FM Vignir Vatnar Stefánsson hélt sjó í erfiðri stöðu

Faxafenið lék á reiðiskjálfi í gærkvöldi er 8.umferð Haustmótsins var tefld. Ólafur Evert Úlfsson tryggði sér sigur í Opnum flokki og þeir Ingvar Þór Jóhannesson og Aron Þór Mai eru í kjörstöðu í sínum flokkum fyrir lokaumferð mótsins. Þá gerði Vignir Vatnar Stefánsson sér lítið fyrir og fór yfir 2300 stiga múrinn og tryggði sér um leið langþráðan FM titilinn.

A-flokkur

Ingvar Þór Jóhannesson fór sér að engu óðslega með svörtu gegn Þorvarði Fannari Ólafssyni og sömdu þeir félagarnir jafntefli eftir ellefu spennuþrungna upphafsleiki. Á sama tíma varði Vignir Vatnar Stefánsson afar erfiða stöðu með kjafti og klóm gegn Björgvin Víglundssyni. Það var mikið í húfi fyrir Vigni Vatnar í þessari skák því hann gat með sigri tryggt sér titilinn Skákmeistari Taflfélags Reykjavíkur. Ekki nóg með það því samkvæmt talnaglöggum skákáhugamönnum sem staddir voru í Faxafeninu í kvöld þá myndi jafntefli duga Vigni Vatnari til þess að ná sléttum 2300 skákstigum og þar með tryggja sér FM titilinn. Björgvin kærði sig þó kollóttan um þessar vangaveltur og tefldi af festu gegn undrabarninu. Björgvin var óhemju nálægt því að vinna skákina en á einhvern óskiljanlegan hátt tókst Vigni Vatnari að hanga á jafnteflinu. Vignir Vatnar hefur því náð 2300 skákstigum og er orðinn Fíde-meistari! Þó er rétt að hafa í huga að afrekið á enn eftir að staðfesta með formlegum hætti af til þess bærum embættismanni. Af öðrum úrslitum bar hæst sigur Gauta Páls Jónssonar á Oliver Aroni Jóhannessyni eftir slæman fingurbrjót Olivers í 76.leik. Þá vann Dagur Ragnarsson skák sína gegn Birki Karli Sigurðssyni.

Ingvar Þór hefur hlotið 6 vinninga, hálfum vinningi umfram Vigni Vatnar og Dag. Það kemur í ljós á sunnudag hvort leikáætlun Ingvars Þórs heppnast, en þá stýrir hann hvítu mönnunum gegn Gauta Páli. Á sama tíma hefur Vignir Vatnar svart gegn Jóni Trausta og Dagur hefur svart gegn Björgvin. Vignir Vatnar hefur vinningsforskot á Björgvin í kapphlaupinu um titilinn Skákmeistari Taflfélags Reykjavíkur.

 

Rk.		Name	Rtg	FED	1	2	3	4	5	6	7	8	9	10	Pts.	TB1	TB2	TB3
1	FM	Johannesson Ingvar Thor	2367	ISL	*	1	½	1	1	½	½	½		1	6,0	23,75	0,0	4
2		Stefansson Vignir Vatnar	2129	ISL	0	*	1	½		½	½	1	1	1	5,5	17,75	0,0	4
3	FM	Ragnarsson Dagur	2272	ISL	½	0	*		½	1	½	1	1	1	5,5	17,25	0,0	4
4		Viglundsson Bjorgvin	2185	ISL	0	½		*	1	0	½	½	1	1	4,5	13,75	0,0	3
5		Hardarson Jon Trausti	2100	ISL	0		½	0	*	½	1	½	1	1	4,5	13,25	0,0	3
6		Olafsson Thorvardur	2184	ISL	½	½	0	1	½	*	0	½	1		4,0	16,00	0,0	2
7	FM	Johannesson Oliver	2255	ISL	½	½	½	½	0	1	*		0	1	4,0	15,75	0,0	2
8		Loftsson Hrafn	2192	ISL	½	0	0	½	½	½		*	½	½	3,0	11,00	0,0	0
9		Jonsson Gauti Pall	2082	ISL		0	0	0	0	0	1	½	*	½	2,0	6,00	0,0	1
10		Sigurdsson Birkir Karl	1900	ISL	0	0	0	0	0		0	½	½	*	1,0	2,50	0,0	0

 

