Haustmót Vinaskákfélagsins fer fram í dag

Haustmót Vinaskákfélagsins verður haldið mánudaginn 7 nóvember kl: 13, í Vin Fræðslu og Batasetur að Hverfisgötu 47. Tefldar verða 6 umferðir með 7 mínútur á skák. Í hléi verður boðið upp á kaffi og veitingar.

Allir velkomnir á meðan húsrúm leyfir.

 

Bárður Örn efstur fyrir lokaumferðina

Sjötta og síðasta umferð Íslandsmótsins í skák hófst nú kl. 10. Bárður Örn Birkisson (2126) er efstur fyrir hana með 4½ vinning. Gauti Páll Jónsson (2036) og Nansý Davíðsdóttir (1901) koma næst með hálfum vinningi minna. Bárður er því í vænlegri stöðu. Jafntefli eða sigur tryggir honum Íslandsmeistaratitilinn og jafnvel þó hann tapi er hann er öruggur með að komast í aukakeppni um titilinn.

Það gekk á ýmsu í fimmtu umferðinni í gær. Gauti vann Björn Hólm Birkisson (2009) eftir að sá síðarnefndi át baneitrað peð. Nansý vann Óskar Víking Davíðsson (1702) og Jón Trausti Harðarson (2157) mætti ekki til leiks gegn Degi Ragnarssyni (2244).

Spennan var gríðarleg í skák Bárðar og Arnar Leó. Örn var lengi peði yfir og margt bendi til að sigurinn lenti hans megin. Hann lék hins vegar af sér manni og þrátt fyrir að hann hefði barist til síðasta blóðdropa í um nærri 90 leiki dugði það ekki. Erni tekst því ekki að verja Íslandsmeistaratitilinn sinn.

Áhorfendur eru velkomnir í Faxafenið til að fylgjast með lokaumferðinni. Kaffi á könnunni.

Mótstafla á Chess-Results.

 

Barna- og unglingameistaramót TR fer fram sunnudaginn 13. nóvember

Barna- og unglingameistaramót sem og Stúlknameistaramót Taflfélags Reykjavíkur fer fram sunnudaginn 13. nóvember í félagsheimili T.R. Faxafeni 12. Taflið hefst kl.14.

Tefldar verða 7 umferðir eftir Monrad-kerfi með umhugsunartímanum 15 mín. á skák.

Teflt verður í tveimur flokkum: opnum flokki og stúlknaflokki. Verðlaun verða veitt fyrir þrjú efstu sætin í opna flokknum og þar fyrir utan hlýtur efsti T.R.-ingurinn titilinn Unglingameistari T.R. 2016.

Þá verða veitt verðlaun fyrir þrjú efstu sætin í stúlknaflokknum og þar fyrir utan hlýtur efsta stúlkan úr T.R. titilinn Stúlknameistari T.R. 2016.

Til viðbótar verða veitt verðlaun fyrir efsta sætið í aldursflokknum 13-15 ára (f. 2001-2003), 11-12 ára (f. 2004-2005), 9-10 ára (f. 2006-2007) sem og 8 ára og yngri (f. 2008 og síðar) í báðum flokkum (opna flokknum og stúlknaflokknum).

Mótið er opið öllum krökkum 15 ára og yngri (fædd 2001 og síðar).

Aðgangur á mótið er ókeypis.

Skráningarform

Skráðir keppendur

Skákþáttur Morgunblaðsins: Hitað upp fyrir heimsmeistaraeinvígi

Guðmundur Kjartansson og Einar Hjalti Jensson eru fulltrúar Íslands í efsta flokki Skákþings Norðurlanda sem stendur yfir þessa dagana í Sastamala í Finnlandi. Mótið fer fram í þrem flokkum þar af tveimur öldungaflokkkum, 50 ára og eldri og 65 ára eldri. Í síðarnefnda flokknum tefla tveir Íslendingar, Gunnar Finnlaugsson og Sigurður H. Jónsson.

