Borgarskákmótið fer fram á miðvikudaginn

Borgarskákmótið fer fram miðvikudaginn 17. ágúst, og hefst það kl. 16:00. Mótið fer fram venju samkvæmt í Ráðhúsi Reykjavíkur og standa  Taflfélag Reykjavíkur og Skákfélagið Huginn, að mótinu, eins og þau hafa gert síðustu ár. Gera má ráð fyrir að margir af sterkustu skákmönnum þjóðarinnar taka þátt í því. Skákmenn eru hvattir til að skrá sig sem fyrst eftir að opnað verður fyrir skráningu. Mótið verður reiknað til hraðskákstiga og er öllum opið og er þátttaka ókeypis en skráning fer fram á Skák.is

Einnig er hægt að skrá sig í í síma 866 0116 (Vigfús) og 862 0099 (Kjartan). Tefldar verða 7 umferðir með 7 mínútna umhugsunartíma. Þetta er í 29. sinn sem mótið fer fram og er þetta iðulega eitt best sótta skákmót hvers árs. Í fyrra sigraði Jón Viktor Gunnarsson, sem þá tefldi fyrir Malbikunarstöðina Höfða.

Verðlaun:

1. 30.000 kr.
2. 20.000 kr.
3. 10.000 kr.

Upplýsingar um þegar skráða keppendur má nálgast hér.

Lenka Íslandsmeistari kvenna í áttunda sinn!

Lenka Ptácníková (2136) varð í gær Íslandsmeistari kvenna í áttunda skipti og í fimmta skipti í röð! Lenka vann Veroniku Steinunni Magnúsdóttur (1786) í fimmtu og síðustu umferð sem fram fór í gær. Lenka vann mótið með fullu húsi. Hallgerður Helga Þorsteinsdóttir (2014) vann Guðlaugu Þorsteinsdóttur (2051) í lokaumferðinni og komst upp að hlið hennar vinningalega séð og tók annað sætið eftir stigaútreikning.

Kjartan Maack, varaforseti SÍ, afhenti verðlaun mótsins í gær. 

Að lokum gerðu Tinna Kristín Finnbogadóttir (1931) og Hrund Hauksdóttir (1789) í lokaumferðinni. Það varð eina jafnteflisskák mótsins en taflmennskan á mótinu var í senn fjörleg og skemmtileg. 

Lenka hættar um 24 stig fyrir frammistöðuna sína á mótinu. Veronika hækkaði þó mest allra á mótinu eða um 28 skákstig. 

Lokastaðan

Skákstjórar mótsins voru Gunnar Björnsson og Björn Ívar Karlsson.

• Heimasíða mótsins
• Chess-Results

Ólympíufarinn: Róbert Lagerman

Ólympíuskákmótið fer fram 2.-14. september nk. í Bakú í Aserbaísjan. Nítján manns verða í sendinefnd Íslands. Fram að móti verða Ólympíufararnir kynntir - einn á dag. Yfirreiðin hefst með sjálfum Róberti Don Lagerman sem verður einn fimm íslenskra skákdómara á mótinu.

Nafn?

Róbert DON Lagerman

Aldur?

54

Hlutverk?

Match arbiter

Uppáhalds íþróttafélag?

Hrókurinn og Vinaskákfélagið

Hvernig er undirbúningi þínum fyrir mótið háttað?

Lúxus-hressingar meðferð á Hælinu í Hveragerði í 4 vikur, og lesa ákaflega þurr skáklög. 

Hvenær tókstu fyrst þátt á Ólympíuskákmóti og hversu oft hefur þú tekið þátt?

Bled 2002, þetta er í þriðja skiptið sem ég fer.

Getur þú nefnt frægan skákmann fæddan í Bakú?

Garik Kimovich Weinstein 

Minnisstæðasta atvik á Ólympíuskákmóti?

Ólympíugull 2002 í Bled (Ég vann þar mjög óvæntan sigur á Ólympíuleikunum í hraðskák, líkt og Bragi Halldórsson gerði í Luzern 20 árum fyrr eða 1982)

Er Kaspíahafið haf eða stöðuvatn?

Saltað stöðuvatn

Minnisstæða skák á Ólympíuskákmóti og af hverju?

Allar skákir á Ólympíuleikum eru minnisstæðar, enda eru Ólympíuleikar einstakir.

