Henrik tapaði í lokaumferðinni

Stórmeistarinn Henrik Danielsen (2516) tapaði fyrir danska alþjóðlega meistaranum Jens Kristiansen (2421) í sjöundu og síðustu umferð ØBRO-nýársmótsins sem fram fór í gær.  Henrik hlaut 5 vinninga og endaði í 3.-11. sæti. 

Sænski stórmeistarinn Jonny Hector (2576) sigraði á mótinu með fullu húsi.  Áðurnefndur Kristiansen varð annar með 6 vinninga.

Henrik tapar 2 stigum fyrir frammistöðu sína.

Alls taka 64 skákmenn þátt í mótinu og þar af 2 stórmeistarar, Henrik, sem er næststigahæstur og Jonny Hector (2576), sem er stigahæstur, og tveir alþjóðlegir meistarar.

• Heimasíða mótsins

Henrik sigraði í næststíðustu umferð

Stórmeistarinn Henrik Danielsen (2516) yfirspilaði danska FIDE-meistarann Igor Teplyi (2394) í sjöttu og næstsíðustu umferð ØBRO-nýársmótsins sem fór í dag.   Henrik hfur 5 vinninga og er í skiptu öðru sæti.   Sænski stórmeistarinn Jonny Hector (2576) er efstur með fullt hús vinninga.  

Sjöunda og síðasta umferð mótsins fer fram í kvöld og hefst kl. 18.  Skák Henriks verður sýnd beint.  

Alls taka 64 skákmenn þátt í mótinu og þar af 2 stórmeistarar, Henrik, sem er næststigahæstur og Jonny Hector (2576), sem er stigahæstur, og tveir alþjóðlegir meistarar.

• Heimasíða mótsins

Guðfinnur sigraði á JólaSkákMóti Riddarans

JólaSkákMót Riddararans, skákklúbbs eldri borgara, fór fram með pomp og prakt við húsfylli í Vonarhöfn, félagsheimili klúbbsins í Hafnarfirði í gær. (29. des.) Hvorki fleiri né færri en 35 öldungar mættu til tafls um von um vinning, enda auk glæsilegra verðlauna fjölmargir aukavinningar í boði frá styrktaraðilum:  Bókaútgáfunni  Hólum, Jóa Útherja og Halldóri skósmið í Grímsbæ.   Boðið var upp á  heitt súkkulaði, kaffi, konfekt og kruðerí, sem þátttakendur gæddu sér óspart á milli skáka.

Tefldar voru 11 umferðir með 10 mín. umhugsunartíma,  svokallaðar hvatskákir, eins konar millistig milli hraðskáka og atskáka.  Nokkur þrengsli voru í skáksal, en aldrei áður hafa svo margir tekið þátt í móti á vegum klúbbsins.  All margir keppendur blönduðu sér i toppbaráttuna og  skiptust á um forystuna alveg til loka mótsins.  Eftir mjög tvísýna og harða baráttu urðu úrslit þau að Guðfinnur R. Kjartansson kom sjálfum sér á óvart að eigin sögn og með því að sitja uppi sem sigurvegari,  með 8 vinninga, jafnframt því að stýra mótinu ásamt Einari Ess.  Aðrir vita þó að GRK er ákaflega hugkvæmur og traustur skákmaður  og er skemmst að minnast góðs árangurs hans í Viðeyjarmótinu,  sem vakti honum einnig meiri undrum en öðrum.   Jafnir í 2. til 5 sæti urðu þeir:  Jón Þ. Þór;  Sigurður A. Herlufsen; Egill Þórðarson  og  Matthías Kristinsson  allir með 7.5 vinninga.

 Nánari úrslit má sjá á meðf. mótstöflu og á www.riddarinn.net   auk fjölda mynda.

