Heimsmeistaraeinvígið: Fyrsta skákin fór jafntefli

Fyrstu skák heimsmeistaraeinvígi Magnusar Carlsen og Sergey Karjakin lauk með jafntefli í gær. Carlsen hafði hvítt og fór í smiðju Björns Þorfinnssonar og beitti Trompowsky-byrjuninni. Kom þar á óvart eins og honum er tamt. Norðmaðurinn fékk upp heldur betra tafl en aldrei nóg til þess að vinna skákina sem lauk með jafntefli eftir 42 leiki.

Það var leikarinn og skákáhugamaðurinn Woody Harrelsen sem lék fyrsta leikin fyrir Carlsen, d2-d4. 

Woody Harrelson giving Sergey Karjakin the #TrueDetective look. #CarlsenKarjakin pic.twitter.com/wK2bfIROzl

— Olimpiu G. Urcan (@OlimpiuUrcan) November 11, 2016

 

 

The clash between @MagnusCarlsen & @SergeyKaryakin starts in perfect fashion with current news... a TRUMP-owsky!! #c24live #CarlsenKarjakin pic.twitter.com/ox6IGKvS88

— Michael VasquezOtazu (@mitxxxael) November 11, 2016

 

Ítarlega frétt um upphaf einvígisins má finna á Chess24.

Önnur skák einvígisins fer fram í kvöld og hefst kl. 19. Ýmsar leiðir eru til að fylgjast með einvíginu og má þar nefna

• Heimasíða mótsins (10% afsláttur með því að nota kóðann "ischess")
• Chess24 (frítt en ekki myndskeið frá keppendunum)

[Event "Carlsen - Karjakin World Chess Championship"] [Site "New York NY USA"] [Date "2016.11.11"] [EventDate "2016.11.11"] [Round "1"] [Result "1/2-1/2"] [White "Magnus Carlsen"] [Black "Sergey Karjakin"] [ECO "A45"] [WhiteElo "?"] [BlackElo "?"] [PlyCount "84"] 1.d4 Nf6 2.Bg5 d5 3.e3 c5 4.Bxf6 gxf6 5.dxc5 Nc6 6.Bb5 e6 7.c4 dxc4 8.Nd2 Bxc5 9.Ngf3 O-O 10.O-O Na5 11.Rc1 Be7 12.Qc2 Bd7 13.Bxd7 Qxd7 14.Qc3 Qd5 15.Nxc4 Nxc4 16.Qxc4 Qxc4 17.Rxc4 Rfc8 18.Rfc1 Rxc4 19.Rxc4 Rd8 20.g3 Rd7 21.Kf1 f5 22.Ke2 Bf6 23.b3 Kf8 24.h3 h6 25.Ne1 Ke7 26.Nd3 Kd8 27.f4 h5 28.a4 Rd5 29.Nc5 b6 30.Na6 Be7 31.Nb8 a5 32.Nc6+ Ke8 33.Ne5 Bc5 34.Rc3 Ke7 35.Rd3 Rxd3 36.Kxd3 f6 37.Nc6+ Kd6 38.Nd4 Kd5 39.Nb5 Kc6 40.Nd4+ Kd6 41.Nb5+ Kd7 42.Nd4 Kd6 1/2-1/2

Íslandsmót unglingasveita fer fram næsta laugardag

Íslandsmót Unglingasveita 2016 verður haldið þann 19. nóvember næstkomandi í Garðalundi í Garðabæ. (Garðaskóli)

Mótið hefst kl. 13 og stendur líklega fram til 17. Umhugsunartími eru 10 mínútur + 5 sek á mann.

Mótið er liðakeppni Taflfélaga og eru 4 í hverju liði auk varamanna.

Reglugerð mótsins má finna á vefnum skaksamband.is http://www.skaksamband.is/?c=webpage&id=249

Þátttökurétt hafa öll taflfélög sem og/eða íþrótta/héraðssambönd svo framarlega að ekki er taflfélag á sama svæði.

