Aðalfundur Vinaskákfélagsins.

Aðalfundur Vinaskákfélagsins verður haldinn 23. ágúst 2016 í Vin, Hverfisgötu 47, 101 Reykjavík klukkan 20. 

Dagskrá aðalfundar er sem hér segir:

1. Forseti setur fundinn.
2. Kosning fundarstjóra og fundarritara.
3. Skýrsla stjórnar lögð fram.
4. Reikningar lagðir fram til samþykktar.

(Vegna endurskipulagningar Vinaskákfélagsins, þarf stjórn félagsins að fá undanþágu með atkvæðagreiðslu um að sleppa þessum lið).

5. Lagabreytingar.

Kaffihlé!!

6. Kosning stjórnar.
7. Önnur mál.

Stjórnin.

Sumarsyrpa Breiðabliks hefst á föstudaginn

Sumarsyrpa Breiðabliks er með samskonar fyrirkomulagi og hin vinsæla Bikarsyrpa TR.
Mótið er ætlað börnum á grunnskólaaldri (fæddum 2000 og síðar) sem ekki hafa náð 1600 skákstigum. Mótið er reiknað til íslenskra og alþjóðlegra skákstiga.

Tefldar eru 5 umferðir eftir svissneska kerfinu. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Það margborgar sig að vanda sig og nota tímann, en samt má búast við því að margar skákir klárist á styttri tíma.

Veitt verða verðlaun í tveimur flokkum. Fyrir 16 ára og svo fyrir 12 ára og yngri. 

Dagskrá:

• Föstudagurinn 5.ágúst :  1 umferð klukkan 17.30
• Laugardagurinn 6.ágúst : 2 umferð klukkan 10.30
• Laugardagurinn 6.ágúst : 3 umferð klukkan 14
• Sunnudagurinn 7.ágúst : 4 umferð klukkan 10.30
• Sunnudagurinn 7.ágúst : 5 umferð klukkan 14

Teflt er í Glersalnum í Stúkunni við Kópavogsvöll.

Fundargerð stjórnar SÍ

Fundargerð stjórnar SÍ frá 23. júní sl. er aðgengileg á vef sambandsins. Eftirfarandi var tekið fyrir.

1. Sameining félaga: Sameining Vinaskákfélagsins og Áttavilltra samþykkt
2. Ólympíuskákmótið
3. Skákþing Íslands
4. EM ungmenna 
5. Nefndarskipan - formenn nefnda skipaðir
6. Mótaáætlun samþykkt
7. Skákferð til USA
8. Styrkir til skákmanna
9. Bók Jóns Þ Þórs

Fundagerðina má nálgast hér.

Stórmót Árbæjarsafns og TR fer fram á sunnudaginn

Stórmót Árbæjarsafns og Taflfélags Reykjavíkur fer fram sunnudaginn 7.ágúst.

Þetta skemmtilega mót í sögulegu umhverfi er fyrir löngu orðinn fastur viðburður í skákdagatalinu.

Teflt verður í Árbæjarsafni og hefst taflið kl. 14. Tefldar verða 7 umferðir með umhugsunartímanum 7 mín. á  skák.

Veitt verða verðlaun fyrir þrjú efstu sætin í Stórmótinu, 15.000 kr., 10.000 kr. og 5.000 kr.

Þátttökugjald í Stórmótinu er 1500 kr. fyrir 18 ára og eldri, en ókeypis er  fyrir yngri en 18 ára og er þátttökugjald jafnframt aðgangseyrir í  safnið. Þeir sem fá ókeypis aðgang í safnið, t.d. eldri borgarar og öryrkjar borga ekkert þátttökugjald.

Skráning fer fram á staðnum og opnar kl.13.15, e

Taflmennska og kennsla á Útitaflinu

Á morgun, fimmtudag, spáir blíðskaparviðri á höfuðborgarsvæðinu. Að því tilefni efnir Skákakademía Reykjavíkur til taflmennsku og skákkennslu í hádeginu á Útitaflinu við Lækjargötu. Hefst viðburðurinn kl. 12:00. Öllum er frjálst að líta við, taka nokkrar skákir í sólinni og þiggja skákkennslu hjá Birni Ívari Karlssyni landsliðsþjálfara kvennalandsliðsins.

