Áttunda og næstsíðasta umferðin hefst kl. 17 í Hafnarfirði

Áttunda og næstsíðasta umferð  Íslandsmótsins í skák hefst kl. 17 í dag í Hraunseli, Flatahrauni 3 í Hafnarfirði. Sem fyrr berjast Íslandsmeistararnir frá 2015 og 2014 um titilinn. Héðinn Steingrímsson hefur 6½ vinning og Guðmundur Kjartansson 6 vinninga. Héðinn mætir Sigurbirni Björnssyni í dag og Guðmundur teflir við Björn Þorfinnsson. Dagur Ragnarsson getur tryggt sér áfanga að alþjóðlegum meistaratitli geri hann jafntefli við eða vinni Davíð Kjartansson. 

Umferð dagsins:

• SM Héðinn Steingrímsson (6½) - FM Sigurbjörn Björnsson (3)
• AM Björn Þorfinnsson (3½) - AM Guðmundur Kjartansson (6) 
• FM Davíð Kjartansson (3) - FM Dagur Ragnarsson (5)
• FM Vignir Vatnar Stefánsson (2) - SM Hannes Hlífar Stefánsson (3½)
• Bárður Örn Birkisson (1) - Guðmundur Gíslason (1½)  

 

Staðan: 

1. Héðinn Steingrímsson (2562) 6½ v.
2. Guðmundur Kjartansson (2437) 6 v.
3. Dagur Ragnarsson (2320) 5 v.
4.-5. AM Björn Þorfinnsson (2407) og SM Hannes Hlífar Stefánsson (2566) 3½ v.
6.-7. FM Sigurbjörn Björnsson (2268) og FM Davíð Kjartansson (2389) 3 v.
8. Vignir Vatnar Stefánsson (2334) 2 v.
9. Guðmundur Gíslason (2336) 1½ v.
10. Bárður Örn Birkisson (2162) 1 v.

 

• Heimasíða mótsins
• Chess-Results
• Beinar útsendingar (Chess24) - hefjast kl. 17 á virkum dögum og kl 13 um helgar.

Héðinn efstur - enn fylgir Guðmundur eins og skugginn

Héðinn Steingrímsson (2562) vann sigur á Guðmundi Gíslasyni (2336) í afar spennandi skák sem er rétt nýlokið. Guðmundur sem lengi hafði vonda stöðu sýndi mikla útsjónarsemi í vörninni en svo fór að hann sá ekki við stórmeistaranum sem var sífellt að búa til ný vandamál fyrir Vestfirðinginn. Vel tefld skák að beggja hálfu. Héðinn er efstur með 6½ vinning. 

Guðmundur Kjartansson (2437) heldur sínu striki. Í dag vann hann Sigurbjörn Björnsson (2268) í þungri baráttuskák. Frammistaða Guðmundar er frábær og í venjulegu móti myndu 6 vinningar í sjö skákum þýða efsta sætið. 

 

Dagur Ragnarsson (2320) vann Vigni Vatnar Stefánsson (2334) eftir ljótan afleik Vignis í heldur verri stöðu. Dagur er þriðji með 5 vinninga á sínu fyrsta Íslandsmóti. Framúrskarandi góð frammistaða. Fjölnispilturinn þarf nú hálfan vinning í tveimur síðustu umferðunum til að krækja sér í sinn fyrsta áfanga að alþjóðlegum meistaratitli. 

Hannes Hlífar Stefánsson (2566), tólffaldur Íslandsmeistari, hefur ekki átt gott mót. Eftir margar magrar skákir vann hann loks í dag skák. Hann lagði að velli Bárð Örn Birkisson (2162). Davíð Kjartansson (2389) hefur verið að sækja í sig veðrið eftir slæma byrjun og hafði sigur á Birni Þorfinnssyni (2407). 

