EM ungmenna: 4½ vinningur í hús í dag

Önnur umferð EM ungmenna fór fram í dag í Prag. Öllu betur gekk í dag en í gær og kom 4½ vinningur í hús í 11 skákum. Björn Hólm Birkisson (u16), Jón Kristinn Þorgeirsson (u18), Freyja Birkisdóttir (u10) unnu í dag. Róbert Luu (u12), Vignir Vatnar Stefánsson (u14) og Bárður Örn Birkisson (u16) gerðu jafntefli. 

Vignir Vatnar (u14) er efstur íslensku krakkanna með 1½ vinning. 

Úrslit 2. umferðar:

Þriðja umferð fer fram á morgun. 

 

• Heimasíða mótsins
• Chess-Results
• Beinar útsendingar

Suzuki bílar (Helgi Áss) sigurvegarar Borgarskákmótsins

Stórmeistarinn Helgi Áss Grétarsson sem tefldi fyrir Suzuki bíla sigraði á 31. Borgarskákmótinu sem fram fór í Ráðhúsi Reykjavíkur á miðvikudaginn 17. ágúst sl. Þá voru rétt tæp 30 ár síðan fyrsta Borgarskákmótið fór fram í Lækjargötu á 200 ára afmæli Reykjavíkurborgar þann 18. ágúst 1986. Helgi sigraði alla andstæðinga sína og lauk móti með 7 vinninga. Þetta er í þriðja sinn sem Helgi Áss sigrar á mótinu en nokkuð langt er um liðið síðan því hann vann mótin 1992 og 1994. Suzuki bílar brutu hins vegar blað í sögu keppninnar og voru fyrsta fyrirtækið til að vinna mótið í tvisvar en þeir höfðu áður unnið mótið 2008 en deildu þá efsta sætinu með Ístak.

Formaður borgarráðs og staðgengill Borgarstjóra Sigurður Björn Blöndal setti mótið, Að því loknu lék hann fyrsta leiknum í skák Jóhanns Hjartarsonar (Hlaðbær Colas hf) og Birkis Karls Sigurðssonar (Samhentir kassagerð). Mótið í ár var vel sótt en alls tók 71 keppandi þátt að þessu sinni. Skráning í mótið fór hægt að stað og margir skráðu sig seint og sumir ekki fyrr en á skákstað. Fyrirfram var gert ráð fyrir að keppendur yrðu ekki fleiri en 70 og líklegur þátttakendafjöldi væri í kringum 60 og voru aðeins 36 skáksett á staðnum. Nokkuð var um misröðun í settunum frá fyrri mótum þannig að aðeins náðust 35 nokkuð heil sett út úr þeim töflum. Þar í vantaði eina svarta drottningu og í snatri kveðinn upp sá úrskurður á því borði væri svartur hrókur á hvolfi ígildi drottningar. Þessi svarti hrókur á hvolfi gekk svo á milli borða eftir umferðum eins og heita kartaflan sem enginn vildi hafa.

Átta titilhafar tóku þátt í mótinu og fyrirfram mátti búast við harðri keppni þeirra á milli um sigur á mótinu. Sú varð líka raunin því þeir tóku sjö af 10 efstu sætunum. Þrír titillausir keppendur komust á milli þeirra. Þeirra fremstur var skákdómarinn Omar Salama (Efling stéttarfélag) sem varð annar í mótinu með 6v eins og alþjóðlegi meistarinn Guðmundur Kjartansson (Verkalýðsfélagið Hlíf) sem var þriðji en Omar var sjónarmun á undan á stigum.

Yfir sjötíu ára aldursmunur var á yngsta og elsta keppenda mótsins þeim Tryggva Jónssyni (8) og Magnúsi V. Jónssyni (83) sem á árum áður var þekktur knattspyrnudómari og stóðu þeir báðir sig með prýði. Yngri skákmenn voru nokkru færri en oft áður þar sem 11 manna hópur fór á HM ungmenna daginn áður. Þeir sem heima sátu stóðu fyrir sínu en fremstur fór Oliver Aron Jóhannesson (Borgun hf) sem hlaut 5,5v. Skammt undan komu svo Jón Trausti Harðarson (Reykjavíkurborg) með 5v og Örn Leó Jóhannsson (Sorpa) með 4,5.

