Fjölnismenn Mátaðir í Hraðskákkeppni taflfélaga

Ungt og efnilegt lið úr Grafarvogi sótti Máta heim fimmtudaginn 12. ágúst. Teflt var í bækistöðvum Máta, í húsnæði Rauða krossins við Garðatorg í Garðabæ. Mátar sýndu mátt sinn og gáfu lítil grið. Viðureigninni lauk með sigri Máta með 57,5 vinninga gegn 14,5. Hálfleikstölur voru 29,5-6,5 Mátum í vil. Flestum vinningum heimamanna náði Magnús Teitsson, en bestur gesta var Erlingur Þorsteinsson.

Árangur einstaklinga var annars sem hér segir:

Mátar

• Magnús Teitsson                            10,5/12
• Pálmi R. Pétursson                         9,5/11
• Arnar Þorsteinsson                        9/11
• Tómas Hermannsson                    9/12
• Jón Árni Jónsson                             6/6
• Jakob Þór Kristjánsson                 6,5/9
• Halldór Ingi Kárason                       7,0/11

Fjölnir

• Erlingur Þorsteinsson                    6,5
• Jón Árni Halldórsson                      3
• Hörður Aron Hauksson                 2,5
• Dagur Ragnarsson                          2,5
• Hrund Hauksdóttir                         0
• Kristinn Andri Kristinsson            0

Heimasíða Hellis

 

Stórmót Árbæjarsafns og Taflfélags Reykjavíkur fer fram á sunnudag

Stórmót Árbæjarsafns og Taflfélags Reykjavíkur fer fram sunnudaginn 15. ágúst. Teflt verður í Árbæjarsafni og hefst taflið kl. 14. Tefldar verða 7 umferðir með umhugsunartímanum 7 mín. á skák.

Á undan, eða kl.13, fer fram lifandi tafl, en lifandi taflið er fyrir löngu orðinn árviss og skemmtilegur viðburður í dagatali skákmanna.

Veitt verða verðlaun fyrir þrjú efstu sætin í Stórmótinu, 10.000 kr., 5.000 kr. og 3.000 kr.

Þátttökugjöld í Stórmótinu eru kr. 600 fyrir 18 ára og eldri, en ókeypis fyrir yngri en 18 ára og eru þátttökugjöld jafnframt aðgangseyrir í safnið.

Ekkert kostar að taka þátt í Stórmótinu fyrir þá sem taka þátt í lifandi taflinu.

Enn eru laus pláss í lifandi taflinu og leika peð, riddara, biskup, hrók, kóng eða drottningu. Áhugasamir hafi samband við Sigurlaugu Regínu í [e-mail]

Íslandsmót kvenna - b-flokkur

Íslandsmót kvenna 2010 - B flokkur mun fara fram dagana 20. - 22. ágúst nk.  Teflt verður í Skáksambandi Íslands að Faxafeni 12,  Reykjavík og 1. umferð hefst föstudaginn 20. ágúst kl. 18.00.

Fyrirkomulag:  Tefldar verða 7 umferðir (gæti breyst eftir fjölda þátttakenda), 45 mín. + 30 sek. á leik.

Dagskrá:

1. umferð föstudagur   kl. 18:00
2. umferð föstudagur   kl. 20:30  - verður flýtt ef 1. umferð klárast snemma.
3. umferð laugardagur kl. 12:00
4. umferð laugardagur kl. 14:30
5. umferð laugardagur kl. 17:00
6. umferð sunnudagur kl. 12:00
7. umferð sunnudagur kl. 14:30

2. 4. 5. og 7. umferð verður flýtt ef skákir umferðarinnar á undan klárast fljótt.

Boðið verður upp á ávexti og kex á laugardaginn.

Sérstaklega er vakið athygli á að dagskrá og keppnisfyrirkomulag getur breyst eftir fjölda keppenda.                    

Öllum stúlkum/konum er heimil þátttaka.  Sigurvegari mótsins vinnur sér rétt til setu í A-flokki að ári.  Þátttaka tilkynnist fyrir 19. ágúst í síma 568 9141 eða með tölvupósti; [e-mail]

Skákskýringar, mót og afmæli í einum pakka

Skákfélag Vinjar og Hróksmenn halda skákmót á mánudaginn, 16. ágúst nk kl. 13:00. Er það til heiðurs sjálfum fyrirliða Vinjarliðsins, Hrannari Jónssyni. Hann átti semsagt afmæli drengurinn þann 9. ágúst.

