Skák.is

Færsluflokkur: Íþróttir

11.8.2010 | 13:04

Íslandsmót kvenna 2010 - B flokkur

Íslandsmót kvenna 2010 - B flokkur mun fara fram dagana 20. - 22. ágúst nk. Teflt verður í Skáksambandi Íslands að Faxafeni 12, Reykjavík og 1. umferð hefst föstudaginn 20. ágúst kl. 18.00.

Fyrirkomulag: Tefldar verða 7 umferðir (gæti breyst eftir fjölda þátttakenda), 45 mín. + 30 sek. á leik.

Dagskrá:

umferð föstudagur kl. 18:00
umferð föstudagur kl. 20:30 - verður flýtt ef 1. umferð klárast snemma.
umferð laugardagur kl. 12:00
umferð laugardagur kl. 14:30
umferð laugardagur kl. 17:00
umferð sunnudagur kl. 12:00
umferð sunnudagur kl. 14:30

2. 4. 5. og 7. umferð verður flýtt ef skákir umferðarinnar á undan klárast fljótt.

Boðið verður upp á ávexti og kex á laugardaginn.

Sérstaklega er vakið athygli á að dagskrá og keppnisfyrirkomulag getur breyst eftir fjölda keppenda.

Öllum stúlkum/konum er heimil þátttaka. Sigurvegari mótsins vinnur sér rétt til setu í A-flokki að ári. Þátttaka tilkynnist fyrir 19. ágúst í síma 568 9141 eða með tölvupósti; skaksamband@skaksamband.is

Íþróttir | Slóð | Facebook | Athugasemdir (0)

11.8.2010 | 08:39

Fyrstu viðureignir Hraðskákkeppni taflfélaga fara fram í kvöld

Fyrstu viðureignir fyrstu umferðar (16 liða úrslita) Hraðskákkeppni taflfélaga fara fram í kvöld. Þá mætast Vin-SFÍ, Haukar-Selfoss og KR-Víkingaklúbburinn. Umferðinni á að vera lokið 15. ágúst nk.

Pörun 1. umferðar:

Taflfélag Bolungarvíkur - Skákfélag Akureyrar (dags. liggur ekki fyrir)
Taflfélag Reykjavíkur - Taflfélag Vestmannaeyja (dags. liggur ekki fyrir)
Skákfélag Íslands - Skákfélag Vinjar (Vin, kl. 19:30, miðvikudaginn 11. ágúst)
Taflfélag Akraness - Taflfélagið Hellir (Hellir, kl. 20, fimmtudaginn, 12. ágúst)
Taflfélag Garðabæjar - Skákfélag Reykjanesbæjar (TG, kl. 19:30, fimmtudaginn, 12. ágúst)
Skákdeild Hauka - Skákfélag Selfoss og nágrennis (Haukar, kl. 19:30, miðvikudaginn 11. ágúst)
Taflfélagið Mátar - Skákdeild Fjölnis (dags. liggur ekki fyrir)
Skákdeild KR - Víkingaklúbburinn (Gallerý Skák, kl. 19:00, miðvikudaginn, 11. ágúst)

Minnt er á að til að að teljast vera löglegir í sveitum keppninnar þurfa skákmenn að vera skráðir í viðeigandi félag í Keppendaskrá SÍ.

Íþróttir | Slóð | Facebook | Athugasemdir (0)

10.8.2010 | 22:31

Meistaramót Hellis

Meistaramót Hellis 2010 hefst mánudaginn 23. ágúst klukkan 19:30. Mótið er 7 umferða opið kappskákmót sem lýkur 8. september. Vegleg og fjölbreytt verðlaun eru í boði. Umhugsunartíminn verður 1½ klst. á skákina auk hálfrar mínútu á hvern leik.

Mótið er öllum opið og er reiknað til alþjóðlegra skákstiga. Skráning fer fram á heimasíðu Hellis. Hægt er að fylgjast með skráningu hér.

Teflt er á mánu- og miðvikudögum og svo er tekin ein þriðjudagsumferð í byrjun móts. Umferðir hefjast kl. 19:30. Hlé verður á mótinu þegar Norðurlandamótið stúlkna fer fram í Reykjavík og Norðurlandamót barnaskólasveita fer fram í Noregi.

Núverandi skákmeistari Hellis er Davíð Ólafsson. Björn Þorfinnsson er sigursælastur allra Hellismanna en hann er sjöfaldur meistari. Andri Áss Grétarsson, Davíð Ólafsson og Þröstur Þórhallsson koma næstir með tvo meistaratitla.

