Kringluskákmótið fer fram í dag

Kringluskákmótið 2016 fer fram fimmtudaginn 22. september, og hefst það kl. 17:00. Mótið fer fram í Kringlunni, en að mótinu stendur Víkingaklúbburinn skákfélag, með aðsetur í Víkingsheimilinu í Víkinni, í samstarfi við markaðsdeild Kringlunnar. 

Gera má ráð fyrir að margir af sterkustu skákmönnum þjóðarinnar muni taka þátt í því. Skákmenn eru hvattir til að skrá sig sem fyrst eftir að opnað verður fyrir skráningu i ágúst. Mótið er öllum opið og er þátttaka ókeypis en skráning mun fara fram á Skák.is (Guli kassinn). Hámarkfjöldi keppenda er 40 manns og því er ekki hægt að tryggja þátttöku nema að skrá sig til leiks. Einnig er hægt að skrá sig í síma 8629744 (Gunnar). Fyrirkomulag mótsins er þannig að keppendur draga fyritækjaspjald úr hatti, sem keppandinn síðan teflir fyrir í mótinu.  Skráningu líkur kl 12.00 að hádegi á mótsdag. Tefldar verða 8 umferðir með 5 mínútna umhugsunartíma.  

1. verðlaun 15.000 kr.

2. verðlaun 10.000 kr

3. verðlaun 5000 kr.  

Sigurvegarinn mótsins hlýtur titilinn Kringuskákmeistari 2016 og forlátan verðlaunagrip að auki. Núverandi Kringlumeistari er Björn Þorfinnsson, sem telfdi fyrir hið íslenska reðursafn.   Skákstjórar á mótinu verða Haraldur Baldursson og Kristján Örn Elíasson. 

Úrslit Kringlumótsins 2015 hér: og hér:
Kringlumóitið 2015, myndaalbúm hér:

Íslandsmót ungmenna (u8-u16) fer fram 8. og 9. október

Íslandsmót ungmenna fer fram helgina 8.-9. október í Rimaskóla. Teflt er í fimm flokkum. Krýndir verða 10 Íslandsmeistarar - efsti strákur og efsta stelpa í öllum flokkunum fimm. Glæsilegar vinningar í boði.

Allir flokkar hefjast 12:00 á laugardeginum. Tekið verður við þátttökugjöldum og staðfestingu á mætingu frá 11:20 – 11:50. Þeir keppendur sem mæta eftir 11:50 geta misst sæti sitt í mótinu.

Skráning er á Skák.is (guli kassinn efst) til og með 6. október. Upplýsingar um þegar skráða keppendur má finna hér.

Þátttökugjald er krónur 1.500 og greiðist með reiðufé við staðfestingu á mætingu. Systkini borga aldrei meira en 2.500 kr. samtals. Hægt er jafnframt að greiða í gegnum netbanka fyrir mót inn á reikning 101-26-12763, kt. 58026-5409. Vinsamlegast látið nafn keppenda koma fram í skýringu og sendið kvittun á [e-mail].

Stefnt er að því að tefla í sérflokkum fyrir stráka og stelpur en mögulega þarf að sameina einstaka flokka verði þátttaka ekki nægjanleg. Sigurvegari í flokki 9-10 ára tryggir sér sæti á Norðurlandamótinu í skák sem fer fram í febrúar í Noregi. Sigurvegarar í elstu flokkunum þremur tryggja sér sæti á Unglingameistaramóti Íslands.

Verði menn jafnir í efstu sætum er teflt um Íslandsmeistaratitla en stig reiknuð um önnur sæti. Í flokki átta ára og yngri verða þó reiknuð stig um öll sæti.

8 ára og yngri (f. 2008 og síðar)

Umhugsunartími: 10 mínútur.

Fjöldi umferða: Allir keppendur tefla fimm umferðir á laugardeginum. Eftir fimm umferðir verður niðurskurður þannig að keppendur með þrjá vinninga eða fleiri komast áfram og mæta líka á sunnudegi. Umferðafjöldi á sunnudegi verður tvær til fjórar umferðir eftir heildarfjölda keppenda.

Dagskrá: Mótið hefst 12:00 á laugardeginum og 12:00 á sunnudeginum fyrir þá sem komast áfram. 

9-10 ára (f. 2006 og 2007)

Umhugsunartími: 10 mínútur.

