Aðalfundur SÍ - fundarboð

Til aðildarfélaga Skáksambands Íslands

Reykjavík, 7. apríl 2016

FUNDARBOÐ

Stjórn Skáksambands Íslands boðar hér með til aðalfundar Skáksambandsins í samræmi við 8. gr. laga S.Í.

Fundurinn verður haldinn laugardaginn 7. maí nk. kl. 10.00 fyrir hádegi í Faxafeni 12, Reykjavík.

Dagskrá:  Venjuleg aðalfundarstörf.

Stjórn Skáksambandsins sendir ennfremur með fundarboðinu gögn varðandi skrá yfir fullgilda félagsmenn aðildarfélaga S.Í.  Stjórnir aðildarfélaganna eru vinsamlegast beðnar að útfylla skrár þessar vandlega og senda þær Skáksambandi Íslands í pósth. 8354, 128 Reykjavík eða á netfang [e-mail] fyrir 23. apríl 2016.

Bréf þetta er sent ásamt gögnum í samræmi við 9. gr. laga S.Í., en sú grein hljóðar svo:

 Við atkvæðagreiðslu á aðalfundi á hvert félag eitt atkvæði enda hafi það a.m.k. 10 félagsmenn með lögheimili á Íslandi í Keppendaskrá Skáksambandsins tveim vikum fyrir aðalfund.  Eitt atkvæði bætist við hjá félagi fyrir hverja sveit sem það sendir í Íslandsmót skákfélaga það árið. Við atkvæðagreiðslu um kjörbréf í upphafi fundar skal gilda sú regla, að hvert félag fari ekki með fleiri atkvæði en það hafði á aðalfundi árið áður.  Enginn fulltrúi getur farið með meira en eitt atkvæði á fundinum.  Við atkvæðagreiðslur á aðalfundi ræður einfaldur meirihluti atkvæða, nema um þau mál sem sérstaklega eru tilgreind í þessum lögum.

Einnig skal bent á 6. grein:

Standi aðildarfélag í gjaldfallinni skuld við sambandið hefur það ekki rétt til að eiga fulltrúa á aðalfundi.  Skákdeildir í félögum geta átt aðild að sambandinu, enda hafi þá minnst 10 menn bundist slíkum samtökum.  Heimilt er tveimur eða fleiri aðildarfélögum í sama landshluta að stofna með sér svæðissamband.

Taflfélögunum gefst kostur á að birta stutta skýrslu um starfsemi sína á síðasta starfsári í árrsskýrslu Skáksambands Íslands.  Hafi félögin áhuga á þessu þarf efni að hafa borist skrifstofu S.Í. í síðasta lagi 23. apríl 2016.

Hjálagt:  Lagabreytingatillögur.

Virðingarfyllst,

SKÁKSAMBAND ÍSLANDS

 

 

Skrár tengdar þessari bloggfærslu:

• Aðalfundarboð
• Gagnasöfnun
• Kjörbréf
• Breytingartillaga við 9. gr.
• Breytingartillaga við 19. gr.
• Breytingartillaga við 20. gr.

Reykjavik Open Pub Quiz: Spurningar og svör

Á GAMMA Reykjavíkurskákmótinu fór fram hið árlega og vinsæla Reykjavík Open Pub Quiz. Ingvar Jóhannesson hafði umsjón með keppninni en sigurvegarar voru Hollendingarnir Lennart Ootes og Arne Moll.

Spurningar og svör frá keppninni má finna í viðhengjum.

Skrár tengdar þessari bloggfærslu:

• Spurningar
• Spurningar og svör

Eyþór og Kristján Þingeyjarsýslumeistarar í skólaskák 2016

Eyþór Kári Ingólfsson og Kristján Ingi Smárason urðu Þingeyjarsýslumeistarar í skólaskák í gær þegar þeir unnu hvor sinn aldursflokk á sýslumótinu sem fram fór í Seiglu á Laugum. Eyþór Kári og Kristján Davíð Björnsson sem báðir koma úr Stórutjarnaskóla, urðu efstir og jafnir í eldri flokki með fjóra vinninga af fimm mögulegum, en Eyþór varð hærri á stigum og hirti því fyrsta sætið. Björn Gunnar Jónsson úr Borgarhólsskóla varð í þriðja sæti með þrjá vinninga. Alls tóku sex keppendur þátt í eldri flokki úr þremur skólum.