Staðan

1. Héðinn Steingrímsson (2562) 6½ v.
2. Guðmundur Kjartansson (2437) 6 v.
3. Dagur Ragnarsson (2320) 5 v.
4.-5. AM Björn Þorfinnsson (2407) og SM Hannes Hlífar Stefánsson (2566) 3½ v.
6.-7. FM Sigurbjörn Björnsson (2268) og FM Davíð Kjartansson (2389) 3 v.
8. Vignir Vatnar Stefánsson (2334) 2 v.
9. Guðmundur Gíslason (2336) 1½ v.
10. Bárður Örn Birkisson (2162) 1 v.

Áttunda og næstsíðasta umferð fer fram á morgun og hefst kl. 17. Þá teflir Héðinn við Sigurbjörn, Guðmundur Kjartansson mætir Birni og Dagur sest á móti á Davíð. 

Á skákstað er hægt að fylgjast með skákunum á stóru tjaldi í skáksalnum. Einnig er hægt að setjast inn í skákskýringaherbergið þar sem hægt er að spá í spilin með öðrum áhorfendum. 

• Heimasíða mótsins
• Chess-Results
• Beinar útsendingar (Chess24) - hefjast kl. 17 á virkum dögum og kl 13 um helgar.

Sjöunda umferð Íslandsmótsins í skák hefst kl. 17

Sjöunda umferð Íslandsmótsins í skák hefst kl. 17 í dag í Hraunseli, Flatahrauni 3 í Hafnarfirði. Spennan er mikil á mótinu en Héðinn Steingrímsson hefur hálfs vinnings forskot á Guðmund Kjartansson þegar þremur umferðum er ólokið. Þeir mætast einmitt í lokaumferðinni á laugardag. Héðinn teflir við Guðmund Gíslason í dag, sem einmitt vann Héðin á Íslandsmótinu í fyrra óvænt, en Guðmundur Kjartansson mætir Sigurbirni Björnssyni. 

Umferð dagsins:

• FM Guðmundur Gíslason (1½) - SM Héðinn Steingrímsson (5½)
• FM Sigurbjörn Björnsson (3) - AM Guðmundur Kjartansson (5)
• FM Dagur Ragnarsson (4) - FM Vignir Vatnar Stefánsson (2)
• FM Davíð Kjartansson (2) - AM Björn Þorfinnsson (3½)
• SM Hannes Hlífar Stefánsson (2½) - Bárður Örn Birkisson (1)

 

Staðan:

 

1. SM Héðinn Steingrímsson (2562) 5½ v.
2. AM Guðmundur Kjartansson (2437) 5 v.
3. FM Dagur Ragnarsson (2320) 4 v.
4. AM Björn Þorfinnsson (2407) 3½ v.
5. FM Sigurbjörn Björnsson (2268) 3 v.
6. SM Hannes Hlífar Stefánsson (2558) 2½ v.
7.-8. FM Davíð Kjartansson (2389) og FM Vignir Vatnar Stefánsson (2334) 2 v.
9. FM Guðmundur Gíslason (2336) 1½ v.
10. Bárður Örn Birkisson (2162) 1 v.

Á skákstað er hægt að fylgjast með skákunum á stóru tjaldi í skáksalnum. Einnig er hægt að setjast inn í skákskýringaherbergið þar sem hægt er að spá í spilin með öðrum áhorfendum. 

• Heimasíða mótsins
• Chess-Results
• Beinar útsendingar (Chess24) - hefjast kl. 17 á virkum dögum og kl 13 um helgar.

Mikið fjör á Vorhátíð Taflfélags Reykjavíkur

Laugardaginn 13. maí fór fram vorhátíðarskákæfing TR í taflheimili félagsins í Faxafeni. 35 skákkrakkar úr öllum skákhópum félagsins mættu á sameiginlega lokaæfingu. Þetta var sannkölluð uppskeruhátíð. Fyrst var teflt 6 umferða skákmót, Uppskerumót TR, með umhugsunartímanum 5+3. Síðan fór fram verðlaunaafhending fyrir ástundun og árangur á æfingum félagsins á vorönninni. Að lokum fór fram verðalaunaafhending fyrir Uppskerumótið og í kjölfarið var boðið upp á sparihressingu.