Aðalverðlaun:

25.000
15.000
10.000

Aukaverðlaun:

Skákmeistari Hellis: Deep Rybka 4 Aquarium (DVD)
Besti árangur undir 2200 skákstigum: Rybka Aquarium
Besti árangur undir 1800 skákstigum: ChessOK Aquarium 2010.
Besti árangur undir 1600 skákstigum: Rybka 4 UCI.
Besti árangur stigalausra: Kr. 5.000
Unglingaverðlaun (15 ára og yngri), þrír efstu: Kennsluforrit að eigin vali fyrir 25$
Kvennaverðlaun, þrjár efstu: Kennsluforrit að eigin vali fyrir 25$.

Hver keppandi getur aðeins fengið ein aukaverðlaun. Stigaverðlaun miðast við íslensk skákstig.

Þátttökugjöld:

Félagsmenn kr. 2.000; aðrir 3.000-
Unglingar 15 ára og yngri: Félagsmenn: 1.500; Aðrir 2.000.
Allir titilhafar fá frítt í mótið

Umferðartafla:

1. umferð, mánudaginn, 23. ágúst, kl. 19:30
2. umferð, þriðjudaginn, 24. ágúst, kl. 19:30
3. umferð, miðvikudaginn, 25. ágúst, kl. 19:30
4. umferð, mánudaginn, 30. ágúst, kl. 19:30
5. umferð, miðvikudaginn, 1. september, kl. 19:30
6. umferð, mánudaginn, 6. september, kl. 19:30
7. umferð, miðvikudaginn, 8. september, kl. 19:30

Íþróttir | Slóð | Facebook | Athugasemdir (0)

10.8.2010 | 22:02

Lenka og Smári Rafn töpuðu í sjöundu umferð

Lenka Ptácníková (2262) og Smári Rafn Teitsson (2089) töpuðu bæði í sjöundu umferð opins flokks skákhátíðinnar í Olomouc sem fram fór í dag. Lenka tapaði fyrir stigahæsta keppenda mótsins, tékkneska alþjóðlega meistaranum, Stepan Zilka (2493).

Lenka hefur 5 vinninga og er í 10.-29. sæti en Smári hefur 3½ vinning og er í 78.-112. sæti.

Alls taka 192 skákmenn þátt í opnum flokki skákhátíðirnar í Olomouc í Tékklandi. Þar á meðal er einn stórmeistari kvenna (Lenka) og 11 alþjóðlegir meistarar. Lenka er nr. 23 í stigaröð keppenda en Smári er nr. 63.

Íþróttir | Breytt s.d. kl. 22:05 | Slóð | Facebook | Athugasemdir (0)

10.8.2010 | 21:48

Daði tapaði í fjórðu umferð

Daði Ómarsson (2150) tapaði fyrir ungverska alþjóðlega meistaranum Sandor Farago (2243) í fjórðu umferð First Saturday-mótsins sem fram fór í dag. Daði hefur 1½ vinning og er í 7.-8. sæti.

Í 5. umferð sem fram fer á morgun teflir Daði við Víetnamann Tuan Minh Tran (2244).

Alls tefla 10 skákmenn í flokki Daða og tefla þeir allir við alla. Meðalstig eru 2261 skákstig og til að ná áfanga að alþjóðlegum meistaratitli þarf 7 vinninga. Daði er næststigalægstur keppenda.

Heimasíða mótsins

Íþróttir | Breytt s.d. kl. 21:51 | Slóð | Facebook | Athugasemdir (0)

10.8.2010 | 13:59

Örn Leó sigraði á atkvöldi

Örn Leó Jóhannsson sigraði á atkvöldi Hellis sem fram fór 9. ágúst. Örn Leó fékk 5,5 vinning í sex skákum og tryggði sigurinn með jafntefli við Pál Andrason í síðustu umferð. Í öðru sæti varð Hallgerður Helga Þorsteinsdóttir með 5 vinninga og þriðji varð Páll Andrason með 4½ vinning. Góða þátttaka var á atkvöldinu en 20 keppendur mættu til leiks í sumarblíðunni.

