Henrik með sigur og tap í dag

Stórmeistarinn Henrik Danielsen (2510) tapaði fyrir pólska alþjóðlega meistarann Klauiusz Urban (2465) í þriðju umferð alþjóðlega mótsins, sem fram fór í Mysliborz í dag.  Í fjórðu umferð, sem einnig fór fram í dag, sigraði Henrik hins vegar serbneska FIDE-meistarann Jovica Radovanovic (2349).  Henrik er með 2 vinninga og er í 3.-6. sæti. 

Í fimmtu umferð, sem fram fer á morgun, teflir Henrik við tékkneska stórmeistarann Leonid Voloshin (2385).   

Henrik teflir í lokuðum 10-manna flokki.  Meðal þátttakenda eru fjórir stórmeistarar.   

• Heimasíða mótsins
• Skákirnar í beinni - byrjar kl. 13:30a

Guðfríður Lilja heiðruð, metþátttaka

Það var heldur betur tekist á í Vin, athvarfi Rauða krossins þegar Guðfríður Lilja Grétarsdóttir, sem nýverið lét af störfum sem forseti Skáksambandsins, var heiðruð með hraðskákmóti. 27 þátttakendur skráðu sig til leiks, og það á mánudegi kl. 13:00, en áður höfðu flestir mætt þar á Morgan Kane skákmótið í fyrra, átján manns.  Margir sterkir skákmenn voru með og nokkrir af efnilegustu ungu skákpiltum og -stúlkum landsins.

Fyrir mótið fór Robert Lagerman, skákstjóri, yfir reglur og lagði línur. Þórdís Rúnarsdóttir, forstöðumaður Vinjar, hélt stutta tölu og þakkaði Guðfríði Lilju fyrir þann hlýja hug sem hún hefur sýnt starfsemi athvarfsins í gegnum tíðina og þá aðstoð sem hún hefur veitt skákfélaginu þar á undanförnum árum.

Kristján Sturluson, framkvæmdastjóri Rauða krossins, lék fyrsta leikinn í viðureign Guðfríðar Lilju og Róberts Arnar Kristjánssonar og lætin hófust. Eftir þrjár umferðir var veislukaffi, glæsilegt hlaðborð, og svo fyrir fimmtu og síðustu umferð var ljóst að Björn Þorfinnson og Davíð Kjartansson myndu tefla úrslitaskák enda báðir með fullt hús. Björn hafði betur í hörku viðureign.

Ari Gísli Bragason og Eiríkur Ágúst frá Bókinni efh voru á staðnum og afhentu öllum þátttakendum vinninga, bækur sem sérvaldar voru af þessu tilefni.  Einnig var happadrætti þar sem Aron Ingi Óskarsson hreppti skákborð, áritað af sjálfum Garry Kasparov, ásamt eðalskákköllum. Virtist hann allsáttur með það. Finnur Kr. Finnsson krækti í gjafakort - miða fyrir tvo - í Borgarleikhúsið.

Úrslit:
1. Björn Þorfinnsson 5 vinningar.
2. Davíð Kjartansson 4
3. Hjörvar Steinn Grétarsson 4
4. Pétur Atli Lárusson 4
5. Robert Lagerman 4
6. Vigfús Ó. Vigfússon 3,5
7-12 með þrjá voru:
Arnljótur Sigurðsson,
Hörður Aron Hauksson,
Sigríður Björg Helgadóttir og
Sigurjón Friðþjófsson.

13-16 með 2,5 vinningar voru:
Guðfríður Lilja Grétarsdóttir,
Björn Sölvi Sigurjónsson.
Jóhanna Björg Jóhannsdóttir og
Finnur Kr. Finnsson.

Með tvo vinninga voru:
Birkir Karl Sigurðsson,
Hjalti Reynisson,
Hrannar Jónsson og
Róbert Örn Kristjánsson
Jón Birgir Einarsson 1,5 vinning
Einn vinning hlutu:
Arnar Valgeirsson,
Hrund Hauksdóttir,
Jón S. Ólafsson,
Friðrik Friðriksson og
Jóhann Ingi Kristinsson

Myndaalbúm mótsins 

Skákbúðir í Reykjavík og á Laugarvatni 12. - 16. júní 2008

Dagana 12. - 16. júní nk. standa Skákskóli Íslands og Skáksambandið fyrir skákbúðum. 

Umsjón með skipulagi og dagskrá skákbúða hefur Guðrún Sóley Guðjónsdóttir [e-mail]; [e-mail]   Umsjón með kennslu hefur Helgi Ólafsson skólastjóri.

Kennarar eru:  Helgi Ólafsson, Þröstur Þórhallsson, Lenka Ptácníková, Bragi Kristjánsson og Gunnar Eyjólfsson sem kennir Qi gong.  Kennt verður í hópum eftir aldri og styrkleika. 

Þátttakendur eru 27 ungmenni frá Reykjavík, Akureyri, Borgarfirði, Laugarvatni og Vestmannaeyjum, fædd 1989 - 1997.  Námskeiðið er fullt og skráningu lokið.

