Páll með góða forystu í Garðabæ

Fimmta umferð skákþings Garðabæjar var tefld í gær en sú 4 í síðustu viku. Í gær unnu yfirleitt stigahærri menn nema Ingvar Egill vann Bjarnstein. Jón Þór Lemery hafði þó lengi vel vænlega stöðu gegn Páli á fyrsta borði en gerði þau mistök að skipta upp í endatafl sem reyndist erfiðara fyrir hvítan, þrátt fyrir að vera peði yfir.

Í uppgjöri yngri TG-ingana hafði Bjarki Freyr betur gegn Stefáni Daníel. Vinningar TG urðu því 3 af 5 mögulegum í þessari umferð.

í fjórðu umferð urðu nokkur óvænt úrslit td. gerði Jón Þór Lemery jafntefli gegn Lofti og Sigurður Freyr vann Birki Karl.

Eftir 5 umferðir er Páll efstur með fullt hús vinninga og hefur þægilega forustu því næstu menn hafa 3,5 vinning. Baldur Möller, Ingvar Egill og Loftur Baldvinsson deila með sér sætum 2-4.

í 5-6 sæti eru svo Jón Þór Lemery og Birkir Karl. með 3 vinninga.

í 6 umferð tefla m.a.  Páll og Ingvar Egill, Loftur og Baldur Möller, Birkir Karl og Jón Þór Lemery.

Sjá má allar skákir fram í 4 umferð, öll úrslit og pörun á Chess-Results. 

F3-kvöld á miðvikudaguinn - skemmtikvöld og tilboð á skákbókum

Skáksamband Íslands og Stefán Bergsson skákbókasali efna til skákbókakynningar fimmtudagskvöldið 17. nóvember. Fjöldamargir nýir titlar verða kynntir og til sölu. Má nefna nýjar bækur eftir stórmeistarana Boris Gelfand og Parimarjan Negi.

Húsið opnar klukkan 21:00 en félögum í F3-klúbb Skáksambandsins er boðið að mæta klukkan 20:00 og þiggja léttar veitingar og njóta mjög góðra afsláttarkjara af bókum sem gilda fyrir F3-félaga. Hægt verður að skrá sig í F3-klúbbinn frá kl. 20:00 auk þess sem stjórmeistarinn Hjörvar Steinn Grétarsson mun fara yfir hápunkta heimsmeistaraeinvígis Carlsen og Karjakin fyrir F3-félaga.

Á meðan F3-kvöldinu fer fram verður skákum fimmtu skákarinnar sem þá er í gangi varpað upp á skjá og geta menn spáð í spilin.

Félagar í F3-klúbbnum styðja Skáksamband Íslands um 2.000 kr. á mánuði og njóta um leið ýmissa sérkjara og tilboða á viðburðum sambandsins.  Klúbburinn ætlar framvegis að hafa a.m.k. fjögur skemmtikvöld ár hvert og er næsta F3-kvöld fyrirhugað í febrúar.

Skráning í F3-klúbbinn.

 

Stjórn SÍ hefur ákveðið að öll innkoma að F3-klúbbnum árið 2017 verði notuð til að styrkja við þátttöku ungra og efnilega skákmanna til að tefla á erlendri grundu.

F3-klúbburinn  – sérkjör - skemmtikvöld – og styðjum við framtíðina um leið!

Vignir Vatnar unglingameistari TR – Batel stúlknameistari

Barna- og unglingameistaramót sem og Stúlknameistaramót Taflfélags Reykjavíkur fór fram sunnudaginn 13. nóvember, í félagsheimili T.R. Faxafeni 12. Keppt var í tveimur flokkum, opnum flokki og stúlknaflokki og voru 7 umferðir tefldar með 15 mínútna umhugsunartíma á skák.

Skákmótið var opið fyrir keppendur 15 ára og yngri og voru þátttakendurnir 41, 27 í opnum flokki og 14 í stúlknaflokki. Veitt voru verðlaun fyrir þrjú efstu sætin í báðum flokkum. Félagsmenn í TR kepptu einnig um titilinn Unglingameistari T.R. 2016 og Stúlknameistari T.R 2016. Að auki voru aldursflokkaverðlaun í báðum flokkum.

Þátttakendur voru flestir úr hinum ýmsu skákæfingahópum TR, en einnig voru þátttakendur úr öðrum skákfélögum eins og Breiðablik og Hugin.

