Viðeyjarslagur fór fram í gær

Viðeyjarskákmót öldunga fór fram í gær (22. okt.) með pomp og prakt. Skákklúbbar eldri borgara, Riddarinn og Æsir, stóðu að mótinu í sameiningu með tilstyrk góðra styrktaraðila og liðstyrks Sr. Gunnþórs Ingasonar, skákklerks.

Setningarathöfn fór fram í Viðeyjarkirkju, næstelstu kirkju landsins, frá 1774, með því að Sr. Gunnþór flutti stutta prédikun, minnst var látinna skákmanna með stuttri þögn,  og þátttakendurnir 34 talsins sungu saman þjóðlagið "Ísland ögrum skorið". Síðan setti Einar S. Einarsson, mótsstjóri, fyrsta Viðeyjarskámótið, sem vitað er til að fram hafi farið, með stuttu ávarpi og minnist hinna fornu Sögualdartaflmanna frá 12 öld, sem mótið var tileinkað, og taldir eru  á meðal 5 mestu gersema The British Museum. Fleiri og fleiri fræðimenn, sagnfræðingar og safnverðir og aðrir, telja nú að Guðmundur G. Þórarinsson, sem var á meðal keppenda, hafi haft lög að mæla þegar hann setti fram sína velyfirveguðu, rökstuddu og merku kenningu fyrr á árinu að þeir séu upprunnir frá Íslandi, skornir út úr rostungstönnum í Skálholti í tíð Páls Jónssonar biskups.  Var taflsett með eftirgerðum munanna og fleira þeim tengt til sýnis í Viðeyjarstofu og sviðsmynd mótsins í þeirra líki. Þessu hefur verið slegið upp í heimspressunni og í nýútkominni bók, miklu grundvallarriti  um taflsett, "Chess Masterpieces" er hinni nýju íslensku söguskýringu hampað og því ljóst að hún er komin á sögunnar spjöld og  til að vera.  

Haft var á orði að aldrei síðan hirðmenn Danakonungs rændu á klaustrið í Viðey í siðaskiptunum um miðja 16.öld "með miklu brauki og bramli" hafi jafn mikið gengið á baðstofuloftinu í Viðeyjarstofu eins og þegar hinar 32 öldnu skákkempur eða kappar, sumir á níræðisaldri, létu þar gamminn geysa í gær og tókust hatrammlega  á og létu einskis ófreistað til að hnésetja hvern annan með klækjabrögðum í skáktafli, á hvítum reitum og svörtum.

Úrslit mótsins urðu frekar óvænt því enginn annar enn Sigurður A. Herlufsen, reyndar gamalkunnur skákgarpur, sat einn uppi sem sigurvegari með 7.5 vinning af 9 mögulegum, tapaði bara fyrir Birni Þorsteinssyni og gerði jafntefli við Daða Guðmundsson.  Gunnar Kr. Gunnarsson varð í öðru sæti með 7 vinninga, tapaði fyrir Sigurði og Daða og svo skaust Guðfinnur R. Kjartansson óvænt upp í 3. sætið með því að vinna Björn í síðustu umferðinni.  Guðfinnur er afar traustur skákmaður og nær sér oft vel á strik einkum í hvatskákum (10.mín.)  Í kjölfar þessara efstu manna fylgdu svo þeir: Jóhann Örn Sigurjónsson, Björn Þorsteinsson og Daði Guðmundsson.  

Sjá má helstu úrslit nánar á meðf. töflu yfir 20 efstu, aðrir hlutu minna.

Ýmsir valinkunnir skákmeistarar náðu sér ekki eins vel á strik og þeir höfðu vænst,  áttu slæman dag og sama má segja um ýmsa minni spámenn, sem hafa unnið alla þessa menn á góðum degi.

Næsta stórmót aldraðra og eins uppvaxandi skákmanna,  Æskan og Ellin, fer fram í Strandbergi, safnaðarheimili Hafnarfjarðarkirkju, laugardaginn 13. nóvember nk. kl. 13 -15 á vegum Riddarans og Sd. Hauka. Þar verða líka góð verðlaun og veitingar í boði. Allir liðtækir skákmenn, 60 ára og eldri, og 16 ára og yngri, velkomnir til tafls. Keppendur hafa að jafnaði verið á bilinu 60-80 talsins.

Einar S. Einarsson hefur sent fjölda mynda sem finna má í myndaalbúmi.

.

Henrik tapaði í lokaumferðinni og endaði í 2.-3. í Skanderborg

Stórmeistarinn Henrik Danielsen (2529) tapaði fyrir danska alþjóðlega meistarann Nicolai V. Pedersen (2436) í níundu og síðustu umferð alþjóðlega mótsins í Skanderborg í Danmörku.   Henrik hlaut 5½ vinning og endaði í 2.-3. sæti.  Frammistaða hans samsvaraði 2565 skákstigum og hækkar hann um 3 stig fyrir frammistöðuna.