Fjöldi umferða: Allir keppendur tefla fimm umferðir. Eftir fimm umferðir verður niðurskurður þannig að keppendur með þrjá vinninga eða fleiri komast áfram og mæta líka á sunnudegi. Umferðafjöldi á sunnudegi verður tvær til fjórar umferðir eftir heildarfjölda keppenda.

Dagskrá: Mótið hefst 12:00 á laugardeginum og 12:00 á sunnudeginum fyrir þá sem komast áfram.

11–12 ára (f. 2004 og 2005)

Umhugsunartími: 15 mínútur með 5 sekúndna viðbótartíma fyrir hvern leik.

Fjöldi umferða: 9

Dagskrá: Mótið hefst 12:00 á laugardeginum og verða þá tefldar 5 umferðir. Mótinu verður framhaldið 12:00 á sunnudeginum og verða þá tefldar fjórar umferðir.

13–14 ára (f. 2002 og 2003)

Umhugsunartími: 15 mínútur með 5 sekúndna viðbótartíma fyrir hvern leik.

Fjöldi umferða: 9

Dagskrá: Mótið hefst 12:00 á laugardeginum og verða þá tefldar 5 umferðir. Mótinu verður framhaldið 12:00 á sunnudeginum og verða þá tefldar fjórar umferðir.

15–16 ára (f. 2000 og 2001)

Umhugsunartími: 15 mínútur með 5 sekúndna viðbótartíma fyrir hvern leik.

Fjöldi umferða: 9                                                                           

Dagskrá: Mótið hefst 12:00 á laugardeginum og verða þá tefldar 5 umferðir. Mótinu verður framhaldið 12:00 á sunnudeginum og verða þá tefldar fjórar umferðir. 

Frestur til að sækja um styrki til SÍ rennur út um mánaðarmótin

Stjórn SÍ veitir styrki til skákmenna þrisvar á ári. Næsta úthlutun fer fram 10. október nk. og rennur frestur til að sækja um styrki nú út um mánaðarmótinu.

Í reglum um styrkveitingar SÍ segir meðal annars:

1. Allir styrkþegar SÍ (ungir, alþjóðlegir og aðrir) þurfa að uppfylla eftirfarandi þrjú skilyrði:

• Hafa teflt 50 kappskákir á síðustu 24 mánuðum fyrir árið 2010 og 60 skákir fyrir árið 2011 og síðar.
• Hafa sýnt umtalsverðar framfarir á sl. 12 mánuðum, sem sjáist m.a. á árangri á skákmótum ársins, hækkun skákstiga og reglulegri þjálfun.
• Hafa sýnt virkni í skákmótum innanlands.

2. Ungir skákmenn (25 ára og yngri) hafa forgang þegar kemur að úthlutun ferðastyrkja. Eftirfarandi börn og unglingar njóta sérstaks forgangs:

• Undir 12 ára: 2 stigahæstu og/eða þeir sem hækkað hafa mest á stigum undanfarna 12 mánuði (bæði í stráka- og stúlknaflokki)
• 12-16 ára: 2 stigahæstu og/eða þeir sem hækkað hafa mest á stigum undanfarna 12 mánuði (bæði í stráka- og stúlknaflokki)
• 16-20 ára: 2 stigahæstu og/eða þeir sem hækkað hafa mest á stigum undanfarna 12 mánuði (bæði í stráka- og stúlknaflokki)
• 20-25 ára: 2 stigahæstu og/eða þeir sem hækkað hafa mest á stigum undanfarna 12 mánuði (bæði í stráka- og stúlknaflokki)

3. Alþjóðlegir meistarar geta fengið ferðastyrki frá SÍ óháð aldri.

4. Þeir sem þiggja stórmeistaralaun geta ekki fengið almenna ferðastyrki frá SÍ.

5. Aðrir skákmenn geta fengið ferðastyrki ef þeir ná árangri sem samsvarar 2350 stigum eða meira (“performance”) í móti sem styrkur er sóttur um. Ákvörðun um styrkveitingu er tekin eftir mót.

Styrktarreglur SÍ

Aðalfundur SA á laugardaginn

Eins og þegar hefur verið auglýst verður aðalfundur Skákfélags Akureyrar haldin í Skákheimilinu laugardaginn 24. september kl. 13.00. Þar verða stunduð venjuleg aðalfundarstörf, s.s. skýrsla stjórnar og afgreiðsla reikninga. Einnig skal kjósa stjórn félagsins á aðalfundi. 

