NM í skólaskák: Guðmundur og Sverrir með fullt hús

Guðmundur Kjartansson (2307) sigraði færeyska alþjóðlega meistarann Helga Dam Ziska (2406) í 2. umferð a-flokks Norðurlandamótsins í skólaskák, sem fram fór í kvöld í Tjele í Danmörku og er efstur með fullt hús.  Sverrir Þorgeirsson hefur fullt hús í b-flokki.  Auk þeirra unnu Friðrik Þjálfi Stefánsson, Kristófer Gautason og Dagur Ragnarsson í sínum skákum.    Gefum Davíð Ólafssyni fararstjóra orðið:

Úrslitin hjá íslensku keppendunum í 2. umferð:
 
IM Helgi Dam Ziska, Færeyjar (2406) - Guðmundur Kjartansson (2307) 0-1
Mikko Niemi, Finland (2178) - Atlir Freyr Kristjánsson (2019) 1-0
Esben Nicolajsen, Danmörk (1828) - Sverrir Þorgeirsson (2120) 0-1
Lasse Ö. Lövik, Noregur (2052) - Daði Ómarsson (1999) 1-0
Patrekur Maron Magnússon (1785) - Katrine Tjölsen, Noregur (2084) 0-1
Lasse Nielsen, Danmörk (1570) - Svanberg Már Pálsson (1820) 1-0
Dagur Andri Friðgeirsson (1798) - Peter Flermoen, Noregur (1996) 0-1
Friðrik Þjálfi Stefánsson (1455) - Heðin Gregersen, Færeyjar (1192) 1-0
Kristófer Gautason (1245) - Zhou Qiyu, Finland (1642) 1-0
Dagur Ragnarsson (0) - Farzam Firooznia, Danmörk (1000) 1-0
 
Í A-flokki vann Guðmundur frábæran sigur á alþjóðlega meistaranum Helga Dam Ziska sem aldrei sá til sólar í skákinni (skákin var í beinni á netinu).  Guðmundur fékk nákvæmlega þá stöðu upp úr byrjuninni sem við vildum fá og sýndi að hann kann virkilega vel að tefla úr stöðunni.  Atli Freyr er að tefla mjög vel og var kominn með fínustu stöðu úr byrjuninni, en þá hringdi síminn!  Atli bættist þar með í hóp valinkunnra manna sem tapað hafa í Vodafone gambítnum.  Í B-flokki tapaði Daði eftir að hafa misstigið sig í byrjuninni.  Sverrir vann aftur á móti mjög sannfærandi sigur í sinni skák.  Í C-flokki tapaði Patrekur í mikilli baráttuskák og Svanberg varð á í messunni í endataflinu og tapaði jafnteflislegri stöðu.  Í D-flokki var alls ekki dagur Dags Andra sem átti slæman dag og tapaði illa.  Friðrik Þjálfi sigraði hins vegar í sinni skák eftir mikla baráttu og eiga báðir aðilar (Friðrik og Heðin) hrós skilið fyrir að nota tíman sinn vel.  Það er sjaldgæft að sjá keppendur í þessum flokki í tímahraki.  Friðrik hefur lofað að vinna fyrr á morgun og draga skákina ekki svona á langinn því þetta fer algjörlega með taugar móður hans sem fylgist vandlega með! Drengirnir í E-flokki áttu góðan dag.  Kristófer, eyjapeyi, sýndi hversu vel upp alinn hann er og bauð sætri stúlku jafntefli í unninni stöðu, en sú stutta hafnaði samstundis.  Sú stutta sá að sér í næsta leik og bauð þá Kristófer jafntefli, sem hann hafnaði - "you had your chance honey" og vann örugglega.  Dagur Ragnars átti besta "comebackið" frá fyrri umferðinni.  Harðákveðinn í því að tapa ekki aftur, nýtti hann tímann sinn miklu betur og vann örugglega.  Ef hann heldur svona áfram, þá mun hann eiga gott mót.
 
Allir keppendur biðja að heilsa heim og hefja leik í fyrramálið aftur.  Það ætti að vera a.m.k. ein skák með Íslendingi í beinni í fyrramálið. 

• Heimasíða mótsins
  

Helgi tók Smirnov í Moskvu

Stórmeistarinn Helgi Ólafsson (2531) sigraði rússneska stórmeistarann Pavel Smirnov (2599) í fyrstu umferð A-flokks Aeroflot-mótsins, sem fram fór í dag í Moskvu.   Á morgun teflir Helgi við annan rússneska stórmeistara Ian Nepomniachtchi (2600).