Myndaalbúm mótsins

Jólabikarmót Hellis fer fram í kvöld

Jólabikarmót Hellis fer fram fimmtudaginn 30. desember nk og hefst taflið kl. 19.30. .Fyrirkomulagið verður þannig að tefldar verða hraðskákir með fimm mínútna umhugsunartíma og eftir Monrad kerfi. Eftir fimm töp falla keppendur úr leik. Þannig verður teflt þangað til einn stendur eftir og allir andstæðingarnir fallnir úr leik. Teflt er í félagsheimili Hellis í Álfabakka 14a í Mjóddinni.

Þrír efstu fá bikara í verðlaun. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Henrik tapaði fyrir Hector

Stórmeistarinn Henrik Danielsen (2516) tapaði fyrir sænska stórmeistaranum Jonny Hector (2576) í fimmtu umferð ØBRO-nýársmótsins sem fór í dag.  Henrik hefur 4 vinninga og er í 2.-8. sæti. 

Hector er efstur með fullt hús vinninga.   Mótinu lýkur á morgun með 2 umferðum og hefjast þær kl. 12 og 18.  Í fyrri umferðinni teflir Henrik við danska FIDE-meistarann Igor Teplyi (2394).  

Alls taka 64 skákmenn þátt í mótinu og þar af 2 stórmeistarar, Henrik, sem er næststigahæstur og Jonny Hector (2576), sem er stigahæstur, og tveir alþjóðlegir meistarar.

• Heimasíða mótsins

Jóhann sigraði á Jólahraðskákmóti TR

Jólahraðskákmót Taflfélags Reykjavíkur fór fram í kvöld. Tefldar voru 9 umferðir eftir svissnesku kerfi og var umhugsunartíminn 5 mín. á skák. Jóhann Ingvason var útnefndur Jólasveinn T.R. 2010
en hann hlaut 8 vinninga í 9 skákum. Þátttakendur voru 24. Skákstjórar voru Ólafur Ásgrímsson og Ríkharður Sveinsson.



   1   Jóhann Ingvason,                          8        36.0
   2   Birkir Karl Sigurðsson,                   7        36.0
   3   Örn Stefánsson,                           6        36.5
  4-8  Jón Úlfljótsson,                         5.5      35.0
       Atli Jóhann Leósson,                      5.5      35.0
       Jón Trausti Harðarson,                    5.5      34.5
       Atli Freyr Kristjánsson,                  5.5      30.5
       Guðmundur Lee,                            5.5      30.5
 9-13  Eggert Ísólfsson,                         5        40.5
       Örn Leó Jóhannsson,                       5        39.5
       Stefán Már Pétursson,                     5        34.5
       Birgir Berndsen,                          5        33.0
       Kristján Örn Elíasson,                    5        28.5
 14-17 Dagur Ragnarsson,                         4        33.5
       Kristinn Andri Kristinsson,                4        32.0
       Leifur Þorsteinsson,                      4        26.0
       Donika Kolica,                            4        24.0
 18-20 Vignir Vatnar Stefánsson,                 3.5      34.0
       Þórir Benediktsson,                       3.5      31.5
       Kristófer Jóel Jóhannesson,                3.5      25.5
 21-22 Björgvin Kristbergsson,                   3        29.0
       Gauti Páll Jónsson,                       3        28.5
  23   Elín Nhung,                               2        26.5
  24   Pétur Jóhannesson,                        0        24.5

EM einstaklinga í kvennaflokki fellt niður

EM einstaklinga í kvennaflokki sem var á dagskrá í Gaziantep í Tyrklandi í mars nk. hefur verið fellt niður.  Skáksambandið hafði ákveðið að senda Lenku Ptácníkovú þangað sem fulltrúa Íslands.  Ástæðurnar virðist vera ósamkomulag á milli Ali Nihat Yazici, forseta Tyrkneska skáksambandsins, og Evrópska skáksambandsins sem leitt er af Silvio Danilov, sem sigraði Ali í forsetakosningum sem fram fóru í Khanty Mansiysk í september.   Segir Ali ECU hafa sýnt mótinu óvirðingu og áhugasleysi.

