Atkvöld hjá Helli í kvöld

Taflfélagið Hellir heldur atkvöld mánudaginn  5. janúar 2009 og hefst mótið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með tuttugu mínútna umhugsun.  Tilvalin upphitun fyrir þá sem vilja hita sig upp fyrir Skákþing Reykjavíkur!

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þar sem um er að ræða fyrsta atkvöld ársins fá auk þess þeir þrír efstu sem ekki eiga bók Braga Halldórssonar um Heimsbikarmót Stöðvar 2 þá bók.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Jón Viktor skákmaður ársins 2008 að mati ritstjóra Skák.is

Ritstjóri Skák.is hefur venju samkvæmt gert hið árlega áramótauppgjör á bloggsíðu sinni.  Að mati hans er Jón Viktor Gunnarsson skákmaður ársins 2008, Hallgerður Helga Þorsteinsdóttir skákkona ársins, Hjörvar Steinn Grétarsson efnilegasti skákmaður ársins og Taflfélag Bolungarvíkur skákfélag ársins.

Uppgjörið, sem er skrifað í léttum dúr, má finna í heild sinni á bloggsíðu ritstjóra.  

Guðmundur gerði jafntefli við Simon Williams (uppfært)

FIDE-meistarinn Guðmundur Kjartansson (2365) gerði jafntefli við enska stórmeistarann Simon Williams (2494) í mjög fjörugri skák í áttundu og næstsíðustu umferð Hastings-mótsins, sem fram fór í dag.  Guðmundur hefur 5½ vinning og er í 6.-12. sæti.

Í lokaumferðinni, sem fram fer á morgun, teflir Guðmundur við enska stórmeistarann Mark Hebden (2515).  Vinni Guðmundur skákina nær hann lokaáfanga að alþjóðlegum meistaratitli!

Rússneski stórmeistarinn Igor Kurnosov (2606) er efstur með 7 vinninga og úkraínski stórmeistarinn Valerij Neverov (2571) annar með 6½ vinning.  Í 3.-5. sæti eru ensku stórmeistararnir David Howell (2593) og Stuart Conquest (2526) og sænski stórmeistarinn Emanuel Berg (2623).

Hægt verður að fylgjast með skákum mótsins beinni og hefst umferðin á morgun kl. 14:15.

Rúmlega 100 skákmenn taka þátt í aðalmótinu og þar af 13 stórmeistarar.   Guðmundur er u.þ.b. nr. 60 í stigaröðinni.  

• Heimasíða mótsins
• Skákirnar í beinni

Tvöfaldur íslenskur sigur í Reggio Emila!

Björn Þorfinnsson (2408) og Jón Viktor Gunnarsson (2463) urðu efstir og jafnir í b-flokki Reggio Emila-mótsins,sem lauk í dag.  Jón Viktor vann ítalska FIDE-meistarann Alberto Pomaro (2254) en Björn tapaði fyrir  ítalska FIDE-meistarann Marco Corvi (2343).  Báðir hlutu þeir 6½ vinning og hækka báðir um rúmlega 10 stig á mótinu.

Kínverjinn Ni Hua (2710)varð langefstur í aðalmótinu en hann hlaut 7½ vinning í 9 skákum.  Annar varð Ungverjinn Zoltan Almasi (2663) með 6 vinninga og í 3.-5. sæti urðu Rúmeninn Mihail Marin (2556), Þjóðverjinn Jan Gustafsson (2634) og Rússinn Konstantin Landa (2613).  

• Heimasíða mótsins
• 
  

Skeljungsmótið 2009 - Skákþing Reykjavíkur

Skeljungsmótið 2009 - Skákþing Reykjavíkur hefst sunnudaginn 11. janúar kl. 14. Tefldar verða 9 umferðir eftir svissnesku kerfi og eru tímamörk 1½ klst. á alla skákina auk 30 sek. á leik. Umferðir fara fram á miðvikudögum og föstudögum kl. 19 og á sunnudögum kl. 14.  Teflt er í húsnæði Taflfélags Reykjavíkur að Faxafeni 12.

Upplýsingar um skráða keppendur má nálgast hér. Nú eru 15 skákmenn skáðir til leiks og þar á meðal Sigurbjörn Björnsson og Sævar Bjarnason. 

Verðlaun:

• 1. sæti kr. 50.000
• 2. sæti kr. 30.000
• 3. sæti kr. 20.000
• Besti árangur undir 2000 skákstigum kr. 15.000 (íslensk stig gilda)
• Besti árangur undir 1800 skákstigum kr. 15.000 (íslensk stig gilda)

Sigurvegarinn hlýtur auk þess nafnbótina Skákmeistari Reykjavíkur 2009 og farandbikar til varðveislu í eitt ár.

Þátttökugjöld:

• kr. 3.500 fyrir 16 ára og eldri
• kr. 2.000 fyrir 15 ára og yngri

Dagskrá mótsins:

• 1. umferð sunnudag   11. janúar  kl. 14
• 2. umferð miðvikudag 14. janúar  kl. 19
• 3. umferð föstudag     16. janúar  kl. 19
• 4. umferð sunnudag   18. janúar  kl. 14
• 5. umferð miðvikudag 21. janúar  kl. 19
• 6. umferð föstudag      23. janúar  kl. 19
• 7. umferð sunnudag    25. janúar  kl. 14
• 8. umferð miðvikudag 28. janúar  kl. 19
• 9. umferð föstudag      30. janúar  kl. 19

Skákþingið er reiknað til alþjóðlegra skákstiga.

Skráning fer fram á [e-mail] og í síma 895-5860 (Ólafur).

