Bikarsyrpa TR hefst í dag

Bikarsyrpa Taflfélags Reykjavíkur fer nú af stað annað árið í röð eftir góðar móttökur í fyrra. Mótum syrpunnar hefur verið fjölgað og telur hún alls sex kappskákmót sem eru ætluð börnum á grunnskólaaldri (fædd 2000 og síðar) sem ekki hafa náð 1600 skákstigum. Þar með gefst þeim tækifæri til að næla sér í alþjóðleg skákstig á skákmótum sem sérhönnuð eru fyrir þau.

Fyrsta mótið í syrpunni hefst föstudaginn 4. september og stendur til sunnudagsins 6. september. Tefldar eru 5 umferðir eftir svissnesku kerfi. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Þó svo við leggjum ætíð áherslu á að krakkarnir vandi sig og noti tímann vel, þá má gera ráð fyrir að margar skákir taki mun styttri tíma.

Mótið er sérstaklega hugsað fyrir krakka sem hafa sótt skákæfingar TR (og/eða annarra taflfélaga) reglulega síðastliðinn vetur eða lengur. Það er gott að byrja sem fyrst að keppa á kappskákmótum, en hingað til hefur þeim krökkum sem vilja tefla á “alvöru mótum” mestmegnis staðið til boða að taka þátt í opnum mótum. Þar er styrkleikamunurinn oft mikill, mótin taka langan tíma, auk þess sem marga krakka óar við tilhugsuninni um að tefla við fullorðna á sínum fyrstu kappskákmótum. Bikarsyrpan er svarið við því.

Einungis börn og unglingar á grunnskólaaldri sem ekki hafa náð 1600 alþjóðlegum skákstigum geta tekið þátt í mótum Bikarsyrpunnar. Þannig er styrkleikamunurinn minni en ella og krakkarnir njóta þess betur að tefla kappskákir. Tímamörkin eru líka styttri, og henta krökkunum betur en langar 90 mínútna skákir sem tíðkast á venjulegum kappskákmótum. Mótið uppfyllir öll skilyrði Alþjóða skáksambandsins FIDE og er reiknað til alþjóðlegra skákstiga sem gott er að byrja að safna snemma. Eins og á aðra viðburði félagsins þá er frítt í mótin fyrir krakka í Taflfélagi Reykjavíkur. Fyrir krakka í öðrum taflfélögum er þátttökugjaldið 1000 krónur fyrir hvert mót Bikarsyrpunnar.

Dagskrá:
1. umferð 17.30 á föstudegi (4. september)
2. umferð 10.30 á laugardegi (5. september)
3. umferð 14.00 á laugardegi (5. september)
4. umferð 10.30 á sunnudegi (6. september)
5. umferð 14.00 á sunnudegi  (6. september). (Lokaumferð + verðlaunaafhending).

Vinsamlegast skráið þátttakendur sem fyrst, það hjálpar við undirbúning mótsins!

• Skráningarform
• Skráðir keppendur

Bikarsyrpan samanstendur af sex mótum í vetur. Bikarar og medalíur eru í verðlaun fyrir efstu sætin í hverju
 móti, en auk þess verða veitt sérstök verðlaun fyrir samanlagðan árangur á mótunum.

Hlökkum til að sjá ykkur!

Sigurvegarar Bikarsyrpunnar 2014-2015:

• Mót 1: Mykhaylo Kravchuk
• Mót 2: Aron Þór Mai
• Mót 3: Jóhann Arnar Finnsson
• Mót 4: Mykhaylo Kravchuk
• Bestur samanlagður árangur: Mykhaylo Kravchuk

Pistill um lokamót Bikarsyrpunnar 2014-2015.

Skákæfingar Breiðabliks hefjast á mánudaginn

Viltu æfa skák af alvöru og ná afreksmörkum Skáksambands Íslands ?

Skákdeild Breiðabliks í samstarfi við Skákakademíu Kópavogs og Skákskóla Íslands býður í vetur upp á öfluga skákþjálfun með það að markmiði.

Boðið er upp á æfingatíma í Glersalnum í stúkunni við Kópavogsvöll mánudaga til föstudaga frá 16:00 – 17:30.