Skráning fer fram í tölvupósti til félagsins [e-mail]

Benda ber sérstaklega á

• að sameinuð lið geta ekki orðið Íslandsmeistarar
• hverju liði skal fylgja liðsstjóri sem sér um liðið og að fylla út öll úrslit í mótinu. Hver liðsstjóri skal ekki stýra meira en 2 liðum
• Þátttökugjöld eru 4000 kr. á hvert lið. (2000 fyrir aukalið.)
• Mótið verður reiknað til alþjóðlegra atskákstiga. Fæðingardagar þeirra keppenda sem eru ekki á stigalista þurfa fylgja með skráningu.

Íslandsmeistarar 2015 voru Taflfélag Reykjavíkur.

Unglingameistaramót Hugins hefst á mánudaginn

Unglingameistaramót Hugins 2016 (S) hefst mánudaginn 14. nóvember nk. kl. 16.³⁰ þ.e. nokkru fyrr heldur en venjulegar mánudagsæfingar. Mótinu verður svo fram haldið þriðjudaginn 15. nóvember nk. kl. 16.^30. Tefldar verða 7 umferðir eftir svissnesku kerfi. Mótið verður reiknað til atskákstiga. Fyrri keppnisdaginn verða fjórar skákir og þrjár þann seinni. Umhugsunartími á hverja skák er 15 mínútur á skák + 5 sekúndur á leik. 

Mótið er opið öllum 15 ára og yngri í grunnskóla en titilinn sjálfan getur aðeins félagsmaður í Huginn unnið. Á meðan á mótinu stendur falla venjulegar barna- og unglingaæfingar niður. Næsta barna- og unglingaæfing eftir unglingameistaramótið verður mánudaginn 21. nóvember n.k. Keppnisstaður er Álfabakki 14a í Mjódd (inngangur milli Subway og Fröken Júlíu) og er salur félagsins á þriðju hæð. Engin þátttökugjöld. Núverandi unglingameistari Hugins er Óskar Víkingur Davíðsson. 

Umferðatafla:

• 1.-4. umferð: Mánudaginn 14. nóvember kl. 16.³⁰
• 5.-7. umferð: Þriðjudaginn 15. nóvember kl. 16.³⁰

 

Verðlaun:

1. Unglingameistari Hugins fær farandbikar til varðveislu í eitt ár.
2. Þrír efstu fá verðlaunagripi til eignar.
3. Allir keppendur fá skákbók.
4. Þrír efstu 12 ára og yngri fá verðlaunapening.
5. Stúlknameistari Hugins fær verlaunagrip til eignar.

DV fjallar um heimsmeistaraeinvígið

Alþjóðlegi meistarinn Björn Þorfinnsson er ekki bara góður skákmaður (er í 2.097 sæti heimslistans) heldur einnig afar hæfileikaríkur blaðmaður á DV. Hann hefur boðað daglega pistla á DV á meðan einvíginu, sem eru í senn fróðlegir og fyndnir, og sá fyrsti birtist í dag. Þar segir meðal annars:

Allar áhugamenn um almennilega dramatík bíða í ofvæni eftir heimsmeistaraeinvíginu í skák sem hefst í dag í New York og stendur til 30.nóvember. Þar mun Norðmaðurinn Magnus Carlsen freista þess að verja heimsmeistaratitilinn sinn í þriðja sinn. Í fyrri tvö skiptin hefur hann knésett Indverjann Vishy Anand en nú bíður jafnaldri hans, hinn rússneski Sergey Karjakin. Sá bar sigur úr býtum í úrslitamóti bestu skákmanna heims um réttinn til að skora á Magnus. Normaðurinn er talinn sigurstranglegri í einvíginu en enginn skyldi vanmeta ótrúlega hæfileika Sergey Karjakin.

Pistilinn má finna í heild sinni á DV.