Mæting var góð úr öllum skákhópunum: byrjendahópunum, laugardagsæfingahópnum, framhaldshópunum og stelpuskákhópnum. Þrír drengir úr afrekshópnum tóku þátt, sem gestir og án þess að gera tilkall til verðlauna. Það voru þeir Björn Hólm Birkisson, Hilmir Freyr Heimisson og Róbert Luu. Mikill fengur var að fá þá með í mótið og yngri krakkarnir fengu að spreyta sig „uppi á palli“ á móti þeim. Mjög skemmtilegt! Þeir héldu svo áfram á skákæfingu hjá afrekshópnum!

Tæplega fjórðungur keppenda voru stúlkur, en þátttaka stúlkna hefur farið vaxandi á skákmótum félagsins í vetur. Það var einmitt Batel Goitom Haile, sem varð efst allra í mótinu með 5 vinninga eða hálfum vinning á eftir „gestunum“ Hilmi Frey og Birni Hólm. Mjög flottur árangur hjá henni. 

Heildarsigurvegarar (þegar frá eru taldir gestirnir):

1. Batel Goitom Haile 5 v. af 6

2. Kristján Dagur Jónsson 5

3. Einar Tryggvi Petersen 4

Stúlknaverðlaun:

1. Ásthildur Helgadóttir 4

2. Iðunn Helgadóttir 3,5

3. Katrín María Jónsdóttir 3

Best fædd 2005 og síðar:

1. Árni Ólafsson 4

2. Ingvar Wu Skarphéðinsson 4

3. Einar Dagur Brynjarsson 4

Best fædd 2008 og síðar:

1. Mikael Bjarki Heiðarsson 3,5

2. Daníel Davíðsson 3

3. Bjartur Þórisson 3

Nánari upplýsingar um lokastöðu og einstök úrslit má finna á chess-results.

Nánar á heimasíðu TR.

Héðinn efstur í Hafnarfirði - Guðmundur fylgir enn eins og skugginn

Héðinn Steingrímsson (2562) heldur áfram á sigurbraut á Íslandsmótinu í skák í Hafnarfirði. Í sjöttu umferð sem fram fór í kvöld vann hann Hannes Hlífar Stefánsson (2566) með mjög góðri endatafltækni. Héðinn hefur 5½ vinning. Guðmundur Kjartansson (2437) er hins vegar ekkert á því að sleppa honum langt frá sér. Í kvöld vann Guðmundur nafna sinn Gíslason (2336) eftir að hafa haft frumkvæði alla skákina. Hann er aðeins hálfum vinningi á eftir Héðni. Baráttan virðist ætla að standa á milli Íslandsmeistaranna frá 2015 og 2014 en þeir munu mætast í lokaumferðinni á laugardaginn.

Dagur Ragnarsson (2320) er þriðji með 4 vinning eftir öruggan sigur á Bárði Erni Birkissyni (2162). Sigurbjörn Björnsson (2268) stöðvaði sigurgöngu Björns Þorfinnssonar (2407). Eina jafntefli umferðarinnar gerðu Vignir Vatnar Stefánsson (2334) og Davíð Kjartansson (2389).

Staðan

1. Héðinn Steingrímsson (2562) 5½ v.
2. Guðmundur Kjartansson (2437) 5 v.
3. Dagur Ragnarsson (2320) 4 v.
4. Björn Þorfinnsson (2407) 3½ v.
5. Sigurbjörn Björnsson (2268) 3 v.
6. Hannes Hlífar Stefánsson (2566) 2½ v.
7.-8. Davíð Kjartansson (2389) og Vignir Vatnar Stefánsson (2334) 2 v.
9. Guðmundur Gíslason (2336) 1½ v.
10. Bárður Örn Birkisson (2162) 1 v.

Frídagur er á morgun. Sjöunda umferð fer fram á fimmtudaginn og hefst kl. 17. Þá teflir Héðinn við Guðmund Gíslason og Guðmundur Kjartansson við Sigurbjörn

Á skákstað er hægt að fylgjast með skákunum á stóru tjaldi í skáksalnum. Einnig er hægt að setjast inn í skákskýringaherbergið þar sem hægt er að spá í spilin með öðrum áhorfendum. 

