Jólaskákmót TR og SFS fer fram 27.-28.nóvember

 

Jólaskákmót Taflfélags Reykjavíkur og Skóla- og frístundasviðs Reykjavíkur verður haldið í húsnæði Taflfélags Reykjavíkur að Faxafeni 12 dagana 27.-28.nóvember. Sem fyrr verður mótinu skipt í tvo hluta; yngri flokkur (1.-7.bekkur) og eldri flokkur (8.-10.bekkur).

Tefldar verða 6 umferðir eftir svissnesku kerfi. Umhugsunartími er 10 mín fyrir hverja skák. Þátttökurétt hafa börn úr grunnskólum Reykjavíkur í 1.-10.bekk. Mikilvægt er að liðsstjóri fylgi liðum hvers skóla og er æskilegt að hver liðsstjóri stýri ekki fleiri en tveimur liðum. Engar takmarkanir eru á fjölda skáksveita hvers skóla. Í hverri skáksveit tefla 4 keppendur og má hver sveit hafa 0-2 varamenn.

Í yngri flokki verður keppt í tveimur riðlum sunnudaginn 27.nóvember. Suður riðill hefur keppni kl.10:30. Norður riðill hefur keppni kl.14:00. Tvær efstu sveitir hvors riðils mætast í 4-liða úrslitakeppni þar sem sveitirnar mætast innbyrðis í tvöfaldri umferð (6 umferðir). Tvær efstu stúlknasveitir hvors riðils mætast einnig í 4-liða úrslitakeppni með sama fyrirkomulagi. Úrslitakeppnirnar fara fram mánudaginn 28.nóvember og hefjast kl.17:00. Veitt verða verðlaun fyrir þrjú efstu sætin í hvorum riðli. Að auki fá þrjár efstu stúlknasveitir hvors riðils verðlaun. Þrjár efstu sveitir úrslitakeppninnar fá jafnframt verðlaun.

Eldri flokkur hefst mánudaginn 28.nóvember kl.17:00. Veitt verða verðlaun fyrir þrjú efstu sætin. Að auki fá þrjár efstu stúlknasveitirnar verðlaun. Verðlaunaafhending eldri flokks fer fram strax að lokinni keppni.

Þátttaka í báða flokka tilkynnist til skrifstofu Skóla- og frístundasviðs Reykjavíkur eigi síðar en föstudaginn 25. nóvember. Ekki verður hægt að skrá lið á mótsstað. Skráning sendist á netfang: [e-mail].

Íslandsmót unglingasveita fer fram á morgun

Íslandsmót Unglingasveita 2016 verður haldið þann 19. nóvember næstkomandi í Garðalundi í Garðabæ. (Garðaskóli)

Mótið hefst kl. 13 og stendur líklega fram til 17. Umhugsunartími eru 10 mínútur + 5 sek á mann.

Mótið er liðakeppni Taflfélaga og eru 4 í hverju liði auk varamanna.

Reglugerð mótsins má finna á vefnum skaksamband.is http://www.skaksamband.is/?c=webpage&id=249

Þátttökurétt hafa öll taflfélög sem og/eða íþrótta/héraðssambönd svo framarlega að ekki er taflfélag á sama svæði.

Skráning fer fram í tölvupósti til félagsins [e-mail]

Benda ber sérstaklega á

• að sameinuð lið geta ekki orðið Íslandsmeistarar
• hverju liði skal fylgja liðsstjóri sem sér um liðið og að fylla út öll úrslit í mótinu. Hver liðsstjóri skal ekki stýra meira en 2 liðum
• Þátttökugjöld eru 4000 kr. á hvert lið. (2000 fyrir aukalið.)
• Mótið verður reiknað til alþjóðlegra atskákstiga. Fæðingardagar þeirra keppenda sem eru ekki á stigalista þurfa fylgja með skráningu.

Íslandsmeistarar 2015 voru Taflfélag Reykjavíkur.

