Unglingameistaramót Íslands (u22) fer fram 4.-6. nóvember

Unglingameistaramót Íslands fer fram dagana 4.-6 nóvember nk. Íslandsmeistarinn tryggir sér sæti í Landsliðsflokki árið 2017

Dagskrá:

• 1.-4. umferð: Föstudagskvöldið 4. nóvember. Fyrsta umferð hefst 19:00.
• 5. umferð 11:00 á laugardegi.
• 6. umferð 17:00 á laugardegi.
• 7. umferð 10:00 á sunnudegi. 

Mótið er opið skákmönnum fæddum á bilinu 1994-1999. Jafnframt er yngri skákmönnum heimilt að taka þátt hafi þeir 1800 stig eða fleiri, íslensk eða FIDE-stig, miðað við nýjustu stigalista. Íslandsmeistarar u16, u14 og u12 eiga einnig þátttökurétt. 

Teflt verður um Íslandsmeistaratitilinn verði menn jafnir að vinningum. Stig eru látin gilda um önnur sæti verði menn jafnir að vinningum. 

Tímamörk í fyrstu fjórum umferðunum er 20min 05sek og 90min 30sek í seinni þremur. Það er 20 mínútur og 5 viðbótarsekúndur fyrir hvern leik og 90 mínútur og 30 viðbótarsekúndur fyrir hvern leik.

Mótið er reiknað til alþjóðlegra skákstiga.

Mótið fer fram í Skáksambandi Íslands að Faxafeni 12. Skráning er til hádegis 4. nóvember á Skák.is. Þátttökugjald er 1.500 kr.

Upplýsingar um þegar skráða keppendur má finna hér.

Unglingameistari 2015 varð Örn Leó Jóhannsson.

 

Æskan og ellin fer fram 22. október

Skákmótið ÆSKAN OG ELLIN, þar sem kynslóðirnar mætast, verður haldið í 13. sinn laugardaginn 22. október í Skákhöllinni í Faxafeni. 

TAFLFÉLAG REYKJAVÍKUR og RIDDARINN, skákklúbbur eldri borgara á höfuðborgarsvæðinu, með stuðningi TOPPFISKS ehf – leiðandi fyrirtækis í ferskum og frystum sjávarafurðum - standa saman að mótshaldinu sem hefur eflst mjög að öllu umfangi og vinsældum með árunum.  

Fyrstu 9 árin var mótið haldið í Strandbergi, safnaðarheimili Hafnarfjarðarkirkju, þar sem Riddarinn hefur aðsetur sitt og eldri skákmenn hittast til tafls vikulega allan ársins hring, en nú síðustu 3 árin í samstarfi við TR- elsta og öflugasta taflfélag landins. Þessi mót - þar sem kynslóðirnar mætast - hafa jafnan verið fjölsótt jafnt af yngri sem eldri skákmönnum og velheppnuð. Yfir 80 ára aldursmunur hefur iðulega verið milli yngsta og elsta keppandans.

Þátttaka í mótinu er ókeypis og miðast við börn og ungmenni á grunnskólaaldri, 15 ára og yngri, og roskna skákmenn, 60 ára og eldri. Mótið hefst kl.13 og verða tefldar 9 umferðir með 7 mínútna umhugsunartíma.

Vegleg verðlaun og viðurkenningar. Auk aðalverðlauna verða veitt aldursflokkaverðlaun í 3 flokkum ungmenna og öldunga.  Annars vegar fyrir þrjú efstu sæti í barna- og unglingaflokkum, 9 ára og yngri; 10-12 ára og 13-15 ára og hins vegar fyrir efstu menn í 3 öldungaflokkum, 60-69 ára; 70-79 ára og 80 ára og eldri. Auk þess fær sú telpa sem bestum árangri nær og yngsti og elsti keppandi mótsins heiðursverðlaun

Mótsnefnd skipa þeir Kjartan Maack, formaður TR, og Einar S. Einarsson,  formaður Riddarans. Skákstjóri verður Páll Sigurðsson, alþl. dómari.