Skákmótið fór mjög vel fram og var góð stemning meðal krakkanna. Athygli vakti hvað krakkarnir sýndu góða skákhegðun, en í því felst að þau voru einstaklega samtaka um að hafa gott hljóð í skáksalnum, tókust í hendur fyrir og eftir skák, röðuðu upp eftir skákina og réttu upp hönd til að fá aðstoð skákstjóra. Þetta var svo flottur hópur að skákstjórarnir höfðu því sem næst ekkert að gera!

Eftir fjórðu umferð bauð T.R. keppendum upp á pizzur og gos sem hitti í mark! Þá var slegið á létta strengi og allir fóru vel mettir í þrjár síðustu umferðirnar.

Sigurvegari opna flokksins og jafnframt Unglingameistari T.R. 2016 varð hinn 13 ára gamli Vignir Vatnar Stefánsson, sem vann allar sínar skákir. Hann hefur unnið þennan titil þrisvar áður á árunum 2012, 2013 og 2014. Hann hefur tekið stöðugum framförum og er nýbúinn að ná alþjóðlegum Fidemeistaratitli. Ekki nóg með það, heldur er piltur einnig núverandi Skákmeistari Taflfélags Reykjavíkur eftir frækilegan árangur á Haustmóti TR!

Í 2. sæti var hinn efnilegi Stephan Briem úr Breiðablik með 6 vinninga. Þessi frammistaða kemur heldur ekki á óvart, þar sem að hann náði mjög góðum árangri í B-flokki í Haustmóti TR í síðasta mánuði.

Í 3. sæti var svo Unglingameistari TR frá því í fyrra, Aron Þór Mai. Hann fékk 5 vinninga og tapaði einungis fyrir Vigni og Stephan. Aron Þór er í stöðugri framför og vann B-flokk Haustmótsins um daginn með miklum yfirburðum.

Í 4.-5. sæti með jafnmarga vinninga og Aron, en lægri á stigum voru þeir Benedikt Þórisson og Gylfi Már Harðarson.

Stúlknaflokkurinn var mun fjölmennari en hin síðustu ár, en 14 stúlkur tóku nú þátt. Þar voru mættar 9 stúlkur sem sækja skákæfingarnar í TR af miklum krafti. Einnig voru meðal þátttakenda stúlkur úr Fjölni og Víkingaklúbbnum, auk þriggja stúlkna sem voru að taka þátt í skákmóti sem þessu í fyrsta sinn!

Sigurvegari stúlknaflokksins og þar með Stúlknameistari TR 2016 varð Batel Goitom Haile sem vann allar sínar skákir. Batel gekk í TR fyrir ári síðan og hefur tekið miklum framförum.

Í 2. sæti varð Freyja Birkisdóttir með 6 vinninga. Freyja hefur verið mjög iðin að tefla í skákmótum og er nú, þrátt fyrir ungan aldur, komin með mikla keppnisreynslu.

Í 3. sæti varð Anna Katarina Thoroddsen með 5 vinninga. Anna Katarina hefur verið einstaklega iðin við skákæfingar og þátttöku í hinum ýmsu skákmótum undanfarið ár.

Það sem einkenndi þetta skákmót var mikill áhugi og mikil einbeiting hjá þátttakendunum. Skákmótið tók allt í allt fjórar klukkustundir og sá tími var fljótur að líða – það fannst mörgum krökkum, sem voru í lok móts enn í stuði til að tefla meira! Margar flottar skákir voru tefldar í dag og skemmtileg tilþrif glöddu augu áhorfenda. Allir þáttakendurnir stóðu sig með sóma.

Sú spurning sem sækir að er þessi: Hvað er betra að gera á sunnudagseftirmiðdegi í nóvember en að tefla? Einmitt, við sjáumst aftur að ári! 

Í opna unglingamótinu fengu þessir aldursflokkaverðlaun:

13 -15 ára: Vignir Vatnar Stefánsson

11-12 ára: Örn Alexandersson

9-10 ára: Benedikt Þórisson

8 ára og yngri: Bjartur Þórisson (bróðir Benedikts!).