Kristján Ingi Smárason Borgarhólsskóla varð öruggur sigurvegari í yngri flokki þar sem hann vann alla sína andstæðinga fimm að tölu. Sigur Kristjáns Inga verður að teljast nokkuð óvæntur þar sem hann er mjög ungur að árum og er einungis í 2. bekk. Í öðru sæti varðMarge Alavere Stórutjarnaskóla með fjóra vinningar og Ari Ingólfsson Stórutjarnaskóla varð í þriðja sæti með þrjá vinninga. Jóel Kárason og Eyþór Rúnarsson fengu einnig þrjá vinninga en urðu lægri á stigum. Alls tóku 10 keppendur þátt í yngri flokki úr fjórum skólum. Tímamörk voru 10 mín og tefldar voru fimm umferðir í báðum flokkum.

Lokastaðan í eldri flokki:

Rk.	SNo		Name	FED	Rtg	Pts.	TB1	TB2	TB3
1	3		Eyþór Kári Ingólfsson	ISL	0	4,0	11,0	7,0	9,00
2	6		Kristján Davíð Björnsson	ISL	0	4,0	11,0	7,0	7,00
3	4		Björn Gunnar Jónsson	ISL	0	3,0	12,0	8,0	4,00
4	5		Stefán Bogi Aðalsteinsson	ISL	0	2,0	13,0	9,0	4,00
5	2		Ivan Veigar Sigmundsson	ISL	0	2,0	13,0	9,0	2,00
6	1		Heiðrún Harpa Helgadóttir	ISL	0	0,0	15,0	9,0	0,00

 

Lokastaðan í yngri flokki:

Rk.	SNo		Name	FED	Rtg	Pts.	TB1	TB2	TB3
1	8		Kristján Ingi Smárason	ISL	200	5,0	13,0	8,0	13,00
2	2		Marge Alavere	ISL	600	4,0	14,5	8,0	9,50
3	1		Ari Ingólfsson	ISL	700	3,0	16,0	9,0	7,00
4	10		Jóel Kárason	ISL	300	3,0	13,5	8,0	4,50
5	6		Eyþór Rúnarsson	ISL	400	3,0	10,0	6,5	4,00
6	9		Sváfnir Ragnarsson	ISL	200	2,0	14,5	9,0	2,50
7	4		Anna Mary Yngvadóttir	ISL	600	2,0	10,5	6,5	2,50
8	7		Viktor Breki Hjartarson	ISL	300	1,5	10,5	6,0	1,25
9	3		Styrmir Franz Snorrason	ISL	500	1,0	12,0	6,5	0,50
10	5		Arna Þóra Ottósdóttir	ISL	600	0,5	10,5	6,5	0,75

 

Eyþór og Kristján úr eldri flokki og svo Kristján Ingi og Marge úr yngri flokki, hafa tryggt sér keppnisréttinn á umdæmismótinu í skólaskák sem fram fer í aðstöðu Skákfélags Akureyrar í íþróttahöllinni á Akureyri sunnudaginn 17. apríl kl 13:00. Hugsanlegt er að keppendur sem urðu í þriðja eða jafnvel fjórða sæti á sýslumótinu fái keppisrétt á umdæmismótinu líka, en það skýrist ekki fyrr en nær dregur.

Mótin eru bæði aðgengileg á chess-results.com. Yngri flokkur  Eldri flokkur

Wow air mótið hefst á mánudaginn

Hið glæsilega Wow air Vormót Taflfélags Reykjavíkur hefst í skákhöll félagsins að Faxafeni 12mánudaginn 11. apríl  Mótið er nú haldið í þriðja sinn og hefur fest sig í sessi sem eitt af aðalmótum Taflfélags Reykjavíkur.

