Lars Karlsson sigraði á CellaVision Cup í Lund

Sænski stórmeistarinn Lars Karlsson (2426) sigraði á CellaVision-skákmótinu sem fram fór í Lundi í Svíþjóð um helgina. Hann var í miklu stuði og hlaut 7½ vinning í 8 skákum. Sex skákmenn fengu 6½ vinning. Eini fulltrúi Íslendinga, Gunnar Finnlaugsson (2039), fékk 3½ vinning.

Mótið var vel sótt en ríflega 200 keppendur tóku þátt.

 

 

Flugfélagsmót í Vin í dag

Fjórða og síðasta skákmótið í Flugfélagsyrpunni verður haldið mánudaginn 10.ágúst kl. 13.00. í Vin fræðslu og batasetur Hverfisgata 47. Mótasyrpunni mun ljúkja með pomp og prakt á mánudaginn, glæsileg verðlaun og ljúffengar veitingar verða á skákveisluborði VINAR-skákfélagsins. Mótin hafa verið mánaðarleg í allt sumar.

Sem stendur er Róbert Lagerman efstur í Flugfélagssyrpunni, en allt getur gerst í lokamótinu því vinningafjöldinn hefur tvöfalt vægi næsta mánudag. Eins og ávallt mun leynigestur opna skákmótið. Allir eru hjartanlega velkomnir.

Meistarmót Hugins (suðursvæði) hefst mánudaginn 24. ágúst

Meistaramót Hugins (suðursvæði) 2014 hefst mánudaginn 24. ágúst klukkan 19:30. Mótið er 7 umferða opið kappskákmót sem lýkur 8. september (A-flokki líkur 7. september). Leyft verður að taka 1 yfirsetu í 1.-5. umferð sem tilkynna þarf um fyrir lok næstu umferðar á undan. Vegleg og fjölbreytt verðlaun eru í boði. Umhugsunartíminn verður 1½ klst. á skákina auk hálfrar mínútu á hvern leik í A-flokki en 45 mínútur+30 sek. á leik í B-flokki. Þeir sem eru undir 1600 sigum geta valið hvorn flokkinn þeir fara í..

Mótið er öllum opið og er reiknað til alþjóðlegra og íslenskra skákstiga. Skráning í mótið fer fram á Skák.is en einnig er hægt að skrá sig meðþví aðhringja í skákstjóra s-866-0116 (Vigfús)

Teflt er á mánudögum, þriðjudögum og fimmtudögum.

Aðalverðlaun:

1. 50.000
2. 40.000
3. 30.000

Aukaverðlaun (miðað er við alþjóðleg skákstig)

• Skákmeistari Hugins (suðursvæði): Kr. 10.000.
• Besti árangur undir  2000 skákstigum:  Skákbók hjá Sigurbirni að verðmæti kr. 5.000.
• Besti árangur undir 1800 skákstigum:  Skákbók hjá Sigurbirni að verðmæti kr. 5.000.
• Besti árangur undir 1600 skákstigum: Skákbók hjá Sigurbirni að verðmæti kr. 5.000.
• Besti árangur stigalausra: Skákbók hjá Sigurbirni að verðmæti kr. 5.000.
• Unglingaverðlaun (15 ára og yngri), skákbækur hjá Sigurbirni að verðmæti: 1.vl. kr. 5.000, 2. og 3.vl. kr. 4000.
• B-flokkur, skákbækur hjá Sigurbirni að verðmæti: 1.vl. kr. 5.000, 2. og 3.vl. kr. 4000.

Þátttökugjöld:

Félagsmenn kr. 3.500; aðrir 4.500-
Unglingar 15 ára og yngri: Félagsmenn: 2.000; Aðrir 3.000.
Allir titilhafar fá frítt í mótið.

Umferðartafla:

• 1. umferð, mánudaginn, 24. ágúst, kl. 19:30 (B-flokkur kl. 18,00)
• 2. umferð, þriðjudaginn, 25. ágúst, kl. 19:30 (B-flokkur kl. 18,00)
• 3. umferð, fimmtudaginn, 27. ágúst, kl. 19:30 (B-flokkur kl. 18,00)
• 4. umferð, mánudaginn, 31. ágúst, kl. 19:30 (B-flokkur kl. 18,00)
• 5. umferð, þriðjudaginn, 1. september, ágúst, kl. 19:30 (B-flokkur kl. 18,00)
• 6. umferð, fimmtudaginn, 3. september, kl. 19:30 (B-flokkur kl. 18,00)
• 7. umferð, mánudaginn, 7. september, kl. 19:30 (Bara A-flokkur)
• 7. umferð þriðjudaginn, 8. september, kl. 18.00 (Bara B-flokkur)

Skákþáttur Morgunblaðsins: Kóngur á flótta

Það er ekki óalgengt þegar setið er að tafli og óveðurskýin hrannast upp fyrir fram kóngsstöðuna að á menn sæki löngun til að flýja vettvang. Frægt dæmi um slíkan flótta má finna í viðureign Inga R. Jóhannssonar við Vlastimil Hort á Ólympíumótinu í Lugano í Sviss árið 1968. Ingi Randver kallaði nú ekki allt ömmu sína en þegar peðastormsveit tékkneska stórmeistarans var að nálgast kónginn sá hann þann kost vænstan að flýja með hann yfir á drottningarvænginn. Þar var skjól betra og Ingi vann að lokum!