Í efsta flokki tefla 10 skákmenn og er Norðmaðurinn Jon Ludwig Hammer stigahæstur. Guðmundur Kjartansson gerir nú atlögu að 2.500 elo-stiga „múrnum „ en með því uppfyllir hann þau skilyrði sem til þarf til að hljóta útnefningu FIDE sem stórmeistari. Hann tapaði fyrir Svíanum Blomqvist í 6. umferð og er um miðjan hóp keppenda. Staðan efstu manna þegar þrjár umferðir eru eftir:

1. Erik Blomqvist 5 v. (af 6 ) 2.-3. Jon Ludwig Hammer og Martin Percivaldi 4½ v. 4. Axel Smith 4 v. 5.-6. Guðmundur Kjartansson og Mikla Kartunen 3 v.

Besta skák Guðmundar kom í 4. umferð:

NM 2016:

Johan Salomon – Guðmundur Kjartansson

Vængtafl

1. c4 e6 2. g3 d5 3. Bg2 Rf6 4. Rf3 Be7 5. 0-0 0-0 6. b3 c5 7. Bb2 Rc6 8. e3 d4 9. exd4 cxd4 10. He1 He8 11. Re5?!

Í þessari byrjun sem vel mætti kalla Benony-vörn með skiptum litum er sennilega affararsælast að fara sér hægt, 11. d3 var traustara.

11.... Rxe5 12. Hxe5 Rd7 13. He1 e5 14. Ba3 a5 15. d3 Bxa3 16. Rxa3 Rc5 17. Bd5 Bf5 18. Df3 Dd7 19. Had1

Smá leikbrella sem svartur fellur ekki fyrir, 19... Bg4? er vitanlega svarað með 20. Bxf7+! o.s.frv.

19.... He7 20. Hd2 Bg4 21. Dg2 Kh8 22. f3 Be6 23. Bxe6 Hxe6 24. Rc2 f5 25. b4

Þessi leikur skilar ekki neinu en það er erfitt að finna einhverja áætlun.

25.... axb4 26. Rxb4 b5 27. Hc2 e4 28. fxe4 fxe4 29. cxb5 Dxb5 30. Hec1 He5!

Heldur spennunni í stöðunni. Einnig var hægt að leika 30.... Rxd3 en eftir 31. a4! Dxb4 32. Hc8+ He8 33. Hxa8 Hxa8 34. Dxe4 á hvítur góða möguleika á jafntefli.

31. Hc4 Hae8 32. dxe4 Hxe4

Gengur beint til verks , 33. Hxc5 strandar á 33.... He1+ og vinnur en nú gat hvítur varist með 33. Df1! þar sem drottningin valdar d3-reitinn.

33. Df2 d3! 34. Hxe4

Eða 34. dxc5 Dxc5 35. Hxc5 d2 o.s.frv.

34.... Rxe4 35. Dd4 d2 36. Hf1

36.... Rxg3!

Lagleg lokaflétta.

37. hxg3 Dxf1+ 39. Kxf1 He1+ 40. Kf2 d1(D)

– og hvítur gafst upp.

 

Magnús Carlsen vann Nakamura á netinu

Heimsmeistaraeinvígi Magnúsar Carlsen og Sergei Karkain hefst í New York 11. nóvember nk. Bandaríkjamenn höfðu vonast eftir að mótstöðumaður Norðmannsins yrði annaðhvort Hikaru Nakamura eða Fabiano Caruana en það fór á annan veg og í áskorendakeppninni í vor sigraði Rússinn/Úkraínumaðurinn Sergei Karjakin. 

Magnús hitaði upp fyrir stóra slaginn með hraðskákeinvígi við Nakamura sem fram fór sl. fimmtudag. Fyrirkomulagið var með óvenjulegum hætti; þeir voru báðir í mynd en sátu ekki augliti til auglitis heldur fyrir framan tölvu á hótelherbergi og tefldu á netinu alls 25 skákir. Í fyrsta hluta voru tefldar hraðskákir 5 2 og vann Magnús 5½:3½. Hann hafði einnig betur í næsta kafla, 5:2, en þá voru tefldar hraðskákir, 3 2. Í „bullet“ skákunum“, 1 1, voru m.a. tefldar þrjár „Fischer-random“ skákir. Þar náði Nakamura sér loksins á strik og vann 5:4. Lokaniðurstaðan var samt öruggur sigur Magnúsar, 14½:10½.

