loknum tveimur umferðum í dag. Vignir Vatnar Stefánsson er efstur í yngri flokki. Taflmennska hefst aftur í eldri flokki kl. 14:30 í dag á meðan yngri flokkurinn fer í sveitarferð. 

Eldri flokkur

Níu umferðum er ólokið. Staðan er nokkuð óljós þar sem keppendur hafa ýmist klárað 8 eða 9 skákir.

Baráttan virðist vera fyrst og millis Björns Hólms og Hilmis Freys.

• 1. Björn Hólm Birkisson 7,5 v. af 8
• 2. Hilmir Freyr Heimisson 7 v. af 8
• 3.-4. Jón Kristinn Þorgeirsson og Dawid Kolka 6,5 v. af 9
• 5. Bárður Örn Birkisson 5,5 v. af 9
• 6. Felix Steinþórsson 5 v. af 8

Yngri flokkur:

Átta umferðum er lokið í yngri flokki. Þar skera fjórir keppendur sig nokkuð útúr.

• 1. Vignir Vatnar Stefánsson 7,5 v 
• 2. Róbert Luu 7 v.
• 3.-4. Óskar Víkingur Davíðsson og Halldór Atli Kristjánsson 6 v.

• Heimasíða Skáksambandsins
• Chess-Results (eldri flokkur)
• Chess-Results (yngri flokkur)
• Myndaalbúm (GB)

Kristófer efstur á hraðkvöldi Hugins

Kristófer Ómarsson og Elsa María Kristínardóttir voru efst og jöfn með 7v á hraðkvöldi Hugins í Mjóddinni sem haldið var 27. apríl sl. Kristófer hafði betur í stigaútreikningnum og sigraði því í annað skiptið í röð. Elsa María var því í  öðru sæti og þriðji var Vigfús Vigfússon með 6,5v.   Kristófer dró í happdrættinu og í þetta sinn kom miði Hjálmars Sigurvaldasonar upp. Báðir völdu þeir pizzu frá Dominos. Næsta mánudag 4. maí verður atkvöld.

Lokastaðan á hraðkvöldinu:

Röð	Nafn	Vinn.	BH.	SB.
1	Kristófer Ómarsson	7	29	22,50
2	Elsa María Kristínardóttir	7	29	22,00
3	Vigfús Vigfússon	6½	29½	20,25
4	Hjálmar Sigurvaldason	4½	31½	10,25
5	Sigurður Freyr Jónatansson	4	32	9,50
6	Sindri Snær Kristófersson	3	33	4,00
7	Hörður Jónasson	2	34	4,00
8	Björgvin Kristbergsson	2	34	2,00
9	Hulda Vilhjalmsdóttir	0	36	0,00

Hrund og Nansý byrja vel á NM stúlkna

NM stúlkna hófst í gær í Kolding í Danmörku. Sex íslenskrar stúlkur taka þátt. Hrund Hauksdóttir og Nansý Davíðsdóttir byrja best þeirra en þær hafa 1,5 vinning eftir 2 umferðir. 

A-flokkur (u20)

Hrund Hauksdóttir hefur 1,5 vinning og er í 2.-3. sæti. Veronika Steinunn Magnúsdóttir hefur 0,5 vinning.

B-flokkur (u16)

Hildur Berglind Jóhannsdóttir og Svava Þorsteinsdóttir eru ekki komnar á blað enn.

C-flokkur (u12)

Nansý Davíðsdóttir er í 1.-4. sæti með 1,5 vinning. Freyja Birkisdóttir er ekki komin á blað.

Fararstjóri stelpnanna er Einar Hjalti Jensson. Tvær umferðir eru tefldar í dag. Þriðja umferð er nýhafin en hún hófst kl. 9. Hægt er að fylgjast með öllum stelpunum í beinni.

• Heimasíða mótsins
• Beinar útsendingar
• Myndaalbúm (EHJ)

Mikil spenna fyrir lokaátök Landsmótsins

Mikil spenna er á Landsmótinu í skólaskák þegar mótið er ríflega hálfnað að loknum öðrum keppnisdegi. Jón Kristinn Þorgeirsson og Hilmir Freyr Heimisson eru efstir í eldri flokki með 6 vinninga í 7 skákum. Vignir Vatnar Stefánsson er efstur í yngri flokki. Fjöldi óvæntra úrslita hafa sett svip sinn á mótið sérstaklega í yngri flokki.