Félagar eru hvattir til að mæta, enda ef fundurinn æðsta vald í málefnum félagsins og hér mun því gefast einstætt tækifæri til áhrifa á sterf þess og hlutverk. Svo má minna á að minnst þurfa 10 félagar að sækja fundinn svo hann verði löglegur.

Kringluskákmótið fer fram á morgun

Kringluskákmótið 2016 fer fram fimmtudaginn 22. september, og hefst það kl. 17:00. Mótið fer fram í Kringlunni, en að mótinu stendur Víkingaklúbburinn skákfélag, með aðsetur í Víkingsheimilinu í Víkinni, í samstarfi við markaðsdeild Kringlunnar. 

Gera má ráð fyrir að margir af sterkustu skákmönnum þjóðarinnar muni taka þátt í því. Skákmenn eru hvattir til að skrá sig sem fyrst eftir að opnað verður fyrir skráningu i ágúst. Mótið er öllum opið og er þátttaka ókeypis en skráning mun fara fram á Skák.is (Guli kassinn). Hámarkfjöldi keppenda er 40 manns og því er ekki hægt að tryggja þátttöku nema að skrá sig til leiks. Einnig er hægt að skrá sig í síma 8629744 (Gunnar). Fyrirkomulag mótsins er þannig að keppendur draga fyritækjaspjald úr hatti, sem keppandinn síðan teflir fyrir í mótinu.  Skráningu líkur kl 12.00 að hádegi á mótsdag. Tefldar verða 8 umferðir með 5 mínútna umhugsunartíma.  

1. verðlaun 15.000 kr.

2. verðlaun 10.000 kr

3. verðlaun 5000 kr.  

Sigurvegarinn mótsins hlýtur titilinn Kringuskákmeistari 2016 og forlátan verðlaunagrip að auki. Núverandi Kringlumeistari er Björn Þorfinnsson, sem telfdi fyrir hið íslenska reðursafn.   Skákstjórar á mótinu verða Haraldur Baldursson og Kristján Örn Elíasson. 

Úrslit Kringlumótsins 2015 hér: og hér:
Kringlumóitið 2015, myndaalbúm hér:

Aðalfundur Hugins haldinn í kvöld

Aðalfundur skákfélagsins Hugins verður haldinn í húsnæði Sensu hf. að Ármúla 31 í Reykjavík miðvikudagskvöldið 21. september kl 20:00. Félagsmenn fyrir norðan verða í húsnæði Seiglu í Reykjadal. Fundurinn fer fram í gegnum fjarfundarbúnað. 

Dagskrá: Venjuleg aðalfundarstörf samkvæmt samþykktum félagsins.

Sjá nánar hér:http://skakhuginn.is/um-gm-helli/samthykktir-gm-hellis/

Björn Þorsteinsson látinn

Björn Þorsteinsson er látinn en hann lést 15. september sl. 76 að aldri. Björn var lengi vel einn sterkasti skákmaður landsins. Hann varð Íslandsmeistari 1967 og 1975. Björn tefldi fjórum sinnum með ólympíuliði Íslands á árunum 1962-1976. Árið 1964 tefldi hann á fyrsta borði. Hann var margaldur skákmeistari Reykjavíkur og Taflfélags Reykjavíkur. Björn var jafnframt lengi vel stjórnarmaður í TR.

Sá sem þetta ritar minnist Björns úr Útvegsbankanum þangað sem ég fór oft í hádeginu sem ungur strákur, þegar móðir mín vann þar, til að fylgjast með Birni og öðrum skákmeisturum að tafli. Síðar tefldum við saman fyrir hönd Íslandsbanka í Skákkeppni stofnanna og fyrirtækja. Björn iðulega á fyrsta borði. Ekki amalegt að vera í liði með tveimur Íslandsmeisturunum en í liðinu var einnig Gunnar Gunnarsson. 

Þegar Björn hætti að vinna fór hann að tefla á mótum að auknum krafti og var ávallt mjög sterkur skákmaður. 

Björn verður jarðsettur föstudaginn 23. september kl. 11 í Fríkirkjunni í Reykjavík. 

Aðstandendum votta ég samúð mína. 

Gunnar Björnsson,
forseti SÍ

Úrslit Hautsmóts SA hafin - óvænt úrslit!

