Skákþáttur Morgunblaðsins: Hilmir Freyr vann fimm í röð á ÓL 16 ára og yngri

Íslenska sveitin sem teflir á Ólympíumóti ungmenna 16 ára og yngri í Poprad í Slóvakíu var í 18. sæti með 9 stig og 19 ½ vinning af 32 mögulegum fyrir lokaumferð mótsins sem fram fór í gær. Eftir erfiða byrjun í fyrstu fjórum umferðum mótsins fóru hjólin að snúast og í sjöundu umferð vann sveitin Hong Kong 3:1 og síðan Belga 3 ½: ½.

Alls eru tefldar níu umferðir og nýtt stórveldi skákarinnar virðist vera að koma fram: Íranir. Þeir hafa þegar tryggt sér ólympíugullið með 15 stig, í 2. sæti koma Rússar og Armenar í 3. sæti. Í lokaumferðinni dróst Ísland á móti sterkri sveit Moldavíu.

Fyrirkomulag mótsins er nýtt; fimm í sveit þar af ein stúlka en teflt er á fjórum borðum. Varamaður sveitarinnar, Svava Þorsteinsdóttir, er að stíga sín fyrstu skref á þessum vettvangi, hún vann sannfærandi í fyrstu umferð og byggði upp góðar stöður í næstu tveim skákum en tapaði. Vignir Vatnar Stefánsson sem er 13 ára gamall hefur teflt vel og er með 4 ½ vinning af sjö mögulegum. Bárður Örn Birkisson er einnig með 4 ½ vinning af sjö á 2. borði. Björn Hólm hefur hlotið 3 ½ vinning af átta og Hilmir Freyr Heimisson er í banastuði; eftir jafntefli í tveim fyrstu umferðunum vann hann fimm skákir í röð, 6 vinningar af sjö mögulegum á 4. borði!

Þátttökuþjóðirnar eru 54 talsins og Íslandi var fyrirfram raðað í 32. sæti. Indland verður vettvangur Ólympíumóts 16 ára og yngri árið 2017 samkvæmt mótaáætlun FIDE.

Niðurstaða þessa móts er í takt við stöðu Íslands á alþjóðavettvangi meðal ungra skákmanna og talsvert betri ef eitthvað er. 

Hjörvar við toppinn í Kaupmannahöfn

Íslenskir skákmenn sitja einnig að tafli í Kaupmannahöfn þar sem fram fer hið svonefnda Xtracon-mót sem hét áður Politiken cup. Stórmeistarinn Hjörvar Steinn Grétarsson gerði jafntefli í sjöundu umferð og var með 5 ½ vinning í toppbaráttunni en Egyptinn Amin Bassem er efstur með 6 ½ vinning. 

Á opna tékkneska meistaramótinu í Pardubice í Tékklandi bar helst til tíðinda að Oliver Aron Jóhannesson vann stórmeistarann Jansa í fjórðu umferð. Oliver Aron og Dagur Ragnarsson eru báðir með 3 ½ v. af sjö mögulegum og voru að ná árangri umfram væntingar í A-flokknum þar sem Armeninn Movsesian og Indverjinn Ganguly voru efstir. 

Magnús Carlsen sigraði með yfirburðum

Magnús Carlsen vann hið sterka mót í Bilbao á Spáni sem lauk um síðustu helgi. Gefin voru þrjú stig fyrir sigur og eitt fyrir jafntefli og lokaniðurstðan var þessi: 

Carlsen 17 stig, 2. Nakamura 12 stig, 3. – 4. So og Wei Yi 11 stig, 5. Karjakin 9 stig, 6. Giri 7 stig.