Af titillausum skákmönnum náði Bragi Halldórsson (Hamborgarabúlla Tómasar) athygliverðum árangri með því að lenda í 4 sæti með 5,5v eins og Oliver Aron en Bragi hafði 4. sætið á stigum. Bragi tapaði aðeins fyrir sigurvegara mótsins og gerði jafntefli við Oliver í lokaumferðinni en vann aðra andstæðinga. Sá þriðji á titils sem var í topp 10 var Ögmundur Kristinsson (Ís-spor) sem fékk 5v.

Af stúlkunum stóð Lenka Ptacniková (Hreyfill/Bæjarleiðir) sig best (4v), Hallgerður Helga Þorsteinsdóttir (Hlölla bátar) (4v) og Jóhanna Björg Jóhannsdóttir (Góa/Linda sælgætisgerð) (4). Það verður nóg að gera hjá þeim því kvennalandsliðið fer í æfingabúðir á Reykhólum um næstu helgi og tekur þátt í minningarmóti um Birnu Norðdahl á laugardaginn.

Töluverður fjöldi áhorfenda var á mótinu, þá aðallega túristar sem staddir voru í Ráðhúsinu og fylgdust spenntir með af pallinum. Meðan skákstjórar brugðu sér í mat fyrir mótið notuð margir þeirra tækifærið og settust að tafli þannig að þeir komu til baka úr matnum voru túristar búnir að yfirtaka skáksalinn þannig að annað hvert borð var setið og tiltölulega fáir túristar við landakortið.

Skákfélagið Huginn vill koma á framfæri þökkum til allra þeirra sem tóku þátt, Borgarinnar fyrir að hýsa mótið, Taflfélagi Reykjavíkur fyrir samstarfið og síðast en ekki síst þeim fjölmörgu fyrirtækjum sem styrktu mótið.

Sjáumst að ári!

Lokastaðan:

