Batel Mirion á NM

Undankeppni um laust sæti á Norðurlandamóti stúlkna fæddra 2003 og síðra var tefld í dag. Sjö stúlkur mættu til leiks og tefldu allar við alla. Á meðal þátttakenda voru Íslandsmeistarar úr Grindavík. Best allra tefldi stúlka í þriðja bekk að nafni Batel Mirion frá Taflfélagi Reykjavíkur. Hún vann allar sínar skákir og vann sér þannig réttinn á NM stúlkna sem fer fram í Noregi fyrstu helgina í maí. Endanlegur hópur á NM stúlkna liggur fyrir í næstu viku.

 

 

Lokamót Páskaeggjasyrpunnar fer fram í dag

Páskaeggjasyrpa Nóa Síríus og Taflfélags Reykjavíkur hefur slegið rækilega í gegn en mikill fjöldi krakka hefur tekið þátt í mótum syrpunnar.  Í ár endurtökum við leikinn og með þessu framtaki vill T.R. í samstarfi við Nóa Síríus þakka þeim gríðarlega fjölda sem sótt hefur barna- og unglingaæfingar félagsins í vetur.

Þriðja og lokamót syrpunnar fer fram næstkomandi sunnudag og hefst venju samkvæmt kl. 14.  Skráningarform má finna hér að neðan og hafi viðkomandi bara skráð sig í mót 1 eða 2 er lítið mál að skrá sig aftur og velja viðeigandi mót.  Í fyrsta mótinu sigraði Bárður Örn Birkisson í eldri flokki en í þeim yngri sigraði Gunnar Erik Guðmundsson.  Í öðru mótinu sigraði Stephan Briem í eldri flokki og Gunnar Erik Guðmundsson endurtók leikinn frá fyrsta mótinu og sigraði í yngri flokki.  Heildarúrslit má sjáhér.

Frábærar aðstæður eru hjá Taflfélagi Reykjavíkur, margir reyndir þjálfarar og félagið býður eitt félaga upp á ítarlegasta námsefni sem völ er á hér á landi. Allar æfingar og allt námsefni er frítt, það þarf bara að mæta og taka þátt í þessum stórskemmtilegu æfingum!

Mótin í ár verða reiknuð til alþjóðlegra hraðskákstiga og glæsileg verðlaun eru í öllum mótunum, sem og fyrir samanlagðan árangur úr þeim öllum.  Í hverju móti verður síðan dregin út glæsileg skákklukka handa einum heppnum þátttakanda.

Páskaeggjasyrpan  samanstendur af þremur skákmótum sem haldin eru þrjá sunnudaga fyrir páska í skákhöll Taflfélags Reykjavíkur að Faxafeni 12:

1. NÓA KROPP PÁSKAEGGJAMÓTIÐ. Sunnudaginn 6. mars kl. 14

2. NIZZA LAKKRÍS PÁSKAEGGJAMÓTIÐ. Sunnudaginn 13. mars kl. 14

3. NIZZA HRÍSKÚLU PÁSKAEGGJAMÓTIÐ. Sunnudaginn 20. mars kl.14

Keppt verður í tveimur flokkum, 1-3 bekk (og yngri) og 4-10 bekk.
Sex umferðir verða tefldar í hverju móti með 10 mínútna umhugsunartíma á mann.
Glæsileg verðlaun eru í boði fyrir alla hressu skákkrakkana sem taka þátt í syrpunni!
Verðlaunapeningar fyrir þrjú efstu sætin í hvorum flokki á hverju páskaeggjamóti.
Stór páskaegg fyrir þrjú efstu sætin samanlagt úr mótunum í hvorum flokki (misstór eftir sætum)
Allir sem taka þátt í minnst tveimur af þremur mótum í syrpunni fá lítið páskaegg í verðlaun fyrir þátttökuna og verða þau veitt í lok þriðja mótsins í syrpunni.
Dregin verður út ein glæsileg skákklukka handa heppnum skákkrakka á hverju páskaeggjamóti!

Skráningarform

Skráðir keppendur

Taflfélag Reykjavíkur og Nói Síríus hlakka til að sjá ykkur á PÁSKAEGGJASYRPUNNI 2016!

