Jóhann Hjartarson með fyrirlestur á skemmtikvöldi hjá Helli 3. mars nk.

Þriðjudaginn 3. mars nk. heldur Taflfélagið Helli skemmtikvöld fyrir skákmenn á aldrinum 14 - 20 ára. Þetta er fyrsta skemmtikvöldið  af nokkrum sem Hellir hefur í hyggju að halda fyrir skákmenn á þessum aldri og á þessu skemmtikvöldi mun stórmeistarinn Jóhann Hjartarsson halda fyrirlestur. Jóhann er einn af þeim sem Íslendingum sem náð hafa hvað lengst í skáklistinni og meðan Jóhann var atvinnumaður í skák tefldi  hann eftirminnileg einvígi í undankeppnum heimsmeistaramótsins í skák og var í ólympíuliðunum sem náðu mjög góðum árangri í Dubai og Manilla. Hvort Jóhann tekur einhvern af þessum viðburðum fyrir eða eitthvað annað kemur í ljós.

Vegna viðhalds á félagsheimili Hellis verður skemmtikvöldið haldið í sal Skákskólans í Faxafeni 12 og hefst kl. 20. Eftir fyrirlesturinn verður slegið upp léttu skákmóti og þátttakendur gæða sér á pizzum. Ókeypis er fyrir félagsmenn í Helli en aðrir greiða kr. 500 fyrir pizzurnar. Nokkur boðssæti er laus fyrir þá sem uppfylla ekki alveg aldursmörkin og geta áhugasamir haft samband við Vigfús í síma 866-0116.

Grischuk með vinnings forskot

Rússinn Grischuk (2733) hefur vinnings forskot á Linares-mótinu að lokinni 10. umferð Linares-mótsins, sem fram fór í dag. Grischuk hefur 6½ vinning.   Annar er Ivanchuk (2779) með 5½ vinning. 

Úrslit tíundu umferðar:

Grischuk, Alexander	- Ivanchuk, Vassily	½-½
Carlsen, Magnus	- Wang Yue	0-1
Anand, Viswanathan	- Dominguez Perez, Leinier	½-½
Radjabov, Teimour	- Aronian, Levon	1-0

Staðan:

  

Nr.	Skákmaður	Land	Stig	Vinn.	Rp.
1.	Grischuk, Alexander	RUS	2733	6½	2864
2.	Ivanchuk, Vassily	UKR	2779	5½	2786
3.	Carlsen, Magnus	NOR	2776	5	2747
4.	Anand, Viswanathan	IND	2791	5	2748
5.	Aronian, Levon	ARM	2750	5	2762
6.	Wang Yue	CHN	2739	4½	2723
7.	Radjabov, Teimour	AZE	2761	4½	2724
8.	Dominguez Perez, Leinier	CUB	2717	4	2690

 

Linares-mótið

Íslandsmót barnaskólasveita

Íslandsmót barnaskólasveita 2009 fer fram í Rimaskóla í Reykjavík dagana 7. og 8. mars nk.  Fyrri daginn verða tefldar 7 umferðir eftir Monradkerfi - umhugsunartími 15 mín. á skák fyrir hvern keppenda.  Seinni daginn tefla fjórar efstu sveitirnar um Íslandsmeistaratitilinn - allir við alla.

Hver skóli getur sent fleiri en eina sveit - en hver sveit er skipuð fjórum nemendum 1. - 7. bekkjar grunnskóla (auk varamanna).  Keppendur skulu vera fæddir 1996 eða síðar.

Dagskrá:                    

• Laugardagur 7. mars  kl. 13.00          1.- 7. umferð
• Sunnudagur 8. mars  kl. 12.00          Úrslit

Sigurvegari mótsins hlýtur rétt til þátttöku á Norðurlandamóti barnaskólasveita sem fram fer á Íslandi í september næstkomandi. 

Skráning fer fram hjá Skáksambandi Íslands í síma 568 9141 virka daga kl. 10-13 og í tölvupósti: [e-mail]   Skráningu skal lokið í síðasta lagi 5. mars.

Athugið að það er mjög áríðandi að sveitirnar séu skráðar fyrirfram.

Skákmót á Árnamessu

Í tilefni af Árnamessu, ráðstefnu Lýðheilsustöðvar um forvarnarmál, í Stykkishólmi laugardaginn 14. mars, stendur stofnunin fyrir veglegu skákmóti fyrir grunnskólanemendur alls staðar af landinu.

Stefnt er að því að fá alla efnilegustu skákkrakka landsins til þátttöku á mótinu. Áhugasömum krökkum af Snæfellsnesi er sérstaklega boðið til mótsins.