Heimsmeistarinn á síðasta orðið. Andstæðingi hans virðist standa stuggur af nálega öllum leikjum Magnúsar, saklausum peðsleikjum eins 9. a3 og 10. b4. Og svo kemur hrina snilldarleikja, 17. De1, 18. Rd2, 19. Rc4. So leggur niður vopnin þegar hann stendur frammi fyrir mátsókn:

Bilbao 2016; umferð:

Magnús Carslen – Wesley So

Spænskur leikur

1. e4 e5 2. Rf3 Rc6 3. Bb5 Rf6 4. d3 Bc5 5. Bxc6 dxc6 6. De2 De7 7. Rbd2 Bg4 8. h3 Bh5 9. a3 Rd7 10. b4 Bd6 11. Rc4 f6 12. Re3 a5 13. Rf5 Df8 14. bxa5 Hxa5 15. O-O Df7 16. a4 Rc5 17. De1 b6 18. Rd2 Hxa4 19. Rc4 Bf8 20. Be3 Kd7 21. Dc3 Rxe4 

22. Rxb6+ cxb6 23. dxe4 Dc4 24. Dd2+ Kc7 25. g4 Bg6 26. Hfd1

- og svartur gafst upp.

Helgi Ólafsson [e-mail]

Grein þessi birtist í Morgunblaðinu 30. júlí 2016

Skákþættir Morgunblaðsins

[Event "Bilbao"] [Site "Bilbao ESP"] [Date "2016.07.16"] [EventDate "2016.07.13"] [Round "4"] [Result "1-0"] [White "Magnus Carlsen"] [Black "Wesley So"] [ECO "C65"] [WhiteElo "2855"] [BlackElo "2770"] [PlyCount "51"] 1. e4 e5 2. Nf3 Nc6 3. Bb5 Nf6 4. d3 Bc5 5. Bxc6 dxc6 6. Qe2 Qe7 7. Nbd2 Bg4 8. h3 Bh5 9. a3 Nd7 10. b4 Bd6 11. Nc4 f6 12. Ne3 a5 13. Nf5 Qf8 14. bxa5 Rxa5 15. O-O Qf7 16. a4 Nc5 17. Qe1 b6 18. Nd2 Rxa4 19. Nc4 Bf8 20. Be3 Kd7 21. Qc3 Nxe4 22. Nxb6+ cxb6 23. dxe4 Qc4 24. Qd2+ Kc7 25. g4 Bg6 26. Rfd1 1-0

Lenka efst eftir tvær umferðir á Íslandsmóti kvenna

Önnur umferð Íslandsmóts kvenna fór fram í gærkveldi. Teflt var fjörlega og allar skákir tefldar í botn. Lenka Ptácníková (2136) er efst með fullt hús en Hrund, Hallgerður Helga Þorsteinsdóttir (2014) og Guðlaug Þorsteinsdóttir (2051) hafa 1 vinning. Sú síðastnefnda á frestaða skák gegn Veroniku Steinunni Magnúsdóttur (1786) til góða.

Hallgerður Helga átti leik gegn Veroniku Steinunni í gær sem lék síðast 24...De8xe5?

26. Rf6+! Liðstap er óumflýjanlegt. Veró reyndi 26...Dxf6 en eftir 27. Hxf6 Dxf6 28. De5 hafði Halla stöðuyfirburði sem dugðu henni til sigurs 12 leikjum síðar.

Hrund átti leik gegn Lenku sem lék síðast 38...Da3-e7!

Hrund  hélt um örskotsstund að hún hafði blekkt Íslandsmeistarann þegar hún lék 39. Hxf6. Lenka hafði hins séð lengra og svaraði um hæl með 39...Dxf6! Hrund gafst upp þremur leikjum síðar.

Mest gekk á skák Tinnu og Guðlaugu og um tíma hafði Tinna unnið endatafl. Hún tefldi hins vegar ónákvæmt og tókst Guðlaugu sem stýrði svörtu mönnunum að tryggja sér sigur.

58...h4! Svörtu peðin komast á undan upp í borð. Tinna gafst upp skömmu síðar.