Skákþáttur Morgunblaðsins: Bræður, feðgar og Robert Fischer að tafli í Hörpu

Reykjavíkurskákmótið er skemmtilega samsett mót. Eftir að það fluttist í hin glæsilegu salarkynni í Hörpu hefur fjöldi keppenda komist upp fyrir 200 manns. Stór hluti er skákáhugamenn sem hafa kannski ekki annan metnað en þann að finna nýjan keppnisstað og tefla í sama móti og sum stóru nöfnin í skákinni; fjórir sigurstranglegustu skákmennirnir eru með yfir 2.700 elo-stig. Sumir koma ár eftir ár, eins og t.d. Hollendingurinn geðþekki Eric Winter. Og aftur er mætt til leiks skákdrottningin Tania Sadchev, ein sterkasta skákkona Indverja um árabil og eftirsóttur skákskýrandi, eins og kom berlega í ljós þegar Anand mætti Magnúsi Carlsen í heimsmeistaraeinvíginu í Madras á Indlandi haustið 2013. Sum nöfn klingja kunnuglega í eyrum. Þarna situr Robert Fischer að tafli, allnokkrir bræður: Björn og Bragi, Bárður Örn og Björn Hólm, Aron Thor Mai og Alexander Oliver Mai, Óskar Víkingur og Stefán Orri og systkinin Nansý og Joshua.

Og feðgar fyrirfinnast einnig í skákinni. Henrik, pabbi heimsmeistarans, er aftur mættur til leiks. Það er auðvitað ljóst að strákurinn Magnús er föðurbetrungur á þessu sviði en Henrik hefur gaman af því að tefla og gerir það stundum skínandi vel; hann kveðst taka þátt í einu móti á ári og Reykjavíkurskákmótið hefur orðið fyrir valinu undanfarin ár. Meira jafnræði er með feðgunum, Jóhanni Ingvarssyni og Erni Leó Jóhannssyni. Örn Leó sem er liðlega tvítugur gerði sér lítið fyrir og lagði að velli ítalskan stórmeistara með tæplega 2600 elo-stig:

Reykjavíkurskákmótið 2016; 2. umferð:

Danyyil Dvirnyy- Örn Leó Jóhannsson

Frönsk vörn

1. e4 e6 2. d4 d5 3. Rc3 dxe4 4. Rxe4 Rd7 5. Rf3 Rgf6 6. Rxf6 Rxf6 7. Bc4

Einnig er gott að að setja þennan biskup á d3 – sjá aths. við 10. leik hvíts.

7. ... Be7 8. De2 O-O 9. Bg5 b6

Stæði biskupinn á d3 væri þetta ekki hægt vegna 10. Bxf6 Bxf6 11. De4 sem hótar máti og hrók á a8.

10. O-O-O Bb7 11. Kb1 a6 12. Hhg1 b5 13. Bd3 Rd5 14. Bd2 Rb4 15. Bxb4 Bxb4 16. Re5 De7 17. g4 Bd6 18. g5 Bxe5 19. dxe5 Hfd8 20. Hg4 c5 21. Hdg1 g6!

Þó að svörtu peðin séu nú kirfilega skorðuð á hvítum reitum er ekki nokkur leið fyrir hvítan að opna línur á kóngsvæng og svartur ræður yfir d-línunni.

22. c3 Hd7 23. Bc2 Had8 24. h4 c4 25. h5 Dc5 26. Hf4 Hd2 27. De1 b4 28. cxb4 Dxb4 29. a3 Db5 30. Hg3

Hyggst skorða c-peðið en Örn Leó lætur sér það í léttu rúmi liggja.

30. ... c3!? 31. Hxc3?

Mistök. Hann varð að leika 31. Hb4! og 31. ... He2 má þá svara með 32. Dxc3.

32. Dc1 Dxe5 33. He3 Hxe3 34. fxe3 Dxg5 35. Df1 Hd7 36. Ba4 Hc7 37. Bb3

Reyna mátti 37. Be8 en svartur á gott svar, 37. ... gxh5!

37. ... Dxh5 38. e4 De5!

Nú er eftirleikurinn auðveldur.