B-flokkur

Aron Þór Mai tefldi fallega sóknarskák gegn Veroniku Steinunni Magnúsdóttur í toppslag B-flokks. Aron Þór vann skákina í 29 leikjum og hefur vinningsforskot á toppnum fyrir síðustu umferðina. Í lokaumferðinni mætir hann bróður sínum, Alexander Oliver Mai, sem í kvöld gerði jafntefli við Jón Þór Lemery. Alexander Oliver er í 3.sæti með 5 vinninga. Hörður Aron Hauksson, sem vann Sigurlaugu R. Friðþjófsdóttur, er í 2.sæti með 5,5 vinning. Stephan Briem heldur uppteknum hætti við að hrella sér stigahærri skákmenn því hann vann með svörtu gegn Magnúsi Kristinssyni. Stephan, sem er stigalægstur í flokknum, hefur unnið fjórar skákir og er sem stendur að hækka um tæplega 100 skákstig.

 

Rk.		Name	Rtg	FED	1	2	3	4	5	6	7	8	9	10	Pts.	TB1	TB2	TB3
1		Mai Aron Thor	1845	ISL	*	½		1	½	1	1	½	1	1	6,5	22,75	0,0	5
2		Hauksson Hordur Aron	1867	ISL	½	*	0	0	1	+	1	1		1	5,5	19,75	0,0	5
3		Mai Alexander Oliver	1656	ISL		1	*	½	½	+	0	1	½	½	5,0	19,25	0,0	3
4		Magnusdottir Veronika Steinun	1777	ISL	0	1	½	*	½	0	1		½	1	4,5	14,75	0,0	3
5		Lemery Jon Thor	1591	ISL	½	0	½	½	*	1		½	0	1	4,0	15,50	0,0	2
6		Briem Stephan	1569	ISL	0	–	–	1	0	*	1	1	1		4,0	14,00	0,0	4
7		Luu Robert	1672	ISL	0	0	1	0		0	*	½	1	+	3,5	12,25	0,0	3
8		Fridthjofsdottir Sigurl. Regi	1802	ISL	½	0	0		½	0	½	*	1	1	3,5	10,75	0,0	2
9		Kristinsson Magnus	1833	ISL	0		½	½	1	0	0	0	*	1	3,0	9,50	0,0	2
10		Kristjansson Halldor	1649	ISL	0	0	½	0	0		–	0	0	*	0,5	2,25	0,0	0

 

Opinn flokkur

Ólafur Evert Úlfsson tryggði sér í kvöld sigur í Opnum flokki Haustmótsins er hann vann Sverri Hákonarson eftir miklar sviptingar. Ólafur Evert stóð höllum fæti lengi vel en Sverrir lék nokkrum ónákvæmum leikjum í hróksendatafli sem reyndust honum dýrkeyptir. Ólafur Evert hefur því unnið allar skákir sínar til þessa og með sigri í lokaumferðinni vinnur hann mótið með fullu húsi. Það eitt og sér yrði mikið afrek, en það magnaða er að ef Ólafur Evert vinnur flokkinn með fullu húsi, þá er hann að endurtaka leikinn frá árinu 2014 er hann vann D-flokk Haustmótsins með 9 vinningum í 9 skákum. En til þess að svo verði þá þarf hann að vinna varaforseta Vinaskákfélagsins, Hörð Jónasson, og það leikur sér engin að því.

Af öðrum úrslitum má nefna að Ingvar Egill Vignisson vann Héðinn Briem og hefur 5,5 vinning í 2.sæti. Þá vann Arnar Milutin Heiðarsson góðan sigur á nýkrýndum Íslandsmeistara, Stefáni Orra Davíðssyni. Adam Omarsson lagði svo gamla brýnið Björgvin Kristbergsson með svörtu eftir snarpa sókn á drottningarvæng.