Þjálfari er Birkir Karl Sigurðsson FIDE National Instructor

Æfingarnar henta skákkrökkum á grunnskólaaldri sem hafa náð grunnfærni í skák, hafa mikinn áhuga og vilja æfa af alvöru til að stefna að því að verða í fremstu röð á Íslandi og  að standa sig með sóma á alþjóðlegum barna- og unglingaskákmótum.

Hver iðkandi velur sér þrjár æfingar í viku, en frjálst verður að hafa þær fleiri eða færri. Einnig verður hægt að velja um að mæta seinna og fara fyrr ef tíminn t.d. rekst á aðrar tómstundir. Við búumst við að geta myndað tvo kjarna, eldri og reyndari krakkar og svo hóp af ungum og efnilegum.

Iðkendur utan Kópavogs og í hvaða taflfélagi sem er eru velkomnir. Allir geta mætt í nokkur skipti til að prófa án æfingagjalds.

Fyrsta æfing: Mánudaginn 7.september

Æfingagjöld veturinn 2015-16: (eru styrkhæf sem tómstundastyrkur hjá Kópavogsbæ og Reykjavíkurborg):

Þrisvar sinnum eða oftar í viku: 30.000 kr.
Tvisvar sinnum í viku: 20.000 kr.
Einu sinni í viku: 10.000 kr. 

Skráning á  https://breidablik.felog.is/ eða bara að mæta á æfingu til að prófa!   

Ný alþjóðleg skákstig

Ný alþjóðleg skákstig eru komin út. Hannes Hlífar Stefánsson (2600) er sem fyrr langstigahæstur. Í næstum sætum eru Hjörvar Steinn Grétarsson (2560) og Héðinn Steingrímsson (2559).  Adam Omarsson (1156) er eini nýliði listans og Þorsteinn Magnússon (34) hækkar mest frá ágúst-listanum.

Topp 21

 

No.	Name	Tit	Rtng	Gms	Diff
1	Stefansson, Hannes	GM	2600	9	7
2	Gretarsson, Hjorvar Steinn	GM	2560	9	-7
3	Steingrimsson, Hedinn	GM	2559	14	9
4	Olafsson, Helgi	GM	2546	0	0
5	Hjartarson, Johann	GM	2529	0	0
6	Petursson, Margeir	GM	2521	0	0
7	Danielsen, Henrik	GM	2510	0	0
8	Arnason, Jon L	GM	2499	0	0
9	Kristjansson, Stefan	GM	2485	0	0
10	Kjartansson, Gudmundur	IM	2474	18	27
11	Gunnarsson, Jon Viktor	IM	2458	0	0
12	Thorsteins, Karl	IM	2453	0	0
13	Gretarsson, Helgi Ass	GM	2450	0	0
14	Gunnarsson, Arnar	IM	2425	0	0
15	Thorhallsson, Throstur	GM	2415	0	0
16	Thorfinnsson, Bragi	IM	2414	0	0
17	Thorfinnsson, Bjorn	IM	2411	0	0
18	Olafsson, Fridrik	GM	2392	0	0
19	Jensson, Einar Hjalti	FM	2392	2	-2
20	Johannesson, Ingvar Thor	FM	2377	0	0
21	Ulfarsson, Magnus Orn	FM	2377	0	0

Heildarlistinn fylgir með sem PDF-viðhengi.

 

Nýliðar

Aðeins einn nýliði er á listanum nú en það er Adam Omarsson (1156)

Mestu hækkanir

Þorsteinn Magnússon hækkar mest frá ágúst-listanum eða um 34 skákstig eftir góða frammistöðu á Bikarsyrpu Breiðabliks. Í næstu sætum eru Róbert Luu (30) og Guðmundur Kjartansson (27).

No.	Name	Tit	Rtng	Gms	Diff
1	Magnusson, Thorsteinn		1411	5	34
2	Luu, Robert		1490	0	30
3	Kjartansson, Gudmundur	IM	2474	18	27
4	Johannsson, Birkir Isak		1359	4	26
5	Mai, Aron Thor		1502	5	24
6	Kristjansson, Halldor Atli		1441	5	19
7	Haraldsson, Oskar		1784	9	18
8	Davidsson, Stefan Orri		1103	4	18
9	Bjarnthorsson, Alexander Mar		1289	4	16
10	Sigurdsson, Jakob Saevar		1801	2	15

Reiknuð mót

Reiknuð innlend mót voru aðeins tvö. Annars vegar Sumarsyrpa Breiðabliks og hins vegar Landskeppnin við Færeyinga.

