MR Íslandsmeistari framhaldsskólasveita

Sveit Menntaskólans í Reykjavík varð í gær, 12. febrúar, Íslandsmeistari framhaldsskólasveita í skák 2011. M.R. hlýtur því rétt á að tefla fyrir Íslands hönd á Norðurlandamóti framhaldsskólasveita sem fram fer síðar á árinu. Þetta er þriðja árið í röð sem M.R. verður Íslandsmeistari framhaldskólasveita og er sveitin Norðurlandameistari frá 2009 og 2010! Glæsilegur árangur.  

Mótshaldari var að venju Taflfélag Reykjavíkur og fór mótið fram í Skákhöll T.R, Faxafeni 12. Fimm sveitir voru skráðar til leiks, en þegar til kom forfallaðist sveit M.H. Fjórar sveitir tefldu því einfalda umferð með 25 mín. umhugsunartíma. Það voru A- og B sveitir Menntaskólans í Reykjavík, Menntaskólinn í Kópavogi og Verzlunarskóli Íslands.

Fyrir síðustu umferð var M.R. A-lið með 7 1/2 vinning, en Hallgerður hafði gert jafntefli við Eirík Örn í M.K.  Verzlunarskólinn var með 7 vinninga eftir að Bergsteinn Már í B-liði M.R. hafði unnið sigur á Herði Aron. Hrein úrslitaviðureign var því í síðustu umferðinni milli þessa tveggja liða. Hallgerður og Jóhanna unnu sínar skákir á 3. og fjórða borði fyrir M.R. og jafntefli varð á 1. og 2. borði. Viðureignin fór því 3 -1 M.R. í vil og sigurinn var í höfn. Allt getur samt gerst á komandi árum, því framhaldsskólasveitirnar breytast með reglulegu millibili, þegar liðsmenn útskrifast sem stúdentar! Það ætti því að vera hvetjandi fyrir framhaldsskólanema um allt land að fara að huga að næstu keppni að ári liðnu og tefla fram sinni sterkustu sveit.

Skákstjóri var Ólafur H. Ólafsson og myndir tók Sigurlaug Regína Friðþjófsdóttir.

Nánari úrslit urðu sem hér segir:

• 1. sæti: Menntaskólinn í Reykjavík A-sveit með 10 1/2 vinning.
• 2. sæti: Verzlunarskóli Íslands með 8 vinninga.
• 3. sæti: Menntaskólinn í Reykjavík B-sveit með 3 vinninga.
• 4. sæti: Menntaskólinn í Kópavogi með 2 1/2 vinning.

Í sigurliði M.R. eru:

• 1. b. Sverrir Þorgeirsson
• 2. b. Bjarni Jens Kristinsson
• 3. b. Hallgerður Helga Þorsteinsdóttir
• 4. b. Jóhanna Björg Jóhannsdóttir

 

Í silfurliði Verzlunarskóla Íslands eru:

• 1. b. Hjörvar Steinn Grétarsson
• 2. b. Helgi Brynjarsson
• 3. b. Patrekur Maron Magnússon
• 4. b.  Hörður Aron Hauksson

 

Í bronsliði M.R. B-sveitar eru:

• 1. b. Paul Frigge
• 2. b. Árni Guðbjörnsson
• 3. b. Leó Jóhannsson
• 4. b. Bergsteinn Már Gunnarsson

Í liði M.K. sem lenti í 4. sæti eru:

• 1. b. Páll Andrason
• 2. b. Tjörvi Schiöt
• 3. b. Eiríkur Örn Brynjarsson
• 4. b. Fannar Páll Vilhjálmsson

Myndaalbúm mótsins

Skákþáttur Morgunblaðsins: Björn Þorfinnsson skákmeistari Reykjavíkur 2011

Björn Þorfinnsson varð skákmeistari Reykjavíkur í annað sinn eftir geysispennandi lokaumferð en fyrir hana var hann efstur að vinningum ásamt Hjörvari Steini Grétarssyni. Björn vann Hrafn Loftsson nokkuð örugglega en Hjörvar tapaði fyrir Sigurbirni Björnssyni. Um 70 skákmenn tóku þátt í mótinu en efstu menn urðu þessir:

1. Björn Þorfinnsson 8 v. (af 9) 2. Sigurbjörn Björnsson 7½ v. 3. Hjörvar Steinn Grétarsson 7 v. 4.-5. Gylfi Þórhallsson og Guðmundur Gíslason 6½.