Í stúlknamótinu var enginn keppandi á aldrinum 13-15 ára. En eftirfarandi stúlkur hlutu aldursflokkaverðlaun:

11-12 ára: Ylfa Ýr Welding

9-10 ára: Batel Goitom Haile

8 ára og yngri: Anna Katarina Thoroddsen

 

 

Heildarúrslit skákmótsins urðu annars sem hér segir:

 

Opinn flokkur:

k.	SNo		Name	FED	Rtg	Club/City	Pts.	TB1	TB2	TB3
1	1		Stefansson Vignir Vatnar	ISL	2163	TR	7,0	29,5	22,5	29,50
2	4		Briem Stephan	ISL	1594	Breiðablik	6,0	28,5	19,0	21,50
3	2		Mai Aron Thor	ISL	1820	TR	5,0	36,0	25,0	23,00
4	6		Thorisson Benedikt	ISL	1188	TR	5,0	27,0	18,0	15,00
5	15		Hardarson Gylfi Mar	ISL	0	TR	5,0	25,5	18,0	16,50
6	3		Mai Alexander Oliver	ISL	1675	TR	4,5	31,0	21,0	17,25
7	5		Alexandersson Orn	ISL	1217	Breiðablik	4,5	26,0	18,0	14,75
8	9		Briem Benedikt	ISL	1077	Breiðablik	4,0	32,0	22,5	14,00
9	8		Gudmundsson Gunnar Erik	ISL	1082	Breiðablik	4,0	32,0	22,0	14,50
10	27		Olafsson Arni	ISL	1149	TR	4,0	26,0	18,5	14,00
11	20		Sharifa Rayan	ISL	0	Huginn	4,0	23,5	17,0	10,50
12	10		Omarsson Adam	ISL	1065	Huginn	4,0	22,5	16,0	9,00
13	25		Thorisson Bjartur	ISL	0	TR	4,0	22,5	15,5	10,50
14	16		Kjartansson Andrés Már	ISL	0		4,0	19,5	14,0	8,00
15	7		Bjornsson Alexander	ISL	1139	TR	3,0	27,0	20,0	10,00
16	11		Brynjarsson Einar Dagur	ISL	0	Víkingaklúbbur	3,0	24,0	17,5	5,50
17	26		Thoroddsen Tristan Theodor	ISL	0	TR	3,0	22,0	15,5	6,00
18	12		Fridgeirsson Pall Ingi	ISL	0	TR	3,0	21,5	16,0	6,50
19	18		Petersen Einar Tryggvi	ISL	0	TR	3,0	20,0	14,5	5,50
20	21		Sigfusson Ottar Orn Bergmann	ISL	0	Huginn	3,0	19,5	14,0	3,50
21	22		Sigmundsson Thorsteinn Mar	ISL	0	TR	2,5	23,0	16,0	6,50
22	13		Grimsson Freyr	ISL	0	TR	2,0	23,0	15,5	5,00
23	19		Ragnarsson Enok Kristinn	ISL	0		2,0	20,5	15,0	2,00
24	23		Sigthorsson Aron	ISL	0		2,0	19,5	14,5	2,50
25	17		Omarsson Josef	ISL	0	Huginn	1,5	22,5	15,5	2,25
26	14		Gunnarsson Sigurdur Runar	ISL	0		1,0	22,0	14,5	0,50
27	24		Sigthorsson Gabríel	ISL	0		1,0	16,5	12,5	0,50

 

Stúlknameistaramót TR

Rk.	SNo		Name	FED	Rtg	Club/City	Pts.	TB1	TB2	TB3
1	14		Haile Batel Goitom	ISL	1297	TR	7,0	28,0	19,0	28,00
2	1		Birkisdottir Freyja	ISL	1186	TR	6,0	29,0	19,0	22,00
3	11		Thoroddsen Anna Katarina	ISL	0	TR	5,0	28,5	20,0	15,50
4	5		Hakonardottir Ylfa Yr Welding	ISL	0	Fjölnir	4,0	31,0	21,0	14,00
5	13		Þrastardóttir Hólmfríður	ISL	0		4,0	26,5	19,0	9,50
6	2		Arnaldardottir Elsa Kristin	ISL	0	TR	4,0	23,0	17,0	11,00
7	12		Valdimarsdottir Esther Lind	ISL	0	TR	4,0	21,0	15,5	8,00
8	7		Helgadottir Idunn	ISL	0	TR	3,0	27,5	19,5	5,50
9	9		Jonsdottir Katrin Maria	ISL	0	TR	3,0	25,5	18,0	5,50
10	3		Berndsen Soffía Arndís	ISL	0	TR	3,0	25,0	17,5	5,00
11	8		Hermannsdottir Hildur Birna	ISL	0	TR	3,0	20,0	13,5	3,00
12	4		Gunnarsdottir Bergthora Helga	ISL	0	Víkingaklúbbur	1,5	19,5	14,0	1,00
13	6		Haraldsdóttir Helga Sunneva	ISL	0		1,0	19,0	14,5	1,00
14	10		Kristinsdóttir Tinna Kristín	ISL	0		0,5	19,5	14,5	0,50

