MR Íslandsmeistari framhaldsskólasveita

Sveit Menntaskólans í Reykjavík varð Íslandsmeistari framhaldsskólasveita í skák 2010. M.R. hlýtur því rétt á að tefla fyrir Íslands hönd á Norðurlandamóti framhaldsskólasveita sem fram fer í Danmörku í september. Sveit M.R. varði því Íslandsmeistaratitil sinn frá því í fyrra, og er sveitin Norðurlandameistari frá 2009.

Íslandsmót framhaldsskólasveita fór fram í kvöld föstudaginn 26. mars í húsakynnum Taflfélags Reykjavíkur, Faxafeni 12. Sex sveitir voru skráðar til leiks, en þegar til kom forfölluðust sveitir Fjölbrautar í Garðabæ og Fjölbrautar í Breiðholti. Fjórar sveitir tefldu því einfalda umferð með 30 mín. umhugsunartíma. Það voru A- og B sveitir Menntaskólans í Reykjavík, Verzlunarskóli Íslands og Menntaskólinn við Hamrahlíð.

Íslandsmót framhaldsskólasveita hefur verið haldið sleitulaust frá árinu 1971 og var það Taflfélag Reykjavíkur sem stofnaði til þessa móts og hefur verið mótshaldari frá upphafi. Menntaskólinn við Hamrahlíð hefur oftast unnið þessa keppni eða í yfir 20 skipti. Ánægjulegt var að sjá tvöfalt fleiri sveitir nú en í fyrra, en nokkur lægð hefur verið yfir þátttöku í þessu móti undanfarin ár. Keppendur á skákmótinu í kvöld eru flest öll reyndir skákmenn, bæði sem einstaklingar og sem sveitarneðlimir sinna grunnskólasveita undanfarinna ára. Ef þróunin verður sú að skákkrakkar úr grunnskólum landsins haldi áfram keppni í sveitakeppnum framhaldsskóla, þá á þetta mót góða framtíð fyrir sér! Vonandi verða enn fleiri sveitir með að ári liðnu og einnig sveitir frá framhaldsskólum af landsbyggðinni.

Nánari úrslit urðu sem hér segir:

• 1. sæti: Menntaskólinn í Reykjavík A-sveit með 8 1/2 vinning.
• 2. sæti: Verzlunarskóli Íslands með 5 1/2 vinning.
• 3. sæti: Menntaskólinn í Reykjavík B-sveit með 5 1/2 vinning.
• 4. sæti: Menntaskólinn við Hamrahlíð með 4 1/2 vinning.

Í sigurliði M.R. eru:

• 1. b. Sverrir Þorgeirsson
• 2. b. Bjarni Jens Kristinsson
• 3. b. Hallgerður Helga Þorsteinsdóttir
• 4. b. Paul Joseph Frigge

 

Í silfurliði Verzlunarskóla Íslands eru:

• 1. b. Hjörvar Steinn Grétarsson
• 2. b. Patrekur Maron Magnússon
• 3. b. Hörður Aron Hauksson
• 4. b. Jökull Jóhannsson

 

Í bronsliði M.R. B-sveitar eru:

• 1. b. Jóhanna Björg Jóhannsdóttir
• 2. b. Jóhannes Bjarki Tómasson
• 3. b. Mikael Luis Gunnlaugsson
• 4. b. Daníel Björn Yngvason

 

Í liði M.H. sem lenti í 4. sæti eru:

• 1. b. Daði Ómarsson
• 2. b. Tinna Kristín Finnbogadóttir
• 3. b. Matthías Pétursson
• 4. b. Geirþrúður Anna Guðmundsdóttir

 

Skákstjóri var Ólafur H. Ólafsson.

Páskaeggjamót Hellis fer fram á mánudag

Páskaeggjamót Hellis verður haldið mánudaginn 29. mars 2010, og hefst taflið kl. 17, þ.e. nokkru fyrr heldur en venjulegar mánudagsæfingar. Páskaeggjamótið kemur í stað mánudagsæfingar. Tefldar verða 7 umferðir með 7 mínútna umhugsunartíma. Mótið er opið öllum krökkum á grunnskólaaldri. Ókeypis er fyrir félagsmenn í Helli en fyrir aðra er þátttökugjald kr. 500.

