Eiríkur Örn sigraði á fjölmennu TORG-móti Fjölni

Alls mættu 40 grunnskólanemendur á TORG-mót skákdeildar Fjölnis sem haldið var í 3. sinn á Torginu, verslunarmiðstöðinni í Foldahverfi í Grafarvogi.  Eiríkur Örn Brynjarsson Salaskóla vann mótið og sigraði allar sex skákirnar. Næstir í röðinni urðu þeir Páll Andrason Salaskóla og Jón Trausti Harðarson í Rimaskóla með 5 vinninga og Sigríður Björg Helgadóttir í Rimaskóla varð í 4. sæti með 4,5 vinninga.

Þetta er metþátttaka á þessu vinsæla móti og fjölmargir foreldrar og verslunargestir fylgdust með. Jón Karl Ólafsson varaformaður Fjölnis var heiðursgestur mótsins og lék hann fyrsta leikinn fyrir Sigríði Björgu Íslandsmeistara stúlkna. Fyrirtækin Kaupþing, R.S. Blóm, Smíðabær, Höfuðlausnir og Bókabúð Grafarvogs gáfu vinninga. Papínos pizza efndi til pítsuhappadrættis og Foldaskálinn bauð öllum keppendum upp á kók og nammi. Skákstjórar voru þeir Finnur Finnsson og Helgi Árnason. þeir nutu dyggrar aðstoðar foreldra sem fylgdust spenntir með börnunum sínum leika listir sínar í skákinni.

Úrslit efstu manna á Torgmótinu

1. Eiríkur Örn Brynjarsson Salaskóla           6 vinningar
2 - 3.  Páll Andrason Salaskóla og Jón Trausti Harðarson Rimaskóla    5 vinningar
4. Sigríður Björg Helgadóttir Rimaskóla      4,5 vinningar
5-11. Hörður Aron Hauksson Rimaskóla, Dagur Ragnarsson Rimaskóla, Steinar Sigurðarson Húsaskóla,Theodór Ineshu Rimaskóla, Friðrik Gunnar Vignisson Rimaskóla, Sigurður Kalman Oddsson Rimaskóla,og Kristófer Jóhannesson Rimaskóla      4 vinninga
12-14. Stefanía B. Stefánsdóttir Grunnskóla Seltjarnarness, Máni Karl Guðmundsson Rimaskóla og Hilmir Hrafnsson (f. 2001) Borgaskóla  3,5 vinningar

TORG-mót Fjölnis haldið í dag

TORG - mót skákdeildar Fjölnis verður haldið laugardaginn 24. nóvember og hefst kl. 11:00. Mótið er haldið í verslunarmiðstöðinni Torginu Hverafold 1-3 í Grafarvogi (Foldahverfi). Fyrirtækin á Torginu gefa öll verðlaun og Foldaskálinn býður upp á ókeypis veitingar.

Tefldar verða sex umferðir og umhugsunartími er sjö mínútur. Öll grunnskólabörn eru boði velkomin á mótið. Ókeypis þátttaka. Þetta er í þriðja sinn sem þetta vinsæla grunnskólaskákmót fer fram.

HM ungmenna: Hjörvar, Sverrir og Elsa unnu í 6. umferð

Hjörvar Steinn Grétarsson, Sverrir Þorgeirsson og Elsa María Þorfinnsdóttir unnu sínar skákir í sjöttu umferð Heimsmeistaramóts ungmenna sem fram fór í dag í Kemer í Tyrklandi.  Svanberg Már Pálsson og Hallgerður Helga Þorsteinsdóttir gerðu jafntefli en aðrar skákir töpuðust.   Hjörvar og Sverrir hafa 4 vinninga, Dagur Andri Friðgeirsson og Svanberg 3 vinninga en aðrir minna.   

Frídagur er á morgun.   