Hverjar eru þínar væntingar/vonir um gengi íslensku liðanna?

Stefnan hlýtur að vera verðlaunapallur

Í ljósi þess að Björn Þorfinnsson er ekki í Bakú-hópnum – hver verður aðaltrúður ferðarinnar?

Forzetinn 

Eitthvað að lokum?

Gens una sumus og ást.

Skákþáttur Morgunblaðsins: Jóhann teflir á Ólympíumótinu í Bakú

 

Ólympíumótið í skák hefst 1. september í Bakú í Aserbaídsjan. Þetta er stærsta skákhátíð ársins 2016 og skipuleggjendur telja líklegt að met verði slegið og þátttökuþjóðirnar verða 180 en á Ólympíumótinu í Tromsö fyrir tveim árum voru þær 172 talsins.

Íslenska liðið sem teflir í opna flokknum er skipað Jóhanni Hjartarsyni, Hannesi Hlífari Stefánssyni, Hjörvari Steini Grétarssyni, Guðmundi Kjartanssyni og Braga Þorfinnssyni. Jóhann tefldi síðast á Ólympíumótinu í Tórinó á Ítalíu fyrir 10 árum.

Athygli vekur að einvaldurinn og liðsstjórinn, Ingvar Jóhannesson, valdi ekki Héðin Steingrímsson. Héðinn fékk 17½ vinning samanlagt úr 22 skákum á tveim síðustu Íslandsmótum og m.a. vegna þeirrar frammistöðu telja margir óverjandi að ganga fram hjá honum. Pálmi Pétursson sagði sig frá landsliðsnefnd þegar niðurstaðan lá fyrir. 

50 ár frá merku Ólympíumóti

Við vorum nokkrir sem tókum þátt í heimsmeistaramótunum í atskák og hraðskák í Berlín sl. haust. Við opnunarhöfnina var keppendum boðið að sjá ræmuna Pawn sacrifice sem fjallar um einvígi Fischers og Spasskís í Reykjavík 1972. Þar sem við höfðum flestir séð myndina áður yfirgáfum við kvikmyndasalinn en á hæð neðar hittum við heiðursgest þessarar samkomu, Borís Spasskí. Hann tók okkur fagnandi og lék á als oddi þrátt fyrir fötlun sína. Og þessi dægrin rifjast upp barátta Spasskís við Bobby Fischer á tveim mótum árið 1966, fyrst á Piatigorski-mótinu í Kaliforníu sem hófst í ágúst og síðar á Ólympíumótinu í Havana á Kúbu í nóvember. Ýmis atvik þar má líta sem einhverskonar forleik að dramatíkinni hér á landi sex árum síðar. Viðureign Sovétmanna og Bandaríkjanna bar upp á helgan hvíldardag þeirrar evangelísku kirkjudeildar sem Fischer tilheyrði á þeim tíma. Sovétmenn höfnuðu tillögu að viðureigninni yrði frestað og Bandaríkjamenn mættu ekki og úrslitin 4:0. En svo barst boð að ofan – frá Moskvu – þess efnis og þjóðirnar skyldu tefla á næsta frídegi mótsins. Heimsmeistarinn Tigran Petrosjan eftirlét Spasskí að tefla við Bobby Fischer á 1. borði. Skákinni lauk með jafntefli, Tal vann Robert Byrne og úrslitin urðu 2½ :1½. 

Petrosjan fékk svo gullið á 1. borði, hlaut 11½ vinning úr 13 skákum eða 88,46% á móti árangri Fischers sem tefldi nær allar skákir mögulegar og hlaut 15 v. af 17 eða 88,23%.

Viktor Kortnoj sem tefldi í Havana taldi að Spasskí hefði ekki dregið nægilegan lærdóm af skákinni við Fischer þó að hann hefði verið í mikilli taphættu í þessari stöðu:

Ólympíumótið í Havana 1966:

Fischer – Spasskí

Talið hefur verið að Fischer hafi getað unnið þessa stöðu með hinum einfalda leik 38. He3 en teygði sig eftir a-peðinu og lék 38. Dxa6. Spasskí svaraði fyrir sig með 38.... Hc8! og eftir 39. Hd6 Hxc3 40. Hxf6 kom 40.... Be6! Fischer varð að láta skiptamun og hélt jafntefli í 57 leikjum eftir að skákin hafði farið í bið. „Sílikonvinurinn“ Houdini lætur sér fátt um finnast og mælir með 38. Bxe5! Vinninginn má sækja í endatafli sem kemur upp eftir 38.... Hxe5 39. Dxb8 Hxb8 40. Hxd7 He7 41. Hxe7 Bxe7 42. Hc1 Hb7 43. Bd5 Ha7 44. Kf1! Einn vandi svarts er sá að hinum eðlilega leik 44.... a5 má svara með 45. a4! bxa4 46. b5! með góðum vinningsmöguleikum.