Eldri flokkur

Sjö umferðum er ólokið. Staðan er nokkuð óljós þar sem keppendur hafa ýmist klárað 6 eða 7 skákir. 

• 1.-2. Jón Kristinn Þorgeirsson og Hilmir Freyr Heimisson 6 v. af 7
• 3. Björn Hólm Birkisson 5,5 v. af 6
• 4. Dawid Koka 5,5 v. af 7
• 5.-6. Heimir Páll Ragnarsson og Bárður Örn Birkisson 4 v. af 6

Meðal óvæntra úrslita má nefna að Heimir Páll vann Hilmi Frey.

Á morgun eru tefldar umferðir 8-12 í eldri flokki.

Yngri flokkur:

Sex umferðum er lokið í yngri flokki. 

• 1. Vignir Vatnar Stefánsson 5,5 v 
• 2. Róbert Luu 5 v.
• 3.-4. Óskar Víkingur Davíðsson og Halldór Atli Kristjánsson 4 v.
• 5. Almar Máni Þorsteinsson 3,5 v.

Óvænt úrslit hafa sett mikinn svip á yngri flokki. Katla Torfadóttir vann t.a.m. bæði Halldór Atla Kristjánsson og Sindra Snæ Kristófersson. Almar Máni hefur náð mörgum eftirtektarverðum úrslitum. Hann er t.d. sá eini sem tekið hefur punkt af Vigni Vatnari. Alexander Oliver vann svo Óskar Víking.

Umferðir 7-10 verða tefldar á morgun.

 

• Heimasíða Skáksambandsins
• Chess-Results (eldri flokkur)
• Chess-Results (yngri flokkur)
• Myndaalbúm (GB)

 

Spenna og óvænt úrslit á Landsmóti

Annar dagur Landsmótins í skólaskák hófst í morgun á Selfossi en í dag eru tefldar fimm umferðir! Jón Kristinn Þorgeirsson og Hilmir Freyr Heimisson eru efstir og jafnir með fullt hús eftir þrjár umferðir í eldri flokki en þeir sitja einmitt nú að tafli í þeirri fjórðu. Óskar Víkingur Davíðsson og Halldór Atli Kristjánsson eru efstir með fullt hús eftir tvær umferðir í yngri flokki

Nokkuð hefur verið um óvænt úrslit. Þar hefur heimamaðurinn Almar Máni Þorsteinsson verið í aðalhlutverki en hann gerði jafntefli við Vigni Vatnar Stefánsson í morgun.

Þrjár umferðir eru tefldar fyrir kvöldmat. Hægt er að fylgjast með gangi mála á Chess-Results.

• Heimasíða Skáksambandsins
• Chess-Results (eldri flokkur)
• Chess-Results (yngri flokkur)
• Myndaalbúm (GB)

 

Fjórða mótið í Bikarsyrpu TR hefst í dag

Bikarsyrpa Taflfélags Reykjavíkur er nýjung í mótahaldi á Íslandi. Syrpan samanstendur af nokkrum kappskákmótum og er ætluð börnum á grunnskólaaldri (fædd 1999 og síðar) sem ekki hafa náð 1600 skákstigum. Þar með gefst þeim tækifæri til að næla sér í alþjóðleg skákstig á skákmótum sem sérhönnuð eru fyrir þau.

Fjórða mótið í syrpunni hefst föstudaginn 1. maí og stendur til sunnudagsins 3. maí. Tefldar eru 5 umferðir eftir svissnesku kerfi. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Þó svo við leggjum ætíð áherslu á að krakkarnir vandi sig og noti tímann vel, þá má gera ráð fyrir að margar skákir taki mun styttri tíma.