Björn í Akraborginni

Alþjóðlegi meistarinn Björn Þorfinnsson var í stórgóðu símaviðtali í gær í Akraborg Hjartar Hjartarsonar á X-inu. Viðtalið má finna í heild sinni hér.

Óskar Víkingur sigraði á Unglingameistaramóti Hugins

Óskar Víkingur Davíðsson sigraði á Unglingameistaramóti Hugins sem lauk á þriðjudaginn. Óskar Víkingur fékk 6,5 vinning í sjö skákum og það var Ívar Lúðvíksson sem náði jafntefli í annarri umferð. Óskar Víkingur tefldi af öryggi í mótinu lenti varla í vandræðum, vann verðskuldaðan sigur og varð unglingameistari Hugins annað árið í röð. Hann getur teflt á þessum mótum í fjögur ár í viðbót þannig að fleiri geta bæst í safnið. 

Jafnir í öðru og þriðja sæti með 5,5v voru Styrmir Jökull Einarsson og Stefán Orri Davíðsson. Styrmir Jökull var stigi hærri og hlaut þriðja sætið. Hann kom skemmtilega á óvart á mótinu og sýndi að það er hægt að ná töluverðum styrkleika á einu ári án þess að vera þátttakandi í venjulegu skákstarfi á Höfuðborgarsvæðinu. Til þess þurfa menn bara að æfa sig heima, stúdera og lesa sér til. Allt efni, tæki og tól eru tiltæk á netinu og í bókum. Skák hans við Óskar Víking í fjórðu umferð var nokkuð endaslepp, þar sem vagninn til Hvergerðis fór kl. 19 en næsti vagn ekki fyrr en kl. 22. Stefán Orri bróðir Óskars var búinn að tefja fyrri hlutann með löngum skákum, þannig að Styrmir Jökull gat ekki teflt þá viðureign eins og honum hentar best en það hefði verið áhugavert að fylgjast með henni við betri aðstæður. Stefán Orri varð þriðji og náði því nokkuð örugglega með nokkuð góðri taflmennsku í seinni hlutanum og sleppti því alveg að tefla langar skákir í seinni hlutanum enda kláraðist hann á venjulegum tíma. Keppendur hefðu samt alveg mátt nota tímann betur í seinni hlutanum, sérstaklega í endtöflunum þar sem nokkrir slæmir afleikir sáust, sem auðveldlega hefði mátt koma í veg fyrir með einfaldri talningu á leikjum og útreikningum. 

Veitt voru sérstök verðlaun fyrir 12 ára og yngri þar sem undanskyldir voru þeir sem voru í þremur efstu sætum. Þar komu til álita fjóri skákmenn með 4v sem öll stóðu sig vel á mótinu en það voru Batel Goitom Haile, Óttar Örn Bergmann Sigfússon, Adam Omarsson og Rayan Sharifa. Gripið var til stigaútreiknings til að skera úr um sætaskipan og þá var Batel í fyrsta sæti, Óttar Örn í öðru sæti og Adam í þriðja sæti.

Lokastaðan í Chess-Results.

F3-kvöld í kvöld - sértilboð á skákbókum!

Skáksamband Íslands og Stefán Bergsson skákbókasali efna til skákbókakynningar fimmtudagskvöldið 17. nóvember. Fjöldamargir nýir titlar verða kynntir og til sölu. Má nefna nýjar bækur eftir stórmeistarana Boris Gelfand og Parimarjan Negi.

Húsið opnar klukkan 21:00 en félögum í F3-klúbb Skáksambandsins er boðið að mæta klukkan 20:00 og þiggja léttar veitingar og njóta mjög góðra afsláttarkjara af bókum sem gilda fyrir F3-félaga. Hægt verður að skrá sig í F3-klúbbinn frá kl. 20:00 auk þess sem stjórmeistarinn Hjörvar Steinn Grétarsson mun fara yfir hápunkta heimsmeistaraeinvígis Carlsen og Karjakin fyrir F3-félaga.