Helgi Ólafsson [e-mail]

Grein þessi birtist í Morgunblaðinu 6. ágúst 2016

Skákþættir Morgunblaðsins

[Event "Havana"] [Site "Ol"] [Date "1966.??.??"] [EventDate "?"] [Round "?"] [Result "1/2-1/2"] [White "Robert James Fischer"] [Black "Boris Spassky"] [ECO "C93"] [WhiteElo "?"] [BlackElo "?"] [PlyCount "113"] 1. e4 e5 2. Nf3 Nc6 3. Bb5 a6 4. Ba4 Nf6 5. O-O Be7 6. Re1 b5 7. Bb3 O-O 8. c3 d6 9. h3 h6 10. d4 Re8 11. Nbd2 Bf8 12. Nf1 Bd7 13. Ng3 Na5 14. Bc2 c5 15. b3 cxd4 16. cxd4 Nc6 17. Bb2 g6 18. Qd2 Bg7 19. Rad1 Qb6 20. Nf1 Rad8 21. Ne3 Qb8 22. Bb1 Qb7 23. Rc1 Kh7 24. a3 Bc8 25. Bc3 Bd7 26. Qb2 Qb8 27. b4 Kg8 28. Rcd1 Nh7 29. Ba2 Ng5 30. Nxg5 hxg5 31. dxe5 dxe5 32. Nd5 Ne7 33. Nxe7+ Rxe7 34. Qd2 Bf6 35. Qd6 Kg7 36. Qxa6 Rc8 37. Rd6 Rxc3 38. Rxf6 Be6 39. Rxe6 fxe6 40. Rd1 Qb7 41. Qxb7 Rxb7 42. Bxe6 Rxa3 43. Kh2 Ra4 44. Rb1 Rc7 45. f3 Ra6 46. Bb3 Ra3 47. Rb2 Ra1 48. Kg3 Kf6 49. Kg4 Rc3 50. Bd5 Raa3 51. h4 gxh4 52. Kxh4 Ra1 53. Rd2 Raa3 54. Kg4 Rd3 55. Rf2 Rac3 56. Ra2 Ra3 57. Rb2 1/2-1/2

Aðalfundur TR á þriðjudaginn

ðalfundur Taflfélags Reykjavíkur verður haldinn þriðjudaginn 16.ágúst 2016 kl.20:30 í húsnæði félagsins að Faxafeni 12. Dagskrá fundarins er venjuleg aðalfundarstörf.

Borgarskákmótið fer fram á miðvikudaginn

Borgarskákmótið fer fram miðvikudaginn 17. ágúst, og hefst það kl. 16:00. Mótið fer fram venju samkvæmt í Ráðhúsi Reykjavíkur og standa  Taflfélag Reykjavíkur og Skákfélagið Huginn, að mótinu, eins og þau hafa gert síðustu ár. Gera má ráð fyrir að margir af sterkustu skákmönnum þjóðarinnar taka þátt í því. Skákmenn eru hvattir til að skrá sig sem fyrst eftir að opnað verður fyrir skráningu. Mótið verður reiknað til hraðskákstiga og er öllum opið og er þátttaka ókeypis en skráning fer fram á Skák.is

Einnig er hægt að skrá sig í í síma 866 0116 (Vigfús) og 862 0099 (Kjartan). Tefldar verða 7 umferðir með 7 mínútna umhugsunartíma. Þetta er í 29. sinn sem mótið fer fram og er þetta iðulega eitt best sótta skákmót hvers árs. Í fyrra sigraði Jón Viktor Gunnarsson, sem þá tefldi fyrir Malbikunarstöðina Höfða.

Verðlaun:

1. 30.000 kr.
2. 20.000 kr.
3. 10.000 kr.