Röð		Nafn	Stig	Fyrirtæki	Vinn.	BH.
1	GM	Gretarsson Helgi Ass	2450	Suzuki bílar	7	32½
2		Salama Omar	2282	Efling Stéttarfélag	6	33½
3	IM	Kjartansson Gudmundur	2354	Verkalýðsfélagið Hlíf	6	32½
4		Halldorsson Bragi	2175	Hamborgarabúlla Tómasar	5½	32
5	FM	Johannesson Oliver	2138	Borgun hf	5½	27
6	IM	Jensson Einar Hjalti	2327	Ölstofan	5	32
7		Kristinsson Ogmundur	2075	Ís-spor	5	31½
8	FM	Sigfusson Sigurdur	2225	N1	5	30½
9	GM	Hjartarson Johann	2585	Hlaðbær Colas hf	5	30½
10	FM	Sigurpalsson Runar	2303	Húsasmiðjan hf	5	30½
11		Bjornsson Bjorn Freyr	2145	Kvika Banki ehf	5	30
12		Runarsson Gunnar	2103	Kópavogsbær	5	28½
13		Halldorsson Halldor	2223	Sjóvá Tryggingafélag	5	28
14		Hardarson Jon Trausti	1942	Reykjavíkurborg	5	24½
15		Thorsson Olafur	2170	Lucky records	4½	33
16		Johannsson Orn Leo	2098	Sorpa	4½	32½
17		Gudfinnsson Saebjorn	0	Kentucky Fried Chicken	4½	29½
18		Arnarsson Hrannar	2073	Iceland Travel	4½	26
19	WGM	Ptacnikova Lenka	2089	Hreyfill/Bæjarleiðir hf	4	30
20		Thorsteinsdottir Hallgerdur	1943	Hlölla bátar	4	27½
21		Bjornsson Gunnar	2105	Mjólkursamsalan	4	27½
22		Andrason Pall	1953	Arion Banki	4	27
23		Bergsson Stefan	2073	Hvalur hf	4	27
24		Maack Kjartan	2197	Íslandspóstur	4	26
25		Bjornsson Sverrir Orn	2057	Grillhúsið Tryggvagötur	4	26
26		Mamak Wojciech	1953		4	26
27		Johannsson Hjortur Yngvi	1613		4	25½
28		Finnlaugsson Gunnar	2070	Starfsmannfelag Reykjavíkurborggar	4	25½
29		Sigurdsson Arnljotur	1868		4	24½
30		Eliasson Kristjan Orn	1860	Landsbankinn	4	22
31		Kolka Dawid	1735	Malbikunarstöðin Höfði	4	21½
32		Johannsdottir Johanna Bjorg	1966	Góa/Linda sælgætisgerð	4	21½
33		Haraldsson Sigurjon	1754	Hótel Borg	3½	31
34		Berndsen Birgir	1892	Tapas barinn	3½	25½
35		Magnusson Thorlakur	1760	ÍTR	3½	24½
36		Ulfljotsson Jon	1625	Kaupfélag Skagfirðinga	3½	24
37		Sigurdsson Birkir Karl	1802	Samhentir kassagerð	3½	24
38		Palsson Halldor	1930	Olís hf	3½	22½
39		Helgi Petur Gunnarsson	0		3½	22
40		Davidsson Oskar Vikingur	1466	Íslandsstofa	3½	21½
41		Thorsson Pall	1790	AKA Ísaga	3	31
42		Sigurdsson Snorri Thor	1955	Verkís hf	3	25
43		Hauksson Hordur Aron	1805	Grafía	3	24
44		Haraldsson Oskar	1775	Slökkvilið höfuðborgarsvæðisins	3	23½
45		Magnusdottir Veronika Steinun	1525		3	22
46		Mai Alexander Oliver	1480		3	22
47		Mai Aron Thor	1714	Valitor	3	21½
48		Angantysson Asgrimur	0		3	21
49		Sigurvaldason Hjalmar	1511		3	19½
50		Viglundsson Jon	0		3	18
51		Davidsson Stefan Orri	1211		3	17
52		Finnsson Finnur	1498		3	17
53		Ragnarsson Heimir Pall	1433		3	16
54		Fivelstad Jon Olav	1758		2½	25
55		Haraldsson Gunnar Orn	1740	Gámaþjónustan hf	2½	24
56		Plantada Siurans Estanislau	1463		2½	22
57		Jonsson Robert Leo	1633		2½	22
58		Asgrimsson Olafur Sigurbj	0	Landsvirkjun hf	2½	18½
59		Jonasson Hordur	1421		2½	18
60		Agnarsson Ingi	0		2	25
61		Thoroddsen Arni	1584		2	24½
62		Jonatansson Sigurdur Freyr	1583		2	24
63		Einarsson Oskar Long	1675	Guðmundur Arason Smíðajárn	2	22
64		Jonsson Sveinbjorn	1635		2	19
65		Ingveldarson Thorvaldur Kari	0		2	18
66		Johannesson Petur	1278		2	17
67		Petursson Magnus V.	0		2	16½
68		Haile Batel Goitom	0		1	19½
69		Kristbergsson Bjorgvin	1212		1	17½
70		Jonsson Tryggvi	0		1	17½
71		Jonsson Arni Bjartur	0		1	17½

 

Nánar á Chess-Results.

Ólympíufarinn: Ingibjörg Edda Birgisdóttir

Ólympíuskákmótið fer fram 2.-13. september nk. í Bakú í Aserbaísjan. Nítján manns verða í sendinefnd Íslands. Fram að móti verða Ólympíufararnir kynntir - einn á dag.

Í dag kynnum við til sögunnar Ingibjörgu Eddu Birgisdóttur sem er einn fimm íslenskra skákstjóra á mótinu.

Nafn?

Ingibjörg Edda Birgisdóttir   

Aldur?

31

Hlutverk?

Sjá til þess að fólk fari eftir settum reglum og hagi sér skikkanlega. 

Uppáhalds íþróttafélag?

Að sjálfsögðu Leiknir Rvk

Hvernig er undirbúningi þínum fyrir mótið háttað?

Hef verið skákstjóri á mörgum stórum mótum á Íslandi síðustu ár einnig var ég skákstjóri á alþjóðlegu móti í Sardiníu í júní og þar græddi ég hellings reynslu. Eg er byrjuð að drekka kaffi aftur. Þarf að vera tilbúin að drekka ca 6 bolla á dag. Ætli ég renni ekki yfir Fide reglurnar líka og hafi þær á hreinu.