Ekki er ljóst hvað verður um mótið, hvort það verður, og þá hvar og hvenær.

Nánar má lesa um málið á heimasíðu Tyrkneska skáksambandsins.  

 

 

Þorvarður sigraði á Hraðskákmóti Garðabæjar

Þorvarður Fannar Ólafsson sigraði á hraðskákmóti Garðabæjar í gær á stigum eftir harða baráttu við Pálma Pétursson.   Páll Andrason varð þriðji. 

Lokastaðan:

Place Name                       Score M-Buch.

 1-2  Þorvarður F Ólafsson Haukar,      7.5      37.0
      Pálmi Ragnar Pétursson Mátar,    7.5      36.5
  3   Páll Andrason SFÍ,             6        37.5
 4-6  Örn Leó Jóhannsson SFÍ,        5.5      37.5
      Vignir Vatnar Stefánsson TR,  5.5      32.0
      Stefán Pétursson TR,          5.5      30.5
7-11  Jóhann Ingvarsson SR,         5        39.0
      Björn Jónsson TG,             5        38.0
      Vigfús Óðinn Vigfússon Hellir,    5        32.5
      Guðmundur Kristinn Lee SFÍ,    5        31.5
      Páll Sigurðsson TG,           5        31.0
12-13 Birkir Karl Sigurðsson SFÍ,    4.5      33.0
      Lúðvík Ásgeirsson TG,         4.5      24.5
 14   Atli Jóhann Leósson KR,       4        29.5
 15   Sóley Lind Pálsdóttir TG,     2.5      26.5
 16   Róbert Leó Jónsson Hellir,        2        31.0
 17   Ásgeir Lúðvíksson TG,         1        29.5
 18   Kristófer Lúðvíksson TG,      0        30.5

Athygli vekur frábær árangur hins unga Vignis Vatnars Stefánssonar sem er fæddur árið 2003 þar sem formaður TG, Páll Sigurðsson, varð hans fyrsta fórnarlamb eftir að hafa fallið á tíma með kóng og hrók á móti kóng og hrók. Staðan var hins vegar erfið lengi.

Heimasíða TG

Halldór Brynjar sigraði á Jólahraðskákmóti SA

Jólahraðskákmót Skákfélags Akureyrar fór fram í gær. Þátttakan var með betra móti í ár, en 16 skákmenn skráðu sig til leiks og tefldu einfalda umferð, allir við alla. 

Halldór Brynjar Halldórsson og Áskell Örn Kárason voru í nokkrum sérflokki, en þeir leiddu mótið í sameiningu lengst af, hvor um sig með fullt hús. Leikar fóru þó þannig að Halldór Brynjar náð yfirhöndinni eftir að hafa unnið innbyrðis viðureign þeirra félaga og dugði það Halldóri til sigurs þrátt fyrir að hafa gert jafntefli við Sigurð Eiríksson sem var í þriðja sæti.

 

Lokastaða efstu manna:

Halldór Brynjar Halldórsson                         14½ af 15
Áskell Örn Kárason                                       14
Sigurður Eiríksson                                         11
Sigurður Arnarson                                         10½
Smári Ólafsson                                              9½
Haki Jóhannesson                                          8½
Mikael Jóhann Karlsson                                8
Smári Teitsson                                               8
Sveinbjörn Sigurðsson                                   7
Jón Kristinn Þorgeirsson                                7

Heimasíða SA

Jólahraðskákmót TR fer fram í kvöld

Jólahraðskákmót Taflfélags Reykjavíkur verður haldið miðvikudaginn 29. desember kl. 19.30.  Tefldar verða 9 umferðir með 5 mínútna umhugsunartíma.  Mótið fer fram í húsnæði T.R. að Faxafeni 12.  Þátttökugjald er kr. 500 en frítt fyrir 15 ára og yngri.