Upplýsingar um þegar skráða keppendur má nálgast hér.

Lenka vann Guðlaugu - með vinningsforskot fyrir lokaumferðina

Lenka Ptácníková (2136) hélt áfram sigurgöngu sinni á Íslandsmóti kvenna í gær. Þá vann hún, í fjórðu og næstsíðustu umferð, helsta keppinaut sinn Guðlaugu Þorsteinsdóttur (2051). Guðlaug er önnur, þrátt fyrir tapið, með 3 vinninga. Hallgerður Helga Þorsteinsdóttir (2014) og Veronika Steinunn Magnúsdóttir (1786) eru í 3.-4. sæti með 2 vinninga. Hallgerður vann Tinnu Kristínu Finnbogadóttur (1931) í gær en Veró vann Hrund Hauksdóttur (1789).

Það gekk ýmislegt á í skák Lenku og Gullu. Lenka hafði hvítt og beitti 1. f4. Guðlaug fékk góða stóðu útúr byrjun skákarinnar. Eftir 14. leik hvíts kom þessi staða upp.

Svartur á leik

Hér á Gulla hið magnaða framhalda 14...hxg3 15. hxg3 g5! sem tryggir henni yfirburðartafl. Til dæmis er 16. fxg5 svarað með 16...Hh7! Ekki auðvelt að sjá. Gulla lék 14...d4 sem reyndar er eining prýðisleikur en eftir 15. Db5 Bb6 16. Rc4 var Lenka búin að laga helstu veikleika hvítu stöðunnar. Gulla lék svo illa af sér skömmu síðar og Lenka innbyrti vinninginn í 30 leikjum.

Hallgerður vann snemma peð gegn Tinnu. Halla bætti stöðu sína jafnt og þétt og eftir 20 leiki var þessi staða komin upp.

Hvítur á leik

Halla leik 21. Rb5! Eftir 21...Rxb5 22. Bxb5 fann Tinna ekkert betra en að gefa annað peð og langhrókaði. Halla innbyrti vinninginn í 50 leikjum.

Veronika vann Hrund í afar vel tefldri skák. Hrund lék síðast 25. g3 til að koma í veg fyrir framrás svarta f-peðsins.

Svartur á leik

25...f4! 26. Dxf4? (26. De2!)

26...Rf3+!! 27. Kf1 Dxf4 28. gxf4 Bc4+ 29. Bd3 Bxd3+ 30. Hxd3 Hg1+ 31. Ke2 Rxd4+. Hrund gafst upp. Glæsileg flétta hjá Veró.

Lokaumferðin fer fram á laugardag og hefjast kl. 14. Þá mætast:

Veronika - Lenka

Guðlaug - Hallgerður

Tinna - Hrund

Lenku dugar jafntefli til að tryggja sér titilinn. Eini möguleiki Guðlaugar á titlinum er að vinna Hallgerði og treysta á að Veronika vinni Lenku. Guðlaug er örugg með skipt annað sætið en Hallgerður og Veronika geta náð henni með sigri.

Verðlaunaafhending fer fram að lokinni umferð. 

• Heimasíða mótsins
• Chess-Results

Borgarskákmótið fer fram á miðvikudaginn

Borgarskákmótið fer fram miðvikudaginn 17. ágúst, og hefst það kl. 16:00. Mótið fer fram venju samkvæmt í Ráðhúsi Reykjavíkur og standa  Taflfélag Reykjavíkur og Skákfélagið Huginn, að mótinu, eins og þau hafa gert síðustu ár. Gera má ráð fyrir að margir af sterkustu skákmönnum þjóðarinnar taka þátt í því. Skákmenn eru hvattir til að skrá sig sem fyrst eftir að opnað verður fyrir skráningu. Mótið verður reiknað til hraðskákstiga og er öllum opið og er þátttaka ókeypis en skráning fer fram á Skák.is

Einnig er hægt að skrá sig í í síma 866 0116 (Vigfús) og 862 0099 (Kjartan). Tefldar verða 7 umferðir með 7 mínútna umhugsunartíma. Þetta er í 29. sinn sem mótið fer fram og er þetta iðulega eitt best sótta skákmót hvers árs. Í fyrra sigraði Jón Viktor Gunnarsson, sem þá tefldi fyrir Malbikunarstöðina Höfða.