Hraðskákmót Reykjavíkur verður haldið sunnudaginn 1. febrúar og hefst það kl. 14.00. Tefldar verða 2x7 umferðir eftir Monradkerfi.

Atkvöld hjá Helli

Taflfélagið Hellir heldur atkvöld mánudaginn  5. janúar 2009 og hefst mótið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með tuttugu mínútna umhugsun.  Tilvalin upphitun fyrir þá sem vilja hita sig upp fyrir Skákþing Reykjavíkur!

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þar sem um er að ræða fyrsta atkvöld ársins fá auk þess þeir þrír efstu sem ekki eiga bók Braga Halldórssonar um Heimsbikarmót Stöðvar 2 þá bók.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Svanberg með 3 vinninga í Stokkhólmi

Svanberg Már Pálsson (1750) hefur 3 vinninga að loknum þremur umferð í b-flokki Riltons Cup, sem fram fer í Stokkhólmi.   Pabbi gamli, Páll Sigurðsson (1867), hefur 2½ vinning.  Sóley Lind Pálsson, sem teflir í c-flokki, hefur 1 vinning eftir 5 umferðir. 

Í aðalmótinu er stórmeistarnir Radoslaw Wojtaszek (2599), Póllandi, og Sergei Ivanov (2547), Rússlandi, efstir með 5 vinninga.

Heimasíða mótsins

Björn Þorfinnsson alþjóðlegur meistari í skák!

 

Björn Þorfinnsson (2463) er alþjóðlegur meistari í skák.  Björn var rétt í þessu að vinna ítalska FIDE-meistarann Axel Rombaldoni (2334) í sjöundu umferð b-flokks Reggio Emila-mótsins.   Björn hefur þar með innbyrt sinn lokaáfanga og það þrátt fyrir að enn sé tveimur umferðum ólokið en Björn hefur fengið sex vinninga í þessum sjö skákum.   

Jón Viktor gerði jafntefli við króatíska alþjóðlega meistarann Blazimir Kovacevic (2472) og er í 2.-4. sæti með 4½ vinning.  

Kínverjinn Ni Hua (2710) er efstur í aðalmótinu með 5½ vinning, Ungverjinn Zoltan Almasi (2663) er annar með 5 vinning og Rúmeninn Mihail Marin (2556), Rússinn Alexey Dreev (2670) og Þjóðverjinn, með íslenska nafnið, Jan Gustafsson (2634) eru í 3.-5. sæti með 4 vinninga.  

Í áttundu og næstsíðustu umferð, sem fram fer á morgun, teflir Björn við Ítalann Luca Barillo (2202) en Jón við ítalska FIDE-meistarann Massimilano Lucaroni (2320).

Skákirnar eru sýndar beint á netinu og skákir morgundagsins hefjast kl. 13:30.

• Heimasíða mótsins
• Skákirnar í beinni

Guðmundur vann í sjöttu umferð

FIDE-meistarinn Guðmundur Kjartansson (2365) vann írska skákmanninn Ryan Rhys Griffiths (2107) í sjöttu umferð Hastings-mótsins og hefur nú unnið þrjár skákir í röð!  Guðmundur hefur 4 vinninga. 

Í sjöundu umferð, sem fram fer á morgun, teflir við Guðmundur við enska stórmeistarann Stewart G Haslinger (2526).  Skákin er sýnt á netinu en skákirnar hefjast kl. 14:15.

Rússneski stórmeistarinn Igor Kurnosov (2602) er efstur með  5½ vinning.  Í 2.-4. sæti með 5 vinninga, eru stórmeistararnir David Howell (2622), Englandi, Emanuel Berg (2606), Svíþjóð, og Valeri Neverov (2560), Úkraínu.

Rúmlega 100 skákmenn taka þátt í aðalmótinu og þar af 13 stórmeistarar.   Guðmundur er u.þ.b. nr. 60 í stigaröðinni.  

• Heimasíða mótsins
• Skákirnar í beinni

Björn og Jón Viktor sigruðu í sjöttu umferð

Árið byrjar vel hjá íslenskum skákmönnum en Björn Þorfinnsson (2408) og Jón Viktor Gunnarsson (2463) unnu báðir sínar skákir í sjöttu umferð b-flokks Reggio Emila-mótsins, sem fram fór í dag.  Andstæðingar þeirra voru báðir ítalskir FIDE-meistarar.  Björn vann Andrea Cosshi (2305) og Jón Viktor vann Marco Corvi (2343).  Björn hefur 5 vinninga og er einn efstur.  Björn þarf nú aðeins 1 vinning í næstu 3 skákum til að tryggja sér lokaáfangann að alþjóðlegum meistaratitli.  Jón Viktor er einnig í hópi efstu manna með 4 vinninga.

Í a-flokki eru Kínverjinn Ni Hua (2710) og Ungverjinn Zoltan Almasi (2663) efstir með 4½ vinning.  Rússinn Alexei Dreev (2670) getur náð þeim að vinningum en hann situr enn að tafli.   

Í sjöundu umferð, sem fram fer á morgun, teflir Björn við ítalska FIDE-meistarann Axel Rombaldoni (2334) en Jón við króatíska alþjóðlega meistarann Blazimir Kovacevic (2472).

B-flokkurinn er áfangamót þar sem Björn er að gera atlögu að lokaáfanganum að alþjóðlegum meistaratitli en til þess þarf 6 vininninga í 9 skákum.  Jón Viktor er hins einn þriggja alþjóðlegra meistara. 

Skákirnar eru sýndar beint á netinu og skákir morgundagsins hefjast kl. 13:30.

• Heimasíða mótsins
• Skákirnar í beinni