EM: Hannes og Henrik sigruðu báðir

Hannes Hlífar Stefánsson (2574) og Henrik Danielsen (2494) sigruðu báðir í fimmtu umferð EM einstaklinga sem fram fór í Rijeka í Króatíu í dag.  Hann sigraði króatíska alþjóðlega meistarann Josip Rukavina (2409) en Henrik ítalska alþjóðlega meistarann Mario Lanzani (2371).  Hannes hefur 3 vinninga í Henrik 2½ vinning.

Í sjöttu umferð, sem fram fer á morgun, teflir Hannes við austurríska alþjóðlega meistarann Martin Neubaer (2465) en Henrik við rússneska alþjóðlega meistarann Alexander Chudinovskikh (2314).

Efstir í opnum flokki, með 4½ vinning, eru stórmeistararnir Zahar Efimenko (2640), Úkraínu, Liviu-Dieter Nisipeanu (2661), Rúmeníu, Artyom Timofeev (2655), Rússlandi, og Baadur Jobava (2695), Georgíu.

Efstar í kvennaflokki með 4½ vinning eru Ketevan Arakhamia-Grant (2447), Skotlandi, Tatian Kosintseva (2524), Rússlandi, og Monika Socko (2465), Póllandi, en þær eru allar stórmeistarar.  

Heimasíða mótsins

• Chess-Results
• Skákirnar í beinni
• Chessdom

Skráningu lokið á Skákmót Árnamessu

Vegna fjölda þátttökutilkynninga og takmarkaðs fjölda keppenda þá er skráningu á Skákmót Árnamessu í Stykkishólmi lokið og aðeins haldið eftir nokkrum plássum fyrir boðsgesti. Gífurlegur áhugi er á mótinu einkum hjá þeim krökkum sem hafa verið í skákkennslu hjá Skákskóla Íslands, Skákakademíu Reykjavíkur og taflfélögum á höfuðborgarsvæðinu.

Meðal skráðra keppenda á skákmóti Árnamessu verða liðsmenn Norðurlandameistarasveitar Salaskóla í Kópavogi, Íslandsmeistarasveitar Rimaskóla í barnaskólaflokki og stúlkurnar knáu úr Hjallaskóla og Engjaskóla sem urðu í efstu sætum á Íslandsmóti grunnskólasveita stúlkna í febrúar sl. Af einstökum skákmönnum mun athyglin beinast að þeim Vigni V. Stefánssyni sex ára úr Hafnarfirði og Nansý Davíðsdóttur sjö ára úr Rimaskóla sem bæði þykja með þeim efnilegustu sem komið hafa fram lengi og gefa eldri krökkunum lítið eftir. Flestir þátttakendur mótsins koma af höfuðborgarsvæðinu en vonir standa til þess að Eyjastrákarnir Kristófer Gautason og Daði Steinn Jónsson nái að vera með.

Þrír efstu þátttakendur í eldri (1994-1997) og yngri flokki (1998-2003) fá eignarbikara auk verðlauna. Um 30 verðlaun verða í boði og fá þeir efstu í stúlknaflokki og flokki 2001 - 2003 sinn skerf af þeim. Rúta leggur af stað á sunnudagsmorgun 14. mars kl. 9:00 og kemur við stuttu síðar á N1 í Ártúnsbrekku. Fararstjórar verða þau Inga María Friðriksdóttir kennari og Páll Sigurðsson mótstjóri. Við komuna í Hólminn verður boðið upp á pylsur og safa fyrir keppendur og í skákhléi býður útgerðarfyrirtækið Sæfell upp á kók og prins. Skákmótið hefst í grunnskólanum Stykkishólmi kl. 13:00 þegar bæjarstjórinn í Stykkishólmi Erla Friðriksdóttir leika fyrsta leikinn. Mótinu. lýkur um kl. 16:30 eftir verðlaunaafhendingu

Áskorendaflokkur fer fram í Mosfellsbæ um páska

Áskorendaflokkur Íslandsmótsins í skák fer fram í íþróttamiðstöðinni, Lágafelli, í Mosfellsbæ dagana 30. mars til 10. apríl nk.  Teflt verður yfir páska og hefst taflmennskan kl. 18 á virkum dögum en kl. 14 um helgar.

Skráning fer fram á Skák.is

Samhliða mótinu fer fram skákvika í Mosfellsbæ í samvinnu bæjarfélagsins og Skákskóla Íslands.  

Tímamörk eru 1½ klst. á skákina auk 30 sekúnda á leik.