Aeroflot er almennt talið sterkasta opna mót hvers árs.

Heimasíða mótsins   

Stefán og Dagur gerðu jafntefli

Stefán Kristjánsson (2476) og Dagur Arngrímsson (2359) gerðu báðir jafntefli í 13. og síðustu umferð First Saturdays-mótsins, sem fram fór í Búdapest í Ungverjalandi.   Stefán hlaut 6,5 vinning og hafnaði í 5.-6. sæti og Dagur 5 vinninga og hafnaði í 10. sæti en alls tefldu þeir 12 skákir.

Stefán gerði jafntefli við ungverska FIDE-meistarann Oliver Mihok (2351) og Dagur við pólska alþjóðlega meistarann Iweta Rajlich (2437).   Dagur hækkar um 5 stig en Stefán lækkar um 2 stig.     

Sigurvegari mótsins var ungverski FIDE-meistarinn Peter Prohaszka (2495) með 9 vinninga.   

Báðir tefldu í þeir í stórmeistaraflokki.   Alls tóku 13 skákmenn þátt í flokknum og voru meðalstig 2435 skákstig.  Til að ná stórmeistaraáfanga þarf 9 vinninga. 

Stefán hefur náð öllum tilskyldum stórmeistaraáföngum en vantar nú 18 stig til að vera útnefndur stórmeistari.  Dagur hefur náð tilskyldum áföngum til að verða alþjóðlegur skakmeistari en vantar 8-9 skákstig til að vera útnefndur.  

Heimasíða mótsins  

Afmælismót hjá Vin á mánudaginn

Vin varð 15 ára fyrr í mánuðinum og nú á mánudaginn, þann 18. febrúar halda Skákfélag Vinjar og Hrókurinn veglegt afmælismót. Það hefst klukkan 13:00.  Penninn gefur glæsilega bókavinninga. 

Tefldar verða hraðskákir eftir monradkerfi þar sem umhugsunartíminn er 7 mínútur.

Skákstjóri er Róbert Harðarson en hann er einn þeirra Hróksmanna - og kvenna - sem komið hafa í Vin á mánudögum undanfarin fjögur ár og haldið uppi skákstarfi þar. 

Vin er að Hverfisgötu 47 í Reykjavík, síminn er 561-2612 og eftir mót er kaffiveisla að venju.

Allir hjartanlega velkomnir.

Jafntefli hjá Hjörvari í fyrstu umferð

Hjörvar Steinn Grétarsson (2247) gerði jafntefli við Rússann Eduard Kanter (2336) í fyrstu umferð b-flokks Aeroflot Open sem hófst í morgun í Moskvu í Rússland.  Helgi Ólafsson tekur einnig þátt og teflir í A1-flokki en skákir þar hefjast síðar en í b-flokki og ekki liggja enn fyrir úrslit í skák Helga.

Aeroflot Open 

Grand Prix mót TR og Fjölnis í Skákhöllinni í Faxafeni í kvöld

Annað mótið í nýrri Grand Prix mótaröð verður haldið í kvöld  í Skákhöllinni í Faxafeni. Keppnisfyrirkomulagið eru 7 umferðir eftir Monradkerfi og er umhugsunartíminn 7 mínútur á mann. Skákáhugamenn og konur eru hvattar  til að mæta og vera með. Alls verða 15 mót í mótaröðinni og gilda 10 bestu mót til vertðlaunaútreiknings. Góð ferðaverðlaun verða í boði og ennfremur hvatningaverðlaun fyrir mætingu, eftir fimm skipti fá menn frítt í bíó.

Taflið hefst kl. 19:30 og er þátttökugjald fyrir 16 ára og eldri kr. 500

Henrik, Gísli og Bjarni efstir

Gísli Hólmar Jóhannesson (2054), stórmeistarinn Henrik Danielsen (2506) og Bjarni Jens Kristinsson (1822) eru efstir með fullt hús að loknum tveimur umferð á Meistaramóti Hellis.  Skák Jóns Árna Halldórssonar og Helga Brynjarssonar er frestað fram á annað kvöld og því liggur pörun 3. umferðar ekki enn fyrir.