39. Bc2 Kg7 40. a4 f5 41. exf5 exf5 42. Hb4 He7 43. Ka2 Bd5 44. Bb3 De1 45. Df4 Bxb3 46. Hxb3 De4 47. Db8 Dxa4 48. Ha3 Dc4 49. Hb3 a5 50. Dd8 Hb7

- og hvítur gafst upp.

Eftir fjórðu umferð sem fram fór á fimmtudaginn voru Indverjinn Gupta og Englendingurinn Gawain Jones efstir með fullt hús. Hjörvar Steinn Grétarsson, sem tók ½ vinnings yfirsetu í 4. umferð, og Stefán Kristjánsson voru í 3.-19. sæti með 3 ½ vinning en jafnir þeim voru menn á borð við Shakriyar Mamedyarov, Ivan Cheparinov, Richard Rapport, Sergei Movsesian og Simen Agdestein.

Grein þessi birtist í Morgunblaðinu 12. mars

Skákþættir Morgunblaðsins

Áskorendaflokkur hefst á þriðjudaginn - tvö sæti í landsliðsflokki í júní í boði

Áskorendaflokkur Íslandsmóts fer fram um páskana, 22. mars – 2. apríl nk. Teflt er í Stúkunni í Kópavogi. Tefldar verða níu umferðir eftir svissneska kerfinu. Jafnframt verður teflt í opnum flokki sem verður opinn fyrir skákmenn með 1600 skákstig eða minna. Þar verða tímamörki styttri og umferðir færri.

Keppendur með minna en 1600 skákstig geta valið á milli flokka.

Verðlaun í áskorendaflokki eru sem hér segir: 

1. 75.000 kr.
2. 45.000 kr.
3. 30.000 kr. 

Verðlaun í opnum flokki: 

1. Þrjár skákbækur hjá bóksölu Sigurbjörns
2. Tvær skákbækur hjá bóksölu Sigurbjörns
3. Skákbók hjá bóksölu Sigurbjörns. 

Auk þess verði sérstök stigaverðlaun fyrir þá sem hafa minna en 1200 stig í opnum flokki.

Verðlaun skiptast eftir Hort-kerfi séu menn efstir í verðlaunasætum í áskorendaflokki. Tvö efstu sætin gefa keppnisrétt í landsliðsflokki í ár sem fram fer á Seltjarnarnesi 31. maí – 11. júní nk.

Séu menn jafnir ræður stigaútreikningur (nánar í mótsreglum hér að neðan). Í opnum flokki gildir stigaútreikningur um verðlaunsæti.  

Skráning

Þátttökugjöld eru 5.000 kr. Unglingar 15 ára og yngri (1999 og síðar) og F3-félagar fá 50% afslátt. 

Í opnum flokki (sem eingöngu fyrir opinn fyrir þá sem hafa 1600 skákstig eða minna) eru þátttökugjöld fyrir alla kr. 2.000. 

Skráning fer fram á Skák.is (guli kassinn efst). Þátttökugjöld greiðist inn á reikning 101-26-12763, kt. 580269-5409 fyrir mót.

Upplýsingar um þegar skráða keppendur má finna hér.

Tímamörk

Áskorendaflokkur: 90 mínútur + 30 mínútur eftir 40 leiki. 30 sekúnda viðbótartími eftir hvern leik.

Opinn flokkur: 30 mínútur auk 30 sekúnda viðbótartími eftir hvern leik.

Dagskrá: 

1. umferð, Þriðjudagurinn, 22. mars, kl. 18
2. umferð, miðvikudaginn, 23. mars, kl. 18
3. umferð, fimmtudagurinn (skírdagur), 24. mars, kl. 14
4. umferð, föstudagurinn (langi), 25. mars, kl. 14
5. umferð, laugardaginn, 26. mars, kl. 14
6. umferð, þriðjudaginn, 29. mars, kl. 18
7. umferð, fimmtudaginn, 31. mars, kl. 18
8. umferð, föstudaginn, 1. apríl, kl. 18
9. umferð, laugardaginn, 2. apríl, kl. 14

Dagskrá opna flokksins verður nánar kynnt síðar. 

Nánari mótreglur

Ef tveir eða fleiri eru jafnir í sæti mun stigaútreikningur ráða ferð.