Hér má sjá dagskrá skákbúða:

 

12. júní (fimmtudagur) Skákskóli Íslands, Faxafeni

10:00 - 12:00 Opnun, skipt í hópa, skákkennsla

12:00 Hádegisverður

13:00 - 16:00 Skákkennsla

Sund í Laugardal (frjálst)

Bíó kl. 20

13. júní (föstudagur)

10:00 Mæting við Skákskólann  - rúta að Laugarvatni

12:00 Matur/grill / íþróttir

13:15 - 16:00 Skákkennsla

Hressing

16:00  Íþróttahús / fótbolti / göngutúr

17:00 - 19:00 Skákkennsla

19:00 Kvöldverður

20:00 Fjöltefli - "Pragtelagssjak"

Hressing

 

14. júní (laugardagur)

8:30 Morgunverður

9:00 - 12:00 Skákkennsla

12:00 Hádegisverður

Kl. 13:00 - 15:30 Qi Gong - Gunnar Eyjólfsson

Hressing

16:00 - 17:30 Skákkennsla

17:30 Íþróttir /göngutúr/

18:00 Ratleikur

19:00 Kvöldverður

20:00 Fjöltefli eða hraðskákmót

Eftir lokun sundlaugar, sundlaugadiskó

Hressing

15. júní (Sunnudagur)

8:30 Morgunverður

9:00 - 10:30 Skákkennsla

Íþróttir /göngutúr

11:15 - 12:20 Skákkennsla

12:30 Pizza / íþróttir / göngutúr

14:00 Hraðskákmót með þátttöku heimamanna í tilefni 100 ára afmælis UMFL

Verðlaunaafhending

Hressing

17:00 Bátar

19:00 Kvöldverður

20:00 Kvöldvaka

Frjáls tími/ íþróttir / video

Hressing

 

16. júní (mánudagur)

8:30 Pakkað niður/ Morgunmatur

9:00 - 10:00 Skákkennsla

10:00 Íþróttir

10:30 Skákmót

12:00 Verðlaunaafhending 

Hádegisverður

Heimferð

Henrik gerði jafntefli í 2. umferð

Stórmeistarinn Henrik Danielsen (2510) gerði jafntefli við pólska stórmeistarann Łukasz Cyborowski (2541) í 2. umferð alþjóðlega mótsins, sem fram fór í Mysliborz í dag. Henrik hefur 1 vinning.

Í þriðju umferð, sem fram fer á morgun, teflir Henrik við pólska alþjóðlega meistarann Klauiusz Urban (2465).   

Henrik teflir í lokuðum 10-manna flokki.  Meðal þátttakenda eru fjórir stórmeistarar.   

• Heimasíða mótsins
• Skákirnar í beinni - byrjar kl. 13:30

Jón L. skákmeistari Kaupþings

Glæsilegt skákþing Kaupþings var haldið á dögunum. Fjölmargir þátttakendur voru mættir til leiks, og mátti meðal annars sjá glitta í fyrrverandi heimsmeistara. Ekkert skal fullyrt um það hér, en óvíst verður að telja að annað eins úrval skákmanna finnist í nokkru öðru fyrirtæki innan landhelgi.

Tefldar voru atskákir, 7 mín. Menn létu hendur skipta hratt og örugglega og skemmst er frá því að segja að hinn hægláti og prúði viðskiptastjóri í Einkabankaþjónustunni, Jón L. Árnason bar sigur úr býtum. Verður ekki sagt að sigur hans hafi komið á óvart, enda er hann einn fimm heimsmeistara sem Íslendingar hafa eignast. Hann var heimsmeistari sveina 1977 og er fyrsti íslenski heimsmeistarinn samkvæmt upplýsingum á vef Skáksambands Íslands. Í öðru sæti var undrabarnið Arnaldur Loftsson framkvæmdastjóri Frjálsa og þriðji hinn geðþekki Þröstur Árnason bílstjóri.

Myndaalbúm mótsins 

Björn Ívar í TV

Björn Ívar Karlsson (2200) er genginn í raðir Taflfélags Vestmannaeyja eftir eins árs dvöl í Skákfélagi Akureyrar.

 

Henrik með jafntefli í fyrstu umferð

Stórmeistarinn Henrik Danielsen (2510) gerði jafntefli við Pólverjann Dominik Orzech (2483) í fyrstu umferð alþjóðlega mótsins, sem hófst í Mysliborz í dag.   

Henrik teflir í lokuðum 10-manna flokki.  Meðal þátttakenda eru fjórir stórmeistarar.  

 

 

• Heimasíða mótsins
• Skákirnar í beinni - byrjar kl. 13:30

FEB: Reykvíkingar lögðu Akureyringa

Um helgina lauk vetrarstarfi skákdeildarinnar með keppni við skákfélag eldri borgara frá Akureyri.  Ellefu manna hópur kom að norðan.  Á laugardag var keppt í atskák í 2 riðlum. Heimamenn sigruðu í báðum riðlum.