Heimslistann má finna á heimasíðu FIDE.

 

Skrár tengdar þessari bloggfærslu:

• Alþjóðleg skákstig, 1. september 2015

Skákæfingar fyrir börn og unglinga hefjast í næstu viku hjá SA

Námskeið fyrir 7-10 ára hefst nk. mánudag 7. september kl. 16.00, skráning frá kl. 15.00, eða í [e-mail]. Námskeiðið tekur fyrir 10 mánudaga á haustmisseri, auk lokamóts. 

Gert er ráð fyrir að nemendur kunni mannganginn... (að mestu) og verður kennslan við það miðuð. 

Umsjón hefur Áskell Örn Kárason, FIDE-þjálfari.

Æfingar í framhaldsflokki (11-16 ára) verða á miðvikudögum kl. 17-18.30. Fyrsta æfing 9. september og eru foreldrar boðaðir til fundar hálftíma fyrir æfingu, eða kl. 16.30. Framhaldsflokk skipa þau börn og unglingar sem náð hafa 11 ára aldri og sóttu æfingar hjá félaginu sl. vetur. Til viðbótar geta komið aðrir iðkendur sem hafa sambærilega getu eða færni. Skráning er á staðnum kl. 16.30, eða í [e-mail].

Umsjón hefur Sigurður Arnarson, FIDE-þjálfari.

Æfingagjald í báðum flokkum er kr. 5.000 á önn og er innifalið í því ókeypis þátttaka í öllum mótum félagsins.

Allar nánari upplýsingar gefa þeir Áskell (s. 897-8055) og Sigurður (s. 892-1105), í síma, með tölvupósti eða skilaboðum á Facebook-síðu félagsins

Jón L. með fullt hús eftir þrjár umferðir á Rhodos

Stórmeistarinn Jón L. Árnason (2499) byrjar vel á alþjóðlegu opnu móti á grísku eyjunni Rhodos. Eftir þrjár umferðir er hann efstur með fullt hús ásamt fjórum öðrum. Í dag vann hann asersku landsliðskonuna Turkan Mamedjarov (2245). 

Á morgun teflir Jón við slóvenska stórmeistarann Luka Lenic (2639) og hefst skákin kl. 14.

Beinar útsendingar frá skákstað hafa verið slitrótar og frjósa reglulega. Það verður að teljast sérkennilegt í ljósi hitastigsins á Rhodos.

Alls taka 70 skákmenn frá 17 löndum þátt í mótinu. Þar af eru sjö stórmeistarar. Jón L. er nr. 7 í stigaröð keppenda. 

• Heimasíða mótsins
• Chess-Results
• Beinar útsendingar
• Chessbomb

 

Aronian sigurvegari Sinquefield-mótins

Levon Aronian (2765) sigraði á Sinquefield-mótinu sem lauk í St. Louis í gær. Armeninn viðkunnanlegi, sem leiða mun sveit þjóðar sinnar á EM landsliða í Reykjavík í haust, gerði jafntefli við Topalov (2816). Nakamura (2814) vann Grischuk (2771) en öðrum skákum lauk með jafntefli þar með talið skák Anand (2816) og Carlsen (2853).

Aronian hlaut 6 vinninga. Carlsen varð í 2.-5. sæti með 5 vinninga ásamt Nakamura, Giri (2793) og Vachier-Lagrave (2731).

Topalov er efstur í heildarkeppninni (Grand Chess Tour) með 17 stig en þar skiptir sigur hans á Norway Chess meginmálin. Nakamura (16), Aronian (15), Carlsen (14) koma næstir. Seríunni lýkur með London Chess Classic í desember nk. Þar þarf lukkan að vera með heimsmeistaranum ætli hann sér sigur í heildarkeppninni.

