Fimmtudagsmót hjá TR í kvöld

Fimmtudagsmót T.R. fer að venju fram í kvöld og hefst kl. 19.30.  Tefldar verða 7 umferðir með 7 mínútna umhugsunartíma.

Mótin fara fram í félagsheimili T.R., skákhöllinni að Faxafeni 12, og opnar húsið kl. 19.10.  Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

• Fimmtudagsmótin

Jólamót í Mosfellsbæ fer fram í dag

Skákfélag Vinjar heldur Jólaskákmót í Mosfellsbæ í samstarfi við Kjósarsýsludeild Rauða kross Íslands á fimmtudaginn, 2. des. klukkan 13:30.

Mótið fer fram í höfuðstöðvum þeirra í Þverholti 7.

Tefldar verða 6 umferðir með 7 mínútna umhugsunartíma og mun Hrannar Jónsson, fyrirliði Vinjarliðsins, stýra harðri hendi.

Það verður þvílík jólastemning og boðið upp á kakó og piparkökur, svona meðal annars. Glæsilegir bókavinningar fyrir efstu þátttakendur og happadrætti.

Allir velkomnir og algjörlega frítt.

Íslandsmótið í Víkingaskák fer fram í kvöld

Minningarmótið um Magnús Ólafsson - Íslandsmótið í Víkingaskák 2010 fer fram í húsnæði Vinjar, Hverfisgötu 47 í Reykjavík fimmtudaginn 2 desember kl. 19.00. Tefldar verða 7 umferðir með 15 mínútna umhugsunartíma. Mótið eru öllum opið og það kostar ekkert að vera með. Boðið verður upp á kaffi ásamt léttum veitingum án endurgjalds. Nauðsynlegt er að skrá sig til leiks til að tryggja þátttöku. Þátttakendur eru hvattir til að skrá sig í tölvupósti á netfangið Víkingaklubburinn(hjá)gmail.com eða í síma 8629744 (Gunnar) eða 8629712 (Halldór). Nauðsynlegt er að skrá sig til að tryggja þátttökurétt.

Verðlaun eru sem hér segir:

• 1) Vegleg veðlaun fyrir þrjú efstu sætin
• 2) Þrír efstu unglingarnir (20, ára og yngri).
• 3) Þrjár efstu konurnar.
• 4) Öðlingaverðlaun 40. ára og eldri.
• 5) Öðlingaverðlaun 50. ára og eldri.

Gylfi sigraði á atskákmóti öðlinga

Gylfi Þórhallsson (2200) sigraði á atskákmót öðlinga sem lauk í kvöld.   Gylfi hlaut 7½ vinning og var vinningi fyrir ofan Stefán Þór Sigurjónsson (2118) sem varð annar.   Í 3.-6. sæti, með 6 vinninga, urðu Þorsteinn Þorsteinsson (2210), sem hreppti bronsið efstir stigaútreikning, Sævar Bjarnason (2151), Júlíus Friðjónsson (2179) og Birgir Rafn Þráinsson (1780).

Skákstjórn var öruggum höndum Ólafs S. Ásgrímssonar. 

Lokastaðan:

Rk.		Name	Rtg	Club/City	Pts.
1		Thorhallsson Gylfi	2200	SA	7,5
2		Sigurjonsson Stefan Th	2118	Vík	6,5
3	FM	Thorsteinsson Thorsteinn	2210	TV	6
4	IM	Bjarnason Saevar	2151	TV	6
5		Fridjonsson Julius	2179	TR	6
6		Thrainsson Birgir Rafn	1780	Hellir	6
7		Bjornsson Gunnar	2130	Hellir	5,5
8		Palsson Halldor	1979	TR	5
9		Saemundsson Bjarni	1931	Vík	5
10		Eliasson Kristjan Orn	1980	SFI	5
11		Thorarensen Adalsteinn	1660	Vin	5
12		Kristjansson Sigurdur	1930	KR	4,5
13		Fivelstad Jon Olav	1875	TR	4,5
14		Jonsson Sigurdur H	1820	SR	4,5
15		Schmidhauser Ulrich	1395	TR	4,5
16		Bjornsson Eirikur K	2038	TR	4
17		Valtysson Thor	2031	SA	4
18		Finnsson Gunnar	1757	TR	4
19		Jonsson Loftur H	1600	SR	4
20		Gardarsson Halldor	1956	TR	3,5
21		Kristbergsson Bjorgvin	1155	TR	2,5
22		Bjarnason Sverrir Kr	1400	TR	2
23		Johannesson Petur	1085	TR	1,5

• Heimasíða TR
• Chess-Results

 

Snorri vann í áttundu umferð í Belgrad

FIDE-meistarinn Snorri G. Bergsson (2304) vann rúmensku skákkonuna Angelu Dragomirescu (2171, sem er stórmeistari kvenna, í áttundu og næstsíðustu umferð Belgrade Trophy sem fram fór í dag.   Jón Árni Halldórsson (2196) gerði jafntefli en Sigurður Ingason (1887) tapaði.

