NM í skólaskák: Gott gengi í fimmtu umferð

Vel gekk í fimmtu og næstsíðustu umferð NM í skólaskák sem fram fór í morgun í Vesterås í Svíþjóð og kom 6,5 vinningur í hús.    Daði Ómarsson, Hjörvar Steinn Grétarsson, Friðrik Þjálfi Stefánsson, Jón Trausti Harðarson og Jón Kristinn Þorgeirsson unnu en Sverrir Þorgeirsson, Patrekur Maron Magnússon og Dagur Andri Friðgeirsson gerðu jafntefli.   Hjörvar er efstur íslensku krakkanna, er í 2. sæti með 4 vinninga en Sverrir og Jón Kristinn hafa 3 vinninga.  Sverrir er í 2.-5. sæti.  Íslendingar eru í 3. sæti í landskeppninni með 27,5 vinning.  Norðmenn eru efstir með 29,5 vinning og Finnar eru aðrir með 28,5 vinning. 

Úrslit í viðureignum íslensku skákmannanna:

A flokkur 1990-92
Daði Ómarsson ÍSL - Kim Räisänen FIN 1 - 0.
Vegar Koi Gandrud NOR - Sverrir Þorgeirsson ÍSL 1/2 - 1/2.

Sverrir hefur 3 vinninga og er í 2.-5. sæti og Daði hefur 2,5 vinning og er í 6.-8. sæti.

 

B-flokkur 1993-94
Pål Andreas Hansen NOR - Hjörvar Steinn Grétarsson ÍSL 0 - 1.
Patrekur Maron Magnússon ÍSL - Mads Hansen DAN 1/2 - 1/2.

Hjörvar hefur 4 vinninga og er í 2. sæti en Patrekur hefur 2,5 vinning og er í 5.-9. sæti.

 

C flokkur 1995-96
Peter Jordt DAN - Friðrik Þálfi Stefánsson ÍSL 0 - 1.
Heðin Gregersen FÆR - Dagur Andri Friðgeirsson ÍSL 1/2 - 1/2.

Dagur Andri og Friðrik Þjálfi hafa 2,5 vinning og eru í 6.-7. sæti.

 

D flokkur 1997-98
Kristófer Gautason ÍSL - Egor Norlin SVÍ 0 - 1.
Jere Lindholm FIN - Jón Trausti Harðarson ÍSL 0 - 1.

Jón Trausti og Kristófer hafa 2,5 vinning og eru í 6.-8. sæti.

 

E flokkur 1999 og yngri
Jón Kristinn Þorgeirsson ÍSL - Róbert Aron Eysteinsson ÍSL 1 - 0.

Jón Kristinn hefur 3 vinninga og er í 4.-5. sæti og Róbert Aron hefur 2,5 vinning og er í 6.-9. sæti.

 

Það er komin prýðileg heimasíða upp fyrir mótið þar sem hægt er að finna úrslit, stöðu, myndir og fleira auk þess sem Karl Gauti, faðir Kristófers, er fyrstur með fréttirnir en hann uppfærir úrslit íslensku krakkana reglulega á heimasíðu TV og kann ritstjóri honum bestu þakkir fyrir.

 

• Heimasíða mótsins
• Heimasíða sænska sambandsins
• Heimasíða TV
• Heimasíða danska unglingasambandsins (pistlar frá danska liðsstjóranum - myndir)
• Keppendalistinn

Metrómót Fjölnis fer fram í dag

Skákdeild Fjölnis býður grunnskólanemendum upp á að taka þátt í Metrómótinu á morgun laugardag, 20. febrúar kl. 11.00 - 12:30.  Þátttaka er ókeypis. Lyst hf gefur alla vinninga á mótið, gjafabréf á
hamborgarastaðinn Metró (áður McDonalds) og nammipoka. Skráning á staðnum. Keppendur eru beðnir um að koma tímanlega á mótsstað ti skráningar en teflt verður í Rimaskóla, gengið inn um íþróttahús.