 

Dagskrá:

 

Umferðir	Dags.	Vikudagur	Byrjar	Endar
1	31.mar	Miðvikudagur	18:00	23:00
Frídagur	01.apr	Fimmtudagur
2	02.apr	Föstudagur	14:00	19:00
3	03.apr	Laugardagur	14:00	19:00
4	04.apr	Sunnudagur	14:00	19:00
Frídagur	05.apr	Mánudagur
5	06.apr	Þriðjudagur	18:00	23:00
6	07.apr	Miðvikudagur	18:00	23:00
7	08.apr	Fimmtudagur	18:00	23:00
8	09.apr	Föstudagur	18:00	23:00
9	10.apr	Laugardagur	14:00	19:00

 

 

Mótið verður nánar kynnt þegar nær dregur.  

EM: Hannes gerði jafntefli - Henrik tapaði

Hannes gerði jafntefli við austurríska alþjóðlega meistarann Gerhard Schroll (2411) í 4. umferð EM einstaklinga sem fram fór í dag í Rijeka í Króatíu.  Henrik Danielsen (2494) tapaði fyrir króatíska FIDE-meistarann Emilijo Fucak (2280).  Hannes hefur 2 vinninga og Henrik hefur 1½ vinning.  

Í fimmtu umferð, sem fram fer á morgun teflir Hannes við króatíska alþjóðlega meistarann Josip Rukavina (2409) en Henrik við ítalska alþjóðlega meistarann Mario Lanzani (2371).

Efstir í opnum flokki, með fullt hús, er stórmeistararnir Baadur Jobava (2695), Georgíu, og Zahar Efimenko (2640), Úkraínu.   Ivan Sokolov (2638) og Michael Adams (2704) eru meðal 15 keppenda sem hafa 3½ vinning.

Monika Socko (2465), Póllandi, er efst í kvennaflokki með fullt hús.

• Heimasíða mótsins
• Chess-Results
• Skákirnar í beinni
• Chessdom

Skákmót öðlinga hefst 17. mars

Skákmót öðlinga 40 ára og eldri hefst miðvikudaginn 17.mars nk. í Faxafeni 12 félagsheimili TR kl. 19:30. Tefldar verða 7 umferðir eftir svissneska-kerfinu og er umhugsunartíminn 90 mínútur á alla skákina + 30 sekúndna viðbótartíma á hvern leik.

Dagskrá

 

• 1.     umferð  miðvikud.  17.mars  kl, 19:30
• 2.     umferð  miðvikud.  24.mars  kl, 19:30
• 3.     umferð  miðvikud.  14.apríl  kl, 19:30
• 4.     umferð  miðvikud.  21.apríl  kl, 19:30
• 5.     umferð  miðvikud.  28.apríl  kl, 19:30
• 6.     umferð  mánud.      05.maí    kl, 19:30
• 7.     umferð  miðvikud.  12.maí    kl, 19:30

Mótinu lýkur miðvikudaginn 19. maí kl. 19:30 með hraðskákmóti og verðlaunaafhendingu.  Keppt er um veglegan farandbikar, en auk hans eru verðlaun fyrir þrjú efstu sætin bæði í aðalmótinu og hraðskákmótinu.

Þátttökugjöld eru kr. 3.500 fyrir aðalmótið og kr 500 fyrir hraðskákmótið. Innifalið er frítt kaffi allt mótið og rjómavöfflur og fleira góðgæti á lokakvöldi.

Skráning og upplýsingar veitir Ólafur S. Ásgrímsson í síma 895-5860 og í tölvupósti í netfangið [e-mail]

Skákmót Árnamessu á Stykkishólmi á sunnudag

Allir bestu og efnilegustu grunnskólanemendur landsins í skák stefna nú á þátttöku í hinu glæsilega skákmóti Árnamessu sem fram fer í grunnskólanum Stykkishólmi sunnudaginn 14. mars kl. 13.00 - 16,00. Þátttaka, rútuferðir, veitingar og verðlaun eru innifalin í ókeypis þátttöku. Það er skákdeild Fjölnis sem heldur mótið. Hægt er að nálgast  auglýsingu um mótið hjá öllum helstu skákfélögum landsins og í grunnskólum. Einnig er hægt að senda fyrirspurn á netfangið [e-mail] og fá auglýsingu senda um hæl.

Sem fyrr segir eru verðlaun bæði mörg og glæsileg. Þrír efstu í eldri og yngri flokk fá eignarbikara að launum auk verðlauna. Verðlaun skiptast á aldur, kyn og með happadrætti. Páskaegg frá Nóa/Síríus og Góu, hamborgaramáltíðir frá Metró, fatnaður frá 66°N, skákvörur og gjafabréf eru á meðal vinninga (20-30). Happadrættisvinningar eru dvöl í sumarbúðum KFUM og K. Tefldar verða sex umferðir og umhugsunartíminn verður 10 mínútur. Boðið er upp á ókeypis rútuferð á mótið þar sem fararstjórar verða til staðar. Pylsuveisla og súpa fyrir mót og gos og Prins póló í skákhléi. Allir sem koma að skipulagi skákmóts Árnamessu eða gefa vinninga vilja með því heiðra minningu Árna Helgasonar og þess æskulýðsstarfs sem hann vann í Hólminum í áratugi.