 

 

 

 

Úrslit íslensku skákmannanna í 6. umferð:

 

Flokkur	Nafn	Stig	Land	Úrslit		Nafn	Stig	Land
St-8	JOHANNASDOTTIR Hildur Berglind		ISL	0 - 1		KIRALAN Gizem	0	TUR
Dr-12	DE FILOMENO Simone	2045	ITA	1 - 0		FRIDGEIRSSON Dagur Andri	1804	ISL
St-12	HAUKSDOTTIR Hrund	0	ISL	0 - 1		KUCHYNKOVA Lucie	0	CZE
Dr-14	GRETARSSON Hjorvar Steinn	2270	ISL	1 - 0		NIJS Nils	2106	BEL
Dr-14	PALSSON Svanberg Mar	1829	ISL	½ - ½		HALVAX Georg	2059	AUT
St-14	RATHNAYAKA MUDIYANSELAGE Jeewant	0	SRI	1 - 0		JOHANNSDOTTIR Johanna Bjorg	1651	ISL
Dr-16	THORGEIRSSON Sverrir	2061	ISL	1 - 0	FM	JORCZIK Julian	2362	GER
St-16	RAHMATOVA Mehrangez	0	TJK	½ - ½		THORSTEINSDOTTIR Hallgerdur	1790	ISL
St-18	THORFINNSDOTTIR Elsa Maria	1724	ISL	1 - 0		SIMSEK Meltem	0	TUR

Vinningafjöldi íslensku skákmannanna:

• Sverrir og Hjörvar Steinn hafa 4 vinninga
• Dagur Andri og Svanberg Már hafa 3 vinninga
• Elsa María hefur 2,5 vinning
• Hallgerður Helga hefur 2 vinninga
• Jóhanna Björg hefur 1,5 vinning
• Hrund og Hildur Berglind hafa 1 vinning.

Vefsíður:

• Heimasíða mótsins
• Bloggsíða Eddu Sveinsdóttur
  
• Færslur Skák.is um HM
• Myndaalbúm frá mótinu

Pistill frá Tyrklandi

Vegna veðurs varð að fresta magadanskennslu um sinn en reyndar er veðrið orðið ágætt í dag núna 5. keppnisdag mótsins.  Dagarnir eru nú komnir í rútínu og er þjálfun skipt þannig að Páll (ég) er með bæði Hrund og Hildi, Bragi er með Svanberg, Elsu og Jóhönnu og Helgi með Hjörvar, Sverri, Hallgerði og Dag Andra.

Dagarnir líða nú þanng að eftir morgunmat taka við sessionir hjá kennurum til uþb. Hádegis þá smá pása og svo matur og svo byrjar skákin kl. 15. (nema í dag þegar þær byrjuðu 10 og 17. (2.skákir).  Veðrið er reyndar búið að vera frábært í dag en hvar svolítið hvasst í gær og rigning og eldingar daginn þar áður.Þegar krakkarnir tínast inn þá er farið yfir skákirnar og svo farið í kvöldmat. Sum tefla reyndar ansi lengi. Hrund vann fyrstu skák sína í 3. umferð þegar Lara Van Niekerk labbaði inn í undirbúning hjá okkur. Hrund gat einnig unnið í 4.umferð en þá tókst henni að missa mann og stöðuna í leiðinni. Hún tapaði svo í morgun en takmarkið er að tefla ensku árásina gegn drekanum á eftir. Sjáum hvernig það gengur.Hildur hefur átt erfitt með að innbyrða vinninga en hefur oft fengið góðar stöður eftir byrjunina. Hún er hins vegar bara 8 ára og á framtíðina fyrir sér. Svanberg tók sig til og vann 2 mjög góðar skákir í röð og var kominn með 2,5 af 4 efstur íslendinga eftir 4 umferð en hann tapaði í morgun gegn sterkum andstæðingi og missti því þá Hjörvar, Dag Andra (vann mjög skemmtilega í dag) og Sverri fram fyrir sig sem unnu allir og eru með 3 vinninga ef ég man rétt. Hjörvar er reyndar búinn að vera veikur allt mótið.

Hallgerður hefur verið að tefla vel en tapaði í morgun en gerði jafntefli í gær og hefur 1,5 vinning. Taflmennskan hjá þeim Elsu og Jóhönnu hefur verið upp og ofan en þær gerðu báðar jafntefli í morgun og Elsa og eru báðar með  1,5.

Ýmislegt er hægt að gera sér hér til dundurs. Fara í sjóinn, Kaupa bækur. Td. Eins og ég keypti fyrir dóttur mína og skákkennslu í barna og unglingakennslu Hauka. „How to Beat your Dad“ eftir Chandler. Ég á þess því líklega ekki langt að bíða að ég verði klossmátaður af fleiri en Svanberg. Ég á þó smá von því ég keypt líka Fundamental Chess Endings og þá er bara að ná endatafli og ekki að sökum að spyrja.Dagurinn var aðeins brotinn upp í gær með borðhaldi þar sem við spreðuðum illilega í 4 rétta máltíð fyrir 3 evrur á mann.  Annað sem við höfum fallið fyrir hér er rakstur þar sem maður er smurður og rakaður upp á gamla mátann og þar að auki brenndur  og sviðinn í bókstaflegri merkingu, og nuddaður þar að auki. Allt fyrir 17 evrur sem þætti víst ekki mikið heima á fróni.