Þriðja umferð fer fram á mánudaginn. Þá mætast:

Lenka-Hallgerður

Guðlaug-Hrund

Veronika - Tinna

 

• Heimasíða mótsins
• Chess-Results

Sumarsyrpa Breiðabliks hófst í dag - Batel stal senunni

Sumarsyrpa Skákdeildar Breiðabliks hófst í dag. 16 krakkar taka þátt. Almennt sigruðu hinir stigahærri þá stigalægri en þó var ein undantekning þar á þar sem á 6.borði sigraði Batel Örn Alexandersson sannfærandi þrátt fyrir að vera mun yngri og óreyndari. Undirritaður var gáttaður á taflmennsku Batelar en þar er greinilega framtíðar landsliðskona. Önnur umferð hefst í fyrramálið klukkan 10.30

Birkir Karl Sigurðsson.

Úrslit á Chess-Results.

Meistaramót Hugins (suðursvæði) hefst mánudaginn 31. ágúst

Meistaramót Hugins (suðursvæði) 2016 hefst miðvikudaginn 31. ágúst klukkan 19:30. Mótið er 7 umferða opið kappskákmót sem lýkur 19. september. Leyft verður að taka 2 yfirsetur í 1.-5. umferð sem tilkynna þarf um fyrir lok næstu umferðar á undan. Vegleg og fjölbreytt verðlaun eru í boði. Umhugsunartíminn verður 1½ klst. á skákina auk hálfrar mínútu á hvern leik.

Mótið er öllum opið og er reiknað til alþjóðlegra og íslenskra skákstiga. Skráning í mótið fer fljótlega af stað á skák.is en einnig er hægt að skrá sig með því að hringja í skákstjóra s-866-0116 (Vigfús).

Skákdagar eru mánudagar, miðvikudagar og fimmtudagar en aldrei eru meira en tvær umferðir í viku.

• Skráningarform

Aðalverðlaun:

1. 50.000
2. 40.000
3. 30.000

Aukaverðlaun (miðað er við alþjóðleg skákstig)

• Skákmeistari Hugins (suðursvæði): Kr. 10.000.
• Besti árangur undir  2000 skákstigum:  Skákbók hjá skákbóksölunni að verðmæti kr. 5.000.
• Besti árangur undir 1800 skákstigum:  Skákbók hjá skákbóksölunni að verðmæti kr. 5.000.
• Besti árangur undir 1600 skákstigum: Skákbók hjá skákbóksölunni að verðmæti kr. 5.000.
• Besti árangur stigalausra: Skákbók hjá skákbóksölunni að verðmæti kr. 5.000.
• Unglingaverðlaun (15 ára og yngri), skákbækur hjá skákbóksölunni að verðmæti: 1.vl. kr. 5.000, 2. og 3.vl. kr. 4000.

Þátttökugjöld:

Félagsmenn kr. 3.500; aðrir 4.500-
Unglingar 15 ára og yngri: Félagsmenn: 2.000; Aðrir 3.000.
Allir titilhafar fá frítt í mótið

Umferðartafla:

• 1. umferð, miðvikudaginn, 31. ágúst, kl. 19:30
• 2. umferð, fimmtudaginn, 1. september, kl. 19:30
• 3. umferð, mánudaginn, 5. september, kl. 19:30
• 4. umferð, miðvikudaginn, 7. september, kl. 19:30
• 5. umferð, mánudaginn, 12. september, kl. 19:30
• 6. umferð, fimmtudaginn, 15. september, kl. 19:30
• 7. umferð, mánudaginn, 19. september, kl. 19:30

Sumarsyrpa Breiðabliks hefst í dag

Sumarsyrpa Breiðabliks er með samskonar fyrirkomulagi og hin vinsæla Bikarsyrpa TR.
Mótið er ætlað börnum á grunnskólaaldri (fæddum 2000 og síðar) sem ekki hafa náð 1600 skákstigum. Mótið er reiknað til íslenskra og alþjóðlegra skákstiga.

Tefldar eru 5 umferðir eftir svissneska kerfinu. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Það margborgar sig að vanda sig og nota tímann, en samt má búast við því að margar skákir klárist á styttri tíma.