 

Heimsmeistaraeinvígi Carlsen og Karjakin hefst í kvöld - Carlsen með hvítt í fyrstu skákinni

Heimsmeistaraeinvígi Magnusar Carlsen og Sergey Karjakin hefst í kvöld, föstudaginn 11. nóvember í New York. Hefst útsendingin kl. 18. Tefla þeir félagar 12 skákir og lýkur einvíginu 30. nóvember. Dregið var um liti í gær og hefur Carlsen hvítt í fyrstu skákinni. 

Ýmsar leiðir eru til að fylgjast með einvíginu. Hér á Skák.is er borði efst sem vísar á vefsíðu mótsins þar sem hægt er að kaupa sér áskrift að beinum útsendingum. Kostar sú áskrift aðeins $15 eða um 1.700 kr. fyrir allt einvígið. Heimasíða mótsins verður eini staðurinn þar sem hægt verður að fylgjast með skákmönnunum sjálfum í beinni útsendingu og hafa mótshaldarar lofað miklum gæðum.  

Hægt er að slá inn kóðann "ischess" og þá fæst 10% afsláttur auk þess sem 10% renna til Skáksambands Íslands. 

Ýmsar aðrir leiðir eru til að fylgjast með einvíginu og má þar nefna www.chess24.com. Þar verða leikirnir sýndir beint og skákirnar skýrðar en hinsvegar ekki hægt að horfa á skákmeistarana við skákborðið. 

Einnig verða beinar útsendingar á norska ríkissjónvarpinu, NRK2. Hægt er að kaupa áskrift í gegnum áskriftarpakka hérlendis að þeirri stöð í gegnum Símann (Heimur - Evrópa) og Vodafone (Vodafone Evrópa). Verðið á pökkunum er 4.290-4.390 kr. 

Skáksamband Íslands mun bjóða uppá opin kvöld þar sem skákmeistarar munu skýra skákirnar. Dagsetningar opinna kvölda verða kynntar hér á Skák.is.

Hjörvar Steinn Grétarsson og Björn Þorfinnsson voru í viðtali við Akraborgina á X977 í gær sem ber fyrirsögnina; Sparkaði niður heimsmeistarann í skák í fótboltaleik. Það má nálgast hér.

Skrá sig fyrir áskrift.

 

Journalist: "Mr. Carlsen, who is the best chessplayer in the world?" Magnus Carlsen: "I am sorry...What was the question?" #CarlsenKarjakin pic.twitter.com/ouVKtLKHq9

— Olimpiu G. Urcan (@OlimpiuUrcan) November 10, 2016

Barna- og unglingameistaramót TR fer fram á sunnudaginn

Barna- og unglingameistaramót sem og Stúlknameistaramót Taflfélags Reykjavíkur fer fram sunnudaginn 13. nóvember í félagsheimili T.R. Faxafeni 12. Taflið hefst kl.14.

Tefldar verða 7 umferðir eftir Monrad-kerfi með umhugsunartímanum 15 mín. á skák.

Teflt verður í tveimur flokkum: opnum flokki og stúlknaflokki. Verðlaun verða veitt fyrir þrjú efstu sætin í opna flokknum og þar fyrir utan hlýtur efsti T.R.-ingurinn titilinn Unglingameistari T.R. 2016.

Þá verða veitt verðlaun fyrir þrjú efstu sætin í stúlknaflokknum og þar fyrir utan hlýtur efsta stúlkan úr T.R. titilinn Stúlknameistari T.R. 2016.

Til viðbótar verða veitt verðlaun fyrir efsta sætið í aldursflokknum 13-15 ára (f. 2001-2003), 11-12 ára (f. 2004-2005), 9-10 ára (f. 2006-2007) sem og 8 ára og yngri (f. 2008 og síðar) í báðum flokkum (opna flokknum og stúlknaflokknum).

Mótið er opið öllum krökkum 15 ára og yngri (fædd 2001 og síðar).

Aðgangur á mótið er ókeypis.

Skráningarform

Skráðir keppendur

F3-kvöld fimmtudaginn 17. nóvember - sértilboð á skákbókum og skemmtikvöld!