Nánar um útreikninginn:

• Samanlagðir vinningar allra andstæðinga lagðir saman nema þess sem hefur fæsta vinninga.
• Samanlagðir vinningar allra andstæðinga lagðir saman.
• Samanlagðir vinningar allra andstæðinga lagðir saman nema þeirra tveggja sem hafa fæsta vinninga.
• Innbyrðis úrslit  þeirra sem eru jafnir
• Sonneborn-Berger
• Hraðskákeinvígi

Jafnteflisreglur 

Takmarkanir eru settar á jafnteflisboð. Hún gengur út á það að ekki er heimilt að bjóða jafntefli fyrr en báðir keppendur hafa leikið 30 leiki. Á því má gera undantekningar sé þráteflt en þá verður að stöðva klukku, kalla á skákstjóra og koma með jafntefliskröfu. 

Yfirseta

Hægt er að taka tvær yfirsetur í umferðum 1-6 og fá fyrir hana hálfan vinning. Óska þarf eftir yfirsetunni með góðum fyrirvara og fylla út eyðublað þess efnis hjá skákstjóra.

Þegar skráðir keppendur

Pistlar um Íslandsmót skákfélaga

Íslandsmót skákfélaga fór fram 3.-5. mars sl. Skákfélagið Huginn sigraði á mótinu. Nokkur félög hafa birt pistla frá mótinu. Hér má finna smá samantekt:

Skákdeild Fjölnis (Helgi Árnason)

Það er óhætt að segja að Skákdeild Fjölnis hafi náð þeim markmiðum sem sett voru fyrir Íslandsmót félagsliða 2015 - 2016. A sveitin náði verðlaunasæti í 1. deild og B sveitin komst upp um deild, úr þeirri þriðju, upp í aðra deild. Eftir fyrri hluta mótsins virtist sem markmið A sveitar væri í sjónmáli en staða B sveitar í 3. deild var ekki eins björt með að komast upp í 2. deild. B sveitin sat í 7. sæti rétt eftir fyrri hlutann, rétt ofan við miðja deild. A sveitin tefldi við tvær sterkustu sveitirnar, Hugin A og TR A í fyrri hlutanum með viðunandi árangri. Þrátt fyrir að vera í  4. sæti á eftir SA eftir fyrri hlutann þá leit út fyrir að Fjölnir fengi léttari dagskrá í síðari hlutanum. Með nokkuð öruggum sigri í öllum fjórum síðustu umferðunum og sex vinninga að meðaltali, þá landaði A sveitin 3. sæti og hafði þá nánast stungið af A sveit SAog næstu sveitir fyrir neðan. Afar ánægjulegur árangur hjá alíslenskri sveit. Þetta var í fyrsta skipti í 12 ára sögu Skákdeildar Fjölnis sem A sveit deildarinnar var eingöngu skipuð Íslendingum og árangurinn aldrei reynst betri.

Pistillinn í heild sinni

Taflfélag Reykjavíkur (Gauti Páll Jónsson)

Taflfélag Reykjavíkur sendi liðin sín sjö til leiks á ný á Íslandsmót skákfélaga dagana 3.-5. mars. Mótið var haldið við góðar aðstæður í Rimaskóla eins og svo oft áður. A og b-liðin voru bæði í mikilli baráttu í fyrstu deild. A-liðið upp á að vinna mótið og b-liðið í fallbaráttunni. Svo fór að Skákfélagið Huginn sigraði með gríðarlega sterku liði og 57.5 vinningum en TR-a var með þremur vinningum færra og fékk annað sætið, annað tímabilið í röð. TR-ingar stilltu upp heimavarnarliðinu öfluga með stórmeistarann Hannes Hlífar Stefánsson í broddi fylkingar. Huginn notaði hins vegar tvo sterka erlenda stórmeistara í næstum öllum umferðunum sem höluði inn 14.5 vinningum. Björn Þorfinnson hlaut flesta vinninga fyrir TR eða 8.5 vinninga af 9 en hann tefldi á neðri borðunum. Liðið var að mestu skipað sterkum alþjóðlegum meisturum. Í b-liðinu stóð Vignir Vatnar Stefánsson sig best og hlaut 5 vinninga af 9. Vignir og Björgvin Víglundsson tefldu allar skákirnar. Liðið var skipað mönnum af öllum aldurshópum og í kring um stigabilið 2000-2200. B-liðið féll niður með b-sveit SA en mun að öllum líkindum fljúga aftur upp að ári ef eitthvað má marka árangur c-liðsins.