Skráning til þátttöku fer fram á www.skak.is og www.taflfelag.is vikuna fyrir mót.  Hámarksfjöldi keppenda miðast við 100 og því mikilvægt að skrá sig sem fyrst og/eða mæta tímanlega á mótsstað. Ekkert þátttökugjald.

 

Jón Kristinn efstur fyrir lokaumferðina á Haustmóti SA

Nokkrar frestaðar skákir voru tefldar á haustmóti SA í gærkvöldi og lauk þá fjórðu og næstsíðustu umferð úrslitakeppninnar. Leikar í 4. umferð fóru þannig:

• Jón Kristinn-Hreinn      1-0
• Elsa María-SigurðurE     1-0
• SigurðurA-Andri          1-0
• Fannar-Karl              0-1
• Haki-Arnar               1-0
• Hilmir-Gabríel           0-1

Keppendur standa þétt saman fyrir lokaumferðina í A-úrslitum. Fráfarandi meistari getur þó haldið í titilinn með sigrí í sinni skák, því hann er einn efstur með 3 vinninga. Næstur kemur Sigurður Arnarson með 2,5; Andri hefur 2 og aðrir keppendur 1,5. 

Í B-úrslitum er útlit fyrir æsispennandi lokasprett því það hafa þeir fóstbræður Karl og Haki 3,5 vinning og hafa stungið yngri mennina af. Þeir Arnar og Fannar hafa 2 vinninga, Gabríel 1 og Hilmir er enn án vinninga. 

Fimmta og síðasta umferð verður tefld fimmtudaginn 13. október kl. 18 og leiða þá þessi(r) saman gæðinga sína:

• SigurðurE og Jón Kristinn
• Hreinn og Sigurður A
• Andri og Elsa María
• Karl og Hilmir
• Arnar og Fannar
• Gabríel og Haki

Áhorfendur eru velkomnir - frítt inn í boði Norðurljósasetursins á Kárhóli. 

Sjá nánar á Chess-results

• A-úrslit
• B-úrslit

Heimasíða SA

Meistaramót Víkingaklúbbsins fer fram í kvöld

Meistaramót Víkingaklúbbsins verður haldið miðvikudaginn 12. október, í Víkinni Víkingsheimilinu og hefst taflið kl 20.00.  Tefldar verða sex umferðir með 11. mínútna umhugsunartíma.  Sigurvegari mótsins hlýtur titilinn Skákmeistari Víkingaklúbbsins 2016.  Þátttaka er ókeypis og öllum skákmönnum er heimil þátttaka.  Núverandi Skákmeistari Víkingaklúbbsins (Atskákmeistari Víkingaklúbbsins) er Ólafur B. Þórsson.  Skráning er á staðnum og líkur henni kl. 19.55.

Mótið 2015 hér:
Mótið 2014 hér: 

Mótið 2013 hér:
Mótið 2012 hér:

 

 

 

Skákþing Skagafjarðar - Landsbankamótið hefst á morgun

Fyrsta umferð Skákþings Skagafjarðar 2016 – Landsbankamótsins hefst á morgun, miðvikudag 12. október kl. 20 og fer fram í safnaðarheimili Sauðárkrókskirkju. Þegar þetta er skrifað hafa 8 skákmenn skráð sig til keppni og er enn tækifæri til að vera með, en skráningu lýkur 15 mínútum áður en taflmennskan hefst.

Til mikils er að vinna, en sigurvegarinn hlýtur sæmdarheitið Skákmeistari Skagafjarðar 2016.

Þegar skráða keppendur má sjá á vefslóðinni: http://chess-results.com/tnr242637.aspx?lan=1&wi=821&turdet=YES

Skákþing Garðabæjar hefst 17. október

Skákþing Garðabæjar hefst mánudaginn 17. október 2016. Tefldar verða 7 umferðir og verður mótið reiknað til íslenskra og alþjóðlegra stiga. 

Mótsstaður: Garðatorg 1. (gamla Betrunarhúsið). 2. hæð. Inngangur til hægri við verslunina Víði. 