Fróðlegt er að skoða lifandi listann að loknu móti. Carlsen (2850) er sem fyrr langhæstur en Nakamura (2816) fer upp fyrir Topalov (2813) og Anand (2803) og tekur annað sætið. Giri (2798) nær fimmta sætinu á kostnað Caruana (2796). Aronian (2784) fer upp um 4 sæti er kominn í það sjöunda.

 

• Heimasíða mótsins
• Beinar útsendingar

Davíð og Einar Hjalti efstir á Meistaramóti Hugins

Davíð Kjartansson (2366) og Einar Hjalti Jensson (2394) eru efstir með 4½ vinning eftir fimmtu umferð Meistaramóts Hugins sem fram fór í gærkveldi. Davíð vann nafna sinn Kolka (1819) en Einar Hjalti lagði Loft Baldvinsson (1988) að velli. Bárður Örn Birkisson (1854), sem vann Veroniku Steinunni Magnúsdóttur (1843), er þriðji með 4 vinninga.

Ungir og efnilegir skákmenn áttu góða umferð í gær. Óskar Víkingur Davíðsson (1742) vann Björn Hólm Birkisson (1907) og Róbert Luu (1460) vann Heimir Pál Ragnarsson (1712). Elvar Örn Hjaltason (1766) gerði jafntefli við Jón Trausta Harðarson (2117). 

Sjötta og næstsíðasta umferð fer fram á morgun. Þá teflir við Einar Hjalti við Bárð og Davíð við Loft.

• Skákhuginn
• Chess-Results

Bikarsyrpa TR hefst á föstudaginn

Bikarsyrpa Taflfélags Reykjavíkur fer nú af stað annað árið í röð eftir góðar móttökur í fyrra. Mótum syrpunnar hefur verið fjölgað og telur hún alls sex kappskákmót sem eru ætluð börnum á grunnskólaaldri (fædd 2000 og síðar) sem ekki hafa náð 1600 skákstigum. Þar með gefst þeim tækifæri til að næla sér í alþjóðleg skákstig á skákmótum sem sérhönnuð eru fyrir þau.

Fyrsta mótið í syrpunni hefst föstudaginn 4. september og stendur til sunnudagsins 6. september. Tefldar eru 5 umferðir eftir svissnesku kerfi. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Þó svo við leggjum ætíð áherslu á að krakkarnir vandi sig og noti tímann vel, þá má gera ráð fyrir að margar skákir taki mun styttri tíma.

Mótið er sérstaklega hugsað fyrir krakka sem hafa sótt skákæfingar TR (og/eða annarra taflfélaga) reglulega síðastliðinn vetur eða lengur. Það er gott að byrja sem fyrst að keppa á kappskákmótum, en hingað til hefur þeim krökkum sem vilja tefla á “alvöru mótum” mestmegnis staðið til boða að taka þátt í opnum mótum. Þar er styrkleikamunurinn oft mikill, mótin taka langan tíma, auk þess sem marga krakka óar við tilhugsuninni um að tefla við fullorðna á sínum fyrstu kappskákmótum. Bikarsyrpan er svarið við því.

Einungis börn og unglingar á grunnskólaaldri sem ekki hafa náð 1600 alþjóðlegum skákstigum geta tekið þátt í mótum Bikarsyrpunnar. Þannig er styrkleikamunurinn minni en ella og krakkarnir njóta þess betur að tefla kappskákir. Tímamörkin eru líka styttri, og henta krökkunum betur en langar 90 mínútna skákir sem tíðkast á venjulegum kappskákmótum. Mótið uppfyllir öll skilyrði Alþjóða skáksambandsins FIDE og er reiknað til alþjóðlegra skákstiga sem gott er að byrja að safna snemma. Eins og á aðra viðburði félagsins þá er frítt í mótin fyrir krakka í Taflfélagi Reykjavíkur. Fyrir krakka í öðrum taflfélögum er þátttökugjaldið 1000 krónur fyrir hvert mót Bikarsyrpunnar.

Dagskrá:
1. umferð 17.30 á föstudegi (4. september)
2. umferð 10.30 á laugardegi (5. september)
3. umferð 14.00 á laugardegi (5. september)
4. umferð 10.30 á sunnudegi (6. september)
5. umferð 14.00 á sunnudegi  (6. september). (Lokaumferð + verðlaunaafhending).