Úrslitin í Haustmóti Skákfélags hófust í sl sunnudag. Teflt er í tveimur sex manna riðlum A-úrslit og B-úrslit. Fyrstu umferðinni lauk þannig:

A-úrslit

• Jón Kristinn-Andri Freyr     0-1
• Elsa-Sigurður Arnar          0-1
• Hreinn-Sigurður Eiríks       1-0

B-úrslit

• Haki-Hilmir                  1-0
• Fannar-Gabríel               1-0
• Karl-Arnar                   1-0

Önnur umferð verður tefld á fimmtudag, 22. sept. Þá eigast við:

• Elsa-Jón Kristinn
• Andri-Hreinn
• Sigurður A-Sigurður E
• Haki-Fannar
• Gabríel-Karl
• Hilmir-Arnar 

Heimasíða SA

Skákdeild Breiðabliks færir út kvíarnar

Skákdeild Breiðabliks hefur samið við stórmeistarann Hjörvar Stein Grétarsson um afreksþjálfun hjá deildinni. 

Hjörvar Steinn er góð viðbót í þjálfarateymið, en auk hans sjá Birkir Karl Sigurðsson og stórmeistarinn Helgi Ólafsson um þjálfun í stúkunni við Kópavogsvöll.

 

Til að verða afreksmaður í skák þá er mikilvægt að byrja sem fyrst að æfa og stunda æfingarnar af krafti. Margir ungir og efnilegir skákkrakkar búa í efri byggðum Kópavogs. 

í vetur verður Skákdeild Breiðabliks með æfingar í Kórnum fyrir efnilega krakka cirka 10 ára og yngri. Æfingarnar eru í samvinnu við Hörðuvallaskóla sem útvegar húsnæði undir þær.

Auk þess verða hefðbundnu æfingarnar í stúkunni lengdar um hálfa klukkustund.

 

Æfingar hjá Skákdeild Breiðabliks í vetur:

Stúkan við Kópavogsvöll

Alla virka daga milli kl 16:00 - 18:00 (grunnskólakrakkar)

Auk þess afreksþjálfun hjá Hjörvari Steini og Helga Ólafssyni.

 

Kórinn - Stofa nr 83 hjá Hörðuvallaskóla

Þriðjudaga og fimmtudaga kl 14:30 - 15:30 (c.a. 10 ára og yngri)

 

Sjá nánar á heimasíðu Skákdeildar Breiðabliks: http://www.breidablik.is/skak/skakthjalfun_veturinn_2015_2016/

Það er gott að tefla í Kópavogi!

Björgvin og Þorvarður efstir í A-flokki Haustmóts TR

Haustmót Taflfélags Reykjavíkur hófst í gær og var hetjulega glímt í skákum fyrstu umferðar. 44 keppendur tefla í þremur flokkum og má búast við jafnri og spennandi keppni í öllum flokkum. Stigahæsti keppandi mótsins er landsliðseinvaldurinn og ólympíufarinn Ingvar Þór Jóhannesson (2368). Þó Ingvar Þór sé sigurstranglegur þá mun hann án efa fá harða samkeppni frá nokkrum af efnilegustu skákmönnum þjóðarinnar. Má þar helst nefna FIDE meistarana Dag Ragnarsson (2272) og Oliver Aron Jóhannesson (2255), og svo er ungstirnið Vignir Vatnar Stefánsson (2129) til alls vís. Þá er hinn efnilegi Björgvin Víglundsson (2185) vafalítið vel vopnum búinn eftir að hafa tryggt sér Íslandsmeistaratitilinn í flokki 65 ára og eldri á dögunum.

A-flokkur

Björgvin Víglundsson mætti sterkur til leiks og lagði Birki Karl Sigurðsson með svörtu í snarpri skák. Þorvarður Fannar Ólafsson byrjaði einnig vel er hann stýrði svört mönnunum til sigurs gegn Gauta Páli Jónssyni, eftir nokkrar sviptingar. Þeir Björgvin og Þorvarður hafa því tekið forystu í A-flokki. Þá tefldu Dagur Ragnarsson og Jón Trausti Harðarson tveggja skorblaða skák þar sem Dagur pressaði undir lokin með stakan hrók gegn biskupi Jóns. Dagur komst þó lítt áleiðis gegn varnarleik Jóns og jafntefli varð því niðurstaðan. Öðrum skákum lauk með jafntefli.