Allir þátttakendur keppa í einum flokki en verðlaun verða veitt í tveimur aðskildum flokkum. Páskaegg verða í verðlaun fyrir þrjú efstu sætin, bæði í eldri flokki (fæddir 1994 - 1996) og yngri flokki (fæddir 1997 og síðar). Að auki verða tvö páskaegg dregin út og efsta stúlkan í mótinu fær páskaegg í verðlaun. Enginn fær þó fleiri en eitt páskaegg.

Páskaeggjamótið verður haldið í félagsheimili Hellis að Álfabakka 14a í Mjóddinni. Inngangur er við hliðina á Subway en salur félagsins er á þriðju hæð hússins.

Atkvöld hjá Helli á mánudag

Taflfélagið Hellir heldur atkvöld mánudaginn  29. mars 2010 og hefst mótið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með tuttugu mínútna umhugsun. Teflt er í félagsheimili Hellis í Álfabakka 14a í Mjóddinni.

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Stefnir í rjómablíðu í Vestmannaeyjum um helgina - frábært siglingaveður og enn hægt að skrá sig

Nú styttist í Íslandsmót barna sem fram fer í Eyjum á Sunnudaginn.  Veðurspáin er með besta móti, norðanátt sem er besta áttin fyrir siglingar með Herjólfi.  Það er því upplagt fyrir foreldra ofan af landi að skella sér bara til Eyja eina nótt, skoða gosmökkinn og fagrar Eyjar á meðan barnið teflir á skemmtilegu skákmóti.  Opið er fyrir skráningu allt fram á sunnudagsmorgun.  Allar upplýsingar um ferðir og gistingu má nálgast á slóðinni http://www.skak.blog.is/blog/skak/entry/1034069/ eða hringja bara í Karl Gauta formann TV í síma 898 1067.

39 skákmenn hafa þegar skráð sig til leiks.   Allar nánari upplýsingar um mótið má nálgast á heimasíðu TV.

Íslandsmót framhaldsskólasveita hefst í dag

Íslandsmót framhaldsskólasveita í skák 2010 hefst föstudag 26. mars nk. kl. 19 og er fram haldið laugardag 27. mars kl. 17.  Teflt er í húsakynnum Taflfélags Reykjavíkur í Skákhöllinni Faxafeni 12.

Keppnisfyrirkomulag er með svipuðu sniði og áður, hver sveit skal skipuð fjórum nemendum á framhaldsskólastigi (f. 1990 og síðar), auk 1- 4 til vara. Tefldar verða sjö umferðir eftir Monrad- kerfi, ef næg þátttaka fæst. Að öðrum kosti tefla sveitir einfalda umferð allar við allar. Umhugsunartími er ½ klukkustund á skák fyrir hvorn keppanda.

Nánar um mótsreglur sjá vef Skáksambands Íslands (Lög og Reglugerðir, Reglugerð um Íslandsmót framhaldsskólasveita í skák). http://www.skaksamband.is

Fjöldi sveita frá hverjum skóla er ekki takmarkaður. Sendi skóli fleiri en eina sveit skal sterkasta sveitin nefnd A- sveit, næsta B- sveit o.s.frv. Einnig skal raðað innan hverrar sveitar eftir styrkleika þannig að sterkasti skákmaðurinn er á fyrsta borði o.s.frv. - Ekkert þátttökugjald.

Vinsamlegast tilkynnið þátttöku á netfang Taflfélags Reykjavíkur [e-mail]  í síðasta lagi fimmtudag 25. mars.

Áskorendaflokkur hefst 31. mars í Mosfellsbæ

Áskorendaflokkur Íslandsmótsins í skák fer fram í íþróttamiðstöðinni, Lágafelli, í Mosfellsbæ dagana 30. mars til 10. apríl nk.  Teflt verður yfir páska og hefst taflmennskan kl. 18 á virkum dögum en kl. 14 um helgar.  Nú þeger eru 29 keppendur skráðir til leiks en upplýsingar um skráningar má nálgast á Chess-Results.

Skráning fer fram á Skák.is.  Upplýsingar um skráða keppendur má finna hér.

Dagana 6.-9. apríl fer fram skákvika grunnskólunum í Mosfellsbæ í samvinnu bæjarfélagsins og Skákskóla Íslands.  

Tímamörk eru 1½ klst. á skákina auk 30 sekúnda á leik í ákskorendaflokki.