• A riðill Reykjavík 25,5 v Akureyri 10,5 v 
• B riðill Reykjavík 17 v Akureyri 13 v.

Á sunnudag var keppt í hraðskák þar sigruðu Reykvíkingar einnig, fengu 75 vinninga gegn 46 vinningum Akureyringa.

Björn Þorsteinsson stóð sig best allra ,hann vann allar sínar skákir .

Nánari árangur einstaklinga í hraðskákkeppninni: 

• 1          Björn Þorsteinsson          R     11 vinningar
• 2          Magnús Sólmundarson  R     1o,5
• 3          Gunnar Gunnarsson       R       9
• 4-5      Sigurður Daníelsson       A       8,5
•              Jóhann Ö Sigurjónsson R       8,5
• 6          Þór Valtýsson                   A       8
• 7-8      Kári Sólmundarson         R       6,5
•              Grétar Áss Sigurðsson   R       6,5
•   9         Björn V Þórðarson          R       6
• 10-11  Haki Jóhannesson         A       5,5
•               Ari Friðfinnsson              A       5,5
• 12-13  Jón Víglundsson            R       5
•               Þorsteinn Guðlaugsson R     5
• 14-15  Sveinbjörn Sigurðsson   A     4
•               Páll G Jónsson                R     4
• 16-17  Hjörleifur Halldórsson    A     3,5
•               Atli Benediktsson            A     3,5
• 18        Grímur Ársælsson           R     3
• 19        Haukur Jónsson              A     2,5
• 20        Karl Steingrímsson         A     2
• 21-22  Bragi Pálmason              A     1,5
•               Haraldur ólafsson          A     1,5

Mót til heiðurs Lilju á morgun í Vin

Fyrir utan félaga í Skákfélagi Vinjar hafa nokkrir sterkir skákmenn og - konur boðað komu sína í Vin, Hverfisgötu 47, í dag, mánudag 9. júní kl. 13:00 á mót til heiðurs Guðfríði Lilju Grétarsdóttur sem nýlega hefur látið af störfum sem forseti Skáksambands Íslands. 

Má þar nefna: Omar Salama, Lenku  Ptácníková, Jöhönnu Björgu Jóhannsdóttur, Pétur Atla Lárusson og svo mætir Íslandsmeistaralið Rimaskóla í rífandi formi. Nýkjörinn forseti Skáksambandsins, Björn Þorfinnsson og mótframbjóðandinn Óttar Felix Hauksson mæta einnig en vinningar eru einmitt bækur um - eða eftir - Guðfríði, Lilju, Björn, Óttar og Felix, sem þeir heiðursfeðgar Bragi Kristjónsson og Ari Gísli Bragason hafa tekið til. Munu þeir sjá um verðlaunaafhendingu og fá allir þátttakendur glaðning.

Veglegir happadrættisvinningar verða einnig, m.a. skákborð áritað af sjálfum Garry Kasparov, þar sem eðalskákkallar fylgja með.  

Tefldar verða fimm umferðir eftir Monradkerfi og er umhugsunartími 7 mínútur.

Skákstjórar eru þeir Robert Lagerman og Hrannar Jónsson. 

Allir eru velkomnir til leiks en þátttaka kostar ekkert (og er kaffihlaðborð  a la Vin, sem aldrei hefur brugðist, innifalið)!  

Vin er athvarf Rauða kross Íslands fyrir fólk með geðraskanir og er að Hverfisgötu 47 í Reykjavík. Hrókurinn hefur staðið fyrir æfingum á mánudögum í u.þ.b. fimm ár og Skákfélag Vinjar er aðili að Skáksambandi Íslands. Síminn i Vin er 561-2612

Henrik sigraði á Lasker-mótinu! (uppfært)

Stórmeistarinn Henrik Danielsen sigraði á minningarmótinu um Emanuel Lasker sem lauk í Barlinek í Póllandi í dag.  Henrik hlaut 6½ vinning og var hálfum vinningi fyrir ofan næsta menn.

Í 2.-3. sæti með 6 vinninga urðu hvít-rússneski alþjóðlegi meistarann Nikolai Aliavdin (2384) og pólski stórmeistarinn Luakasz Cuborowski (2541).

Árangur Henriks samsvarar  2509 skákstigum og hækkar hann um 2 stig fyrir frammistöðu sína.   Þetta er fimmta mótið í röð þar sem Henrik hækkar á stigum og ætti hann að hafa um 2528 skákstig á stigalistanum 1. júlí.   

Henrik heldur nú til Mysliborz þar sem hann tekur þátt í öðru alþjóðlegu skákmóti sem hefst á morgun.   Þar teflir hann í 10 manna lokuðum a-flokki.   

Alls tók 21 skákmaður þátt í mótinu, og þar af fjórir stórmeistarar.  

• Heimasíða mótsins
• Skákirnar í beinni - byrjar kl. 14