Hvenær tókstu fyrst þátt á Ólympíuskákmóti og hversu oft hefur þú tekið þátt?

Hef því miður aldrei teflt á Ólympíumóti en var dómari í Tromsö árið 2014.

Getur þú nefnt frægan skákmann fæddan í Bakú?

Grantas Grigorianas góður vinur minn sem tefldi með SSON í mörg ár. Kasparov er líka pínu frægur. 

Minnisstæðasta atvik á Ólympíuskákmóti?

Þegar maður lét lífið við skákborðið. Þetta var í Tromsö. Virkilega sorglegt. 

Er Kaspíahafið haf eða stöðuvatn?

Myndi telja að það væri stöðuvatn.

Minnisstæða skák á Ólympíuskákmóti og af hverju?

Þar sem ég er dómari má ég ekki fylgjast með því sem er að gerast í skákunum eða hafa skoðanir á því sem gerist í þeim. Ef ég myndi óvart detta inní skákirnar myndi ég aldrei segja frá því  hehe 

Hverjar eru þínar væntingar/vonir um gengi íslensku liðanna?

Lýst mjög vel á liðin þetta árið. Hópurinn er mjög flottur og ég hef fulla trú á að þjálfararnir séu búnir að undirbúa liðin eins vel og hægt er.

Í ljósi þess að Björn Þorfinnsson er ekki í Bakú-hópnum – hver verður aðaltrúður ferðarinnar?

Virðulegi forseti vor mun líklega taka það að sér miðað við sögur sem maður er búin að heyra undanfarna mánuði. 

Eitthvað að lokum?

Hlakka til að takast á við þetta verkefni. Þakka SÍ fyrir frábært starf. Það er ekki auðvelt að komast inn sem dómari á Olympíumótinu og Það er þeim að þakka að við litla Ísland fengum 5 dómarasæti inn núna í Bakú og einnig 2014 þegar mótið var í Tromsö.

Takk fyrir mig

Inga is out 

Hraðskákkeppnin: Sannfærandi sigur Hugins-b gegn Kvennalandsliðinu

Kvennalandsliðið mætti b-sveit Hugins í síðustu viðureign fyrstu umferðar Hraðskákkeppni taflfélaga í gærkvöldi. Huginsmenn hafa yfir að skipa mjög þéttu og jöfnu liði, skipað reynslumiklum hraðskákmönnum, og það gerði gæfumuninn að þessu sinni.

Lokatölur urðu 14-58, Huginsmönnum í vil.

Einstaklingsúrslit Hugins-b:

Kristján Eðvarsson 11/12

Baldur Kristinsson 10,5/12

Bragi Halldórsson 9,5/12

Sigurður Daði Sigfússon 8,5/12

Ögmundur Kristinsson 7/12

Magnús Teitsson 6/6

Gunnar Björnsson 4,5/6

Liðsstjóri liðsins var Þorsteinn Þorsteinsson

Einstaklingsúrslit Kvennalandsliðsins:

Lenka Ptacniková 6,5/12

Hallgerður Helga Þorsteinsdóttir 5/12

Jóhanna Björg Jóhannsdóttir 2,5/12

Veronika Steinunn Magnúsdóttir 0/12

Sigríður Björg Helgadóttir 0/12

Svava Þorsteinsdóttir 0/12

Liðsstjóri liðsins var Björn Ívar Karlsson

Í Kvennalandsliðið vantaði Guðlaugu Þorsteinsdóttur og Hrund Hauksdóttur sem tefla með liðinu á Ólympíuskákmótinu í Bakú, sem fram fer í september. Kvennaliðið er þessa dagana á lokametrunum í undirbúningi sínum fyrir mótið. Þær tefla í Minningarmótinu um Birnu Norðdahl sem fram fer laugardaginn 20. ágúst á Reykhólum en sömu helgi verða jafnframt æfingabúðir hjá liðinu undir stjórn landsliðsþjálfarans Björns Ívars Karlssonar.

