Tómas í Máta

Tómas Hermannsson (2249) hefur gengið til liðs við Taflfélagið Máta en á síðasta ári tefldi Tómas með Bolvíkingum. 

Maze í TV

Franski stórmeistarinn Sebastien Maze (2546) hefur gengið til leiks við Taflfélag Vestmannaeyja úr Taflfélagi Reykjavíkur.

 

Einar í Hauka

Einar Bjarki Valdimarsson (1830) hefur gengið til liðs við Skákdeild Hauka úr Kátu biskupunum. 

Nataf í TV

Franski stórmeistarinn Igor Alexandre Nataf (2529) er genginn til liðs við Taflfélag Vestmannaeyja (TV) eftir nokkurra ára fjarveru en Nataf tefldi síðast fyrir TR. Eyjamenn hafa verið að styrkja lið sitt undanfarð en liðið vann sig upp í 1. deild í vor. Fyrir eru m.a. stórmeistararnir Helgi Ólafsson (2522) og Luis Galego (2435), alþjóðlegu meistararnir Nils Grandelius (2515), Jan Johansson (2437) og Sævar Bjarnason (2171) ásamt Fidemeisturunum Þorsteini Þorsteinssyni (2286) og Tómasi Björnssyni (2163). Nýlega gekk svo Björn Freyr Björnsson (2166) í TV.

Valgarð Ingibergsson í TA

Valgarð Ingibergsson (1905) hefur gengið til liðs Taflfélags Akraness úr Taflfélagi Reykjavíkur.  Valgarð er nú búsettur á Akranesi.

 

Tómas í TV

Nú í vikunni gekk Tómas Björnsson, Vík, yfir í Taflfélag Vestmannaeyja, hann er með 2160 Íslensk stig og á skráðar 943 skákir og því með reyndustu skákmönnum hérlendis.

Eyjamenn bjóða Tómas velkominn í félagið en hann verður öflugur liðsmaður nú þegar félagið leggur kapp á að verða sterkir í 1 deildar keppninni í haust og ekki síður að freista þess að koma B-sveitinni upp í 3 deild.

Heimasíða TV

Stefán til liðs við Bolvíkinga

Alþjóðlegi meistarinn Stefán Kristjánsson (2472) hefur gengið til liðs við Taflfélag Bolungarvíkur en Stefán hefur síðustu ár verið í Taflfélagi Reykjavíkur.

 

 

Þröstur Þórhallsson úr TR

Stórmeistarinn Þröstur Þórhallsson (2442) hefur sagt skilið við Taflfélag Reykjavíkur.  Ekki liggur hvað Þröstur hyggst fyrir.

 

Þrjú jafntefli í Sofíu

Öllum skákum þriðju umferðar Mtel Masters mótsins lauk með jafntefli.  Staðan er því óbreytt.  Wang Yue (2738), Magnus Carlsen (2770) og Alexei Shirov (2745) eru efstir með 2 vinninga.  Ivanchuk (2746) er loks kominn á blað.   

Úrslit 3. umferðar:

Wang Yue	- Shirov, Alexei	½-½	39	D86	Gruenfeld Simagin
Carlsen, Magnus	- Ivanchuk, Vassily	½-½	54	D11	Slav Defence
Topalov, Veselin	- Dominguez Perez, Leinier	½-½	51	B90	Sicilian Najdorf Variation

 

Staðan:

1.	Wang Yue	g	CHN	2738	*	*	.	.	½	.	½	.	.	.	1	.	2	2861
2.	Carlsen, Magnus	g	NOR	2770	.	.	*	*	.	.	½	.	1	.	½	.	2	2883
3.	Shirov, Alexei	g	ESP	2745	½	.	.	.	*	*	.	.	½	.	1	.	2	2890
4.	Dominguez Perez, Leinier	g	CUB	2717	½	.	½	.	.	.	*	*	½	.	.	.	1½	2773
5.	Topalov, Veselin	g	BUL	2812	.	.	0	.	½	.	½	.	*	*	.	.	1	2619
6.	Ivanchuk, Vassily	g	UKR	2746	0	.	½	.	0	.	.	.	.	.	*	*	½	2478

 

Sex skákmenn taka þátt í þessa sterka móti sem er í 21. styrkleikaflokki.  Tefld er tvöföld umferð og teflt er í sérstöku glertjaldi.   Eins og venjulega gilda svokallaðar "Sofíu-reglur", þ.e. ekki er hægt að bjóða jafntefli á hefðbundin hátt heldur þarf að koma jafnteflisboðum í gegnum skákdómara og má aðeins þegar um er að ræða þrátefli, teórískt jafntefli, eða staðan býður ekki upp á neitt annað.  Skákdómari fær ráðgjöf frá hinum viðkunnanlega georgíska stórmeistara Zurab Azmaiparashvili.

Heimasíða mótsins (ritstjóri mælir með því að síðan sé ekki opnuð þar sem hún kunna að innihalda vírus eða trjóuhest.  A.m.k. er síðan ekki talin örugg á vinnustað ritstjóra en þar kemur upp meldingin: "The Websense category "Potentially Damaging Content" is filtered."

Grandelius í TV

Alþjóðlegi meistarinn  (2491) hefur gengið til liðs við TV.  Nils er aðeins 15 ára gamall og er þegar kominn með einn áfanga að stórmeistaratitli. Hann er almennt talinn vera eitt mesta skákmannsefni sem fram hefur komið í Svíþjóð. Hann hefur farið hratt upp stigalista FIDE undanfarið og hækkaði um rúmlega 100 Eló stig á sl. ári.

Hann tefldi m.a. á nýloknu Reykjavíkurskákmóti og fékk þar 6 vinninga sem lyftir honum yfir 2500 stiga múrinn. Þessa dagana tekur hann þátt í Scandinavian Open mótinu þar sem Henrik Danielsen og Björn Þorfinnsson eru meðal þátttakenda. Nils er þar með efstu mönnum með þrjá vinninga eftir fjórar umferðir eftir sigur á stórmeistaranum Stellan Brynell í fjórðu umferð. Nils mun styrkja lið TV verulega í baráttu efstu liða í fyrstu deild, en fyrir eru m.a. stórmeistararnir Helgi Ólafsson og  Luis Galego.