 

Rk.	SNo		Name	FED	Rtg	Club/City	Pts.	TB1	TB2	TB3
1	6		Ulfsson Olafur Evert	ISL	1464	Hrókar alls fagnadar	8,0	37,50	0,0	8
2	3		Vignisson Ingvar Egill	ISL	1554	Huginn	6,5	26,50	0,0	6
3	4		Jonasson Hordur	ISL	1532	Vinaskakfelagid	5,5	23,50	0,0	4
4	5		Sigurvaldason Hjalmar	ISL	1485	Vinaskakfelagid	5,5	19,75	0,0	5
5	8		Kristjansson Halldor Atli	ISL	1417	Breidablik	5,0	18,50	0,0	4
6	2		Briem Hedinn	ISL	1563	Vinaskakfelagid	4,5	18,00	0,0	3
7	9		Magnusson Thorsteinn	ISL	1415	TR	4,5	17,25	0,0	4
8	15		Baldursson Atli Mar	ISL	1167	Breidablik	4,5	16,75	0,0	4
9	12		Hakonarson Sverrir	ISL	1338	Breidablik	4,5	16,75	0,0	3
10	11		Heidarsson Arnar	ISL	1340	TR	4,5	13,50	0,0	4
11	18		Briem Benedikt	ISL	1093	Breidablik	4,0	16,00	0,0	1
12	22		Moller Tomas	ISL	1028	Breidablik	4,0	12,75	0,0	3
13	17		Karlsson Isak Orri	ISL	1148	Breidablik	4,0	12,50	0,0	3
14	7		Thrastarson Tryggvi K	ISL	1450		4,0	12,25	0,0	3
15	19		Gudmundsson Gunnar Erik	ISL	1082	Breidablik	4,0	10,50	0,0	2
16	10		Davidsson Stefan Orri	ISL	1386	Huginn	3,5	13,50	0,0	2
17	21		Omarsson Adam	ISL	1065	Huginn	3,5	9,25	0,0	2
18	13		Alexandersson Orn	ISL	1217		3,0	7,50	0,0	3
19	16		Olafsson Arni	ISL	1156	TR	3,0	7,25	0,0	2
20	20		Kristbergsson Bjorgvin	ISL	1081	TR	3,0	5,50	0,0	2
21	14		Thorisson Benedikt	ISL	1169	TR	2,5	4,75	0,0	2
22	1		Bjarnason Arnaldur	ISL	1647		2,0	7,50	0,0	1
23	24		Hakonarson Oskar	ISL	0	Breidablik	2,0	2,00	0,0	1
24	23		Haile Batel Goitom	ISL	0	TR	1,0	3,00	0,0	0

 

9.umferð mótsins, sem jafnframt er sú síðasta, verður tefld á sunnudag klukkan 14. Skákáhugamenn eru hvattir til þess að líta við og fylgjast með fjörugum endasprettinum. Nær Gauti Páll að stríða Ingvari Þór? Verður Vignir Vatnar krýndur Skákmeistari TR í fyrsta sinn? Hvað gera Mai-bræður í lokaumferðinni? Endurtekur Ólafur Evert leikinn frá því árið 2014 og vinnur sinn flokk með fullu húsi? Mun Birna bjóða upp á þeyttan rjóma eða sprauturjóma?

Hið margrómaða og ómissandi Birnukaffi verður vitaskuld opið sem fyrr fyrir skákmenn og gesti þar sem brosandi Birna stendur vaktina með ilmandi kaffi og kærleiksríkar vöfflur.

Nánari upplýsingar um mótið má nálgast á chess-results. Skákir 1-8 umferðar Haustmótsins eru aðgengilegar hér (pgn): #1, #2, #3, #4, #5, #6, #7-8, #9.

• Heimasíða TR
• Chess-Results

Úrslit Hraðskákkeppni taflfélaga fara fram í dag í Sólon

Næstkomandi laugardag, 15.október, fer fram úrslitaviðureign hraðskákkeppni taflfélaga, milli Skákfélagsins Hugins og Taflfélags Reykjavíkur. Óhætt er að fullyrða að þar eru á ferðinni tvö sterkustu taflfélög landsins og því má búast við mikilli baráttu og fjöri. Viðureignin fer fram á efri hæð veitingastaðarins Sólon í hjarta borgarinnar og hefst viðureignin kl.14.00. Svokölluð hamingjustund (happy hour) verður í boði á staðnum og því mun ekki væsa um skákáhugamenn.

Skákirnar verða ekki í beinni útsendingu, aðallega af því að taflmennirnir á slíkum borðum eru alltof léttir fyrir hinn óhjákvæmilega klukkubarning. Það er því best að mæta niður eftir og eiga skemmtilega stund.

Þó er stefnan að uppfæra chess-results.com af alúð á meðan viðureigninni stendur fyrir þá sem ekki eiga heimangengt. 

Skákáhugamenn eru hvattir til að fjölmenna í Sólon til að fylgjast með flestum af bestum skákmönnum landsins tefla hraðskák.