Umferðatafla:

• 1. umf. Mánudag 17. okt. kl. 19:30.
• 2. umf. Mánudag 24. okt. kl. 19:30 
• 3. umf. Mánudag 31. okt. kl. 19:30
• 4. umf. Mánudag  7. nóv. kl. 19:30
• 5. umf. Mánudag 14. nóv. kl. 19:30
• 6. umf. Mánudag 21. nóv. kl. 19:30
• 7. umf. Mánudag 28. nóv. kl. 19:30

Verðlaunaafhending og Hraðskákmót Garðabæjar mánudaginn 5. desember kl 20:00

Keppnisfyrirkomulag er svissneskt kerfi. Skákstjórar er Páll Sigurðsson. Sími 860 3120.

Tímamörk eru 90 mínútur og 30 sek sem bætist við hvern leik. Mótið er opið öllum.

Leyfilegt er í mótinu í umferðum 1-5 að taka einu sinni hjásetu gegn hálfum vinning. Ekki er hægt að taka hjásetu eftir að pörun í umferð liggur fyrir.

Verðlaun auk verðlaunagripa:

Heildarverðlaun uþb. 60% af aðgangseyri í hvorum flokki skipt eftir Hort-kerfinu.

Verðlaun skiptast (50/30/20). Lágmarks-heildarverðlaun eru 20.000.

Mótið er um leið skákþing Taflfélags Garðabæjar. (keppt er um titilinn ef jafnt).

Aukaverðlaun verða fyrir þann skákmann sem nær flestum samanlögðum vinningum úr bæði Skákþingi Garðabæjar og U2000 móti Taflfélags Reykjavíkur. (samanlögð Buchholz stig ráða ef jafnt á vinningum) Kr. 10.000.-

Sæmdartitilinn Skákmeistari Garðabæjar geta aðeins fengið félagsmenn taflfélags í Garðabæ eða skákmaður með lögheimili í Garðabæ.

Þátttökugjöld:

Félagsmenn. Fullorðnir 3000 kr. 17 ára og yngri ókeypis.

Utanfélagsmenn. Fullorðnir 4000 kr. Unglingar 17 ára og yngri 2000 kr

Skráning í mótið fer fram á heimasíðu TG. www.tgchessclub.com og á skak.is

Skákmeistari Garðabæjar 2015 er Jóhann H. Ragnarsson.

Alþjóðlega geðheilbrigðismótið á fimmtudagskvöld!

Alþjóðlega geðheilbrigðismótið í skák verður haldið í Skákhöllinni í Faxaefni fimmtudagskvöldið 13. október klukkan 19.30. Mótið er jafnan einn af hápunktum skákársins og tilefnið er vitaskuld Alþjóðlegi geðheilbrigðisdagurinn. Að mótinu standa Vinaskákfélagið, Hrókurinn og Taflfélag Reykjavíkur, með stuðningi Ísspors og Forlagsins. 

Mótið á sér langa sögu og hafa flestir af bestu skákmönnum landsins verið meðal þátttakenda gegnum söguna. Tefldar verða 7 umferðir með 7 mínútna umhugsunartíma. 

Tilgangur mótsins er að vekja athygli á Alþjóðlega geðheilbrigðisdeginum, sem rímar fullkomlega við kjörorð skákhreyfingarinnar: Við erum ein fjölskylda. 

Allir eru velkomnir, og þátttökugjöld eru engin. Skráið ykkur sem fyrst hjá Róbert Lagerman í [e-mail].

Ný alþjóðleg hraðskákstig

Skák.is ætlar að auka umfjöllun um alþjóðleg hraðskákstig sem koma út mánaðarlega. Ný stig komu út 1. október sl. Hjörvar Steinn Grétarsson (2629) er langstigahæstur hraðskákmaður landsins. Næstur er Jóhann Hjartarson (2538) og þriðji er Þröstur Þórhallsson (2531)

Topp 20:

No.	Name	OCT16	Diff	Gms
1	Gretarsson, Hjorvar Steinn	2629	25	11
2	Hjartarson, Johann	2538	-19	11
3	Thorhallsson, Throstur	2531	10	11
4	Gretarsson, Helgi Ass	2529	45	10
5	Gunnarsson, Jon Viktor	2523	39	11
6	Thorfinnsson, Bjorn	2505	-28	11
7	Olafsson, Helgi	2502	12	11
8	Stefansson, Hannes	2496	-1	8
9	Kristjansson, Stefan	2483	-35	11
10	Gunnarsson, Arnar	2456	12	19
11	Thorfinnsson, Bragi	2394	11	11
12	Petursson, Margeir	2366	0	0
13	Ulfarsson, Magnus Orn	2359	-8	19
14	Johannesson, Ingvar Thor	2357	45	8
15	Karlsson, Bjorn-Ivar	2341	0	0
16	Arnason, Jon L	2340	-16	11
17	Kjartansson, Gudmundur	2338	-28	11
18	Olafsson, Fridrik	2336	0	0
19	Kjartansson, David	2329	-12	18
20	Jensson, Einar Hjalti	2321	0	0

Heildarlistinn fylgir með sem PDF-viðhengi.

Nýliðar

Fimm nýliðar eru á listanum

No.	Name	OCT16	Diff	Gms
1	Ingason, Olafur G	1833	1833	8
2	Arnarson, Smari	1641	1641	15
3	Pollock, Marlon Le	1443	1443	7
4	Jonsson, Bjorn Gudbrandur	1413	1413	10
5	Gunnlaugsson, Gylfi Thorsteinn	1376	1376	9

Mestu hækkanir

Björn Hólm Birkisson (82) hækkar mest allra frá september-listanum. Næstir á hækkunarlistanum eru Aron Þór Mai (77) og Birkir Karl Sigurðsson (67).

No.	Name	OCT16	Diff	Gms
1	Birkisson, Bjorn Holm	1827	82	11
2	Mai, Aron Thor	1574	77	10
3	Sigurdsson, Birkir Karl	1871	67	11
4	Hardarson, Jon Trausti	2039	63	9
5	Ulfljotsson, Jon	1708	61	10
6	Johannsson, Hjortur Yngvi	1710	58	8
7	Birkisson, Bardur Orn	1844	57	11
8	Kolka, Dawid	1901	49	11
9	Gretarsson, Helgi Ass	2529	45	10
10	Johannesson, Ingvar Thor	2357	45	8

 

 

 

Skrár tengdar þessari bloggfærslu:

• Alþjóðleg hraðskákstig, 1. október 2016

Vignir Vatnar í stuði á Haustmótinu

Hún var ekki friðsæl sjötta umferð Haustmótsins sem tefld var í gær. Aðeins þremur skákum af fimmtán lyktaði með jafntefli. Ingvar Þór Jóhannesson styrkti stöðu sína á toppi A-flokks, Vignir Vatnar Stefánsson hefur blandað sér í toppbaráttu A-flokks, Aron Þór Mai er enn taplaus í B-flokki og Ólafur Evert Úlfsson virðist með öllu ósigrandi í Opnum flokki.

A-flokkur

Ingvar Þór Jóhannesson stýrði hvítu mönnunum til sigurs gegn Jóni Trausta Harðarsyni og hefur nú eins vinnings forskot á keppinauta sína þegar þrjár umferðir eru eftir af mótinu. Vignir Vatnar Stefánsson vermir nú 2.sætið eftir sigur með hvítu á Degi Ragnarssyni. Vignir Vatnar hefur því hlotið 3,5 vinning í síðustu 4 skákum, eða frá því hann tapaði fyrir Ingvari Þór í 2.umferð. Vignir Vatnar leiðir því kapphlaup TR-inga um að verða skákmeistari félagsins. Þorvarður Fannar Ólafsson er þó aðeins hálfum vinning á eftir Vigni Vatnari og á auk þess inni eina óteflda skák úr 6.umferð. Uppgjör TR-inganna Gauta Páls Jónssonar og Björgvins Víglundssonar í gær lauk með sigri þess síðarnefnda. Björgvin hefur hlotið 3,5 vinning og er því einungis hálfum vinning á eftir Vigni Vatnari. Loks gerðu Hrafn Loftsson og Birkir Karl Sigurðsson jafntefli.