Á meðan F3-kvöldinu fer fram verður skák fimmtu skákarinnar sem þá er í gangi varpað upp á skjá og geta menn spáð í spilin.

Félagar í F3-klúbbnum styðja Skáksamband Íslands um 2.000 kr. á mánuði og njóta um leið ýmissa sérkjara og tilboða á viðburðum sambandsins.  Klúbburinn ætlar framvegis að hafa a.m.k. fjögur skemmtikvöld ár hvert og er næsta F3-kvöld fyrirhugað í febrúar.

Skráning í F3-klúbbinn.

 

Stjórn SÍ hefur ákveðið að öll innkoma að F3-klúbbnum árið 2017 verði notuð til að styrkja við þátttöku ungra og efnilega skákmanna til að tefla á erlendri grundu.

F3-klúbburinn  – sérkjör - skemmtikvöld – og styðjum við framtíðina um leið!

Enn hangir á Karjakin á jafntefli - nýr varnarmálaráðherra Rússlands?

Fjórðu skák heimsmeistaraeinvígis Carlsen (2853) og Karjakin (2772) lauk með jafntefli í gær. Hefur öllum skákum einvígisins lokið með jafntefli. Rétt eins og í þriðju skákinni var það Carlsen sem hafði undirtökin og tíma unnið tafl en komst ekki áleiðis gegn góðri varnartaflmennsku Karjakin. Staðan er því 2-2. Frídagur er í dag og fimmta skákin tefld á morgun og hefst kl. 19.

Karjakin hafði hvítt og tefldu þeir spænska leikinn. Carlsen tefldi ekki Berlínar-afbrigðið - ekki frekar en í þriðju skákinni.  Í 18. leik drap Karjakin vafasamt peð á h6 með biskup.

Honum hafði yfirsést 18...Dc6! Karjakin lék 19. Bxc4 en eftir 19...bxc4 er svarta staðan töluvert betri - ekki síst vegna þess hversu veikt peðið er á b2. 

Carlsen saumaði jafn og þétt að Karjakin. Eftir 45. leik hvíts kom þessi staða upp. 

Carlsen lék hér 45...f4? Eftir þenn leik er staðan jafntefli en svo virðist sem 45...Be6! hefði tryggt svörtum unnan stöðu. Karjakin svaraði með 46. Bd4! og í ljós kom að það var engin leið fyrir svartan að brjótast í gegn hvorki á drottningar- né kóngsvæng.

Carlsen var ekki ángægður með sjálfan sig að hafa leikið með 45...f4 eftir skákina - hældi engu að síður Karjakin fyrir góða varnataflmennsku. Hann sagði á blaðamannafundinum.

In general I’m not a very big believer in fortresses in chess. There are people like Anand, who tries to build a fortress every time he’s worse, but I have experience in breaking these fortresses down. I just thought I was easily winning with 45…f4. As long as I have a path on the queenside it has to be winning – I didn’t even think about whether it’s still a fortress if I get the king to b3. That was very, very sloppy. Kudos to him for finding this, but I think that was just a very weak moment

Karjakin var hins mjög kátur á fundinum og ekki síst þegar honum ælt fyrir varnartaflmennskuna og stungið upp á því að hann yrði nær varnarmálaráðherra Rússland!

Nánar má lesa um skák gærdagsins á Chess24 og Chess.com.

Frídagur er í dag. Fimmta skákin fer fram annað kvöld og hefst kl. 19. Skoðum að lokum nokkur tíst.