Árangur Henriks var athyglisverður.   Hann gerði aðeins eitt jafntefli í 2. umferð með svörtu en að öðru leyti hann allar skákirnar, 5 talsins, með hvítu og tapaði með svörtu.

Pólski Eyjamaðurinn Kamil Miton (2629) sigraði á mótinu en hann hlaut 6½ vinning og var vinningi fyrir ofan næstu menn sem voru Henrik og ítalski alþjóðlegi meistarainn Sabion Brunello (2497). 

Alls tóku 10 skákmenn þátt í mótinu og tefldu allir við alla.   Fjórir stórmeistarar tóku þátt á mótinu og var Henrik þriðji stigahæstur.  Stigahæstur var pólski stórmeistarinn Kamil Miton (2629), sem er félagsmaður í Taflfélagi Vestmannaeyja.

• Heimasíða mótsins
• Skákirnar í beinni

Carlsen efstur í Nanjing - Bacrot vann Anand

Carlsen (2826) þurfti að hafa sig allan við til að halda jafntefli gegn Gashimov (2719) í fjórðu umferð Pearl Springs-mótsins sem fram fór Nanjing í Kína í dag.   Bacrot (2716) vann Anand (2800).   Carlsen er efstur með 3 vinninga, Bacrot er annar með 2,5 vinning og Anand er þriðji með 2 vinninga.

Staðan:

• 1. Carlsen (2826) 3 v.
• 2. Bacrot (2716) 2½ v.
• 3. Anand (2800) 2 v.
• 4.-6. Wang Yue (2738), Gashimov (2719) og Topalov (2803) 1½v.

Sex skákmenn taka þátt í mótinu og tefld er tvöföld umferð.   Meðalstig eru 2766 skákstig.

Fínt er fyrir árrisula að fylgjast með mótinu en taflmennska hefst kl. 6:30 á morgnanna.

• Heimasíða mótsins
• Beinar útsendingar

Henrik vann í næstsíðustu umferð í Skanderborg

Stórmeistarinn Henrik Danielsen (2529) vann sænska alþjóðlega meistarann Axel Smith (2445) í áttundu og næstsíðustu umferð alþjóðlega mótsins í Skanderborg í Danmörku í dag.  Henrik hefur 5,5 vinning og er annar, hálfum vinningi á eftir pólska stórmeistaranum Kamil Miton (2629).

Í níundu og síðustu umferð, sem fram fer í fyrramálið og hefst kl. 8, teflir Henrik við danska alþjóðlega meistarann Nicolai V. Pedersen (2436).

Alls taka 10 skákmenn þátt í mótinu og tefla allir við alla.   Fjórir stórmeistarar taka þátt á mótinu og er Henrik þriðji stigahæstur.  Stigahæstur er pólski stórmeistarinn Kamil Miton (2629), sem er félagsmaður í Taflfélagi Vestmannaeyja.

• Heimasíða mótsins
• Skákirnar í beinni

Hraðskákmót TR fer fram á sunnudag

Hraðskákmót Taflfélags Reykjavíkur verður haldið í húsnæði félagsins að Faxafeni 12 sunnudaginn 24.október kl. 14:00.   Tefldar verða 2x7 umferðir eftir Swiss Perfect kerfi. Umhugsunartími 5 mín á skák.  Þátttökugjald kr 500 fyrir 16 ára og eldri, en frítt fyrir 15 ára og yngri.

Þrenn verðlaun verða i boði.

Að loknu hraðskákmótinu fer fram verðlaunaafhending fyrir nýafstaðið Haustmót.

Núverandi Hraðskákmeistari T,R, er Torfi Leósson.

Stefán Már Pétursson sigurvegari á fimmtudagsmóti

Þátttaka var með betra móti á fimmtudagsmóti í TR í gær, enda varð spennandi keppni um fyrsta sætið sem var ekki útkljáð fyrr en efstu menn mættust í miklum tímahraksbarningi í síðustu umferð. Stefán Már Pétursson hafði þar betur í viðureign við Örn Leó Jóhannsson og bar því sigur úr býtum. Úrslit í gærkvöldi urðu annars sem hér segir:

• 1    Stefán Már Pétursson          6  
• 2    Örn Leó Jóhannsson            5.5    
• 3-5  Elsa María Kristínardóttir    5       
•      Kristján Örn Elíasson         5       
•      Páll Snædal Andrason          5       
• 6    Jón Úlfljótsson               4.5     
• 7-10  Guðmundur Kristinn Lee       4       
•       Birkir Karl Sigurðsson       4       
•       Atli Jóhann Leósson          4       
•       Jan Valdman                  4       
• 11-14 Gunnar Finnsson              3.5     
•       Gauti Páll Jónsson           3.5     
•       Eyþór Trausti Jóhannsson     3.5    
•       Kristján Þór Sverrison       3.5     
• 15-20 Vignir Vatnar Stefánsson     3       
•       Björgvin Kristbergsson       3       
•       Óskar Long Einarsson         3       
•       Csaba Daday                  3       
•       Eiríkur Örn Brynjarsson      3      
•       Pétur Jóhannesson            3       
• 21-22 Friðrik Helgason             2      
•       Eysteinn Högnason            2       
•  23   Magnús Freyr Sigurkarlsson   1       
•  24   Hildur Hlíf Sigurkarlsdóttir 0       

 

Áskell eftur í mótaröð SA

Þriðja umferð mótaraðar Skákfélags Akureyrar var tefld í gærkvöldi. Átta skákmenn mættu til leiks og tefldu tvöfalda umferð, allir við alla.

Áskell Örn endaði efstur með 10½ vinning; Mikael Jóhann Karlsson náði sér í 10 vinninga og Haki Jóhannesson fylgdi fast á eftir með 9 vinninga.

Staðan í mótaröðinni er þá þannig að Áskell er sem fyrr efstur með 32½ vinning, Mikael er annar með 29½ og Sigurður Eiríksson er þriðji með 25½.

Úrslit:
Áskell Örn                              10½
Mikael Jóhann                        10
Haki Jóhannesson                  9
Sigurður Eiríksson                  8
Tómas Veigar                         8
Smári Ólafsson                       7
Atli Benediktsson                  2½
Bragi Pálmason                      1

Heimasíða SA

Viðeyjarmót öldunga fer fram í dag

RIDDARINN & ÆSIR,  skákklúbbar eldri borgara á höfuðborgarsvæðinu, efna til sameiginlegs haustmóts öldunga, 62 ára og eldri, í VIÐEYJARSTOFU, föstudaginn 22. október 2010, kl. 13-17. 

Telfdar verða 9 umferðir með 10 mínútna umhugsunartíma.. 

Góð verðlaun og fríar veitingar

Anddakt í Viðeyjarkirkju: Sr. Gunnþór Ingason.

Mótsetning: Einar S. Einarsson                                                                                                          

VERÐLAUNASJÓÐUR KR. 100.000

• 1. verðlaun kr. 25.000
• 2. verðlaun kr. 15.000
• 3. verðlaun kr. 10.000
• 4.-12.verðl. kr.   5.000
• Aukaverðlaun -  5.000

 

VERÐLAUNAGRIPIR

 Gefandi: Jói Útherji

 

Þátttaka tilkynnist til klúbbanna, (Einars S. eða Finns F), 

eða á netfang: [e-mail]

Siglt með Eldingu frá Sundahöfn/Skarfabakka kl. 12 og 12.30,

Ferjutollur með afslætti kr. 900

 

 STYRKTARAÐILAR:

•  BORGUN
•  VALITOR
•  MP-BANKI
•  POINT
•  TOPPFISKUR
•  TM

Pistill um Haustmótið

Þórir Benediktsson hefur skrifað um pistil um Haustmót TR.   Hann má nálgast á heimasíðu félagsins. 

Sigurjón og Nökkvi efstir á Haust-atskákmóti TV

Í kvöld fór fram Haust-Atskákmeistaramót TV og mættu 11 keppendur.  Tefldar voru 5 umferðir með 15 mínútna umhugsunartíma.  Sigurjón og Nökkvi urðu efstir og jafnir, en þeir gerðu innbyrðis jafntefli sín á milli, en Sigurjón var hærri á stigum.

  Helstu úrslit:
  1. Sigurjón Þorkelsson 4,5 vinn. (16,5)
  2. Nökkvi Sverrisson    4,5 vinn. (15)
  3. Karl Gauti Hjaltason  3 vinn. (14,5)
  4. Sverrir Unnarsson      3 vinn. (14,5)
  5. Stefán Gíslason           3 vinn. (12)
  6. Daði Steinn Jónsson      3 vinn. (10,5)
  7. Jörgen Freyr Ólafsson    2 vinn. (11,5)
  8. Róbert Aron Eysteinsson  2 vinn. (11)
  9. Sigurður Arnar Magnússon  2 vinn. (10)
10. Hafdís Magnúsdóttir            1 vinn. (11,5)
11. Eyþór Daði Kjartansson       1 vinn. (10)