Mótið er sérstaklega hugsað fyrir krakka sem hafa sótt skákæfingar Taflfélagsins (og/eða annarra taflfélaga) reglulega síðastliðinn vetur eða lengur. Það er gott að byrja sem fyrst að keppa á kappskákmótum, en hingað til hefur þeim krökkum sem vilja tefla á “alvöru mótum” mestmegnis staðið til boða að taka þátt í opnum mótum. Þar er styrkleikamunurinn oft mikill, mótin taka langan tíma, auk þess sem marga krakka óar við tilhugsuninni um að tefla við fullorðna á sínum fyrstu kappskákmótum. Bikarsyrpan er svarið við því.

Einungis börn og unglingar á grunnskólaaldri sem ekki hafa náð 1600 alþjóðlegum skákstigum geta tekið þátt í mótum Bikarsyrpunnar. Þannig er styrkleikamunurinn minni en ella og krakkarnir njóta þess betur að tefla kappskákir. Tímamörkin eru líka styttri, og henta krökkunum betur en langar 90 mínútna skákir sem tíðkast á venjulegum kappskákmótum. Mótið uppfyllir öll skilyrði Alþjóða skáksambandsins FIDE og er reiknað til alþjóðlegra skákstiga sem gott er að byrja að safna snemma. Eins og á aðra viðburði félagsins þá er frítt í mótin fyrir krakka í Taflfélagi Reykjavíkur. Fyrir krakka í öðrum taflfélögum er þátttökugjaldið 1000 krónur fyrir hvert mót Bikarsyrpunnar.

Dagskrá:
1. umferð 17.30 á föstudegi (1. maí)
2. umferð 10.30 á laugardegi (2. maí)
3. umferð 14.00 á laugardegi (2. maí)
4. umferð 10.30 á sunnudegi (3. maí)
5. umferð 14.00 á sunnudegi  (3. maí). (Lokaumferð + verðlaunaafhending).

Sigurvegari fyrsta móts Bikarsyrpunnar var TR-ingurinn Mykhaylo Kravchuk, TR-ingurinn Aron Þór Mai sigraði á öðru mótinu og á því þriðja sigraði Fjölnisdrengurinn Jóhann Arnar Finnsson.

Skráning fer fram hér.

Vinsamlegast skráið þátttakendur sem fyrst, það hjálpar við undirbúning mótsins! Skráðir keppendur.

Bikarsyrpan samanstendur af fjórum mótum í vetur. Bikarar og medalíur eru í verðlaun fyrir efstu sætin í hverju móti, en auk þess verða veitt sérstök verðlaun fyrir samanlagðan árangur á mótunum.

Hlökkum til að sjá ykkur!

• Bikarsyrpa #1
• Bikarsyrpa #2
• Bikarsyrpa #3

Landsmótið í skólaskák hófst í kvöld

 

Landsmótið í skólaskák hófst í kvöld í Fischersetri á Selfossi. Ásta Stefánsdóttir, bæjarstjóri Árborgar, setti mótið og lék fyrsta leikin fyrir heimamanninn, Almar Mána Þorsteinsson gegn Alexander Oliver Mai. Það skilaði sér vel því Almar vann skákina. Tvær umferðir voru tefldar í kvöld í eldri flokki en ein í þeim yngri. Mótinu verður framhaldið á morgun en þá verða tefldar fimm umferðir! 

 

Keppendur frá Reykjavík, sem ætluðu að taka strætó frá Mjódd, lentu í því óvæntu vandræðum að enginn strætó gekk vegna verkfalls Starfsgreinasambandsins. Voru þá góð ráð dýr en með aðstoð aðstandenda nokkurra keppenda tókst að manna nægilega marga einkabíla!

Jón Kristinn Þorgeirsson, Hilmir Freyr Heimisson og Björn Hólm Birkisson eru jafnir og efstir í eldri flokki með fullt hús. 

Næsta umferð í báðum flokkum hefst kl. 10:15. Úrslitin eru uppfærð jafnóðum á Chess-Results.

Mótshaldið nú er samvinnuverkefni Skáksambandsins, Skákfélags Selfoss og nágrennis og Fischerseturs.