U-2000 mót Taflfélags Reykjavíkur hefst miðvikudaginn 26. október.

Þátttökurétt hafa allir þeir sem hafa minna en 2000 Elo-stig. Tefldar eru sjö umferðir eftir svissneska kerfinu og er umhugsunartími 90 mínútur fyrir alla skákina auk 30 sekúndna sem bætast við eftir hvern leik. Leyfðar eru tvær yfirsetur í umferðum 1-5 sem skal tilkynna fyrir lok umferðarinnar á undan en ½ vinningur fæst fyrir yfirsetu. Teflt er einu sinni í viku, á miðvikudagskvöldum kl. 19.30, í Skákhöll félagsins að Faxafeni 12.

Mótið verður reiknað til alþjóðlegra skákstiga og verða allar skákir mótsins birtar.

Sigurvegari u-2000 mótsins 2015 var Haraldur Baldursson.

Dagskrá
1. umferð: 26. október kl. 19.30
2. umferð: 2. nóvember kl. 19.30
3. umferð: 9. nóvember kl. 19.30
4. umferð: 16. nóvember kl.19.30
5. umferð: 23. nóvember kl. 19.30
6. umferð: 30. nóvember kl. 19.30
7. umferð: 7. desember kl. 19.30

Tímamörk
90 mín + 30 sek viðbót eftir hvern leik

Verðlaun
1. sæti kr. 30.000
2. sæti kr. 20.000
3. sæti kr. 10.000

Aukaverðlaun kr. 10.000 verða fyrir þann skákmann sem nær flestum samanlögðum vinningum úr bæði U-2000 mótinu og Skákþingi Garðabæjar (samanlögð Buchholz stig ráða ef jafnt á vinningum).

Þátttökugjöld
18 ára og eldri kr. 5.000, kr. 3.000 fyrir félagsmenn í TR
17 ára og yngri kr. 2.000, kr. 1.000 fyrir félagsmenn í TR

Skákstjórn

Þórir Benediktsson; [e-mail], s. 867 3109

Skráningarform

Skráðir keppendur

• u-2000 mótið 2015 – úrslit
• u-2000 mótið 2015 – lokapistill

Jón Kristinn skákmeistari SA

Í gærkvöldi lauk úrslitakeppni haustmóts SA. Baráttan um meistaratitilinn stóð einkum á milli fráfarandi meistara Jón Kristins og nýkrýnds Norðurlandsmeistara Sigurðar Arnarsonar. Sigurður náði snemma að snúa Hrein andstæðing sinn niður og var þá kominn hálfum vinningi framar Jóni. Sá glímdi við S. nokkurn Eiríksson og var það hörð rimma. Jón stóð betur um tíma en lenti í hremmingum og var þá engin leið að sjá hvorum vegnaði betur. Honum tókst þó með klókindum að ná undirtökunum í endatafli og sigla freigátu sinni í höfn um leið og óstöðvandi leki kom að fleyi Sigurðar. Þar með var titillinn aftur kominn í hendur meistarans frá því í fyrra.  Er þá ógetið úrslita í skák Andra Freys og Elsu en þar varð niðurstaðan jafntefli.

Í B-úrslitum má segja að allt hafi farið eftir bókinni góðu.  Fóstbræður Karl og Haki voru reyndar báðir hart leiknir um hríð (einkum þó sá fyrrnefndi)en reynslan kom þeim að góðum notum á örlagastundu og náðu báðir að landa sigri. Í baráttunni um bronsið reyndust heimastúderingar Arnars vega þyngra en eldhúsrannsóknir Fannars og því hafði sá fyrrnefndi sigur. Annars má sjá öll úrslit á chess-results:

 

• A-úrslit
• B-úrslit

Heimasíða SA

Skákþing Garðabæjar hefst á mánudagskvöldið

Skákþing Garðabæjar hefst mánudaginn 17. október 2016. Tefldar verða 7 umferðir og verður mótið reiknað til íslenskra og alþjóðlegra stiga. 

Mótsstaður: Garðatorg 1. (gamla Betrunarhúsið). 2. hæð. Inngangur til hægri við verslunina Víði. 