Staðan í A-flokki:

Rk.		Name	Rtg	FED	1	2	3	4	5	6	7	8	9	10	Pts.	TB1	TB2	TB3
1	FM	Johannesson Ingvar Thor	2367	ISL	*	1		½	1	1		½		1	5,0	14,25	0,0	4
2		Stefansson Vignir Vatnar	2129	ISL	0	*	½	1			½	1	1		4,0	9,50	0,0	3
3		Olafsson Thorvardur	2184	ISL		½	*		1	½		½	1		3,5	9,00	0,0	2
4	FM	Ragnarsson Dagur	2272	ISL	½	0		*		½	½	1	1		3,5	8,25	0,0	2
5		Viglundsson Bjorgvin	2185	ISL	0		0		*	1	½		1	1	3,5	6,25	0,0	3
6		Hardarson Jon Trausti	2100	ISL	0		½	½	0	*	1			1	3,0	7,00	0,0	2
7	FM	Johannesson Oliver	2255	ISL		½		½	½	0	*			1	2,5	6,50	0,0	1
8		Loftsson Hrafn	2192	ISL	½	0	½	0				*	½	½	2,0	5,25	0,0	0
9		Jonsson Gauti Pall	2082	ISL		0	0	0	0			½	*	½	1,0	1,50	0,5	0
		Sigurdsson Birkir Karl	1900	ISL	0				0	0	0	½	½	*	1,0	1,50	0,5	0

 

B-flokkur

Aron Þór Mai hefur eins vinnings forskot á keppinauta sína í B-flokki eftir jafntefli við Sigurlaugu R. Friðþjófsdóttur. Aron Þór hefur hlotið 5 vinninga í skákunum sex og hefur gefið andstæðingum sínum kost á einungis tveimur jafnteflum. Hinar þrjár skákir flokksins sem tefldar voru í gær unnust allar á svart. Róbert Luu vann sína aðra skák í röð er hann lagði Magnús Kristinsson að velli. Hörður Aron Hauksson virðist vaknaður til lífsins en hann lagði Jón Þór Lemery í gær. Hörður Aron hefur því unnið þrjár skákir í röð eftir að hafa byrjað mótið á tveimur töpum, auk þess sem hann á inni eina frestaða skák gegn Stephani Briem. Þá vann Veronika Steinunn Magnúsdóttir sigur á Halldóri Kristjánssyni.

Staðan í B-flokki:

Rk.		Name	Rtg	FED	1	2	3	4	5	6	7	8	9	10	Pts.	TB1	TB2	TB3
1		Mai Aron Thor	1845	ISL	*			1	½		1	½	1	1	5,0	10,75	0,0	4
2		Mai Alexander Oliver	1656	ISL		*	½	½		1	0	1			4,0	12,50	0,0	3
3		Magnusdottir Veronika	1777	ISL		½	*	½		1	1		0	1	4,0	8,75	0,0	3
4		Kristinsson Magnus	1833	ISL	0	½	½	*	1		0			1	3,0	6,75	0,0	2
5		Lemery Jon Thor	1591	ISL	½			0	*	0		½	1	1	3,0	6,25	0,0	2
6		Hauksson Hordur Aron	1867	ISL		0	0		1	*	1			1	3,0	5,50	0,0	3
7		Luu Robert	1672	ISL	0	1	0	1		0	*	½			2,5	7,75	0,0	2
8		Fridthjofsdottir Sigurlaug	1802	ISL	½	0			½		½	*	0	1	2,5	5,25	0,0	1
9		Briem Stephan	1569	ISL	0		1		0			1	*		2,0	6,50	0,0	2
10		Kristjansson Halldor	1649	ISL	0		0	0	0	0		0		*	0,0	0,00	0,0	0

 

Opinn flokkur

Ólafur Evert Úlfsson fer hamförum í Opna flokknum. Í gær vann hann Þorstein Magnússon og hefur Ólafur Evert því lagt alla sex andstæðinga sína. Ingvar Egill Vignisson styrkti stöðu sína í 2.sæti er hann vann Hjálmar H. Sigurvaldason með svörtu. Ingvar Egill hefur 5 vinninga.