Grein þessi birtist í Morgunblaðinu 29. október 2016

Skákþættir Morgunblaðsins

Bárður Örn efstur á Unglingameistaramóti Íslands

Bárður Örn Birkisson (2126) er efstur með 3,5 vinninga að lokinni fjórðu umferð Unglingameistaramóts Íslands (u22) sem fram fór fyrr í dag í húsnæði SÍ. Bárður vann Gauta Pál Jónsson (2026). Örn Leó Jóhannsson (2222) er annar með 3 vinninga en lagði Nansý Davíðsdóttur (1901) að velli. Gauti og Nansý hafa 2,5 vinninga.

Fimmta og næstsíðasta umferð hófst nú kl. 17. Þar tefla meðal annars Bárður - Örn Leó og Björn Hólm - Gauti 

 

Mótstafla á Chess-Results.

 

Gauti, Bárður og Nansý efst á Unglingameistaramóti Íslands - mikið um óvænt úrslit

Gauti Páll Jónsson (20236), Bárður Örn Birkisson (2126) og Nansý Davíðsdóttir (1901) eru efst og jöfn á Unglingameistaramóti Íslands að loknum þremur umferðum. Í gær voru tefldar þrjár fyrstu umferðarinnar og var þá tefld atskák. Afar mikið var um óvænt úrslit sem lýsir sér í því að keppendur númer 4,5 og 8 í stigaröð keppenda eru á toppnum.

Í dag eru tefldar tvær skákir og er tefld kappskák. Sú fyrri kl. 11 og sú síðari kl. 17.

Unglingameistaramótið í ár er teflt til minningar um Svein Gylfason unglingameistarameistara Íslands árið 1980. Nýr farandbikar hefur verið keyptur og bar hann nafnið Sveinbikarinn og er gefin af fjölskyldu Sveins.

 

Mótstafla á Chess-Results.

 

Hraðskákmót Hugins fer fram á mánudagskvöldið

Hraðskákmót Hugins í Mjóddinni verður haldið mánudaginn 7. nóvember nk. Teflt er í félagsheimili Hugins í Álfabakka 14a og hefst taflið kl. 20. Tefldar verða 7 umferðir, tvöföld umferð, með umhugsunartímanum 4 mínútur + 2 sekúndur á hvern leik.

Mótið verður reiknað til hraðskákstiga. Heildarverðlaun á mótinu eru kr. 20.000.

Núverandi hraðskákmeistari Hugins er Hjörvar Steinn Grétarsson. Þetta er í tuttugasta of fyrsta sinn sem mótið fer fram. Björn Þorfinnsson og Davíð Ólafsson hafa hampað titlinum oftast eða fjórum sinnum.

Verðlaun skiptast svo:

1. 10.000 kr.
2.  6.000 kr.
3.  4.000 kr.

Þátttökugjöld eru kr. 400 fyrir félagsmenn en kr. 600 fyrir aðra. Fyrir unglinga í Huginn eru þau kr. 300 en kr. 400 fyrir aðra.

Haustmót Vinaskákfélagsins fer fram á mánudaginn

Haustmót Vinaskákfélagsins verður haldið mánudaginn 7 nóvember kl: 13, í Vin Fræðslu og Batasetur að Hverfisgötu 47. Tefldar verða 6 umferðir með 7 mínútur á skák. Í hléi verður boðið upp á kaffi og veitingar.

Allir velkomnir á meðan húsrúm leyfir.

 

Framsýnarmótið fer fram helgina 11.-13. nóvember

Verður haldið í Framsýnarsalnum að Garðarsbraut 26 á Húsavík helgina 11-13 nóvember nk.

Tefldar verða 7 umferðir alls, fyrstu fjórar með atksákartímamörkum (25 mín) en þrjár síðari skákirnar með 90 mín + 30 sek/leik.

Þátttökugjald 2000 kr en 1000 kr fyrir 16 ára og yngri.