• Keppt er um veglega eignarbikara og fjöldi verðlauna verður í boði.
• Teflt í þremur flokkum; fæddir 1993 - 1996, fæddir 1997 - 2002 og flokki Snæfellinga.
• Teflt verður í Grunnskólanum Stykkishólmi. Sex umferðir með 10 mínútna umhugsunarfresti. Mótstjórar verða þeir Helgi Árnason, form. Skákdeildar Fjölnis, og Páll Sigurðsson, form. Taflfélags Garðabæjar.

Skákmótið er, líkt og forvarnaráðstefnan, haldið í minningu um Árna Helgason heiðursborgara og bindindisfrömuð í Stykkishólmi, sem hefði orðið 95 ára þennan dag, en Árni lést 27. febrúar 2008.                                                           

Innifalið í þátttöku á skákmótinu:

• Rútuferð frá Reykjavík kl. 9:00 og til baka frá Stykkishólmi kl. 17:30
• Hádegisverður á Hótel Stykkishólmi
• Veitingar á skákmótinu í boði Sæfells hf.
• Fjöldi verðlauna og happdrætti
• Áritað þátttökuskjal frá Lýðheilsustöð                                              

Vinsamlegast tilkynnið þátttakendur til Skáksambands Íslands s. 568 9141 eða í tölvupósti [e-mail], í síðasta lagi föstudaginn 6. mars n.k. Allar frekari upplýsingar veitir Helgi Árnason s. 664 8320.

Sjá auglýsingu í viðhengi.

Skrár tengdar þessari bloggfærslu:

• skakmot_arnamessa_0.doc

Atkvöld hjá Helli í kvöld

Taflfélagið Hellir heldur atkvöld mánudaginn  2. mars 2009 og hefst mótið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með tuttugu mínútna umhugsun.   Fyrirhuguðu hraðskákmóti Hellis sem fram átti að fara sama dag er frestað til 16. mars nk.

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Björn Ívar, Sigurjón og Nökkvi efstir á Vormóti TV

Björn Ívar Karlsson, Sigurjón Þorkelsson og Nökkvi Sverrisson eru efstir með 2 vinninga að lokinni 2. umferð Vormóts TV sem fram fór í gærkveldi,  Fjórum skákum var frestað svo enn getur staðan á toppnum breyst töluvert.  Þriðja umferð verður tefld mánudaginn 9. mars kl. 19:30. Ekki verður teflt á sunnudag eins og áður var auglýst.

Úrslit 2. umferðar:

 

Bo.	Name	Pts	Res.	Pts	Name
1	Thorarinn I Olafsson	1	0  -  1	1	Bjorn Ivar Karlsson
2	Kristofer Gautason	1	-	1	Aegir Pall Fridbertsson
3	Sigurjon Thorkelsson	1	1  -  0	1	Stefan Gislason
4	Olafur Freyr Olafsson	1	-	1	Sverrir Unnarsson
5	Einar Gudlaugsson	1	-	1	Karl Gauti Hjaltason
6	Valur Marvin Palsson	1	-  -  +	1	Nokkvi Sverrisson
7	Olafur Tyr Gudjonsson	1	-	1	Dadi Steinn Jonsson
8	Jorgen Olafsson	0	1  -  0	0	Agust Mar Thordarson
9	Daniel Mar Sigmarsson	0	0  -  1	0	Johannes Sigurdsson
10	Nokkvi Dan Ellidason	0	0  -  1	0	David Mar Johannesson
11	Eythor Dadi Kjartansson	0	1  -  0	0	Larus Gardar Long
12	Gudlaugur G Gudmundsson	0	0  -  1	0	Robert Aron Eysteinsson
13	Sigurdur Arnar Magnusson	0	0  -  1	0	Haukur Solvason
14	Johann Helgi Gislason	0	1  -  0	0	Tomas Aron Kjartansson

 

• Heimasíða TV
• Chess-Results

Grischuk efstur í Linares

Rússinn Grischuk (2733) hefur vinnings forskot á Linares-mótinu að loknum níu umferðum á Linares-mótinu.  Grischuk hefur 6 vinninga.  Í 2.-4. sæti með 5 vinninga eru Ivanchuk (2779), Aronian (2750) og Carlsen (2776).