Tveir efstu í barnaskólaflokki vinna  sér sæti á Reykjavík barnablitz 2010 sem fram fer í Ráðhúsi Reykjavíkur sunnudaginn 28. febrúar í tengslum við alþjóðlega Reykjavíkurskákmótið.
Öllum skákkrökkum á grunnskólaaldri er velkomið að taka þátt í stuttu en skemmtilegu Metróskákmóti. Sex umferðir, sex mínútur í umhugsun.

Reykjavík - Barnablitz 2010 - Undanrásir hefjast í dag

Reykjavík - Barnablitz 2010 verður haldið í Ráðhúsi Reykjavíkur sunnudaginn 28. febrúar á vegum Skákakademíu Reykjavíkur. Mótið er ætlað skákmönnum fæddum 1997 og síðar. Mótsfyrirkomulag verður þannig að allir tefla við alla í tveimur átta manna riðlum og tefla svo sigurvegarar riðlanna um sigur í mótinu. Þeir sem lenda í öðru sæti í riðlunum tefla um bronsið. Til þess að öðlast þátttökurétt þarf að verða í tveimur af efstu sætum á einhverju af eftirtöldu:

 

Metrómót Fjölnis               20. febrúar  11:00      Rimaskóli

Laugardagsæfing TR       20. febrúar  14:00      Faxafen 12

Skákæfing Hellis               22. febrúar  17:15      Álfabakki 14 a Mjóddin

Skákæfing KR                   24. febrúar  17:30     Frostaskjól

 

Hægt er að reyna við tvö efstu sætin á öllu þessu. Ef einhver sem hefur unnið sér þátttökurétt lendir í tveimur af efstu sætum annarrar æfingar veitir 3. sætið á þeirri æfingu þátttökurétt o.s.frv.

 

Samtals munu átta skákmenn vinna sér inn þátttökurétt á þessum æfingum. Að auki verður átta ungum skáksnillingum sérstaklega boðið í mótið. Taflið hefst um 12:30 og í kjölfar þess hefst 6. umferð Reykjavik Open. Vegleg verðlaun verða í boði á Reykjavik - Barnablitz 2010.

 

NM í skólaskák: Hjörvar, Patrekur Maron, Kristófer og Róbert Aron unnu í 3. umferð

vinningur kom í hús í 4. umferð NM í skólaskák sem fram fór í dag í Vesterås í Svíþjóð.  Hellismennirnir í b-flokki Hjörvar Steinn Grétarsson og Patrekur Maron Magnússon og Eyjamennirnir Kristófer Gautason og Róbert Aron Eysteinsson unnu, Sverrir Þorgeirsson gerði jafntelfi en aðrir töpuðu.  Hjörvar er efstur íslensku krakkanna en hann hefur 3 vinninga og er í 2. sæti í b-flokki.  Sverrir, Kristófer og Róbert Aron hafa 2,5 vinning í sínum flokkum.

Úrslit í viðureignum íslensku skákmannanna:

A flokkur 1990-92
Simon Hänninger SVÍ - Daði Ómarsson ÍSL  ½ – ½
Nicolai Getz NOR - Sverrir Þorgeirsson ÍSL   1-0

Sverrir hefur 2,5 vinning og er í 4. sæti og Daði hefur 1,5 vinning og er í 8.-10. sæti.

B-flokkur 1993-94
Hjörvar Steinn Grétarsson ÍSL - Pål Andreas Hansen NOR   1 - 0.
Heiðrekur Tindskarð Jacobsen FÆR - Patrekur Maron Magnússon ÍSL  0-1

Hjörvar hefur 3 vinninga og er í 2. sæti og Patrekur hefur 2 vinninga og er í 7.-9. sæti.

C flokkur 1995-96
Joar Öhlund SVÍ - Friðrik Þálfi Stefánsson ÍSL  1-0
Linus Johansson SVÍ - Dagur Andri Friðgeirsson ÍSL  1 - 0.