 

Taflfélag Reykjavíkur þakkar öllum þátttakendum í mótinu fyrir skemmtilega og drengilega keppni og sigurvegurunum innilega til hamingju með árangurinn! Nánari upplýsingar um mótið má nálgast á chess-results.

Skákstjórar voru Torfi Leósson og Sigurlaug Regína Friðþjófsdóttir.

Pistill og myndir: Sigurlaug Regína Friðþjófsdóttir.

Nánar á heimasíðu TR.

Úrslit á Meistaramóti Víkingaklúbbsins

Meistaramót Víkingaklúbbsins var haldið miðvikudaginn 9. nóvember á æfingatíma. Alls tóku 26. keppendur þátt í mótinu, nítján tefldu í eldri flokki (3-10 bekkur), en sjö í yngri flokki (2. bekkur og yngri). Hörkukeppni var í báðum flokkum, m.a tóku fimm stúlkur þátt í mótinu. Sigurvegari í eldri flokki varð Benedikt Þórsson með 5. vinninga af 6. mögulegum.  Annar varð Adam Ómarsson einnig með 5. vinninga, en lægri á stigum.  Óttar Örn varð þriðji með 4.5 vinninga.  Elsa Arnaldardóttir varð efst stúlkna, Bergþór Helga önnur og Batel þriðja. Bergþóra Helga varð efst Víkinga í eldri flokki, en Sigurður Rúnar efstur drengja.

Í yngri flokki sigraði Bjartur Þórsson með 6. vinninga, en Einar Dagur varð annar með 5. vinninga. Þriðji varð svo Jósep Omarsson með 4. vinninga. Einar Dagur varð efstur Víkinga í yngri flokki.

Tefldar 6. umferðir með 7. mínútna umhugsunartíma.  Skákstjórar voru Stefán Bergsson (eldri flokki) og Lenka Ptacnikova (yngri flokki).

Sigurvegari í eldri flokki:  Benedikt Þórisson
Sigurvegari í yngri flokki:  Bjartur Þórisson
Sigurvegari í stúlknaflokki:  Elsa Arnaldardóttir
Meistari Víkingaklúbbsins eldri flokkur:  Bergþóra Helga
Meistari Víkingaklúbbsins drengja eldri flokkur:  Sigurður Rúnar
Meistari Víkingaklúbbsins yngri flokkur:  Einar Dagur Brynjarsson.

Sigurvegarar í hverjum árgangi:

2011: Josef Omarsson
2009:  Bjartur Þórisson
2008:  Bergþóra Helga Gunnarsdóttir
2007:  Benedikt Þórisson
2006:  Óttar Örn
2005:  Tristan Thoroddsen

Eldri flokkur, Chess results hér:
Yngri flokkur, Chess results hér:

Fleiri myndir á vefsíðu Víkingsklúbbsins.

Unglingameistaramót Hugins hefst í dag

Unglingameistaramót Hugins 2016 (S) hefst mánudaginn 14. nóvember nk. kl. 16.³⁰ þ.e. nokkru fyrr heldur en venjulegar mánudagsæfingar. Mótinu verður svo fram haldið þriðjudaginn 15. nóvember nk. kl. 16.^30. Tefldar verða 7 umferðir eftir svissnesku kerfi. Mótið verður reiknað til atskákstiga. Fyrri keppnisdaginn verða fjórar skákir og þrjár þann seinni. Umhugsunartími á hverja skák er 15 mínútur á skák + 5 sekúndur á leik. 

Mótið er opið öllum 15 ára og yngri í grunnskóla en titilinn sjálfan getur aðeins félagsmaður í Huginn unnið. Á meðan á mótinu stendur falla venjulegar barna- og unglingaæfingar niður. Næsta barna- og unglingaæfing eftir unglingameistaramótið verður mánudaginn 21. nóvember n.k. Keppnisstaður er Álfabakki 14a í Mjódd (inngangur milli Subway og Fröken Júlíu) og er salur félagsins á þriðju hæð. Engin þátttökugjöld. Núverandi unglingameistari Hugins er Óskar Víkingur Davíðsson. 