Lokastaðan á atkvöldinu:

1. Örn Leó Jóhannsson 5,5v/6
2. Hallgerður Helga Þorsteinsdóttir 5v
3. Páll Andrason 4,5v
4. Oddgeir Ottesen 4v
5. Sæbjörn Guðfinnsson 4v
6. Jón Úlfljótsson 3,5v
7. Birkir Karl Sigurðsson 3,5v
8. Sigurður Ingason 3,5v
9. Stefán Pétursson 3v
10. Vigfús Ó. Vigfússon 3v
11. Dagur Kjartansson 2,5v
12. Gunnar Gunnarsson 2,5v
13. Árni H. Kristjánsson 2,5v
14. Jón Birgir Einarsson 2,5v
15. Árni Thoroddsen 2,5v
16. Kristinn Andri Kristinsson 2,5v
17. Óskar Einarsson 2v
18. Arnar Valgeirsson 1,5v
19. Björgvin Kristbergsson 1v
20. Jón Gauti Magnússon 1v

Íþróttir | Slóð | Facebook | Athugasemdir (0)

10.8.2010 | 10:02

Jón Viktor býður upp á einkaskákkennslu

Alþjóðlegi meistarinn, Jón Viktor Gunnarsson, býður uppá einkatíma fyrir skákmenn sem hafa áhuga á að bæta sig sem skákmenn t.d. aðstoð við uppbygginu byrjanakerfis eða fínpússa þær byrjanir sem menn hafa áhuga á að tefla. Kennslan fer fram með þeim hætti að nemandinn fær sér símaforritið Skype, sé hann ekki með það fyrir. tímarnir eru hugsaðir fyrir skákmenn með um og yfir 1600 eló stig til allt að 2200 stig. En auðvitað eru skákmenn á öðru stigabili líka velkomnir að hafa samband

Á Skype er boðið uppá myndbandssamtal og því horfir nemandinn einfaldlega á skjá kennarans á meðan kennslustundinni stendur. Að loknum tímanum fær svo nemandinn efnið sent á pgn-formi og getur þá haldið öllum kennslustundunum til haga. Það er ekki nauðsynlegt að eiga gagnagrunnsforrit eins og Chessbase eða Chess-Assistant þar sem hægt er að niðurhala Chessbase Light sem er forrit til að lesa pgn-skrá.

Hver tími er cirka 75-90 mín. langur og kostar stakur tími 3.000 kr. Hafi nemendur áhuga á að festa marga tíma verður verður veittur sanngjarn afsláttur samkvæmt samkomulagi.

Dæmi: 10 tímar 26 þúsund eða 2600 krónur tíminn.

Íþróttir | Slóð | Facebook | Athugasemdir (0)

9.8.2010 | 23:38

Lenka með jafntefli og er í 3.-8. sæti

Lenka Ptácníková (2262) gerði jafntefli við tékkneska FIDE-meistarann Jan Juptner (2283) í sjöttu umferð opins flokks skákhátíðinnar í Olomouc sem fram fór í dag. Lenka hefur 5 vinninga og er í 3.-8. sæti. Smári Rafn Teitsson sigraði í sinni skák,vi hefur 3½ vinning og er í 49.-80. sæti

Í sjöundu umferð, sem fram fer á morgun, teflir Lenka ð stigahæsta mann mótsins, tékkneska alþjóðlega meistarann Stepan Zilka (2493).

Tvær skákir með Lenku eru aðgengilegar á vefnum og fylgja þær með.

Íþróttir | Breytt 10.8.2010 kl. 09:25 | Slóð | Facebook | Athugasemdir (0)

9.8.2010 | 23:25

Daði tapaði í þriðju umferð

Daði Ómarsson (2150) tapaði fyrir ísraelska alþjóðlega meistaranum Boris Maryasin (2339) í þriðju umferð First Saturday-mótsins sem fram fór í dag. Daði hefur 1½ vinning og er í 4.-7. sæti.

Í 4. umferð sem fram fer á morgun teflir Daði við ungverska alþjóðlega meistarann Sandor Farago (2243).

Heimasíða mótsins

Íþróttir | Breytt s.d. kl. 23:32 | Slóð | Facebook | Athugasemdir (0)

9.8.2010 | 11:51

Skákþáttur Morgunblaðsins: Henrik vann minningarmótið um Heini Olsen

Samskipti Íslendinga og Færeyinga á skáksviðinu hafa verið mikil allar götur frá fyrstu landskeppni þjóðanna sem haldin var árið 1975 en þar tefldi Friðrik Ólafsson á 1. borði fyrir Íslands hönd. Eftir það var keppnin gerð að föstum lið og hafa norðlenskir skákmenn haldið uppi merki Íslands á þeim vettvangi. Færeyingar hafa í gegnum tíðina eignast marga ágæta skákmenn og á síðasta Ólympíumóti í Dresden varð sveit þeirra fyrir ofan þá íslensku.