Staðan í Opnum flokki:

Rk.	SNo		Name	FED	Rtg	Club/City	Pts.	TB1	TB2	TB3
1	6		Ulfsson Olafur Evert	ISL	1464	Hrókar alls fagnadar	6,0	20,50	0,0	6
2	3		Vignisson Ingvar Egill	ISL	1554	Huginn	5,0	14,50	0,0	5
3	2		Briem Hedinn	ISL	1563	Vinaskakfelagid	4,0	12,25	0,0	3
4	8		Kristjansson Halldor Atli	ISL	1417	Breidablik	4,0	11,00	0,0	3
5	10		Davidsson Stefan Orri	ISL	1386	Huginn	3,5	10,50	0,0	2
6	4		Jonasson Hordur	ISL	1532	Vinaskakfelagid	3,5	10,25	0,0	2
7	5		Sigurvaldason Hjalmar	ISL	1485	Vinaskakfelagid	3,5	9,25	0,0	3
8	9		Magnusson Thorsteinn	ISL	1415	TR	3,5	8,25	0,0	3
9	12		Hakonarson Sverrir	ISL	1338	Breidablik	3,5	7,75	0,0	2
10	18		Briem Benedikt	ISL	1093	Breidablik	3,0	8,50	0,0	1
11	7		Thrastarson Tryggvi K	ISL	1450		3,0	7,25	0,0	2
12	19		Gudmundsson Gunnar Erik	ISL	1082	Breidablik	3,0	6,00	0,0	1
13	22		Moller Tomas	ISL	1028	Breidablik	3,0	5,50	0,0	3
14	15		Baldursson Atli Mar	ISL	1167	Breidablik	2,5	5,25	0,0	2
15	11		Heidarsson Arnar	ISL	1340	TR	2,5	5,00	0,0	2
16	21		Omarsson Adam	ISL	1065	Huginn	2,5	4,50	0,0	1
17	24		Hakonarson Oskar	ISL	0	Breidablik	2,5	4,25	0,0	1
18	1		Bjarnason Arnaldur	ISL	1647		2,0	6,00	0,0	1
19	17		Karlsson Isak Orri	ISL	1148	Breidablik	2,0	4,75	0,0	1
20	16		Olafsson Arni	ISL	1156	TR	2,0	4,25	0,0	1
21	13		Alexandersson Orn	ISL	1217		2,0	3,00	0,0	2
22	20		Kristbergsson Bjorgvin	ISL	1081	TR	2,0	3,00	0,0	1
23	23		Haile Batel Goitom	ISL	0	TR	1,5	3,75	0,0	0
24	14		Thorisson Benedikt	ISL	1169	TR	1,5	2,25	0,0	1

7.umferð mótsins verður tefld á miðvikudagskvöld kl.19:30. Skákáhugamenn eru hvattir til þess að líta við og fylgjast með endasprettinum sem ætla má að verði bæði spennandi og fjörugur. Hið margrómaða og ómissandi Birnukaffi verður vitaskuld opið sem fyrr.

Nánari upplýsingar um mótið má nálgast á chess-results. Skákir Haustmótsins eru aðgengilegar hér (pgn):#1, #2, #3, #4, #5, #6. (3.umferð uppfærð).

• Heimasíða TR
• Chess-Results

Tíu Íslandsmeistarar krýndir!

Íslandsmót ungmenna fór fram um helgina í Rimaskóla í Grafarvogi Teflt var um tíu Íslandsmeistaratitla og var baráttan á reitunum 64 hörð. 96 skákmenn tóku þátt og mikill fjöldi stúlkna setti svip á mótið. 

Flokkur 15-16 ára - Bárður og Svava Íslandsmeistarar!

Bárður Örn Birkisson varð Íslandsmeistari í flokki 15-16 ára en hann hlaut 4,5 vinning í 5 skákum. Annar varð tvíburabróðir hans Björn Hólm en hann hlaut 3 vinninga. Þriðji varð Dawid Kolka með jafnmarga vinninga en lægri á stigum.

Svava Þorsteinsdóttir varð Íslandsmeistari stúlkna í flokknum.

Lokastöðuna má nálgast á Chess-Results. 

Flokkur 13-14 ára - Nansý og Stephan Íslandsmeistarar!

