Korpúlfar - teflt um Friðriksbikarinn

Á morgun, fimmtudaginn 26. Janúar , verður SKÁKDAGURINN hátíðlega á vikulegu skákmóti Korpúlfa, skákklúbbs eldri borgara í Grafarvogi og nágrenni í félagsmiðstöðinni BORGUM gengt Spöng.

Þá verður í fyrsta sinn keppt um FRIRIKSBIKARINN nýjan farandgrip sem klúbbnum hefur áskotnast. Mótið verður tileinkað afmælisbarni dagsins, sjálfum meistaranum Friðrik Ólafssyni, sem væntanlegur er á svæðið til að fagna deginum.  Mótið hefst kl. 13.

Telfdar verða 9 umferðir með 10 minútna umhugsunartíma á skákina. Allir eldri skákmenn velkomnir og  eindregið hvattir til að mæta í tilefni dagsins.

Afmæliskaffi.

Spennandi umferð á N-S mótinu í kvöld!

Þriðja umferð hins fítonsterka Nóa-Siríus móts (Gestamóts Hugins og Skákdeildar Breiðabliks) hefst kl. 19.00 í kvöld. Lofa má miklum tilþrifum og jafnvel flugeldasýningum á sumum borðum.

Helst ber til tíðinda að tveir gamalreyndir en síferskir kappar, Jón Hálfdánarson og Friðrik Ólafsson, stórmeistari, takast á. Jón, sem þótti eitt allra efnilegasta ungstirnið hér á landi í kringum 1960, tekur nú þátt í kappskákmóti í fyrsta sinn eftir áratuga hlé. Friðrik var einmitt einn þeirra sem lauk lofsorði á þennan mikla efnispilt á sínum tíma og verður skemmtilegt að sjá hvaða byrjanabrellur þessir kappar draga fram úr pússi sínu.

Efstu keppendurnir tveir, fídemeistarinn snarpi Dagur Ragnarsson og alþjóðlegi meistarinn þrautreyndi Guðmundur Kjartansson, leiða saman hesta sína og verður þar tekist hart á. Af öðrum viðureignum má nefna að alþjóðlegi meistarinn Björgvin Jónsson stýrir hvítu mönnunum gegn Helga Á. Grétarssyni stórmeistara. Báðir eru þaullesnir í fræðunum og má því vænta mjög yfirvegaðrar taflmennsku með þungri undiröldu. Tveir öflugir sóknarskákmenn, fídemeistarinn Sigurður Daði Sigfússon og stórmeistarinn Þröstur Þórhallsson, skella saman skoltum. Telja verður þann sigurvænlegri sem fyrr kemst í kóngssókn.

Í B-flokki mætast efstu keppendurnir efnilegu, Stephan Briem og Birkir Karl Sigurðsson, annars vegar og Hrund Hauksdóttir og Hörður Anton Hauksson hins vegar, í spennandi viðureignum. Jafnframt er vert að vekja athygli á viðureign skákkonunnar ungu og efnilegu, Svövu Þorsteinsdóttur, við langstigahæsta keppanda B-riðils, Jón Trausta Harðarson.

Gestir eru velkomnir í Stúkuna á Kópavogsvelli. Sjá pörun á chess-results.com.

Riddarinn - Kappteflið um skákhörpuna

Fjögurra vikna GrandPrix mótaröð haldin í tengslum við skákdaginn tileinkuð meisturum skákborðsins og föllnum félögum hefst miðvikudaginn 25. Janúar, kl. 13  11. umf./10.mín. x4 mót. Þrjú bestu mót hvers keppanda telja til stiga og vinnings.  Þátttaka í einu móti aðeins telur ekki til stiga.

Æsir tefla til heiðurs Friðriki

Vikulegt skákmót klúbbs FEB í ÁSGARÐI, Stangarhyl,  þriðjudaginn 24. janúar verður tileinkað Skákdeginum og Friðrik Ólafssyni sérstaklega.  Verðlaunapeningar með lágmynd hans. 10 umf.milli kl. 13-16.30

Toyotamót eldri skákmanna í tengslum við skákdaginn fer fram í höfðuðstöðvum Toyota, Kauptúni 6, Garðabæ,föstudaginn 3. Febrúar. Góð verðlaun og veitingar.

