Hraðkvöld hjá Helli

Taflfélagið Hellir heldur hraðkvöld mánudaginn 5. október og hefst mótið kl. 20:00. Tefldar verða 7 umferðir með sjö mínútna umhugsunartíma.  

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Hrannar með jafntefli í þriðju umferð

Hrannar Baldursson (2110) gerði jafntefli við Norðmanninn Tormod Claussen (1651) í þriðju umferð meistaramóts Osló en þeir tefldu á fimmtudag.  Hrannar hefur 1 vinning og er í 9.-10. sæti. 

Nicolai Getz (2263) er efstur með fullt hús en hann sigraði stórmeistarann Leif Erlend Johannessen (2532) í þriðju umferð, annar með 2½ vinning er stórmeistarinn Leif Øgaard (2417) og þriðji er Viggo Guddahl (2073) með 2 vinninga.  

Fjórða umferð fer fram á fimmtudaginn 8. október.  

Alls taka 14 skákmenn þátt í a-flokki og þar á meðal stórmeistararnir Leif Erlend Johannessen (2532) og Leif Øgaard (2417).  Hrannar er áttundi stigahæstur keppenda.

• Heimasíða mótsins
  
• TurneringsService (ekki ósvipað forrit og Chess-Results)

 

 

Carlsen með tveggja vinninga forskot í Nanjing!

Magnus Carlsen (2772) hélt áfram sigurgöngu sinni á Pearl Springs-mótinu sem fram fer í Kína en í dag sigraði hann Aserann Teimor Radjabov (2757).   Í hálfleik, hefur því Carlsen hlotið 4½ vinning í 5 skákum og hefur nú 2ja vinninga forskot á Wang Yue (2736) sem er annar.  Árangur Carlsen samsvarar 3128 skákstigum!  Þess má geta að Kasparov er farinn að aðstoða Carlsen og má sjá þá hér vinna saman á þessari skemmtilegu mynd til hægri.

 

Öðrum skákum lauk með jafntefli. 

Frídagur er á morgun.   

Carlsen er nú kominn í annað sætið á heimslistanum, er 12 stigum á eftir Topalov.

Alls taka sex skákmenn þátt í mótinu og eru meðalstig 2764 skákstig.  Tefld er tvöföld umferð. 

Úrslit 5. umferðar:

Carlsen, Magnus	- Radjabov, Teimour	1-0
Leko, Peter	- Jakovenko, Dmitry	½-½
Topalov, Veselin	- Wang Yue	½-½

Staðan:

• 1. Carlsen (2272) 4½ v.
• 2. Wang Yue (2736) 2½ v.
• 3.-6. Radjabov (2757), Jakovenko (2742), Leko (2762) og Topalov (2813) 2 v.

Tilvalið er fyrir árrisula að fylgjast vel með mótinu en umferðirnar hefjast kl. 7 á morgnana.

• Heimasíða mótsins 
• Skákirnar í beinni

 

Nokkurskonar haustmót í Rauðakrosshúsinu, Borgartúni 25 á mánudag.

Októbermánuði verður fagnað með bravúr á mánudaginn í Borgartúni 25, kl. 13:30, þar sem Skákfélag Vinjar setur upp skákmót.

Hefð er komin á mót þar, fyrsta mánudag hvers mánaðar, og hefur aldeilis vel tekist til þó ýmis önnur starfsemi fari fram í húsinu samtímis. Líf í kofanum og ekki síst við skákborðin.

Tefldar verða sex umferðir með sjö mínútna umhugsunartíma og skákstjórn og dómgæsla er í höndum skáksnillinganna Róberts Lagerman og Hrannars Jónssonar.

Vinningar fyrir þrjú efstu sæti auk þess sem dregnir verða út happadrættisvinningar.

Allt skákáhugafólk hjartanlega velkomið, það kostar ekkert að vera með og alltaf heitt á könnunni. Ath, mótið hefst 13:30.

Nökkvi efstur á Haustmóti TV

Nökkvi Sverrisson er efstur með 3½ vinning að loknum fjórum umferðum á Haustmóti TV en fjórða umferð hófst í gærkveldi.  Enn er nokkuð um frestaðar skákir.  

Úrslit 4. umferðar:

Nafn	Pts	Res.	Pts	Name
Sverrir Unnarsson	3	frestað	2½	Bjorn Ivar Karlsson
Karl Gauti Hjaltason	2½	0 - 1	2½	Nokkvi Sverrisson
Einar Gudlaugsson	2	?	2	Dadi Steinn Jonsson
Kristofer Gautason	2	1 - 0	1½	Valur Marvin Palsson
Robert A Eysteinsson	1½	0 - 1	1½	Stefan Gislason
Olafur Freyr Olafsson	1	frestað	1	Larus Gardar Long
Johann Helgi Gislason	1	o  -   +	1	Nokkvi Dan Ellidason
Johannes T Sigurdsson	1	frestað	0	Sigurdur A Magnusson
David Mar Johannesson	0			Bye

• Heimasíða TV
• Chess-Results

 

Jón Úlfljótsson sigraði á fimmtudagsmóti

Þriðja Grand Prix mót vetrarins fór fram í TR í gær og var þátttaka ágæt, einkum ef miðað er við að fyrri umferð Íslandsmóts skákfélaga fór fram um helgina og að Haustmót TR er í fullum gangi, sem og aukakeppni áskorendaflokks Skákþings Íslands. Tefldar voru sjö umferðir með 7 mínútna umhugsunartíma og eftir æsispennandi og jafna keppni varð Jón Úlfljótsson hlutskarpastur.