Umferðatafla:

• 1. umf. Mánudag 17. okt. kl. 19:30.
• 2. umf. Mánudag 24. okt. kl. 19:30 
• 3. umf. Mánudag 31. okt. kl. 19:30
• 4. umf. Mánudag  7. nóv. kl. 19:30
• 5. umf. Mánudag 14. nóv. kl. 19:30
• 6. umf. Mánudag 21. nóv. kl. 19:30
• 7. umf. Mánudag 28. nóv. kl. 19:30

Verðlaunaafhending og Hraðskákmót Garðabæjar mánudaginn 5. desember kl 20:00

Keppnisfyrirkomulag er svissneskt kerfi. Skákstjórar er Páll Sigurðsson. Sími 860 3120.

Tímamörk eru 90 mínútur og 30 sek sem bætist við hvern leik. Mótið er opið öllum.

Leyfilegt er í mótinu í umferðum 1-5 að taka einu sinni hjásetu gegn hálfum vinning. Ekki er hægt að taka hjásetu eftir að pörun í umferð liggur fyrir.

Verðlaun auk verðlaunagripa:

Heildarverðlaun uþb. 60% af aðgangseyri í hvorum flokki skipt eftir Hort-kerfinu.

Verðlaun skiptast (50/30/20). Lágmarks-heildarverðlaun eru 20.000.

Mótið er um leið skákþing Taflfélags Garðabæjar. (keppt er um titilinn ef jafnt).

Aukaverðlaun verða fyrir þann skákmann sem nær flestum samanlögðum vinningum úr bæði Skákþingi Garðabæjar og U2000 móti Taflfélags Reykjavíkur. (samanlögð Buchholz stig ráða ef jafnt á vinningum) Kr. 10.000.-

Sæmdartitilinn Skákmeistari Garðabæjar geta aðeins fengið félagsmenn taflfélags í Garðabæ eða skákmaður með lögheimili í Garðabæ.

Þátttökugjöld:

Félagsmenn. Fullorðnir 3000 kr. 17 ára og yngri ókeypis.

Utanfélagsmenn. Fullorðnir 4000 kr. Unglingar 17 ára og yngri 2000 kr

Skráning í mótið fer fram á heimasíðu TG. www.tgchessclub.com og á skak.is

Skákmeistari Garðabæjar 2015 er Jóhann H. Ragnarsson.

Verður Vignir Vatnar næsti skákmeistari TR?

Hann var góður vöffluilmurinn sem tók á móti skákmönnum í félagsheimili Taflfélags Reykjavíkur í gærkvöldi er 7.umferð Haustmótsins var tefld. Birna í Birnukaffi mætir alltaf vel undirbúinn í hverja umferð og er hún nú langstigahæsti skákbakari og uppáhellari landsins. Þeir mættu einhverjir skákmennirnir taka sér Birnu til fyrirmyndar hvað undirbúning varðar. Ingvar Þór Jóhannesson, Aron Þór Mai og Ólafur Evert Úlfsson hafa þó líklega fylgt fordæmi Birnu og mætt vel undirbúnir í hverja umferð því þeir eru sem fyrr efstir í sínum flokkum.

A-flokkur

Stigahæsti keppandi mótsins, landsliðseinvaldurinn Ingvar Þór Jóhannesson, gerði jafntefli við Grarfarvogsgoðið Oliver Aron Jóhannesson í toppbaráttu A-flokks. Undrabarnið Vignir Vatnar Stefánsson nýtti sér það er hann vann Blikann Birki Karl Sigurðsson og hefur Vignir því 5 vinninga, aðeins hálfum vinning minna en Ingvar Þór. Oliver Aron er þriðji með 4,5 vinning. Dagur Ragnarsson lagði Þorvarð Fannar Ólafsson að velli og Jón Trausti Harðarson vann Gauta Pál Jónsson. Þá gerðu Björgvin Víglundsson og Hrafn Loftsson jafntefli. Vignir Vatnar hefur tekið forystu í keppninni um titilinn Skákmeistari Taflfélags Reykjavíkur. Björgvin Víglundsson hefur 4 vinninga, einum vinningi minna en Vignir Vatnar. Þeir Vignir og Björgvin mætast einmitt í næstu umferð þar sem Vignir getur tryggt sér titilinn með sigri. Þorvarður Fannar hefur 3,5 vinning og þarf nauðsynlega að vinna síðustu tvær skákir sínar til að eiga möguleika á að verða skákmeistari TR á ný, en Þorvarður bar þann titil árið 2014.

