Atkvöld hjá Helli í kvöld

Taflfélagið Hellir heldur atkvöld mánudaginn 17. mars og hefst taflið  kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með tuttugu mínútna umhugsun. Ljúffeng verðlaun. 

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. 

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Henrik Íslandsmeistari í Slembiskák

Stórmeistarinn Henrik Danielsen varð í kvöld Íslandsmeistari í Slembiskák (Fischer Random eða Chess960) sem fram fór á ICC.   Henrik sigraði í öllum níu skákunum sínum.  Í 2.-3. sæti urðu Halldór Brynjar Halldórsson og Gunnar Björnsson með 6 vinninga svo yfirburðir Henriks voru afar miklir.   

Stöðurnar sem koma upp eru sérstakar og nokkuð erfitt að átta sig stundum á stöðunni.  Ritstjórinn t.d. lenti í því að verða mát eftir aðeins sjö leiki gegn Páli Andrasyni sem varð í 4.-5. sæti með 5,5 vinning ásamt Omari Salama.

Það var Taflfélagið sem stóð fyrir mótinu.   Mótsstjóri var Omar Salama. 

Mótstaflan:

 

    Name                  R1    R2    R3    R4    R5    R6    R7    R8    R9    Score  #g
  1 H-Danielsen    (2200) Ww18  +b12  +w2   +b4   +w8   +b7   +w3   +b5   +w9     9.0   8
  2 HaddiBje       (1400) +w8   +w6   -b1   -w3   +b13  -b4   +b11  +w10  +b7     6.0   9
  3 vandradur      (1728) +w17  +b11  -w4   +b2   -w5   +b9   -b1   +w7   +b10    6.0   9
  4 pallipure      (1400) Ww19  +b9   +b3   -w1   -b7   +w2   =w8   +b6   -w5     5.5   8
  5 omariscoff     (1412)             latej Ww16  +b3   -w6   +b13  -w1   +b4     5.5   5
  6 puti           (1593) +w15  -b2   -w8   +b14  +w10  +b5   -w7   -w4   +b11    5.0   9
  7 Njall          (1992)       latej +w12  +b10  +w4   -w1   +b6   -b3   -w2     5.0   7
  8 velryba        (2200) -b2   +w15  +b6   +w13  -b1   +w11  =b4   ----- -----   4.5   7
  9 HaXeN          (1400) latej -w4   -b10  +b15  +w14  -w3   +b17  +w13  -b1     4.5   8
 10 skyttan        ( 978) -b11  +b17  +w9   -w7   -b6   +w15  +w14  -b2   -w3     4.0   9
 11 Le-Bon         (1469) +w10  -w3   -b13  +b12  +w15  -b8   -w2   +b17  -w6     4.0   9
 12 skotta         (1546) Wb20  -w1   -b7   -w11  +b17  -w13  -b15  +w14  bye     4.0   8
 13 Oddur          (1600)       latej +w11  -b8   -w2   +b12  -w5   -b9   +w17    4.0   7
 14 Iceduke        (1241)             latej -w6   -b9   +w17  -b10  -b12  +b15    3.5   6
 15 stanislawski   (1400) -b6   -b8   +w17  -w9   -b11  -b10  +w12  bye   -w14    3.0   9
 16 agnarlarusson  (1379) ----- ----- latej Lb5   ----- ----- ----- ----- -----   1.5   0
 17 HarryKlein     (1400) -b3   -w10  -b15  bye   -w12  -b14  -w9   -w11  -b13    1.0   9

Anand, Ivanchuk og Aronian efstir í Mónakó

Anand, Ivanchuk og Aronian eru efstir með 3 vinninga að lokinni 2. umferð Amber-mótsins.   Magnus Carlsen er í 4.-5. sæti með 3,5 vinning ásamt Topalov eftir 2-0 sigur á van Wely.  

Blindskákin:

Ivanchuk-Gelfand 1/2-1/2
Van Wely-Carlsen 0-1
Karjakin-Aronian 1/2-1/2
Kramnik-Leko 1/2-1/2
Morozevich -Topalov 1-0
Anand-Mamedyarov 1/2-1/2

Atskákin:

Gelfand-Ivanchuk 0-1
Carlsen-Van Wely 1-0
Aronian-Karjakin 1-0
Leko - Kramnik 0-1
Mamedyarov 0-1 Anand
Topalov 1-0 Morozevich

Staðan:

1.	Anand, Viswanathan	g	IND	2799	3	2972
2.	Ivanchuk, Vassily	g	UKR	2751	3	2928
3.	Aronian, Levon	g	ARM	2739	3	2899
4.	Topalov, Veselin	g	BUL	2780	2½	2854
5.	Carlsen, Magnus	g	NOR	2733	2½	2811
6.	Morozevich, Alexander	g	RUS	2765	2	2770
7.	Karjakin, Sergey	g	UKR	2732	2	2738
8.	Kramnik, Vladimir	g	RUS	2799	2	2776
9.	Mamedyarov, Shakhriyar	g	AZE	2760	1½	2695
10.	Gelfand, Boris	g	ISR	2737	1	2548
11.	Lékó, Peter	g	HUN	2753	1	2596
12.	Van Wely, Loek	g	NED	2681	½	2414

 

• Heimasíða mótsins

Fjöltefli á ísbjarnaslóðum

Opið hús var í grunnskólanum í Ittoqqortoormiit í dag, sunnudag, og mættu hátt í sjötíu manns. Gríðarlegur áhugi skein úr augum barnanna, og reyndar þeirra fullorðnu líka, og var þegar hafist handa við taflmennskuna. Þegar allir voru orðnir heitir tefldi skákmeistari ferðarinnar, Róbert Harðarson, fjöltefli við rúmlega 50 manns, mest börn og unglinga en þó nokkra fullorðna einnig. Upphafsskákin var við skólastjóra grunnskólans og hjálparhellu Hróksmanna, Peter von Staffeldt, sem finnst mikið koma til starfs Hróksins á Grænlandi.

Peter gaf reyndar þegar hann var kominn í töluverð vandræði en flestir börðust fram í rauðan dauðann, nema þeir sem náðu jöfnu við meistarann með glæsilegri frammistöðu. Sú fyrsta var hún Gudrun litla, vinkona okkar frá í fyrra, 7 ára gömul. Alls náðu 8 jöfnu við Róbert, að vísu þrjú lítil börn en aðrir vegna flottrar frammistöðu. Þeirra á meðal var Paulus Napatoq, hinn sextán ára blindi snillingur sem mun tefla blindskák á morgun við Róbert.

Paulus fór með ferðalanga í 15 km og þriggja tíma hundasleðaferð í gær út á Kap Tobin, þar sem veiðimenn hafa bækistöð, í ótrúlega góðu veðri þar sem kuldinn reyndar beit nokkuð. Ísbirnir hafa nokkuð verið að gera fólki lífið leitt á þessari leið undanförnu en Paulus var með riffil með. Þegar íslenskir skákmenn sögðust lítið kunna að fara með svoleiðis sagði hann það í lagi því hann kynni á riffilinn sjálfur! Sérstakur aðstoðarmaður í ferðinni var litli bróðir hans, Jósef sem er 12 ára.

Skákhátíðin hófst auðvitað með kennslu í skólanum tvo síðustu dagana fyrir páskafrí, en byrjaði með látum í dag og tvö mót verða haldin á morgun og eitt á þriðjudag. Kennsla var einnig í félagsheimili unglinganna á föstudeginum, Umimmak eða Moskuxanum, en skólastjórahjónin buðu einmitt upp á moskuxasteik strax fyrsta kvöld Hróksmanna í bænum. Hafa þau boðið upp á grænlenskan hátíðarverð á morgun þar sem selur og loðna koma við sögu, ásamt ísbjarnarkjöti, svo tilhlökkunin er mikil.

Allur aðbúnaður er til mikillar fyrirmyndar, ferðalangar hafa yfir heilu húsi að ráða sem er reyndar yst í bænum, þar sem einn ísbjörn gekk um fyrir stuttu og bauð sér í heimsókn í bæinn. Hinir íslensku ferdalangar treysta á að hundarnir, sem eru nánast um allan bæ, láti vita sé önnur heimsókn fyrirhuguð.

Formaður skákfélagsins Tårnet i Ittoqqortoormiit, Knud Eliassen, hefur verið öflugur við allt utanumhald og mun stjórna skákmótum á morgun og hinn. Þýðir hann yfir á grænlensku fyrir litlu börnin og er ómissandi við skákstarfið hér.

Skákin hefur gjörsamlega tekið yfir í bænum og allir eru með sælusvip.

Góður granni 

Íslandsmótið í Slembiskák (Fischer Random) fer fram í kvöld á ICC

Taflfélagið Hellir stendur fyrir Íslandsmóti í slembiskák (Fischer Random) á ICC á sunnudagskvöld og hefst það kl. 19:30.   Tefldar verða 9 umferðir með umhugsunartímanum 4 + 2 (4 mínútur + 2 sekúndur á leik).   

Skráning fer fram á heimasíðu Hellis.   Einnig er nægjanlegt að mæta á ICC fyrir 19:25 og slá inn "tell automato join".  Upphafastaðan kemur svo sjálfkrafa upp.