Björn Þorfinnsson er nú Reykjavíkurmeistari í annað sinn. Glöggir menn þykjast sjá að hann hafi náð að ráða bót á ýmsum annmörkum sem áður stóðu honum fyrir þrifum.

Önnur úrslit koma ekki á óvart. Vert er þó að benda á góða frammistöðu Hallgerðar Helgu Þorsteinsdóttur sem varð í 7.-13. sæti. Guðmundur Kristinn Lee hækkaði sig mest á stigum eða um tæplega 50 stig.

Nakamura sigraði í Wijk aan Zee

Úrslitin í efsta flokki stórmótsins í Wijk aan Zee eru mikill sigur fyrir Bandaríkjamanninn unga Hikaru Nakamura, sem eins og nafnið bendir til er af japönskum uppruna. Hann er einn ötulasti skákmaðurinn á hinu vinsæla vefsvæði ICC þar sem hann teflir jöfnum höndum „bullet" og venjulegar hraðskákir. Sigur hans var afar anngjarn. Magnús Carlsen deildi 3. sæti með Aronjan. Á lokasprettinum lagði hann Kramnik að velli með svörtu. Lokastaðan varð þessi:

1. Nakamura 9 v. (af 13) 2. Anand 8½ v. 3.-4. Carlsen og Aronjan 8 v. 5.-6. Vachier Lagrave og Kramnik 7½ v. 7.-8. Giri og Ponomariov 6½ v. 9.-10. Nepomniachchi og Wang Hao 6 v. 11.-13. Grichuk, Smeets og L´Ami 4½ v. 14. Alexei Shirov 4 v.

Kortsnoj gefur ekkert eftir

Á opna mótinu í Gíbraltar beinist athygli manna ekki aðeins að efsta manni, Vasilij Ivanstjúk sem hefur aðeins misst einn vinning í fyrstu níu umferðunum; Viktor Kortsnoj, fæddur 23. mars 1931, hlýtur að teljast besti öldungur allra tíma. Sem fyrr tekur hann sigrum með jafnaðargeði en er dálítið önugur þegar hann tapar og lætur þá yfirleitt nokkur vel valin orð falla. Eftir níu umferðir hafði Kortsnoj unnið þrjár skákir og gert sex jafntefli. Í 2. umferð vann hann þriðja stigahæsta keppandann, Ítalann Caruno, sem er með 2721 elo-stig:

Fabiano Caruno - Viktor Kortsnoj

Spænskur leikur

1. e4 e5 2. Rf3 Rc6 3. Bb5 a6 4. Ba4 Rf6 5. d3 d6 6. c3 Be7 7. O-O O-O 8. He1 Rd7 9. Be3 Rb6 10. Bb3 Kh8 11. Rbd2 f5 12. Bxb6 cxb6 13. Bd5 g5!

Ekki verður því haldið fram að það vanti persónuleika í stíl Kortsnojs sem hikar ekki við að leggja til atlögu.

14. h3 g4 15. hxg4 fxg4 16. Rh2 Bg5 17. Rc4 b5 18. Re3 Bxe3

Það er meiri „hraði" í þessum leik en 18. ... h5.

19. Hxe3 Df6 20. De1 Re7 21. f3 Rxd5 22. exd5 Hg8 23. Dg3 gxf3 24. Dxf3 Bf5 25. Hf1 Hg5 26. Kh1 Dh6 27. Hf2 Hag8

Og svartur er með góð færi eftir g-línunni.

28. He1 Dg6

Enn betra var 28. ... Hh5 29. g3 Dg6 o.s.frv.

29. He3

29. ... Bxd3!

Nú strandar 30. Hxd3 á e4 og vinnur.

30. Kg1 e4 31. Dh3 Hxd5 32. Dd7 Hg5 33. g4 Dh6 34. Hf7 H5g7 35. Hxg7 Hxg7 36. Dd8+ Hg8 37. Db6 Df6 38. Dxb7 Hf8 39. Da7 b4 40. Hh3 Dg7 41. De3 bxc3 42. bxc3 Dxc3 43. Hh5 d5 44. g5 Da1+ 45. Kg2 Bf1+ 46. Kg3 De5+

- og hvítur gafst upp.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum, 6. febrúar 2011.