Huginsmenn eru til alls líklegir í keppninni en þeir mæta Skákgenginu í 8-liða úrslitum.

Stjórnarskipti hjá TR - Kjartan nýr formaður

Aðalfundur Taflfélags Reykjavíkur var haldinn nýverið og ný stjórn kosinn, venju samkvæmt, fyrir starfsárið 2016-2017.

Björn Jónsson sóttist ekki eftir endurkjöri í embætti formanns eftir að hafa leitt félagið undanfarin þrjú kjörtímabil. Hefur formannstíð Björns einkennst af kraftmikilli elju sem hefur endurspeglast í blómlegu starfi félagsins undanfarin misseri. Umsvif félagsins hafa aukist umtalsvert, bæði hvað varðar mótahald og kennslu. Þá hafa ýmsar nýjungar litið dagsins ljós fyrir tilstuðlan Björns; Nýtt námsefni fyrir börn, Bikarsyrpa TR, Páskaeggjasyrpa TR og skemmtikvöldin vinsælu, svo fátt eitt sé nefnt. Taflfélag Reykjavíkur þakkar Birni heilshugar fyrir fórnfúst starf í þágu félagsins.

Við embætti formanns tekur Kjartan Maack. Aðrir í nýkjörinni stjórn og varastjórn félagsins eru Þórir Benediktsson, Ríkharður Sveinsson, Sigurlaug R. Friðþjófsdóttir, Eiríkur K. Björnsson, Gauti Páll Jónsson, Magnús Kristinsson, Þorvarður Fannar Ólafsson, Torfi Leósson, Veronika Steinunn Magnúsdóttir og Birkir Bárðarson.

EM ungmenna: Vignir Vatnar vann í fyrstu umferð

EM ungmenna hófst í dag í Prag í Tékklandi. Ellefu íslensk ungmenni taka þátt undir vökulum augum fararstjóranna og þjálfaranna Helga Ólafssonar og Hjörvars Steins Grétarssonar. Vignir Vatnar Stefánsson, sem teflir í flokki 14 ára og yngri, byrjaði best og vann sína skák í fyrstu umferð

Tómas Möller, sem teflir í flokki 8 ára og yngri, gerði jafntefli í sinni fyrstu skák á alþjóðlegu móti og var hamingjusamur ásamt þjálfaranum að lokinni skák.

Bárður Örn Birkisson (sem teflir í flokki 16 ára og yngri, gerði einnig jafntefli.

Aðrar skákir töpuðust en þess má geta að það var aðeins Vignir Vatnar sem tefldi við stiglægri keppenda í upphafsumferðinni. Aðrir tefldu við stigahærri andstæðing. 

Úrslit 1. umferðar:

Skákemnn þurfa að hugsa skýrt. Það gladdi mjög Gauta Pál Jónsson, eitt íslensku ungmennanna, að í Prag sé hægt að kaupa íslenskt skyr. Gauti mun án efa koma sterkur inn í skákina á morgun - eins og aðrir meðlimir íslensku sendinefndarinnar. 

 

 

• Heimasíða mótsins
• Chess-Results
• Beinar útsendingar

Ólympíufarinn: Guðlaug Þorsteinsdóttir

Ólympíuskákmótið fer fram 2.-13. september nk. í Bakú í Aserbaísjan. Nítján manns verða í sendinefnd Íslands. Fram að móti verða Ólympíufararnir kynntir - einn á dag.

Í dag kynnum við til sögunnar Guðlaugu Þorsteinsdóttur sem teflir á öðru borði í kvennalandsliðinu.

Nafn?

Guðlaug Unnur Þorsteinsdóttir

Aldur?

55 ára.

Hlutverk?

Tefli með kvennaliðinu.

Uppáhalds íþróttafélag?

Uppáhaldsíþróttafèlag er Glímufélag Dalamanna, eitthvað svo magnað að horfa á íslenska karlmenn takast á í fangbrögðum, eitthvað sem maður sér ekki í skákinni. Í öðru sæti er Breiðablik.

Hvernig er undirbúningi þínum fyrir mótið háttað?

Undirbúningi er háttað með þátttöku í mótum, heimastúderingum og tímum hjá Birni Ívari og Einari Hjalta.