Verðlaun:

1. 30.000 kr.
2. 20.000 kr.
3. 10.000 kr.

Upplýsingar um þegar skráða keppendur má nálgast hér.

Minningarmót Birnu Norðdahl á Reykhólum 20. ágúst: Keppendur hvattir til að skrá sig sem fyrst

Áhugasamir keppendur á Minningarmóti Birnu Norðdahl skákmeistara ættu að skrá sig sem fyrst. Mótið fer fram í íþróttahúsinu í hinu fallega og vinalega þorpi á Reykhólum við Breiðafjörð og verður vel tekið á móti öllum, enda Reykhólamenn þekktir fyrir gestrisni. 

Mótið hefst laugardaginn 20. ágúst kl. 14 og verða tefldar 8 umferðir með 10 mínútna umhugsunartíma. Kvenfélagskonur munu bjóða upp á ljúffengar veitingar að íslenskum sið í kaffihléi og um kvöldið verður hátíðarkvöldverður í íþróttahúsinu.  

Kvennalandslið Íslands mun nota tækifærið og fara í 2ja daga æfingabúðir á Reykhólum til að undirbúa sig fyrir Ólympíumótið í Bakú sem hefst í byrjun næsta mánaðar, enda var Birna einmitt frumkvöðull þess að fyrst var send út kvennasveit til Buenos Aires 1978. 

Þá hafa margir fleiri sterkir skákmenn boðað komu sína, með goðsögnina Friðrik Ólafsson í broddi fylkingar, ásamt nýbökuðum Íslandsmeistara Jóhanni Hjartarsyni og fyrsta heimsmeistara Íslands í skák, Jóni L. Árnasyni.

Vonast er til að fleiri félagar Jóhanns úr Ólympíuliðinu í Bakú mæti. Líka má nefna kempurnar Björn Þorfinnsson, Rúnar Sigurpálsson og Björn Ívar Karlsson. Mótið er öllum opið og þátttaka ókeypis. Hrafn Jökulsson svarar fyrirspurnum í [e-mail] og síma 695 0205. 

Hótel Bjarkalundur í Reykhólasveit er með sérstök tilboð fyrir þá sem vilja gista nóttina eftir mótið, og eru gestir eindregið hvattir til að taka sér tíma til að njóta einstæðrar náttúrufegurðar og gestrisni heimamanna. Hægt er að panta á [e-mail] og í boði er eftirfarandi fyrir skákmenn: 

• Eins manns herbergi með sameiginlegu baði, með morgunmat, kr. 9.000. 

• Tveggja manna herbergi með sameiginlegu baði, með morgunmat, kr. 13.000  / 15.000. 

• Eins manns herbergi með sér baði, með morgunmat, kr. 15.000. 

• Tveggja manna herbergi með sér baði, með morgunmat, kr. 20.000. 

Þá er einnig hægt að fá gistingu á hinu vistlega og nýstandsetta gistiheimili á Reykhólum, þar sem 2ja manna herbergi kostar kr. 11.000. Nánari upplýsingar í [e-mail]. 

Ennfremur eru í boði mjög skemmtileg og vel búin tjaldstæði á landnámsjörðinni Miðjanesi, nánari upplýsingar: [e-mail].

Fjölmargir aðilar í héraði aðstoða við undirbúning mótsins og prímus mótor í héraði er hinn kunni sagnfræðingur og skákvinur Hlynur Þór Magnússon á Reykhólum.

Nánari upplýsingar hjá Hrafni Jökulssyni í [e-mail]

Oliver Aron: Pistill frá Pardubice

Ég fór ásamt Jóni Trausta, Degi Ragnarssyni og Veroniku á Pardubice open þann 20. júlí. Við millilentum í Amsterdam og tókum svo lest frá Prag til Pardubice, bara frekar þægilegt ferðalag. Við gistum í háskólaíbúð sem að var ódýrasti kosturinn og það fór bara vel um okkur eftir að við höfðum keypt nokkrar viftur.

Við mættum á staðinn tveimur dögum fyrir mót. Ég og Dagur tefldum í A-flokk en Veronika og Jón í B-flokki. Mótið gekk ágætlega hjá mér og hækkaði ég um 23 stig. Það sem stóð uppúr mótinu hjá mér var sigur á Tékkneska stórmeistaranum Vlastimil Jansa sem ásamt Vlastimil Hort skrifaði bókina Besti Leikurinn. Ég ætla að skýra þá skák hérna að neðan.

