Jóhanna Björg og Hrund Íslandsmeistarar stúlkna

Jóhanna Björg Jóhannsdóttir varð í dag Íslandsmeistara stúlkna í eldri flokki (fæddar 1993-95) og Hrund Hauksdóttir í yngri flokki (1996 og síðar).  Mótið fór fram í Salaskóla.

 

 

 

Röð efstu stúlkna í eldri flokki (1993-95):

1. Jóhanna B Jóhannsdóttir 8 v. af 8
2. Unnur Ýr Ólafsdóttir
3. Gunnhildur Ásmundsdóttir

Jóhanna fékk verðlaun efst fædd 1993 og Unnur 1995.

Röð efstu stúlkna í eldri flokki (1996 og síðar):

1. Hrund Hauksdóttir 7 v. af 8
2. Hildur Berglind Jóhannsdóttir 6 v.
3. Ásta Sóley Júlíusdóttir 5 v.

Einnig fengu 5 vinninga Sonja María Friðriksdóttir, Sóley Lind Pálsdóttir og Veronkia Steinunn Magnúsdóttir.

 

Aldursverðlaun:

• Efst fædd 2000 Sólrún Elín Freygarðsdóttir TR
• Efst fædd 1999 Hildur Berglind Jóhannsdóttir Helli
• Efst fædd 1998 Ásta Sóley Júlíusdóttir
• Efst Fædd 1997 Erna María Svavarsdóttir
• Efst fædd 1996 Hrund Hauksdóttir

Síðan voru 2 stúlkur sem unnu til námskeiðs í Skákskóla íslands.

Chess-Results

Tinna Kristín og Sigríður Björg í 2. og 3. sæti á Noregsmóti stúlkna

Stúlknameistaramótinu í skák er lokið en það var haldið í Frosta í Noregi dagana 6.- 8. febrúar.  Þeim Tinnu Kristínu Finnbogadóttur og Sigríði Björgu Helgadóttir var boðið að  tefla í elsta flokki og þær stóðu sig mjög vel á mótinu. Tinna Kristín varð í 2. sæti með 4 vinninga af 6 og Sigríður Björg í 3. sæti með 3,5 vinninga.

Í næstsíðustu umferðinni unnu þær báðar sína andstæðinga og gerðu svo innbyrðis jafntefli í síðustu umferðinni. Það var Katarine Tjölsen sem varð Noregsmeistari þriðja árið í röð. Hún vann allar sínar skakir nokkuð örugglega.

Noregsmót stúlkna

Salaskóli sigraði á Íslandsmóti grunnskólasveita í stúlknaflokki

Alls mættu 10 sveitir til leiks sem er nýtt þátttökumet og má með sanni segja að hart hafi verið barist en gleðin aldrei langt undan. Lengst að komnar voru stúlkurnar í Grunnskóla Vestmannaeyja en skólinn sendi tvær öflugar sveitir til leiks sem er aðdáunarvert framtak.

Upphaflega átti að tefla sjö umferðir með 15 mínúnta umhugsunartíma en í ljósi þátttökunnar var ákveðið að tefla níu umferðir, allir við alla, og stytta umhugsunartímann í 10 mínútur.

Spennan var mikil undir lokin og í síðustu umferð mættust tvær efstu sveitirnar, Salaskóli A-sveit sem var með 29 vinninga og Hjallaskóli A-sveit sem var með 28,5 vinninga. Þar að auki mættust Rimaskóli A-sveit, sem var í þriðja sæti með 26 vinninga og Grunnskóli Vestmannaeyja, sem var í fjórða sæti með 24 vinninga, innbyrðis í síðustu umferð.

Eftir harða baráttu tókst Salaskóla að innbyrða sigur með minnsta mun, 2,5 - 1,5 og tryggja sér þar með sigurinn í mótinu en Hjallaskóli varð að sætta sig við silfrið. Rimaskóli hafði svo betur í baráttunni um bronsið og vann Grunnskóla Vestmannaeyja 3-1.

Sigur Salaskóla var verðskuldaður með hinar öflugu systur, Jóhönnu Björg og Hildi Berglindi í broddi fylkingar.  Það var virkilega ánægjulegt að sjá hvað efstu sveitirnar voru jafnar í getu enda skilaði það sér í afar skemmtilegu og spennandi móti, ein skák til eða frá hefði getað kolvarpað lokaröð efstu sveita.  Það er því ástæða til bjartsýni varðandi framtíð þessa móts - það á eftir að vaxa og dafna.

Röð efstu sveita:

1.       Salaskóli A-sveit - 31,5 vinningar

2.       Hjallaskóli A-sveit - 30 vinningar

3.       Rimaskóli A-sveit - 29 vinningar

4.       Grunnskóli Vestmannaeyja A-sveit - 25 vinningar

5.       Hólabrekkuskóli - 18 vinningar

6-8. Salaskóli b-sveit, Grunnskóli Vestmannaeyja b-sveit og Rimaskóli b-sveit

9. Hjallaskóli b-sveit

10. Salaskóli c-sveit

 

Skáksveit Salaskóla:

1. Jóhanna Björg Jóhannsdóttir
2. Hildur Berglind Jóhannsdóttir
3. borð Guðbjörg Lilja Svavarsdóttir
4. borð Erna María Svavarsdóttir

 

 

Borðaverðlaun:

1.borð: Hrund Hauksdóttir, Rimaskóla A - 9 vinningar af 9.

