Dagur í beinni frá Quebec

Skák Dags Arngrímsson (2396) við rússneska stórmeistarann Vadim Malakhatko (2570) á Quebec-meistaramótinu er sýnd beint á vefsíðu mótsins.

Jón Viktor Gunnarsson (2462) teflir við Nikola Mitkov (2526) og Björn Þorfinnsson (2396) teflir við Sylvain Barbeau (2357).

• Heimasíða mótsins
• Skákirnar í beinni

Guðmundur vann McNab!

FIDE-meistarinn Guðmundur Kjartansson (2356) heldur áfram að brillera á skoska meistaramótinu.   Í áttundu og næstsíðustu umferð, sem fram fer í dag, vann hann skoska stórmeistarann Colin McNab (2474) og hefur nú fengið 4 vinninga í sex skákum gegn stórmeisturum og er í 4.-5. sæti með 6 vinninga fyrir lokaumferðina sem fram fer á morgun.

Árangur Guðmundar samsvarar 2607 skákstigum sem samsvarar stórmeistaraáfanga og er 40 stigaplús fyrir lokaumferðina. 

Í lokaumferðinni mætir Guðmundur enska stórmeistaranum Mark Hebden (2468).  Skákin hefst kl. 13 og verður í beinni útsendingu á vef mótsins eins og skákir Guðmundar hingað til.   Geri Guðmundur jafntefli nær hann sínum fyrsta stórmeistaraáfanga samkvæmt lauslegri rannsókn ritstjóra.   

Efstir með 6,5 vinning eru indversku stórmeistarnir S. Arun Prasad (2556) og Magesh Chandran Panchanath (2493) og svo áðurnefndur Hebden. 

Aron Ingi Óskarsson (1876) gerði jafntefli við Skotann James Macrae (1876) og hefur 2,5 vinning.

Guðmundur er 13. stigahæsti keppandi á mótinu en alls tefla 88 skákmenn í efsta flokki.  Meðal annarra keppenda má nefna skosku stórmeistarana Jonathan Rowson (2591), Kati Arakhamia-Grant (2506), Paul Motwani (2503), Colin McNab (2474) og John Shaw (2462).  Alls taka 10 stórmeistarar þátt, 1 alþjóðlegur meistari og 8 FIDE-meistarar.

• Heimasíða mótsins
• Skákirnar í beinni

Hannes vann í lokaumferðinni og endaði í 3. sæti

Stórmeistarinn Hannes Hlífar Stefánsson (2580) vann spænska alþjóðlega meistarann David Larion Nieto (2462) í níundu og síðustu umferð opins móts í Malaga á Spáni sem er að klárast.  Hannes hlaut 6½ vinningi og endaði í 3.-9. sæti og því 3. á stigum á en Spáni skiptast verðlaun ekki efstir stigum heldur fékk Hannes þau óskipt.   

Frammistaða Hannes samsvaraði 2532 skákstigum og lækkar hann um 2 stig á mótinu.  

Sigurvegerar mótsins eru serbneski stórmeistarinn Dragan Paunovic (2519) og spænski FIDE-meistarinn Jeses Garrido Dominguez (2301).

Alls tóku 104 skákmenn í mótinu og þar af 13 stórmeistarar og 8 alþjóðlegir meistarar.  Hannes var þriðji stigahæstur keppenda. 

• Heimasíða mótsins
• Chess-Results

Guðmundur gerði jafntefli við Rowson

FIDE-meistarinn Guðmundur Kjartansson (2356) gerði jafntefli við, stigahæsta keppenda mótsins, skoska stórmeistarann, Jonathan Rowson (2591) í sjöundu umferð skoska meistaramótsins sem fram fór í Edinborg í dag.  Guðmundur hafði lengi vel vænlegt og mætti Rowson þakka fyrir jafnteflið.  Guðmundur hefur staðið sig afskaplega vel og hefur t.a.m. fengið 3 vinning í 5 skákum gegn stórmeisturum og samsvarar árangur hans 2563 skákstigum. 

Guðmundur hefur 5 vinninga á sjálfu mótinu og er  5.-10. sæti.  Á morgun, í áttundu og næstsíðustu umferð, teflir hann við skoska stórmeistarann Colin McNab (2474).   Skákin verður sýnd beint á vefsíðu mótsins og hefst hún kl. 13.  

Aron Ingi Óskarsson (1876) gerði jafntefli við Skotann Liam Ingram (1760) og hefur 2 vinninga. 