Tefldar verða sjö umferðir eftir svissneska kerfinu og er umhugsunartíminn 90 mínútur á fyrstu 40 leikina en eftir það bætast við 15 mínútur.  30 sekúndur bætast við eftir hvern leik alla skákina.  Teflt verður einu sinni í viku á mánudagskvöldum og hefjast umferðirnar kl. 19.30  Tvær yfirsetur (bye) verða leyfðar í umferðum 1-5.

Mótið er fyrst og fremst hugsað fyrir sterkari skákmenn og er frábær upphitun fyrir Skákþing Íslands sem hefst að móti loknu.

Í A – meistaraflokk hafa allir skákmenn með GM/IM/FM/WGM titil þátttökurétt, auk allra skákmanna með yfir 2200 Elo skákstig.

Í B – áskorendaflokk hafa allir skákmenn með yfir 2000 Elo skákstig þátttökurétt.

Skákmenn sem uppfylla stigalágmörkin 1. apríl eru gjaldgengir.

Átta skákmenn fengu undanþágu frá þeim lágmörkum. Sjá ítarlega umfjöllun á heimasíðu TR..

Sigurvegari Wow air Vormótsins í fyrra var Hannes Hlífar Stefánsson stórmeistari. Sverrir Örn Björnsson sigraði í B flokki og annar varð Vignir Vatnar Stefánsson.  Þeir tveir unnu sér inn keppnisrétt í A – flokki í ár, en reyndar hefur Vignir þegar náð tilskyldum 2200 stigum til að keppa í flokknum!

Glæsileg verðlaun eru í mótinu í boði Taflfélags Reykjavíkur og vina okkar hjá Wow air.

A – Meistaraflokkur:

1. Flugmiði með Wow air á einn af áfangastöðum félagsins í evrópu (skattar og gjöld innifalið) plús 40.000 krónur

2. 40.000 krónur

3. 20.000 krónur

B – Áskorendaflokkur:

1. Flugmiði með Wow air á einn af áfangastöðum félagsins í evrópu (skattar og gjöld innifalið) plús 20.000 krónur

2. 20.000 krónur

3. 10.000 krónur

Auk þess verða veittir bikarar fyrir efsta sætið í hvorum flokki auk farandbikars fyrir sigurvegara A flokks.  Verðlaunapeningar fyrir annað og þriðja sætið í báðum flokkum.

Tvö efstu sætin í B – flokki veita þátttökurétt í A flokki að ári.

Umferðatafla:

1. umferð mánudag 11. apríl  kl. 19.30
2. umferð mánudag 18. apríl  kl. 19.30
3. umferð mánudag 25. apríl  kl. 19.30
4. umferð mánudag 02. maí  kl. 19.30
5. umferð mánudag 09. maí  kl. 19.30
6. umferð mánudag 16. maí   kl. 19.30
7. umferð mánudag 23. maí   kl. 19.30

Verðlaunaafhending mun fara fram laugardaginn 28. maí, kl. 14.00 fyrir upphaf umferðar í lokamóti Bikarsyrpu TR.

Tekið skal fram að 25% af verðlaunafé úr Wow air mótinu verður haldið eftir ef verðlaunahafar mæta ekki á verðlaunaafhendinguna til að taka við verðlaunum sínum án gildra ástæðna.

Ef fresta þarf skákum verða þær viðureignir tefldar á miðvikudagskvöldum kl. 19.30 (samhliða skákmóti öðlinga).

Þátttökugjald er kr. 5000 fyrir félagsmenn Taflfélags Reykjavíkur en kr. 10.000 fyrir aðra.

Þeir skákmenn sem skrá sig fyrir 7. apríl fá 50% afslátt af þátttökugjaldinu.  Frítt er fyrir titilhafa á mótið skrái þeir sig fyrir 7. apríl, annars kr. 5000.