2.borð: Hildur Berglind Jóhannsdóttir, Salaskóla A - 8,5 vinningar.

                Ásta Sóley Júlíusdóttir, Hjallaskóli A - 8,5 vinningar.

3.borð: Arna Þyrí Ólafsdóttir, Grunnskóla Vestmannaeyja A - 8,5 vinningar.

4.borð: Ingibjörg Ásbjörnsdóttir, Rimaskóla A - 9 vinningar.

Íslandsmót stúlkna fer fram í dag

Íslandsmót stúlkna 2009 - einstaklingskeppni fyrir stúlkur á grunnskólaaldri fer fram sunnudaginn 8. febrúar nk. í Salaskóla, Kópavogi og hefst kl. 13.00.

Teflt verður í tveimur flokkum:

• Fæddar 1993-1995
• Fæddar 1996 og síðar.

Tefldar verða 15 mín. skákir - umferðafjöldi fer eftir fjölda þátttakenda.

Veitt verða verðlaun í hverjum aldursflokki.

Tinna Kristín í 2.-5. sæti

Að loknum 4 umferðum er Sigríður Björg með 2 vinninga og Tinna Kristín 2,5. á Noregsmóti stúlkna sem fram fer í Frosta í Noregi.  Í 2. umferð mætti Sigríður Björg hinni sterku Katrine Toljsen (2090) og tapaði, vann síðan Raksha Rathan og tapaði í 4. umferð fyrir Herborg Hansen (1842).

Í 2. umferð vann Tinna Kjerst S. Holmaas í 19 leikjum, í 3. umferð vann hún Anita Bratbak og í 4 umferð tapaði hún fyrir Katrine Toljsen.

Þegar 2 umferðir eru eftir er Katrine Toljsen efst með 4 vinninga. Herborg Hansen, Tinna Kristín, Evy Færevaag og Elise Forso með 2,5 og Sigríður og Anita Bratbak með 2. Aðrar eru með minna.

Í 5. umferð hefur Sigríður Björg hvítt á móti Evy Færevaag og Tinna Kristín hefur svart á móti Herborgu Hansen.

Noregsmót stúlkna

Sigríður Björg vann í fyrstu umferð norska stúlknaskákmótsins

Þær Sigríður Björg Helgadóttir og Tinna Kristín Finnbogadóttir taka þátt í norska stúlknameistaramótinu nú um helgina. Mótið er að þessu sinni haldið í smábænum Frosta í Þrændarlögum á söguslóðum Íslendinga-og konungasagna. Stúlkurnar tefla í elsta flokki, "ungdom"  (1983-1992) Í fyrstu umferðinni vann Sigríður Björg Elise Forså (1746) og Tinna Kristín gerði jafntefli við Raksha Rankha. Teflt  er í grunnskólanum í Frosta og á morgun verður strangur dagur þar sem tefldar verða þrjár umferðir þann daginn.

Noregsmót stúlkna

Íslandsmót grunnskólasveita - stúlknaflokkur fer fram í dag

Íslandsmót grunnskólasveita 2009 - stúlknaflokkur fer fram laugardaginn 7. febrúar nk. í Salaskóla, Kópavogi.

Hver skóli má senda fleiri en eina sveit.  Hver sveit er skipuð fjórum keppendum (auk varamanna).  Mótið hefst kl. 14.00 og tefldar verða 7 umferðir, 2 x 15 mín. eftir Monrad-kerfi.  Skráning fer fram á skrifstofu S.Í. sími 568 9141 kl. 10-13 virka daga og í tölvupósti:  [e-mail]

Íslandsmót grunnskólasveita 2009 - stúlknaflokkur

Íslandsmót grunnskólasveita 2009 - stúlknaflokkur fer fram laugardaginn 7. febrúar nk. í Salaskóla, Kópavogi.

Hver skóli má senda fleiri en eina sveit.  Hver sveit er skipuð fjórum keppendum (auk varamanna).  Mótið hefst kl. 14.00 og tefldar verða 7 umferðir, 2 x 15 mín. eftir Monrad-kerfi.  Skráning fer fram á skrifstofu S.Í. sími 568 9141 kl. 10-13 virka daga og í tölvupósti:  [e-mail]

Íslandsmót stúlkna 2009 - einstaklingskeppn

Íslandsmót stúlkna 2009 - einstaklingskeppni fyrir stúlkur á grunnskólaaldri fer fram sunnudaginn 8. febrúar nk. í Salaskóla, Kópavogi og hefst kl. 13.00.

Teflt verður í tveimur flokkum:

• Fæddar 1993-1995
• Fæddar 1996 og síðar.

Tefldar verða 15 mín. skákir - umferðafjöldi fer eftir fjölda þátttakenda.

Veitt verða verðlaun í hverjum aldursflokki.

Íslandsmót grunnskólasveita 2009 - stúlknaflokkur

Íslandsmót grunnskólasveita 2009 - stúlknaflokkur fer fram laugardaginn 7. febrúar nk. í Salaskóla, Kópavogi.

Hver skóli má senda fleiri en eina sveit.  Hver sveit er skipuð fjórum keppendum (auk varamanna).  Mótið hefst kl. 14.00 og tefldar verða 7 umferðir, 2 x 15 mín. eftir Monrad-kerfi.  Skráning fer fram á skrifstofu S.Í. sími 568 9141 kl. 10-13 virka daga og í tölvupósti:  [e-mail]