Pistillinn í heild sinni

Skákfélag Akureyrar (Halldór Brynjar Halldórsson)

Síðari hluti Íslandsmóts skákfélaga fór fram sl. helgi og öttu þrjár sveitir Skákfélagsins kappi, eftir frábæra frammistöðu sveitanna í fyrri hlutanum í haust.

Svo fór að A- sveitin endaði í 4. sæti fyrstu deildar. Vissulega ákveðin vonbrigði eftir að hafa setið í 3. sætinu eftir fyrri hlutann, en þó besti árangur félagsins á áraraðir, sem ber að fagna.

Stjarna helginnar kom úr röðum Skákfélags Akureyrar, en týndi sonurinn, Björn Ívar Karlsson, sneri aftur með látum og endaði helgina með hvorki meira né minna en áfanga að alþjóðlegum meistaratitli og FIDE meistaratitil í sitt hvorum vasanum, með 6 ½ vinning af 9 mögulegum, bestan árangur A-sveitar manna. Til hamingju Björn Ívar!

Pistillinn í heild sinni

Skákdeild Breiðabliks (Birkir Karl Sigurðsson)

Kraftaverkin gerast ef ástundin er góð!

Nú um helgina uppskáru þeir ungu strákar sem hafa verið að æfa oft í viku í Glersalnum í stúkunni við Kópavogsvöll. Þeir gerðu sér lítið fyrir og lönduðu silfri í fjórðu deild Íslandsmóts skákfélaga, en seinni hluti keppninnar var tefld í Rimaskóla um helgina.  Þeir öttu þar kappi við sér stigahærri, eldri og reyndari andstæðinga. En framfarirnar í vetur, einbeitningin, samheldnin og keppnisharkan var slík að ekkert stoppaði þá og niðurstaðan var eitthvað sem öllum þótti óhugsandi þegar fyrri hluti keppninnar byrjaði í haust.

Pistillinn í heild sinni

 

 

 

Páskaeggjamót Hugins fer fram á mánudaginn

Páskaeggjamót Hugins verður haldið í 24. sinn mánudaginn 21. mars 2016, og hefst taflið kl. 17, þ.e. nokkru fyrr heldur en venjulegar mánudagsæfingar. Páskaeggjamótið kemur í stað mánudagsæfingar. Tefldar verða 7 umferðir með 7 mínútna umhugsunartíma. Mótið er opið öllum krökkum á grunnskólaaldri.

Allir þátttakendur keppa í einum flokki en verðlaun verða veitt í tveimur aðskildum flokkum. Páskaegg verða í verðlaun fyrir þrjú efstu sætin, bæði í eldri flokki (fæddir 2000 – 2003) og yngri flokki (fæddir 2004 og síðar). Sá sem er efstur í hverjum árgangi fær einnig páskaegg sem og efstu þrjár stúlkurnar á mótinu. Að auki verða tvö páskaegg dregin út. Enginn fær þó fleiri en eitt páskaegg. Lítið páskaegg verður svo fyrir þá sem ekki vinna til verðlauna.

Páskaeggjamótið verður haldið í félagsheimili Hugins í  Álfabakka 14a í Mjóddinni. Inngangur er milli Subway og Fröken Júlíu en salur félagsins er á þriðju hæð hússins.

Undankeppni um laust sæti á NM stúlkna fer fram í dag

Norðurlandamót stúlkna fer fram í Noregi helgina 29. apríl til 1. maí. Í yngsta flokknum, stúlkur fæddar 2003 og síðar, verður haldin undankeppni um eitt laust sæti í stúlknalandsliði Íslands.

Undankeppnin fer fram í Skáksambandi Íslands laugardaginn 19. mars. klukkan 14:00. Tefldar verða sjö umferðir með tíu mínútna umhugsunartíma. Ef keppendur verða jafnir í efsta sæti verður teflt um sætið.

Lokamót Páskaeggjasyrpunnar fer fram á sunnudag!