Dagskrá: (gæti tekið breytingum)

Framsýnarhúsið á Húsavík

• Föstudagur 11. nóvember kl 20:00 1. umferð
• Föstudagur 11. nóvember kl 21:00 2. umferð
• Föstudagur 11. nóvember kl 22:00 3. umferð
• Föstudagur 11. nóvember kl 23:00 4. umferð
• Laugardagur 12. nóvember kl 11:00 5. umferð
• Laugardagur 12. nóvember kl 19:30 6. umferð (vegna leiks Króatíu og Íslands í undankeppni HM kl 17:00 frestast 6. umferð þar til að leik loknum)
• Sunnudagur 13. nóvember kl 10:30 7. umferð

Mótið verður reiknað til Fide-skákstiga, Fide-atskákstiga og Íslenskra skákstiga.

Skráning.

Væntanlegir keppendur geta skráð sig til leiks á þar til gerðu skráningarformi sem er hér til vinstri á vefnum Skákhuginn.is og einnig á skák.is Hægt verður að skrá sig til keppni fram til kl 19:30 á föstudag, eða 30 mín áður en mótið hefst.

• Skráningarform
• Skráðir keppendur

Verðlaun.

Veittir verða eignarbikarar í verðlaun handa þremur efstu af félagsmönnum Hugins og einnig fyrir þrjá efstu utanfélagsmenn. Einnig verða sérstök verðlaun veitt fyrir þrjá efstu í flokki 16 ára og yngri.
Fyrirtækið Eflir almannatengsl, hefur ákveðið að veita sérstök verðlaun á Framsýnarmótinu 2016 fyrir mestu stigabætinguna.

Gisting.

Á Húsavík eru næstum endalausir möguleikar á gistingu. Mótshaldarar vilja þó vekja sérstaka athygli á því að hægt er að fá gistingu á Fosshótel Húsavík á mjög hagstæðu verði. Hótelið er ný standsett og glæsilegt. Þar eru 110 herbergi, glæsilegur lobbý-bar og þar verður hægt að horfa á leik Íslands og Króatíu á laugardeginum kl 17:00.

Unglingameistaramót Íslands hefst í kvöld - teflt um sæti í landsliðsflokki og um Sveinsbikarinn

Unglingameistaramót Íslands fer fram dagana 4.-6 nóvember nk. Íslandsmeistarinn tryggir sér sæti í Landsliðsflokki árið 2017.

Dagskrá:

• 1.-4. umferð: Föstudagskvöldið 4. nóvember. Fyrsta umferð hefst 19:00.
• 5. umferð 11:00 á laugardegi.
• 6. umferð 17:00 á laugardegi.
• 7. umferð 10:00 á sunnudegi. 

Mótið er opið skákmönnum fæddum á bilinu 1994-1999. Jafnframt er yngri skákmönnum heimilt að taka þátt hafi þeir 1800 stig eða fleiri, íslensk eða FIDE-stig, miðað við nýjustu stigalista. Íslandsmeistarar u16, u14 og u12 eiga einnig þátttökurétt. 

Teflt verður um Íslandsmeistaratitilinn verði menn jafnir að vinningum. Stig eru látin gilda um önnur sæti verði menn jafnir að vinningum. 

Morgunblaðið (16. nóvember 1980)

Nýr farandbikar - Sveinsbikarinn verður veittur í fyrsta sinn. Það er fjölskylda Sveins Gunnars Gylfasonar, unglingameistara Íslands árið 1980, sem gefur farandbikarinn í tilefni þess að í ár eru 50 ár síðan Sveinn fæddist. Sveinn lést í mars 1983 - mánuði fyrir 17 ára afmælið sitt. Sveinn vann mótið mjög óvænt á sínum tíma enda þá aðeins 14 ára.

Morgunblaðið (18. nóvember 1980)

 

Tímamörk í fyrstu fjórum umferðunum er 20min 05sek og 90min 30sek í seinni þremur. Það er 20 mínútur og 5 viðbótarsekúndur fyrir hvern leik og 90 mínútur og 30 viðbótarsekúndur fyrir hvern leik.

Mótið er reiknað til alþjóðlegra og íslenskra skákstiga.

Mótið fer fram í Skáksambandi Íslands að Faxafeni 12. Skráning er til hádegis 4. nóvember á Skák.is. Þátttökugjald er 1.500 kr.

Upplýsingar um þegar skráða keppendur má finna hér.

Unglingameistari 2015 varð Örn Leó Jóhannsson.

Mótið á Chess-Results.