Vinsamlegast skráið þátttakendur sem fyrst, það hjálpar við undirbúning mótsins!

• Skráningarform
• Skráðir keppendur

Bikarsyrpan samanstendur af sex mótum í vetur. Bikarar og medalíur eru í verðlaun fyrir efstu sætin í hverju
 móti, en auk þess verða veitt sérstök verðlaun fyrir samanlagðan árangur á mótunum.

Hlökkum til að sjá ykkur!

Sigurvegarar Bikarsyrpunnar 2014-2015:

• Mót 1: Mykhaylo Kravchuk
• Mót 2: Aron Þór Mai
• Mót 3: Jóhann Arnar Finnsson
• Mót 4: Mykhaylo Kravchuk
• Bestur samanlagður árangur: Mykhaylo Kravchuk

Pistill um lokamót Bikarsyrpunnar 2014-2015.

Huginn lagði TR í æsispennandi viðureign: 36½ - 35½

Taflfélag Reykjavíkur og Huginn áttust við gær í hinum vistlegu húsakynnum TR í Faxafeni en um var að ræða 8-liða úrslit í Hraðskákkeppni taflfélaga.

Viðureignin var mjög jöfn, spennandi og bráðskemmtileg og þandi taugar áhorfenda engu síður en keppenda. Í hálfleik var staðan 20-16 Hugin í vil. TR-ingar komu sterkir inn í seinni hlutanum, náðu að saxa niður forskot Hugins jafnt og þétt og þegar ein umferð var eftir var staðan jöfn, 33-33. Lokaumferðin var æsispennandi en Huginn hafði sigur að lokum með 3,5-2,5 og þar með sigur í viðureigninni með eins vinnings forskoti.

Keppendur beggja liða fá þakkir fyrir vasklega framgöngu og skemmtan góða. Ómari Salama er þökkuð vönduð dómgæsla.

 

Árangur einstakra liðsmanna:

Huginn: 36,5

• Hjörvar Steinn Grétarsson 10,5/12
• Stefán Kristjánsson 6,5/12
• Þröstur Þórhallsson 6,5/12
• Helgi Ólafsson 5,5/12
• Helgi Áss Grétarsson 3/9
• Ingvar Þór Jóhannesson 2/7
• Einar Hjalti Jensson 1,5/5
• Magnús Örn Úlfarsson 1/3

TR: 35,5

• Hannes Hlífar Stefánsson 9,5/12
• Björn Þorfinnsson 8/12
• Jón Viktor Gunnarsson 6,5/11
• Karl Þorsteins 4/10
• Guðmundur Kjartansson 3,5/10
• Henrik Danielsen 3/10
• Bragi Þorfinnsson 1/6

 

Í dag dróg Ólafur Ásgrímsson hverjir tefla saman í undanúrslitum. Þar var niðurstaðan:

• Huginn-b – Bolungarvík
• Huginn-a – SA

Skv. reglum keppninnar eiga undanúrslit að fara fram laugardaginn 5. september. Gert er ráð fyrir að viðureignirnar hefjist kl. 14. 

LITLA BIKARKEPPNIN (UNDANÚRSLIT)

• SFÍ – Vinaskákfélagið/Fjölnir
• SSON – SR

Mælst er til þess að undanúrslit Litlu bikarkeppninnar fari fram sem fyrst til að hægt sé að tefla báðar úrslitaviðureignirnar saman þann 12. september.

 

Björgvin byrjar vel hjá Ásum.

Æsir byrjuðu að tefla í dag eftir þriggja mánaða sumarstopp. 27 skákvíkingar mættu til leiks. Það var gaman að sjá þrjá nýja menn ganga í salinn og vonandi fáum við að sjá þá aftur. Björgvin Víglundsson var í miklu stuði og vann alla sína andstæðinga tíu að tölu. Þór Valtýsson varð í öðru sæti með átta vinninga og í þriðja sæti varð Þorsteinn Þorsteinsson með sjö og hálfan vinning.

Sjá nánari úrslit í töflu og myndir frá ESE.