Umferðatafla:

• 1.-4. umferð: Mánudaginn 14. nóvember kl. 16.³⁰
• 5.-7. umferð: Þriðjudaginn 15. nóvember kl. 16.³⁰

 

Verðlaun:

1. Unglingameistari Hugins fær farandbikar til varðveislu í eitt ár.
2. Þrír efstu fá verðlaunagripi til eignar.
3. Allir keppendur fá skákbók.
4. Þrír efstu 12 ára og yngri fá verðlaunapening.
5. Stúlknameistari Hugins fær verlaunagrip til eignar.

Jón Kristinn vann mjög öruggan sigur á Framsýnarmótinu

Jón Kristinn Þorgeirsson (SA) vann mjög öruggan sigur á Framsýnarmótinu í skák sem lauk á Húsavík í dag. Jón vann allar sjö skákirnar sem hann tefldi og endaði með 2,5 vinninga forskot á næstu menn. Í 2-5. sæti urðu þeir Þröstur Árnason, Sigurður Eiríksson (SA), Tómas Veigar Sigurðarson og Smári Sigurðsson með 4,5 vinninga.

Þrír efstu menn í flokki Huginsmanna og þrír efstu utanfélagsmenn fengu eignarbikara fyrir sinn árangur og síðan var dregið úr hópi keppenda um hverjir fengu þrjú gjafabréf fyrir tvo í Jarðböðin í Mývatnssveit. Þeir heppnu voru Vigfús Vigfússon, Sighvatur Karlsson og Sigurbjörn Ásmundsson.

Fyrirtækið Eflir almannatengsl, veitti sérstök verðlaun á Framsýnarmótinu 2016 í formi úttektar fyrir 20.000 krónur í skákbókasölunni hjá Stefáni Bergssyni, fyrir mestu stigabætinguna. Það var Jón Kristinn Þorgeirsson sem hreppti þau verðlaun og kom það engum á óvart eftir glæsilega frammistöðu hans í mótinu.

Alls tóku 18 keppendur þátt í mótinu, sem var hin mesta skemmtun. 

Mótsstjóri á Ingibjörg Edda Birgisdóttir.

Lokastöðuna má finna á Chess-Results.

Heimasíða mótsins

Annarri skák heimsmeistaraeinvígisins lauk með jafntefli

Önnur skák heimsmeistaraeinvígis Karjakin og Carlsen fór fram í gærkvöldi. Henni lauk með jafntefli og því er staðan 1-1. Rússinn hafði hvítt og færði kóngspeðið fram um tvo reiti. Magnus svaraði með 1...e5 og kom mörgum á óvart þegar hann lék a6 í þriðja leik. Þar með var ljóst að enginn Berlínarmúr yrði settur upp. Karjakin fékk örlítið betra tafl en aldrei neina stöðuyfirbyrði að ráði og voru sverðin slíðruð eftir 33 leiki.

Einvígið hefur farið rólega af stað og þótt fremur litlaust til þess og tístu netverjar um það. Frídagur er í dag. Þriðja skákin fer fram á morgun og hefst kl. 19.

 

You know that the game is waaay too boring when you start thinking which one of those buildings above you is the #trumptower... 😂 #c24live pic.twitter.com/HFzhKOJqpH

— Dada (@DrazanaDada) November 12, 2016

It is at moments like this when watching a game that I am grateful that I have plenty of wine in the house #CarlsenKarjakin

— Nigel Short (@nigelshortchess) November 12, 2016

• Heimasíða mótsins (10% afsláttur með því að nota kóðann "ischess")
• Chess24 (frítt en ekki myndskeið frá keppendunum)