Færri dæmi finnast um það er kóngurinn flanar beinustu leið inn í herbúðir andstæðingsins. Byrjendum er kennt að það kunni ekki góðri lukku að stýra. Um daginn sátu að tafli á stórmótinu í Biel í Sviss, þar sem Frakkinn Vachier LaGrave sigraði, Tékkinn David Navara og Pólverjinn Radoslaw Wojtazek. Kóngur Navara lagði upp í ferðalag inn fyrir víggirðingu svarts - lóðbeint frá f2 til f8. Fæstir áttu von á því að kóngsi slyppi þaðan. En Navara hélt ró sinni. Hann hafði séð fyrir að þetta var eina leiðin til að halda vinningsmöguleikum vakandi, hafði nokkur tromp á hendi t.d. riddara tvo sem þvældust fyrir sóknaraðgerðum svarts. En kannski ríkti eitthvert ógnarjafnvægi í stöðunni. Skákreiknar gátu a.m.k. ekki fundið neinn vinning fyrir Pólverjann en sennilega átti hann jafntefli. Erfiðustu miðtaflsstöðurnar eru þær þegar staðan á borðinu verður teflendum slík ráðgáta að ekki er hægt að styðjast við nein þekkt kennileiti og það sem verra er: útreikningar leiða ekki til neinnar niðurstöðu.

Biel 2015;

David Navara – Wojtazek

Sikileyjarvörn

1. e4 c5 2. Rf3 d6 3. d4 cxd4 4. Rxd4 Rf6 5. Rc3 a6 6. Be3 e5 7. Rb3 Be6 8. h3

Nýr snúningur í stöðunni. „Enska árásin“ hefst með leiknum 8. f3.

8. ... Be7 9. g4 d5 10. exd5 Rxd5 11. Bg2 Rxe3

Annar kostur var 12. ... Rxc3 en eftir 13. Dxd8+ Bxd8 14. bxc3 vega áhrif biskupsins á g2 upp veikleikana í peðastöðunni.

12. Dxd8+ Bxd8 13. fxe3 Bh4+ 14. Kf1 Rc6 15. Rc5 Bc4 16. Kg1 O-O-O 17. b3

Hvítur hafði greinilega bundið vonir sínar við þennan leik. Hörfi biskupinn til e6 kemur 18. Rxe6 fxe6 19. Bxc6! bxc6 20. Re4 með yfirburðastöðu.

17. ... Bg5 18. He1 Bh4 19. Hb1 Bg5 20. Kf2!? Bh4+ 21. Kf3!?

Eftir þetta verður ekki aftur snúið.

21. ... e4+! 22. Kf4 g5 23. Kf5 Hhe8 24. Hhd1

Eini leikurinn. Ekki dugar 24. bxc4 vegna 24. ... Hd6! sem hótar 25. He5 mát.

24. ... He5+ 25. Kf6 Hg8 26. bxc4 Hg6+ 27. Kxf7 He7+ 28. Kf8

Ótrúleg staða. Hér mæla „skákreiknarnir“ með 28. ... Heg7 29. Re6! Hg8+ 30. Kf7 Re5+ 31. Ke7 Rc6+ en hvítur getur þá gefið manninn til baka og leikið 32. Kd6.

28. ... Hf6+ 29. Kg8 Hg6+ 30. Kh8 Hf6

30. ... Bg3 liggur beinast við en hvítur á svarið 31. Hd5!

31. Hf1 Bf2 32. Hxf2 Hxf2 33. Hf1!

Bráðsnjallt. Hvítur gefur manninn til baka en nær frumkvæðinu.

33. ... Hxg2 34. Hf8+ Kc7

Ekki 34. ... Rd8 35. Rd5! o.s.frv.

35. Rd5+ Kd6 36. Rxe7 Kxc5 37. Hf5 Kxc4 38. Rxc6 bxc6 39. Hxg5 Hg3?

Hróksendataflið er aðeins betra á hvítt og hér var betra að leika 39. ... Hxc2, c6-peðið skapar færi í endataflinu.

40. h4 h6 41. Hg6 Hxe3 42. Kg7 Hg3 43. Kxh6 e3 44. Kg5 Kd5 45. Kf4 Hh3 46. h5 c5 47. Hg5 Kd4 48. He5!