Skákakademían hefur staðið fyrir reglulegum viðburðum í góða veðrinu á Útitaflinu í sumar sem hafa verið mjög vel sóttir af skákáhugamönnum borgarinnar.

Bragi vann í gær - Hannes með jafntefli - báðir í beinni í dag

Bragi Þorfinnsson (2433) vann hinn sterka þýska skákmeistara Lukas Böttger (2230) í 4. umferð ZDMI-mótsins í Dresden í gær. Hannes Hlífar Stefánsson (2577) gerði jafntefli við ungverska stórmeistarann Zoltan Medvegy (2548). Báðir hafa þeir 3 vinninga og eru í 5.-17. sæti á mótinu.

Báðir verða þeir í beinni í fimmtu umferð sem hefst kl. 12. Bragi teflir þá við þýska alþjóðlega meistarann Andreas Heimann (2588) en Hannes við serbneska stórmeistarann Miroljub Lazic (2476).

90 skákmenn tefla í efsta flokk mótsins. Þar af eru 11 stórmeistarar.

 

• Heimasíða mótsins
• Úrslitaþjónusta
• Beinar útsendingar (hefjast kl. 12)

Íslandsmót kvenna hefst á morgun

Íslandsmót kvenna hefst miðvikudaginn 3. ágúst í húsnæði Skáksambands Íslands, Faxafeni 12, Reykjavík. Teflt verður í einum flokki.

Sex skákkonur taka þátt í mótinu og þar af allt Ólympíulið Íslands. 

Dregið var um töfluröðun í hádeginu og má nálgast hana hér.

Beinar útsendingar verða frá mótinu.

Tímamörk: 90 mín. + 30 sek. á leik auk 30 mínútna eftir 40 leiki.

Dagskrá:         

• 1. umferð: Miðvikudagurinn, 3. ágúst, kl. 19:30
• 2. umferð: Föstudagurinn, 5. ágúst, kl. 19:30
• 3. umferð: Mánudaginn, 8. ágúst kl. 19:30
• 4. umferð: Fimmtudagurinn, 11. ágúst, kl. 19:30
• 5. umferð: Laugardagurinn, 13. ágúst kl. 14:00

Verðlaun:       

• 1. 75.000-
• 2. 45.000.-
• 3. 30.000.-

Íslandsmeistari kvenna fór einnig boð á Norðurlandamót kvenna sem fram fer í Sastamala Finnlandi 22.-30. október nk. 

Verði tvær eða fleiri konur efstar verður teflt til þrautar með skemmri umhugsunartíma um Íslandsmeistaratitlinn.

Hannes gerði jafntefli í gær í Dresden

Hannes Hlífar Stefánsson (2577) gerði jafntefli við ungverska alþjóðlega meistarann Gyula Izsak (2443) í þriðju umferð ZMDI-mótsins í Dresden í gær. Bragi Þorfinnsson (2433) tapaði hins vegar fyrir ungverska stórmeistaranum Zoltan Medvegy (2548). Hannes hefur 2½ vinning en Bragi hefur 2 vinninga.

Fjórða umferð fer fram í dag. Þá fær Hannes tækifæri á að hefna fyrir félaga sinn en hann mætir áðurnefndum Medvegy. Bragi mætir Þjóðverjanum Lukas Böttger (2230) 

Skák Hannesar verður sýnd beint. 

• Heimasíða mótsins
• Úrslitaþjónusta
• Beinar útsendingar (hefjast kl. 12)

Minningarmót Birnu E. Norðdahl - Reykhólum 20. ágúst 2016

Minningarmót Birnu E. Norðdahl verður haldið á Reykhólum við Breiðafjörð laugardaginn 20. ágúst og hefst kl. 14. Mótið er öllum opið og meðal keppenda verða margar helstu hetjur íslenskrar skáksögu: Friðrik Ólafsson, Jóhann Hjartarson, Guðlaug Unnur Þorsteinsdóttir, ÁslaugKristinsdóttir og Sigurlaug Regína Friðþjófsdóttir. Tefldar verða 8 umferðir með 10 mínútna umhugsunartíma. Teflt verður í íþróttahúsinu á Reykhólum og verða veitingar í boðimeðan á mótinu stendur. 

Aðeins er tæplega þriggja klukkustunda akstur frá höfuðborgarsvæðinu vestur í hina fögru Reykhólasveit. Gestum býðst gisting á tilboðsverði á Hótel Bjarkalundi, Reykhólar Hostel og landnámsbænum Miðjanesi örskammt frá Reykhólum. Um kvöldið er verðlaunaafhending og hátíðarkvöldverður í minningu Birnu. 