Framundan er frídagur og er ætlunin að fara í bæinn, Hjörvar verður reyndar kyrr til að ná sér af flensunni. Við Helgi leitum að golfvelli.

Að lokum má nefna að fleiri myndir bætast við í myndasíðuna núna á eftir.

Páll Sigurðsson 

 

HM ungmenna: Hjörvar, Dagur og Sverrir unnu í 5. umferð

Hjörvar Steinn Grétarsson, Dagur Andri Friðgeirsson og Sverrir Þorgeirsson unnu sínar skákir í 5. umferð Heimsmeistaramóts ungmenna sem fram fór í dag í Kemer í Tyrklandi.  Jóhanna Björg Jóhannsdóttir og Elsa María Þorfinnsdóttir gerðu jafntefli, Hildur Berglind Jóhannsdóttir sat yfir og fékk fyrir það vinning.  Aðrir töpuðu. 

Vinningafjöldi íslensku skákmannanna:

• Sverrir, Hjörvar Steinn og Dagur Andri hafa 3 vinninga
• Svanberg Már hefur 2,5 vinning
• Hallgerður Helga,Elsa María og Jóhanna Björg hafa 1,5 vinning
• Hrund ogHildur Berglind hafa 1 vinning.

Vefsíður:

• Heimasíða mótsins
• Bloggsíða Eddu Sveinsdóttur
  
• Færslur Skák.is um HM
• Myndaalbúm frá mótinu

HM ungmenna: Svanberg og Sverrir unnu í fjórðu umferð

Sverrir Þorgeirsson og Svanberg Már Pálsson unnu sínar skákir í fjórðu umferð Heimsmeistaramóts ungmenna sem fram fór í dag í Kemer í Tyrklandi.   Hjörvar Steinn Grétarsson gerði jafntefli en aðrar skákir töpuðust.  Svanberg Már Pálsson hefur flesta vinninga íslensku skákmannanna eða 2,5 vinning.   Sverrir, Hjörvar og Dagur Andri Friðgeirsson hafa 2 vinninga.    

Tvær umferðir fara fram á morgun.   

 

 

Úrslit 4. umferðar:

 

Flokkur		Nafn	Stig	Land	Úrslit	Nafn	Stig	Land
St-8		MUTLU Beste	0	TUR	1 - 0	JOHANNASDOTTIR Hildur Berglind	0	ISL
Dr-12	FM	CHUA XING-JIAN Graham	2065	SIN	1 - 0	FRIDGEIRSSON Dagur Andri	1804	ISL
St-12		HAUKSDOTTIR Hrund	0	ISL	0 - 1	SOYOLERDENE Gundegmaa	0	MGL
Dr-14		GRETARSSON Hjorvar Steinn	2270	ISL	½ - ½	SARIYEV Riad	1975	AZE
Dr-14		BASSAN Remo	2041	VEN	0 - 1	PALSSON Svanberg Mar	1829	ISL
St-14		NLV Anusha	2010	IND	1 - 0	JOHANNSDOTTIR Johanna Bjorg	1651	ISL
Dr-16		THORGEIRSSON Sverrir	2061	ISL	1 - 0	AL-AJJI Abdulaziz	0	QAT
St-16		THORSTEINSDOTTIR Hallgerdur	1790	ISL	0 - 1	BRAGGAAR Leonore	1992	NED
St-18		THORFINNSDOTTIR Elsa Maria	1724	ISL	0 - 1	VAHTRA Tuuli	2003	EST

 

Vinningafjöldi íslensku skákmannanna:

• Svanberg Már hefur 2,5 vinning
• Sverrir, Hjörvar Steinn og Dagur Andri hafa 2 vinninga
• Hallgerður Helga hefur 1,5 vinning
• Elsa María, Jóhanna Björg og Hrund hafa 1 vinning
• Hildur Berglind hefur 0 vinninga. 