 

Rk.		Name	Rtg	FED	1	2	3	4	5	6	7	8	9	10	Pts.	TB1	TB2	TB3
1	FM	Johannesson Ingvar Thor	2367	ISL	*	1	½	½	1	1		½		1	5,5	19,50	0,0	4
2		Stefansson Vignir Vatnar	2129	ISL	0	*	1	½			½	1	1	1	5,0	12,75	0,0	4
3	FM	Ragnarsson Dagur	2272	ISL	½	0	*	½	½		1	1	1		4,5	13,75	0,0	3
4	FM	Johannesson Oliver	2255	ISL	½	½	½	*	0	½	1			1	4,0	14,00	0,0	2
5		Hardarson Jon Trausti	2100	ISL	0		½	1	*	0	½		1	1	4,0	10,00	0,0	3
6		Viglundsson Bjorgvin	2185	ISL	0			½	1	*	0	½	1	1	4,0	9,25	0,0	3
7		Olafsson Thorvardur	2184	ISL		½	0	0	½	1	*	½	1		3,5	10,75	0,0	2
8		Loftsson Hrafn	2192	ISL	½	0	0			½	½	*	½	½	2,5	7,50	0,0	0
9		Jonsson Gauti Pall	2082	ISL		0	0		0	0	0	½	*	½	1,0	1,75	0,5	0
		Sigurdsson Birkir Karl	1900	ISL	0	0		0	0	0		½	½	*	1,0	1,75	0,5	0

 

B-flokkur

Aron Þór Mai hefur vinningsforskot á keppinauta sína í B-flokki eftir jafntefli við Hörð Aron Hauksson í gær. Aron Þór hefur hlotið 5,5 vinning í skákunum sjö. Hörður Aron er í 2.sæti með 4,5 vinning. Jafn honum að vinningum eru Alexander Oliver Mai og Veronika Steinunn Magnúsdóttir, en bæði gerðu þau jafntefli í gær; Alexander við Halldór Kristjánsson og Veronika við Jón Þór Lemery. Þá vann Sigurlaug R. Friðþjófsdóttir með hvítu gegn Magnúsi Kristinssyni í uppgjöri stjórnarmanna Taflfélagsins. Hinn nýkrýndi Íslandsmeistari, Stephan Briem, er ekkert á þeim buxunum að hægja á ferðinni því í gær vann hann Róbert Luu með svörtu. Stephan hefur teflt feykivel að undanförnu og er líklegur til að stökkva hátt upp stigalistann á næstu misserum.

 

Rk.		Name	Rtg	FED	1	2	3	4	5	6	7	8	9	10	Pts.	TB1	TB2	TB3
1		Mai Aron Thor	1845	ISL	*		½		½	½	1	1	1	1	5,5	15,50	0,0	4
2		Mai Alexander Oliver	1656	ISL		*	1	½		1	+	½	0	½	4,5	15,50	0,0	3
3		Hauksson Hordur Aron	1867	ISL	½	0	*	0	1		+		1	1	4,5	13,25	0,0	4
4		Magnusdottir Veronika Steinun	1777	ISL		½	1	*	½		0	½	1	1	4,5	12,25	0,0	3
5		Lemery Jon Thor	1591	ISL	½		0	½	*	½	1	0		1	3,5	11,25	0,0	2
6		Fridthjofsdottir Sigurl. Regi	1802	ISL	½	0			½	*	0	1	½	1	3,5	9,25	0,0	2
7		Briem Stephan	1569	ISL	0	–	–	1	0	1	*		1		3,0	10,50	0,0	3
8		Kristinsson Magnus	1833	ISL	0	½		½	1	0		*	0	1	3,0	8,25	0,0	2
9		Luu Robert	1672	ISL	0	1	0	0		½	0	1	*	+	2,5	8,75	0,0	2
10		Kristjansson Halldor	1649	ISL	0	½	0	0	0	0		0	–	*	0,5	2,00	0,0	0

 

Opinn flokkur

Ólafur Evert Úlfsson fer á kostum í Opna flokknum og í gær vann hann Halldór Atla Kristjánsson. Ólafur Evert hefur unnið allar sjö skákir sínar og gerir nú atlögu að þeim áfanga að vinna flokkinn með fullu húsi. Ingvar Egill Vignisson er í 2.sæti með 5,5 vinning eftir jafntefli gegn hinum efnilega Sverri Hákonarsyni. Sverrir Hákonarson fær einmitt það erfiða hlutskipti að glíma við Ólaf Evert í næstu umferð. Benedikt Briem heldur áfram að tefla vel og ná góðum úrslitum því í gær gerði hann jafntefli við Héðinn Briem. Benedikt er einn af fjórum taplausum keppendum Haustmótsins. Það sem vekur einna mesta eftirtekt er að Benedikt hefur unnið eina skák en gert sex jafntefli! Svo mörg jafntefli þykja sjaldséð hjá svo ungum skákmönnum.