Veitt verða verðlaun í tveimur flokkum. Fyrir 16 ára og svo fyrir 12 ára og yngri. 

Dagskrá:

• Föstudagurinn 5.ágúst :  1 umferð klukkan 17.30
• Laugardagurinn 6.ágúst : 2 umferð klukkan 10.30
• Laugardagurinn 6.ágúst : 3 umferð klukkan 14
• Sunnudagurinn 7.ágúst : 4 umferð klukkan 10.30
• Sunnudagurinn 7.ágúst : 5 umferð klukkan 14

Teflt er í Glersalnum í Stúkunni við Kópavogsvöll.

Stórmót Árbæjarsafns og Taflfélags Reykjavíkur fer fram á sunnudaginn

Stórmót Árbæjarsafns og Taflfélags Reykjavíkur fer fram sunnudaginn 7.ágúst.

Þetta skemmtilega mót í sögulegu umhverfi er fyrir löngu orðinn fastur viðburður í skákdagatalinu.

Teflt verður í Árbæjarsafni og hefst taflið kl. 14. Tefldar verða 7 umferðir með umhugsunartímanum 7 mín. á  skák.

Veitt verða verðlaun fyrir þrjú efstu sætin í Stórmótinu, 15.000 kr., 10.000 kr. og 5.000 kr.

Þátttökugjald í Stórmótinu er 1500 kr. fyrir 18 ára og eldri, en ókeypis er  fyrir yngri en 18 ára og er þátttökugjald jafnframt aðgangseyrir í  safnið. Þeir sem fá ókeypis aðgang í safnið, t.d. eldri borgarar og öryrkjar borga ekkert þátttökugjald.

Skráning fer fram á staðnum og opnar kl.13.15, e

Borgarskákmótið fer fram 17. ágúst

Borgarskákmótið fer fram miðvikudaginn 17. ágúst, og hefst það kl. 16:00. Mótið fer fram venju samkvæmt í Ráðhúsi Reykjavíkur og standa  Taflfélag Reykjavíkur og Skákfélagið Huginn, að mótinu, eins og þau hafa gert síðustu ár. Gera má ráð fyrir að margir af sterkustu skákmönnum þjóðarinnar taka þátt í því. Skákmenn eru hvattir til að skrá sig sem fyrst eftir að opnað verður fyrir skráningu. Mótið verður reiknað til hraðskákstiga og er öllum opið og er þátttaka ókeypis en skráning fer fram á Skák.is

Einnig er hægt að skrá sig í í síma 866 0116 (Vigfús) og 862 0099 (Kjartan). Tefldar verða 7 umferðir með 7 mínútna umhugsunartíma. Þetta er í 29. sinn sem mótið fer fram og er þetta iðulega eitt best sótta skákmót hvers árs. Í fyrra sigraði Jón Viktor Gunnarsson, sem þá tefldi fyrir Malbikunarstöðina Höfða.

Verðlaun:

1. 30.000 kr.
2. 20.000 kr.
3. 10.000 kr.

Upplýsingar um þegar skráða keppendur má nálgast hér.

Afmælismót Taflfélags Vestmannaeyja fer fram 10.-11. september

Helgina 10.-11. september 2016 fer fram atskákmót í Eyjum í tilefni af  90 ára  afmæli Taflfélags Vestmannaeyja.

Keppendur verða úr Eyjum og á fastalandinu. Reiknað er með flestir keppendur ofan af landi komi með Herjólfi laugardaginn 10. september. frá Landeyjahöfn kl. 09.45 og til Eyja um kl. 10.30.  Akstur frá Reykjavík til Landeyjahafnar tekur tæplega  2 klst. og þurfa farþegar og ökutæki að vera mætt 30 mín. fyrir brottför Herjólfs frá Landeyjahöfn.  Algengt er  að farþegar geymi ökutæki sín á bílastæðum í Landeyjahöfn meðan á dvöl þeirra í Eyjum stendur.