Amber-mótið: Anand vann Kramnik 1,5-0,5

Anand sigraði Kramnik 1,5-0,5 í fyrstu umferð Amber-mótsins sem fram fór í gær í Mónakó.   Á Amber-mótinu taka 12 af sterkustu skákmönnum heims þátt og tefld er bæði blindskák og atskák.  Meðal annara úrslita má nefna að Ivanchuk vann Carlsen 1,5-0,5.

Úrslit 1. umferðar:

14.30	Blind	Anand-Kramnik	1/2-1/2
		Mamedyarov-Morozevich	1/2-1/2
		Topalov-Leko	1-0
16.00	Blind	Gelfand-Karjakin	0-1
		Aronian-Van Wely	1/2-1/2
		Carlsen-Ivanchuk	0-1
17.45	Rapid	Kramnik-Anand	0-1
		Morozevich-Mamedyarov	1/2-1/2
		Leko-Topalov	1/2-1/2
19.15	Rapid	Karjakin-Gelfand	1/2-1/2
		Van Wely-Aronian	0-1
		Ivanchuk-Carlsen	1/2-1/2

Heildarstaðan:

1.	Anand, Viswanathan	1.5
	Aronian, Levon
	Ivanchuk, Vassily
	Karjakin, Sergey
	Topalov,Veselin
6.	Mamedyarov, Shakhriyar	1.0
	Morozevich, Alexander
8.	Carlsen, Magnus	0.5
	Gelfand, Boris
	Kramnik, Vladimir
	Leko, Peter
	van Wely, Loek

 

• Heimasíða mótsins

 

Páskamót SA hefst á morgun

Skákfélag Akureyrar heldur "Páskamót" sem mun standa næstu daga, en það hefst á morgunn sunnudag kl. 14.00 í Íþróttahöllinni. Tefldar verða fimm umferðir eftir Monrad-kerfi. Tímamörk á keppenda er 60 mínútur og + 30 sekúndur við hvern leik.

Dagskrá:

• Sunnudagur   16. mars kl. 14.00   1. umferð.
• Mánudagur    17. mars kl. 20.00   2. umferð.
• Fimmtudagur 20. mars kl. 14.00   3.umferð.
• Fimmtudagur 20. mars kl. 20.00  4.umferð.
• Föstudagur    21. mars kl. 14.00   5. umferð.

Þátttökugjald: kr. 500,-

Íslandsmótið í slembiskák (Fischer Random) fer fram á ICC á sunnudag

Taflfélagið Hellir stendur fyrir Íslandsmóti í slembiskák (Fischer Random) á ICC á sunnudagskvöld og hefst það kl. 19:30.   Tefldar verða 9 umferðir með umhugsunartímanum 4 + 2 (4 mínútur + 2 sekúndur á leik).   

Skráning fer fram á heimasíðu Hellis.   Einnig er nægjanlegt að mæta á ICC fyrir 19:25 og slá inn "tell automato join".  Upphafastaðan kemur svo sjálfkrafa upp.

Rúnar hraðskákmeistari Akureyrar

Rúnar Sigurpálsson varð Akureyrarmeistari í hraðskák þegar hann sigraði á Akureyrarmótinu sem fram fór 9. mars sl. en hann hlaut 12 vinninga af 14 mögulegum en margir merkir menn hafa sigrað á þessu móti í gegnum tíðina.  Áskell Örn Kárason varð annar með 11,5 v.  Mikael Jóhann Karlsson varð unglingameistari í hraðskák. 

Lokastaðan: 

• 1. Rúnar Sigurpálsson 12 v. af 14 
• 2. Áskell Örn Kárason 11,5 v. 
• 3. Gylfi Þórhallsson 9,5
• 4. Smári Ólafsson 7
• 5. Sigurður Eiríksson 6,5.

 

Mikael Jóhann Karlsson varð unglingameistari vann allar sínar níu skákir.

2. Logi Rúnar Jónsson 7,5 v.

3. Hjörtur Snær Jónsson 7 v.

Wang Hao sigraði á Reykjavík Blitz

Kínverski stórmeistarinn Wang Hao (2658) sigraði íranska stórmeistarann Elshan Morabiabadi í úrslitum Reykjavík Blitz sem fram fór í kvöld, 1,5-0,5.  

Undanúrslit:

 

GM	Moradiabadi Elshan	1,5-0,5	GM	Caruana Fabiano
GM	Wang Hao	2-0	GM	Mikhalevski Victor

Úrslit:

Kínverski stórmeistarinn Wang Hao (2658) sigraði íranska stórmeistarann Elshan Morabiabadi í úrslitum Reykjavík Blitz sem fram fór í kvöld, 1,5-0,5.  

GM

Moradiabadi Elshan

0,5-1,5

GM

Wang Hao