Round 1 on 2016/09/18 at 14:00
Bo.	No.	Rtg		Name	Result		Name	Rtg	No.
1	1	2082		Jonsson Gauti Pall	0 – 1		Olafsson Thorvardur	2184	10
2	2	2192		Loftsson Hrafn	½ – ½	FM	Johannesson Ingvar Thor	2367	9
3	3	2129		Stefansson Vignir Vatnar	½ – ½	FM	Johannesson Oliver	2255	8
4	4	2272	FM	Ragnarsson Dagur	½ – ½		Hardarson Jon Trausti	2100	7
5	5	1900		Sigurdsson Birkir Karl	0 – 1		Viglundsson Bjorgvin	2185	6

B-flokkur

Það var barist til síðasta manns og engin jafntefli leyfð í B-flokki. Alexander Oliver Mai vann reynsluboltann Sigurlaugu R. Friðþjófsdóttur með svörtu og heldur því áfram að hrekkja stigahærri andstæðinga líkt og hann hefur gert svo mikið af síðustu misseri. Bróðir hans, Aron Þór, vann Róbert Luu með hvítu. Ólympíufarinn Veronika Steinunn Magnúsdóttir vann stigahæsta keppanda flokksins, Hörð Aron Hauksson, með svörtu og virðist til alls líkleg. Jón Þór Lemery vann mikinn seiglusigur með hvítu gegn hinum efnilega Stephan Briem eftir miklar sviptingar. Þá vann Magnús Kristinsson með svörtu gegn Halldóri Kristjánssyni.

Round 1 on 2016/09/18 at 14:00
Bo.	No.	Rtg		Name	Result		Name	Rtg	No.
1	1	1649		Kristjansson Halldor	0 – 1		Kristinsson Magnus	1833	10
2	2	1591		Lemery Jon Thor	1 – 0		Briem Stephan	1569	9
3	3	1845		Mai Aron Thor	1 – 0		Luu Robert	1672	8
4	4	1802		Fridthjofsdottir Sigurl. Regi	0 – 1		Mai Alexander Oliver	1656	7
5	5	1867		Hauksson Hordur Aron	0 – 1		Magnusdottir Veronika Steinun	1777	6

Opinn flokkur

Í opna flokknum bar hæst að hinn ungi og efnilegi Benedikt Briem hélt jöfnu með svörtu gegn Tryggva K. Þrastarsyni. Önnur úrslit voru eftir bókinni margfrægu.

Bo.	No.		Name	Rtg	Pts.	Result	Pts.		Name	Rtg	No.
1	1		Bjarnason Arnaldur	1647	0	1 – 0	0		Hakonarson Sverrir	1338	12
2	13		Alexandersson Orn	1217	0	0 – 1	0		Briem Hedinn	1563	2
3	3		Vignisson Ingvar Egill	1554	0	1 – 0	0		Thorisson Benedikt	1169	14
4	15		Baldursson Atli Mar	1167	0	0 – 1	0		Jonasson Hordur	1532	4
5	5		Sigurvaldason Hjalmar	1485	0	1 – 0	0		Olafsson Arni	1156	16
6	17		Karlsson Isak Orri	1148	0	0 – 1	0		Ulfsson Olafur Evert	1464	6
7	7		Thrastarson Tryggvi K	1450	0	½ – ½	0		Briem Benedikt	1093	18
8	19		Gudmundsson Gunnar Erik	1082	0	0 – 1	0		Kristjansson Halldor Atli	1417	8
9	9		Magnusson Thorsteinn	1415	0	1 – 0	0		Omarsson Adam	1065	21
10	22		Moller Tomas	1028	0	0 – 1	0		Davidsson Stefan Orri	1386	10
11	11		Heidarsson Arnar	1340	0	1 – 0	0		Haile Batel Goitom	0	23
12	24		Hakonarson Oskar	0	0	1			bye

 

Skákir 1.umferðar eru nú aðgengilegar áhugasömum skákáhugamönnum en það var Daði Ómarsson sem sló þær inn. Nánari upplýsingar um mótið eru að finna á chess-results.

Næsta umferð verður tefld á miðvikudagskvöld og verða klukkur settar í gang klukkan 19:30. Áhorfendur eru hjartanlega velkomnir í félagsheimilið, og vitaskuld verður heitt á könnunni og ilmandi bakkelsi í kaffihúsi Birnu.

Myndskreytta frásögn má finna á heimasíðu TR.

• Heimasíða TR
• Chess-Results