Skráningarform

Skráðir keppendur

Kjördæmamót Reykjaness í skólaskák fer fram á föstudag

Þetta er einstaklingsmót og er keppt í hinum hefðbundnu aldurshólfum sem hafa gilt frá því að fyrirbærið "Skólaskák" var sett á laggirnar árið 1979.
Mótið fer fram föstudaginn 8. apríl í Stúkunni við Kópavogsvöll.
Flokkarnir sem gefa rétt til þátttöku á kjördæmismóti eru annars vegar
7. bekkur og yngri og hins vegar unglingastig 8.-10.bekkur.

Staðsetning:
Keppt verður í stúkunni við Kópavogsvöll í aðstöðu Skákdeildar Breiðabliks.

Dagskrá:
Kjördæmamót unglingastigs kl: 8.30-11.30 (mæting kl 8:15)
Kjördæmamót 7. bekk og yngri kl: 12.00-15.00 (mæting kl 11:45)

Þátttökurétt hafa:
- nemendur í grunnskólum í Reykjaneskjördæmi í 7. bekk og yngri og 8.-10. bekk.
Frá hverjum skóla geta allir nemendur með skákstig fengið að keppa og að auki 2 stigalausir í hvoru aldurshólfi sem hafa sýnt sérstaklega góðan árangur í vetur.
Mikilvægt að skólar sendi fullorðinn ábyrgðarmann með sínum krökkum til að hjálpa til við eftirlit og til að halda uppi aga.

Tímamörk og umferðir:
10 mín á skákina og 7 umferðir.

Skráning:
Skráning á Skák.is (guli kassinn efst) fyrir kl. 12.00 á fimmtudegi 7. apríl 2016. Mikilvægt að umsjónarmenn með skákstarfi skrái sína nemendur til að tryggja að þeir sterkustu mæti til leiks.

Tveir efstu keppendur í eldri flokki vinna sér rétt til keppni á Landsmótinu í skólaskák og þrír efstu í yngri flokki.
Föstudaginn 15.apríl verða svo sérstök Kópavogsmót fyrir 1. , 2. og 3.-4.bekk, nánar auglýst í næstu viku.

Mótsstjóri verður Halldór Grétar Einarsson. Honum til aðstoðar verða skákennarar í Reykjaneskjördæmi.

Upplýsingar um þegar skráða keppendur má finna hér.

Feðgar og bræður tefla í landsliðsflokki Íslandsmótsins í skák

Keppendalisti Íslandsmótsins í skák sem fram fer í Tónlistarskóla Seltjarnarness 31. maí - 11. júní liggur nú fyrir. Fjórir stórmeistarar, fjórir alþjóðlegir meistarar, tveir FIDE-meistarar og feðgar taka þátt í mótinu! Auk feðganna Jóhanns Ingvasonar og Arnar Leós Jóhannssonar eru bræðurnir Bragi og Björn Þorfinnssynir skráðir til leiks.

Keppendalistinn

1. GM Hjörvar Steinn Grétarsson (2580)
2. GM Héðinn Steingrímsson (2574)
3. GM Jóhann Hjartarson (2547)
4. GM Stefán Kristjánsson (2464)
5. IM Guðmundur Kjartansson (2457)
6. IM Jón Viktor Gunnarsson (2454)
7. IM Bragi Þorfinnsson (2426)
8. IM Björn Þorfinnsson (2410)
9. FM Davíð Kjartansson (2370)
10. FM Guðmundur S. Gíslason (2280)
11. Örn Leó Jóhannsson (2226)
12. Jóhann Ingvason (2115)

Heimasíða mótsins verður sett upp fljótlega. 

Sigurður Daníelsson skákmeistari Hugins N

Sigurður Daníelsson varð um helgina skákmeistari Hugins Norður í fyrsta sinn en skákþing Hugins (N) lauk sl, sunnudag. Sigurður fékk 4 vinninga af 5 mögulegum. Tómas Veigar Sigurðarson fékk einnig með fjóra vinningar en varð í öðru sæti eftir stigaútreikning. Rúnar Ísleifsson varð í þriðja sæti með 3,5 vinninga.