Skáksamband Íslands og Stefán Bergsson skákbókasali efna til skákbókakynningar fimmtudagskvöldið 17. nóvember. Fjöldamargir nýir titlar verða kynntir og til sölu. Má nefna nýjar bækur eftir stórmeistarana Boris Gelfand og Parimarjan Negi.

Húsið opnar klukkan 21:00 en félögum í F3-klúbb Skáksambandsins er boðið að mæta klukkan 20:00 og þiggja léttar veitingar og njóta mjög góðra afsláttarkjara af bókum sem gilda fyrir F3-félaga. Hægt verður að skrá sig í F3-klúbbinn frá kl. 20:00 auk þess sem stjórmeistarinn Hjörvar Steinn Grétarsson mun fara yfir hápunkta heimsmeistaraeinvígis Carlsen og Karjakin fyrir F3-félaga.

Á meðan F3-kvöldinu fer fram verður skákum fimmtu skákarinnar sem þá er í gangi varpað upp á skjá og geta menn spáð í spilin.

Félagar í F3-klúbbnum styðja Skáksamband Íslands um 2.000 kr. á mánuði og njóta um leið ýmissa sérkjara og tilboða á viðburðum sambandsins.  Klúbburinn ætlar framvegis að hafa a.m.k. fjögur skemmtikvöld ár hvert og er næsta F3-kvöld fyrirhugað í febrúar.

Skráning í F3-klúbbinn.

 

Stjórn SÍ hefur ákveðið að öll innkoma að F3-klúbbnum árið 2017 verði notuð til að styrkja við þátttöku ungra og efnilega skákmanna til að tefla á erlendri grundu.

F3-klúbburinn  – sérkjör - skemmtikvöld – og styðjum við framtíðina um leið!

Framsýnarmótið hefst á morgun

Framsýnarmótið verður haldið í Framsýnarsalnum að Garðarsbraut 26 á Húsavík helgina 11-13 nóvember nk. Tefldar verða 7 umferðir alls, fyrstu fjórar með atksákartímamörkum (25 mín) en þrjár síðari skákirnar með 90 mín + 30 sek/leik.

Þátttökugjald 2000 kr en 1000 kr fyrir 16 ára og yngri.

Dagskrá: ATH BREYTING FRÁ ÁÐUR AUGLÝSTRI DAGSKRÁ!

• Föstudagur 11. nóvember kl 20:00 1. umferð
• Föstudagur 11. nóvember kl 21:00 2. umferð
• Föstudagur 11. nóvember kl 22:00 3. umferð
• Föstudagur 11. nóvember kl 23:00 4. umferð
• Laugardagur 12. nóvember kl 8:30 5. umferð
• Laugardagur 12. nóvember kl 13:00 6. umferð
• Sunnudagur 13. nóvember kl 10:30 7. umferð

Mótið verður reiknað til Fide-skákstiga, Fide-atskákstiga og Íslenskra skákstiga.

Skráning.

Væntanlegir keppendur geta skráð sig til leiks á þar til gerðu skráningarformi sem er hér til vinstri á vefnum Skákhuginn.is og einnig á skák.is Hægt verður að skrá sig til keppni fram til kl 19:30 á föstudag, eða 30 mín áður en mótið hefst.

• Skráningarform
• Skráðir keppendur

Verðlaun.

Veittir verða eignarbikarar í verðlaun handa þremur efstu af félagsmönnum Hugins og einnig fyrir þrjá efstu utanfélagsmenn. Einnig verða sérstök verðlaun veitt fyrir þrjá efstu í flokki 16 ára og yngri.
Fyrirtækið Eflir almannatengsl, hefur ákveðið að veita sérstök verðlaun á Framsýnarmótinu 2016 fyrir mestu stigabætinguna.

Gisting.

Á Húsavík eru næstum endalausir möguleikar á gistingu. Mótshaldarar vilja þó vekja sérstaka athygli á því að hægt er að fá gistingu á Fosshótel Húsavík á mjög hagstæðu verði. Hótelið er ný standsett og glæsilegt. Þar eru 110 herbergi, glæsilegur lobbý-bar og þar verður hægt að horfa á leik Íslands og Króatíu á laugardeginum kl 17:00.