Skákþættir Morgunblaðsins

Henrik býður upp á skákkennslu í gegnum vefinn

Stórmeistarinn Henrik Danielsen býður áhugasömum skákmönnum upp á skákkennslu í gegnum netið.  Kennslan fer fram með skákmyndböndum.  Henrik mun daglega senda myndbönd með útreikningum, byrjunum og endatöflum.   Einu sinni á mánuði hittir hann svo skákmennina í gegnum Skype.

Nánar á Skákhorninu.

Áhugasamir hafi samband við Henrik í netfangið [e-mail]

Skákþing Goðans

Skákþing Goðans 2011 fer fram helgina 18.-20. febrúar nk. í sal Framsýnar-stéttarfélags að Garðarsbraut 26 á Húsavík. Mótið er öllum opið.

Tefldar verða 7 umferðir eftir monrad-kerfi, 4 atskákir og 3 kappskákir.
Mótið verður reiknað til Íslenskra og fideskákstiga.                                 

Dagskrá:
Föstudagur   18 febrúar  kl 20:00  1-4 umferð.   (atskák 25 mín )
Laugardagur 19 febrúar  kl 10:00  5. umferð.     (90 mín +30 sek á leik)
Laugardagur 19 febrúar  kl 15:00  6. umferð.       -------------------
Sunnudagur  20 febrúar  kl 10:00  7. umferð.       -------------------
 
Verðlaun verða með hefðbundnu sniði. 3 efstu í fullorðins flokki og 3 efstu í 16 ára og yngri.
Farandbikar fyrir sigurvegarann.
 
Þátttökugjald er 2000 krónur fyrir fullorna og 1000 krónur fyrir 16 ára og yngri. 
Skráning í mótið fer fram á heimasíðu Goðans. Einnig er hægt að skrá sig til leiks í síma 464 3187 eða 821 3187.
Listi yfir skráða keppendur er hér.

Núverandi skákmeistari Goðans er Rúnar Ísleifsson.

Þetta verður 8. skákþing Goðans og lista yfir titilhafanna er hér fyrir neðan:

2004    Baldur Daníelsson.
2005    Ármann Olgeirsson
2006    Ármann Olgeirsson      
2007    Smári Sigurðsson        
2008    Smári Sigurðsson
2009    Benedikt Þorri Sigurjónsson
2010    Rúnar Ísleifsson 
2011       ? 

Heimasíða Goðans

Eiríkur Örn sigraði á fimmtudagsmóti

Eiríkur Örn Brynjarsson varð hlutskarpastur á Fimmtudagsmóti T.R. í gærkvöldi, með fimm sigra og tvö jafntefli, og var jafnframt eini taplausi keppandinn.

Elsa María leiddi mótið lengi vel, en hún tapaði einungis fyrir Eiríki. Hún fékk einnig 6 vinninga, en var lægri á stigum. Í þriðja sæti var svo Jón Úlfljótsson með 5 vinninga.

Þátttakendur voru 21 á þessu hvassviðrasama kvöldi. En eins og allir vita er bara notalegt að tefla þegar veðrið er snarvitlaust og auk þess er alltaf heitt á könnunni og meðlæti fyrir unga sem aldna á Fimmtudagsmótunum í T.R.

Skákstjóri var Sigurlaug Regína Friðþjófsdóttir.

Úrslit:

• 1. Eiríkur Örn Brynjarsson 6 v. af 7.
• 2. Elsa María Kristínardóttir 6 v.
• 3. Jón Úlfljótsson 5 v.
• 4. Páll Andrason 4,5 v,
• 5. Hörður Aron Hauksson 4,5 v.
• 6. Oliver Aron Jóhannesson 4 v.
• 7. Stefán Már Pétursson 4 v.
• 8. Jón Trausti Harðarson 4 v.
• 9. Birkir Karl Sigurðsson 4 v. 
• 10.  Patrekur M. Magnússon 4 v.  
• 11. Jon Olav Fivelstad 4 v.
• 12. Kristinn Andri Kristinsson 3,5 v.
• 13. Vignir Vatnar Stefánsson 3 v.
• 14. Gunnar Ingibergsson 3 v.
• 15. Veronika Steinunn Magnúsdóttir 3 v.
• 16. Óskar Long Einarsson 3 v.
• 17. Kjell Vaalerhaugen 3 v.
• 18. Eyþór Trausti Jóhannsson 3 v.
• 19. Ingvar Vignisson 2,5 v.
• 20. Björgvin Kristbergsson 2 v.
• 21. Pétur Jóhannesson 1 v.