• Heimasíða mótsins
• Chess-Results
• Beinar útsendingar (Chess24) - hefjast kl. 17 á virkum dögum og kl 13 um helgar.

Björgvin hlaut 3½ vinning í Búdapest

Björgvin Víglundsson (2123) tók þátt í First Saturday-móti sem lauk í Búdapest í Ungverjalandi í dag. Björgvin hlaut 3½ í 9 skákum. Prýðisgóð frammistaða hjá Björgvini, sem var næststigalægstur keppenda. Hann hækkaði um 14 stig fyrir frammistöðuna. 

Sérstaklega gekk honum vel á móti alþjóðlegu meisturnum en gegn þeim fékk 2½ í 5 skákum.

Einstök úrslit hjá Björgvini má finna á Chess-Results. 

First Saturday-mótið

Sjötta umferð Íslandsmótsins hefst í Hafnarfirði kl. 17 - stórmeistaraslagur

Sjötta umferð Íslandsmótsins í skák hefst kl. 17 í dag í Hraunseli, Flatahrauni 3 í Hafnarfirði. Spennandi viðureignir í dag en stórmeistaraslagur verður í boði þegar Héðinn Steingrímsson (2562) og Hannes Hlífar Stefánsson (2566) mætast. Guðmundur Kjartansson (2437), sem er aðeins hálfum vinningi á eftir Héðni, mætir nafna sínum Gíslasyni (2336)

Umferð dagsins:

• SM Héðinn Steingrímsson (4½) - SM Hannes Hlífar Stefánsson (2½)
• AM Guðmundur Kjartansson (4) - FM Guðmundur Gíslason (1½)
• AM Björn Þorfinnsson (3½) - FM Sigubjörn Björnsson (2)
• Bárður Örn Birkisson (1) - FM Dagur Ragnarsson (3)
• FM Vignir Vatnar Stefánsson (1½) - FM Davíð Kjartansson (1½) 

Staðan:

1. SM Héðinn Steingrímsson (2562) 4½ v.
2. AM Guðmundur Kjartansson (2437) 4 v.
3. AM Björn Þorfinnsson (2407) 3½ v.
4. FM Dagur Ragnarsson (2320) 3 v.
5. SM Hannes Hlífar Stefánsson (2566) 2½ v.
6. FM Sigurbjörn Björnsson (2268) 2 v.
7.-9. FM Davíð Kjartansson (2389), FM Guðmundur Gíslason (2336) og Vignir Vatnar Stefánsson (2334) 1½ v.
10. Bárður Örn Birkisson (2162) 1 v.

Á skákstað er hægt að fylgjast með skákunum á stóru tjaldi í skáksalnum. Einnig er hægt að setjast inn í skákskýringaherbergið þar sem hægt er að spá í spilin með öðrum áhorfendum. 

• Heimasíða mótsins
• Chess-Results
• Beinar útsendingar (Chess24) - hefjast kl. 17 á virkum dögum og kl 13 um helgar.

Meistaramót Skákskóla Íslands fer fram 26.-28. maí

Meistaramót Skákskóla Íslands fyrir starfsárið 2016/2017 fer fram dagana 26.–28. maí og verður í tveim styrkleika/stigaflokkum.  Annar flokkurinn verður skipaður keppendum sem hafa 1600 alþjóðleg elo-stig eða meira en hinn flokkurinn er skipaður keppendum sem er undir 1600 elo stigum eða stigalausir. 

Skráning fer fram hér á Skák.is (guli kassinn efst). Upplýsingar um þegar skráða keppendur má finna hér.

Vakin er athygli á því að tímamörk eru mismunandi í flokkunum og færri umferðir verða tefldar í efri styrkleikaflokknum en þar er teflt um sæmdarheitið Meistari  Skákskóla Íslands. Núverandi meistari Skákskólans er Dagur Ragnarsson. 

Þátttökurétt hafa nemendur skólans og allir þeir sem tekið hafa þátt í námskeiðum á vegum skólans eða hlotið þjálfun á vegum skólans.  

Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku. 