• Heimasíða Skáksambandsins
• Chess-Results (eldri flokkur)
• Chess-Results (yngri flokkur)
• Myndaalbúm (GB)

Ný alþjóðleg skákstig

Ný alþjóðleg skákstig, miðuð við 1. maí eru komin út. Hannes Hlífar Stefánsson er stigahæsti skákmaður landsins, Elvar Örn Hjaltason er stigahæsti nýliðinn og Aron Þór Mai hækkar mest frá apríl-listanum.

Topp 20

Hannes Hlífar Stefánsson (2590) er stigahæstur íslenskra skákmanna. Í næstum sætum eru Jóhann Hjartarson (2566) og Hjörvar Steinn Grétarsson (2561).

Nr.	Nafn	Tit	Stig	Sk	Br.	At	Hrað
1	Stefansson, Hannes	GM	2590	0	0	2510	2585
2	Hjartarson, Johann	GM	2566	0	0		2550
3	Gretarsson, Hjorvar Steinn	GM	2561	8	1	2557	2550
4	Olafsson, Helgi	GM	2546	0	0	2542	2614
5	Steingrimsson, Hedinn	GM	2532	0	0	2575	2586
6	Petursson, Margeir	GM	2529	0	0		2546
7	Danielsen, Henrik	GM	2520	0	0		2549
8	Arnason, Jon L	GM	2499	0	0		2421
9	Kristjansson, Stefan	GM	2485	0	0	2535	2435
10	Kjartansson, Gudmundur	IM	2474	9	3	2437	2346
11	Gunnarsson, Jon Viktor	IM	2458	0	0	2394	2488
12	Thorsteins, Karl	IM	2453	0	0		2381
13	Gretarsson, Helgi Ass	GM	2450	0	0	2481	2457
14	Gunnarsson, Arnar	IM	2425	0	0	2433	2444
15	Thorfinnsson, Bragi	IM	2416	0	0	2455	2416
16	Thorhallsson, Throstur	GM	2415	0	0	2487	2481
17	Thorfinnsson, Bjorn	IM	2407	0	0	2412	2463
18	Olafsson, Fridrik	GM	2397	0	0		2382
19	Johannesson, Ingvar Thor	FM	2378	0	0	2367	2387
20	Ulfarsson, Magnus Orn	FM	2377	0	0	2304	2309

Nýliðar

Þrír nýliðar eru á listanum. Þeirra langstigahæstur er Elvar Örn Hjaltason (1766) eftir afar gott Íslandsmót. Hinir eru Daníel Ernir Njarðarson (1337) og Alexander Sigurðarson (1078).

Nr.	Nafn	Tit	Stig	Sk	Br.	At	Hrað
1	Hjaltason, Elvar Orn		1766	9	1766
2	Njardarson, Daniel Ernir		1337	7	1337	1254	1372
3	Sigurdarson, Alexander		1078	7	1078

Mestu hækkanir

Aron Þór Mai (81) hækkar mest frá apríl-listanum eða um 81 skákstig. Í næstum sætum eru Björn Hólm Birkisson (64) og Andri Freyr Björgvinsson (45).

Nr.	Nafn	Tit	Stig	Sk	Br.	At	Hrað
1	Mai, Aron Thor		1498	7	81	1324	1224
2	Birkisson, Bjorn Holm		1913	8	64	1619	1570
3	Bjorgvinsson, Andri Freyr		1803	9	45	1665
4	Valgeirsson, Nikulas Ymir		1197	2	37	1161
5	Davidsson, Oskar Vikingur		1655	8	36	1417	1443
6	Briem, Hedinn		1488	6	32	1452
7	Einarsson, Oskar Long		1638	9	29	1671	1673
8	Bergsson, Stefan		2087	7	20	2128	2138
9	Magnusdottir, Veronika Steinunn		1648	6	17	1492	1557
10	Stefansson, Vignir Vatnar		1881	9	16	1789	2016
11	Ingason, Sigurdur		1842	9	16	1878	1835
12	Sigurvaldason, Hjalmar		1477	8	16	1533	1535

Stigahæstu ungmenni landsins (u20)

Nýjasti FIDE-meistari landsins, Oliver Aron Jóhannesson (2302), endurheimti efsta sætið á ungmennalistanum. Næstir eru Dagur Ragnarsson (2283) og Jón Kristinn Þorgeirsson (2227).