Næsta  ferð til Landeyjahafnar frá Eyjum að loknu skákmótinu  er kl. 18.30  sunnudaginn 11. sept og nú síðasta þann dag  kl. 21.00 um kvöldið. Mæting um borð  30 mín. fyrir brottför.

Tefldar verða níu umferðir, umhugsun 20 mín.  á  skák  auk 5 sek. á hvern leik.  Reiknað er með að umferðin taki um 60 mín. Skákstjóri verður  Stefán Bergsson.

Laugardagur 10. sept. 2016

Kl. 12.00 – 17.00  Tefldar verða fimm umferðir fyrri daginn.

Kl. 17.00 – 18.00   Skoðunarferð með rútu um Heimaey.

Sunnudagur 11. sept. 2016

Kl. 12.00 - 16.00   Tefldar verða fjórar umferðir seinni daginn.

Kl. 16.30 – 17.00   Mótsslit og verðlaunahending.

Ekkert þátttökugjald á  atskákmótið og í  skoðunarferðina.

Fyrstu verðlaun  verða 75 þús. kr., önnur verðlaun  kr. 50 þús. kr. og þriðju verðlaun  kr. 25 þús. kr. Landsbankinn er helsti stuðningsaðili mótsins.

Nánari upplýsingar um ferðir til  og frá Eyjum á  herjolfur.is og gistingu í Eyjum  á visitvestmannaeyjar.is   

Skráning þátttakenda á 90 ára afmælismótið  fer fram á Skák.is.

Upplýsingar um þegar skráða keppendur má finna hér. 

Afmælisnefnd Taflfélags Vestmannaeyja.

Hrund vann Hallgerði á Íslandsmóti kvenna

Íslandsmót kvenna hófst í kvöld með tveimur skákum. Strax urðu óvænt úrslit þegar Hrund Hauksdóttir vann Hallgerði Helga Þorsteinsdóttur þrátt fyrir að vera lægri um 225 skákstig. 

Íslandsmeistarinn Lenka Ptácníková hóf titilvörnina með góðum sigri á Tinnu Kristínu Finnbogadóttur. Grípum niður í skákina eftir eftir 22. leik svarts 22...Rb6-d5.

Lenka lék 23. Rxb7! Eftir 23...Dxb7 24. Rxc6 er hvítur með yfirburðatafl. Tinna reyndi 23...Bxe5 en eftir 24. fxe5 Hxe5 25. Da6 var hún með gjörtapað tafl. Lenka innbyrti vinninginn í 37 leikjum.

 

 

 

 

 

Hrund tefldi skákina gegn Hallgerði af mikilli nákvæmni. Eftir 21 leik kom þessi staða upp.

Hrund lék hinum bráðsnjalla leik 22. b4! 22...Dc3 er svarað með 23. Bxb5. Mannstap er því ekki umflúið. Hallgerður gafst því upp.

Skák Guðlaugar Þorsteinsdóttur og Veroniku Steinunnar Magnúsdóttur var frestað fram yfir þriðju umferð. 

Önnur umferð fer fram á föstudaginn. Þá mætast meðal annars forystukonurnar Lenka og Hrund.

• Heimasíða mótsins
• Chess-Results

Taflmennska og kennsla á útitaflinu

Á morgun, fimmtudag, spáir blíðskaparviðri á höfuðborgarsvæðinu. Að því tilefni efnir Skákakademía Reykjavíkur til taflmennsku og skákkennslu í hádeginu á Útitaflinu við Lækjargötu. Hefst viðburðurinn kl. 12:00. Öllum er frjálst að líta við, taka nokkrar skákir í sólinni og þiggja skákkennslu hjá Birni Ívari Karlssyni landsliðsþjálfara kvennalandsliðsins.

Skákakademían hefur staðið fyrir reglulegum viðburðum í góða veðrinu á Útitaflinu í sumar sem hafa verið mjög vel sóttir af skákáhugamönnum borgarinnar.