Mótsnefnd mun jafnframt taka afstöðu til óska þeirra sem ekki ná stigalágmörkum en vilja líka tefla í stigahærri flokknum.  

Flokkur undir 1600–elo-stigum og stigalausir: 

1. umferð: Föstudagur 26. maí kl. 18
2. umferð: Föstudagur 26. maí kl. 20 

3. umferð. Laugardagur 27. maí kl. 10-13.
4. umferð: Laugardagur 27. maí 13 –16
5. umferð: Laugardagur 27. maí 16-19 

6.. umferð: Sunnudagur 28. maí kl. 10-13.

7. umferð: Laugardagur 28. maí kl. 13 –16
8. umferð: Laugardagur 28. maí kl. 16-19 

Tímamörk í öllum umferðunum 30 30. 

Keppendur geta tekið eina eða tvær ½ vinnings yfirsetur í fyrstu fimm umferðunum en tilkynna verður um yfirsetuna fyrir umferð og áður en raðað er í þá næstu. 

 

Flokkur keppenda með 1600 – elo stig og meira. 

 

Tefldar verða sex umferðir eftir svissneska kerfinu í báðum flokkum.

Dagskrá mótsins verður með eftirfarandi hætti:

 

Flokkur 1600 alþjóðleg elo – stig og ofar:

 

1. umferð: Föstudagur 26. maí kl. 16
2. umferð: Föstudagur 26. maí kl. 20

 

3. umferð. Laugardagur 27. maí kl. 10
4. umferð: Laugardagur 27. maí 15

 

5. umferð: Sunnudagur 28. maí kl. 10
6. umferð: Sunnudagur 28. maí kl. 15

 

Tímamörk í öllum umferðunum 90 30.

 

Keppendur geta tekið eða tvær ½ vinnings yfirsetu í fyrstu fjórum umferðunum en verða að tilkynna um yfirsetuna fyrir umferðina og áður en raðað er í næstu umferð.

Skákmenn sem eru með minna en 1600 elo- stig geta óskað eftir því að tefla í flokki stigahærri keppenda og mun mótsnefnd taka afstöðu til þess og skila niðurstöðu með góðum fyrirvara. 

 

Verðlaun í flokki 1600 elo +

 

1. verðlaun: farmiði á skákmót að verðmæti kr. 50 þús + uppihaldskostnaður kr. 35 þús.
2. verðlaun: Farmiði á skákmót að verðmæti kr. 40 þús.
3. – 5. sæti Vandaðar skákbækur.

Auk þess verða veitt stigaflokkaverðlaun í mótinu:

 

1800 – 2000 elo:

1. verðlaun: Farmiði á skákmót að verðmæti kr. 40 þús.

 

1600-1800 elo:

1. verðlaun: Farmiði á skákmót að verðmæti kr. 40 þús.

 

Verðlaun í flokki 1600 elo og minna  og stigalausra:

 

1. verðlaun: farmiði á skákmót að verðmæti kr. 40 þús:
2. – 3. verðlaun: vandaðar skákbækur að eigin vali.

 

Verðlaun keppenda sem eru undir 1200 elo stig eða stigalausir:

1. verðlaun: Vandaðar skákbækur.
2. verðlaun: Landsliðstreyja „tólfunnar“.
3. verðlaun: Landsliðstreyja „tólfunnar“.

 

Mótsstig úrskurða verði keppendur jafnir að vinningum í báðum flokkum - nema í keppni um 1.  sæti í stigahærri flokknum . Þá skal teflt um titilinn: 

Meistari Skákskóla Íslands 2017. 

Aðalstyrktaraðili Meistaramóts Skákskóla Íslands 2017 er  GAMMA. 

 

Héðinn efstur - Guðmundur fylgir eins og skugginn - Björn í banastuði

Í kvöld fór fram fimmta umferð Íslandsmótsins í skák í Hafnarfirði. Héðinn Steingrímsson (2562) er sem fyrr efstur á mótinu en hann hefur 4½ vinning. Hann vann Dag Ragnarsson (2320) í vel tefldri skák í kvöld.