Guðmundur er 13. stigahæsti keppandi á mótinu en alls tefla 88 skákmenn í efsta flokki.  Meðal annarra keppenda má nefna skosku stórmeistarana Jonathan Rowson (2591), Kati Arakhamia-Grant (2506), Paul Motwani (2503), Colin McNab (2474) og John Shaw (2462).  Alls taka 10 stórmeistarar þátt, 1 alþjóðlegur meistari og 8 FIDE-meistarar.

• Heimasíða mótsins
• Skákirnar í beinni

Hannes með jafntefli í næstsíðustu umferð

Stórmeistarinn Hannes Hlífar Stefánsson (2580) gerði jafntefli við serbneska stórmeistarann Stefan Djuric (2437) í áttundu og næstsíðustu umferð opins móts í Malaga á Spáni sem fram fór í dag.  Hannes hefur 5½ vinning og er í 8.-16. sæti.  

Í 9. og síðustu umferð, sem fram fer á morgun, teflir Hannes við spænska stórmeistarann David Larion Nieto (2462).

Efstir með 6½ vinning eru serbneski stórmeistarinn Dragan Paunovic (2519) og spænski FIDE-meistarinn Jeses Garrido Dominguez (2301). 

Alls taka 104 skákmenn í mótinu og þar af 13 stórmeistarar og 8 alþjóðlegir meistarar.  Hannes er þriðji stigahæstur keppenda. 

• Heimasíða mótsins
• Chess-Results

Guðmundur gerði jafntefli við stórmeistara í sjöttu umferð

FIDE-meistarinn Guðmundur Kjartansson (2356) gerði jafntefli við skoska stórmeistarann Keti Arakhamia-Grant (2506) í sjöttu umferð skoska meistaramótsins í skák sem fram fór í Edinborg í dag.  Guðmundur tefldi vel og hafði lengi vel vænlega stöðu en Skotinn náði að halda jöfnu.  Guðmundur er í 4.-11. sæti með 4,5 vinning.

Í sjöundu umferð, sem fram fer á morgun, teflir Guðmundur við stigahæsta keppenda mótsins, skoska stórmeistarann Jonathan Rowson (2591).  Skákin verður sýnd beint á vefnum og hefst útsendingin kl. 13.

Aron Ingi Óskarsson (1876) tapaði fyrir Skotanum David Fowler (1752) og hefur 1,5 vinning.

Enski stórmeistarinn Mark Hebden (2468) er efstur með 5,5 vinning.  Í 2.-3. sæti, með 5 vinninga, eru indversku stórmeistarnir, sem báðir hafa lotið í gras fyrir Guðmundi, S. Arun Prashad (2556) og Magesh Chandran Panchanath (2493).   

Guðmundur er 13. stigahæsti keppandi á mótinu en alls tefla 88 skákmenn í efsta flokki.  Meðal annarra keppenda má nefna skosku stórmeistarana Jonathan Rowson (2591), Kati Arakhamia-Grant (2506), Paul Motwani (2503), Colin McNab (2474) og John Shaw (2462).  Alls taka 10 stórmeistarar þátt, 1 alþjóðlegur meistari og 8 FIDE-meistarar.

• Heimasíða mótsins
• Skákirnar í beinni

Hannes vann í sjöundu umferð

Stórmeistarinn Hannes Hlífar Stefánsson (2580) vann spænska FIDE-meistarann Juan Manuel Guiterrez Jimenez (2308) í sjöundu umferð opins móts í Malaga á Spáni sem fram fór í dag.  Hannes hefur 5 vinninga og er í 6.-15. sæti.  

Í áttundu og næstsíðustu umferð, sem fram fer á morgun, teflir Hannes við serbneska stórmeistarann Stefan Djuric (2437). 

Efstur með 6 vinninga er serbneski stórmeistarinn Dragan Paunovic (2519).

Alls taka 104 skákmenn í mótinu og þar af 13 stórmeistarar og 8 alþjóðlegir meistarar.  Hannes er þriðji stigahæstur keppenda. 

• Heimasíða mótsins
• Chess-Results

Ponomariov og Nakamura efstir í Donostia

Úkraínumaðurinn Ruslan Ponomariov (2727) og Bandaríkjamaðurinn Hikaru Nakamura (2710) urðu efstir og jafnir á alþjóðlega mótinu í Donostia á Spáni sem lauk í dag.  Þriðji varð Peter Svidler (2739) vinningi á eftir efstu mönnum.  Frammistaða Karpovs (2644) vekur athygli en hann varð neðstur, gerði 3 jafntefli, tapaði 6 skákum og vann aðeins eina skák.