Nr.	Nafn	Tit	Stig	Sk	Br.	At	Hrað
1	Johannesson, Oliver	FM	2302	9	14	2061	2161
2	Ragnarsson, Dagur	FM	2283	8	-28	2071	2034
3	Thorgeirsson, Jon Kristinn		2227	0	0	1968
4	Karlsson, Mikael Johann		2161	0	0	2027	2069
5	Hardarson, Jon Trausti		2143	9	5	1922	1971
6	Thorhallsson, Simon		2106	0	0	1851	1672
7	Heimisson, Hilmir Freyr		1982	0	0	1699	1802
8	Sigurdarson, Emil		1955	9	6
9	Jonsson, Gauti Pall		1936	0	0	1680	1870
10	Birkisson, Bjorn Holm		1913	8	64	1619	1570

Skrár tengdar þessari bloggfærslu:

• Alþjóðleg skákstig, 1. maí 2015

Jón Viktor skákmeistari Vals

 

Jón Viktor Gunnarsson er skákmeistari Vals annað árið í röð en hann varð langefstur á skákmóti Vals sem fram fór í Lollastúkunni í félagsheimili Vals að  Hlíðarenda. Jón Viktor átti titil að verja þar sem hann vann Valsmótið einnig í  fyrra sem jafnframt var minningarmót um hinn dáða Valsmann og skákunnenda Hermann Gunnarsson. Sigur Jóns Viktors var afar öruggur en hann hlaut 7 ½  vinning af 9 mögulegum. Jón Viktor náði snemma forystunni og hélt henni til loka.

Næstir komu stórmeistarinn Jón L. Árnason og Ingvar Þ. Jóhannesson en þeir hlutu 6 ½ vinning hvor. Efstur og þar með sigurvegari í flokki 16 ára og yngri var Gauti Páll Jónsson en hann hlaut 5 vinninga. Tefldar voru  níu umferðir og  tímafyrirkomulagið var 5 2. 

Aðalskákstjóri mótsins var Helgi Ólafsson en honum til aðstoðar voru Gunnar Björnsson forseti SÍ og Stefán Bergsson en þeir voru einnig var á meðal keppenda sem voru 31 talsins. Í stuttri ræðu fyrir mótið sagði Helgi frá því að  eftir að VALS-HRÓKURINN fannst fyrir nokkrum árum síðan hafi Valsmótið - og keppninni um þennan timbraða bikar - verið reist við og það hafi gerst með móti sem haldið var í Lollastúkunni vorið 2013. Þá var Hermann Gunnarsson meðal keppenda en hann lést nokkrum vikum síðar.

Því næst kynnti Helgi til sögunnar Halldór Einarsson, HENSON, sem gaf flesta vinninga til mótsins. Helgi sagði að ekki einungis væri Halldór félagsmálatröll og iðnjöfur með meiru, heldur einnig afreksmaður í knattspyrnu og minnti á að þrisvar sinnum hefði Halldór hann hampað Íslandsmeistaratitlinum í knattspyrnu með félögum sínum í Val á árunum 1966 – 1976.

Halldór gerði sögu VALS-HRÓKSINS  nokkur skil í stuttu ávarpi og síðan var Ragnar Gunnarsson, bróðir Hemma Gunn, fenginn til að leika fyrsta leik mótsins  en það gerði hann fyrir Jón L. Árnason sem tefldi við Gauta Pál Jónsson í fyrstu umferð.

Meðal verðlauna voru árskort á leiki Vals í efstu deild Íslandsmótsins í knattspyrnu, Valstreyja sem leikmenn Vals á fjórða áratug síðustu aldar íklæddust í kappleikjum en nokkrar treyjur voru endurhannaðar af af HENSON í tilefni af  100 ára afmæli Vals 11 .maí 2011. Sigurvegarinn fékk einn slíkan búning og svo var dregið um eina slíka treyju og varð Aron Þór Mai hlutskarpastur. Við mótslit fengu allir  þátttakendur 20 ára og yngri keppnistreyju frá HENSON.  

Lokastaðan á Chess-Results.