Áhugasamir skákkrakkar eru beðnir um að skrá sig sem fyrst því takmarka verður þátttöku við 70 manna rútu. Skráning á [e-mail] eða í s. 568 9141. Skákstjórar verða þeir Helgi Árnason form. Skákdeildar Fjölnis og Páll Sigurðsson landsmótsstjóri SÍ.

Íslandsmót barnaskólasveita fer fram 21. mars

Íslandsmót barnaskólasveita 2010 fer fram í Vetrargarðinum, Smáralind, sunnudaginn 21.mars. Mótshaldið er í höndum Skákakakademíu Reykjavíkur í nánu samstarfi við Skáksamband Íslands.

Tefldar verða 8 umferðir eftir Monrad-kerfi - umhugsunartími 10 mín. á skák fyrir hvern keppenda.

Hver skóli getur sent fleiri en eina sveit - en hver sveit er skipuð fjórum nemendum 1.-7.bekkjar grunnskóla en að auki mega allt að tveir varamenn skipa hverja sveit. Keppendur skulu vera fæddir 1997 eða síðar.

Mótið hefst kl. kl.12.30 og skulu keppendur vera mættir í síðasta lagi kl.12.15. Gert er ráð fyrir að mótshaldið taki rúmlega 4 klukkustundir.

Sigurvegari mótsins hlýtur rétt til þátttöku á Norðurlandamóti barnaskólasveita sem fram fer í september næstkomandi. Viðkomandi skóli ber ábyrgð á skipulagningu og fjármögnun ferðarinnar en Skáksamband Íslands mun aðstoða við þjálfun keppenda.

Skráning fer fram hjá Skáksambandi Íslands í síma 568-9141, virka daga 10-13 og í tölvupósti [e-mail]. Skráningu skal lokið í síðasta lagi þriðjudaginn 16.mars. Með skráningu skóla skal fylgja nafn liðstjóra og netfang hans.

Þegar nær dregur mótinu verður liðstjórum sendar nákvæmar upplýsingar varðandi framkvæmd mótsins.

Pistill Eyjamanns um Íslandsmót skákfélaga

Það streyma að pistlarnir um Íslandsmót skákfélaga.   Á vefsíðu TV skrifar Þorsteinn Þorsteinsson pistil um a-lið TV sem ber nafnið "Vorum hársbreidd frá sigri".  

Pistill Þorsteins

Pistill ritstjóra um Íslandsmót skákfélaga

Ritstjóri Skák.is hefur venju samkvæmt skrifað pistil um Íslandsmót skákfélaga og má finna hann á bloggsíðu hans.

Bloggsíða GB

Sterkur landsliðsflokkur um páska í Mosfellsbæ

Einn sterkasti landsliðsflokkur Íslandsmóts í skák fer fram um páskana, nánar tiltekið 31. mars - 10. apríl nk. í nýju íþróttamiðstöðunni í Mosfellsbæ.  Meðalstig eru 2404 skákstig en þátt tekur nánast allur landsliðshópur Helga Ólafssonar, þar á meðal stórmeistararnir Hannes Hlífar Stefánsson, Henrik Danielsen og Þröstur Þórhallsson, auk sex alþjóðlegra meistara.  Samhliða landsliðsflokki fer fram áskorendaflokkur.

Keppendalistinn:

Nr.	Nafn	Titill	Félag	Stig
1	Hannes Hlífar Stefánsson	SM	Hellir	2574
2	Henrik Danielsen	SM	Haukar	2494
3	Stefán Kristjánsson	AM	Bolungarvík	2466
4	Jón Viktor Gunnarsson	AM	Bolungarvík	2429
5	Þröstur Þórhallsson	SM	Bolungarvík	2407
6	Bragi Þorfinnsson	AM	Bolungarvík	2396
7	Hjörvar Steinn Grétarsson		Hellir	2383
8	Dagur Arngrímsson	AM	Bolungarvík	2383
9	Guðmundur Gíslason		Bolungarvík	2382
10	Björn Þorfinnsson	AM	Hellir	2376
11	Róbert Lagerman	FM	Hellir	2347
12	Þorvarður F. Ólafsson		Haukar	2206
			Meðalstig	2404