 

Rk.	SNo		Name	FED	Rtg	Club/City	Pts.	TB1	TB2	TB3
1	6		Ulfsson Olafur Evert	ISL	1464	Hrókar alls fagnadar	7,0	29,00	0,0	7
2	3		Vignisson Ingvar Egill	ISL	1554	Huginn	5,5	20,00	0,0	5
3	2		Briem Hedinn	ISL	1563	Vinaskakfelagid	4,5	16,50	0,5	3
	4		Jonasson Hordur	ISL	1532	Vinaskakfelagid	4,5	16,50	0,5	3
5	12		Hakonarson Sverrir	ISL	1338	Breidablik	4,5	14,75	0,0	3
6	9		Magnusson Thorsteinn	ISL	1415	TR	4,5	13,25	0,0	4
7	5		Sigurvaldason Hjalmar	ISL	1485	Vinaskakfelagid	4,5	12,75	0,0	4
8	18		Briem Benedikt	ISL	1093	Breidablik	4,0	14,00	0,0	1
9	8		Kristjansson Halldor Atli	ISL	1417	Breidablik	4,0	13,00	0,0	3
10	22		Moller Tomas	ISL	1028	Breidablik	4,0	10,75	0,0	3
11	19		Gudmundsson Gunnar Erik	ISL	1082	Breidablik	4,0	10,00	0,0	2
12	10		Davidsson Stefan Orri	ISL	1386	Huginn	3,5	12,50	0,0	2
13	15		Baldursson Atli Mar	ISL	1167	Breidablik	3,5	9,75	0,0	3
14	11		Heidarsson Arnar	ISL	1340	TR	3,5	8,50	0,0	3
15	7		Thrastarson Tryggvi K	ISL	1450		3,0	9,75	0,0	2
16	17		Karlsson Isak Orri	ISL	1148	Breidablik	3,0	8,50	0,0	2
17	13		Alexandersson Orn	ISL	1217		3,0	6,50	0,0	3
18	20		Kristbergsson Bjorgvin	ISL	1081	TR	3,0	5,50	0,0	2
19	14		Thorisson Benedikt	ISL	1169	TR	2,5	4,75	0,0	2
20	21		Omarsson Adam	ISL	1065	Huginn	2,5	4,75	0,0	1
21	1		Bjarnason Arnaldur	ISL	1647		2,0	7,00	0,0	1
22	16		Olafsson Arni	ISL	1156	TR	2,0	5,75	0,0	1
23	24		Hakonarson Oskar	ISL	0	Breidablik	2,0	2,00	0,0	1
24	23		Haile Batel Goitom	ISL	0	TR	1,0	2,50	0,0	0

 

8.umferð mótsins verður tefld á föstudagskvöld kl.19:30. Skákáhugamenn eru hvattir til þess að líta við og fylgjast með endasprettinum sem er bæði spennandi og fjörugur. Nær Vignir Vatnar að velta Ingvari Þór úr toppsæti A-flokks? Eða mun Björgvin setja strik í reikninginn og ná Vigni að vinningum og setja ógurlega spennu í keppnina um titilinn eftirsótta ‘Skákmeistari TR’? Hvað gerist í toppslag B-flokks á milli Arons Þórs og Veroniku? Getur einhver mannlegur máttur stöðvað Ólaf Evert?

Hið margrómaða og ómissandi Birnukaffi verður vitaskuld opið sem fyrr fyrir skákmenn og gesti þar sem Birna stendur vaktina brosandi með ilmandi kaffi og kærleiksríkar vöfflur.

Nánari upplýsingar um mótið má nálgast á chess-results. Skákir Haustmótsins eru aðgengilegar hér (pgn):#1, #2, #3, #4, #5, #6, #7, #8, #9.

• Heimasíða TR
• Chess-Results

Skákþing Skagafjarðar – Landsbankamótið hófst í gær.