Páskaeggjasyrpa Nóa Síríus og Taflfélags Reykjavíkur hefur slegið rækilega í gegn en mikill fjöldi krakka hefur tekið þátt í mótum syrpunnar.  Í ár endurtökum við leikinn og með þessu framtaki vill T.R. í samstarfi við Nóa Síríus þakka þeim gríðarlega fjölda sem sótt hefur barna- og unglingaæfingar félagsins í vetur.

Þriðja og lokamót syrpunnar fer fram næstkomandi sunnudag og hefst venju samkvæmt kl. 14.  Skráningarform má finna hér að neðan og hafi viðkomandi bara skráð sig í mót 1 eða 2 er lítið mál að skrá sig aftur og velja viðeigandi mót.  Í fyrsta mótinu sigraði Bárður Örn Birkisson í eldri flokki en í þeim yngri sigraði Gunnar Erik Guðmundsson.  Í öðru mótinu sigraði Stephan Briem í eldri flokki og Gunnar Erik Guðmundsson endurtók leikinn frá fyrsta mótinu og sigraði í yngri flokki.  Heildarúrslit má sjáhér.

Frábærar aðstæður eru hjá Taflfélagi Reykjavíkur, margir reyndir þjálfarar og félagið býður eitt félaga upp á ítarlegasta námsefni sem völ er á hér á landi. Allar æfingar og allt námsefni er frítt, það þarf bara að mæta og taka þátt í þessum stórskemmtilegu æfingum!

Mótin í ár verða reiknuð til alþjóðlegra hraðskákstiga og glæsileg verðlaun eru í öllum mótunum, sem og fyrir samanlagðan árangur úr þeim öllum.  Í hverju móti verður síðan dregin út glæsileg skákklukka handa einum heppnum þátttakanda.

Páskaeggjasyrpan  samanstendur af þremur skákmótum sem haldin eru þrjá sunnudaga fyrir páska í skákhöll Taflfélags Reykjavíkur að Faxafeni 12:

1. NÓA KROPP PÁSKAEGGJAMÓTIÐ. Sunnudaginn 6. mars kl. 14

2. NIZZA LAKKRÍS PÁSKAEGGJAMÓTIÐ. Sunnudaginn 13. mars kl. 14

3. NIZZA HRÍSKÚLU PÁSKAEGGJAMÓTIÐ. Sunnudaginn 20. mars kl.14

Keppt verður í tveimur flokkum, 1-3 bekk (og yngri) og 4-10 bekk.
Sex umferðir verða tefldar í hverju móti með 10 mínútna umhugsunartíma á mann.
Glæsileg verðlaun eru í boði fyrir alla hressu skákkrakkana sem taka þátt í syrpunni!
Verðlaunapeningar fyrir þrjú efstu sætin í hvorum flokki á hverju páskaeggjamóti.
Stór páskaegg fyrir þrjú efstu sætin samanlagt úr mótunum í hvorum flokki (misstór eftir sætum)
Allir sem taka þátt í minnst tveimur af þremur mótum í syrpunni fá lítið páskaegg í verðlaun fyrir þátttökuna og verða þau veitt í lok þriðja mótsins í syrpunni.
Dregin verður út ein glæsileg skákklukka handa heppnum skákkrakka á hverju páskaeggjamóti!

Skráningarform

Skráðir keppendur

Taflfélag Reykjavíkur og Nói Síríus hlakka til að sjá ykkur á PÁSKAEGGJASYRPUNNI 2016!

Undankeppni um laust sæti á NM stúlkna fer fram á morgun

Norðurlandamót stúlkna fer fram í Noregi helgina 29. apríl til 1. maí. Í yngsta flokknum, stúlkur fæddar 2003 og síðar, verður haldin undankeppni um eitt laust sæti í stúlknalandsliði Íslands.

Undankeppnin fer fram í Skáksambandi Íslands laugardaginn 19. mars. klukkan 14:00. Tefldar verða sjö umferðir með tíu mínútna umhugsunartíma. Ef keppendur verða jafnir í efsta sæti verður teflt um sætið.

Skammt stórra högga á milli - áskorendaflokkur hefst á þriðjudegi - tvö sæti í landsliðsflokki í ár í boði!