Dagur Andri hefur 2 vinninga og er í 5.-6. sæti og Friðrik Þjálfi hefur 1,5 vinning og er í 7.-10. sæti.
 

D flokkur 1997-98
Alfred Olsen FÆR - Kristófer Gautason ÍSL  0 - 1.
Jonathan Bråuner DAN - Jón Trausti Harðarson ÍSL 1-0

Kristófer hefur 2,5 vinning og er í 4.-6. sæti og Jón Trausti hefur 1,5 vinning og er í 9. sæti.

E flokkur 1999 og yngri
Kunal Bhatnagar SVÍ - Jón Kristinn Þorgeirsson ÍSL 1-0
Róbert Aron Eysteinsson ÍSL - Benjamin Bråuner DAN  1 - 0.

Róbert Aron hefur 2,5 vinning og er í 5. sæti og Jón Kristinn hefur 2 vinninga og er í 6.-8. sæti.

Það er loks kominn prýðileg heimasíða upp fyrir mótið þar sem hægt er að finna úrslit, stöðu, myndir og fleira auk þess sem Karl Gauti, faðir Kristófer uppfærir úrslit íslensku krakkana reglulega á heimasíðu TV og kann ritstjóri honum bestu þakkir fyrir.

 

• Heimasíða mótsins
• Heimasíða sænska sambandsins
• Heimasíða TV
• Heimasíða danska unglingasambandsins (pistlar frá danska liðsstjóranum - myndir)
• Keppendalistinn

Metrómót skákdeildar Fjölnis fer fram á morgun laugardag

Skákdeild Fjölnis býður grunnskólanemendum upp á að taka þátt í Metrómótinu á morgun laugardag, 20. febrúar kl. 11.00 - 12:30.  Þátttaka er ókeypis. Lyst hf gefur alla vinninga á mótið, gjafabréf á
hamborgarastaðinn Metró (áður McDonalds) og nammipoka. Skráning á staðnum. Keppendur eru beðnir um að koma tímanlega á mótsstað ti skráningar en teflt verður í Rimaskóla, gengið inn um íþróttahús.

Tveir efstu í barnaskólaflokki vinna  sér sæti á Reykjavík barnablitz 2010 sem fram fer í Ráðhúsi Reykjavíkur sunnudaginn 28. febrúar í tengslum við alþjóðlega Reykjavíkurskákmótið.
Öllum skákkrökkum á grunnskólaaldri er velkomið að taka þátt í stuttu en skemmtilegu Metróskákmóti. Sex umferðir, sex mínútur í umhugsun.

Sigríður Björg og Jóhanna Björg enduðu í 3.-5. sæti

Sigríður Björg Helgadóttir (1725) og Jóhanna Björg Jóhannsdóttir (1705) enduðu báðar í 3.-5. sæti á Noregsmóti stúlkna sem fram fór Kristiansstad um helgina.  Bjargirnar fengu 3½ vinning í sex skákum.

Í lokaumferðinni tapaði Sigríður fyrir Katrine Tjølsen (2212), sem er FIDE-meistari kvenna, langstigahæst stúlknanna og endaði efst með fullt hús.  Jóhanna Björg sigraði Lene Stephansen.  Í 2 sæti varð Elise Forså (1692) með 4½ vinning. 

Næsta verkefni stelpnanna er Reykjavíkurmótið en þær eru báðar í landsliðshópi Davíðs Ólafssonar fyrir Ólympíumótið sem fram fer næsta haust í Síberíu í Rússlandi.

• Heimasíða mótsins
• Tournament Services

Sigríður Björg í 2.-3. sæti á Noregsmóti stúlkna

Sigríður Björg Helgadóttir (1725) vann Ingrid Øen Carlsen (1508), sem er systir Magnúsar, í fimmtu og næstsíðustu umferð Noregsmóts stúlkna sem fram fór í dag.  Sigríður er í 2.-3. sæti með 3½ vinning og er í 2.-3. sæti.  Jóhanna Björg Jóhannsdóttir (1705) tapaði fyrir Elise Forså (1692) og hefur 2½ vinning og er í 6.-7. sæti.