Lokastaðan:

 

Nr.	Nafn	Land	Stig	Vinn.	Rpf.
1.	Ponomariov, Ruslan	UKR	2727	6½	2843
2.	Nakamura, Hikaru	USA	2710	6½	2845
3.	Svidler, Peter	RUS	2739	5½	2755
4.	Kasimdzhanov, Rustam	UZB	2672	5	2726
5.	Vallejo Pons, Francisco	ESP	2693	5	2723
6.	Movsesian, Sergei	SVK	2716	4½	2678
7.	Vachier-Lagrave, Maxime	FRA	2703	4½	2679
8.	Granda Zuniga, Julio E	PER	2647	3½	2606
9.	San Segundo Carrillo, Pablo	ESP	2570	2½	2528
10.	Karpov, Anatoly	RUS	2644	1½	2413

Heimasíða mótsins

Rúnar sigraði á þriðja Sumarmóti Vinnuskólans og Akademíunnar

Þriðja sumarmót Vinnuskólans í Reykjavík og Skákakademíu Reykjavíkur fór fram í gær. Veðrið var ekki alveg eins gott og á undanförnum mótum en sem betur fer braust sólin fram rétt fyrir mótið og hún bætti svo sannarlega upp allhvassan vind sem blés á keppendur. Verra veður hafði þó engin áhrif á þátttökuna því 29 keppendur mættu til leiks og það þrátt fyrir að keppendur frá Vinnuskólanum hafi eingöngu verið þrír talsins.

Tefldar voru fimm umferðir með 7 mín. umhugsunartíma og var keppnisskapið svo sannarlega í lagi því aðeins fjögur jafntefli voru samin í mótinu! Hinn átta ára gamli Sigurður Kjartansson vann fyrstu tvær skákirnar sínar en mætti svo ofjarli sínum í þriðju umferð, Rúnari Berg. Rúnar hélt svo áfram að vera ofjarl annarra keppenda með sigri á Hauki Halldórssyni í fjórðu umferð og fyrir síðustu umferð var hann einn efstur ásamt Jorge Fonseca með fullt hús vinninga. Þeir mættust í síðustu umferð og lauk skákinni með jafntefli. Óvænt í þriðja sæti fyrir síðustu umferð var hinn níu ára gamli Mías Ólafarson með 3,5 vinninga en hann atti kappi við Hauk Halldórsson í síðustu umferð. Skákin var æsi spennandi og var tími Hauks orðinn verulega lítill þegar hann loks náði að snúa á drenginn með laglegri hróksfórn.

Rúnar og Jorge urðu því efstir í mótinu með 4,5 vinninga af 5 mögulegum og samkvæmt hefðinni var þeim gert að útkljá málið á stóra útitaflinu og það með aðeins 10 mín. umhugsunartímann. Sú skák var í jafnvægi lengi vel en þegar að tíminn var tekinn að styttast nokkuð og keppendurnir farnir að ganga ögn hraðar að klukkunni þá náði Rúnar að vinna skiptamun sem dugði honum örugglega til sigurs. Rúnar Berg telst því sigurvegari þriðja sumarmótsins!

Nokkrir keppendur urðu jafnir í þriðja sæti með fjóra vinninga en hæstur þeirra á stigum var Haukur Halldórsson, hinn öflugi liðsmaður Skákfélags Vinjar.

Sigurvegararnir, Rúnar og Jorge, voru verðlaunaðir með gómsætum verðlaunum frá Ísbúðinni á Ingólfstorgi en slík verðlaun hlaut einnig Kristófer Jóel Jóhannesson, sem efnilegasti keppandinn en hann hlaut 3,5 vinninga. Jafn honum að vinningum var svo áðurnefndum Mías Ólafarson en hann var verðlaunaður með pakka af Match Attax fótboltamyndum!

Næsta sumarmót fer fram miðvikudaginn 22.júlí kl.13.00

Hannes sigraði í sjöttu umferði í Malaga

Stórmeistarinn Hannes Hlífar Stefánsson (2580) sigraði spænska FIDE-meistarann Juan Carlos Pardo Perez (2280) í sjöttu umferð opin móts í Malaga á Spáni sem fram fór í dag.   Hannes hefur 4 vinninga og er í 17.-27. sæti.

Í sjöundu umferð, sem fram fer á morgun, teflir Hannes við spænska FIDE-meistarann Juan Manuel Guiterrez Jimenez (2308).  

Efstir með 5 vinninga eru spænski alþjóðlegi meistarinn Jerez Jose Carlos Ibarra (2511) og stórmeistararnir Oleg Korneev (2600), Rússlandi, og Dragan Paunovic (2519), Serbíu.

Alls taka 104 skákmenn í mótinu og þar af 13 stórmeistarar og 8 alþjóðlegir meistarar.  Hannes er þriðji stigahæstur keppenda. 

• Heimasíða mótsins
• Chess-Results