Víkingaklúbbsrefurinn Óli B. Þórs ætlar að hefja partýið með skákskýringum á einni af sinni uppáhaldsskákum. Strax að því loknu verður rennt í fimm til sex umferða mót með sjö mínútna umhugsunartíma og ætla þeir Hrannar afmælisdrengur og varaforseti Hróksins, Róbert Lagerman, að sjá um mótshald, dómgæslu og til þess að þetta fari fram án mikilla illdeilna...

Boðið verður upp á ávexti og tékkneska randalín með kaffinu.

Geisladiskar fyrir efstu sætin og skákbækur í happadrættisvinninga.

Fer þetta alltsaman fram í Vin, athvarfi Rauða kross Íslands að Hverfisgötu 47.

Síminn þar er 561-2612, skráning á staðnum og allir velkomnir að sjálfsögðu.

KR-ingar lögðu Víkinga í Hraðskákkeppni taflfélaga

Skáksveit KR vann Víkingaklúbbinn með 37 vinningum gegn 35 í viðureign félaganna í Hraðskákkeppni sem fram fór í gærkveldi svo tæpara mátti það varla standa.   Fyrir síðustu umferð leiddu KR-ingar með 5 vinninga mun og voru yfir allt frá byrjun svo sigurinn var engu að síður nokkuð öruggur.  Gunnar Gunnarsson var bestur KR-inga með 9 vinninga en Ólafur B. Þórsson var bestur Víkinga með 10 vinning.

Besti einstaklingaárangur:

 

Sk. KR:    

 

• Gunnar Kr. Gunnarsson   9
• Jóh. Örn Sigurjónsson    8½
• Jón G. Friðjónsson         7½
• Friðgeir K. Hólm             6

Víkingar:  

• Ólafur B. Þórsson        10
• Tómas Björnsson          9½
• Birgir Berndsen             5

Tefldar voru 2x6 umferðir, allir við alla, en varamönnum skipt inná einkum í lokin. Teflt var í Gallerý Skák, Bolholti í spennuþrungnu andrúmslofti eins og sjá má á meðfylgjandi myndum.

Skákfélag Íslands sigaði Skákfélag Vinjar í Hraðskákkeppni taflfélaga

Skákfélag Íslands sigraði Skákfélag Vinjar í fyrstu umferð Hraðskákkeppni taflfélaga með 57 vinningum gegn 15.  Staðan í hálfleik var 27,5 vinningur gegn 8,5 vinningi.  Sigurður Daði Sigfússon og Örn Leó Jóhannsson voru bestir Skákfélagsmanna en Björn Sölvi Sigurjónsson og Árni H. Kristjánsson voru bestir Vinjarmanna með 5 vinninga.

Lið Skákfélag Íslands:

• Sigurður Daði Sigfússon 11 v. af 12
• Örn Leó Jóhannsson 11 v. af 12
• Eiríkur Örn Brynjarsson 9,5 v. af 12
• Kristján Örn Elíasson 8,5 v. af 12
• Páll Snædal Andrason 8,5 v. af 12
• Birkir Karl Sigurðsson 8,5 v. af 12

Lið Skákfélag Vinjar:

• Björn Sölvi Sigurjónsson 5 v. af 12
• Árni Kristjánsson 5 v. af 12
• Hrannar Jónsson 3 v. af 12
• Jón Birgir Einarsson 2 v. af 12
• Aðalsteinn Thorarensen 0 v. af 12
• Arnar Valgarðsson 0 v. af 6
• Guðmundur V. Guðmundsson 0 v. af 6

 Þetta var frumraun (jómfrúarmót) Skákfélags Íslands á skáksviðinu.