Lokastaðan:

• 1.       Jón Úlfljótsson                 5,5
• 2-6.  Helgi Brynjarsson, Kristján Örn Elíasson, Eiríkur K. Björnsson, Unnar Þór Bachmann, Elsa María Kristínardóttir 4,5
• 7 - 8. Jóhannes Lúðvíksson, Guðmundur Lee 4
• 9 - 11. Gunnar Ingibergsson, Ólafur Gauti Ólafsson 3,5
• 12. Finnur Kr. Finnsson 2,5
• 13 - 15. Björgvin Kristbergsson, Bjarni Magnússon, Pétur Jóhannesson 2

Þorsteinn efstur í aukakeppni áskorendaflokks

Báðum skákum 2. umferð aukakeppni áskorendaflokks Íslandsmótsins í skák, sem fram fór í kvöld, lauk með jafntefli.  Jafntefli gerðu félagarnir úr TV, Þorsteinn Þorsteinsson (2286) og Sævar Bjarnason (2171) sem og Stefán Bergsson (2070) og stórmeistarabaninn Jorge Fonseca (2018).   Þorvarður F. Ólafsson (2211) sat yfir.  Þorsteinn er efstur með 1½ vinning og Þorvarður annar með 1 vinning.  Þriðja umferð fer fram næsta fimmtudag.

Úrslit 2. umferðar:

 

Thorsteinsson Thorsteinn	½ - ½	Bjarnason Saevar
Bergsson Stefan	½ - ½	Rodriguez Fonseca Jorge
Olafsson Thorvardur	0	spielfrei

Staðan:

 

Rk.		Name	Rtg	Pts.
1	FM	Thorsteinsson Thorsteinn	2286	1,5
2		Olafsson Thorvardur	2211	1
3	IM	Bjarnason Saevar	2171	0,5
4		Bergsson Stefan	2070	0,5
		Rodriguez Fonseca Jorge	2018	0,5

Þorvarður og Stefán hafa skák til góða á aðra keppendur.  

Röðun 3. umferðar (fimmtudaginn, 8. október kl. 18):

 

Bjarnason Saevar		Bergsson Stefan
Olafsson Thorvardur		Thorsteinsson Thorsteinn
Rodriguez Fonseca Jorge		spielfrei

 

Chess-Results

Haustmót SA hefst 8. október

Haustmót Skákfélags Akureyrar 2009 hefst á fimmtudaginn 8. október kl. 19.30 í húsakynnum Skákfélags Akureyrar í Íþróttahöllinni.  Mótið er eitt af stórmótum vetrarins  í höfuðstað Norðurlands  og er jafnframt meistaramót Skákfélags Akureyrar.

Tímamörk eru: 90 mínútur og það bætist við 30 sek. við hvern leik.

Tefldar verða sjö umferðir eftir monrad kerfi.

Dagskrá:

• Fimmtudagur  8. október kl.19.30         1. umferð.
• Sunnudagur   11.    -        -   13.30       2.   -
• Fimmtudagur 15.   -         -   19.30       3.   -
• Sunnudagur   18.    -          -   13.30      4.   -
• Þriðjudagur   20.    -        -    19.30      5.   -
• Gert verður hlé vegna Íslandsmóts drengja og telpna 24. og 25. okt.
• Þriðjudagur   27.    -         -   19.30      6.   -
• Fimmtudagur 29.   -           -   19.30       7.   -

Veitt verða verðlaun fyrir þrjú efstu sætin.

Keppnisgjald kr. 1800.

Mótið er reiknað til bæði íslenskra og alþjóðlegra stiga.

Mótið er öllum opið.

Haustmót hjá Skákfélagi Akureyrar hófst 1936 og hefur Haustmótið fallið niður þrisvar sinnum  síðan, 1944, 1945 og1952.

Júlíus Bogason hefur oftast orðið skákmeistari Skákfélags Akureyrar 14 sinnum.

Núverandi meistari Skákfélags Akureyrar er Sigurður Arnarson.

Carlsen eykur forystuna í 1½ vinning í Nanjing

Magnus Carlsen (2772) er í miklum ham á Pearl Spring mótinu sem fram fer í Nanjing í Kina.  Í fjórðu umferð, sem fram fór í dag, sigraði  hann Rússann Dmitry Jakovenko (2742).  Carlsen hefur 3½ vinning og hefur 1½ vinnings forskot á næstu menn!  Öðrum skákum lauk með jafntefli. 

Alls taka sex skákmenn þátt í mótinu og eru meðalstig 2764 skákstig.  Tefld er tvöföld umferð. 

Úrslit 4. umferðar:

Wang Yue	- Leko, Peter	½-½
Radjabov, Teimour	- Topalov, Veselin	½-½
Jakovenko, Dmitry	- Carlsen, Magnus	0-1

Staðan:

• 1. Carlsen (2272) 3½ v.
• 2.-3. Wang Yue (2736) og Radjabov (2757) 2 v.
• 4.-6. Jakovenko (2742), Leko (2762) og Topalov (2813) 1½ v.

Tilvalið er fyrir árrisula að fylgjast vel með mótinu en umferðirnar hefjast kl. 7 á morgnana.

• Heimasíða mótsins 
• Skákirnar í beinni

 

Fimmtudagsmót hjá TR í kvöld

Hin hefðbundnu fimmtudagsmót Taflfélags Reykjavíkur halda áfram í kvöld.  Tefldar verða 7 umferðir með 7 mínútna umhugsunartíma og hefst mótið kl. 19.30 en húsið opnar kl. 19.10.  Fríar veitingar í boði og sigurvegarinn fær að launum glæsilegan verðlaunapening.  Teflt er í skákhöll Taflfélags Reykjavíkur að Faxafeni 12 og þátttökugjald er kr 500 en frítt fyrir 15 ára og yngri.