Snorri hefur 5 vinninga og er í 36.-54. sæti, Jón Árni hefur 4½ vinning og er í 55.-90. sæti og Sigurður hefur 3½ vinning og er í 118.-147. sæti.

Efstur með 7 vinninga er stórmeistarinn Dragisa Blagojevic (2482) frá Svartfjallalandi. 

285 skákmenn taka þátt í mótinu og þar af 20 stórmeistarar.   Snorri er nr. 45 í stigaröð keppenda, Jón nr. 71 og Sigurður nr. 154.

• Heimasíða mótsins
• Chess-Results

Róbert með jafntefli í Harkany

Róbert Lagerman (2271) gerði jafntefli við þýska alþjóðlega meistarann Ulrich Schulze Sr. (2333) í sjöundu umferð Tenkes-mótsins í Harkany í Ungverjalandi sem fram fór í dag.   Róbert hefur 4 vinninga og er í 17.-25. sæti.

Rússneski stórmeistarinn Konstantin Chernyshov (2579) er efstur með 6½ vinning.  

63 skákmenn taka þátt í mótinu og þar af 7 stórmeistarar.  Róbert er nr. 23 í stigaröð keppenda.   Róbert hefur sett myndir frá mótinu og má þær finna í myndaalbúmi.   Fleiri myndir væntanlegar frá Róberti.

• Heimasíða mótsins
• Swiss Master
• Myndaalbúm mótsins

 

 

Sigurður skákmeistari SA

Nýbakaður atskákmeistari Akureyrar, Sigurður Arnarson varð í gærkvöldi einnig skákmeistari Skákfélags Akureyrar þegar hann hafði sigur í seinni einvígisskákinni um titilinn. Sigurður sigraði einnig í fyrri skákinni.

Þetta er í annað sinn sem Sigurður vinnur Haustmótið, en hann vann það einnig árið 2008.

• Skákmeistarar Skákfélags Akureyrar
• Lokastaða Haustmótsins

Sigurður vann í sjöundu umferð í Belgrad

Sigurður Ingason (1887) sigraði í sjöundu umferð Belgrade Trophy og hefur 3½ vinning eða 50% vinningshlutfall sem verður að teljast býsna gott þar sem Sigurður hefur teflt upp fyrir sig allt mótið.  Snorri Bergsson (2304) og Jón Árni Halldórsson (2196) töpuðu báðir fyrir sterkum andstæðingum.  Snorri fyrir serbneska stórmeistaranum Dusan Popovic (2546) en Jón Árni fyrir serbneska alþjóðlega meistaranum Filip Pancevski (2403).   Þeir hafa 4 vinninga. 

Snorri og Jón Árni eru í 56.-87. sæti en Sigurður í 88.- 120. sæti.  Efstir með 6 vinninga eru stórmeistararnir Dragisa Blagojevic (2482), Svartfjallalandi og Milos Perunovic (2565), Serbíu, og alþjóðlegi meistarinn Petar Drenchev (2507), Búlgaríu.  

285 skákmenn taka þátt í mótinu og þar af 20 stórmeistarar.   Snorri er nr. 45 í stigaröð keppenda, Jón nr. 71 og Sigurður nr. 154.

• Heimasíða mótsins
• Chess-Results

Róbert vann í sjöttu umferð í Harkany

Róbert Lagerman (2271) vann Ungverjann Bence Korpa Jr. (2228) í sjöttu umferð Tenkes-mótsins í Harkany sem fram fór í dag.   Róbert hefur 3½ vinning og er í 16.-24. sæti.  Á morgun teflir Róbert við þýska alþjóðlega meistarann Ulrich Schulze Sr. (2333).   

Rússneski stórmeistarinn Konstantin Chernyshov (2579) er langefstur með fullt hús.  

63 skákmenn taka þátt í mótinu og þar af 7 stórmeistarar.  Róbert er nr. 23 í stigaröð keppenda.   Róbert hefur sett myndir frá mótinu og má þær finna í myndaalbúmi.   Fleiri myndir væntanlegar frá Róberti.

• Heimasíða mótsins
• Swiss Master
• Myndaalbúm mótsins

 

 

Jólamót í Mosfellsbæ

Skákfélag Vinjar heldur Jólaskákmót í Mosfellsbæ í samstarfi við Kjósarsýsludeild Rauða kross Íslands á fimmtudaginn, 2. des. klukkan 13:30.

Mótið fer fram í höfuðstöðvum þeirra í Þverholti 7.

Tefldar verða 6 umferðir með 7 mínútna umhugsunartíma og mun Hrannar Jónsson, fyrirliði Vinjarliðsins, stýra harðri hendi.

Það verður þvílík jólastemning og boðið upp á kakó og piparkökur, svona meðal annars. Glæsilegir bókavinningar fyrir efstu þátttakendur og happadrætti.

Allir velkomnir og algjörlega frítt.