Fimmta umferð SÞR: Jafntefli hjá Lenku og Degi

Víða mátti sjá snaggaraleg tilþrif í fimmtu umferð Skákþings Reykjavíkur sem fram fór í gær. Bragðarefurinn Kristján Örn Elíasson fórnaði manni gegn Ingvari Agli Vignissyni fyrir „eitthvað af peðum“ eins og hann orðaði það sjálfur. Í kjölfarið virtist Ingvar ná vænlegri stöðu en ákvað á ögurstundu að gefa manninn til baka og niðurstaðan varð jafntefli.

Á næsta borði sigldi Jon Olav Fivelstad endatafli með virkari mönnum og meira rými í höfn og hafði góðan sigur gegn Óskari Long Einarssyni.

Fjörið virtist síðan vera að hefjast á fyrsta borði í viðureign Dags Ragnarssonar og Lenku Ptacnikovu (einu keppendanna sem voru með fullt hús fyrir umferðina); staðan þrungin spennu og tímahrak að nálgast. Dagur var með öflug en dálítið viðkvæm peð á miðborði og efnilegan hvítreita biskup á bak við þau sem beið bara eftir að láta til sín taka við nokkuð viðkvæma kóngsstöðu hvíts en þar loftaði vel um. Biskupinn fékk þó engin verkefni þar, því Lenka ákvað að loftrýmisgæsla væri hyggileg og þrálék rétt eftir tímamörkin. Þetta reyndist eina jafnteflið á efstu átta borðunum þar sem hörð barátta var í fyrirrúmi. Guðmundur Kjartansson gaf til dæmis skiptamun og svo mann til viðbótar, til að eignast tvö samstæð frípeð gegn nafna sínum Gíslasyni og hafði sigur, Daði sigraði í viðureign sinni við Bárð Örn Birkisson þar sem báðir misstu af færum í vandtefldri stöðu og loks lét Gauti Páll Jónsson 150 stiga mun ekkert trufla sig og lagði Þorvarð Fannar á 6. borði.

 

Allt þetta þýðir að bilið á milli þeirra efstu minnkaði heldur; nú eru sjö skákmenn með fjóra eða fjóran og hálfan vinning þegar mótið er rúmlega hálfnað.

Næsta umferð, sú sjötta, er á miðvikudaginn og þá mætast m.a. Dagur og Gauti Páll, Björn Þorfinnsson og Lenka, Björgvin Víglundsson og Guðmundur Kjartansson og Daði og Örn Leó Jóhannsson.

Aðstaða er góð í Skákhöllinni eins og fyrri daginn. Birnukaffi var opið en þetta kvöld stóð dóttirin Sylvía vaktina.

 

Skákirnar: 1 2 3 4 5

 

Heimasíða TR

Chess-Results

Jón Kristinn og Andri efstir á Skáþinginu

Öllum skákum þriðju umferðar nema einni er lokið á Skákþingi Akureyrar og hafa úrslit orðið þessi:

• Sveinbjörn-Jón Kristinn    0-1
• Karl-Andri                 0-1
• Haraldur-Ulker             1/2
• Gabríel-Fannar             1-0
• Hreinn-Ágúst               1-0

Skák Alex og Tómasar var frestað til miðvikudags vegna veikinda þess fyrrnefnda. Röðun í fjórðu umferð, sem tefla á næstkomandi sunnudag mun því ekki liggja fyrir fyrr en þá um kvöldið.

Þeir Jón Kristinn Þorgeirsson og Andri Freyr Björgvinsson hafa unnið allar skákir sínar á mótinu og sitja því saman í efsta sæti. Sveinbjörn Sigurðsson, Karl Steingrímsson og Hreinn Hrafnsson hafa allir tvo vinninga, auk þess sem annar þeirra Tómasar eða Alex gætu náð þeim þegar öllum skákum umferðarinnar verður lokið.  

Heimasíða SA

Chess-Results

Frestur til að sækja um styrki rennur út um mánaðarmótin

Stjórn SÍ veitir styrki skákmanna þrisvar á ári. Frestur til að sækja um styrki rennur út um mánaðarmótin.

Nánari upplýsingar á heimasíðu SÍ.