BREAKING: Putin just appointed Karjakin RUS Minister of Defense R4 #CarlsenKarjakin

— Bobby Fiske (@BobbyFiske) November 16, 2016

Honestly impressive defense. Not every day that Carlsen fails to win 2 clearly better positions in a row #CarlsenKarjakin

— Fabiano Caruana (@FabianoCaruana) November 16, 2016

This is actually Carlsen in the back room while fighting for the World Championship while Karjakin is thinking. #CarlsenKarjakin pic.twitter.com/uW1pubmmBl

— Tarjei J. Svensen (@TarjeiJS) November 15, 2016

It says it all, doesn't it? #CarlsenKarjakin pic.twitter.com/lKiHHeYYhT

— Olimpiu G. Urcan (@OlimpiuUrcan) November 16, 2016

Somehow I have a feeling that by closing the position with 45...f4 any sort of winning plan became a lot, lot harder. #worldchess2016

— Hikaru Nakamura (@GMHikaru) November 16, 2016

• Heimasíða mótsins (10% afsláttur með því að nota kóðann "ischess")
• Chess24 (frítt en ekki myndskeið frá keppendunum)

[Event "Carlsen - Karjakin World Championship"] [Site "0:34:33-0:04:33"] [Date "2016.11.15"] [EventDate "2016.11.11"] [Round "4"] [Result "1/2-1/2"] [White "Sergey Karjakin"] [Black "Magnus Carlsen"] [ECO "C84"] [WhiteElo "?"] [BlackElo "?"] [PlyCount "187"] 1.e4 e5 2.Nf3 Nc6 3.Bb5 a6 4.Ba4 Nf6 5.O-O Be7 6.Re1 b5 7.Bb3 O-O 8.h3 Bb7 9.d3 d6 10.a3 Qd7 11.Nbd2 Rfe8 12.c3 Bf8 13.Nf1 h6 14.N3h2 d5 15.Qf3 Na5 16.Ba2 dxe4 17.dxe4 Nc4 18.Bxh6 Qc6 19.Bxc4 bxc4 20.Be3 Nxe4 21.Ng3 Nd6 22.Rad1 Rab8 23.Bc1 f6 24.Qxc6 Bxc6 25.Ng4 Rb5 26.f3 f5 27.Nf2 Be7 28.f4 Bh4 29.fxe5 Bxg3 30.exd6 Rxe1+ 31.Rxe1 cxd6 32.Rd1 Kf7 33.Rd4 Re5 34.Kf1 Rd5 35.Rxd5 Bxd5 36.Bg5 Kg6 37.h4 Kh5 38.Nh3 Bf7 39.Be7 Bxh4 40.Bxd6 Bd8 41.Ke2 g5 42.Nf2 Kg6 43.g4 Bb6 44.Be5 a5 45.Nd1 f4 46.Bd4 Bc7 47.Nf2 Be6 48.Kf3 Bd5+ 49.Ke2 Bg2 50.Kd2 Kf7 51.Kc2 Bd5 52.Kd2 Bd8 53.Kc2 Ke6 54.Kd2 Kd7 55.Kc2 Kc6 56.Kd2 Kb5 57.Kc1 Ka4 58.Kc2 Bf7 59.Kc1 Bg6 60.Kd2 Kb3 61.Kc1 Bd3 62.Nh3 Ka2 63.Bc5 Be2 64.Nf2 Bf3 65.Kc2 Bc6 66.Bd4 Bd7 67.Bc5 Bc7 68.Bd4 Be6 69.Bc5 f3 70.Be3 Bd7 71.Kc1 Bc8 72.Kc2 Bd7 73.Kc1 Bf4 74.Bxf4 gxf4 75.Kc2 Be6 76.Kc1 Bc8 77.Kc2 Be6 78.Kc1 Kb3 79.Kb1 Ka4 80.Kc2 Kb5 81.Kd2 Kc6 82.Ke1 Kd5 83.Kf1 Ke5 84.Kg1 Kf6 85.Ne4+ Kg6 86.Kf2 Bxg4 87.Nd2 Be6 88.Kxf3 Kf5 89.a4 Bd5+ 90.Kf2 Kg4 91.Nf1 Kg5 92.Nd2 Kf5 93.Ke2 Kg4 94.Kf2 1/2-1/2