Stephan Briem varð Íslandsmeistari 13-14 ára en hann hlaut 6 vinninga í 7 skákum. Annar varð Birkir Ísak Jóhannsson með 5 vinninga. Þriðji varð Alexander Oliver Mai en hann hlaut einnig 5 vinninga en varð lægri á stigum.

Nansý Davíðsdóttir varð Íslandsmeistari stúlkna í flokknum. Elín Edda Jóhannsdóttir varð önnur.

Flokkur 11-12 ára - Óskar Víkingur og Ylfa Ýr Íslandsmeistarar

Óskar Víkingur Davíðsson var í miklum ham í flokki 11 og 12 ára og vann öruggan sigur. Vann alla níu andstæðinga sína! Róert Luu varð annar með 7 vinninga og Ísak Orri Karlsson þriðji einnig með 7 vinninga en lægri á stigum.

Ylfa Ýr Welding Hákonardóttir varð Íslandsmeistari stúlkna 11-12 ára. Rakel Björgvinsdóttir varð önnur með 3 vinninga og Nadía Heiðrún Arthúrsdóttir þriðja.

Lokastöðuna má nálgast á Chess-Results.

Flokkur 9-10 ára og yngri

Spennan var sennilega mest þarna af öllum flokkum og aukakeppni þurfti að útkljá Íslandsmeistaratitilinn. 

Stefán Orri Davíðsson og Gunnar Erik Guðmundsson komu efstir og jafnir í mark með 8 vinninga í 9 umferðum. Þeir þurftu því að há úrslitaeinvígi um Íslandsmeistaratitilinn og þar hafði Stefán Orri betur, 2-0. Þess má geta að Stefán Orri er bróðir Óskars Víkings svo þeir bræður komu heim með tvo Íslandsmeistaratitla. Óttar Örn Bergmann Sigfússon varð þriðji með 7 vinninga.

Stöðuna má finna á Chess-Results. 

Í stúlknaflokki var ekki síður barist og þar réðust úrslitin á sekúndubrotum í skák forystustelpnanna. Batel Goitom Haile sigraði á mótinu en hún vann allar níu skákir sínar. Freyja Birkisdóttir varð önnur með 8 vinninga og Svanhildur Röfn Róbertsdóttir þriðja með 7 vinninga.

Í skák Freyju og Batel gerðist það að Freyja féll á tíma með riddara og peð gegn riddara Batel. Samkvæmt FIDE-reglum tíma dugar að hægt sé að stilla upp máti og því var Batel dæmdur sigurinn. Þessi skák réði úrslitum á mótinu.

Lokastöðuna má nálgast á Chess-Results.

Stefán Orri og Batel tefldu svo til úrslita um keppnisrétt á NM ungmenna sem fram fer í Noregi í febrúar nk. Þar hafði Stefán Orri 2-0 sigur.

Flokkur 8 ára og yngri

Jökull Bjarki sigraði á mótinu en hann hlaut fullt hús í sjö skákum. Tómas Möller varð annar með 6 vinninga og Einar Dagur Brynjarsson þriðji með 5 vinninga. 

Lokastöðuna má nálgast á Chess-Results.

Soffía Arndís Berndsen vann stúlknaflokkinn einnig með fullu húsi. Katrín María Jónsdóttir varð önnur með 5,5 vinninga og Anna Katarina Thoroddsen þriðja með 5 vinninga.

Stöðuna má nálgast á Chess-Results.

Mótshaldið tókst í alla staði vel. Mikill fjölda starfsmanna kom að mótinu og er rétt að þakka þeim öllum fyrir aðstoðina.

Skákstjórn önnuðust Kristján Örn Elíasson, Sóley Lind Pálsdóttir, Páll Sigurðsson, Gunnar Björnsson, Hjörvar Steinn Grétarsson, Donika Kolica, Omar Salama, Stefán Bergsson og Siguringi Sigurjónsson og Kjartan Maack. Þórir Benediktsson fær þakkir fyrir aðstoð við myndatöku. Helgi Árnason og starfsfólk Rimaskóla fær þakkir fyrir lána SÍ salarkynnin endurgjaldslaust.