Verðlaun:                   

• 1. 40.000.-
• 2. 25.000.-
• 3. 15.000.-

 

Aukaverðlaun:                       

• U-2000 stigum           8.000.-
• U-1600 stigum           8.000.-
• U-16 ára                   8.000.-
• Kvennaverðlaun        8.000.-
• Fl. stigalausra            8.000.-

 

Aukaverðlaun eru háð því að a.m.k. 5 keppendur séu í hverjum flokki og eingöngu er hægt að vinna til einna aukaverðlauna.  Reiknuð verða stig séu fleiri en einn í efsta sæti.  Stigaverðlaunin miðast við íslensk skákstig.

Þátttökugjöld:           

• 18 ára og eldri            3.000.-
• 17 ára og yngri           2.000.-

 

Dagskrá:

 

Umferðir	Dags.	Vikudagur	Byrjar	Endar
1	31.mar	Miðvikudagur	18:00	23:00
Frídagur	01.apr	Fimmtudagur
2	02.apr	Föstudagur	14:00	19:00
3	03.apr	Laugardagur	14:00	19:00
4	04.apr	Sunnudagur	14:00	19:00
Frídagur	05.apr	Mánudagur
5	06.apr	Þriðjudagur	18:00	23:00
6	07.apr	Miðvikudagur	18:00	23:00
7	08.apr	Fimmtudagur	18:00	23:00
8	09.apr	Föstudagur	18:00	23:00
9	10.apr	Laugardagur	14:00	19:00

 
Keppendalistinn (26. mars kl. 10:00):

 

1	WGM	Ptacnikova Lenka	0	2317	Hellir
2		Hjartarson Bjarni	0	2112	Fjölnir
3		Kristinsson Bjarni Jens	0	2041	Hellir
4		Bjornsson Eirikur K	0	2013	TR
5		Thorsteinsdottir Hallgerdur	0	1984	Hellir
6		Jonsson Olafur Gisli	0	1894	KR
7		Finnbogadottir Tinna Kristin	0	1785	UMSB
8		Johannsson Orn Leo	0	1745	TR
9		Antonsson Atli	0	1720	TR
10		Johannsdottir Johanna Bjorg	0	1714	Hellir
11		Ulfljotsson Jon	1700	0	Vík
12		Sigurdarson Emil	0	1641	Hellir
13		Hauksdottir Hrund	0	1616	Fjölnir
14		Andrason Pall	0	1604	TR
15		Karlsson Snorri Sigurdur	1595	0	Haukar
16		Thoroddsen Arni	1555	0
17		Lee Gudmundur Kristinn	0	1534	Hellir
18		Hardarson Jon Trausti	1500	0	Fjölnir
19		Gudbrandsson Geir	0	1479	Haukar
20		Sigurdsson Birkir Karl	0	1448	TR
21		Leosson Atli Johann	1360	0	KR
22		Kristbergsson Bjorgvin	1225	0	TR
23		Finnbogadottir Hulda Run	1190	0	UMSB
24		Johannesson Petur	1085	0	TR
25		Agustsson Egill Steinar	0	0	Bol
26		Bergsson Aron Freyr	0	0
27		Eggertsson Daniel Andri	0	0
28		Kristinsson Kristinn Andri	0	0
29		Viktorsson Svavar	0	0

 

• Heimasíða SÍ
• Chess-Results

 

Stefán Bergsson sigraði á fjölmennu fimmtudagsmóti

Stefán Bergsson sigraði á fjölmennasta fimmtudagsmóti vetrarins til þessa. Hann var eini taplausi keppandinn en gerði jafntefli við Finn Kr. Finnsson. Í kaffihléinu eftir fjórðu umferð var Elsa María Kristínardóttir ein með fullt hús. Rétt er að taka fram að hvergi verður slakað á og verður teflt í Faxafeni n.k. fimmtudag, á skírdag. Úrslit í gærkvöldi urðu annars sem hér segir:  

 