- og svartur gafst upp. Hann á ekkert svar við hótuninni 49. He4+.

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu 

Grein þessi birtist í Morgunblaðinu 1. ágúst 2015

Skákþættir Morgunblaðsins

[Event "Biel"] [Site "Biel SUI"] [Date "2015.07.23"] [EventDate "2015.07.20"] [Round "4"] [Result "1-0"] [White "David Navara"] [Black "Radoslaw Wojtaszek"] [ECO "B90"] [WhiteElo "2724"] [BlackElo "2733"] [PlyCount "95"] 1. e4 c5 2. Nf3 d6 3. d4 cxd4 4. Nxd4 Nf6 5. Nc3 a6 6. Be3 e5 7. Nb3 Be6 8. h3 Be7 9. g4 d5 10. exd5 Nxd5 11. Bg2 Nxe3 12. Qxd8+ Bxd8 13. fxe3 Bh4+ 14. Kf1 Nc6 15. Nc5 Bc4+ 16. Kg1 O-O-O 17. b3 Bg5 18. Re1 Bh4 19. Rb1 Bg5 20. Kf2 Bh4+ 21. Kf3 e4+ 22. Kf4 g5+ 23. Kf5 Rhe8 24. Rhd1 Re5+ 25. Kf6 Rg8 26. bxc4 Rg6+ 27. Kxf7 Re7+ 28. Kf8 Rf6+ 29. Kg8 Rg6+ 30. Kh8 Rf6 31. Rf1 Bf2 32. Rxf2 Rxf2 33. Rf1 Rxg2 34. Rf8+ Kc7 35. Nd5+ Kd6 36. Nxe7 Kxc5 37. Rf5+ Kxc4 38. Nxc6 bxc6 39. Rxg5 Rg3 40. h4 h6 41. Rg6 Rxe3 42. Kg7 Rg3 43. Kxh6 e3 44. Kg5 Kd5 45. Kf4 Rh3 46. h5 c5 47. Rg5+ Kd4 48. Re5 1-0

Hannes efstur fyrir lokaumferðina

Stórmeistarinn Hannes Hlífar Stefánsson (2593) vann serbneska stórmeistarann Misa Pap (2474) í áttundu og næstsíðustu umferð opins alþjóðlegs móts í þýska fjallaþorpinu Bayerisch-Eisenstein. Hannes er efstur með 7 vinningaásamt þýska stórmeistaranum Michael Prusikin (2486). Þeir mætast í lokaumferðinni sem fram fer í fyrramálið. Hannes hefur hvítt.

96 skákmenn taka þátt í mótinu og þar af eru sjö stórmeistarar. Hannes er stigahæstur keppenda.

Heimasíða mótsins

 

 

Hannes efstur ásamt tveimur öðrum í Eisenstein

Stórmeistarinn Hannes Hlífar Stefánsson (2593) er efstur ásamt tveimur öðrum á alþjóðlegu móti sem fram fer í þýska fjallaþorpinu Bayerisch-Eisenstein sem liggur við landamæri Tékklands. Eftir sex umferðir hefur Hannes 5 vinninga og er efstur ásamt kollegum sínum Misa Pap (2474) og Michael Prusikin (2486). Í sjöundu umferð, sem fram fer á morgun, teflir Hannes við Misa Pap. 

96 skákmenn taka þátt í mótinu og þar af eru sjö stórmeistarar. Hannes er stigahæstur keppenda.

Heimasíða mótsins

 

 

Flugfélagsmótið í Vin

Fjórða og síðasta skákmótið í Flugfélagsyrpunni verður haldið mánudaginn 10.ágúst kl. 13.00. í Vin fræðslu og batasetur Hverfisgata 47. Mótasyrpunni mun ljúkja með pomp og prakt á mánudaginn, glæsileg verðlaun og ljúffengar veitingar verða á skákveisluborði VINAR-skákfélagsins. Mótin hafa verið mánaðarleg í allt sumar.

Sem stendur er Róbert Lagerman efstur í Flugfélagssyrpunni, en allt getur gerst í lokamótinu því vinningafjöldinn hefur tvöfalt vægi næsta mánudag. Eins og ávallt mun leynigestur opna skákmótið. Allir eru hjartanlega velkomnir.

Pistill Gumma Kja: Minningarmót um Capablanca

Guðmundur Kjartansson hefur skrifað pistil um minningarmótið um Capablanca sem hann tók þátt fyrr í sumar. Þar minnist hann jafnframt á mótið í Sankti Pétursborg. Skýrða skák frá mótinu má finna hér.

Pistilinn skemmtilega má finna sem PDF-viðhengi.