Vefsíður:

• Heimasíða mótsins
• Bloggsíða Eddu Sveinsdóttur
  
• Færslur Skák.is um HM
• Myndaalbúm frá mótinu

HM ungmenna: Dagur, Hrund og Svanberg sigruðu í 3. umferð

Dagur Andri Friðgeirsson, Hrund Hauksdóttir og Svanberg Már Pálsson unnu sínar skákir í 3. umferð Heimsmeistaramóts ungmenna sem fram fór í Kemer í Tyrklandi í dag.  Hjörvar Steinn Grétarsson og Hallgerður Helga Þorsteinsdóttir gerðu jafntefli en aðrir töpuðu.  Dagur Andri hefur 2 vinninga, Hjörvar, Svanberg og Hallgerður hafa 1,5 vinning.

 

 

 

 

 

 

Úrslit 3. umferðar:
 

Flokkur		Nafn	Stig	Land	Úrslit	Nafn	Stig	Land
St-8		JOHANNASDOTTIR Hildur Berglind	0	ISL	0 - 1	ALPER Hilal	0	TUR
Dr-12		FRIDGEIRSSON Dagur Andri	1804	ISL	1 - 0	TYUTYUNNIKOV Kirill	0	RUS
St-12		VAN NIEKERK Lara	0	RSA	0 - 1	HAUKSDOTTIR Hrund	0	ISL
Dr-14		ANDREEV Sasho	1983	BUL	½ - ½	GRETARSSON Hjorvar Steinn	2270	ISL
Dr-14		VIRGUS Andrei	0	EST	0 - 1	PALSSON Svanberg Mar	1829	ISL
St-14		JOHANNSDOTTIR Johanna Bjorg	1651	ISL	0 - 1	JALABADZE Natia	1995	GEO
Dr-16	FM	NITIN S	2321	IND	1 - 0	THORGEIRSSON Sverrir	2061	ISL
St-16		HAN WONG Ingrid	2006	VEN	½ - ½	THORSTEINSDOTTIR Hallgerdur	1790	ISL
St-18		GOSCINIAK Maria	2026	POL	1 - 0	THORFINNSDOTTIR Elsa Maria	1724	ISL

Vinningafjöldi íslensku skákmannanna:

• Dagur Andri hefur 2 vinninga
• Hallgerður Helga, Hjörvar Steinn og Svanberg Már hafa 1,5 vinning
• Elsa María, Sverrir, Jóhanna Björg og Hrund hafa 1 vinning
• Hildur Berglind hefur 0 vinninga. 

Vefsíður:

• Heimasíða mótsins
• Bloggsíða Eddu Sveinsdóttur
  
• Færslur Skák.is um HM
• Myndaalbúm frá mótinu

Pistill nr. 2 frá Tyrklandi.

Jæja dagurinn í gær endaði ekki sérlega vel því aðeins komu 3 vinningar í hús en þau Hjörvar, Dagur Andri og sérstaklega Hallgerður unnu sæta sigra. Hin máttu öll sætta sig við töp. Góðu fréttirnar voru þó þær að um kvöldið fengum við loks almennileg herbergi  og er Edda búin að standa sig eins og hetja í hagsmunagæslu fyrir okkur hvað það varðar. Þangað til að Bragi kemur á staðinn þá koma þau Elsa, Svanberg, Hrund og Hildur til mín en til Helga fara þau Hjörvar, Hallgerður, Sverrir, Jóhanna og Dagur. Og ljóst að eftir fyrsta dag er baráttan milli okkar þjálfara heldur hallandi á annan þjálfarann. Ég útskýri það þó með þeirri einföldu staðreynd að krakkar hjá mér eru færri. Skákirnar hjá krökkunum hjá mér voru flestar þokkalega tefldar amk. Framan af.Maturinn hér er fínn, veðrið mestan part líka en þó var töluverð rigning líka í gær. Fólk gekk fremur snemma til náða amk. Flestir og allir voru mættir í morgunmat fyrir kl. 10 í morgun. Krakkanir komu svo til Helga og mín frá kl. 9.30 og voru amk. Hjá mér í klukkutíma í senn. Á meðan var úti sól og blíða.Hádegismatur var tekinn í stuttan tíma og svo haldið áfram með þjálfun, en Elsa var síðust hjá mér í dag. Og síðan farið að tefla.