Sigríður mætir í lokaumferðinni Katrine Tjølsen (2212), sem er FIDE-meistari kvenna, langstigahæst stúlknanna og efst með fullt hús.   Jóhanna Björg teflir við Lene Stephansen. 

 

• Heimasíða mótsins
• Tournament Services

Hjallaskóli Íslandsmeistari grunnskólasveita stúlkna

Skáksveit Hjallaskóla sigraði á Íslandsmóti grunnskólasveita - stúlknaflokki sem fram fór í Salaskóli í Kópavogi í dag.  Í 2. sæti varð skáksveit Engjaskóla og í þriðja sæti varð b-sveit sama skóla.  Engjaskóli sigraði í keppni b-liða og Salaskóli í keppni c-liða.  Það voru mættar 13 sveitir. 7 úr 4 skólum í Kópavogi. 1 utan höfuðb.svæðis - Eyjaskvísur.  Edda Sveinsdóttir og Magnús Pálmi Örnólfsson stóðu fyrir mótinu og önnuðust skákstjórn.   

Tvær sveitir (Digranesskóla og Snælandsskóla) voru með stelpur á 3 borðum og allar mjög ungar og nýbyrjaðar að tefla. Áttu erfitt uppdráttar en stóðu sig eins og hetjur.

Skáksveit Hjallaskóla:

• 1.       Ásta Sóley Júlíusdóttir
• 2.       Sonja María Friðriksdóttir
• 3.       Ásta Sonja Ólafsdóttir
• 4.       Tara Sóley Mobee

Liðsstjóri Smári Rafn Teitsson

 

Borðaverðlaun:

• 1.       Borð  Hrund Hauksdóttir með 7/7  Rimaskóla
• 2.       Borð Honey Grace 5,5/7 Engjaskóla B
• 3.       Borð Rósa Róbertsdóttir 7/7 Engjaskóla B
• 4.       Borð Tara Sóley Mobee 7/7 Hjallaskóla

Efsta sveit

• A.      Sveit  Hjallaskóla
• B.      Sveit Engjaskóla
• C.      Sveit Salaskóla

Úrslit urðu:

• 1.       Hjallaskóli A  22v
• 2.       Engjaskóli A 19,5 v
• 3.       Samsett sveit Rimaskóli B og Hólabrekkuskóli - vann ekki til verðlauna  19v
• 4.       Engjaskóli B 18v
• 5.       Salaskóli A 17,5v
• 6.       Rimaskóli A 17v
• 7.       Flataskóli 17v
• 8.       Grunnskóli Vestmannaeyja 16v.
• 9.       Hjallaskóli B 14v
• 10.   Salaskóli C 11v
• 11.   Salaskóli B 10v
• 12.   Snælandsskóli 10v  
• 13.   Digranesskóli 4v

 

• Myndaalbúm mótsins
• Fréttasíða Smára (enn fleiri myndir)

Íslandsmót grunnskólasveita - stúlknaflokkur fer fram í dag í Salaskóla

Íslandsmót grunnskólasveita 2010 - stúlknaflokkur fer fram sunnudaginn 7. febrúar nk. í Salaskóla, Kópavogi.    

Hver skóli má senda fleiri en eina sveit.  Hver sveit er skipuð fjórum keppendum (auk varamanna).  Mótið hefst kl. 14.00 og tefldar verða 7 umferðir, 2 x 15 mín. eftir Monrad-kerfi.  Skráning fer fram á skrifstofu S.Í. sími 568 9141 kl. 10-13 virka daga og í tölvupósti:  [e-mail].