 

Sigurður byrjaði mótið af krafti og vann fyrstu þrjár skákirnar örugglega, en mætti svo Tómasi í fjórðu umferð og tapaði þeirri skák. Sigurður vann svo skák sína í lokaumferðinni. Tómas, sem tapaði óvænt fyrir Hermanni í fyrstu umferð, vann allar aðrar skákir.

Nýtt mótsfyrirkomulag var prófað í mótinu í fyrsta sinn, en tefldar voru 5 umferðir og einungis kappskákir og engar atskákir eins og venja hefur verið hingað til á meistaramóti Hugins N.

Skákir mótsins. 

Fjórar stúlkur fara á NM stúlkna í Alta

Fjórar íslenskar stúlkur taka þátt í Norðurlandamóti stúlkna sem fram fer í Alta í Norður-Noregi í dagana 28. apríl - 1. maí. Það eru:

B-flokkur (16 ára og yngri)

• Nansý Davíðsdóttir
• Svava Þorsteinsdóttir

C-flokkur (12 ára og yngri)

• Freyja Birkisdóttir
• Batel Goitom Haile

Ekki tókst að senda stúlku í a-flokkinn (20 ára og yngri) þrátt fyrir þremur íslenskum stúlkum hafi verið boðið að tefla fyrir Íslands hönd.

Liðsstjóri hópsins verður Björn Ívar Karlsson.

 

 

Tvö íslensk skákmót tilnefnd sem besta skákmót ársins 2015

Tvö íslensk skákmót eru tilnefnd sem bestu skákmót heims á árinu 2015 af samtökum atvinnuskámanna (ACP). Annars vegar er það GAMMA Reykjavíkurskákmótiðsem haldið var í Hörpu í mars og hins vegar Evrópumót landsliðasem haldið var í Laugardalshöll í nóvember.

Reykjavíkurskákmótið er eitt sjö móta sem tilnefnt er sem besta opna mót ársins. EM landsliða er einn sex skákviðburða sem tilnefndur er sem besti opinberi skákviðburður ársins. 

Mikil viðurkenning fyrir íslenska skákhreyfingu. Úrslit verða ljós um miðjan apríl.

Tilnefnd mót eru: 

Round Robin Events

Tata Steel Chess, A Group, Wijk aan Zee, January

Gashimov Memorial, Shamkir, April

Norway Chess, Stavanger, June

Sinquefield Cup, Saint Louis, August

London Classic, London, December

 

Official Events

European Individual Championship, Jerusalem, March

World Team, Tsaghkadzor, April

World Cup, Baku, September/October

Women Grand Prix, Monaco, October

World Youth, Porto Carras, October

European Team Championship, Reykjavik, November

 

Open Events

Tradewise Gibraltar, La Caleta, January

Moscow Open, January

Reykjavik Open, March

Biel Open, July

Millionaire Chess, Las Vegas, October

Poker Stars Masters, Douglas, Isle of Man, October

Qatar Masters, Doha, December 

 

Rapid/Blitz Events

Petrov Memorial, Jurmala, March

European – ACP Women Rapid Championship, Kutaisi, June

World Rapid and Blitz Championship, Berlin, October

ACP Masters, Ashdod, December

Nánar á vef ACP.

Nýir íslenskir alþjóðlegir dómarar

Nýir íslenskir skákdómarar voru tilefndir á nýlegum FIDE-fundi í Moskvu. 

Ingibjörg Edda Birgisdóttir var tilnefnd var sem alþjóðlegur skákdómari (IA) og Kjartan Maack og Vigfús Ó. Vigfússon voru tilefndir sem FIDE-dómarar (FA).

Ingibjörg Edda var áður FIDE-dómari en fær nú aukin dómararéttindi.

Yfirlit yfir íslenska skákdómara með FIDE-réttindi má finna á heimasíðu SÍ.