TM-mót Skákfélags Reykjanesbæjar

Skákfélag Reykjanesbæjar í samstarfi við Tryggingamiðstöðina TM bjóða unglingum og börnum fæddum 2000 og síðar á glæsilegt sex umferða kappskákmót með svissnesku kerfi. Tímamörk eru 30 mínútur + 30 sekúndur á hvern leik. Einungis börn sem ekki hafa náð 1600 alþjóðlegum skákstigum geta tekið þátt í mótinu. Þannig er styrkleikamunurinn minni en ella og börnin njóta þess betur að tefla. Tímamörkin eru jafnframt styttri, og henta börnum betur en langar 90 mínútna skákir sem tíðkast á hefðbundnum kappskákmótum fullorðinna. Mótið uppfyllir öll skilyrði Alþjóða skáksambandsins FIDE og er reiknað til alþjóðlegra skákstiga. Það er skylda að skrifa niður leikina. 

Teflt verður í Ásbrú sem áður var svæði varnarliðsins í mjög skemmtilegu húsnæði sem heitir Virkjun í dag. Þar er afskaplega góð aðstaða til þess að tefla og einnig góð aðstaða fyrir foreldra. Hægt er að fara í Billiard á milli umferða eða þegar maður hefur lokið skákinni sinni og er að bíða eftir einhverjum. Mjög flottur billiard salur í sama húsnæði sem við höfum aðgang að og mun ekki trufla aðra keppendur þó einhverjir taki smávegis Pool. 

Verðlaunin eru stórglæsileg peningaverðlaun 64.000 kr. sem deilast á efstu 8 sætin. 

• 1.sæti 15.000 kr.
• 2.sæti 10.000 kr.
• 3.sæti  9.000 kr.
• 4.sæti  8.000 kr.
• 5.sæti  7.000 kr.
• 6.sæti  6.000 kr.
• 7.sæti  5.000 kr.
• 8.sæti  4.000 kr.

Tefld verður laugardaginn 10. desember og sunnudaginn 11. desember. 

Laugardaginn:

• 1.umferð kl: 10:00
• 2.umferð kl: 13:00
• 3.umferð kl: 16:00

Sunnudaginn:

• 4.umferð kl: 10:00
• 5.umferð kl: 13:00
• 6.umferð kl: 16:00

Engar yfirsetur leyfðar. Þátttökugjald í mótið er 1.500 kr.

Vinsamlegast skráið þátttakendur sem fyrst, það hjálpar til við undirbúning mótsins. Hlökkum til að sjá ykkur!

Skráningarform

Skráðir keppendur

Íslandsmót unglingasveita fer fram á laugardaginn

Íslandsmót Unglingasveita 2016 verður haldið þann 19. nóvember næstkomandi í Garðalundi í Garðabæ. (Garðaskóli)

Mótið hefst kl. 13 og stendur líklega fram til 17. Umhugsunartími eru 10 mínútur + 5 sek á mann.

Mótið er liðakeppni Taflfélaga og eru 4 í hverju liði auk varamanna.

Reglugerð mótsins má finna á vefnum skaksamband.is http://www.skaksamband.is/?c=webpage&id=249

Þátttökurétt hafa öll taflfélög sem og/eða íþrótta/héraðssambönd svo framarlega að ekki er taflfélag á sama svæði.

Skráning fer fram í tölvupósti til félagsins [e-mail]

Benda ber sérstaklega á

• að sameinuð lið geta ekki orðið Íslandsmeistarar
• hverju liði skal fylgja liðsstjóri sem sér um liðið og að fylla út öll úrslit í mótinu. Hver liðsstjóri skal ekki stýra meira en 2 liðum
• Þátttökugjöld eru 4000 kr. á hvert lið. (2000 fyrir aukalið.)
• Mótið verður reiknað til alþjóðlegra atskákstiga. Fæðingardagar þeirra keppenda sem eru ekki á stigalista þurfa fylgja með skráningu.

Íslandsmeistarar 2015 voru Taflfélag Reykjavíkur.