 

 

Hrund og Sonja María Íslandsmeistarar stúlkna

Hrund Hauksdóttir og Sonja María Friðriksdóttir urðu í dag Íslandsmeistarar stúlkna.   Hrund í flokki stúlkna fæddra 1994-96 og Sonja María í flokki stúlkna fæddra 1997 og síðar.  Sonja sigraði Veroniku Steinunni Magnúsdóttur í einvígi 2-1 en þær komu jafnar í mark í yngri flokknum.  Sonja María hefur tryggt sér þátttökurétt á NM stúlkna sem fram fer í Reykjavík í apríl.

 

Eldri flokkur:

Þar voru aðeins 2 keppendur og tefldu einvígi.  Hrund Hauksdóttir sigraði Huldu Maríu Finnbogadóttur 4-0.  Hrund vann allar skákirnar gegn Huldu Rún nokkuð örugglega og er án efa sú allra besta á landinu sem enn er í grunnskóla.

Yngri flokkur:

16 skákkonur tóku þátt.   Þar komu Veronika Steinunn Magnúsdóttir og Sonja María Friðriksdóttir jafnar í mark en háðu aukakeppni um Íslandsmeistaratitilinn.  Þar var jafnt 1-1 og því var tefld viðbótarskák þar sem Sonja hafði betur.   Hildur Berglind Jóhannsdóttir varð í þriðja sæti.

Stúlkurnar skiptust á að sigra hverja aðra framan af móti og eftir fjórar umferðir hafði aðeins Veronika Steinunn lagt alla andstæðinga sína að velli. Nokkrar stúlkur komu í humátt eftir henni með 3 vinninga. Í fimmtu umferð mættust svo þær stöllur Veronika Steinunn og Sonja María í sinni fyrstu skák í mótinu. Sonja vann þá skák og komst þar með upp að hlið Veroniku. Þær unnu svo báðar sínar skákir í 6. umferð og voru því efstar og jafnar fyrir lokaumferðina. Veronika, sem tefldi á köflum frábærlega, vann sína skák örugglega á meðan Sonja María sat uppi með gjörtapað tafl gegn Doniku Kolica. Með sigri hefði Donika tryggt sér annað sæti mótsins. Sonja María sýndi hins vegar mikla seiglu og náði að máta Doniku og þar með tryggja sér einvígi gegn Veroniku. Sonja reyndist sterkari í einvíginu sem hún hafði eins og áður segir í bráðabana. Hrósa ber öllum stúlkunum fyrir hina ágætustu taflmennsku á köflum og í því skyni er rétt að nefna glæsilega biskupsfórn Veroniku Steinunnar þegar hún fórnaði Biskup á h7 sem leiddi til liðsvinnings í nokkrum leikjum.

Lokastaðan í yngri flokki:

 

Rk.	Name	Club/City	Pts.
1	Magnusdottir Veronika Steinunn	TR - Melaskóla	6
2	Fridriksdottir Sonja Maria	Hjallaskóla	6
3	Johannsdottir Hildur Berglind	Hellir - Salaskóla	5
4	Mobee Tara Soley	Hellir - Hjallaskóla	4
5	Kolica Donika	TR - Hólabrekkuskóla	4
6	Palsdottir Soley Lind	TG - Hvaleyrarskóla	4
7	Juliusdottir Asta Soley	Hellir - Hjallaskóli	4
	Olafsdottir Asta Sonja	Hellir - Hjallaskóla	4
9	Bargamento Honey Grace	Engjaskóla	4
10	Gautadottir Aldis Birta	Engjaskóla	3
11	Robertsdottir Rosa Linh	Engjaskóla	3
12	Adalsteinsdottir Asdis Eik	Engjaskóla	3
13	Freygardsdottir Solrun Elin	TR - Árbæjarskóla	3
14	Freygardsdottir Halldora	TR - Árbæjarskóla	1,5
15	Hauksdottir Heidrun Anna	Fjölnir - Rimaskóla	1
16	Eidsdottir Eyrun Margret	UMSB - Borgarnes	0,5

Skákstjóri var Páll Sigurðsson.   

Umgjörð á mótinu var öll hin besta og heimamönnum til sóma.   

Chess-Results