Miklir aufúsugestir jafnan á Reykjavíkurskákmótunum og einn þeirra, Heini Olsen, í miklum metum. En í vor bárust vinum hans þau hörmulegu tíðindi að Heini Olsen úr Klakksvík hefði látist af slysförum. Þeir minntust hans á dögunum með veglegu minningarmóti sem haldið var í Klakksvík. Héðan fór vel samsettur hópur: Róbert Harðarson tefldi í opna flokknum ásamt nokkrum félagsmönnum í Ósk, skákfélagi kvenna, en þar er Róbert þjálfari. Hann hlaut 7 vinninga af níu mögulegum, Saga Kjartansdóttir varð efst þeirra stallsystra hlaut 5 vinninga, Ásrún Bjarnadóttir, Þorbjörg Sigfúsdóttir og Guðný Erla Guðnadóttir hlutu 4 vinninga, Stefanía R. Ragnarsdóttir 3 vinninga, Eyrún Bjarnadóttir 2 vinninga og Þrúða Sif Einarsdóttir og Halla Norðfjörð Guðmundsdóttir hlutu ½ vinning hvor. Meðal gesta á mótinu var fyrrverandi heimsmeistari, Anatoly Karpov, sem hefur boðið sig fram gegn sitjandi forseta FIDE, Kirsan Ilyumzinhov, og var ferð hans til Færeyja hluti af kosningabaráttu hans. Karpov tók eina „bröndótta" við Sögu Kjartansdóttur, formann Óskar, og hafði betur.

Í efsta flokki sem var í 6. styrkleikaflokki varð Henrik Danielsen efstur ásamt enska stórmeistaranum Gawain Jones en þeir hlutu báðir 7 vinninga af níu mögulegum en árangur Henriks reiknast upp á 2596 elo-stig. Í 3. sæti varð Helgi Dam Ziska með 6 vinninga. Bitastæðasti sigur Henriks var í uppgjöri hans við helsta keppinautinn. Í skákinni sem hér fer á eftir virðist Henrik eiga undir högg að sækja og Englendingurinn teflir eins og sá sem valdið hefur. En ekki er allt sem sýnist; lengi vel bíður Henrik eftir heppilegu tækifæri til að skipta upp á biskupum og þegar það næst gildir einu þó hvítur eigi peði meira, upp er komin vonlaus staða þar sem riddarinn er mun sterkari en biskupinn. Svartur tínir síðan upp hvert peðið á fætur öðru.

Gawain Jones -Henrik Danielssen

Pirc vörn

1. e4 d6 2. d4 Rf6 3. Rc3 Bg7 4. f4 Rf6 5. Rf3 O-O 6. Bd3 Rca6 7. O-O c5 8. d5 Bg4 9. Bc4 Rc7 10. h3 Bxf3 11. Dxf3 a5 12. a4 b6 13.Dd3 e6 14. Hb1 exd5 15. exd5 He8 16. Bd2 De7 17. Hbe1 Dd7 18. f5 Hxe1 19. Bxe1 g5 20. b4 cxb4 21. Re4 b5 22. axb5 axb5 23. Bb3 Rxe4 24. Dxe4 Re8 25. De3 h6 26. Bxb4 Rf6 27. Bc3 He8 28. Dd3 Da7+ 29. Bd4 Da5 30. c3 b4 31. c4 Ha8 32. Dc2 Dd8 33. Db2 De7 34. Bc2 Hb8 35. Ba4 Kh7 36. Bc6 Bh8 37. Da1 b3 38. He1 Dd8 39. da7 Kg8 40. Hb1 Bg7 41. Da3 Re4 42. Bxg7 Kxg7 43. Hxb3 Hxb3 44. Dxb3 Df6

45. Df3 Dd4+ 46. Kh2 Dxc4 47. De3 Rf6 48. Dd2 De4 49. g4 De5+ 50. Kg2 Re4 51. De2 Kf6 52. Kf3 Rc3 53. Dd2 De4+ 54. Kf2 Dc4 55. Db2 Ke5 56. Be8 f6 57. Bf7 Da2 58. Dxa2 Rxa2 59. Kg3 Rc3 60. h4 Rxd5 61. hxg5 hxg5 62. Kf3 Kd4 63. Be8 Rb4 64. Bf7 Rd3 65. Be6 Re5+ 66. Kg3 d5 67. Bg8 Ke4 68. Be6 d4 69. Bb3 Ke3