Vinjarmót á mánudag

Á mánudaginn, 14. febrúar, heldur Skákfélag Vinjar mót að Hverfisgötu 47 og hefst það klukkan 13:00.   Tilefnið er tvöfalt og ekki af verri endum, Valentínusardagurinn og átján ára afmæli Vinjar, en 8. feb. sl voru semsagt liðin 18 ár frá opnun athvarfsins.

Bragi Kristjóns og félagar hjá Bókinni ehf hafa tekið til bækur með blússandi kærleik og allir þátttakendur fá vel valda bók af sannkölluðum sérfræðingum bókmenntanna og reyndum rómantíkerum.

Og ekki nóg með það, því allir kvenkyns þátttakendur munu í upphafi móts fá sérvaldar kærleiksríkar ljóðabækur. Eru þær á misjöfnum aldri, en allar með fallega sál og fagurt innihald.

Þeir félagar, Ari Gísli og Eiríkur Ágúst frá Bókinni ehf setja mótið.

Tefldar verða sjö umferðir með sjö mínútna umhugsunartíma og skákstjóri verður sjálfur Valentínus okkar Íslendinga, herra Robert Lagerman.

Eftir fjórðu umferð verður boðið upp á kaffi og eitthvað huggulegt, í anda dagsins.

Kostar ekkert, bara mæta tímanlega og skrá sig.

Vin er athvarf Rauða kross Íslands fyrir fólk með geðraskanir, staðsett að Hverfisgötu 47.

Björn Ívar skákmeistari Vestmannaeyja - 3 meistaratitlar á örfáum dögum

Björn Ívar Karlsson (2211) hefur tryggt sér sinn þriðja meistaratitil í kvöld á aðeins örfáum dögum.  Í kvöld tryggði hann sér sigur á Skákþingi Vestmannaeyja þrátt fyrir að einni umferð sé ólokið en um síðustu helgi varð hann bæði skákmeistari Suðurlands og hraðskákmeistari Suðurlands. 

Úrslit 8. umferðar:

Bo.	Name	Pts.	Result	Pts.	Name
1	Magnusson Sigurdur A	3½	0 - 1	6½	Karlsson Bjorn-Ivar
2	Sverrisson Nokkvi	4½	1 - 0	5½	Unnarsson Sverrir
3	Thorkelsson Sigurjon	4½	½ - ½	3½	Gautason Kristofer
4	Gudlaugsson Einar	4	1 - 0	4	Olafsson Thorarinn I
5	Kjartansson Eythor Dadi	2	- - +	3½	Gislason Stefan
6	Jonsson Dadi Steinn	3½	1 - 0	2	Magnusdottir Hafdis
7	Kjartansson Tomas Aron	½	0 - 1	3½	Eysteinsson Robert Aron
8	Olafsson Jorgen Freyr	2	0 - 1	3	Hjaltason Karl Gauti

Staðan:

 

Rk.	Name	Rtg	Pts.	TB1
1	Karlsson Bjorn-Ivar	2211	7,5	37
2	Unnarsson Sverrir	1926	5,5	39
3	Sverrisson Nokkvi	1787	5,5	37,5
4	Thorkelsson Sigurjon	2039	5	40
5	Gudlaugsson Einar	1937	5	37,5
6	Gislason Stefan	1685	4,5	38
7	Jonsson Dadi Steinn	1590	4,5	31
8	Eysteinsson Robert Aron	1355	4,5	26,5
9	Olafsson Thorarinn I	1697	4	35,5
10	Hjaltason Karl Gauti	1545	4	28,5
11	Gautason Kristofer	1679	4	27,5
12	Magnusson Sigurdur A	1375	3,5	30,5
13	Olafsson Jorgen Freyr	1140	2	27
14	Kjartansson Eythor Dadi	1265	2	26
15	Magnusdottir Hafdis	0	2	25,5
16	Kjartansson Tomas Aron	1010	0,5	27

 

Röðun 9. umferðar (sunnudagur kl. 19:30):

 

Bo.	Name	Pts.	Result	Pts.	Name
1	Gautason Kristofer	4		7½	Karlsson Bjorn-Ivar
2	Unnarsson Sverrir	5½		5	Gudlaugsson Einar
3	Olafsson Thorarinn I	4		5½	Sverrisson Nokkvi
4	Magnusdottir Hafdis	2		5	Thorkelsson Sigurjon
5	Eysteinsson Robert Aron	4½		4	Hjaltason Karl Gauti
6	Olafsson Jorgen Freyr	2		4½	Jonsson Dadi Steinn
7	Gislason Stefan	4½		½	Kjartansson Tomas Aron
8	Kjartansson Eythor Dadi	2		3½	Magnusson Sigurdur A