[Event "Carlsen - Karjakin World Chess Championship"] [Site "0:28:33-0:26:33"] [Date "2016.11.12"] [EventDate "2016.11.11"] [Round "2"] [Result "1/2-1/2"] [White "Sergey Karjakin"] [Black "Magnus Carlsen"] [ECO "C78"] [WhiteElo "?"] [BlackElo "?"] [PlyCount "65"] 1.e4 e5 2.Nf3 Nc6 3.Bb5 a6 4.Ba4 Nf6 5.O-O Be7 6.d3 b5 7.Bb3 d6 8.a3 O-O 9.Nc3 Na5 10.Ba2 Be6 11.d4 Bxa2 12.Rxa2 Re8 13.Ra1 Nc4 14.Re1 Rc8 15.h3 h6 16.b3 Nb6 17.Bb2 Bf8 18.dxe5 dxe5 19.a4 c6 20.Qxd8 Rcxd8 21.axb5 axb5 22.Ne2 Bb4 23.Bc3 Bxc3 24.Nxc3 Nbd7 25.Ra6 Rc8 26.b4 Re6 27.Rb1 c5 28.Rxe6 fxe6 29.Nxb5 cxb4 30.Rxb4 Rxc2 31.Nd6 Rc1+ 32.Kh2 Rc2 33.Kg1 1/2-1/2

Barna- og unglingameistaramót TR fer fram í dag

Barna- og unglingameistaramót sem og Stúlknameistaramót Taflfélags Reykjavíkur fer fram sunnudaginn 13. nóvember í félagsheimili T.R. Faxafeni 12. Taflið hefst kl.14.

Tefldar verða 7 umferðir eftir Monrad-kerfi með umhugsunartímanum 15 mín. á skák.

Teflt verður í tveimur flokkum: opnum flokki og stúlknaflokki. Verðlaun verða veitt fyrir þrjú efstu sætin í opna flokknum og þar fyrir utan hlýtur efsti T.R.-ingurinn titilinn Unglingameistari T.R. 2016.

Þá verða veitt verðlaun fyrir þrjú efstu sætin í stúlknaflokknum og þar fyrir utan hlýtur efsta stúlkan úr T.R. titilinn Stúlknameistari T.R. 2016.

Til viðbótar verða veitt verðlaun fyrir efsta sætið í aldursflokknum 13-15 ára (f. 2001-2003), 11-12 ára (f. 2004-2005), 9-10 ára (f. 2006-2007) sem og 8 ára og yngri (f. 2008 og síðar) í báðum flokkum (opna flokknum og stúlknaflokknum).

Mótið er opið öllum krökkum 15 ára og yngri (fædd 2001 og síðar).

Aðgangur á mótið er ókeypis.

Skráningarform

Skráðir keppendur

Skákþáttur Morgunblaðsins: Dagur og Vignir Vatnar unnu "Uppsala young champions"

Dagur Ragnarsson og Vignir Vatnar Stefánsson sigruðu á alþjóðlegu unglingamóti sem fram fór í Uppsölum í Svíþjóð "Uppsala young champions" og lauk á miðvikudaginn. Þeir hlutu báðir 6½ vinning af níu mögulegum en Dagur var ½ stigi ofar og hreppti því gullverðlaunin. Mótið var eins og nafnið bendir til skipað ungum skákmönnum undir tvítugu og voru keppendur 20 talsins þar af 16 Svíar, þrír Íslendingar en stigahæsti keppandinn var frá Finnlandi. Oliver Aron Jóhannesson var í lokaumferðinni í færum til að lenda einn í 3. sæti en missti þráðinn í betri stöðu og tapaði. Hann hlaut 5 vinninga og varð í 8.-9 sæti. Íslands-tengingin nær aðeins lengra þar sem einn af skipuleggjendum mótsins var Guðmundur Sverrir Þór sem býr í Svíþjóð og er þekktur skákdómari. Tefldar voru níu umferðir á sex dögum en tímamörk voru 90 30.

Dagur og Vignir Vatnar bættu báðir duglega við stigatölu sína og á næsta lista verður Vignir sem er aðeins 13 ára væntanlega kominn með í kringum 2.350 elo-stig.

Dagur náði forystunni snemma og hélt henni allt til loka. Hann fór illa að ráði sínu með gjörunnið tafl gegn Svíanum Martin Jogstad í 3. umferð en í 8. umferð slapp hann með skrekkinn í tapaðri stöðu gegn Finnanum Toivo Keinänen. Þessu var ekki ólíkt farið með Vigni Vatnar sem oft komst í 'ann krappan og flýtti sér stundum of mikið. Lokadaginn hefði hann getað náð efsta sæti einn en missti unna stöðu niður í jafntefli í fyrri skákinni af tveimur sem tefldar voru þann dag.