Carlsen mjög nærri því að knýja fram sigur í 7 tíma skák: Staðan er 1½-1½

Það var hart barist í þriðju skák heimsmeistaraeinvígis Carlsen (2853) og Karjakin (2772) sem fram fór í gær. Langmest spennandi skákin til þessa. Skákinni lauk með jafntefli eftir 78 leiki og sjö tíma setu.

Skákin byrjaði rólega en Karjakin beitti Berlínar-afbrigði Spænska leiksins. Carlsen kom Karjakin á óvart þegar hann lék 10. He2 og svo 11. He1 leik síðar. Ekki ný hugmynd en var ókunnug Karjakin sem hugsaði sig um í 25 mínútur eftir He2.

Rússinn náði engu að síður að jafna taflið eða hér um bil en um 30. leik missti hann þráðinn og Carlsen náði frumkvæðinu og vann í kjölfarið peð. Hvort að það myndi duga til sigurs var svo ekki ljóst. Karjakin lék af sér í 63. leik og aftur í 70. leik og gaf þar með Carlsen tækifæri á að vinna skákina.  Carlsen lék hins vegar sjálfur af sér í 72. leik og eftir það tryggði Karjakin til stöðu sem ómögulegt var fyrir Carlsen að vinna þótt hann væri þá manni yfir. Jafntefli svo samið eftir 78 leiki.

Mjög góð úrslit fyrir Karjakin sem var kampakátur með úrslitin en sama var ekki segja um Carlsen sem gat varla falið vonbrigði sín. 

Gríðarlega spennandi skák þrátt fyrir fremur litlausa byrjun. Karjakin hefur hvítt í fjórðu skákinni sem fram fer í kvöld og hefst kl. 19.  Mun Rússinn fylgja eftir góðum úrslitum með því að tefla til sigurs með hvítu mönnunum?

Hægt er að lesa nánar um skák gærdagsins á Chess24 og Chess.com.

Látum að lokum fylgja með nokkur tíst:

Like a ruthless 16th century Spanish Inquisition interrogator for whom the first three hours were but an appetiser. #CarlsenKarjakin pic.twitter.com/qI9fCvbOPX

— Olimpiu G. Urcan (@OlimpiuUrcan) November 14, 2016

At #vgsjakk, we had audio on post-game reactions from Magnus and Sergey.
MC: Did you see a win for me?
SK: No, but it was very close.

— Jon Ludvig Hammer (@gmjlh) November 15, 2016

"Are you afraid what you are going to find when you go through this game with a computer?"
Carlsen: "Yes, absoutely." #CarlsenKarjakin

— Tarjei J. Svensen (@TarjeiJS) November 15, 2016

Dramatic. #CarlsenKarjakin

— Fabiano Caruana (@FabianoCaruana) November 15, 2016 

 

 

• Heimasíða mótsins (10% afsláttur með því að nota kóðann "ischess")
• Chess24 (frítt en ekki myndskeið frá keppendunum)