 

Wesley So efstur í Sjávarvík - Carlsen missti af máti í þremur

Bandaríski stórmeistarinn Wesley So (2808) er í miklu stuði á Tata Steel-mótinu í Sjávarvík. Eftir taflmennsku helgarinnar hefur So 5,5 vinninga af 8 mögulegum. So hefur nú teflt 50 skákir í röð án taps. Eljanov (2755) og Wei Yi (2706) koma næstir með 5 vinninga. Carlsen voru mjög mislagðar hendur um helgina. Í sjöundunni umferð gegn Giri (2773) missti hann af mát í þremur leikjum og í gær yfirspilaði Richard Rapport (2702) heimsmeistarann.

Rapport's big moment, witnessed closely by Aryan Tari, Wei Yi, Lu Shanglei and Harikrishna. https://t.co/yd2QGR5bFZ #TataSteelChess pic.twitter.com/U8LlsvRiJz

— Olimpiu G. Urcan (@OlimpiuUrcan) January 22, 2017

Carlsen er í 4.-7. sæti með 4,5 vinning ásamt Adhiban (2653), Aronian (2780), Karjakin (2785).

Norðmaðurinn hefur nú aðeins 9 stiga forystu á heimslistanum á Fabiano Caruana (2827). Wesley So er svo þriðji með 2816 skákstig.

Gawain Jones (2665) og Markus Ragger (2697) eru efstir í b-flokki með 6 vinninga. Ilia Smirion (2667) er þriði með 5,5 vinninga. 

Ítarlega umfjöllun um gang mála í gær má finna á Chess.com og á Chess24.

Frí er í dag. Níunda umferð fer fram á morgun.

• Heimasíða mótsins
• Beinar útsendingar (heimasíða mótsins)
• Beinar útsendingar (Chess24)

Æsir tefla til heiðurs Friðriki

Næsta þriðjudag 24. janúar teflum við til heiðurs fyrsta stórmeistara okkar Friðriki Ólafssyni sem verður 82 ára þann 26 janúar. Allir skákmenn 60+ velkomnir og skákkonur 50+ velkomnar. Við byrjum alltaf að tefla kl. 13.00 í Stangarhyl 4

Toyotaskákmótið verður svo haldið í höfuðstöðvum Toyota föstudaginn 3 febrúar kl. 13.00. Þá teflum við líka til heiðurs Friðriki.

Vinsamlega takið daginn frá.

Mörg verðlaun í boði.

Þetta er 10. Toyota skákmótið sem haldið er.

Stjórnin.

 

 

 

 

Skákþáttur Morgunblaðsins: Nafntogaðir kappar á Nóa Síríus-mótinu

Nóa Síríus-mótið fer fram í tveim riðlum þar sem teflt er einu sinni í viku. Þetta er að öllum líkindum best skipaða innlenda mótið af þessu tagi sem farið hefur fram hér á landi. Í fyrstu umferð vakti athygli að Daði Ómarsson vann Jón L. Árnason og Mikael Jóhann Karlsson vann Sigurbjörn Björnsson. Þá var Guðmundur Kjartansson hætt kominn gegn Jóni Hálfdánarsyni en vann að lokum. En úrslit voru samt mikið eftir bókinni.

Einn helsti kostur þess móts er sá að fjölmargir ungir þátttakendur fá tækifæri til að tefla við þrautreynda skákmenn; fimm stórmeistarar eru meðal keppenda. Friðrik Ólafsson sest að tafli á þriðjudagskvöldið og mætir þá hinum unga Oliver Aron Jóhannessyni. 

Leikur ársins 2016

Hið virta hollenska skáktímarit New in Chess hefur nokkrum sinnum valið „Leik ársins“ og einvalalið þess komst að þeirri niðurstöðu að sá leikur ársins 2016 hefði komið fyrir í skák í Evrópukeppni taflfélaga sem haldin var í Novi Sad í Serbíu sl. haust. Einn besti skákmaður heims, Armeninn Levon Aronjan, var fórnarlambið. Staðan kom upp eftir 27. leik hvíts: 