Mótið er ágæt vísbending um styrkleika okkar yngstu skákmanna en sænskir skákmenn hafa alltaf verið þéttir fyrir. Ungir skákmenn eiga það til að fyllast vonleysi þegar þeir sitja andspænis mun stigahærri andstæðingi. Vænlegra til árangurs er að líta á slíkt stigabil sem áskorun og það gerði Vignir Vatnar þegar hann mætti stigahæsta keppanda mótsins í upphafi móts:

2. umferð:

Toivo Kainänen – Vignir Vatnar Stefánsson

Enskur leikur

1. c4 e5 2. g3 h5!?

Hrauslega leikið í anda Ungverjans Rapport. Finninn gerir enga tilraun til að stöðva för h-peðsins.

3. Rc3 Rc6 4. Rf3 Bc5 5. d3 Rge7 6. Bg2 d6 7. a3 a5 8. 0-0 Rg6 9. Hb1 h4 10. Bg5? f6 11. Bxh4 Bg4!

Biskupinn getur sig hvergi hrært á h4 og svartur vinnur peðið til baka.

12. Re4 Bxf3 13. Bxf3 Rxh4 14. gxh4 f5! 15. Rg5

Þvingað þar sem 15. Rxc5 er svarað með 15.... Dxh4! o.s.frv.

15.... Hxh4 16. Re6 De7 17. Bd5 Rd8 18. Rxc5 Dg5+ 19. Bg2 dxc5 20. e3 Re6 21. Df3 Ke7 22. h3 Hah8 23. Dg3 Df6 24. f4

Svartur er búinn að hlaða liðsafla sínum á kóngsvænginn og hótaði 24.... f4 en þessi leikur gerir illt verra.

24.... exf4 25. exf4 Dd4+ 26. Kh1 Rxf4 27. Hbe1+ Kf6!

Þarna stendur kóngurinn ágætlega.

28. Hf3 Hxh3+

Einfaldara var sennilega 28.... Hg4! en þetta vinnur líka.

29. Bxh3 Hxh3+ 30. Dxh3 Rxh3 31. Hxh3 Dxb2 32. Hhe3 Db6 33. He8 Dd6 34. H8e3 c6 35. Hb1 Dd4 36. Hg3 f4 37. Hh3 Dd7 38. Kh2 g5 39. Hg1 g4 40. Hh4 Kg5 41. Hh8 g3 42. Kg2 Dxd3 43. Hg8+ Kf6 44. Hf8+ Ke7 45. Hxf4 Dd2+ 46. Kf3 Df2+

– og hvítur gafst upp. 

Guðmundur fimmti á NM

Guðmundur Kjartansson vann í lokaumferð Skákþings Norðurlanda sem lauk í Finnlandi um síðustu helgi. Guðmundur hlaut 5 vinninga af níu mögulegum og endaði í 5. sæti.

Grein þessi birtist í Morgunblaðinu 5. nóvember 2016

Skákþættir Morgunblaðsins

Barna- og unglingameistaramót TR fer fram á morgun

Barna- og unglingameistaramót sem og Stúlknameistaramót Taflfélags Reykjavíkur fer fram sunnudaginn 13. nóvember í félagsheimili T.R. Faxafeni 12. Taflið hefst kl.14.

Tefldar verða 7 umferðir eftir Monrad-kerfi með umhugsunartímanum 15 mín. á skák.

Teflt verður í tveimur flokkum: opnum flokki og stúlknaflokki. Verðlaun verða veitt fyrir þrjú efstu sætin í opna flokknum og þar fyrir utan hlýtur efsti T.R.-ingurinn titilinn Unglingameistari T.R. 2016.

Þá verða veitt verðlaun fyrir þrjú efstu sætin í stúlknaflokknum og þar fyrir utan hlýtur efsta stúlkan úr T.R. titilinn Stúlknameistari T.R. 2016.

Til viðbótar verða veitt verðlaun fyrir efsta sætið í aldursflokknum 13-15 ára (f. 2001-2003), 11-12 ára (f. 2004-2005), 9-10 ára (f. 2006-2007) sem og 8 ára og yngri (f. 2008 og síðar) í báðum flokkum (opna flokknum og stúlknaflokknum).

Mótið er opið öllum krökkum 15 ára og yngri (fædd 2001 og síðar).

Aðgangur á mótið er ókeypis.

Skráningarform

Skráðir keppendur