Birna Eggertsdóttir Norðdahl fæddist á Hólmi í Reykjavíkursókn í Kjósarsýslu 30. mars 1919. Hún andaðist á sjúkrahúsinu á Akranesi 8. febrúar 2004. Sigurlaug Regína Friðþjófsdóttir minntist stallsystur sinnar og fyrirmyndar m.a. með þessum orðum:

„Birna var alveg einstök manneskja. Hún var bæði bóndi og listamaður: bjó lengst af í Bakkakoti fyrir utan Reykjavík, hafði þar hesta sem hún heyjaði fyrir, málaði myndir, vann úr leðri, skar út í tré auk þess sem hún gerði alla hefðbundna handavinnu og alla smíðavinnu innanhúss sem og utanhúss. Síðast en ekki síst var hún skákkona og á því sviði frumkvöðull að því að íslenskar konur tefldu fyrir Íslands hönd á Ólympíumótum í skák.“ 

Birna var í fyrsta kvennalandsliði Íslands í Buenos Aires 1978. Hún stóð fyrir fjársöfnun svo af ferðinni gæti orðið og dreif aðra áfram með eldmóði sínum. Áður hafði Birna teflt undir fána Íslands í Sex landa keppninni 1975. Hún var aftur í liði Íslands sem tefldi á Ólympíuskákmótinu á Möltu 1980, þá orðin langamma. Íslandsmeistari varð hún 1976 og 1980. Birna skipar stórmerkan sess í íslenskri skáksögu og við þetta tækifæri vilja mótshaldarar heiðra aðra brautryðjendur íslenskrar kvennaskákar. Vonast er til þess að skákkonur á öllum aldri taki þátt í mótinu, sem og skákáhugamenn úr öllum áttum. 

Ástæða þess að mótið er haldið á Reykhólum er sú, að þar átti Birna heima síðasta áratug ævi sinnar. Rétt við Dvalarheimilið Barmahlíð bjó hún til Birnulund, eins og hann var nefndur, hlóð hringlaga skjólvegg úr torfi, smíðaði bekki og gróðursetti trjáplöntur og blómjurtir. Lundurinn fór þó í órækt eftir að Birna féll frá. Í tengslum við aðrar framkvæmdir á vegum Reykhólahrepps í umhverfi Barmahlíðar verður Birnulundur endurskapaður til heiðurs þessari merku konu og steinstétt innan í honum verður skákborð. 

Meðal bakhjarla og skipuleggjanda Minningarmótsins eru Reykhólahreppur, Þörungaverksmiðjan á Reykhólum, Skáksamband Íslands, Kvenfélagið Katla í Reykhólahreppi og fleiri, í samráði við fjölskyldu Birnu heitinnar. 

Áhugasamir ættu að bóka sig sem fyrst. Hrafn Jökulsson og Róbert Lagerman taka við skráningum og veita frekari upplýsingar í [e-mail] og [e-mail].

Sumarsyrpa Breiðabliks hefst á föstudaginn

Sumarsyrpa Breiðabliks er með samskonar fyrirkomulagi og hin vinsæla Bikarsyrpa TR.
Mótið er ætlað börnum á grunnskólaaldri (fæddum 2000 og síðar) sem ekki hafa náð 1600 skákstigum. Mótið er reiknað til íslenskra og alþjóðlegra skákstiga.

Tefldar eru 5 umferðir eftir svissneska kerfinu. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Það margborgar sig að vanda sig og nota tímann, en samt má búast við því að margar skákir klárist á styttri tíma.

Veitt verða verðlaun í tveimur flokkum. Fyrir 16 ára og svo fyrir 12 ára og yngri. 

Dagskrá:

• Föstudagurinn 5.ágúst :  1 umferð klukkan 17.30
• Laugardagurinn 6.ágúst : 2 umferð klukkan 10.30
• Laugardagurinn 6.ágúst : 3 umferð klukkan 14
• Sunnudagurinn 7.ágúst : 4 umferð klukkan 10.30
• Sunnudagurinn 7.ágúst : 5 umferð klukkan 14

Teflt er í Glersalnum í Stúkunni við Kópavogsvöll.