Levon Aronjan – Richard Rapport

Tsjígorin-vörn

1. d4 d5 2. c4 Rc6 3. Rc3 Rf6 4. cxd5 Rxd5 5. Rf3 e5 6. dxe5 Bb4 7. Bd2 Rxc3 8. bxc3 Ba5 9. e3 O-O 10. Da4 Bb6 11. Df4 De7 12. h4 f6 13. exf6 Hxf6 14. Dc4+ Kh8 15. Bd3 Bf5 16. Bxf5 Hxf5 17. Rg5 Re5 18. De4 Dd7 19. O-O He8 20. Dc2 h6 21. Re4 Hh5 22. Rg3 Hxh4 23. Had1 Hf8 24. Bc1 Dg4 25. Hd5 Dg5 26. De2 c6 27. Hd4

Hvítur reynir að stugga við hinum herskáa hrók á h4 og myndi glaður samþykkja 27. ... Bxd4 28. exd4 og hvítur er með unnið tafl. En Ungverjinn hafði séð þetta fyrir og lék... 

27. ... Hh1+! 28. Kxh1

28. Rxh1 er svarað með 28. ... Rf3+! og svartur vinnur drottninguna.

28. ... Bxd4 29. f3

Ekki 29. exd4 Dh4+ 30. Kg1 Rg4 og vinnur.

29. ... Bb6 30. Re4 Dh5 31. Kg1 Bc7 32. Kf2 Dh2 33. Ke1 Hd8

Ferðalag kóngsins er misráðið en hvíta staðan var erfið. Nú er svartur kominn með unnið tafl.

34. Bd2 Rd3+ 35. Kd1 De5 36. g4 Db5 37. Dg2 Rb2+ 38. Kc2 Rc4 39. Bc1 Hd5 40. g5 Ra5 41. Bd2 Dd3+

- og hvítur gafst upp, 43. Kc1 er svarað með 43. .... Hb5. 

Magnús Carlsen teflir í Wijk aan Zee

Um helgina hefst hin árlega skákhátíð í Wijk aan Zee í Hollandi, en þar tefla nokkur hundruð manns í fjölmörgum flokkum. Eins og jafnan áður beinist athyglin fyrst og fremst að a-riðli mótins, en þar er heimsmeistarinn og sigurvegarinn frá því í fyrra, Magnús Carlsen, stigahæstur. Aðrir keppendur í stigaröð eru Wesley So, Sergei Karjakin, Levon Aronjan, Anish Giri, Jan Nepomniachtchi, Pentala Harikrishna, Pavel Eljanov, Radoslav Wojtaszek, Dmitry Andreikin, Yi Wei, Richard Rapport, Loek Van Wely, Baskaran Adhiban.

------------------

Skákþættir Morgunblaðsins eftir Helga Ólafsson birtast u.þ.b. viku síðar á Skák.is.

Grein þessi birtist í Morgunblaðinu 14. janúar 2017

Skákþættir Morgunblaðsins

[Event "European Club Cup"] [Site "Novi Sad SRB"] [Date "2016.11.08"] [EventDate "2016.11.06"] [Round "3.1"] [Result "0-1"] [White "Levon Aronian"] [Black "Richard Rapport"] [ECO "D07"] [WhiteElo "2795"] [BlackElo "2730"] [PlyCount "82"] 1. d4 d5 2. c4 Nc6 3. Nc3 Nf6 4. cxd5 Nxd5 5. Nf3 e5 6. dxe5 Bb4 7. Bd2 Nxc3 8. bxc3 Ba5 9. e3 O-O 10. Qa4 Bb6 11. Qf4 Qe7 12. h4 f6 13. exf6 Rxf6 14. Qc4+ Kh8 15. Bd3 Bf5 16. Bxf5 Rxf5 17. Ng5 Ne5 18. Qe4 Qd7 19. O-O Re8 20. Qc2 h6 21. Ne4 Rh5 22. Ng3 Rxh4 23. Rad1 Rf8 24. Bc1 Qg4 25. Rd5 Qg5 26. Qe2 c6 27. Rd4 Rh1+ 28. Kxh1 Bxd4 29. f3 Bb6 30. Ne4 Qh5+ 31. Kg1 Bc7 32. Kf2 Qh2 33. Ke1 Rd8 34. Bd2 Nd3+ 35. Kd1 Qe5 36. g4 Qb5 37. Qg2 Nb2+ 38. Kc2 Nc4 39. Bc1 Rd5 40. g5 Na5 41. Bd2 Qd3+ 0-1