Svartur á leik

22...g6!

Sjá nánar skákina skýrða að neðan.

Veljið skák (2 alls): 1: Jansa, Vlastimil - Johannesson, Oliver 2: Jansa, Vlastimil - Johannesson, Oliver

[Event "Pardubice"] [Site "?"] [Date "2016.07.24"] [Round "?"] [White "Jansa, Vlastimil"] [Black "Johannesson, Oliver"] [Result "0-1"] [ECO "B47"] [PlyCount "56"] [SourceDate "2016.08.06"] 1. e4 c5 2. Nf3 e6 3. d4 cxd4 4. Nxd4 Nc6 {Paulsen afbrigðið} 5. Nc3 Qc7 6. g3 a6 7. Bg2 Nf6 8. O-O h5 {Ég hafði undirbúið þennan leik fyrir skákina en hann hefur orðið vinsæll nýlega} 9. Nxc6 dxc6 10. Qe2 {Þetta er frekar bitlaus leikur sem leyfir svörtum að fá þægilegt tafl.} (10. e5 {Þetta er áhugaverður leikur sem að einhverjir hafa prófað en þetta er líka fínt á svart}) 10... e5 11. h3 Be7 12. Be3 Be6 13. f4 {Ég var ánægður að sjá þennan leik því að hann mun klárlega gefa mér mikið spil} exf4 14. gxf4 h4 { Nú kemur í ljós hversu veikur g3 reiturinn er og tilvalinn áfangastaður fyrir riddara} 15. f5 Bd7 16. Bf4 Qb6+ 17. Kh1 Nh5 18. Bh2 Ng3+ 19. Bxg3 hxg3 20. Qd3 Qc7 21. e5 {Hvítur hefur haldið að þessi leikur myndi bjarga honum en svartur tekur auðvitað ekki peðið} O-O-O 22. Rae1 g6 $1 {Hérna er svartur kominn með unnið tafl og ekkert sem að hvítur getur gert til að bjarga sér} 23. fxg6 Bxh3 24. Bxh3+ Rxh3+ 25. Kg2 Rh2+ 26. Kxg3 Rxd3+ 27. cxd3 Rh8 28. gxf7 Qd7 0-1

[Event "Pardubice"] [Site "?"] [Date "2016.07.24"] [Round "?"] [White "Jansa, Vlastimil"] [Black "Johannesson, Oliver"] [Result "0-1"] [ECO "B47"] [PlyCount "56"] [SourceDate "2016.08.06"] 1. e4 c5 2. Nf3 e6 3. d4 cxd4 4. Nxd4 Nc6 {Paulsen afbrigðið} 5. Nc3 Qc7 6. g3 a6 7. Bg2 Nf6 8. O-O h5 {Ég hafði undirbúið þennan leik fyrir skákina en hann hefur orðið vinsæll nýlega} 9. Nxc6 dxc6 10. Qe2 {Þetta er frekar bitlaus leikur sem leyfir svörtum að fá þægilegt tafl.} (10. e5 {Þetta er áhugaverður leikur sem að einhverjir hafa prófað en þetta er líka fínt á svart}) 10... e5 11. h3 Be7 12. Be3 Be6 13. f4 {Ég var ánægður að sjá þennan leik því að hann mun klárlega gefa mà r mikið spil} exf4 14. gxf4 h4 { Nú kemur í ljós hversu veikur g3 reiturinn er og tilvalinn áfangastaður fyrir riddara} 15. f5 Bd7 16. Bf4 Qb6+ 17. Kh1 Nh5 18. Bh2 Ng3+ 19. Bxg3 hxg3 20. Qd3 Qc7 21. e5 {Hvítur hefur haldið að þessi leikur myndi bjarga honum en svartur tekur auðvitað ekki peðið} O-O-O 22. Rae1 g6 $1 {Hérna er svartur kominn með unnið tafl og ekkert sem að hvítur getur gert til að bjarga sér} 23. fxg6 Bxh3 24. Bxh3+ Rxh3+ 25. Kg2 Rh2+ 26. Kxg3 Rxd3+ 27. cxd3 Rh8 28. gxf7 Qd7 0-1