Fyrsta umferð Skákþings Skagafjarðar var tefld í gær, 12. október. Fyrir umferðina var ljóst að keppendur yrðu 7 talsins og hafði þá fækkað um einn. Voru menn sammála um að það væri heldur fámennt fyrir 5 umferða mót með svissnesku kerfi. Það var því ákveðið á staðnum að breyta mótinu í 7 umferða „round robin“ mót, þar sem allir tefla við alla. Það þýðir að hver keppandi teflir 6 skákir og situr hjá eina umferð.

Í fyrstu umferð hafði Þór Hjaltalín hvítt gegn Herði Ingimarssyni. Upp kom nokkuð flókin staða og tókst Þór að hafa betur að lokum. Knútur Finnbogason var mættur til leiks alla leið frá Siglufirði og stýrði hvítu mönnunum gegn Jóni Arnljótssyni, en varð að játa sig sigraðan eftir 34 leiki. Lengsta skák kvöldsins var milli Péturs Bjarnasonar, sem hafði hvítt, gegn Einari Erni Hreinssyni, en Einar varð mát í 74. leik. Pálmi Sighvatsson sat hjá í fyrstu umferð.

Úrslit, paranir og dagskrá mótsins má sjá á Chess-Results. 

Heimasíða Skákfélags Sauðárkróks

Milljónamótið í Atlantic City – Rúnar vann til verðlauna

Þriðja og hugsanlega síðasta Milljónaskákmótið, fór fram í Atlantic City í USA daganna 6-10. október. Tveir Íslendingar tóku þátt í mótinu, þeir Rúnar Ísleifsson og Hermann Aðalsteinsson félagsmenn Hugins. Rúnar náði ágætis árangri í U-2000 stiga flokki, en Rúnar endaði í 36. sæti með 4 vinninga af 7 mögulegum og fékk 300$ í verðlaun.

Hermann keppti í U-1800 stiga flokki og varð í 72. sæti með 2 vinninga, en vann ekki nein peningaverðlaun.

Félagsmaður Hugins Gawain Jones varð hársbreidd frá því að vinna opna flokkinn, en tapaði í útsláttarkeppni um efsta sætið fyrir pólska stórmeistaranum Dariusz Swierczsem hlaut 30.000 $ í verðlaun fyrir vikið.

Rúnar var að taka þátt í sínu fyrsta skákmóti á erlendri grund, en Hermann í sínu öðru móti. Þeir félagar voru sammála um að mótið hefði verið afskaplega vel skipulagt og allur aðbúnaður til fyrirmyndar.

Mótinu verða gerð góð skil á skemmtikvöldi Hugins sem fram fer á Húsavík föstudagskvöldið 28. október. Þar ætla þeir félagar að skýra nokkrar skákir frá mótinu og sýna myndir sem teknar voru í Atlantic City.

Lenka sigurvegari Meistaramóts Víkingaklúbbsins

Lenka Ptacnikova sigraði með yfirburðum á Meistaramóti Víkingaklúbbsins sem lauk í gærkvöldi. Telfdar voru atskákir og hlaut hún 5½ vinning af 6 mögulegum. Í 2.-4. sæti urðu Loftur Baldvinsson, Stefán Þór Sigurjónsson og Halldór Pálsson með 4. vinninga.

 

Alls tóku 12 keppendur þátt og skákstjóri var hinn vörpulegi Kristján Örn Elíasson.

Alþjóðlega geðheilbrigðismótið fer fram í kvöld

Alþjóðlega geðheilbrigðismótið í skák verður haldið í Skákhöllinni í Faxaefni fimmtudagskvöldið 13. október klukkan 19.30. Mótið er jafnan einn af hápunktum skákársins og tilefnið er vitaskuld Alþjóðlegi geðheilbrigðisdagurinn. Að mótinu standa Vinaskákfélagið, Hrókurinn og Taflfélag Reykjavíkur, með stuðningi Ísspors og Forlagsins. 

Mótið á sér langa sögu og hafa flestir af bestu skákmönnum landsins verið meðal þátttakenda gegnum söguna. Tefldar verða 7 umferðir með 7 mínútna umhugsunartíma. 

Tilgangur mótsins er að vekja athygli á Alþjóðlega geðheilbrigðisdeginum, sem rímar fullkomlega við kjörorð skákhreyfingarinnar: Við erum ein fjölskylda. 

Allir eru velkomnir, og þátttökugjöld eru engin. Skráið ykkur sem fyrst hjá Róbert Lagerman í [e-mail].