Vegna skvaldurs í foreldrum fyrsta daginn þá var engum hleypt inn á skákstað hvorki foreldrum né þjálfurum nema Helga Ól sem gegnir stöðu Captain fyrir liðið. Og reyndar Kapteinum hjá öðrum þjóðum. Ég fæ heldur ekki aðgang. Spurning hvort hægt er að komast fram hjá því á einhvern hátt. Annað hvort sem þá blaðamaður eða skákstjóri.

Nú skemst frá því að segja að Hrund missti af peðsvinningi en fékk í staðinn mjög leiðinlega biskupa sem gerðu baggamunin í lokin. Svanberg gerði bara jafntefli gegn stigalausum en reyndar ágætum strák frá landi Borats og félaga (Kannski Bragi Þorfinnson viti eitthvað um hann) . Hildur tapaði leiðinlega en hún rak höndina utan í kall og felldi hann þegar hún var að fara leika öðrum manni og enginn skildi hana þegar hún var að reyna að útskýra það þegar andstæðingurinn heimtaði snertann. Þegar maður er bara 8 ára og skilur engann í nánd, þá er skiljanlegt að maður geti ekki staðið  100% á reglum.  En hún gleymdi skorblaðinu á skákstað þannig að ég sé ekki stöðuna fyrr en hún kemur í mótsblaðinu á morgun. Elsa gerði sér svo lítið fyrir og vann sína skák og það nokkuð örugglega og endaði 3 köllum yfir í lokastöðunni .

Ég veit minna um skákirnar hjá hinum krökkunum en Jóhanna vann góðan sigur og Sverrir átti mjög náðungan dag því hann bókstaflega rúllaði upp andstæðingi sínum . Hjörvar, Hallgerður og Dagur Andri lentu hins vegar öll í beyglu og töpuðu. Hallgerður fyrir dóttur sjálfs Jússupofs eða hvernig sem það er skrifað. 3,5 vinningur í hús og við á uppleið.

Eftir skákirnar og yfirferð á þeim var svo farið í mat og undirbúningur undir komu Braga Kristjáns sem reyndar missti af flugvél í kvöld í Istanbúl vegna þess að þeir voru að rugla með brottfararhlið, þannig að hann lendir ekki í Antalya fyrr en rúmlega 1 í nótt.

Pörun liggur fyrir í sumum flokkum  en amk. Mætir Svanberg Andrei Virging frá Eistlandi sem er stigalaus,  Hrund fær suður Afríkustúlku sem heitir Lara Van Niekerk og Hrund fær Tyrkneska stúlku sem heitir Hilal Alper. Pörunin er víst komin á netið á fær Elsa svart á pólsku stúlkuna GOSCINIAK Maria sem hefur 2026 skákstig. Sverirr fær indverksan fide meistara, Jóhanna fær hvítt á stúlku frá Georgíu sem er með um 2000 stig. Hjörvar fær Búlgara einnig með tæp 2000 stig og Dagur Andri fær stigalausan rússa með nafn sem ekki er hægt að bera fram.Jæja þá er bara að búa sig undir komu Braga og undirbúa sig fyrir magadanskennslu morgundagsins með stelpunum meðan krakkarnir eru að tefla.  Læt þetta duga í bili.

Skák og mát frá Tyrklandi.

Páll Sigurðsson

HM ungmenna: Hjörvar, Hallgerður og Dagur unnu í fyrstu umferð

Hjörvar Steinn Grétarsson, Hallgerður Helga Þorsteinsdóttir og Dagur Andri Friðgeirsson unnu sínar skákir í fyrstu umferð Heimsmeistaramóts ungmenna sem fram fór í Kemer í Tyrklandi í dag.  Hinir íslensku skákmennirnir töpuðu.   Hallgerður Helga gerði sér lítið fyrir og sigraði bandarísku stúlkuna Alisa Melekhina (2208) sem er FIDE-meistari kvenna og sjöundi stigahæsti keppandi flokksins.