Hvenær tókstu fyrst þátt á Ólympíuskákmóti og hversu oft hefur þú tekið þátt?

Tók fyrst þátt í Ólympíumóti 1978 í Buenos Aires, Argentínu, þegar kvennasveit var fyrst send að frumkvæði Birnu heitinnar Norðdahl. Í minningunni var þetta í sól og hita í desember mánuði og við komum öll brún og sælleg til baka, sem vinum mínum þótti hvað merkilegast við þessa ferð í þá daga. Skv. fornleifarannsóknum Hrafns Jökulssonar þá hef èg teflt á 6 ólympíumótum og Baku verður no 7; heilög tala, hlýtur að ganga vel.

Getur þú nefnt frægan skákmann fæddan í Bakú?

Hlýtur að vera Teimur Radjabov sem þið eruð að fiska eftir, enda í fiskamerkinu eins og ég.

Minnisstæðasta atvik á Ólympíuskákmóti?

Þarf að hugsa þetta nánar, allt er svo eftirminnilegt. Kem að þessu aftur síðar.

Er Kaspíahafið haf eða stöðuvatn?

Kaspíahaf er að sjálfsögðu stöðuvatn eða hvað.

Minnisstæða skák á Ólympíuskákmóti og af hverju?

Á maður ekki þá að nefna vinningsskákir? Einhvern veginn man maður meira blunder-tapskákir sem að sjálfsögðu eru ómarktækar. En ég fór ekki á Ólympíumót milli 1984-2004 svo skákir fyrir þann tíma eru "gleymdar". Mér dettur í hug vinningsskák með hvítu á móti Jelica Mara (Croatia 2252) í Calvia 2004, það var stöðubarátta með svíðingsgegnumbroti og var fegin að klúðra því ekki. Var nettur endir.

Hverjar eru þínar væntingar/vonir um gengi íslensku liðanna?

Væntingar til liðsins míns er að við höfum gaman að þessu, förum ekki á taugum og gerum okkar besta! Fyrir strákana, að vakna snemma á morgnana og mæta með góða skapið í morgunmat. Að öllu gamni slepptu þá höfum að sjálfsögðu mikinn metnað og stefnum að því að vera fyrir ofan hin Norðurlöndin.

Í ljósi þess að Björn Þorfinnsson er ekki í Bakú-hópnum – hver verður aðaltrúður ferðarinnar?

Mér skilst að Kjartan Maack verði þarna að ógleymdum forseta vorum, svo við erum í öruggum höndum. Ef allt bregst þá er bara að nota skypið og hringja í Bjössa.

Eitthvað að lokum?

Það er mikill heiður að fá að fara út og tefla fyrir Íslands hönd og ég þakka traustið. Þið sem heima eruð og horfið á skákirnar "on line" þið sendið okkur jákvæða strauma, gleðjist með sigrunum og "húið" á okkur!

Guðmundur, Einar Hjalti og Lenka tefla á Norðurlandamótinu í skák

Alþjóðlegu meistararnir Guðmundur Kjartansson (2442) og Einar Hjalti Jensson (2371) verða fulltrúar Íslands á Norðurlandamótinu í skák sem fram fram fer í Sastamala í Finnlandi 22.-30. október nk. Á mótinu tefla 12 skákmenn allir við allar - tveir frá hverju Norðurlandanna.

Lenka Ptácníková (2136) verður fulltrúi Íslands á Norðurlandamóti kvenna sem fram fer samhliða. 

Einnig fara fram Norðurlandamót skákmanna 50 ára og eldri og 65 ára og eldri. Þau mót eru opin fyrir áhugasama skákmenn á þessum aldri. Fyrstu verðlaun á Íslandsmóti 65 ára eldri, sem fram fer 10. september nk., er 50.000 kr. ferðastyrkur á mótið.

Nánar um Norðurlandamótið í skák. 

 

Skákþing Norðlendinga fer fram 26.-28. ágúst

Skákþing Norðlendinga 2016 verður haldið í safnaðarheimili Siglufjarðarkirkju helgina 26. til 28. ágúst næstkomandi. Skákfélag Siglufjarðar sér um mótshaldið. Mótið er opið öllu skákáhugafólki. Tefldar verða sjö umferðir eftir Monrad-kerfi, þ.e.a.s. fjórar atskákir og þrjár kappskákir.