Skákstjóri verður Ingibjörg Edda Birgisdóttir

Unglingameistaramót Hugins hefst á mánudaginn

Unglingameistaramót Hugins 2016 (S) hefst mánudaginn 14. nóvember nk. kl. 16.³⁰ þ.e. nokkru fyrr heldur en venjulegar mánudagsæfingar. Mótinu verður svo fram haldið þriðjudaginn 15. nóvember nk. kl. 16.^30. Tefldar verða 7 umferðir eftir svissnesku kerfi. Mótið verður reiknað til atskákstiga. Fyrri keppnisdaginn verða fjórar skákir og þrjár þann seinni. Umhugsunartími á hverja skák er 15 mínútur á skák + 5 sekúndur á leik. 

Mótið er opið öllum 15 ára og yngri í grunnskóla en titilinn sjálfan getur aðeins félagsmaður í Huginn unnið. Á meðan á mótinu stendur falla venjulegar barna- og unglingaæfingar niður. Næsta barna- og unglingaæfing eftir unglingameistaramótið verður mánudaginn 21. nóvember n.k. Keppnisstaður er Álfabakki 14a í Mjódd (inngangur milli Subway og Fröken Júlíu) og er salur félagsins á þriðju hæð. Engin þátttökugjöld. Núverandi unglingameistari Hugins er Óskar Víkingur Davíðsson. 

Umferðatafla:

• 1.-4. umferð: Mánudaginn 14. nóvember kl. 16.³⁰
• 5.-7. umferð: Þriðjudaginn 15. nóvember kl. 16.³⁰

 

Verðlaun:

1. Unglingameistari Hugins fær farandbikar til varðveislu í eitt ár.
2. Þrír efstu fá verðlaunagripi til eignar.
3. Allir keppendur fá skákbók.
4. Þrír efstu 12 ára og yngri fá verðlaunapening.
5. Stúlknameistari Hugins fær verlaunagrip til eignar.

Hjörvar sigraði á Hraðskákmóti Hugins

Það var vel mætt á Hraðskákmót Hugins í Mjóddinni sem fram fór sl. mánudagskvöld 7. nóvember. 28 keppendur tóku þátt  í mótinu sem var skipað blöndu af reyndum skákmönnum og yngri skákmönnum. Í stað hefðbundinna tímamarka með 5 mínútna umhugsunartíma á klukkunni var í fyrsta sinn teflt með viðbótartíma. Það virtist hafa þau áhrif að aðrúmsloftið væri afslappaðra þótt hart væri barist og klukkurnar voru lamdar eins og vanalega á hraðskákmótum.

Baráttan var jöfn að flestu leiti og minni spámenn tóku vinninga af þeim sem taldir voru sterkari út um allan salinn. Það var samt engin spurning með sigurinn því fyrir lokaumferðina var Hjörvar Steinn Grétarsson með tveggja vinninga forskot á næstu keppendur og þurfti Bárður Örn Birkisson að vinna báðar skákirnar við hann í lokaumferðinni til að jafna hann að vinningum sem ekki gekk eftir enda svo sem ekki búist við því. Hjörvar sigraði því örugglega með 13 vinninga af 14 mögulegum. Hjörvar hefur unnið þetta mót fjórum sinnum og búinn að jafna þá sem sigrað hafa oftast á því. Jafnir í öðru og þriðja sæti voru Andri Grétarsson og Vignir Vatnar Stefánsson með 10 vinninga og hafði Andri annað sætið á stigum. Andri var einnig sá eini sem tók vinning af Hjörvari.

Fyrir mótið afhenti skákstjóri Vigfús Ó. Vigfússon skákmeistara Hugins Dawid Kolka eignagrip vegna Meistaramóts Hugins sem fram fór í haust. Þar sem hann hafði sigur í sérstakri úrslitakeppni við Óskar Víking Davíðsson og Heimi Pál Ragnarsson en þeir voru fremstir Huginsmanna á mótinu.

Lokastaðan á Chess-results