 

 

 

 

 

Úrslit 1. umferðar:

 

18	WFM	DAVLETBAYEVA Madina	2165	KAZ	1 - 0		THORFINNSDOTTIR Elsa Maria	1724	ISL
16	WFM	MELEKHINA Alisa	2208	USA	0 - 1		THORSTEINSDOTTIR Hallgerdur	1790	ISL
16		THORGEIRSSON Sverrir	2061	ISL	0 - 1	FM	PEREIRA Ruben	2401	POR
14		JOHANNSDOTTIR Johanna Bjorg	1651	ISL	0 - 1		ADAMOWICZ Katarzyna	2034	POL
14		SAMARAKONE U L	1927	SRI	0 - 1		GRETARSSON Hjorvar Steinn	2270	ISL
14		PASCUA Haridas	2177	PHI	1 - 0		PALSSON Svanberg Mar	1829	ISL
12	WFM	SAMIGULLINA Diana	2065	RUS	1 - 0		HAUKSDOTTIR Hrund	0	ISL
12		FRIDGEIRSSON Dagur Andri	1804	ISL	1 - 0		TSENG Woei Haw	0	TPE
8		JOHANNASDOTTIR Hildur Berglind	0	ISL	0 - 1		ULUSOY Nisan	0	TUR

• Heimasíða mótsins
• Bloggsíða Eddu Sveinsdóttar 

HM ungmenna: Fyrsti pistill fararstjóra

Dagurinn hófst snemma í gær hjá keppendum enda þurftu allir að vera mættir út á flugvöll um kl. 6 um morguninn. Það þýddi að fólk var vaknað um kl. 4 um nóttina og sumir reyndar sváfu ekkert nóttina áður. Það var því þreyttur hópur sem kom á skákstað rétt fyrir kl. 23 í gærkvöldi eftir flug gegnum Noreg og rúmlega klukkutíma rútuferð.

Þegar á skákstað var komið og skráningin búin þá var orðið ljóst að vistarverurnar voru ekki allar upp á marga fiska og því farið strax í að kvarta. Og leysist vonandi úr þessu síðar í kvöld. A.m.k. fengum við loforð um slíkt. Aðstæður til þjálfunar er t.d. afskaplega lítil enda ekki borð í herbergjunum.

Annars eru keppniaðstæður hér að mér sýnist ágætar en teflt er í 4-5 sölum þar sem 2 salir eru langstærstir. Jóhanna og Elsa eru í sölum sem eru minni. Beinar útsendingar eru bara á allra efstu borðum 2-5 eftir aldri krakkana í hverjum flokki.

Foreldrum og þjálfurum er bannað að vera í skáksal nema fyrstu 10 mínúturnar. Og þurfum við því bara að bíða eftir krökkunum.

3 af krökkunum þau Hildur, Hrund og Dagur Andri hafa ekki áður farið á heimsmeistaramót og því viðbrigðin væntanlega töluverð. Krakkarnir hittu þjálfara sína kl. 14 til að fara yfir hugsanlega andstæðinga þrátt fyrir að pörun lægi ekki fyrir en við gátum séð hvað andstæðingarnir voru hugsanlega sterkir. Annars var bara farið í praktík.

Andstæðingar íslensku keppendana eru af öllum styrkleika og mörgum þjóðernum en Sverrir Þorgeirsson fær erfiðasta prógrammið af krökkunum því andstæðingur hans hefur 2401 skákstig eða styrkleika alþjóðlegs meistara. Hrund Hauksdóttir keppir hins vegar á hæsta borðinu eða því 3.

 

27	27		JOHANNASDOTTIR Hildur Berglind			0		ISL		0		0	ULUSOY Nisan	0	TUR	63
3	3	WFM	SAMIGULLINA Diana	2065	RUS	0		0		HAUKSDOTTIR Hrund				0	ISL	65
66	67		FRIDGEIRSSON Dagur Andri	1804	ISL	0		0		TSENG Woei Haw				0	TPE	147
14	90		SAMARAKONE U L	1927	SRI	0		0		GRETARSSON Hjorvar Steinn				2270	ISL	14
27	27		PASCUA Haridas	2177	PHI	0		0		PALSSON Svanberg Mar				1829	ISL	103
14	69		JOHANNSDOTTIR Johanna Bjorg	1651	ISL	0		0		ADAMOWICZ Katarzyna				2034	POL	14
9	71		THORGEIRSSON Sverrir	2061	ISL	0		0	FM	PEREIRA Ruben				2401	POR	9
16	16	WFM	DAVLETBAYEVA Madina	2165	KAZ	0		0		THORFINNSDOTTIR Elsa Maria				1724	ISL	55
7	7	WFM	MELEKHINA Alisa	2208	USA	0		0		THORSTEINSDOTTIR Hallgerdur				1790	ISL	60

Páll Sigurðsson

• Heimasíða mótsins
• Bloggsíða Eddu Sveinsdóttar