Mótið verður reiknað til íslenskra skákstiga og til FIDE-skákstiga. Skákstjóri verður Ingibjörg Edda Birgisdóttir. Núverandi Skákmeistari Norð-lendinga er Jón Kristinn Þorgeirsson frá Akureyri.

Dagskrá

• Föstudagur 26. ágúst kl. 20.00: 1.-4. umferð. Atskákir, 25 mínútur á mann.
• Laugardagur 27. ágúst kl. 10.30: 5. umferð. 90 mínútur + 30 sekúndur við hvern leik.
• Laugardagur 27. ágúst kl. 16.30: 6. umferð. 90 mínútur + 30 sekúndur við hvern leik.
• Sunnudagur 28. ágúst kl. 10.30: 7. umferð. 90 mínútur + 30 sekúndur við hvern leik.

Aðalverðlaun

1. sæti: 50.000 krónur. 

(Ef sigurvegari mótsins er ekki með lögheimili á Norðurlandi eru verðlaun Skákmeistara Norðlendinga einnig 50.000 krónur.)

2. sæti:  25.000 krónur.
3. sæti:  10.000 krónur.

Aukaverðlaun

1. Efstur skákmanna undir 1800 íslenskum skákstigum (með lögheimili á Norðurlandi).
2. Efstur heimamanna (í Skákfélagi Siglufjarðar).
3. Efstur stigalausra (með lögheimili á Norðurlandi).

Eingöngu verður hægt að vinna til einna aukaverðlauna.

Peningaverðlaunum verður skipt á milli manna, verði þeir jafnir að vinningum. Þetta á við um bæði aðal- og aukaverðlaun.

Skráning og þátttökugjald

Skráning er hafin og fer hún fram á vefslóðinni: siglfirdingur.is/skakthing. Upplýsingar um skráða keppendur er jafnframt að finna þar. Skráningu verður lokað á hádegi 26. ágúst. Þátttökugjaldið er krónur 3.000 fyrir 17 ára og eldri, en 1.500 krónur fyrir 16 ára og yngri.

Hraðskákmót Norðlendinga 2016

Hraðskákmót Norðlendinga 2016 verður svo haldið sunnudaginn 28. ágúst á sama stað en það hefst ekki fyrr en kl. 15.00. Ekkert þátttökugjald er í það. Núverandi Hrað-skákmeistari Norðlendinga er áðurnefndur Jón Kristinn Þorgeirsson frá Akureyri.

Bakhjarlar

Bakhjarlar þessara skákmóta tveggja eru Arion banki, Hótel Siglunes, Rammi, Samkaup-Úrval, Siglufjarðarkirkja, Skáksamband Íslands, SR-vélaverkstæði og Verkfræðistofan Grundun.

Nánari upplýsingar

Sigurður Ægisson, formaður Skákfélags Siglufjarðar, veitir allar frekari upplýsingar um mótin. Símanúmer hans eru 467-1263 og 899-0278 og netfang [e-mail].

Skákgengið vann Vinaskákfélagið

Fyrsta viðureign Hraðskákkeppni taflfélaga fór fram þriðjudaginn 15. ágúst í Vin. Skákgengið sótti Vinaskákfélagið heim og vann fremur öruggan sigur á Vinverjum. Gestirnir fengu 42½ vinning gegn 29½ vinning gestgjafana.

Loftur Baldvinsson, formaður Gengisins, fór fyrir sínum mönnum og hlaut 11 vinninga í 12 skákum. Halldór Kárason og Páll Þórsson fengu 8 vinninga hvor.

Hrafn Jökulsson, fráfarandi varaforseti Vinaskákfélagsins, fór fyrir sínum mönnum og hlaut 8½ vinning. Aðalsteinn Thorarensen var einnig öflugur og hlaut 6 vinninga.

Annað kvöld fer fram viðureign Kvennalandsliðsins og Hugins-b. Að lokinni þeirri viðureign verður dregið í átta liða úrslit sem eiga að vera lokið 31. ágúst nk.

Heimasíða Hraðskákkeppni taflélaga.