Myndaalbúm Hraðskákkeppni taflfélaga

Haukar lögðu Selfyssinga í Hraðskákkeppni taflfélaga

Viðureign Hauka og Skákfélags Selfoss og nágrennis fór fram að Ásvöllum í gærkvöldi.  Eftir jafnar fyrstu umferðir sigu Haukamenn framúr. Leikar fóru þannig að Haukar unnu með 57,5 vinningum gegn 14,5. Í hálfleik stóð 25,5 gegn 10,5.  Hlíðar Þór Hreinsson og Sverrir Þorgeirsson voru bestir Haukamanna með 11 vinninga í 12 skákum en Hr. Magnús Matthíasson stóð sig best gestanna en hann hlaut 4½ vinning.

Myndir væntanlegar.

 
Einstaklingsúrslit:
 
Haukar:

• Hlíðar Þór Hreinsson 11/12
• Sverrir Þorgeirsson 11/12
• Einar Valdimarsson 9,5/12
• Jorge Fonseca 8/9
• Árni Þorvaldsson 8/11
• Þorvarður Fannar Ólafsson 6,5/8
• Ingi Tandri Traustason 3,5/8

 
SSON:

• Magnús Matthíasson 4,5
• Páll Leó Jónsson 3,5
• Ingimundur Sigurmundsson 3
• Ingvar Örn Birgisson 1,5
• Magnús Gunnarsson 1
• Úlfhéðinn Sigurmundsson 1

NM stúlkna fer fram 27.-29. í Reykjavík

Norðurlandamót stúlkna fer fram í Reykjavík 27.-29. ágúst nk.  Þetta er í fjórða skipti sem keppnin fer fram og í fyrsta skipti sem hún fer fram á Íslandi.  Þátt taka 34 stúlkur, í þremur flokkum, frá öllum Norðurlöndunum nema Finnlandi.  Þar af eru 13 íslenskar stúlkur.  Þrjár af íslensku stúlkunum munu tefla fyrir Íslands hönd á ólympíuskákmótinu í haust.  Keppendur eru á aldrinum 12-20 ára.  

Mótið átti upphaflega að fara fram í apríl en eldgosið í Eyjafjallajökli varð til þess að fresta þurfti mótinu.

Teflt verður í skákmiðstöðunni í Faxafeni 12.

Keppendalista má finna á Chess-Results.  

Fjör á félagaskiptamarkaði

Líf hefur færst yfir félagaskiptamarkað og síðustu daga og vikur átt sér stað ýmiss félagaskipti.  Hér má sjá upplýsingar um nýleg félagaskipti:

• Emil Ólafsson - Í SR úr Víkingaklúbbnum
• Ásgeir P. Ásbjörnsson - Í Goðann úr Haukum
• Ragnar Fjalar Sævarsson - Í Goðann úr TR
• Örn Leó Jóhannsson - úr TR í SFÍ
• Birgir Berndsen - úr Snæfellsbæ í Víkingaklúbbinn
• Siguringi Sigurjónsson - úr KR í SR
• Sigurður Ingason - úr Helli í Víkingaklúbbinn

Hægt er að fylgjast með félagaskiptum skákmanna "online" hér.  Fara þarf neðst í skjalið.

Stórmót Árbæjarsafns og Taflfélags Reykjavíkur

Stórmót Árbæjarsafns og Taflfélags Reykjavíkur fer fram sunnudaginn 15. ágúst. Teflt verður í Árbæjarsafni og hefst taflið kl. 14. Tefldar verða 7 umferðir með umhugsunartímanum 7 mín. á skák.

Á undan, eða kl.13, fer fram lifandi tafl, en lifandi taflið er fyrir löngu orðinn árviss og skemmtilegur viðburður í dagatali skákmanna.

Veitt verða verðlaun fyrir þrjú efstu sætin í Stórmótinu, 10.000 kr., 5.000 kr. og 3.000 kr.

Þátttökugjöld í Stórmótinu eru kr. 600 fyrir 18 ára og eldri, en ókeypis fyrir yngri en 18 ára og eru þátttökugjöld jafnframt aðgangseyrir í safnið.

Ekkert kostar að taka þátt í Stórmótinu fyrir þá sem taka þátt í lifandi taflinu.

Enn eru laus pláss í lifandi taflinu og leika peð, riddara, biskup, hrók, kóng eða drottningu. Áhugasamir hafi samband við Sigurlaugu Regínu í [e-mail]