Skrár tengdar þessari bloggfærslu:

• Minningarmót um Capablanca

Sumarsyrpa Breiðabliks hefst í dag

Sumarsyrpa Breiðabliks er með samskonar fyrirkomulagi og hin vinsæla Bikarsyrpa TR.
Tvö mót verða haldin í sumar. Það seinna fer fram helgina 7.-9.ágúst. Mótin eru ætluð börnum á grunnskólaaldri (fæddum 1999 og síðar) sem ekki hafa náð 1600 skákstigum. Þau eru reiknuð til íslenskra og alþjóðlegra skákstiga.

Tefldar eru 5 umferðir eftir svissneska kerfinu. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Það margborgar sig að vanda sig og nota tímann, en samt má búast við því að margar skákir klárist á styttri tíma.

Dagskrá:

1. umferð kl 17:30 á föstudegi
2. umferð kl 10:30 á laugardegi
3. umferð kl 14:00 á laugardegi
4. umferð kl 10:30 á sunnudegi
5. umferð kl 14:00 á sunnudegi

Teflt er í Glersalnum í Stúkunni við Kópavogsvöll.

Verðlaun:

• 1. sæti: fyrsta val
• efstur 10 ára og yngri: annað val
• 2. sæti: þriðja val
• 3.sæti: fjórða val
• nr 2 10 ára og yngri: fimmta val
• nr 3 10 ára og yngri: sjötta val

Verðlaunapakkar: Pizza frá Íslensku Flatbökunni Bæjarlind, Stór bragðarrefur frá Vesturbæjarís, 4 bíómiðar í boði Vitakletts og Sambíóanna, 2 bíómiðar (3 pör af þeim).

Skráning í mótið  7.-9.ágúst: https://docs.google.com/forms/d/1rsyp1VnMmVd2Xx2C1UqPVpGvY6p7sngkJOjawyGihZA/viewform?usp=send_form

Skráðir keppendur: https://docs.google.com/spreadsheets/d/1baghnMaXs2DH85jja-DwZ_b9eSeL2uLd6orNtrIAwsI/edit#gid=975323026

Úrslit mótsins 3.-5.júlí: http://chess-results.com/tnr179648.aspx?lan=1

Heimasíða Skákdeildar Breiðabliks: http://www.breidablik.is/skak

Blindskákfjölteflið: Jón Trausti lagði meistarann

Bandaríski stórmeistarinn, Timur Gareyev, tefli blindskákfjöltefli í dag í húsnæði Skákskóla Íslands við 11 meðlimi unglingalandslið Íslands. Garaeyv þessi stefnir á að slá heimsmetið í blindskákfjöltefli á næsta ári með því að tefla við 50 manns í einu en metið nú er 46. Er skemmst frá því að segja að stórmeistarinn fór á kostum í dag, tefldi geysivel, þrátt fyrir mikla mótspyrnu og að sjá ekki á skákborðin og fékk 10 vinninga í 11 skákum. Það var aðeins Jón Trausti Harðarson sem lagði meistarann í hörkuskák.

Það var sérstakt að sjá meistarann undirbúa sig við upphaf fjölteflisins. Hann greinilega skoðaði hvern andstæðing fyrir sig og spurði hvað hver væri með að stigum og lagði andlit hvers og eins á minnið.

Hann tefldi mjög mismunandi byrjanir á hverju borði – væntanlega til að hafa stöðurnar sem  ólíkastar á hverju borði. Að tefla blindskák, hvað þá margar í einu, þýðir að menn þurfa að hafa gríðarlega minnistækni, sem er afar fáum eðlislæg jafnvel fáum stórmeisturum, og bakvið  hana er mjög mikil vinna.

Það var hreint og beint ótrúlegt að sjá getuna hjá meistaranum þrátt fyrir að sjá ekki á borðin og þurftu krakkarnir, sem kalla nú ekki allt ömmu sína, að gefast upp hver á fætur öðrum. Þau sem lengst stóðu í meisturunum voru Vignir Vatnar Stefánsson og Veronika Steinunn Magnúsdóttir fyrir auðvitað Jón Trausta.

Þau sem tefldu við meistarann voru: Oliver Aron Jóhannesson, Jón Trausti Harðarson, Veronika Steinunn Magnúsdóttir, Hilmir Freyr Heimisson, Heimir Páll Ragnarsson, Vignir Vatnar Stefánsson, Óskar Víkingur Davíðsson, Róbert Luu, Stefán Orri Davíðsson, Freyja Birkisdóttir og Adam Omarsson. 

Fjallað verður um fjölteflið í sjónvarpsfréttum RÚV í kvöld.

Í gær tefldi Timur á hraðskákmótið í Stofunni. Þar varð í 2.-3. sæti ásamt Þresti Þórhallssyni. Hjörvar Steinn Grétarsson sigraði á mótinu. 

Lokastöðuna má finna á Chess-Results.