[Event "Carlsen-Karjakin World Chess Championship"] [Site "New York NY USA"] [Date "2016.11.14"] [EventDate "2016.11.11"] [Round "3"] [Result "1/2-1/2"] [White "Magnus Carlsen"] [Black "Sergey Karjakin"] [ECO "C67"] [WhiteElo "?"] [BlackElo "?"] [PlyCount "156"] 1.e4 e5 2.Nf3 Nc6 3.Bb5 Nf6 4.O-O Nxe4 5.Re1 Nd6 6.Nxe5 Be7 7.Bf1 Nxe5 8.Rxe5 O-O 9.d4 Bf6 10.Re2 b6 11.Re1 Re8 12.Bf4 Rxe1 13.Qxe1 Qe7 14.Nc3 Bb7 15.Qxe7 Bxe7 16.a4 a6 17.g3 g5 18.Bxd6 Bxd6 19.Bg2 Bxg2 20.Kxg2 f5 21.Nd5 Kf7 22.Ne3 Kf6 23.Nc4 Bf8 24.Re1 Rd8 25.f4 gxf4 26.gxf4 b5 27.axb5 axb5 28.Ne3 c6 29.Kf3 Ra8 30.Rg1 Ra2 31.b3 c5 32.Rg8 Kf7 33.Rg2 cxd4 34.Nxf5 d3 35.cxd3 Ra1 36.Nd4 b4 37.Rg5 Rb1 38.Rf5+ Ke8 39.Rb5 Rf1+ 40.Ke4 Re1+ 41.Kf5 Rd1 42.Re5+ Kf7 43.Rd5 Rxd3 44.Rxd7+ Ke8 45.Rd5 Rh3 46.Re5+ Kf7 47.Re2 Bg7 48.Nc6 Rh5+ 49.Kg4 Rc5 50.Nd8+ Kg6 51.Ne6 h5+ 52.Kf3 Rc3+ 53.Ke4 Bf6 54.Re3 h4 55.h3 Rc1 56.Nf8+ Kf7 57.Nd7 Ke6 58.Nb6 Rd1 59.f5+ Kf7 60.Nc4 Rd4+ 61.Kf3 Bg5 62.Re4 Rd3+ 63.Kg4 Rg3+ 64.Kh5 Be7 65.Ne5+ Kf6 66.Ng4+ Kf7 67.Re6 Rxh3 68.Ne5+ Kg7 69.Rxe7+ Kf6 70.Nc6 Kxf5 71.Na5 Rh1 72.Rb7 Ra1 73.Rb5+ Kf4 74.Rxb4+ Kg3 75.Rg4+ Kf2 76.Nc4 h3 77.Rh4 Kg3 78.Rg4+ Kf2 1/2-1/2

Stefán Orri og Óskar efstir á Unglingameistaramóti Hugins 2016 eftir fyrri hlutann

Unglingameistaramót Hugins (suðursvæði) hófst fyrr í dag með fjórum umferðum. Stefán Orri Davíðsson og Óskar Víkingur Davíðsson er efstir og jafnir eftir fyrri hlutann með 3,5 vinning. Stefán Orri gerði í þriðju umferð jafntefli við ungan Hvergerðing Styrmir Jökul Einarsson sem kom með strætó á mótið.

Það var Stefán Orri sem náði jafntefli í skákinni en ekki öfugt. Hann lenti peði undir í riddaraendatafli en tókst að komast yfir í drottningarendatafl sem einnig var tapað en jafntefli var samið í lokastöðunni þegar báðir voru mjög tímanaumir. Þetta var lengsta skák sem tefld hefur verið á þessum mótum sem hafði þær afleiðingar þegar eftir fylgdi önnur löng skák hjá Stefáni Orra að fyrri hlutinn kláraðist ekki fyrr en korter yfir sjö en venjulega er fyrri hlutinn að klárast hálf sjö. Seinni maraþon skákin hjá Stefáni Orra var við Batel Goitom Haile og þar var tefld mikil sóknarskák sem skipt um eigendur a.m.k tvisvar sinnum svo segja má að Stefán Orri hafi verið afar farsæll í fyrri hlutanum.

Óskar Víkingur gerði jafntefli við Ívar Lúðvíksson en vann hinar nokkuð örugglega. Næst koma svo jöfn í 3. – 5 sæti með 3 vinninga Batel Goitom Haile, Einar Dagur Brynjarsson og Óttar Örn Bergmann Sigfússon.

Fjórða umferð verður tefld í dag þriðjudaginn 15. nóvember og hefst kl. 16.30 og þá verða tefldar þrjár síðustu umferðirnar. Þá tefla m.a. eftirtaldir saman: Óskar Víkingur og Stefán Orri, Batel og Óttar Örn, Ívar og Einar Dagur, Ryan Sharifa og Styrmir Jökull.

Staðan í Chess-Results.