Úrslit 2. umferðar:

 

Danielsen Henrik	2506	1 - 0	Leifsson Thorsteinn	1825
Brynjarsson Helgi	1914		Halldorsson Jon Arni	2174
Johannesson Gisli Holmar	2054	1 - 0	Traustason Ingi Tandri	1788
Kristinsson Bjarni Jens	1822	1 - 0	Vigfusson Vigfus	2052
Kjartansson Dagur	1325	1 - 0	Lee Gudmundur Kristinn	1365
Andrason Pall	1365	1 - 0	Sigurdsson Birkir Karl	1295
Steingrimsson Brynjar	0	0 - 1	Gudbrandsson Geir	1330
Oskarsson Arnar Freyr	0	1	bye

Staðan:

 

Rk.	Name	Rtg	Club/City	Pts.	rtg+/-
1	Danielsen Henrik	2506	Haukar	2,0	1,1
	Johannesson Gisli Holmar	2054	Hellir	2,0	0,0
	Kristinsson Bjarni Jens	1822	Hellir	2,0	19,8
4	Halldorsson Jon Arni	2174	Fjölnir	1,0	0,0
	Vigfusson Vigfus	2052	Hellir	1,0	0,0
	Brynjarsson Helgi	1914	Hellir	1,0	0,0
	Leifsson Thorsteinn	1825	TR	1,0	-2,8
	Traustason Ingi Tandri	1788	Haukar	1,0	-4,5
	Andrason Pall	1365	Hellir	1,0
	Gudbrandsson Geir	1330	Haukar	1,0
	Kjartansson Dagur	1325	Hellir	1,0
	Oskarsson Arnar Freyr	0		1,0
13	Lee Gudmundur Kristinn	1365	Hellir	0,0
	Sigurdsson Birkir Karl	1295	Hellir	0,0
	Steingrimsson Brynjar	0		0,0

Bloggsíða Hellis

 

Rólegur dagur hjá Degi í Búdapest

Alþjóðlegi meistarinn, Stefán Kristjánsson (2476), tapaði fyrir ungverska alþjóðlega meistaranum Peter Prohszka (2495) í 12. og næstsíðustu umferð First Saturdays-mótsins, sem fram fór í dag í Búdapest í Ungverjalandi.  Dagur Arngrimsson (2359) sat yfir.   Stefán hefur 6 vinninga í 11 skakum og Dagur hefur 4,5 vinning einnig í 11 skákum.  

Efstur eftir 10 umferðir var kanadíski alþjóðlegi meistarinn Thomas Roussel-Roozmon (2442) með 6,5 vinning.  

Báðir tefla í þeir í stórmeistaraflokki.   Alls taka 13 skákmenn þátt í flokknum og eru meðalstig 2435 skákstig.  Til að ná stórmeistaraáfanga þarf 9 vinninga. 

Stefán hefur náð öllum tilskyldum stórmeistaraáföngum en vantar 16 stig til að vera útnefndur stórmeistari.  Dagur hefur náð tilskyldum áföngum til að verða alþjóðlegur skakmeistari en vantar 13 skákstig til að vera útnefndur.  

Heimasíða mótsins  

Lárus í TR

Samkvæmt heimasíðu Taflfélags Reykjavíkur er Lárus Knútsson (2113) genginn til liðs við félagið en Lárus hefur síðustu mánuði verið í Skákdeild Hauka.

 

Skákþing Akureyrar: Röðun 4. umferðar

Frestuð skák úr þriðju umferð var tefld í gærkveldi þar sem Sigurður Arnarson vann Hjörleif Halldórsson. Sigurður er komin með 2 vinninga og er í 4.-8. sæti en Hjörleifur er með 1 vinning. 

Fjórða umferð verður tefld fimmtudagskvöldið 14. febrúar og hefst kl. 19.30.

Þá mætast:

• Haukur Jónsson           -  Sigurður Eiríksson
• Gylfi Þórhallsson          -  Sveinn Arnarsson
• Hreinn Hrafnsson         -  Mikael Jóhann Karlsson
• Gestur Baldursson        -  Sigurður Arnarson
• Sveinbjörn Sigurðsson  -  Hermann Aðalsteinsson
• Hjörleifur Halldórsson  -  Hugi Hlynsson
• Ulker Gasanova           -  Jakob Sævar Sigurðsson
• Sigurbjörn Ásmundsson - Hjörtur Snær Jónsson
• Andri Freyr Björgvinsson á frí.

Heimasíða SA