 

Úrslit áttundu umferðar:

 

 

Grischuk, Alexander	- Dominguez Perez, Leinier	½-½
Ivanchuk, Vassily	- Wang Yue	½-½
Carlsen, Magnus	- Aronian, Levon	0-1
Radjabov, Teimour	- Anand, Viswanathan	½-½

 

Úrslit níundu umferðar:

 

 

Ivanchuk, Vassily	- Radjabov, Teimour	½-½
Aronian, Levon	- Anand, Viswanathan	½-½
Dominguez Perez, Leinier	- Carlsen, Magnus	0-1
Wang Yue	- Grischuk, Alexander	½-½

 
Staðan:

 

Nr.	Nafn	Land	Stig	Vinn.	Rp.
1.	Grischuk, Alexander	RUS	2733	6	2877
2.	Ivanchuk, Vassily	UKR	2779	5	2794
3.	Aronian, Levon	ARM	2750	5	2805
4.	Carlsen, Magnus	NOR	2776	5	2791
5.	Anand, Viswanathan	IND	2791	4½	2751
6.	Dominguez Perez, Leinier	CUB	2717	3½	2679
7.	Wang Yue	CHN	2739	3½	2677
8.	Radjabov, Teimour	AZE	2761	3½	2681

 

Linares-mótið

Atkvöld hjá Helli

Taflfélagið Hellir heldur atkvöld mánudaginn  2. mars 2009 og hefst mótið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með tuttugu mínútna umhugsun.   Fyrirhuguðu hraðskákmóti Hellis sem fram átti að fara sama dag er frestað til 16. mars nk.

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Ný íslensk skákstig

Ný íslensk skákstig eru komin út.  Hannes Hlífar Stefánsson er sem fyrr stigahæstur, Jóhann Hjartarson næststigahæstur og Margeir Pétursson þriðji stigahæstur.  Þrír nýliðar eru á listanum og þeirra stigahæstur er Birgir Rafn Þráinsson (1610) sem reyndar hafði stig fyrir um 17 árum síðan!  Hilmar Freyr Friðgeirsson kemur næstur.  Tjörvi Schiöth hækkar mest á milli lista eða um 200 skákstig.  Nökkvi Sverrisson og Björn Ívar Karlsson tefldu með á tímabilinu eða 12 skákir hvor.

20 stigahæstu skákmenn landsins:

1. Hannes Hlífar Stefánsson (2645)
2. Jóhann Hjartarson (2640)
3. Margeir Pétursson (2600)
4. Helgi Ólafsson (2540)
5. Jón L. Árnason (2510)
6. Friðrik Ólafsson (2510)
7. Héðinn Steingrímsson (2510)
8. Henrik Danielsen (2505)
9. Helgi Áss Grétarsson (2500)
10. Karl Þorsteins (2485)
11. Jón Viktor Gunnarsson (2465)
12. Þröstur Þórhallsson (2465)
13. Stefán Kristjánsson (2460)
14. Guðmundur Sigurjónsson (2445)
15. Bragi Þorfinnsson (2435)
16. Björn Þorfinnsson (2420)
17. Arnar Gunnarsson (2405)
18. Magnús Örn Úlfarsson (2375)
19. Róbert Lagerman (2355)
20. Elvar Guðmundsson (2355)
21. Sigurður Daði Sigfússon (2355)
22. Dagur Arnrímsson (2355)

Nýliðar:

1. Birgir Rafn Þráinsson (1610) - (Birgir var reyndar á stigalista um 1982 með 1490 stig)
2. Ingi Þór Hafdísarson (1325)
3. Hilmar Freyr Friðgeirsson (1290)

Mestu hækkanir:

1. Tjörvi Schiöth (200)
2. Friðrik Þjálfi Stefánsson (120)
3. Sigríður Björg Helgadóttir (115)
4. Kristófer Gautason (90)
5. Siguringi Sigurjónsson (90)
6. Stefán Gíslason (80)
7. Eymundur Eymundsson (75)
8. Daði Steinn Jónsson (70)
9. Hrund Hauksdóttir (70)
10. Dagur Kjartansson (65)
11. Eiríkur Örn Brynjarsson (65)
12. Elsa María Kristínardóttir (65)

Virkustu menn

Sjö virkustu skákmenn landsins á þessu tímabili eru allir í sama félagi, Taflfélagi Vestmanneyja

• Nökkvi Sverrisson og Björn Ívar Karlsson 12 skákir
• Stefán Gíslason, Sverrir Unnarsson og Þórarinn I. Ólafsson 11 skákir
• Ólafur Freyr Ólafsson og Karl Gauti Hjaltason 10 skákir

Heimasíða SÍ

Skákrýni og taflkvöld í Gallerý Skák

Fylgst hefur verið af áhuga með áskorendaeinvígi þeira Tobalovs og Kamsky í Gallerý skák í Bolholti, ekki hvað síst í gær þegar 7. skákin sem reyndist úrslitaskákin var telfd. Síðan telfdu menn sín á milli
10 mín. hvatskákir, fyrir fegurðina. Skemmtilegar myndir þaðan fylgja þessum pistli.

Myndaalbúm frá Einari S. Einarssyni