Guðmundur Kjartansson (2437) fylgir stórmeistaranum eins og skugginn. Í kvöld lagði hann stórmeistarann Hannes Hlífar Stefánsson að velli. Guðmundur fórnaði biskupi, sem Hannes mátti ekki taka og hafði nokkuð öruggan sigur í framhaldinu. Björn Þorfinnsson (2407), sem byrjaði illa á mótinu, er nú orðinn þriðji með 3½ eftir þrjá sigra í röð. Í dag vann hann Vigni Vatnar Stefánsson (2334). 

Guðmundur Gíslason (2336) og Davíð Kjartansson (2389) lyftu sér báðir af botninum með sigurskákum. Guðmundur vann Sigurbjörn Björnsson (2268) en Davíð sigraði Bárð Örn Birkisson (2162).

Staðan

1. Héðinn Steingrímsson 4½ v.
2. Guðmundur Kjartansson 4 v.
3. Björn Þorfinnsson 3½ v.
4. Dagur Ragnarsson 3 v.
5. Hannes Hlífar Stefánsson 2½ v.
6. Sigurbjörn Björnsson 2 v.
7.-9. Davíð Kjartansson, Guðmundur Gíslason og Vignir Vatnar Stefánsson 1½ v.
10. Bárður Örn Birkisson 1 v.

Sjötta umferð fer fram á morgun og hefst kl. 17. Þá verður stórmeistaraslagur þegar Héðinn og Hannes mætast. Guðmundur Kjartansson mætir nafna sínum Gíslasyni og Björn teflir við Sigurbjörn Björnsson. 

Á skákstað er hægt að fylgjast með skákunum á stóru tjaldi í skáksalnum. Einnig er hægt að setjast inn í skákskýringaherbergið þar sem hægt er að spá í spilin með öðrum áhorfendum. 

• Heimasíða mótsins
• Chess-Results
• Beinar útsendingar (Chess24) - hefjast kl. 17 á virkum dögum og kl 13 um helgar.

Fimmta umferð Íslandsmótsins hefst í Hafnarfirði kl. 17

 

Fimmta umferð Íslandsmótsins í skák hefst kl. 17 í dag í Hraunseli, Flatahrauni 3 í Hafnarfirði. Þar eru afar góðar aðstæður fyrir keppendur og áhorfendur. Mótið hefur verið í senn sviptingasamt og taflmennskan mjög fjörleg.

Í dag getur staðan skýrst á toppnum - því efstu og stigahæstu menn mætast innbyrðis á tveimur borðum. Annars vægast Fjölnisfélagarnir Héðinn og Dagur og hins Hannes og Guðmundur Kjartansson.

Í umferð dagsins mætast:

• FM Dagur Ragnarsson (3) - SM Héðinn Steingrímsson (3½)
• SM Hannes Hlífar Stefánsson (2½) - AM Guðmundur Kjartansson (3)
• FM Vignir Vatnar Stefánsson (1½) - AM Björn Þorfinnsson (2½)
• FM Guðmunudur Gíslason (½) - FM Sigurbjörn Björnsson (2)
• FM Davíð Kjartansson (½) - Bárður Örn Birkisson (1)

 

Staðan:

1. Héðinn Steingrímsson 3½ v.
2.-3. Guðmundur Kjartansson og Dagur Ragnarsson 3 v.
4.-5. Björn Þorfinnsson og Hannes Hlífar Stefánsson 2½ v.
6. Sigurbjörn Björnsson 2 v.
7. Vignir Vatnar Stefánsson 1½ v.
8. Bárður Örn Birkisson 1 v.
9.-10. Davíð Kjartansson og Guðmundur Gíslason ½ v.

Á skákstað er hægt að fylgjast með skákunum á stóru tjaldi í skáksalnum. Einnig er hægt að setjast inn í skákskýringaherbergið þar sem hægt er að spá í spilin með öðrum áhorfendum. 

• Heimasíða mótsins
• Chess-Results
• Beinar útsendingar (Chess24) - hefjast kl. 17 á virkum dögum og kl 13 um helgar.