• 1   Stefán Bergsson                          6.5   
• 2   Elsa María Kristínardóttir               5.5    
•  3-6  Gunnar Finnsson                          5      
•       Sigfús Jónsson                           5       
•       Oliver Aron Jóhannesson                  5      
•       Páll  Snædal Andrason                    5      
•  7-8  Jón Trausti Harðarson                    4.5    
•       Guðmundur K. Lee                         4.5     
• 9-13  Stefán Pétursson                         4       
•       Birkir Karl Sigurðsson                   4       
•       Jón Úlfljótsson                          4       
•       Örn Leó Jóhannsson                       4       
•       Sigurður Þórðarson                       4       
• 14-16 Dagur Ragnarsson                         3.5     
•       Gunnar Friðrik Ingibergsson              3.5     
•       Kristófer Jóel Jóhannesson               3.5    
• 17-21 Vignir Vatnar Stefánsson                 3        
•       Óskar Einarsson                          3       
•       Jóhannes Guðmundsson                     3      
•       Gauti Páll Jónsson                       3       
•       Donika Kolica                            3       
•  22   Finnur Kr. Finnsson                      2.5     
• 23-26 Kristinn Andri Kristinsson               2      
•       Björgvin Kristbergsson                   2       
•       Pétur Jóhannesson                        2       
•       Sigurður Kjartansson                     2        
•  27   Jakob Alexander Petersen                 1       
•  28   Andri Már Hannesson                      0      

Björn efstur á Meistaramóti Ása

Það var hart barist á mörgum borðum á fyrri helming meistaramóts Ása sem fram fór á þriðjudaginn í Stangarhyl 4. 24 skákmenn taka þátt í mótinu.  Björn Þorsteinsson er efstur með 6 vinninga að loknum 7 umferðum.  Haraldur Axel Sveinbjörnsson og Magnús Sólmundarson koma næstir með 5½ vinning.

Staðan:

 

• 1       Björn Þorsteinsson                           6      vinninga
• 2-3    Haraldur Axel Sveinbjörnsson           5.5        -
•          Magnús Sólmundarson                     5.5        -
• 4-5    Jóhann Örn Sigurjónsson                  5          -
•          Friðrik Sófusson                               5          -
• 6       Halldór Skaftason                             4.5       -
• 7-13  Magnús V Pétursson                         4           -
•          Sigfús Jónsson                                 4          -
•          Þorsteinn Guðlaugsson                      4          -
•          Gísli Gunnlaugson                             4          -
•          Jónas Ástráðsson                              4
•          Gísli Sigurhansson                              4          -
•          Finnur Kr Finnsson                            4          -
• 14     Einar S Einarsson                                3.5       -

Næstu 10 eru með örlítið færri vinninga.  Mótið klárast næsta þriðjudag.   

Helgi Brynjarsson skákmeistari Vals

Miðvikudagskvöldið 24. mars 2010 var Skákmót Vals haldið. Var það annað árið í röð eftir nokkura ára dvala.  Það fór vel um keppendur í hinni vistlegu Lollastúku. Mátti sjá nokkra kunna kappa úr herbúðum Valsmanna sitja að tafli.  Sigurvegari og skákmeistari Vals 2010 varð ungur menntaskólanemi Helgi Brynjarsson, sonur Valsmannsins góðkunna Brynjars Níelssonar lögfræðings. Sigur Helga var einkar glæsilegur. Hann hafði sigur í öllum skákunum og var heilum tveimur vinningum fyrir ofan næsta mann þegar upp var staðið.

Meðal keppenda má nefna meðal annarra, prímusmótorinn í félagsstarfi Vals síðustu áratugi Halldór Einarsson (Henson). Einnig má nefna þá Róbert Jónsson knattspyrnuþjálfara, Svein Stefánsson fyrrum framkvæmdastjóra félagsins, Friðjón Friðjónsson lögfræðing, Guðmund Þorsteinsson ritstjóra og Óttar Felix Hauksson skákmeistara Vals frá fyrra ári.

 

Röð efstu manna:

• 1.      Helgi Brynjarsson                    9 vinningar
• 2.      Páll Andrason                          7
• 3.      Guðmundur Kristinn Lee         6,5
• 4.      Óttar Felix Hauksson               5
• 5.      Birkir Karl Sigurðsson             5

Skákmeistarar Vals:

• 2009    Óttar Felix Hauksson
• 2010    Helgi Brynjarsson

Fimmtudagsmót hjá TR í kvöld

Að venju fer fram fimmtudagsmót T.R. í kvöld kl. 19.30.  Tefldar verða 7
umferðir með 7 mínútna umhugsunartíma.  Mótin
fara fram í félagsheimili T.R., skákhöllinni að Faxafeni 12, og opnar
húsið kl. 19.10.  Glæsilegur verðlaunapeningur er í boði fyrir
sigurvegarann.Mótin
eru öllum opin og er aðgangseyrir kr. 500 fyrir 16 ára og eldri en
frítt er fyrir 15 ára og yngri.  Boðið er upp á kaffi ásamt léttum
veitingum án endurgjalds.