• Heimasíða TV
• Chess-Results

Bragi Garðarsson látinn

Bragi Garðarsson, prentari, er nýlátinn 71 árs að aldri, eftir erfið veikindi, en hann hefur verið virkur félagi í Riddaranum og KR-klúbbnum ásamt Baldri tvíburabróður sínum í mörg ár.   Þeir voru báðir heiðraðir sérstaklega í tengslum við skákmótið Æskan og Ellin árið 2009 fyrir góða ástundun og tryggð sína við skákgyðjuna um árabil.  

Útför hans fer fram frá Fossvogskapellu þriðjudaginn 15.  febrúar, kl. 13.

Þröstur gerist Goði

Það sætir tíðindum þegar knáir kappar setjast að tafli á ný eftir langa brottvist.  Nú er það tíðinda að Fide-meistarinn öflugi, Þröstur Árnason (2288), er genginn til liðs við Goðann. Þar hittir hann fyrir fleiri kappa sem hafa tekið gleði sína á ný við skákborðið og nægir þar að nefna Ásgeir P. Ásbjörnsson, sem hafði líkt og Þröstur löngu lagt taflið á hilluna. Goðanum og skákhreyfingunni er mikill fengur að endurkomu slíkra snillinga sem auðga og efla íslenska skákflóru.

Þröstur vakti verulega athygli þegar hann sigraði á Skákþingi Reykjavíkur árið 1986, þá aðeins 13 ára að aldri, og yngstur allra fyrr og síðar til að bera þann titil.  Reyndar var þetta tvöfaldur sigur hjá Þresti því að hann sigraði á tvennum vígstöðvum í senn, í opnum flokki og í unglingaflokki, og sló þar við engu minni köppum en jafnaldra sínum Hannesi Hlífari Stefánssyni og Héðni Steingrímssyni, svo að fáeinir séu nefndir. 

Glæstasti árangur Þrastar er Evrópumeistaratitil skákmanna 16 ára og yngri árið 1988 sem vakti athygli víða um lönd og var mikið fjallað um hér heima. Meðal annarra afreka þessa geðþekka skákmanns má nefna að hann varð tvöfaldur Norðurlandameistari með skáksveit Seljaskóla, fjórfaldur Norðurlandsmeistari með skáksveit Menntaskólans við Hamrahlíð og vann einstaklingskeppnina að auki.  Þá eru ótalin fjölmörg önnur afrek þessa efnilega skákmanns sem hætti þátttöku í skákmótum aðeins rúmlega tvítugur að aldri og hefur nánast ekkert komið við sögu á skáksviðinu undanfarinn áratug.

Heimasíða Goðans

Stefán Þormar efstur hjá Ásum í dag

Það mættu 21 skákmaður  til leiks í Stangarhylinn í dag.  Stefán Þormar varð efstur með 9 vinninga af 10 mögulegum, í öðru sæti varð Haraldur Axel Sveinbjörnsson með 7.5 vinning og Gísli Sigurhansson í þriðja sæti með 7 vinninga.

Lokastaðan:

• 1          Stefán Þormar                       9        vinninga
• 2          Haraldur Axel                        7.5         --
• 3          Gísli Sigurhansson                 7            --
• 4-6       Valdimar Ásmundsson           6            --
•             Jón Víglundsson                    6            --
•             Sigfús Jónsson                      6            --
• 7-10      Ásgeir Sigurðsson                 5.5         --
•             Birgir Ólafsson                      5.5         --
•             Baldur Garðarsson                 5.5        --
•             Finnur Kr Finnsson                 5.5        --
• 11-15    Gísli Árnason                         5          --
•              Birgir Sigurðsson                   5         --
•              Jónas Ástráðsson                   5         --
•              Hermann Hjartarson              5         --
•              Bragi G Bjarnarson                5         --
• 16          Ingi E Árnason                     4.5       --
• 17-18     Viðar Arthúrsson                   4         --
•               Eiður Á Gunnarsson              4         --
• 19-20      Friðrik Sófusson                   3.5      --
•               Hrafnkell Guðjónsson            3.5      --
• 21          Sæmundur Kjartansson         2         --