Áskorendaflokkur Íslandsmóts fer fram um páskana, 22. mars – 2. apríl nk. Teflt er í Stúkunni í Kópavogi. Tefldar verða níu umferðir eftir svissneska kerfinu. Jafnframt verður teflt í opnum flokki sem verður opinn fyrir skákmenn með 1600 skákstig eða minna. Þar verða tímamörki styttri og umferðir færri.

Keppendur með minna en 1600 skákstig geta valið á milli flokka.

Verðlaun í áskorendaflokki eru sem hér segir: 

1. 75.000 kr.
2. 45.000 kr.
3. 30.000 kr. 

Verðlaun í opnum flokki: 

1. Þrjár skákbækur hjá bóksölu Sigurbjörns
2. Tvær skákbækur hjá bóksölu Sigurbjörns
3. Skákbók hjá bóksölu Sigurbjörns. 

Auk þess verði sérstök stigaverðlaun fyrir þá sem hafa minna en 1200 stig í opnum flokki.

Verðlaun skiptast eftir Hort-kerfi séu menn efstir í verðlaunasætum í áskorendaflokki. Tvö efstu sætin gefa keppnisrétt í landsliðsflokki í ár sem fram fer á Seltjarnarnesi 31. maí – 11. júní nk.

Séu menn jafnir ræður stigaútreikningur (nánar í mótsreglum hér að neðan). Í opnum flokki gildir stigaútreikningur um verðlaunsæti.  

Skráning

Þátttökugjöld eru 5.000 kr. Unglingar 15 ára og yngri (1999 og síðar) og F3-félagar fá 50% afslátt. 

Í opnum flokki (sem eingöngu fyrir opinn fyrir þá sem hafa 1600 skákstig eða minna) eru þátttökugjöld fyrir alla kr. 2.000. 

Skráning fer fram á Skák.is (guli kassinn efst). Þátttökugjöld greiðist inn á reikning 101-26-12763, kt. 580269-5409 fyrir mót.

Upplýsingar um þegar skráða keppendur má finna hér.

Tímamörk

Áskorendaflokkur: 90 mínútur + 30 mínútur eftir 40 leiki. 30 sekúnda viðbótartími eftir hvern leik.

Opinn flokkur: 30 mínútur auk 30 sekúnda viðbótartími eftir hvern leik.

Dagskrá: 

1. umferð, Þriðjudagurinn, 22. mars, kl. 18
2. umferð, miðvikudaginn, 23. mars, kl. 18
3. umferð, fimmtudagurinn (skírdagur), 24. mars, kl. 14
4. umferð, föstudagurinn (langi), 25. mars, kl. 14
5. umferð, laugardaginn, 26. mars, kl. 14
6. umferð, þriðjudaginn, 29. mars, kl. 18
7. umferð, fimmtudaginn, 31. mars, kl. 18
8. umferð, föstudaginn, 1. apríl, kl. 18
9. umferð, laugardaginn, 2. apríl, kl. 14

Dagskrá opna flokksins verður nánar kynnt síðar. 

Nánari mótreglur

Ef tveir eða fleiri eru jafnir í sæti mun stigaútreikningur ráða ferð.

Nánar um útreikninginn:

• Samanlagðir vinningar allra andstæðinga lagðir saman nema þess sem hefur fæsta vinninga.
• Samanlagðir vinningar allra andstæðinga lagðir saman.
• Samanlagðir vinningar allra andstæðinga lagðir saman nema þeirra tveggja sem hafa fæsta vinninga.
• Innbyrðis úrslit  þeirra sem eru jafnir
• Sonneborn-Berger
• Hraðskákeinvígi

Jafnteflisreglur 

Takmarkanir eru settar á jafnteflisboð. Hún gengur út á það að ekki er heimilt að bjóða jafntefli fyrr en báðir keppendur hafa leikið 30 leiki. Á því má gera undantekningar sé þráteflt en þá verður að stöðva klukku, kalla á skákstjóra og koma með jafntefliskröfu. 

Yfirseta

Hægt er að taka tvær yfirsetur í umferðum 1-6 og fá fyrir hana hálfan vinning. Óska þarf eftir yfirsetunni með góðum fyrirvara og fylla út eyðublað þess efnis hjá skákstjóra.

Þegar skráðir keppendur